SAKREBULO OF KHOBI MUNICIPALITY

Home
news

news

February 2, 2015

შეხვედრა საფეხბურთო კლუბ „კოლხეთთან“ (EN)

2 თებერვალს ხობის მუნიციპალიტეტის საკრებულოს თავმჯდომარემ ედიშერ ჯობავამ, საფინანსო- სარევიზიო კომისიის თავმჯდომარემ ტარიელ ალექსანდრიამ, ეკონომიკური განვითარების საკითხთა კომისიის თავმჯდომარემ გოჩა სიჭინავამ, სოციალურ საკითხთა კომისიის თავმჯდომარემ დოდო გაბუნიამ და გამგებლის მოადგილემ მახარე ჩოკორაიამ საინტერესო და საქმიანი შეხვედრა გამართეს ხობის მუნიციპალიტეტის საფეხბურთო კლუბ „კოლხეთის“ მწვრთნელ-ფეხბურთელებთან, შეხვედრა შედგა კლუბის საწვრთნელ ბაზაში. მათ დაათვალიერეს ს.კ „კოლხეთის“ სამწვრთნელო ბაზაში ახლად გახსნილი ფეხბურთელთა და მსაჯთა გასახდელი ოთახები და დასასრულს „კოლხეთის“ ფეხბურთელებს სათამაშო სპორტული ფორმის კომპლექტი გადასცეს.
საკრებულოს თავმჯდომარემ ედიშერ ჯობავამ სიტყვით მიმართა ს.კ „კოლხეთის“ წევრებს და პირობა აღუთქვა, საკრებულო ყველაფერს გააკეთებს იმისათვის, რომ ს.კ „კოლხეთი“ იყოს N1 წარმატებული სპორტული კლუბი მუნიციპალიტეტში. ადგილობრივი ბიუჯეტის დახმარებით ს.კ „კოლხეთი“ 2 კვირიან შეკრებით - წვრთნებზე გაემგზავრება დაბა კურორტ ურეკში, სადაც რამოდენიმე ამხანაგურ თამაშებსაც გამართავს.
მთავარმა მწვრთნელმა გია გურულმა და ფეხბურთელებმა ხობის მუნიციპალიტეტის წარმომადგენლებს მადლობა გადაუხადეს გაწეული მხარდაჭერისთვის და პირობა მისცეს, რომ ყველაფერს გააკეთებენ გუნდის წარმატებითვის.

February 2, 2015

ერთად დავამარცხოთ C ჰეპატიტი (EN)

ხობის მუნიციპალიტეტის საკრებულოს თანამშრომლები უერთდებიან საქართველოს შრომის, ჯანმრთელობის და სოციალური დაცვის მინისტრის დავით სერგეენკოს ინიციატივით მიმდინარე აქციას „ერთად დავამარცხოთ C ჰეპატიტი“.

January 28, 2015

კონკურსის მესამე ეტაპი (EN)

24 იანვრიდან ხობის მუნიციპალიტეტის ადგილობრივი თვითმმართველობის მოხელეთა საკონკურსო-საატესტაციო მუდმივმოქმედმა კომისიამ დაიწყო ხობის მუნიციპალიტეტის გამგეობისა და საკრებულოს აპარატის მოხელეთა ვაკანტური თანამდებობების დასაკავებლად გამოცხადებული საჯარო კონკურსების მესამე ეტაპი - გასაუბრება, რომელიც გაგრძელდება 1 თებერვლამდე.

January 23, 2015

საკრებულოს სხდომის ანგარიში (EN)

23 იანვარს ხობის მუნიციპალიტეტის საკრებულოს სხდომათა დარბაზში გაიმართა საკრებულოს მორიგი სხდომა, რომელსაც უძღვებოდა საკრებულოს თავმჯდომარე ედიშერ ჯობავა. სხდომას ესწრებოდნენ: გამგებელი გოჩა ქაჯაია, საკრებულოს, გამგეობისა და ადგილობრივი თვითმმართველობის ხელმძღვანელები.

დღის წესრიგის დამტკიცების შემდეგ სხდომაზე განხილულ და მიღებულ იქნა „ხობის მუნიციპალიტეტის ავტოსატრანსპორტო საშუალებების მოძრაობის რეგულირების შესახებ“ დადგენილების პროექტი, რომლის მიხედვითაც ხობის მუნიციპალიტეტის ხეთის ადმინისტრაციული ერთეულის ტერიტორიაზე, „პაპანწყვირის“ ტბასთან გზაზე (გზის დასაწყისი-თბილისი -სენაკი-ლესელიძის საავტომობილო გზის გადაკვეთასთან და გზის დასასრულში-„პაპანწყვირის“ ტბასთან შესასვლელი გზის გადაკვეთაზე) განთავსდება 2 ცალი ამკრძალავი საგზაო ნიშანი 3.11. „მასის შეზღუდვა“ (მინიშნებით „8 ტონა“) და დაევალა ხობის მუნიციპალიტეტის გამგეობას ამ დადგენილებით გათვალისწინებული საგზაო ნიშნების განთავსებისათვის აუცილებელი ღონისძიებების გატარება 30 დღის ვადაში.

შემდეგ საკითხად სხდომაზე განხილულ და მიღებულ იქნა განკარგულება „ხობის მუნიციპალიტეტის 2015 წლის ადგილობრივი შესყიდვების გეგმის დამტკიცების შესახებ“ ასევე განხილულ იქნა „ ხობის მუნიციპალიტეტის 2015 წლის ადგილობრივი ბიუჯეტით გათვალისწინებული საბიუჯეტო ასიგნების განწერის დასამტკიცებლად ხობის მუნიციპალიტეტის გამგებლისთვის თანხმობის მიცემის შესახებ“ განკარგულების პროექტი და საკრებულოს განკარგულებით მიეცა თანხმობა ხობის მუნიციპალიტეტის გამგებელს ხობის მუნიციპალიტეტის 2015 წლის ადგილობრივი ბიუჯეტით გათვალისწინებული საბიუჯეტო ასიგნების კვარტალური განწერის თაობაზე.

საკრებულოს განკარგულებით ასევე მიეცა თანხმობა ხობის მუნიციპალიტეტის გამგებელს მუნიციპალიტეტის საკუთრებაში არსებული მოძრავი ქონების საქართველოს შინაგან საქმეთა სამინისტროსთვის სარგებლობის უფლების გადაცემაზე.

სხდომაზე ბოლო საკითხად მოსმენილ იქნა საკრებულოს თვმჯდომარის ედიშერ ჯობავას ინფორმაცია ხობის მუნიციპალიტეტის 2012-2013 წლების ფინანსური და საფინანსო_სამეურონეო საქმიანობის შესაბამისობის აუდიტის ანგარიშის თაობაზე.

საკრებულოს თავმჯდომარე ედიშერ ჯობავამ, საკრებულოს წევრებს, დღის წესრიგით გათვალისწინებულ სხვა და სხვა საკითხების ფორმატში წარუდგინა ინმფორმაცია სოფლის მეურნეობაში განხორციელებული პროექტების შესახებ, რომელბიც სტიმულის მიმცემია გლეხების, ფერმერების და სოფლის მეურნეობის დარგში ჩართული მეწარმეებისათვის.

დღის წესრიგით გათვალისწინებული საკითხების განხილვის შემდეგ სხდომა დახურულად გამოცხადდა.

January 22, 2015

საკრებულოს სხდომა (EN)

ხობის მუნიციპალიტეტს საკრებულოს მორიგი სხდომა გაიმართება 2015 წლის 23 იანვარს 11:00 საათზე საკრებულოს სხდომათა დარბაზში.

January 22, 2015

საკრებულოს ბიუროს სხდომა (EN)

2015 წლის 22 იანვარს გაიმართა ხობის მუნიციპალიტეტის საკრებულოს ბიუროს სხდომა,
სადაც განხილულ იქნა შემდეგი საკითხები:

1. სახელმწიფო აუდიტის სამსახურის ადგილობრივი თვითმმართველი ერთეულების ბიუჯეტების აუდიტის დეპარტამენტის უფროსის ზ. ბუცხრიკიძის 2014 წლის 19 დეკემბრის N118/20 წერილის განხილვა (ხობის მუნიციპალიტეტის 2012-2013 წლების ფინანსური ანგარიშგების ფინანსური აუდიტისა და საფინანსო-სამეურნეო საქმიანობის შესაბამისობის აუდიტის ანგარიშის თაობაზე)

(მომხსენებელი: ტ. ალექსანდრია - საფინანსო-საბიუჯეტო კომისიის თავმჯდომარე)

2. ხობის მუნიციპალიტეტის გამგებლის გ. ქაჯაიას 2015 წლის 15 იანვრის 06/47 წერილის განხილვა („ხობის მუნიციპალიტეტის 2015 წლის ადგილობრივი ბიუჯეტით გათვალისწინებული საბიუჯეტო ასიგნებების განწერის დასამტკიცებლად ხობის მუნიციპალიტეტის გამგებლისთვის თანხმობის მიცემის შესახებ“ განკარგულების პროექტის თაობაზე)

(მომხსენებელი: ტ. ალექსანდრია - საფინანსო-საბიუჯეტო კომისიის თავმჯდომარე)

3. ხობის მუნიციპალიტეტის გამგებლის გ. ქაჯაიას 2015 წლის 21 იანვრის 06/78 წერილის განხილვა („ხობის მუნიციპალიტეტის 2015 წლის ადგილობრივი ბიუჯეტის დამტკიცების შესახებ“ ხობის მუნიციპალიტეტის საკრებულოს 2014 წლის 30 დეკემბრის N46 დადგენილებაში ცვლილების შეტანის თაობაზე“ დადგენილების პროექტისა და „ხობის მუნიციპალიტეტის 2015 წლის ადგილობრივი შესყიდვების გეგმის დამტკიცების შესახებ“ განკარგულების პროექტის თაობაზე)

(მომხსენებელი: ტ. ალექსანდრია - საფინანსო-საბიუჯეტო კომისიის თავმჯდომარე)

4. ხობის მუნიციპალიტეტის გამგებლის გ. ქაჯაიას 2015 წლის 22 იანვრის 06/84 წერილის განხილვა („ხობის მუნიციპალიტეტში ავტოსატრანსპორტო საშუალებების მოძრაობის რეგულირების შესახებ“ დადგენილების პროექტის თაობაზე)

(მომხსენებელი: გ. სიჭინავა - ეკონომიკური განვითარების საკითხთა კომისიის თავმჯდომარე)

5. ხობის მუნიციპალიტეტის გამგებლის გ. ქაჯაიას 2015 წლის 22 იანვრის 06/85 წერილის განხილვა („ხობის მუნიციპალიტეტის საკუთრებაში არსებული მოძრავი ქონების საქართველოს შინაგან საქმეთა სამინისტროსთვის სარგებლობის უფლებით გადაცემაზე ხობის მუნიციპალიტეტის გამგებლისთვის თანხმობის მიცემის თაობაზე“ განკარგულების პროექტის თაობაზე)

(მომხსენებელი: გ. სიჭინავა - ეკონომიკური განვითარების საკითხთა კომისიის თავმჯდომარე)

6. „საწვავისა და სატელეფონო მომსახურების ხარჯების ლიმიტის განსაზღვრის შესახებ“ ხობის მუნიციპალიტეტის საკრებულოს 2014 წლის 28 ივლისის N53 განკარგულებაში ცვლილების შეტანის თაობაზე“ განკარგულების პროექტის განხილვა.

(მომხსენებელი: ტ. ალექსანდრია - საფინანსო-სარევიზიო კომისიის თავმჯდომარე)

7. „ხობის მუნიციპალიტეტის საკრებულოს წევრების (გარდა თანამდებობის პირებისა) მოვალეობის შესრულებასთან დაკავშირებით გაწეული ხარჯების ანაზღაურების წესის დამტკიცების შესახებ“ ხობის მუნიციპალიტეტის საკრებულოს 2014 წლის 30 დეკემბრის N44 დადგენილებაში ცვლილების შეტანის თაობაზე“ დადგენილების პროექტის განხილვა.

(მომხსენებელი: შ. სირაძე - იურიდიულ საკითხთა და ადამიანის უფლებათა დაცვის კომისიის თავმჯდომარე)

8. „ხობის მუნიციპალიტეტის საკრებულოს რეგლამენტის დამტკიცების შესახებ“ ხობის მუნიციპალიტეტის საკრებულოს 2014 წლის 14 ივლისის N7 დადგენილებაში ცვლილების შეტანის თაობაზე“ დადგენილების პროექტის განხილვა.

(მომხსენებელი: შ. სირაძე - იურიდიულ საკითხთა და ადამიანის უფლებათა დაცვის კომისიის თავმჯდომარე)

9. სხვადასხვა

ხობის მუნიციპალიტეტის საკრებულოს ბიუროს გადაწყვეტილებით საკრებულოს მორიგი სხდომა გაიმართება 2015 წლის 23 იანვარს 11:00 საათზე.

January 21, 2015

საკონკურსო-საატესტაციო კომისიის სხდომა (EN)

2015 წლის 20 იანვარს გაიმართა ხობის მუნიციპალიტეტის ადგილობრივი თვითმმართველობის მოხელეთა საკონკურსო-საატესტაციო მუდმივმოქმედი კომისიის სხდომა, რომელმაც განიხილა ხობის მუნიციპალიტეტის გამგეობის და ხობის მუნიციპალიტეტის საკრებულოს მიერ გამგეობის და საკრებულოს აპარატის მოხელეთა ვაკანტური თანამდებობების დასაკავებლად გამოცხადებული საჯარო კონკურსების მეორე ეტაპის - ტესტირების საბოლოო შედეგები და მესამე ეტაპის - გასაუბრების გრაფიკი.

კონკურსის მეორე ეტაპის საბოლოო შედეგებით, გასაუბრებაზე დაშვებულია 177 კანდიდატი, რომელთა განაცხადები ვაკანტური თანამდებობების დასაკავებლად 372 შეადგენს.

კომისიის გადაწყვეტილებით, გასაუბრება ჩატარდება 2015 წლის 24 იანვრიდან 1 თებერვლის ჩათვლით, ხობის მუნიციპალიტეტის ადგილობრივი თვითმმართველობის ადმინისტრაციულ შენობაში (მისამართი: ქ. ხობი; ცოტნე დადიანის ქ. N189; მე-2 სართული; ოთახი N214).

დაინტერესებულ პირს კონკურსის მეორე ეტაპის - ტესტირების შესახებ დეტალური ინფორმაცია შეუძლია იხილოს საკრებულოს ვებ-გვერდის საინფორმაციო ბლოკში „ვაკანსია“, შემდეგ მისამართზე: http://khobi-sakrebulo.ge/ge/our-municipality/vakansiebi/2014-tseli/dekemberi/shedegebi/iii-etapi#.VL90jtKsU9k

კონკურსის მესამე ეტაპის - გასაუბრების გრაფიკი განთავსებულია საკრებულოს ვებ-გვერდის საინფორმაციო ბლოკში „ვაკანსია“, შემდეგ მისამართზე:

http://khobi-sakrebulo.ge/ge/our-municipality/vakansiebi/2014-tseli/dekemberi/shedegebi/iii-etapi#.VL90jtKsU9k

January 20, 2015

გილოცავთ ნათლისღების დღესასწაულს (EN)

ხობის მუნიციპალიტეტის საკრებულო გილოცავთ ნათლისღების ბრწყინვალე საუფლო დღესასწაულს! იოანე დამასკელის თქმით, უფალმა იმიტომ კი არ მიიღო ნათელი, რომ თვით სჭირდებოდა განწმენდა, არამედ იმიტომ, რომ წყლით განებანა კაცთა ცოდვები, ეჩვენებინა ნათლისღების სახე და მაგალითი. ქრისტემ წყლით და სულიწმიდით გაანაახლა ცოდვებისაგან დამძიმებული კაცის ბუნება.შეგეწიოთ და გაგაძლიეროთ ნათლისღების დღის მადლმა.

January 16, 2015

ხობში სალოტბარო სკოლა გაიხსნა (EN)

15 იანვარს ხობის მუნიციპალიტეტის გამგებელსა და ფოლკლორის სახელმწიფო ცენტრის ხელმძღვანელს გიორგი დონაძეს შორის ხელი მოეწერა მემორანდუმს თანადაფინანსების საფუძველზე ხობში სალოტბარო სკოლის გახსნის თაობაზე. აღნიშნული პროექტის პრეზენტაციას მიეძღვნა საზეიმო ღონისძიება, რომელიც გაიმართა ხობის კულტურის სახლში. ღონისძიებას ესწრებოდნენ და დამსწრე საზოგადოებას სალოტბარო სკოლის გახსნა მიულოცეს სამეგრელო-ზემო სვანეთის სახელმწიფო რწმუნებულის-გუბერნატორის პირველმა მოადგილემ კობა ქანთარიამ, ხობის მუნიციპალიტეტის საკრებულოს თავმჯდომარემ ედიშერ ჯობავამ, გამგებელმა გოჩა ქაჯაიამ, ფოლკლორის სახელმწიფო ცენტრის ხელმძღვანელმა გიორგი დონაძემ, ფოლკლორის ეროვნული ცენტრის ზეპირსიტყვიერების მიმართულების ხელმძღვანელმა ეთერ თათარაიძემ. ფოლკლორის სახელმწიფო ცენტრის ხელმძღვანელობამ დიდი მადლობა გადაუხადა ადგილობრივ ხელისუფლებას სალოტბარო სკოლის შექმნაში გაწეული მხარდაჭერისა და თანადგომისათვის, რამაც განაპირობა საქართველოს პრემიერ-მინისტრის მხარდაჭერილი პროექტის ფარგლებში, ფოლკლორის სახელმწიფო ეროვნული ცენტრის მიერ ქვეყნის მაშტაბით პირველი სალოტბარო სკოლის გახსნა ხობის მუნიციპალიტეტში. სალოტბარო სკოლა მიზნად ისახავს 2001 წელს იუნესკოს მიერ არამატერიალური კულტურის ძეგლად აღიარებული უნიკალური ქართული სიმღერის გადარჩენას, შენახვას, პოპულარიზაციას და მომავალი თაობებისათვის გადაცემას. სალოტბარო სკოლაში ფოლკლორის ცენტრის მიერ შემუშავებული პროგრამის საფუძველზე, ახალგაზრდობა უფასოდ შეისწავლის უძველეს მეგრულ სიმღერებს და ქართულ ტრადიციულ გალობას. აქტიურად მოხდება ახალგაზრდობის ჩაბმა ცენტის მიერ მოწყობილ ფესტივალებსა და ღონისძიებებში. განხორციელდება გამორჩეული ნიჭიერი ახალგაზრდების რეალური ხელშეწყობა. სკოლის წარჩინებული მოსწავლეები სურვილის შემთხვევაში ჩააბარებენ თბილისის გიორგი მთაწმინდელის სახელობის საეკლესიო გალობის უმაღლეს სასწავლებელში და მიიღებენ უმაღლეს განათლებას უფასოდ. გარდა ამისა ცენტრი მოახდენს ადგილობრივი სპეციალისტების ხელშეწყობასა და მათ გადამზადებას.

January 12, 2015

შეხვედრა სახანძრო დაცვისა და სამაშველო სამსახურის თანამშრომლებთან (EN)

12 იანვარს ხობის მუნიციპალიტეტის საკრებულოს სხდომათა დარბაზში გაიმართა ადგილობრივი თვითმმართველობის ხელმძღვანელების შეხვედრა ხობის მუნიციპალიტეტის გამგეობის სახანძრო დაცვისა და სამაშველო სამსახურის თანამშრომლებთან მათი საქართველოს შინაგან საქმეთა სამინისტროს დაქვემდებარებაში გადაცემასთან დაკავშირებით.
შეხვედრას ესწრებოდნენ საკრებულოს დავმჯდომარე ედიშერ ჯობავა, გამგებელი გოჩა ქაჯაია, გამგებლის მოადგილე ვარაზ გაბედავა, სახანძრო დაცვისა და სამაშველო სამსახურის უფროსი გოჩა არაჩემია და სხვა ხელმძღვანელი პირები, რომლებმაც უპასუხეს აღნიშნული სამსახურის თანამშრომლებისთვის საინტერესო შეკითხვებს მოსალოდნელ ცვლილებებთან დაკავშირებით.
დასასრულს მუნიციპალიტეტის ხელმძღვანელებმა მადლობა გადაუხადეს სახანძრო დაცვისა და სამაშველო სამსახურის თანამშრომლებს მუნიციპალიტეტთან მრავალწლიანი ურთიერთობისა და ნაყოფიერი თანამშრომლობისთვის და უსურვეს მათ წარმატებები შემდგომ საქმიანობებში.

January 9, 2015

ქალაქ ხობის მაჟორიტარი დეპუტატის საჩუქარი დევნილებს (EN)

9 იანვარს ქალაქ ხობის მაჟორიტარმა დეპუტატმა ფრაქცია „ქართული ოცნება-დემოკრატიული საქართველოს“ თავმჯდომარემ ლევან ქავთარაძემ ყოფილი სპორტული სკოლა-ინტერნატის შენობაში კომპაქტურად ჩასახლებული დევნილი მოსახლეობა მოინახულა, შობა ახალი-წელი მიულოცა მათ და საჩუქრად საკუთარი სახსრებით შეძენილი სხვადასხვა სახის 700 ლარამდე ღირებულების მედიკამენტი გადასცა. მაჟორიტარმა დეპუტატმა დევნილებს პირობა მისცა, რომ ეს საქველმოქმედო აქცია მრავალჯერად ხასიათს მიიღებს.

January 8, 2015

თვითმმართველობის მოხელეთა საკონკურსო-საატესტაციო მუდმივმოქმედი კომისიის განცხადება ტესტირების შესახებ (EN)

2015 წლის 8 იანვარს გაიმართა ხობის მუნიციპალიტეტის ადგილობრივი თვითმმართველობის მოხელეთა საკონკურსო-საატესტაციო მუდმივმოქმედი კომისიის სხდომა, რომელმაც განიხილა საქართველოს იუსტიციის სამინისტროს მმართველობის სფეროში მოქმედი სსიპ „საქართველოს იუსტიციის სასწავლო ცენტრის“ მიერ მოწოდებული ინფორმაცია ხობის მუნიციპალიტეტის გამგეობის და ხობის მუნიციპალიტეტის საკრებულოს მიერ გამგეობის და საკრებულოს აპარატის მოხელეთა ვაკანტური თანამდებობების დასაკავებლად გამოცხადებული საჯარო კონკურსების მეორე ეტაპის - ტესტირების ჩატარების პირობებისა და გრაფიკის შესახებ.
სსიპ „საქართველოს იუსტიციის სასწავლო ცენტრთან“ შეთანხმებით, კომისიის გადაწყვეტილებით, ტესტირება ჩატარდება 10, 11 და 12 იანვარს, ქ. ზუგდიდში, იუსტიციის სახლში (თეატრის ქ. N2).
დაინტერესებულ პირს, დამატებითი ინფორმაცია ტესტირების შესახებ შეუძლია იხილოს ვებ-გვერდის საინფორმაციო ბლოკში „ვაკანსია“, შემდეგ მისამართზე:http://khobi-sakrebulo.ge/…/20…/dekemberi/shedegebi/ii-etapi
ხობის მუნიციპალიტეტის საკრებულოს და ხობის მუნიციპალიტეტის გამგეობის მიერ საკრებულოს აპარატის და გამგეობის მოხელეთა ვაკანტური თანამდებობების დასაკავებლად გამოცხადებული საჯარო კონკურსის მეორე ეტაპის - ტესტირების გრაფიკი:

January 6, 2015

გილოცავთ შობის ბრწყინვალე დღესასწაულს (EN)

ხობის მუნიციპალიტეტის საკრებულო გილოცავთ მართლმადიდებლური სამყაროს უდიდეს დღეს - შობის ბრწყინვალე დღესასწაულს, ღვთისმშობლის ლოცვით თანდართულ მაცხოვრის დაბადების დღეს, რომლითაც დაიწყო კაცობრიობის ისტორიაში ახალი ერა.
იმედი და უფლის რწმენა, სიკეთე და ღვთის წყალობა გინათებდეთ გზას თქვენს ოჯახებსა და სრულიად საქართველოს. მშვიდობა, დღეგრძელობა და ბედნიერება მოგანიჭოთ უფალმა.
ერთად ვილოცოთ და ვიღვაწოთ ჩვენი ქვეყნის წინსვლისა და კეთილდღეობისათვის.

December 31, 2014

საკრებულოს რიგგარეშე სხდომის ანგარიში (EN)

31 დეკემბერს ხობის მუნიციპალიტეტის საკრებულოს სხდომათა დარბაზში გაიმართა საკრებულოს რიგგარეშე სხდომა, რომელსაც უძღვებოდა საკრებულოს თავმჯდომარე ედიშერ ჯობავა, სხდომას ესწრებოდნენ საკრებულოს, გამგეობისა და ადგილობრივი თვითმართველობის ხელმძღვანელები.
დღის წესრიგის დამტკიცების შემდეგ სხდომაზე განხილულ იქნა ,,ხობის მუნიციპალიტეტის 2014 წლის ადგილობრივი ბიუჯეტის დამტკიცების შესახებ“ ხობის მუნიციპალიტეტის საკრებულოს 2013 წლის 30 დეკემბრის N21 დადგენილებაში ცვლილებების შეტანის თაობაზე“ დადგენილების პროექტი და ,,ხობის მუნიციპალიტეტის 2014 წლის ადგილობრივი შესყიდვების გეგმის დამტკიცების შესახებ“ ხობის მუნიციპალიტეტის საკრებულოს 2014 წლის 23 იანვრის N1 განკარგულებაში ცვლილებების შეტანის თაობაზე“ განკარგულების პროექტი, რომლის თანახმადაც, საქართველოს მთავრობის განკარგულებით, სტიქიის სალიკვიდაციო ღონისძიებების დასაფინანსებლად ცენტრალური ბიუჯეტიდან ხობის მუნიციპალიტეტს გამოეყო თანხა 49400 ლარის ოდენობით, რისი ასახვაც მოხდა აღნიშნულ პროექტში.
დღის წესრიგით გათვალისწინებული საკითხის განხილვის შემდეგ სხდომა დახურულად გამოცხადდა.

December 31, 2014

აღმავლობისა და წარმატებების წელი ყოფილიყოს! (EN)

ძვირფასო ხობელებო, უდიდესი პატივისცემითა და სიყვარულით გილოცავთ დამდეგი შობა-ახალი წლის ბრწყინვალე დღესასწაულს. ქართველი ხალხისთვის ახალი წლის მობრძანება, ტრადიციულად, განსაკუთრებით მნიშვნელოვანი და საყვარელია, ვინაიდან ეს ასოცირდება უკეთესობისკენ მუდმივ სწრაფვასთან, საუკეთესო შედეგების მისაღწევად. საქართველო, ამ მხრივ ისტორიულად, მყარად დგას უძველეს საყრდენებზე, ეს ის ღირებულებებია, რომლებმაც ჩვენს ხალხს და ქვეყანას ღირსეული ადგილი დაუმკვიდრა მსოფლიო ცივილიზაციაში და მოგვიყვანა დღემდის. სწორედ ამ გენეტიკურმა ძალამ უნდა გაგვაერთიანოს ჩვენი მომავალი განვითარებისა და კეთილდღეობისთვის ბრძოლაში, რათა ვაშენოთ ქართულ ტრადიციებსა და ღირებულებებზე დაფუძნებული ძლიერი სახელმწიფო, რომელიც ღირსეულ ადგილს დაიკავებს თანამედროვე დემოკრატიულ და თავისუფალ მსოფლიოში.

ხობის მუნიციპალიტეტის ხელისუფლებას გვაქვს რეალური საფუძველი, რომ ჩვენს მოსახლეობას მივმართოთ საახალწლო დაპირებით: 2015 წელი იქნება ეკონომიკური აღმავლობისა და წარმატებების წელი, ვინაიდან ამ დროისათვის სხვა მნიშვნელოვან პროგრამებთან ერთად განხორციელდება 220 მილიონი ლარის ღირებულების ინფრასტრუქტურული პროექტები, რომელიც აუცილებლად პოვებს პოზიტიურ ასახვას ჩვენს ეკონომიკურ კეთილდღეობაზე. გისურვებთ, რომ დამდეგი ახალი წელი ყოველი თქვენთაგანის ოჯახისთვის ყოფილიყოს ბედნიერების, დღეგრძელობის, ბარაქის, კეთილდღეობისა და წარმატებების მომტანი.

ედიშერ ჯობავა ხობის მუნიციპალიტეტის საკრებულოს თავმჯდომარე

<<
<
138
139
140
141
142
143
144
145
146
147
148
149
150
151
152
153
154
155
156
157
158
159
160
161
162
163
164
165
166
167
168
...
>
>>