SAKREBULO OF KHOBI MUNICIPALITY

Home
news

news

November 10, 2015

საკრებულოს რიგგარეშე სხდომა (EN)

10 ნოემბერს ხობის მუნიციპალიტეტის საკრებულოს სხდომათა დარბაზში გაიმართა საკრებულოს რიგგარეშე სხდომა, რომელსაც თავმჯდომარეობდა საკრებულოს თავმჯდომარე ედიშერ ჯობავა. სხდომას ესწრებოდნენ საკრებულოსა და გამგეობის ხელმძღვანელი პირები, სადაც განხილულ იქნა დღის წესრიგით გათვალისწინებული საკითხი: განკარგულების პროექტი „ხობის მუნიციპალიტეტის ადგილობრივი თვითმმართველობის მოხელეთა კვალიფიკაციის ამაღლების 2016 წლის სასწავლო გეგმის დამტკიცების შესახებ“. რომლის თანახმადაც მომზადდა მუნიციპალიტეტის წლიური სასწავლო გეგმა, რომელიც წარმოადგენს მოხელეების სასწავლო პროცესის დაგეგმვისა და ორგანიზების ძირითად დოკუმენტს, რომლითაც განისაზღვრება შესაბამისი მუნიციპალიტეტის მოხელეთა სწავლების პრიორიტეტულ მიმართულებები, მოხელეთა რაოდენობა, აგრეთვე სწავლების ორგანიზების სხვა ძირითად საკითხებს. დღის წესრიგით გათვალისწინებული საკითხის განხილვის შემდეგ საკრებულოს რიგგარეშე სხდომა დახურულად გამოცხადდა.

November 10, 2015

განცხადება საკრებულოს რიგგარეშე სხდომის შესახებ (EN)

10 ნოემბერს ხობის მუნიციპალიტეტის საკრებულოს სხდომათა დარბაზში 12:00 საათზე გაიმართება საკრებულოს რიგგარეშე სხდომა.

სხდომის დღის წესრიგი:

1. „ხობის მუნიციპალიტეტის ადგილობრივი თვითმმართველობის მოხელეთა კვალიფიკაციის ამაღლების 2016 წლის სასწავლო გეგმის დამტკიცების შესახებ“ განკარგულების პროექტის განხილვა.
(მომხსენებელი: გ. ქაჯაია - მუნიციპალიტეტის გამგებელი;
თანამომხსენებელი: ზ. ბუკია - გამგეობის ადმინისტრაციული სამსახურის უფროსი)

November 4, 2015

რეგიონალური მრგვალი მაგიდა ხობში (EN)

4 ნოემბერს ხობის მუნიციპალიტეტის საკრებულოს სხდომათა დარბაზში გაეროს გარემოსდაცვითი პროგრამის პროექტის „გლობალური პარტნიორობა - ნახმარი წყლის მართვისათვის - შავი ზღვის დაბინძურების შემცირება ნარჩენი წყლებისა და საკვები ნივთიერებების მდგრადი მართვა საქართველოს სასოფლო თემებში“-ს ფარგლებში მრგვალი მაგიდის ფორმატში რეგიონალური შეხვედრა გაიმართა. მრგვალი მაგიდის ფორმატში ჩატარებული შეხვედრის თემა იყო მდგრადი განვითარების, ნარჩენი წყლების, წყლის მართვისა და გარემოს დაცვისადმი მიმართულ ხალხზე ორიენტირებული მიდგომების განხილვა. შეხვედრას სახელმწიფო რწმუნებულის გუბერნატორის მოადგილე კახა რუსია, ხობის მუნიციპალიტეტის საკრებულოს თავმჯდომარე ედიშერ ჯობავა, გამგებელი გოჩა ქაჯაია, რეგიონის სხვადასხვა მუნიციპალიტეტის წარმომადგენლები, ხობის მუნიციპალიტეტის გამგებლის წარმომადგენლები ადმინისტრაციულ ერთეულებში და ხობის მუნიციპალიტეტის საკრებულოსა და გამგეობის ხელმძღვანელი პირები ესწრებოდნენ. მრგვალი მაგიდის ფორმატში შეხვედრა არასამთავრობო ორგანიზაციებს „სოფლად თემთა განვითარების სააგენტოსა“ (RCDA) და „ევროპის ქალები საერთო მომავლისათვის“ (WECF) და ხობის მუნიციპალიტეტის თანამშრომლობით განხორციელდა.

November 2, 2015

პოლიციის განყოფილების მშენებლობა (EN)

2 ნოემბერს ხობის მუნიციპალიტეტის საკრებულოს თავმჯდომარემ ედიშერ ჯობავამ და საკრებულოს ეკონომიკური განვითარების საკითხთა კომისიის თავმჯდომარემ გოჩა სიჭინავამ ჭალადიდის ადმინისტრაციულ ერთეულში მიმდინარე შ.ს. ხობის რაიონული სამმართველოს პოლიციის განყოფილების სამშენებლო სამუშაოები დაათვალიერეს.

November 2, 2015

სოფლად თემთა განვითარების სააგენტოს პროექტი შუა ხორგაში (EN)

არასამთავრობო ორგანიზაცია „სოფლად თემთა განვითარების სააგენტოს“ დაფინანსებით ხობის მუნიციპალიტეტის შუა ხორგის ადმინისტრაციულ ერთეულში განხორციელდა საბავშვო ბაღის შენობის ფანჯრების გამოცვლა, მოწესრიგდა სველი წერტილები, ხოლო სოფლად სანიტარულ-ჰიგიენური პირობების გაუმჯობესების მიზნით კერძო საცხოვრებელ სახლებში დამონტაჟდა თანამედროვე სისტემები.
პროექტის ფარგლებში მიმდინარე სამუშაოები 2 ნოემბერს დაათვალიერეს ხობის მუნიციპალიტეტის საკრებულოს თავმჯდომარემ ედიშერ ჯობავამ, საკრებულოს ეკონომიკური განვითარების საკითხთა კომისიის თავმჯდომარემ გოჩა სიჭინავამ და არასამთავრობო ორგანიზაცია „სოფლად თემთა განვითარების სააგენტოს“ დირექტორმა როსტომ გამისონიამ.

November 1, 2015

ანგარიში ხობის მუნიციპალიტეტის მოსახლეობას (EN)

1 ნოემბერს ხობის მუნიციპალიტეტის გამგებელმა გოჩა ქაჯაიამ და საკრებულოს თავმჯდომარემ ედიშერ ჯობავამ ხობის კულტურის სახლის დიდ დარბაზში ხობის მუნიციპალიტეტის მოსახლეობას წარუდგინა ერთი წლის მუშაობის ანგარიში.

October 27, 2015

განცხადება საკრებულოს მორიგი სხდომის შესახებ (EN)

ხობის მუნიციპალიტეტის საკრებულოს მორიგი სხდომა გაიმართება 28 ოქტომბერს 11:00 საათზე, საკრებულოს სხდომათა დარბაზში. საკრებულოს სხდომის დღის წესრიგი:

1. „ფრაქცია „ხობის“ რეგისტრაციის შესახებ „ხობის მუნიციპალიტეტის საკრებულოს 2014 წლის 30 ოქტომბრის N85 განკარგულებაში ცვლილების შეტანის თაობაზე“ განკარგულების პროექტის განხილვა.
(მომხსენებელი: ნ. შუშანია - სამანდატო-საპროცედურო საკითხთა კომისიის თავმჯდომარე)

2. „ხობის მუნიციპალიტეტის საკრებულოში არსებული უძრავი ქონების სახელმწიფოსთვის უსასყიდლოდ საკუთრებაში გადაცემის შესახებ“ განკარგულების პროექტის განხილვა.
(მომხსენებელი: გ. ქაჯაია - მუნიციპალიტეტის გამგებელი;
თანამომხსენებელი: ა. ვარდია - გამგეობის ეკონომიკური განვითარებისა და პროგრამების მართვის სამსახურის უფროსი)

3. „ხობის მუნიციპალიტეტის საკუთრებაში არსებული ავტოსატრანსპორტო საშუალების საქართველოს სახელმწიფო უსაფრთხოების სამსახურისთვის სარგებლობის უფლებით გადაცემაზე ხობის მუნიციპალიტეტის გამგებლისთვის თანხმობის მიცემის თაობაზე“ განკარგულების პროექტის განხილვა.
(მომხსენებელი: გ. ქაჯაია - მუნიციპალიტეტის გამგებელი;
თანამომხსენებელი: ა. ვარდია - გამგეობის ეკონომიკური განვითარებისა და პროგრამების მართვის სამსახურის უფროსი)

4. „ხობის მუნიციპალიტეტის საკრებულოს ზოგიერთ განკარგულებაში ცვლილების შეტანის შესახებ“ განკარგულების პროექტის პროექტის განხილვა.
(მომხსენებელი: გ. ქაჯაია - მუნიციპალიტეტის გამგებელი;
თანამომხსენებელი: ჯ. ბერაია - გამგეობის ადმინისტრაციული სამსახურის სამართლებრივი უზრუნველყოფის განყოფილების უფროსი)

5. „ხობის მუნიციპალიტეტის საკრებულოს ბეჭდების ნიმუშების დამტკიცების თაობაზე“ განკარგულების პროექტის განხილვა.
(მომხსენებელი: შ. სირაძე - იურიდიულ საკითხთა და ადამიანის უფლებათა დაცვის კომისიის თავმჯდომარე)

October 27, 2015

ბიუროს სხდომა (EN)

2015 წლის 27 ოქტომბერს გაიმართა ხობის მუნიციპალიტეტის საკრებულოს ბიუროს სხდომა, სადაც განხილულ იქნა შემდეგი საკითხები:

1. „ფრაქცია „ხობის“ თავმჯდომარის ვ. კუკავას (N314 23.10.2015) განცხადების განხილვა (ფრაქცია „ხობის“ თავმჯდომარის ცვლილებასთან დაკავშირებით)
(მომხსენებელი: ნ. შუშანია - სამანდატო-საპროცედურო საკითხთა კომისიის თავმჯდომარე)

2. ხობის მუნიციპალიტეტის გამგებლის გ. ქაჯაიას 2015 წლის 20 ოქტომბრის N05/1750 წერილის განხილვა („ხობის მუნიციპალიტეტის საკრებულოში არსებული უძრავი ქონების სახელმწიფოსთვის უსასყიდლოდ საკუთრებაში გადაცემის შესახებ“ განკარგულების პროექტის თაობაზე)
(მომხსენებელი: გ. სიჭინავა - ეკონომიკური განვითარების საკითხთა კომისიის თავმჯდომარე)

3. ხობის მუნიციპალიტეტის გამგებლის გ. ქაჯაიას 2015 წლის 20 ოქტომბრის N04/1751 წერილის განხილვა (ხობის მუნიციპალიტეტის 2015 წლის ადგილობრივი ბიუჯეტის იანვარ-სექტემბრის შესრულების თაობაზე)
(მომხსენებელი: ტ. ალექსანდრია - საფინანსო-საბიუჯეტო კომისიის თავმჯდომარე)

4. ხობის მუნიციპალიტეტის გამგებლის გ. ქაჯაიას 2015 წლის 20 ოქტომბრის N05/1770 და 23 ოქტომბრის N05/1772 წერილების განხილვა („ხობის მუნიციპალიტეტის საკუთრებაში არსებული ავტოსატრანსპორტო საშუალების საქართველოს სახელმწიფო უსაფრთხოების სამსახურისთვის სარგებლობის უფლებით გადაცემაზე ხობის მუნიციპალიტეტის გამგებლისთვის თანხმობის მიცემის თაობაზე“ განკარგულების პროექტის შესახებ)
(მომხსენებელი: გ. სიჭინავა - ეკონომიკური განვითარების საკითხთა კომისიის თავმჯდომარე)

5. ხობის მუნიციპალიტეტის გამგებლის გ. ქაჯაიას 2015 წლის 23 ოქტომბრის N05/1773 და 26 ოქტომბრის N05/1776 წერილების განხილვა („ხობის მუნიციპალიტეტის საკრებულოს ზოგიერთ განკარგულებაში ცვლილების შეტანის შესახებ“ განკარგულების პროექტის თაობაზე)
(მომხსენებელი: შ. სირაძე - იურიდიულ საკითხთა და ადამიანის უფლებათა დაცვის კომისიის თავმჯდომარე)

6. „ხობის მუნიციპალიტეტის საკრებულოს ბეჭდების ნიმუშების დამტკიცების თაობაზე“ განკარგულების პროექტის განხილვა.
(მომხსენებელი: შ. სირაძე - იურიდიულ საკითხთა და ადამიანის უფლებათა დაცვის კომისიის თავმჯდომარე).

October 27, 2015

კომისიების სხდომები (EN)

27 ოქტომბერს გაიმართა ხობის მუნიციპალიტეტის საკრებულოს კომისიების სხდომები.

October 22, 2015

ხობის ,,კოლხეთი''3:1 თბილისის ,,ვიტ ჯორჯია" (EN)

22 ოქტომბერს ხობის ცენტრალურ სტადიონზე გაიმართა საქართველოს XXVII ეროვნული ჩემპიონატის მატჩი პირველი ლიგის გუნდებს შორის, ხობის ,,კოლხეთმა'' თბილისის ,,ვიტ ჯორჯიას" უმასპინძლა. თამაშის დაწყებამდე ფეხბურთელებმა და მაყურებელმა წუთიერი დუმილით პატივი მიაგეს ვეტერან ფეხბურთელს მალხაზ (ჯონი) მალანიას ხსოვნას. მატჩი ხობელი ფეღბურთელების აშკარა უპირატესობით წარიმართა და მათივე გამარჯვებით ანგარიშით 3-1 დასრულდა. სტუმართა კარში გოლი ბექა ბაკურაძემ გაიტანა, ხოლო თამაშში დუბლი ცოტნე ბუკიამ შეასრულა.

October 21, 2015

პარტია თავისუფალი დემოკრატების ხობის ორგანიზაცია დაიშალა (EN)

პოლიტიკური პარტია „თავისუფალი დემოკრატების“ ხობის ორგანიზაცია დაიშალა
„თავისუფალი დემოკრატების“ ხობის ორგანიზაციის ყოფილმა თავმჯდომარემ და საკრებულოს სამანდატო-საპროცედურო საკითხთა კომისიის თავმჯდომარემ ნუგზარ შუშანიამ დღეს კოლეგებთან ერთად ოფიციალურად დატოვა პარტია და კოალიცია „ქართულ ოცნებაში“, პარტიის სრული შემადგენლობით - 70 წევრით გადავიდა, რომლის მიზეზად „თავისუფალი დემოკრატების“ შეცვლილი პოლიტიკური შეხედულება დაასახელა.

October 19, 2015

ხობში ღვინის სახლი ჯიალკო გაიხსნა (EN)

ქ. ხობში 9 აპრილის ქუჩა N3 –ში,გაიმართა ღვინის სახლის პრეზენტაცია.
გახსნის ცერემონიალს ადგილობრივი ხელისუფლების წარმომადგენლები და მოწვეული სტუმრები დაესწრნენ.

October 14, 2015

ეტალონი-2016 შესარჩევი ტური ხობში (EN)

14 ოქტომბერს ხობის კულტურის სახლის დიდ დარბაზში ხობის ეტალონი მოსწავლის გამოსავლენიად, საქართველოს ეროვნული რეგიონული გასვლითი თამაშების ჩემპიონატი ,,ეტალონი-2016'’ ჩატარდა. ინტელექტუალური კონკურსში მონაწილეობა მიიღო მუნიციპალიტეტის 21 სკოლიდან წარმოდგენილმა მოსწავლეებმა. სოციალურ–საგანმანათლებლო მედიაპროექტ „ეტალონის" ავტორი და კონკურსის წამყვანია გოჩა ტყეშელაშვილი.
პროექტს ახორციელებს საქართველოს მთავრობა (რეგიონებსა და ადგილობრივ თვითმმართველობის ორგანოებთან ურთიერთობის დეპარტამენტი), საქართველოს განათლებისა და მეცნიერების სამინისტრო, საქართველოს კულტურისა და ძეგლთა დაცვის სამინისტრო, ხობის მუნიციპალიტეტის გამგეობა და ხობის საგანმანათლებლო რესურსცენტრი.
პროექტის მიზანია 2015-2016 სასწავლო წლის ეტალონი მოსწავლის გამოვლენა. ხობის მუნიციპალიტეტის 21 წარმატებული მოსწავლესგან ეტალონი მოსწავლის ტიტული ახალი ხიბულის საჯარო სკოლის მოსწავლემ ლევან ლაშხიამ მოიპოვა, რომელსაც ხობის მუნიციპალიტეტის გამგებელმა გოჩა ქაჯაიამ საჩუქრად ფულადი თანხა 100 ლარის ოდენობით გადასცა.
პროექტის კულმინაცია იქნება საზეიმო ღონისძიება ,,ეტალონი - 2016“ ფინალური თამაში, რომელიც ჩატარდება თბილისში 2016 წლის 21 მაისს (შაბათს) 15.00 საათზე სპორტის სასახლეში. ფინალში მონაწილეობას მიიღებს 82 ქალაქის, მუნიციპალიტეტის ,,ეტალონი მოსწავლეები’’ რომელთა შორის გამოვლინდება საქართველოს 2015-2016 სასწავლო წლის ,,ეტალონი მოსწავლე“.
ხობის მუნიციპალიტეტის საკრებულო ულოცავს ლევან ლაშხიას ადგილობრივ ეტალონის კონკურსში გამარჯვებას და უსურვებს საქართველოს მასშტაბით „ეტალონი მოსწავლის“ ტიტულის მოპოვებას.

October 13, 2015

ხობელი მოჭიდავეების წარმატებები (EN)

ბათუმში ჩატარდა მსოფლიო ჩემპიონის დავით ბედინაძის სახელობის საერთაშორისო ტურნირი ბერძნულ-რომაულ ჭიდაობაში ჭაბუკებს შორის. სადაც მონაწილეობა მიიღეს რუსეთის, აზერბაიჯანის და სომხეთს გუნდებმა. ტურნირში მონაწილეობა მიიღო ხობის მუნიციპალიტეტის განათლების ცენტრის სასპორტო სკოლის ბ/რომაული სტილით მოჭიდავეთა ნაკრებმა გუნდმა, ხობელბმა მოჭიდავეებმა წარმატებით იასპარეზეს და საპრიზო ადგილები მოიპოვეს: II ადგილის მფლობელები გახდნენ 46 კგ წონით კატეგორიაში ირაკლი ნაკაშია და 63 კგ წონით კატეგორიაში ნიკა ყორშია, ხოლო 54 კგ წონით კატეგორიაში III ადგილზე გავიდა გოგა პერტახია. მწვრთნელ-მასწავლებლები: ალმასხან ხუნჯუა, ბაკურ ბუკია, მამუკა ყორშია.

October 13, 2015

ღია ეროვნული ტურნირი მძლეოსნობაში (EN)

9-11 ოქტომბერს ქ. თბილისში ჩატარდა ღია ეროვნული ტურნირი მძლეოსნობაში. რომელშიც მონაწილეობდნენ საქართველოდან, სომხეთიდან და აზერბაიჯანიდან მოწვეული სპორტსმენები, ტურნირში მონაწილეობდა ხობის მუნიციპალიტეტის განათლების ცენტრის სასპორტო სკოლის მძლეოსნობის ჯგუფის მოსწავლე გრიგოლ ახალაია. მან წარმატებით იასპარეზა და 100 და 200 მ გარბენებში მე-2 ადგილი დაიკავა. (მწვრთნელ-მასწავლებელი ინდირა გრიგოლიანცი).

<<
<
119
120
121
122
123
124
125
126
127
128
129
130
131
132
133
134
135
136
137
138
139
140
141
142
143
144
145
146
147
148
149
...
>
>>