ხობის მუნიციპალიტეტის საკრებულო

სიახლეები

აგვისტო 29, 2014

ნარდის ტურნირში ჟურნალიტები ერთვებიან

30 და 31 აგვისტოს ქალაქ წყალტუბოში, სასტუმრო „წყალტუბო პლაზაში“ ტარდება ჟურნალისტ გოგი ბუკიას სახელობის მემორიალური ღია საერთაშორისო ტურნირი ჟურნალიტებისთვის ნარდში, რომელიც “განათლების, კულტურისა და სულიერების აღორძინების, საერთაშორისო საქველმოქმედო ფონდ - “ხობის” პრეზიდენტის, გოდერძი ბუკიას ინიციატივითა და უშუალო მხარდაჭერით ყოველწლიურად იმართება, წელს უკვე მეორედ ტურნირში აქიურად მონაწილეობენ მეოთხე ხელისუფლების წარმომადგენლები, ცნობილი და წარმატებული ჟურნალისტები საქართველოს მასშტაბით დიდი ინტერესით ერთვებიან შეჯიბრში, განსაკუთებული აღნიშვნის ღირსნი სპორტის სფეროში მოღვაწე ჟურნალიტები არიან. ნარდის ტურნირში გოგის მშობლიური ქალაქ ხობიდან ადგილობრივი ბეჭდური მედიის წარმომადგენლები და მუნიციპალიტეტის საკრებულოსა და გამგეობის მედიასთან და პრესასთან ურთიერთობის თანამშრომლებიც ჩაერთვებიან. გამარჯვებული ჟურნალისტი მოიპოვებს საგზურს გოგი ბუკიას სახელობის ღია საერთაშორისო ტურნირზე მონაწილეობის მისაღებად, რომელიც ჩაქვში სასტუმრო „ოაზისში“ სექტემბრის შუა რიცხვებში გაიმართება.

აგვისტო 29, 2014

დასუფთავების მასშტაბურ აქციას ხობის მუნიციპალიტეტიც შეუერთდა

29 აგვისტოს საქართველოს მასშტაბით, მუნიციპალიტეტების ჩართულობით დასუფთავების აქცია ჩატარდა, რომელშიც აქტიურად ჩაერთო ხობის მუნიციპალიტეტიც. საკრებულოს, გამგეობის, ადმინისტრაციული ერთეულებისა და მუნიციპალიტეტის იურიდიული პირების თანამშრომლებმა საკრებულოს თავმჯდომარესთან ედიშერ ჯობავასთან და ხობის მუნიციპალიტეტის გამგებელთან გოჩა ქაჯაიასთან ერთად აქციის ფარგლებში ქალაქის და ადმინისტრაციული ერთეულების ტერიტორია დაასუფთავეს. ტერიტორია გაიწმინდა წინასაარჩევნო სააგიტაციო მასალისგან, ჩამოიხსნა შენობებზე, სკვერებში, ბოძებსა თუ სხვა ადგილებში გაკრული საარჩევნო პლაკატები. ასევე მოწესრიგდა საზოგადოებრივი თავშეყრის ადგილები.

აგვისტო 28, 2014

კონფერენცია 'ღვთისმშობლის კალთის ქვეშ“

28 აგვისტოს ხობში, ნოჯიხევის ყოვლადწმინდა ღვთისმშობლის ხარების დედათა მონასტერში ჩატარდა კონფერენცია სახელწოდებით „ღვთისმშობლის კალთის ქვეშ“, რომელიც ფოთისა და ხობის მიტროპოლიტის მეუფე გრიგოლის ლოცვა-კურთხევითა და ხობის მუნიციპალიტეტის გამგეობის კულტურის, განათლების, სპორტის, ძეგლთა დაცვისა და ახალგაზრდულ საქმეთა სამსხაურის ორგანიზებით წელს პირველად გაიმართა.

კონფერენციაზე წარმოდგენილი იყო თემები: „ხობის მონასტერი არქეოლოგია და სიწმინდეები“ (მომხსენებელი გოგიტა ჩიტაია), „თორსის არქეოლოგიური გათხრები ძველი კოლხური კულტურისა და ანტიკური ხანის ნამუშევრები“ (მომხსენებელი ლევან ჭაბაშვილი). კონფერენციის დასასრულს საუბარი კითხვა-პასუხის რეჟიმში წარიმართა სადაც ყურადღება გამახვილდა ხობის მონასტრის მნიშვნელობაზე, მასში დავანებულ სიწმინდეებზე და მათ ისტორიაზე. ასევე გაკეთდა მიმოხილვა ხობის მონასტრის კათალიკოსთა მოსაზრებების სხვადასხვა ისტორიულ წყაროებში არსებულ ფაქტებსა და მტკიცებულებებზე, დაისახა სამომავლო გეგმები.

კონფერენციას სამღვდელოებასთან და მოწვეულ სტუმრებთან ერთად ფოთისა და ხობის მიტროპოლიტი მეუფე გრიგოლი, ხობის მუნიციპალიტეტის საკრებულოს თავმჯდომარე ედიშერ ჯობავა, გამგებლის მოადგილე ვარაზ გაბედავა, ხობის მაჟორიტარი დეპუტატის ბიუროს ხელმძღვანელი რევაზ წულაია, გამგეობის კულტურის, განათლების, სპორტის, ძეგლთა დაცვისა და ახალგაზრდულ საქმეთა სამსხაურის უფროსი როზეტა შულაია, ადგილობრივი სამსახურების წარმომადგენლებთან ერთად დაესწრნენ.

აგვისტო 28, 2014

საზეიმო წირვა ხობის მონასტერში

28 აგვისტოს მართლმადიდებელი ქრისტიანები ღვთისმშობლის მიძინების დღესასწაულს აღნიშნავენ, მათ შორის ჩვენს მუნიციპალიტეტშიც. ხობის ღვთისმშობლის მიძინების სახელობის ტაძარში მარიამობის დღესასწაულთან დაკავშირებით საზეიმო წირვა ფოთისა და ხობის მიტროპოლიტმა მეუფე გრიგოლმა აღავლინა. საზეიმო წირვა-ლოცვას ხობის მუნიციპალიტეტის საკრებულოს თავმჯდომარე ედიშერ ჯობავა, ხობის მუნიციპალიტეტის გამგებელი გოჩა ქაჯაია, ფოთის საკრებულოს თავმჯდომარე ოთარ ხარჩილავა, ადგილობრივი ხელისუფლების წარმომადგენლებთან და მრველთან ერთად დაესწრნენ.

აგვისტო 27, 2014

ხობის მუნიციპალიტეტის საკრებულოს თავმჯდომარის მოლოცვა

ძვირფასო ხობელებო!

მარიამობის ბრწყინვალე დღესასწაულს გილოცავთ, დედა ღვთისა იყოს თქვენი და სრულიად საქართველოს შემწე, მადლისა და წყალობის მარად მომნიჭებელი.

საუკუნეების მანძილზე ღვითისმშობლის კვართი ხობში, ნოჯიხევის ყოვლადწმიდა ღვთისმშობლის მიძინების ტაძარში იყო დაბრძანებული ამ ბრწყინვალე დღესასწაულისა და წმიდა კვართის მადლი და ძალა ფარავდეს ხობის მუნიციპალიტეტის მოსახლეობას და სრულიად საქართველოს

გისურვებთ მშვიდობას, სიყვარულს, ულევ სიხარულს და ბედნიერ მომავალს.

ედიშერ ჯობავა

ხობის მუნიციპალიტეტის საკრებულოს თავმჯდომარე

აგვისტო 27, 2014

ახალგაზრდული პოლიტიკის განვითარების პროგრამა

საქართველოს სპორტისა და ახალგაზრდულ საქმეთა სამინისტროს ინიციატივითა და ხობის მუნიციპალიტეტის ურთიერთთანამშრომლობით, „ახალგაზრდული პოლიტიკის განვითარების პროგრამის“ ფარგლებში, 2014 წლის 27დან 31 აგვისტოს ჩათვლით ხორციელდება ლაშქრობა სამეგრელო-ზემო სვანეთის რეგიონში, რომლის მიზანია „ ახალგაზრდული ტურიზმის“ პოპულარიზაცია. ლაშქრობა დაგეგმილია 4-5 დღის განმავლობაში „ტობა-ვარჩხილის“ მიმართულებით. პროექტის მიზანია, რეგიონში მცხოვრებ ახალგაზრდებს, მათი განვითარებისა და ხელშეწყობის მიზნით, მიაწოდოს ინფორმაცია, აუმაღლოს ცნობიერება ახალგაზრდული ტურიზმის პოტენციალისა და საჭირო უნარ-ჩვევების ჩამოყალიბების შესახებ, რათა შემდგომში ახალგაზრდებმა თანამოაზრეებთან ერთად დაგეგმონ და განახორციელონ მსგავსი ტურები, რაც მომავალში დასაქმების საკითხსაც შეუწყობს ხელს. ლაშქრობის მონაწილეებს ჩაუტარდებათ ტრენინგ-სემინარები ტურიზმის განვითარების წინაშე მდგარი პრობლემატური საკითხების შესახებ. სამინისტრო ასევე, უზრუნველყოფს მონაწილეებს კვებით, საძილე ტომრებითა და ყველა საჭირო ინვენტარით.
პროექტში ჩართულია, საქართველოს იუსტიციის სამინისტროს სსიპ „დანაშაულის პრევენციის ცენტრი, რომელიც უზრუნველყოფს ლაშქრობის მოსაწყობად საჭირო ინვენტარისა და საორგანიზაციო ჯგუფის წევრების ტრანსპორტირებას.
ხობის მუნიციპალიტეტიდან ლაშქრობაში მონაწილეობას იღებს 3 ტურიზმით დაინტერესებული ახალგაზრდა. ხობიდან ახალგაზრდების ტრანსპორტირებას მუხურამდე (ლაშქრობის საწყისი პუნქტი) და ლაშქრობის დამთავრების შემდეგ- ხაიშიდან ხობამდე -უზრუნველყოფს ხობის მუნიციპალიტეტის გამგეობა.

აგვისტო 27, 2014

ყოვლადწმიდა ღვთისმშობლის კვირეული "ღვთისმშობლის კალთის ქვეშ"

8 აგვისტო – 09:00 სთ. სადღესასწაულო ლიტურღია ხობის ხარების დედათა
მონასტრის ღვთისმშობლის მიძინების ტაძარში.

28 აგვისტო - 18:00 სთ კონფერენცია "ღვთისმშობლის კალთის ქვეშ ", ხობის
ყოვლადწმიდა ღვთისმშობლის ხარების დედათა მონასტერი.

29 აგვისტო -
სასულიერო თემატიკაზე შექმნილი ნამუშევრების გამოფენა.
ხობის კულტურის სახლი.

30 აგვისტო – 18:00 სთ "პოეზიის საღამო" სოფელ პირველი მაისის საეკლესიო კომპლექსი.
წმ.ცოტნე აღმსარებლის სულიერ-საგანმანათლებლო ცენტრი.

30 აგვისტო - 19.00 სთ
კვირეულის დახურვა, ხობის კულტურის სახლი.

აგვისტო 25, 2014

მაღალტექნოლოგიური კლინიკის მშენებლობის გახსნა

2014 წლის 25 აგვისტოს ზუგდიდის მუნიციპალიტეტის სოფელ რუხში საძირკველი ჩაეყარა ეროვნული მნიშვნელობის, მრავალპროფილიანი რეგიონული საავადმყოფოს მშენებლობას.

მშენებლობის საძირკველის ჩაყრის ცერემონიალს ესწრებოდნენ მთავრობის მეთაური ირაკლი ღარიბაშვილი,საქართველოს რეგიონული განვითარებისა და ინფრასტრუქტურის მინისტრი დავით შავლიაშვილი, საქართველოს შრომის, ჯანმრთელობისა და სოციალური დაცვის მინისტრი დავით სერგეენკო, მხარის გუბერნატორი ლევან შონია, რეგიონის მუნიციპალიტეტის ხელმძღვანელები,მათ შორის ხობის მუნიციპალიტეტის საკრებულოს თავმჯდომარე ედიშერ ჯობავა და გამგებელი გოჩა ქაჯაია.

პრემიერ-მინისტრმა ირაკლი ღარიბაშვილმა დამსწრე საზოგადოების წინაშე აღნიშნა, რომ „თანამედროვე ტექნიკით აღჭურვილი, საერთაშორისო სტანდარტების კლინიკის პროექტი, რომელიც მოემსახურება მთელს რეგიონს, იყო ბიძინა ივანიშვილის ინიციატივა.

პროქტის ღირებულება აჭარბებს 40 მილიონს. პროექტის განხორციელება მნიშვნელოვნად გააუმჯობესებს სამეგრელოსა და მიმდებარე რეგიონებში სამედიცინო მომსახურეობას, რაც მთავარია ერთმანეთთან დააკავშირებს ენგურის ორივე მხარეს, აქ მკურნალობას შეძლებენ ჩვენი აფხაზი ძმები, რომლებსაც ყველა იმ სიკეთით სარგებლობა შეეძლებათ, რასაც ქართული სახელმწიფო თავის მოქალაქეებს სთავაზობს.

საბოლოოდ კლინიკაში დასაქმდება 600 ადამიანი-სამედიცინო, ტექნიკური და დამხმარე პერსონალის ჩათვლით, ეს იქნება ადგილობრივი მოსახლეობისათვის მნიშვნელოვანი შემოსავლის წყარო“

აგვისტო 23, 2014

ხობის მუნიციპალიტეტის საკრებულოს მილოცვა

დღეს 23 აგვისტოს გამოცხადდა ეროვნული გამოცდების საბოლოო შედეგები, უმაღლესს სასწავლებელში ჩარიცხულთა ნაკადს არაერთი სტუდენტი შეემატა ხობის მუნიციპალიტეტიდან.
ხობის მუნიციპალიტეტის საკრებულო უერთდება ამ დიდ სიხარულს და თითოეულ სტუდენტს უსურვებს წარმატებებს როგორც პირად ასევე ქვეყნის სასიკეთო საქმიანობაბში.

აგვისტო 22, 2014

ხობის მუნიციპალიტეტის საკრებულოს რიგგარეშე სხდომის ანგარიში

2014 წლის 22 აგვისტოს ხობის მუნიციპალიტეტის საკრებულოს სხდომათა დარბაზში გაიმართა რიგგარეშე საკრებულოს სხდომა, რომელსაც საკრებულოს თავმჯდომარე ედიშერ ჯობავა უძღვებოდა. სხდომის დღის წესრიგის დამტკიცების შემდეგ განხილულ იქნა წარმოდგენილი საკითხები.

საკრებულოს დადგენილებით შეტანილ იქნა ცვლილებები „ხობის მუნიციპალიტეტის გამგეობის დებულების დამტკიცების შესახებ“ ხობის მუნიციპალიტეტის საკრებულოს 2014 წლის 28 ივლისის N15 დადგენილებაში; განისაზღვრა ხობის მუნიციპალიტეტის საკრებულოს და გამგეობის თანამდებობის პირთა და საკრებულოს აპარატის და გამგეობის მოსამსახურეთა თანამდებობრივი სარგოების ოდენობა; მოსმენილ იქნა ხობის მუნიციპალიტეტის 2014 წლის ადგილობრივი ბიუჯეტის 6 თვის შესრულების ანგარიში, რომელიც საკრებულოს წევრების მხრიდან შეფასდა დამაკმაყოფილებლად; საკრებულოს იურიდიულ საკითხთა და ადამიანის უფლებათა დაცვის კომისიის თავმჯდომარეს შ. სირაძეს და საკრებულოს სამანდატო-საპროცედურო საკითხთა კომისიის თავმჯდომარეს ნ. შუშანიას მიენიჭათ ხობის მუნიციპალიტეტის საკრებულოს წარმომადგენლობის უფლებამოსილება ქალაქ ფოთის საქალაქო სასამართლოში, საკრებულოს წევრების მიერ წარდგენილი ადმინისტრაციული სარჩელის განხილვაში მონაწილეობის მიღების მიზნით და ასევე ცვლილებები იქნა შეტანილი ხობის მუნიციპალიტეტის საკრებულოს სოციალურ საკითხთა და საკრებულოს ეკონომიკური განვითარების საკითხთა კომისიების შემადგენლობაში.

აგვისტო 22, 2014

საკრებულოს ბიუროს სხდომის ანგარიში

2014 წლის 22 აგვისტოს გაიმართა საკრებულოს ბიუროს სხდომა, სადაც განხილულ იქნა შემდეგი საკითხები:

1. ხობის მუნიციპალიტეტის გამგებლის 2014 წლის 18 აგვისტოს N06/1317 წერილის განხილვა (ხობის მუნიციპალიტეტის 2014 წლის ადგილობრივი ბიუჯეტის იანვარ-ივნისის შესრულების ანგარიშის თაობაზე)

(მომხსენებელი: ტ. ალექსანდრია - საფინანსო-სარევიზიო კომისიის თავმჯდომარე)

2. ხობის მუნიციპალიტეტის გამგებლის 2014 წლის 18 აგვისტოს N06/1318 წერილის განხილვა (ხობის მუნიციპალიტეტის 2014 წლის ადგილობრივი ბიუჯეტის იანვარ-ივლისის შესრულების ანგარიშის თაობაზე)

(მომხსენებელი: ტ. ალექსანდრია - საფინანსო-სარევიზიო კომისიის თავმჯდომარე)

3. ხობის მუნიციპალიტეტის გამგებლის 2014 წლის 21 აგვისტოს 06/1331 წერილის განხილვა („ხობის მუნიციპალიტეტის გამგეობის დებულების დამტკიცების შესახებ“ ხობის მუნიციპალიტეტის საკრებულოს 2014 წლის 28 ივლისის N15 დადგენილებაში ცვლილების შეტანის თაობაზე“ და „ხობის მუნიციპალიტეტის საკრებულოს და გამგეობის თანამდებობის პირთა და საკრებულოს აპარატის და გამგეობის მოსამსახურეთა თანამდებობრივი სარგოების ოდენობების განსაზღვრის შესახებ“ დადგენილების პროექტების თაობაზე)

(მომხსენებლები: შ. სირაძე - იურიდიულ საკითხთა და ადამიანის უფლებათა დაცვის კომისიის თავმჯდომარე;

ტ. ალექსანდრია - საფინანსო-სარევიზიო კომისიის თავმჯდომარე)

4. „ფოთის საქალაქო სასამართლოში ხობის მუნიციპალიტეტის საკრებულოს წარმომადგენლობის უფლებამოსილების მქონე პირების დანიშვნის შესახებ“ განკარგულების პროექტის განხილვა.

(მომხსენებელი: შ. სირაძე - იურიდიულ საკითხთა და ადამიანის უფლებათა დაცვის კომისიის თავმჯდომარე)

5. „ხობის მუნიციპალიტეტის საკრებულოს სოციალურ საკითხთა კომისიის შემადგენლობის დამტკიცების შესახებ“ ხობის მუნიციპალიტეტის საკრებულოს 2014 წლის 16 ივლისის N49 განკარგულებაში ცვლილების შეტანის თაობაზე“ განკარგულების პროექტის განხილვა.

(მომხსენებელი: ნ. შუშანია - სამანდატო-საპროცედურო საკითხთა კომისიის თავმჯდომარე)

6. „ხობის მუნიციპალიტეტის საკრებულოს ეკონომიკური განვითარების საკითხთა კომისიის შემადგენლობის დამტკიცების შესახებ“ ხობის მუნიციპალიტეტის საკრებულოს 2014 წლის 16 ივლისის N50 განკარგულებაში ცვლილების შეტანის თაობაზე“ განკარგულების პროექტის განხილვა.

(მომხსენებელი: ნ. შუშანია - სამანდატო-საპროცედურო საკითხთა კომისიის თავმჯდომარე)

ხობის მუნიციპალიტეტის საკრებულოს თავმჯდომარის გადაწყვეტილებით დაინიშნა საკრებულოს რიგგარეშე სხდომა 2014 წლის 22 აგვისტოს 14:00 საათზე.

აგვისტო 22, 2014

საჭადრაკო ფესტივალი „შავი ზღვის დელფინი -2014“-ის ხობელი ჩემპიონები

ქ. ბათუმში 14-21 აგვისტოს გაიმართა რიგით მეცხრე საჭადრაკო საერთაშორისო ფესტივალი „შავი ზღვის დელფინი -2014“, სადაც მონაწილეობდა საქართველოს, რუსეთისა და სომხეთის სამოცამდე ნორჩი მოჭადრაკე.
საერთაშორისო ფესტივალზე ხობის მუნიციპალიტეტის ღირსებას იცავდნენ ნორჩი მოჭადრაკეები ანა და თეიმურაზ კვიკვინიები, რომლებმაც ასაკობრივ ჯგუფებში მიიღეს მონაწილეობა და ანამ 10 წლამდე მოჭადრაკე გოგონათა შორის- 4,5 ქულით, ხოლო თეიმურაზმა 8 წლამდე ჭაბუკთა შორის 5,5 ქულით ჩემპიონების ტიტულს დაეუფლნენ. ტურნირის ორგანიზატორებმა გამარჯვებული მოჭადრაკეები თასებით, მედლებით, დიპლომებითა და ფასიანი საჩუქრებით დააჯილდოვეს.
ხობის მუნიციპალიტეტის საკრებულო ულოცავს ნორჩ მოჭადრაკეებს გამარჯვებას და უსურვებს შემდგომ ასპარეზობებზე წარმატებებს.

აგვისტო 19, 2014

ხობის მუნიციპალიტეტის საკრებულო გილოცავთ მაცხოვრის ფერისცვალების დღესასწაულს.

აგვისტო 15, 2014

პოლონეთის საელჩოს დახმარება საბავშვო ბაღებს

15 აგვისტოს ხობის მუნიციპალიტეტის სკოლამდელ სააღმზრდელო გაერთიანების ახალი ხიბულის, ქვემო ქვალონის და შავღელეს საბავშო ბაღებს, საერთაშორისო ასოციაცია „კივიტას გეორგიკა“-ს სამეგრელო ზემო-სვანეთის რეგიონის კოორდინატორმა ლევან მაქაცარიამ გადასცა პოლონეთის საელჩოს დახმარება.

საჩუქრები ბაღებში შეტანილ იქნა ავეჯის, სათამაშოების, სამზარეულო ინვენტარის, საკანცელარიო ნივთებისა და სხვადასხვა თვალსაჩინოებების სახით.

საჩუქრების გადაცემას ესწრებოდნენ მუნიციპალიტეტის საკრებულოს სოციალურ საკითხთა კომისიის თავმჯდომარე დოდო გაბუნია და სააღმზრდელო გაერთიანების დირექტორი ელისო კვიკვინია.

აგვისტო 12, 2014

რეპორტაჟი ცოტნეობიდან

ცოტნეობის სახალხო დღესაწაულზე დაგეგმილი ღონისძიებების ფარგლებში ხობის ცენტრალურ სტადიონზე გაიმართა ტურნირი სპორტის უძველეს სახეობა - ლელობურთში, გოგი ბუკიას სახელობის პირველობა ნარდში, რუბენ და იური ბახიას სახელობის პირველობა ჭადრაკში, ხობის მუნიციპალიტეტის პირველობა ქართულ ჭიდაობაში და მკლავჭიდში. ტურნირებში გამარჯვებულები დაჯილდოვდნენ სიგელებით და ფასიანი საჩუქრებით. სპორტული ტურნირების დასრულების შემდეგ ღონისძიება გაგრძელდა სახალხო სეირნობით. ღია ცისქვეშ წარმოდგენილი იყო სამეგრელოს ეთნოკულტურა ტრადიციული ფაცხებით, მეგრული ეზოსა და ყოფაცხოვრების დამახასიათებელი ნიშნებით, სტუმარ-მასპინძლობის კუთხური ადათითა და ქორწილით. წარმოდგენილ იქნა თეატრალიზებული, მხატვრული კომპოზიცია „პატარა საქართველოს რაინდული გული“. ცოტნე დადიანის ჯილდოს მფლობელის გამოსავლენი და სარეკომენდაციო კომისიის წინადადების საფუძველზე ცოტნე დადიანის პირველი ხარისხის ჯილდო 500 ლარის ოდენობით გადაეცა მსოფლიო ჩემპიონს ბერძნულ-რომაული სტილით ჭიდაობაში ჭაბუკთა შორის ჯონი ხეცურიანს, ცოტნე დადიანის მეორე ხარისხის ჯილდოს მფლობელი გახდა საქართველოს მრავალგზის ჩემპიონი და ევროპის ჩემპიონატის ბრინჯაოს პრიზიორი ბერძნულ-რომაულ სტილით ჭიდაობაშიჭაბუკთა შორის ნუგზარ წურწუმია.ხობის საპატიო მოქალაქეობა მედიცინის სფეროში შეტანილი განსაკუთრებული წვლილისა და 80 წლის იუბილესთან დაკავშირებით მიენიჭა ლუთინი ქავთარაძეს, ხოლო განათლების სფეროში შეტანილი განსაკუთრებული წვლილისა და 80 წლის იუბილესთან დაკავშირებით შალვა ხარებავას. ცოტნეობის დღესასწაულზე დამსწრე საზოგადოებას საკუთარი შემოქმედება წარუდგინეს ბაიარ შაჰინ გუნდარიძემ, ანსამბლმა „გორდელამ“, პაროდისტმა ბესო ვერულაშვილმა და რეგიონის სხვადასხვა შემოქმედებითმა კოლექტივებმა.
ცოტნეობის დღესასწაულს სტუმრობდნენს საქართველოს პარლამენტის წევრები გოდერძი ბუკია და გიგა ბუკია, რეგიონის თვითმმართველობის ხელმძღვანელი და სხვა ოფიციალური პირები.

<<
<
150
151
152
153
154
155
156
157
158
159
160
161
162
163
164
165
166
167
168
169
170
171
172
173
174
175
176
177
178
179
180
...
>
>>