SAKREBULO OF KHOBI MUNICIPALITY

Home
news

news

November 18, 2014

შეხვედრა ასოციაცია „ათინათის“ წარმომადგენლებთან (EN)

ხობის მუნიციპალიტეტის გამგეობის სააქტო დარბაზში ასოციაცია „ათინათმა“ პროექტის „ქალთა გაძლიერება ცვლილებისათვის“ ფარგლებში შეხვედრა გამართა. პროექტი დაფინანსებულია გაეროს განვითარების პროგრამის: „გენდერული თანასწორობის გაძლიერება საქართველოში“ ფარგლებში და ის ორიენტირებულია ხელი შეუწყოს თემებში არსებული სოციალური და ეკონომიკური პრობლემების მოგვარებას, ქალთა თანასწორობას, მათ ეკონომიკურ და სამოქალაქო გააქტიურებას.
შეხვედრაზე პროგრამის ფარგლებში ასოციაციის წევრებმა დამსწრე საზოგადოებას გააცნეს ხობის მუნიციპალიტეტის თორსა-დღვაბის ადმინისტრაციულ ერთეულში არსებული პრობლემები და მათი მხრიდან გაკეთდა პრეზენტაცია მათი გადაჭრის გზებზე. შეხვედრის მონაწილეებმა დეტალურად ისაუბრეს ადმინისტრაციულ ერთეულში არსებულ პრობლემებზე და ურთიერთთანამშრომლობით მათი ერთობლივად გადაჭრის გზებზე.
შეხვედრას ხობის მუნიციპალიტეტის საკრებულოს თავმჯდომარე ედიშერ ჯობავა, გამგებლის მოადგილეები: ვარაზ გაბედავა და მახარე ჩოკორაია, საკრებულოსა და გამგეობის სამსახურების წარმომადგენლებთან ერთად ესწრებოდნენ.

November 18, 2014

საკრებულოს კომისიის სხდომები (EN)

17 ნოემბერს საკრებულოს საფინანსო-სარევიზიო, სოციალურ საკითხთა და ეკონომიკური განვითარების საკითხთა კომისიებზე მოსმენილ იქნა საკრებულოს მიერ დაფუძნებული იურიდიული პირების: ხობის მუნიციპალიტეტის სათნოების სახლისა და ხობის მუნიციპალიტეტის საფეხბურთო კლუბ „კოლხეთის“ მიერ 9 თვეში გაწეული მუშაობის ანგარიშები. ცენტრის დირექტორების მიერ ანგარიშების წარმოდგენის შემდეგ კომისიის მიერ შესაბამისი შეფასებები მიეცა მათ მიერ გაწეულ მუშაობას.

November 14, 2014

საკრებულოს კომისიების სხდომები (EN)

14 ნოემბერს საკრებულოს საფინანსო-სარევიზიო, სოციალურ საკითხთა და ეკონომიკური განვითარების საკითხთა კომისიებზე მოსმენილ იქნა საკრებულოს მიერ დაფუძნებული იურიდიული პირების: ხობის მუნიციპალიტეტის საფეხბურთო სკოლის, ხობის მუნიციპალიტეტის სკოლამდელი სააღმზრდელო გაერთიანებისა და ხობის მუნიციპალიტეტის განათლების ცენტრის მიერ 9 თვეში გაწეული მუშაობის ანგარიშები. ცენტრის დირექტორების მიერ ანგარიშების წარმოდგენის შემდეგ კომისიის მიერ შესაბამისი შეფასებები მიეცა მათ მიერ გაწეულ მუშაობას.

November 13, 2014

ხობის „კოლხეთმა“ ოზურგეთის „მერცხალს“ უმასპინძლა (EN)

13 ნოემბერს ხობის ცენტრალურ სტადიონზე საქართველოს XXVI ეროვნული ჩემპიონატის პირველი წრის მორიგი ტურის მატჩი გაიმართა, სადაც ერთმანეთს ხობის „კოლხეთი“ და ოზურგეთის „მერცხალი“ დაუპირისპირდნენ. შეხვედრა ხობელი ფეხბურთელების გამარჯვებით, ანგარიშით 4:2 დასრულდა. ხობელთა რიგებიდან გოლი ცოტნე ბუკია და ირაკლი გერგაიამ გაიტანეს.

November 12, 2014

მიწის ნაკვეთებზე საკუთრების უფლების აღიარების კომისიის სხდომა (EN)

12 ნოემბერს გაიმართა ხობის მუნიციპალიტეტის საკრებულოს ფიზიკური და კერძო სამართლის იურიდიული პირების მფლობელობაში (სარგებლობაში) არსებულ მიწის ნაკვეთებზე საკუთრების უფლების აღიარების კომისიის სხდომა, სადაც განხილულ იქნა კომისიის სახელზე შემოსული სამი განცხადება.

November 12, 2014

კომისიებზე მოსმენილ იქნა იურიდიული პირების 9 თვის ანგარიშები (EN)

12 ნოემბერს საკრებულოს საფინანსო-სარევიზიო და სოციალურ საკითხთა კომისიებზე მოსმენილ იქნა საკრებულოს მიერ დაფუძნებული იურიდიული პირების: ხობის მუნიციპალიტეტის საზოგადოებრივი ჯანდაცვის ცენტრის, ხობის მუნიციპალიტეტის კულტურის ცენტრისა და ხობის მუნიციპალიტეტის პროფესიული სწავლების ცენტრის მიერ 9 თვეში გაწეული მუშაობის ანგარიშები. ცენტრის დირექტორების მიერ ანგარიშების წარმოდგენის შემდეგ კომისიის მიერ შესაბამისი შეფასებები მიეცა მათ მიერ გაწეულ მუშაობას.

November 10, 2014

ბანკირის დღე დასუფთავების მასშტაბური აქციით აღინიშნა (EN)

საქართველოს ეროვნული ბანკის, საბანკო ასოციაციისა და მოქმედი კომერციული ბანკების თანამშრომლებმა პროფესიულ დღეს დასუფთავების აქციაში მიიღეს მონაწილეობა. აქცია საქართველოს სხვადასხვა რეგიონში (აჭარა, იმერეთი, სამეგრელო, კახეთი, შიდა ქართლი, სამცხე-ჯავახეთი, ქვემო ქართლი, გურია, მცხეთა-მთიანეთი) მიმდინარეობდა და მასში სექტორის 2000 - მდე თანამშრომელმა მიიღო მონაწილეობა.
დასუფთავების აქციას ხობის მუნიციპალიტეტის საბანკო სექტორის თანამშრომლებიც შეუერთდნენ. მათ დაასუფთავეს ქალაქის სკვერი და მიმდებარე ტერიტორია.
ბანკირის პროფესიული დღე საქართველოში 2001 წლიდან აღინიშნება. ბანკირის დღე დაწესდა პირველი ქართული ბანკის - „სათავადაზნაურო ბანკის" დაარსების 140 წლისთავისა და 8 ნოემბერს მისი დამაარსებლისა და პირველი ხელმძღვანელის ილია ჭავჭავაძის დაბადების 177-ე წლისთავთან დაკავშირებით

November 10, 2014

ქართული ყველის ფესტივალი 2014 (EN)

სოფლის მეურნეობის სამინისტროსა და საქართველოს ყველის მწარმოებლთა გილდიის ორგანიზებით, საგამოფენო ცენტრში „ექსპო ჯორჯია“ უკვე ტრადიციად ქცეული ყოველწლიური ყველის ფესტივალი გაიმართა.
ღინისძიება სოფლის მეურნეობის მინისტრმა, ოთარ დანელიამ, კულტურისა და ძეგლთა დაცვის მინისტრმა მიხეილ გიორგაძემ და საქართველოს ყველის მწარმოებლთა გილდიის თავმჯდომარემ, ანა მიქაძე-ჩიკვაიძემ გახსნეს.
წლევანდელ ფესტივალზე საქართველოს ყველა რეგიონიდან წარმოდგენილი იყო 60-მდე სახეობის ყველი, მათ შორის: დამბალ-ხაჭო, მუჩლი, გუდა, ჩეჩილი, ჩოგი, ტენილი, ნარჩვი, ლაგუჯიში, სულგუნი, ბერქეიზი, თაფლში და ღვინიში დავარგებული ყველი, პარმეზანი, ყველის როლები სხვადასხვა გულსართით, ბეშუმური, ჭაჭამოდებული, თხის ყველი და სხვა. სტუმრებს საშუალება ჰქონდათ დაეგემოვნებინათ როგორც ტრადიციული, უძველესი რეცეპტით დამზადებული ქართული ყველის სახეობები, ასევე საქართველოში წარმოებული ევროპული ბრენდირებული ყველის ანალოგები.
2014 წლის ყველის ფესტივალზე წარმოდგენილი იყო უძველესი რეცეპტების მიხედვით აღდგენილი 2 სახეობის ახალი ყველი - აჭარული ,,შუშველა“ და ციკნის ფაშვში დავარგებული მესხური ყველი. ყველის მოყვარულებს შესაძლებლობა ჰქონდათ დაეგემოვნებინათ და შეეძინათ სხვადასხვა სახეობის ყველი, მონაწილეობა მიეღოთ ყველის დამზადების პროცესში და თვალი ედევნებინათ ოსტატების მიერ ელარჯისა და თაშმაჯაბის დამზადების პროცესისთვის.
ფესტივალის ფარგლებში, მოეწყო საქართველოში ყველის წარმოებასთან დაკავშირებული ისტორიული არტეფაქტების მინაბაძების გამოფენა. სტუმრებს საშუალება ჰქონდათ გაცნობოდნენ უკვე დაპატენტებული 14 სახეობის ყველის, ასევე ახლო მომავალში დასაპატენტებელი ყველისა და ღვინის ნიმუშებს.
ფესტივალის ფარგლებში გაიმართა კონკურსიც, სადაც წლის ყველის მწარმოებელი და ხალხის რჩეული ყველი გამოვლინდა.
ფესტივალის ფარგლებში გაიმართა კონკურსი, სადაც 8 კატეგორიაში 12 გამარჯვებული კომპანია გამოვლინდა. მათ შორის კატეგორიაში ყველაზე ორიგინალური გაფორმება სამეგრელო-ზემო სვანეთის სტენდმა მოიპოვა. სადაც ხობის მუნიციპალიტეტიც იყო წარმოჩენილი. ორიგინალურად და საინტერესოდ გაფორმებულ ხობის კუთხეს უამრავი დამთვალიერებელი სტუმრობდა.
ფესტივალის ფარგლებში ღონისძიებების გამართვა საქართველოს რეგიონებში იგეგმება.ყველის მწარმოებელთა გილდიის ინიციატივით, მომავალ წელს ყველის ფესტივალის ფარგლებში ღონისძიებების გამართვა საქართველოს რეგიონებში იგეგმება.

November 6, 2014

შემოდგომის ფესტივალი ბაღებში (EN)

November 5, 2014

მოსახლეობის საყოველთაო აღწერა დაიწყო (EN)

5 ნოემბრიდან საქართველოს სტატისტიკის ეროვნულმა სამსახურმა მოსახლეობის საყოველთაო აღწერა დაიწყო. აღწერის პროცესი მთელი ქვეყნის მასშტაბით 15 დღის განმავლობაში გაგრძელდება და 19 ნოემბერს დასრულდება.
სპეციალურად ამ მიზნისათვის მომზადებული 10 ათასამდე აღმწერი მთელი ქვეყნის მასშტაბით შემოივლიან მათ სამოქმედო ტეროტორიაზე არსებულ ყველა საცხოვრისს და მათში მცხოვრები შინამეურნეობის ერთი ან რამდენიმე სრულწლოვანი წევრის გამოკითხვის გზით, სპეციალური კითხვარების მეშვეობით მიიღებენ ინფორმაციას შინამეურნეობისა და მის შემადგენლობაში მყოფი თითოეული წევრის შესახებ.

November 4, 2014

ხობის „კოლხეთმა“ თერჯოლის „საპოვნელას“ უმასპინძლა (EN)

4 ნოემბერს ხობის ცენტრალურ სტადიონზე საქართველოს XXVI ეროვნული ჩემპიონატის პირველი წრის მეთორმეტე ტურის მატჩი გაიმართა, სადაც ერთმანეთს ხობის „კოლხეთი“ და თერჯოლის „საპოვნელა“ დაუპირისპირდნენ. შეხვედრა ფრედ 2:2 დასრულდა.
ხობელთა რიგებიდან გოლი გაიტანეს ირაკლი გერგაიამ და ირაკლი ქობალიამ.

November 4, 2014

შემოდგომის ზეიმი საბავშვო ბაღებში გრძელდება (EN)

ხობის მუნიციპალიტეტის სკოლამდელ სააღმზრდელო დაწესებულებებში შემოდგომის ფესტივალი გრძელდება, 4 ნოემბერს ქ. ხობის №3, თორსისა და ზემო ქვალონის საბავშვო ბაღებში ორიგინალურ კოსტიუმებში გამოწყობილმა პატარებმა შემოდგომის თემატიკაზე საინტერესო ნომრები წარმოადგინეს. ღონისძიებაზე შესრულდა ლექსები, სიმღერები ასევე სხვა და სხვა ქორეოგრაფიული და ფოლკლორული ნომრები.
ზეიმს ხობის მუნიციპალიტეტის საკრებულოს თავმჯდომარე ედიშერ ჯობავა, ფრაქცია"ქართული ოცნება დემოკრატიული საქართველოს" თავმჯდომარე ლევან ქავთარაძე და სოციალურ საკითხთა კომისიის თავმჯდომარე დოდო გაბუნია ესწრებოდნენ.

November 3, 2014

ხობელი მძლეოსნების წარმატება (EN)

1 ნოემბერს ქალაქ მარტვილში გაიმართა რეგიონალური ტურნირი მძლეოსნობაში მაია აზარაშვილის თასზე. შეჯიბრში საქართველოს სხვადასხვა ქალაქებიდან მოწვეულ სპორტსმენებთან ერთდ ხობის მუნიციპალიტეტის განათლების ცენტრის სასპორტო სკოლის მძლეოსნობის ჯგუფის ნაკრებმა გუნდმაც მიიღო მონაწილეობა (მწვრთნელ-მასწავლებელი ინდირა გრიგოლიანცი).
შეჯიბრი ძალზედ წარმატებული აღმოჩნდა ხობელი მძლეოსნებისთვის:
2000 მეტრ გარბენში I ადგილი დაიკავა გოგა ცხადაიამ.
600 მეტრ გარბენში II ადგილის მფლობელი გრიგოლ ახალაია გახდა, ხოლო 1000 მეტრ გარბენში III ადგილს მარიამ ჩხენკელი დასჯერდა .
რაც შეეხება გუნდურ შეჯიბრს, მონაწილე რვა გუნდს შორის განათლების ცენტრის გუნდმა III ადგილი დაიკავა.
ტურნირის დასასრულს გამარჯვებულები დიპლომებით, მედლებითა და სამახსოვრო საჩუქრებით დაჯილდოვდნენ.

November 2, 2014

ქ.ფოთის საკათედრო ტაძარში კოლხეთის ღვთისმშობლის წმინდა ხატისადმი მიძღვნილი წირვა-ლოცვა აღევლინა (EN)

ქ.ფოთის საკათედრო ტაძარში კოლხეთის ღვთისმშობლის წმინდა ხატისადმი მიძღვნილი წირვა-ლოცვა ფოთისა და ხობის მიტროპოლიტმა , მეუფე გრიგოლმა აღავლინა, რომელსაც სასულიერო პირებთან ერთად ქ. ფოთის მერი, საკრებულოს თავჯდომარე და ადგილობრივი ხელისუფლების წარმომადგენლები ესწრებოდნენ, მოწვეულ სტუმრებს შორის იყვნენ ხობის რაიონის ხელმძრვანელები: საკრებულოს თავჯდომარე ედიშერ ჯობავა და გამგებლის პირველი მოადგილე ვარაზ გაბედავა.

October 31, 2014

პროექტ „სიბრძნის საგანძურის“ პრეზენტაცია თორსა-დღვაბაში (EN)

31 ოქტომბერს თორსა-დღვაბის ადმინისტრაციული ერთეულის ბიბლიოთეკაში პროექტ „სიბრძნის საგანძურის“ პრეზენტაცია გაიმართა. პროექტი ასოციაცია „ათინათთან“ პარტნიორობით, საქართველოს სტრატეგიული კვლევებისა და განვითარების ცენტრისა და გაეროს ერთობლივი პროგრამით, სოფლის მოსახლეობის ჩართულობითა და ადგილობრივი ხელისუფლების თანადგომით დაფინანსდა და განხორციელდა. პროექტის პრეზენტაციას, რომელსაც ბიბლიოთეკის სპეციალისტი გ. კიკალეიშვილი უძღვებოდა, პროექტის ორგანიზატორებთან ერთად საკრებულოს თავმჯდომარე ე. ჯობავა, მუნიციპალიტეტის გამგებელი გ. ქაჯაია, გამგებლის მოადგილეები ვ. გაბედავა და მ. ჩოკორაია ესწრებოდნენ. პრეზენტაციის დასასრულს საბავშვო ბაღის აღსაზრდელებმა წაიკითხეს ლექსები, საჯარო სკოლის მოსწავლეებმა კი ისაუბრეს წიგნისა და ბიბლიოთეკის მნიშვნელობაზე.
პროექტ „სიბრძნის საგანძურის“ მიზანია სოფელში არსებული ბიბლიოთეკის რეაბილიტაცია და თანამედროვე წიგნებითა და ტექნიკით აღჭურვა. პროექტის საერთო ღირებულება შეადგენს 6 634 ლარს, აქედან გაეროს განვითარების პროგრამიდან დაიხარჯა 5 917 ლარი, სოფლის მოსახლეობამ საკუთარი სურვილით გაიღო 212 ლარი, ხოლო ადგილობრივი ბიუჯეტიდან პროექტს გამოეყო თანხა 505 ლარის ოდენობით.

<<
<
140
141
142
143
144
145
146
147
148
149
150
151
152
153
154
155
156
157
158
159
160
161
162
163
164
165
166
167
168
169
170
...
>
>>