SAKREBULO OF KHOBI MUNICIPALITY

Home
news

news

May 11, 2015

შპს ფიგარო საწარმოს მშენებლობას ახორციელებს (EN)

„აწარმოე საქართველოში“ ფარგლებში შპს „ფიგარო“ (რომელსაც პროექტის ფარგლებში გამოეყო თანხა 1000000 აშშ დოლარი) ხობის მუნიციპალიტეტში განახორციელებს საწარმოს მშენებლობას, სადაც წარმოებაში იქნება (ბლოკის მოსაპირკეთებელი ფილების, მშრალი სამშენებლო მასალების, ნარგავების წარმოება). 11 მაისს აღნიშნული საწარმოს მშენებლობის მიმდინარე სამუშაოები დაათვალიერეს ხობის მუნიციპალიტეტის საკრებულოს თავმჯდომარემ ედიშერ ჯობავამ, საფინანსო-სარევიზიო კომისიის თავმჯდომარემ ტარიელ ალექსანდრიამ და ეკონომიკური განვითარების საკითხთა კომისიის თავმჯდომარემ გოჩა სიჭინავამ. საწარმოს გახსნა უახლოეს მომავალში იგეგმება

May 9, 2015

ფაშიზმზე გამარჯვების 70-ე წლისთავი (EN)

9 მაისს ხობის მუნიციპალიტეტის კულტურის ცენტრის ორგანიზებით ხეთის მხარეთმცოდნეობისა და დიდების მუზეუმში მეორე მსოფლიო ომის მონაწილე ვეტერანებისთვის საზეიმო ღონისძიება გაიმართა. ადგილობრივი ხელისუფლების წარმომადგენლებმა, ომის ვეტერანებმა და მოწვეულმა სტუმრებმა ყვავილებით შეამკეს და სანთლები აანთეს შინმოუსვლელთა საფლავებზე. საზეიმო შეხვედრაზე ვეტერანებს მიესალმა მუნიციპალიტეტის საკრებულოს თავმჯდომარე ედიშერ ჯობავა და გამგებლი გოჩა ქაჯაია. ადგილობრივ ხელისუფლებას მილოცვისთვის მადლობა გადაუხადა და წარსული დღეები გაიხსენა საქართველოს ვეტერანთა ხობის რაიონული საბჭოს თავმჯდომარემ ალიოშა ცხადაიამ. დასასრულს ხობის მუნიციპალიტეტის საკრებულოს თავმჯდომარემ ე. ჯობავამ და გამგებელმა გ.ქაჯაიამ ფაშიზმზე გამარჯვების 70-ე წლისთავთან დაკავშირებით სამამულო ომის ვეტერანებს გადასცეს საქართველოს პრემიერ მინისტრის მიერ დაწესებული სპეციალური ჯილდო და მისალოცი ბარათები. ამასთანავე ვეტერანებს პირად საბანკო ანგარიშერბზე დაერიცხათ 1000 ლარი სახელმწიფო ბიუჯეტიდან, 150 ლარი ხობის მუნიციპალიტეტის ადგილობრივი ბიუჯეტიდან, ხოლო 100 ლარი შპს „შავი ზღვის ტერმინალისაგან“.
ხობის მუნიციპალიტეტის საკრებულო ულოცავს ყველა ვეტერანს ფაშიზმზე გამარჯვების 70-ე წლისთავს და თითოეულ მათგანს უსურვებს დიდხანს სიცოცხლეს.

May 8, 2015

ახალგაზრდული საკრებულოს პირველი სხდომა (EN)

არასამთავრობო ორგანიზაცია „ადამიანი, კანონი, თავისუფლების“ მიერ ქვეყნის მასშტაბით ხორციელდება პროექტი „ახალგაზრდული საკრებულო 64 მუნიციპალიტეტში“. პროექტის პრეზენტაცია ხობის მუნიციპალიტეტის საკრებულოს სხდომათა დარბაზში შედგა 2 მარტს, სადაც ტესტირების შედეგებით შეირჩა 36 ახალგაზრდული საკრებულოს წევრი. აღნიშნული შედეგების საფუძველზე 8 მაისს ხობის მუნიციპალიტეტის საკრებულოს სხდომათა დარბაზში ახალგაზრდული საკრებულოს პირველი სხდომა გაიმართა, სადაც საკრებულოს თავმჯდომარეობის მსურველმა საკრებულოს წევრებმა წარადგინეს სამომავლოდ განსახორციელებელი სხვადასხვა პროექტები, რის შემდეგაც ფარული კენჭისყრის საფუძველზე ხმათა უმრავლესობით საკრებულოს თავმჯდომარედ არჩეულ იქნა მაკა ჯგერენაია, ხოლო მოადგილედ ლუკა ლოლუა.

ახალგაზრდული საკრებულოს წევრებს მიესალმნენ ხობის მუნიციპალიტეტის საკრებულოს თავმჯდომარე ედიშერ ჯობავა, საფინანსო-სარევიზიო კომისიის თავმჯდომარე ტარიელ ალექსანდრია, ხობის საგანმანათლებლო რესურსცენტრის უფროსი ხათუნა გერგაია და ხობის მუნიციპალიტეტის გამგეობის კულტურის, განათლების, სპორტის, ძეგლთა დაცვისა და ახალგაზრდულ საქმეთა სამსახურის უფროსი როზეტა შულაია, მათ ახალგაზრდულ საკრებულოს წევრებს საკრებულოს უფლებამოსილებები გააცნეს, სრული მხარდაჭერა განუცხადეს პროექტის განხორციელებაში და წარმატებები უსურვეს შემდგომ საქმიანობაში.

May 8, 2015

9 მაისი - ფაშიზმზე გამარჯვების 70-ე წლისთავისადმი მიძღვნილი საზეიმო ღონისძიების პ რ ო გ რ ა მ ა (EN)

11 : 00 - საათზე ქ. ხობის ცენტრში შეხვედრა ომის ვეტერანებთან;
11 : 30 - საათზე ომის ვეტერანების, მოწვეული სტუმრებისა და მონაწილე
კოლექტივების გასვლა ხეთის დიდების მუზეუმში;
12 : 00 - ომში დაღუპულთა საფლავების გვირგვინით შემკობა;
12 : 10 - ლიტერატურულ-მუსიკალური კომპოზიცია - „ხსოვნა-სიცოცხლეა“
13 : 00 - ლანჩი.

May 6, 2015

ხობის მუნიციპალიტეტის საკრებულო გილოცავთ გიორგობის ბრწყინვალე დღესასწაულს (EN)

May 2, 2015

მორიგი შეხვედრა რაგბიში (EN)

2 მაისს საფეხბურთო სკოლის სტადიონზე ჩატარდა დასავლეთ საქართველოს საფესტივალო ასაკების (2003-2004 წ.წ.) გუნდების მორიგი შეხვედრა რაგბიში, სადაც მონაწილეობდა დასავლეთ საქართველოს მუნიციპალიტეტებიდან 16 გუნდი. მონაწილე გუნდებს გადაეცათ დიპლომები და სამახსოვრო საჩუქრები.

April 30, 2015

საკრებულოს მორიგი სხდომის ანგარიში (EN)

2015 წლის 30 აპრილს, ხობის მუნიციპალიტეტის საკრებულოს სხდომათა დარბაზში, გაიმართა საკრებულოს მორიგი სხდომა, რომელსაც თავმჯდომარეობდა საკრებულოს თავმჯდომარე ედიშერ ჯობავა. სხდომას ესწრებოდნენ საკრებულოსა და გამგეობის ხელმძღვანელი პირები. სხდომაზე განხილულ იქნა დღის წესრიგით გათვალისწინებული სხვადასხვა საკითხები: მათ შორის: დადგენილების პროექტი „საკრებულოსა და გამგეობის თანამდებობის პირთა და საკრებულოს აპარატის და გამგეობის მოსამსახურეთა თანამდებობრივი სარგოების ოდენობის განსაზღვრის შესახებ“ საკრებულოს 2014 წლის 22 აგვისტოს N32 დადგენილებაში ცვლილების შეტანის თაობაზე“, რომელშიც „საჯარო სამსახურის თანამდებობათა რეესტრის დამტკიცების შესახებ“ საქართველოს მთავრობის დადგენილების შესაბამისად განხორციელდა გამგეობასა და საკრებულოში თანამდებობათა რანგირება. სხდომაზე ასევე განხილულ იქნა „ხობის მუნიციპალიტეტის ადგილობრივი ბიუჯეტით გამოყოფილი ასიგნებების გადანაწილების წესის დამტკიცების შესახებ“ დადგენილების პროექტი, რომლითაც განისაზღვრა გამგებლის უფლებამოსილება ადგილობრივი თვითმმართველი ერთეულის ბიუჯეტის ასიგნებების გადანაწილებასა და პროგრამულ კლასიფიკაციაში ცვლილებებთან დაკავშირებით. ხოლო დადგენილების პროექტით „ხობის მუნიციპალიტეტის ადგილობრივი თვითმმართველობის საჯარო თანამდებობათა დასაკავებელი კონკურსისა და ადგილობრივი თვითმმართველობის მოხელეთა ატესტაციის ჩატარების და საკონკურსო-საატესტაციო მუდმივმოქმედი კომისიის საქმიანობის წესის დამტკიცების თაობაზე“ ხობის მუნიციპალიტეტის საკრებულოს 2014 წლის 21 ნოემბრის N38 დადგენილებაში ცვლილების შეტანის თაობაზე“ დამტკიცდა ხობის მუნიციპალიტეტის ადგილობრივი თვითმმართველობის მოხელის სამსახურებრივი დახასიათებისა და ხობის მუნიციპალიტეტის ადგილობრივი თვითმმართველობის მოხელის საატესტაციო ფურცლის ფორმები. საკრებულოზე მოსმენილ იქნა ხობის მუნიციპალიტეტის გამგებლის ანგარიში ხობის მუნიციპალიტეტის გამგეობის მიერ 2014 წლის განმავლობაში გაწეული საქმიანობის შესახებ, სადაც გამგებელმა დეტალურად ისაუბრა ყველა იმ პროექტებზე, რაც გასულ წელს წარმატებით განხორციელდა ადგილობრივი ხელისუფლების მხრიდან, საკრებულოს მიერ გამგეობის მიერ 2014 წელს გაწეული საქმიანობა ერთხმად შეფასდა დადებითად. ამ და დღის წესრიგით გათვალისწინებული სხვა საკითხების განხილვის შემდეგ სხდომა დახურულად გამოცხადდა.

April 29, 2015

გუბერნატორის საჩუქარი ბენეფიციარებს (EN)

სამეგრელო ზემო-სვანეთის მხარეში სახელმწიფო-რწმუნებულის ლევან შონიას განკარგულებით ქალაქ ხობში მდებარე უმწეოთა სასადილოს 120 ბენეფიციარს საჩუქრად გადაეცა სხვადასხვა დასახელების მატერიალური ფასეულობა.

April 28, 2015

ხობის კოლხეთმა ოზურგეთის მერცხალს უმასპინძლა (EN)

28 აპრილს ხობის ცენტრალურ სტადიონზე საქართველოს XXVI ეროვნული ჩემპიონატის მეორე წრის მორიგი ტურის მატჩი გაიმართა, სადაც ერთმანეთს ხობის „კოლხეთი“ და ოურგეთის „მერცხალი“ დაუპირისპირდნენ.
შეხვედრა ფრედ 2:2 დასრულდა.

April 28, 2015

ბიუროს სხდომა (EN)

2015 წლის 28 აპრილს გაიმართა ხობის მუნიციპალიტეტის საკრებულოს ბიუროს სხდომა, სადაც განხილულ იქნა შემდეგი საკითხები:

1. ხობის მუნიციპალიტეტის გამგებლის გ. ქაჯაიას 2015 წლის 26 მარტის 06/415 წერილის განხილვა (ანგარიში ხობის მუნიციპალიტეტის გამგეობის მიერ 2014 წლის განმავლობაში გაწეული საქმიანობის შესახებ)

(მომხსენებელი: ნ. შუშანია - სამანდატო-საპროცედურო საკითხთა კომისიის თავმჯდომარე)

2. ხობის მუნიციპალიტეტის საკრებულოს ფრაქცია „თავისუფლების“ თავმჯდომარის რ. გვარამიას (N73 31.03.2015) განცხადების განხილვა (ფრაქცია „თავისუფლების“ რიგებში ნ. შუშანიას გაწევრიანების თაობაზე)

(მომხსენებელი: ნ. შუშანია - სამანდატო-საპროცედურო საკითხთა კომისიის თავმჯდომარე)

3. ხობის მუნიციპალიტეტის გამგებლის გ. ქაჯაიას 2015 წლის 23 აპრილის 06/645 წერილის განხილვა („ხობის მუნიციპალიტეტის საკრებულოსა და გამგეობის თანამდებობის პირთა და საკრებულოს აპარატის და გამგეობის მოსამსახურეთა თანამდებობრივი სარგოების ოდენობის განსაზღვრის შესახებ“ ხობის მუნიციპალიტეტის საკრებულოს 2014 წლის 22 აგვისტოს N32 დადგენილებაში ცვლილების შეტანის თაობაზე“ დადგენილების პროექტის შესახებ.

(მომხსენებელი: ტ. ალექსანდრია - საფინანსო-სარევიზიო კომისიის თავმჯდომარე)

4. ხობის მუნიციპალიტეტის გამგებლის გ. ქაჯაიას 2015 წლის 23 აპრილის 06/651 წერილის განხილვა („შპს „ხობი დასუფთავება და განათებას“ დაფუძნებისა და წესდების დამტკიცების შესახებ“ ხობის მუნიციპალიტეტის საკრებულოს 2008 წლის 28 თებერვლის N88 განკარგულებაში ცვლილების შეტანის თაობაზე“ განკარგულების პროექტის შესახებ.

(მომხსენებელი: გ. სიჭინავა - ეკონომიკური განვითარების საკითხთა კომისიის თავმჯდომარე)

5. ხობის მუნიციპალიტეტის გამგებლის გ. ქაჯაიას 2015 წლის 27 აპრილის 06/666 წერილის განხილვა („ხობის მუნიციპალიტეტის 2015 წლის ადგილობრივი ბიუჯეტის დამტკიცების შესახებ“ ხობის მუნიციპალიტეტის საკრებულოს 2014 წლის 30 დეკემბრის N46 დადგენილებაში ცვლილების შეტანის თაობაზე“ დადგენილების პროექტისა და „ხობის მუნიციპალიტეტის 2015 წლის ადგილობრივი შესყიდვების გეგმის დამტკიცების შესახებ“ ხობის მუნიციპალიტეტის საკრებულოს 2015 წლის 23 იანვრის N1 განკარგულებაში ცვლილების შეტანის თაობაზე განკარგულების პროექტის თაობაზე)

(მომხსენებელი: ტ. ალექსანდრია - საფინანსო-სარევიზიო კომისიის თავმჯდომარე)

6. ხობის მუნიციპალიტეტის გამგებლის გ. ქაჯაიას 2015 წლის 28 აპრილის 06/680 წერილის განხილვა („ხობის მუნიციპალიტეტის ადგილობრივი ბიუჯეტით გამოყოფილი ასიგნებების გადანაწილების წესის დამტკიცების შესახებ“ დადგენილების პროექტის თაობაზე)

(მომხსენებელი: ტ. ალექსანდრია - საფინანსო-სარევიზიო კომისიის თავმჯდომარე)

7. ხობის მუნიციპალიტეტის გამგებლის გ. ქაჯაიას 2015 წლის 28 აპრილის 06/681 წერილის განხილვა („არასამეწარმეო (არაკომერციული) იურიდიული პირის - „ხობის მუნიციპალიტეტის სკოლამდელი სააღმზრდელო გაერთიანების“ შექმნისა და წესდების დამტკიცების შესახებ“ ხობის მუნიციპალიტეტის საკრებულოს 2007 წლის 10 ივლისის N49 განკარგულებაში ცვლილების შეტანის თაობაზე“ ხობის მუნიციპალიტეტის საკრებულოს 2015 წლის 20 მარტის N13 განკარგულების ძალადაკარგულად გამოცხადების თაობაზე“ და „არასამეწარმეო (არაკომერციული) იურიდიული პირის - „ხობის მუნიციპალიტეტის სკოლამდელი სააღმზრდელო გაერთიანების“ შექმნისა და წესდების დამტკიცების შესახებ“ ხობის მუნიციპალიტეტის საკრებულოს 2007 წლის 10 ივლისის N49 განკარგულებაში ცვლილების შეტანის თაობაზე“ განკარგულების პროექტების შესახებ)

(მომხსენებელი: შ. სირაძე - იურიდიულ საკითხთა და ადამიანის უფლებათა დაცვის კომისიის თავმჯდომარე)

8. ხობის მუნიციპალიტეტის გამგებლის გ. ქაჯაიას 2015 წლის 28 აპრილის 06/682 წერილის განხილვა („ხობის მუნიციპალიტეტის ადგილობრივი თვითმმართველობის საჯარო თანამდებობათა დასაკავებელი კონკურსისა და ადგილობრივი თვითმმართველობის მოხელეთა ატესტაციის ჩატარების და საკონკურსო-საატესტაციო მუდმივმოქმედი კომისიის საქმიანობის წესის დამტკიცების თაობაზე“ ხობის მუნიციპალიტეტის საკრებულოს 2014 წლის 21 ნოემბრის N38 დადგენილებაში ცვლილების შეტანის თაობაზე“ დადგენილების პროექტის შესახებ)

(მომხსენებელი: შ. სირაძე - იურიდიულ საკითხთა და ადამიანის უფლებათა დაცვის კომისიის თავმჯდომარე)

9. ხობის მუნიციპალიტეტის გამგებლის გ. ქაჯაიას 2015 წლის 28 აპრილის 06/683 წერილის განხილვა („საქართველოს რეგიონებში განსახორციელებელი პროექტების ფონდიდან ხობის მუნიციპალიტეტში დასაფინანსებელი პროექტების თაობაზე საპროექტო წინადადებების მოწონების შესახებ“ ხობის მუნიციპალიტეტის საკრებულოს 2014 წლის 28 ნოემბრის N94 განკარგულებაში ცვლილების შეტანის შესახებ განკარგულების პროექტის თაობაზე)

(მომხსენებელი: გ. სიჭინავა - ეკონომიკური განვითარების საკითხთა კომისიის თავმჯდომარე)

10. „ხობის მუნიციპალიტეტის გამგეობასა და ხობის მუნიციპალიტეტის საკრებულოს აპარატში საჯარო თანამდებობათა დასაკავებლად დამატებითი საკვალიფიკაციო მოთხოვნების დამტკიცების შესახებ“ ხობის მუნიციპალიტეტის საკრებულოს 2014 წლის 21 ნოემბრის N39 დადგენილებაში ცვლილების შეტანის თაობაზე“ დადგენილების პროექტის განხილვა.

(მომხსენებელი: შ. სირაძე - იურიდიულ საკითხთა და ადამიანის უფლებათა დაცვის კომისიის თავმჯდომარე)

ხობის მუნიციპალიტეტის საკრებულოს ბიუროს გადაწყვეტილებით საკრებულოს მორიგი სხდომა გაიმართება 2015 წლის 29 აპრილს 12:00 საათზე.

April 28, 2015

საკრებულოს კომისიის სხდომები (EN)

2015 წლის 28 აპრილს გაიმართა საკრებულოს საფინანსო-სარევიზიო და ეკონომიკური განვითარების საკითხთა კომისიის სხდომები.

April 27, 2015

საქველმოქმედო კონცერტი ძალა ერთობაშია (EN)

27 აპრილს ხობის კულტურის სახლში საპროდიუსერო კომპანია „ჯადოსნური ხმების“ (პროდიუსერი თამაზ ქაჯაია) და ხობის მუნიციპალიტეტის ადგილობრივი ხელისუფლების ორგანიზებით გაიმართა საქველმოქმედო კონცერტი „ძალა ერთობაშია“ 6 წლის, ცერებრალური დამბლით დაავადებულ მარიამ ადონიას დასახმარებლად. კონცერტში მონაწილეობდნენ ქართული ესტრადის ცნობილი შემსრულებლები: ანსამბლ „ივერიის“ სოლისტები: ვახტანგ ტატიშვილი, ნუგზარ კვაშალი და თემურ წიკლაური; ნუგზარ ერგემლიძე, ზურაბ კობეშავიძე, ბესიკ კალანდაძე, მაკა ქაჯაია, ბიძინა მახარაძე, ხალხური ცეკვის ანსამბლი „კოლხიდა“ (ხელმძღვანელი ირაკლი ჩიტაია) და ხობის მუნიციპალიტეტის სკოლამდელი სააღმზრდელო გაერთიანების აღსაზრდელები.
მარიამ ადონიას დასახმარებლად მის პირად ანგარიშზე, არაერთმა ქველმოქმედმა ადამიანმა, კონცერტის მონაწილეებმა და ასევე ადგილობრივი ხელისუფლების წარმომადგენლებმა სოლიდური თანხა გაიღეს, ხოლო ხობის მაჟორიტარი დეპუტატის გოდერძი ბუკიას გადაწყვეტილებით მ. ადონიას სრულად დაუფინანსდება სარეაბილიტაციო კურსი.

April 27, 2015

მე-2 მსოფლიო ომის ვეტერანები 1000 ლარიან დახმარებას მიიღებენ (EN)

პრემიერ-მინისტრის ინიციატივით და მთავრობის გადაწყვეტილებით მეორე მსოფლიო ომის ვეტერანები ფაშიზმზე გამარჯვების 70 წლისთავთან დაკავშირებით სახელმწიფოსგან 1000 ლარიან დახმარებას მიიღებენ. საქართველოში დღეისთვის რეგისტრირებულია ომის 1800 მონაწილე და 500 მოქალაქე, რომელთაც მარჩენალდაკარგულის სტატუსი აქვს. შესაბამისად საქართველოს მთავრობა კონკრეტული ინიციატივისთვის 2 მილიონ ლარს გამოყოფს.

April 26, 2015

ხობში ფოლკლორის ფესტივალი (EN)

26 აპრილს აპრილს ხობის კულტურის სახლში საქართველოში მცხოვრებ ხალხთა კულტურისა და ფოლკლორის განვითარების კავშირის ინიციატივით გაიმართა ფოლკლორის ფესტივალი „გავეცნოთ სამშობლოს და ერთმანეთის შემოქმედებას“, სადაც მონაწილეობდნენ საქართველოს ყველა რეგიონის საბავშო ფოლკლორული ანსამბლები. ფესტივალში წარმოდგენილი იყო სიმღერები და ქორეოგრაფიული ნომრები. ფესტივალის მიზანია საბავშო ფოლკლორული შემოქმედების გაცნობა, გამოცდილების გაზიარება და მოზარდთა ესთეთიური აღზრდის პროცესში აქტიური წვლილის შეტანა. ფესტივალს ესწრებოდნენ ადგილობრივი ხელისუფლების წარმომადგენლები. ფესტივალის დასასრულს ანსამბლის მონაწილეები დაჯილდოვდნენ დიპლომებით და ლაურიატის მედლებით.

April 26, 2015

რესპუბლიკური ტურნირი ძიუდოში (EN)

26 აპრილს ქვემო ქვალონის ადმინისტრაციულ ერთეულში გაიმართა რესპუბლიკური ტურნირი ძიუდოში 2000-2002 წლებში დაბადებულთა შორის, სადაც მონაწილეობდნენ ქუთაისის, მესტიის სენაკის, ქობულეთის, ფოთის, სამტრედიის, ლანჩხუთის, აბაშის, ზუგდიდის და ხობის სასპორტო სკოლის ნორჩი ძიუდოისტები 11 სხვადასხვა წონით კატეგორიაში. გამარჯვებულებს გადაეცათ სამახსოვრო თასები და სიგელები.

<<
<
129
130
131
132
133
134
135
136
137
138
139
140
141
142
143
144
145
146
147
148
149
150
151
152
153
154
155
156
157
158
159
...
>
>>