ხობის მუნიციპალიტეტის საკრებულო

სიახლეები

მაისი 14, 2014

მუნიციპალიტეტის პირველობამ ფეხბურთში სტარტი აიღო

24 აპრილს სტარტი აიღო საქართველოს დამოუკიდებლობის დღისადმი მიძღვნილმა ხობის მუნიციპალიტეტის პირველობამ ფეხბურთში, რომელშიც 22 თემისა და სოფლის გუნდი იღებს მონაწილეობას. ტურნირი ტარდება ხობის მუნიციპალიტეტის გამგეობის კულტურის, სპორტის, ძეგლთა დაცვისა და ახალგაზრდულ საქმეთა სამსახურის ორგანიზებით. თამაშები მიმდინარეობს შუა ხორგის, ხეთის, საჯიჯაოსა და ხობის მოედნებზე. ფინალური მატჩი გაიმართება 26 მაისს ხობის ცენტრალურ სტადიონზე.

მაისი 14, 2014

თეიმურაზ კვიკვინიამ ჭადრაკში 8-წლის ჭაბუკთა შორის საქართველოს ჩემპიონობა შეინარჩუნა

ქ.მარნეულში 12 მაისს დასრულდა საქართველოს ჩემპიონატი 8, 12 და 16 წლის ჭაბუკთა და გოგონათა შორის, სადაც თეიმურაზ კვიკვინიამ 8-წლის ჭაბუკთა შორის 8,5 ქულით საქართველოს ჩემპიონობა შეინარჩუნა და ბათუმში გასამართ ევროპის ჩემპიონატზე დაფინანსება მოიპოვა. ხოლო საჭადრაკო კომპოზიციების ამოხსნაში მესამე ადგილი ლუკა შამუგიას ერგო. გამარჯვებულები თასებით, მედლებითა დადიპლომებით დაჯილდოვდნენ.

მაისი 14, 2014

ხობელმა მოჭიდავემ ევროპის ჩემპიონატზე მედალი მოიპოვა

ბულგარეთის ქ. სამოკოვოში დასრულდა ევროპის ჩემპიონატი ბერძნულ-რომაულ ჭიდაობაში, რომელშიც წარმატებით იასპარეზა საქართველოს ნაკრებმა. ქართველმა ნორჩმა მოჭიდავეებმა 2 ოქროს და 1 ბრინჯაოს მედალი მოიპოვეს. ბრინჯაოს მედალი და მესამე ადგილის მფლობელი გახდა ხობელი ნუგზარ წურწუმია (42 კგ წონითი კატეგორია).
ხობის მუნიციპალიტეტის საკრებულო ულოცავს ჭაბუკ მოჭიდავეს გამარჯვებას და წარმატებებს უსურვებს მომავალ ასპარეზობებზე.

მაისი 14, 2014

გილოცავთ თამარობას

ხობის მუნიციპალიტეტის საკრებულო გილოცავთ თამარობას, წმინდა თამარი იყოს მფარველი თითოეული თქვენგანის და სრულიად საქართველოსი.

მაისი 9, 2014

ფაშიზმზე გამარჯვების 69-ე წლისთავი

9 მაისს ხობის მუნიციპალიტეტის კულტურის ცენტრის ორგანიზებით ხეთის მხარეთმცოდნეობისა და დიდების მუზეუმში მეორე მსოფლიო ომის მონაწილე ვეტერანებისთვის საზეიმო ღონისძიება გაიმართა. ადგილობრივი ხელისუფლების წარმომადგენლებმა, ომის ვეტერანებმა და მოწვეულმა სტუმრებმა ყვავილებით შეამკეს და სანთლები აანთეს შინმოუსვლელთა საფლავებზე. საზეიმო შეხვედრაზე ვეტერანებს მიესალმა სახელმწიფო რწმუნებულის - გუბერნატორის მოადგილე ხვიჩა ჟიშკარიანი, ხობის მუნიციპალიტეტის საკრებულოს თავმჯდომარე მამუკა ქარდავა, გამგებლის მოვალეობის შემსრულებელი გოჩა ქაჯაია და გამგებლის მოადგილის მოვალეობის შემსრულებელი ედიშერ ჯობავა. ადგილობრივ ხელისუფლებას მილოცვისთვის მადლობა გადაუხადა და წარსული დღეები გაიხსენა საქართველოს ვეტერანთა ხობის რაიონული საბჭოს თავმჯდომარემ ალიოშა ცხადაიამ და ვეტერანმა ოთარ ჩოკორაიამ. ხობის N1 საჯარო სკოლის მოსწავლეებმა (ხელმძღვანელი ზ. ცხადაია) შეხვედრაზე წარმოადგინეს უკვე რელიქვიად ქცეული სამკუთხა ბარათები და კიდევ ერთხელ შეახსენეს დამსწრე საზოგადოებას ომის ტკივილიანი დღეები. დასასრულს ბავშვებმა სიმბოლურად სამკუთხა ფურცლებზე დაწერილი მადლობის სიგელები გადასცეს ვეტერანებს.
ხობის მუნიციპალიტეტის საკრებულო ულოცავს ყველა ვეტერანს ომში გამარჯვების 69-ე წლისთავს და დიდხანს სიცოცხლეს უსურვებს თითოეულ მათგანს.

მაისი 6, 2014

ფაშიზმზე გამარჯვების 69-ე წლისთავისადმი მიძღვნილი საზეიმო ღონიძიების პროგრამა

11:00 ომის ვეტერანების, მოწვეული სტუმრებისა და მონაწილე კოლექტივების გასვლა ხეთის საბრძოლო დიდებისა და მხარეთმცოდნეობის მუზეუმში

11:30 ომში დაღუპულთა საფლავების გვირგვინით შემკობა (ხეთა)
12:00 ლიტერატურულ-მუსიკალური კომპოზიცია ( ხეთა)
13:00 ლანჩი

მაისი 6, 2014

გიორგობას გილოცავთ

6 მაისს საქართველოს სამოციქულო ავტოკეფალური მართლმადიდებლური ეკლესია წმინდა გიორგის ხსენების დღეს აღნიშნავს. ხობის მუნიციპალიტეტის საკრებულო გილოცავთ გიორგობის დღესასწაულს და წმ. გიორგის მფარველობას გისურვებთ.

მაისი 6, 2014

ერთჯერადი ფულადი დახმარება მეორე მსოფლიო ომის მონაწილე ვეტერანებისათვის

ფაშიზმზე გამარჯვების 69-ე წლისთავის აღსანიშნავი საზეიმო ღონისძიებების ფარგლებში, ხობის მუნიციპალიტეტის ადგილობრივი ხელისუფლების მიერ მეორე მსოფლიო ომის მონაწილე ვეტერანებზე (ოთარ კობახიძე, ჟორჟი ბუკია, კაპიტონ ცხადაია, ალექსანდრე ცხადაია, ბოჩო გვაზავა, აკაკი ნაროუშვილი, გრიგოლ ლეფსაია, დავით ბერიშვილი, უშანგი შელია, ვალიკო ჭითანავა, ოთარ ჩოკორაია, სერაპიონ ჯაკონია, კარლო ლატარია, შალვა ჭანტურია, შოთა უფლისაშვილი, შალვა ჯავახიშვილი) გაიცა ერთჯერადი ფულადი დახმარება 150 ლარის ოდენობით.

მაისი 5, 2014

ხობის ,,კოლხეთი" თბილისის „ლოკომოტივს“ დაუპირისპირდა

5 მაისს ხობის ცენტრალურ სტადიონზე საქართველოს XXV ეროვნული ჩემპიონატის მეორე წრის პირველი ტურის მატჩი გაიმართა, სადაც ერთმანეთს ხობის ,,კოლხეთი" და თბილისის „ლოკომოტივი“ დაუპირისპირდა. შეხვედრა სტუმართა გამარჯვებით 0:1 დასრულდა.

მაისი 2, 2014

ლექცია-სემინარები ანტინარკოტიკულ თემებზე

ხობის NI საჯარო სკოლაში ფოთის რაიონულმა პროკურორმა ალექსანდრე გოგუაძემ და პროკურორმა ემილიანე ბერაიამ მე-11, მე-12 კლასელთათვის ანტინარკოტიკული კამპანიის ფარგლებში ჩაატარეს ლექცია-საუბარი ცივი იარაღის უკანონო ტარებასთან, კანონიერ ქურდებთან, ქურდულ სამყაროს წევრობასა და სხვა დანაშაულებებთან დაკავშირებით. საუბრებში მოსწავლეები აქტიურად ჩაერთნენ და შეხვედრა კითხვა-პასუხის რეჟიმში წარიმართა. სემინარის ბოლოს პროკურატურის თანამშრომლებმა აქტიურ მოსწავლეებს სიგელები გადასცეს და შემდგომი ურთიერთთანამშრომლობის მზაობა გამოთქვეს.
ლექცია-სემინარის მიზანი იყო უფროსკლასელებში სამოქალაქო ცნობიერების ამაღლება და ზნეობრივი თვითშეგნების განვითარება.

მაისი 1, 2014

ხობის ,,კოლხეთი“ გორის ,,დილა-2-ს“ დაუპირისპირდა

პირველ მაისს ხობის ცენტრალურ სტადიონზე საქართველოს XXV ეროვნული ჩემპიონატის მეორე წრის პირველი ტურის მატჩი გაიმართა, სადაც ერთმანეთს ხობის ,,კოლხეთი" და გორის „დილა-2“ შეხვედრა ფრედ 1:1 დასრულდა.

აპრილი 30, 2014

30 აპრილი - საქართველოს შეიარაღებული ძალების დღე

30 აპრილს ქართული არმია დაარსებიდან 23 წლის იუბილეს აღნიშნავს. 1990 წლის დეკემბერში საქართველოს რესპუბლიკის უზენაესი საბჭოს დადგენილებით, საქართველოს შინაგან საქმეთა სამინისტროსთან შინაგანი ჯარები - ეროვნული გვარდია შეიქმნა. ქართული არმიის შემდგომი განვითარება ეროვნული გვარდიის საფუძველზე მოხდა. 1991 წლის 24 აპრილს საქართველოს მინისტრთა კაბინეტმა განკარგულება გამოსცა, რომელიც წვევამდელთა სავალდებულო სამხედრო სამსახურში გაწვევას ეხებოდა. 30 აპრილს არმიაში გაწვევა ოფიციალურად დაიწყო.
2013 წელს შეიარაღებულ ძალებში ხობის მუნიციპალიტეტიდან გაწვეულ იქნა დაახლოებით 95 წვევამდელი, ხოლო 2014 წლის საგაზაფხულო გაწვევაზე დღეის მდგომარეობით გაწვეულია 21 წვევამდელი. ხობის მუნიციპალიტეტის საკრებულო ულოცავს ქართულ არმიას პროფესიულ დღეს და უსურვებს ქვეყნის სასიკეთოდ გაძლიერებას.

აპრილი 28, 2014

მოსწავლე ახალგაზრდობის შემოქმედებითი კონფერენცია

28 აპრილს ხობის მუნიციპალიტეტის გამგეობის სხდომათა დარბაზში კულტურის, განათლების, სპორტის, ძეგლთა დაცვისა და ახალგაზრდულ საქმეთა სამსახურის ორგანიზებით გაიმართა მოსწავლე-ახალგაზრდობის შემოქმედებითი კონფერენცია, რომელშიც მონაწილეობა მიიღო ხობის მუნიციპალიტეტის საჯარო სკოლების 14-მა მოსწავლემ. კონფერენცია მუშაობდა სამი მიმართულებით: I-ფოლკლორის შემსწავლელი სექცია, II-სამოქალაქო განათლების შემსწავლელი სექცია, III- მე-20 ს-ის ქართველ სასულიერო მოღვაწეთა ცხოვრების შემსწავლელი სექცია. კონფერენციაზე წარმოდგენილი თემები შეაფასა შექმნილმა კომისიამ (თავმჯდომარე მახარე ჩოკორაია) და სხვადასხვა ჯგუფებიდან გამოავლინა გამარჯვებულები, რომლებიც დაჯილდოვდნენ სიგელებითა და ფასიანი საჩუქრებით. კონფერენციის ჩატარება მიზნად ისახავდა ახალგაზრდებში ცოდნის გაღრმავებას, ინდივიდუალური საკვლევაძიებო სამუშაოების საჯაროდ წარმოდგენის ჩვევების შემუშავებას და ნიჭის განვითარების ხელშეწყობას.

აპრილი 25, 2014

სტუმრად სამუსიკო სკოლაში

განათლების ცენტრის სამუსიკო სკოლაში საქართველოს ხელოვნების დამსახურებული მოღვაწის, ვაჟა-ფშაველასა და კომპოზიტორთა კავშირის პრემიის ლაურეატის, ღირსების ორდენის მფლობელის, თბილისის, იყალთოს, ჩარგლისა და ხობის საპატიო მოქალაქის, კომპოზიტორ შალვა დავითაშვილის შთამომავლებმა შეხვედრა გამართეს სამუსიკო სკოლის პედაგოგებთან. შეხვედრის მონაწილეებმა გაიხსენეს კომპოზიტორის შემოქმედება და ცხოვრების ეპიზოდები. სტუმრები გაეცნენ სასწავლებელში არსებულ პრობლემებს, ისაუბრეს მისი განვითარების პერსპექტივებზე და ერთობლივად დაგეგმეს სამომავლო პროექტები. შეხვედრის ბოლოს ვიკა დავითაშვილმა სასწავლებელს გადასცა შ.დავითაშვილის საესტრადო და საფორტეპოიანო ნაწარმოებების კრებულები და დისკი.

აპრილი 25, 2014

2014 წლის 15 ივნისის მორიგ არჩევნებთან დაკავშირებით გასატარებელი ღონისძიებების შესახებ

2014 წლის 23 აპრილს ხობის მუნიციპალიტეტის საკრებულოს მიერ მიღებულ იქნა განკარგულება „ხობის მუნიციპალიტეტის ტერიტორიაზე ადგილობრივი თვითმმართველობის წარმომადგენლობითი და აღმასრულებელი ორგანოების 2014 წლის 15 ივნისის მორიგ არჩევნებთან დაკავშირებით გასატარებელი ღონისძიებების შესახებ.“

<<
<
151
152
153
154
155
156
157
158
159
160
161
162
163
164
165
166
167
168
169
170
171
172
173
174
175
176
177
178
179
180
181
...
>
>>