SAKREBULO OF KHOBI MUNICIPALITY

Home
news

news

April 22, 2014

გაუფრთხილდი შენს თავს! გამირთხილდი მე! გაუფრთხილდი დედამიწას!“ (EN)

დედამიწის დღესთან დაკავშირებით გარემოს დაცვის მიზნით I საჯარო სკოლის მოსწავლეებმა ფლეშ-მობი გამართეს სლოგანით „გაუფრთხილდი შენს თავს! გამირთხილდი მე! გაუფრთხილდი დედამიწას!“. ბოლოს საზოგადოებას დაურიგეს ფლაერები და გარემოს დაცვისაკენ მოუწოდეს.

April 19, 2014

გოგა ბერაიას სახელობის ტურნირში გამარჯვება ხეთის გუნდმა მოიპოვა (EN)

ხობის გამგეობის, კულტურის, განათლების, სპორტის, ძეგლთა დაცვისა და ახალგაზრდულ საქმეთა სამსახურის ორგანიზებით 14 -19 აპრილს ჩატარდა 2008 წელს ტრაგიკულად დაღუპული რეზერვისტის გოგა ბერაიას სახელობის რიგით მეხუთე გათამაშება მინი-ფეხბურთში, სადაც მონაწილეობა მიიღო ხობის, გურიფულის, პირველი ხორგის, ყულევის, ხეთის, ახალსოფლის, შუა ხორგისა და ქარიატის გუნდებმა. ფინალურ მატჩში ერთმანეთს დაუპირისპირდნენ ხეთისა და ახალ სოფლის გუნდები, სადაც დიდი უპირატესობით გაიმარჯვა ხეთის გუნდმა 4:0. მესამე ადგილის მფლობელი გურიფულის გუნდი გახდა. ტურნირის გამარჯვებულები სამახსოვრო თასებითა და სიგელებით დააჯილდოვეს.

April 16, 2014

ხობის ,,კოლხეთი" თბილისის „სასკოს“ დაუპირისპირდა (EN)

16 აპრილს ხობის ცენტრალურ სტადიონზე საქართველოს XXV ეროვნული ჩემპიონატის მეორე წრის პირველი ტურის მატჩი გაიმართა, სადაც ერთმანეთს ხობის ,,კოლხეთი" და თბილისის „სასკო“ დაუპირისპირდა. შეხვედრა ფრედ 2:2 დასრულდა.

April 16, 2014

ხობში ჭადრაკში სამეგრელოს რეგიონის აბსოლუტური ჩემპიონატი ჩატარდა (EN)

სამეგრელო ზემო სვანეთის ჭადრაკის ფედერაციის ორგანიზებითა და ხობის მუნიციპალიტეტის ფინანსური მხარდაჭერით 16 აპრილს ქ. ხობში ჭადრაკში სამეგრელოს რეგიონის აბსოლუტური ჩემპიონატი საზეიმოდ დასრულდა. შეჯიბრი შვეიცარიული სისტემით 9 ტურად მიმდინარეობდა და მასში მონაწილეობას ღებულობდა 6 მუნიციპალიტეტის 50 მოჭადრაკე. საპრისო ადგილების მფლობელები გახდნენ: 8 წლმდე მოჭადრაკეთა შორის- თეიმურაზ კვიკვინია(ხობი). 10 წლამდე მოჭადრაკეთა შორის- გიორგი ნაყოფია(ზუგდიდი). 12 წლამდე მოჭადრაკეთა შორის -მაია ბეჭვაია(ზუგდიდი). ქალთა შორის საუკეთესო იყო მადონა ბოკუჩავა(ზუგდიდი). ხოლო ტურნირის ჩემპიონი გახდა ნიკა ღვამბერია(ფოთი). შეჯიბრში შპს „არაი ბეტონმა“ დააწესა ორი პრიზი საუკეთესო მწვრთნელისთვის, რომელიც საქართველოს სპორტის დამსახურებულ მოღვაწეს, ღირსების ორდენის კავალერს, ფიდეს არბიტრს - ირაკლი გეთიას გადაეცა, ხოლო საუკეთესო ხობელი მოჭადრაკის პრიზი ლუკა შამუგიას ერგო. გამარჯვებულები საჩუქრებითა და დიპლომებით დააჯილდოვეს სამეგრელო-ზემო სვანეთის მხარის სახელმწიფო რწმუნებულის - გუბერნატორის მოადგილეებმა: დათო სარსანიამ და ხვიჩა ჟიშკარიანმა, ხობის მუნიციპალიტეტის საკრებულოს თავმჯდომარემ მამუკა ქარდავამ, გამგებლის მოვალეობის შემსრულებელმა გოჩა ქაჯაიამ, შპს „არაი ბეტონის“ წარმომადგენელმა თ.ნადარაიამ, სამეგრელო ზემო სვანეთის ჭადრაკისა და შაშის ფედერაციის პრეზიდენტმა გ. სალიამ და ფედერაციის გენერალურმა მდივანმა, საერთაშორისო არბიტრმა დ. კოდუამ. ფედერაციის პრეზიდენტმა და გენერალურმა მდივანმა ხობის მუნიციპალიტეტის ხელმძღვანელ პირებს თანადგომისთვის მადლობა გადაუხადეს და საჩუქრები გადასცეს.
საპრიზო ადგილებზე გასულმა მოჭადრაკეებმა საქართველოს ვაჟთა და ქალთა ჩემპიონატების საგზურები მოიპოვეს.

April 15, 2014

სამეგრელოს რეგიონის აბსოლუტურმა ჩემპიონატმა ჭადრაკში სტარტი აიღო (EN)

სამეგრელო ზემო სვანეთის ჭადრაკის ფედერაციის ორგანიზებითა და ხობის მუნიციპალიტეტის ფინანსური მხარდაჭერით 12 აპრილს ქ. ხობში ჭადრაკში სამეგრელოს რეგიონის აბსოლუტურმა ჩემპიონატმა სტარტი აიღო, სადაც მონაწილეობას ღებულობს 6 მუნიციპალიტეტის 50 მოჭადრაკე. შეჯიბრი შვეიცარიული სისტემით 9 ტურად მიმდინარეობს. საპრიზო ადგილებზე გასული მოჭადრაკეები საქართველოს ვაჟთა და ქალთა ჩემპიონატების საგზურებს მოიპოვებენ.

April 15, 2014

„ გამარჯვების თასი - Victory Cupის“ ხობელი ჩემპიონები (EN)

11-13 აპრილს ანტალიაში ჩატარდა საერთაშორისო ტურნირი "გამარჯვების თასი-Victory Cupი" ჭაბუკ მოჭიდავეთა შორის, სადაც საქართველოს ნაკრებმა ჯამში 14 მედალი მოიპოვა და 65 ქულით მესამე გუნდური ადგილი დაიკავა.
ბერძნულ-რომაული სტილით მოჭიდავეთა შორის ჩემპიონობა მოიპოვეს ხობელმა ნუგზარ წურწუმიამ (42კგ წონით კატეგორია), და ჯონი ხეცურიანმა (50კგ წონით კატეგორია).
ხობის მუნიციპალიტეტის საკრებულო ულოცავს ნორჩ მოჭიდავეებს ჩემპიონობას და წარმატებებს უსურვებს მომავალ ასპარეზობებზე.

April 14, 2014

14 აპრილს საქართველოში დედაენის დღე აღინიშნება (EN)

საქართველოში დედაენის დღის აღნიშვნა 1978 წლის 14 აპრილის მოვლენებს უკავშირდება, როდესაც ქართულ ენას სახელმწიფო ენის სტატუსის დაკარგვის საფრთხე დაემუქრა. საბჭოთა ხელისუფლებამ გადაწყვიტა საბჭოთა კავშირში შემავალი რესპუბლიკებში ადგილობრივი ენისთვის სახელმწიფო ენის სტატუსი ჩამოერთმია და მთავარ ენად რუსული გამოეცხადებინა, რასაც ქვეყნის მოსახლეობა, სტუდენტები და ინტელიგენცია დაუპირისპირდა. მთავრობა იძულებული გახდა, დემონსტრანტთა მოთხოვნა დაეკმაყოფილებინა. საქართველოს სსრ სახელმწიფო ენად ქართული გამოცხადდა.
დედა ენის დღისადმი მიძღვნილი კვირეულის ფარგლებში, ხობის თ. სახოკიას სახელობის ცენტრალურ ბიბლიოთეკაში დედაენის დღესთან დაკავშირებით გამოფენა „რომელმან აღაშენა“ მოეწყო.

April 13, 2014

ბზობის დღესასწაულს გილოცავთ (EN)

ხობის მუნიციპალიტეტის საკრებულო გილოცავთ ბზობის დღესასწაულს და უფლის მფარველობას გისურვებთ.

April 11, 2014

11 აპრილის საკრებულოს სხდომის ანგარიში (EN)

11 აპრილს ხობის მუნიციპალიტეტის საკრებულოს სხდომათა დარბაზში საკრებულოს მორიგი სხდომა გაიმართა, რომელსაც საკრებულოს თავმჯდომარე მამუკა ქარდავა უძღვებოდა. სხდომას ესწრებოდნენ საკრებულოსა და გამგეობის საჯარო მოხელეები.
დღის წესრიგის დამტკიცების შემდეგ, სხდომაზე პირველ საკითხად განხილულ იქნა „ხობის მუნიციპალიტეტის 2014 წლის ადგილობრივი ბიუჯეტის დამტკიცების შესახებ“ ხობის მუნიციპალიტეტის საკრებულოს 2013 წლის 30 დეკემბრის N21 დადგენილებაში ცვლილების შეტანის თაობაზე“ დადგენილების პროექტი, რომელიც წარმოადგინა საკრებულოს თავმჯდომარემ მ. ქარდავამ.
სხდომაზე მეორე საკითხად მოსმენილ იქნა ხობის მუნიციპალიტეტის გამგეობის მიერ 2013 წელს გაწეული საქმიანობის ანგარიში, რომელიც გამგებლის მოვალეობის შემსრულებელმა გ.ქაჯაიამ წარმოადგინა და დეპუტატების მიერ დადებითად იქნა შეფასებული. ამ საკითხების განხილვის შემდეგ საკრებულოს თავმჯდომარემ სხდომა დახურულად გამოაცხადა

April 11, 2014

ომისა და სამხედრო ძალების ვეტერანები საყოფაცხოვრებო სუბსიდიას მიიღებენ (EN)

საქართველოს შრომის, ჯანმრთელობისა და სოციალური დაცვის სამინისტროს ინფორმაციით „სოციალური შეღავათების მონეტიზაციის შესახებ" საქართველოს მთავრობის 2007 წლის 11 იანვრის №4 დადგენილების მიხედვით, ომისა და სამხედრო ძალების ვეტერანები სრულად მიიღებენ საყოფაცხოვრებო სუბსიდიას.
ომისა და სამხედრო ძალების ვეტერანებმა, განცხადება და სხვა საჭირო დოკუმენტები სოციალური მომსახურების სააგენტოში უნდა ჩააბარონ არაუგვიანეს 2014 წლის 1 ივნისამდე. საყოფაცხოვრებო სუბსიდია კი გაიცემა უფლების წარმოშობის მომდევნო თვიდან.

April 10, 2014

9 აპრილს შეწყვეტილი სიმღერა დღესაც გრძელდება (EN)

25 წელია ქართველი ხალხი ქვეყნის დამოუკიდებლობისათვის თავშეწირულთა წინაშე ქედს იხრის... დაღუპულთა ხსოვნის დღისადმი მიძღვნილ მემორიალთან იკრიბება, ყვავილებითა და სანთლებით პატივს მიაგებს და ქედს უხრის თავისუფლებისთვის დაღუპულ გმირებს. ხობის მუნიციპალიტეტში ადგილობრივი ხელისუფლების, საზოგადოების წარმომადგენლებმა და კერძო სკოლა „არეას“ მოსწავლე-მასწავლებლებმა კიდევ ერთხელ გაიხსენეს და პატივი მიაგეს 9 აპრილს დაღუპულთა ხსოვნას. სამების ტაძრის წინამძღვარმა მამა კირიონმა პარაკლისი გადაუხადა და უფალს შეავედრა ზეცაში გმირებად ასული სულები. ტკივილიანი დღეები გაიხსენეს და ლიტერატურულ-მუსიკალური კომპოზიცია წარმოადგინეს მუნიციპალიტეტის კულტურის ცენტრთან არსებულმა ხალხურ-შემოქმედებითმა ჯგუფებმა და მოსწავლე-ახალგაზრდობის სახლის აღსაზრდელებმა. საღამოზე წარმოთქმულ ყოველ სიტყვაში დიდი ემოცია და გულისტკივილი იგრძნობოდა გადატანილი ტრაგედიის გამო. აპრილის გმირებს, დიდება და პატივი არ მოაკლდება იმ ერის შვილებისგან, რომელთაც თავისი თავგანწირვით დამოუკიდებლობა და თავისუფლება აჩუქეს.

April 8, 2014

9 აპრილის დღისადმი მიძღვნილი ღონისძიებების პროგრამა (EN)

11:00 სთ - 9 აპრილის სკვერში მემორიალის შემკობა ყვავილებით.

12:00 სთ - სამების სახელობის ტაძარში 9 აპრილს დაღუპულთა სულების მოსახსენიებელი

პანაშვიდი.

13:00 სთ - მოსწავლეთა სახლში ლიტერატურულ-მუსიკალური კომპოზიცია

„დაგადგეთ, დაგადგეთ, დაგადგეთ ნათელი“.

April 7, 2014

ხარების დღესასწაულს გილოცავთ (EN)

ღვთისმშობლის ხარება ერთ-ერთი უდიდესი საუფლო დღესასწაულია, რომელსაც მართლმადიდებელი ეკლესია 7 აპრილს აღნიშნავს. ამ დღეს ყოვლადწმიდა მარიამთან ერთად მთელ კაცობრიობას ეუწყა, რომ სახიერმა ღმერთმა ადამიანი სიკვდილისა და ცოდვის სამუდამო ტყვეობისათვის ვერ გაიმეტა და ეშმაკის მონობისაგან მისი გამოხსნა გადაწყვიტა. სახარების მიხედვით, მთავარანგელოზ გაბრიელს მარიამ ღვთისმშობლისთვის უხარებია, რომ მისგან იესო ქრისტე, ძე ღვთისა იშვებოდა. „პატარა ქალაქ ნაზარეთში ერთი მოკრძალებული ქალწული ცხოვრობდა, სახელად მარიამი. მას უფალი წმინდა გულით უყვარდა. ერთხელ მას უფლისაგან გამოგზავნილი ანგელოზი გაბრიელი გამოეცხადა და უთხრა: „გიხაროდეს! მომადლებულო, შენთანაა უფალი. კურთხეული ხარ დედათა შორის.“ მარიამ, ვინაიდან მადლი ჰპოვე ღმერთთან. აჰა, დაორსულდები და შობ ძეს და სახელად იესოს დაარქმევ. დიდი იქნება ის და უზენაესის ძედ იწოდება. მისცემს მას უფალი ღმერთი მისი მამის, დავითის, ტახტს და უკუნისამდე იმეფებს იაკობის სახლზე და მის მეფობას არ ექნება დასასრული“,– აღნიშნულია სახარებაში.
ხარების დღესასწაულთან დაკავშირებით ყველა მოქმედ ტაძარში წირვა–ლოცვა აღევლინება და ამ დღეს თევზით გახსნილდება.
ხობის მუნიციპალიტეტის საკრებულო გილოცავთ ხარების წმინდა დღესასწაულს და უფლის მფარველობას გისურვებთ.

April 3, 2014

ხობის ,,კოლხეთის" მორიგი წარმატება (EN)

24 მარტს ხობის ცენტრალურ სტადიონზე საქართველოს XXV ეროვნული ჩემპიონატის მეორე წრის პირველი ტურის მატჩი გაიმართა, სადაც ერთმანეთს ხობის ,,კოლხეთი" და ჩოხატაურის „ბახმარო“ დაუპირისპირდა. შეხვედრა მასპინძლების გამარჯვებით 5:3 დასრულდა. გუნდს გამარჯვება გელა ლომაიას, როინ ონიანის, ცოტნე ბუკიას(2 გოლი) და ლევან ვართაგავას გატანილმა გოლებმა მოუტანა. წარმატებას ვუსურვებთ ხობელ ფეხბურთელებს.

April 1, 2014

დაუბეგრავი მინიმუმის დაბრუნება 2014 წლის მეორე კვარტლიდან დაიწყება (EN)

დაუბეგრავი მინიმუმის დაბრუნებისთვის რეგისტრაცია 1 აპრილიდან დაიწყო. შემოსავლების სამსახურის ვებგვერდზე გააქტიურდა დეკლარირების სპეციალური ფორმა, რომლის შევსებითაც იწყება დაუბეგრავი მინიმუმის დაბრუნების პროცედურა. კერძოდ, მოქალაქეს შემოსავლების სამსახურის ვებ-გვერდზე - www.rs.ge განთავსებული ელექტრონული დეკლარაციის შევსება მოუწევს,პირადი ნომრისა და საკუთარი საბანკო რეკვიზიტის მითითების შემდეგ იქვე მიიღებს ინფორმაციას მისთვის დასაბრუნებელი თანხის ოდენობის შესახებ. ელექტრონული დეკლარაციის წარდგენის შემდეგ კი მაქსიმუმ 3 თვის განმავლობაში, მოქალაქეს, მის მიერ მითითებულ საბანკო ანგარიშზე, დაერიცხება დაუბეგრავი მინიმუმის შესაბამისი თანხა.

<<
<
151
152
153
154
155
156
157
158
159
160
161
162
163
164
165
166
167
168
169
170
171
172
173
174
175
176
177
178
179
180
181
...
>
>>