SAKREBULO OF KHOBI MUNICIPALITY

Home
news

news

February 15, 2017

განცხადება ხობის მუნიციპალიტეტის საკრებულოს რიგგარეშე სხდომის შესახებ (EN)

ხობის მუნიციპალიტეტის საკრებულოს რიგგარეშე სხდომა გაიმართება 2017 წლის 15 თებერვალს 12:00 საათზე საკრებულოს სხდომათა დარბაზში.
სხდომის დღის წესრიგი:
1. „ხობის მუნიციპალიტეტის 2017 წლის ადგილობრივი ბიუჯეტის დამტკიცების შესახებ“
ხობის მუნიციპალიტეტის საკრებულოს 2016 წლის 28 დეკემბრის N25 დადგენილებაში ცვლილების შეტანის თაობაზე“ დადგენილების პროექტის განხილვა;
(მომხსენებელი: ვ. გაბედავა - ხობის მუნიციპალიტეტის გამგებლის
მოვალეობის შემსრულებელი;
თანამომხსენებელი: დ. ჭოჭუა - ხობის მუნიციპალიტეტის გამგეობის
საფინანსო-საბიუჯეტო სამსახურის უფროსი);

2. „საქართველოს რეგიონებში განსახორციელებელი პროექტების ფონდიდან ხობის მუნიციპალიტეტში 2017 წელს დასაფინანსებელი ადგილობრივი თვითმმართველობის პროექტების დაფინანსების მიზნით მომზადებული წინადადების მოწონების შესახებ“ ხობის მუნიციპალიტეტის საკრებულოს 2016 წლის 28 დეკემბრის N64 განკარგულებაში ცვლილებების შეტანის თაობაზე“ განკარგულების პროექტის განხილვა
(მომხსენებელი: ვ. გაბედავა - ხობის მუნიციპალიტეტის გამგებლის
მოვალეობის შემსრულებელი;
თანამომხსენებელი: ზ. ბუკია - ხობის მუნიციპალიტეტის გამგეობის
ინფრასტრუქტურის, ურბანული განვითარებისა და არქიტექტურის
სამსახურის უფროსი

February 15, 2017

ბიუროს სხდომა (EN)

15 თებერვალს გაიმართა ხობის მუნიციპალიტეტის საკრებულოს ბიუროს სხდომა, სადაც განხილულ იქნა შემდეგი საკითხები:

1. ხობის მუნიციპალიტეტის გამგებლის გ. ქაჯაიას 2017 წლის 2 თებერვლის N04/279 წერილის განხილვა (ხობის მუნიციპალიტეტის 2016 წლის ადგილობრივი ბიუჯეტის შესრულების ანგარიშის თაობაზე)
(მომხსენებელი: ტ. ალექსანდრია - საფინანსო - სარევიზიო
კომისიის თავმჯდომარე);

2. ხობის მუნიციპალიტეტის გამგებლის გ. ქაჯაიას 2017 წლის 14 თებერვლის N04/459 წერილის განხილვა („ხობის მუნიციპალიტეტის 2017 წლის ადგილობრივი ბიუჯეტის დამტკიცების შესახებ“ ხობის მუნიციპალიტეტის საკრებულოს 2016 წლის 28 დეკემბრის N25 დადგენილებაში ცვლილების შეტანის თაობაზე“ დადგენილების პროექტის შესახებ);
(მომხსენებელი: ტ. ალექსანდრია - საფინანსო - სარევიზიო
კომისიის თავმჯდომარე);

3. ხობის მუნიციპალიტეტის გამგებლის გ. ქაჯაიას 2017 წლის 14 თებერვლის N06/457 წერილის განხილვა („საქართველოს რეგიონებში განსახორციელებელი პროექტების ფონდიდან ხობის მუნიციპალიტეტში 2017 წელს დასაფინანსებელი ადგილობრივი თვითმმართველობის პროექტების დაფინანსების მიზნით მომზადებული წინადადების მოწონების შესახებ“ ხობის მუნიციპალიტეტის საკრებულოს 2016 წლის 28 დეკემბრის N64 განკარგულებაში ცვლილებების შეტანის თაობაზე“ განკარგულების პროექტის შესახებ);
(მომხსენებელი: გ. სიჭინავა - ეკონომიკური განვითარების საკითხთა
კომისიის თავმჯდომარე);

February 15, 2017

კომისიის სხდომა (EN)

15 თებერვალს გაიმართა ხობის მუნიციპალიტეტის საკრებულოს კომისიების სხდომა, სადაც განხილულ იქნა საკრებულოს რიგგარეშე სხდომაზე განსახილველი საკითხები.

February 15, 2017

„C ჰეპატიტის მართვის“ სახელმწიფო პროგრამა (EN)

„C ჰეპატიტის მართვის“ სახელმწიფო პროგრამის ფარგლებში ხობის მუნიციპალიტეტის საზოგადოებრივი ჯანდაცვის ცენტრი ქალაქ ხობში კოსტავას ქ. N3-ში პირველი მაისის, ჭალადიდის, შავღელეს, ახალი ხიბულის, ძველი ხიბულის, ბია, ზემო ქვალონის, ნოჯიხევის, პატარა ფოთისა და თორსა-დღვაბის ადმინისტრაციულ ერთეულებში მდებარე საექიმო ამბულატორიებში 2017 წლის 13 თებერვლიდან განახორციელებს ხობის მუნიციპალიტეტის მოსახლეობისთვის "C" ჰეპატიტზე ლაბორატორიულ გამოკვლევებს, მარტივი სწრაფი ტესტების საშუალებით. დაინტერესებულ პირებს შესაძლებლობა ექნებათ მიმართონ ზემოთ დასახელებულ სამედიცინო დაწესებულებებს.

February 15, 2017

გილოცავთ მირქმას (EN)

February 14, 2017

შეხვედრა „წიგნების თაროს“ ხობელ მონაწილეებთან (EN)

14 თებერვალს ხობის მუნიციპალიტეტის საკრებულოს თავმჯდომარე ედიშერ ჯობავა და საკრებულოს თანამდებობის პირები ლიტერატურული გადაცემა „წიგნების თაროს“ მონაწილეებს, ხობის N2 საჯარო სკოლის მოსწავლეებს: ცოტნე გუჩუას, ცოტნე ქირიას და ბაკურ ბუკიას შეხვდნენ. შეხვედრის მონაწილეებმა მოსწავლეებს პროექტში წარმატებული მონაწილეობისთვის მადლობის სიგელები და სამახსოვრო საჩუქრები გადასცეს, ასევე შემდგომი წარმატებები უსურვეს მათ.

February 13, 2017

კონსტანტინე გამსახურდიას ქუჩის რეაბილიტაცია დაიწყო (EN)

13 თებერვალს, ხობის მუნიციპალიტეტის საკრებულოს თავმჯდომარემ ედიშერ ჯობავამ, გამგებლის პირველმა მოადგილემ ვარაზ გაბედავამ, მაჟორიტარი დეპუტატის ირაკლი (დაჩი) ბერაიას ბიუროს ხელმძღვანელთან და საკრებულოს წევრებთან ერთად ქალაქ ხობში, კონსტანტინე გამსახურდიას ქუჩაზე გზის სარეაბილიტაციო სამუშაოები დაათვალიერეს. პროექტის ფარგლებში გამსახურდიას ქუჩაზე დაიგება ბეტონის საფარი, მოეწყობა მილხიდები, ეზოებში შესასვლელები და წყალსაწრეტი არხი. აღნიშნულ ქუჩაზე 24 აბონენტისათვის 460 გრძივ მეტრზე წლის სისტემის რეაბილიტაცია მიმდინარეობს, რის შემდეგ გზის რეაბილიტაციის სამუშაოები აქტიურ ფაზაში შევა. პროექტის სახელშეკრულებო ღირებულება 239 ათას ლარს შეადგენს და მას ელექტრონულ ტენდერში გამარჯვებული კომპანია შპს „შარა - გზამშენი პირველი“ ახორციელებს. სამუშაოზე ადგილობრივი მოსახლეობაა დასაქმებული.

February 10, 2017

ხობის მაჟორიტარი დეპუტატი №1 ბაღს ესტუმრა (EN)

10 თებერვალს ხობის მაჟორიტარი დეპუტატი ირაკლი (დაჩი) ბერაია და ხობის მუნიციპალიტეტის საკრებულოს თავმჯდომარე ედიშერ ჯობავა, ხობის N1 საბავშვო ბაღს სტუმრობდნენ. დეპუტატმა
ახალრეაბილიტირებული საბავშვო ბაღი დაათვალიერა. ბაღის აღსაზრდელები სტუმრებს საკუთარი რეპერტუარით შეხვდნენ. დეპუტატმა აღმზრდელებსა და ბავშვებს მიულოცა ახალ გარემოში გადასვლა და მომავალი წარმატებები უსურვა მათ.

February 10, 2017

დათა ხურცილავას სახელობის ტურნირი მინი ფეხბურთში დაიწყო (EN)

10 თებერვალს ქ. ხობში „დათა ხურცილავას სახელობის სტადიონზე“ სტარტი აიღო 2008 წლის აგვისტოს ომში ტრაგიკულად დაღუპული რეზერვისტის დათა ხურცილავას სახელობის რიგით მეცხრე გათამაშებამ მინი ფეხბურთში.
თამაშს ხობის მუნიციპალიტეტის საკრებულოს თავმჯდომარე ედიშერ ჯობავა, გამგეობის კულტურის, განათლების, სპორტის, ძეგლთა დაცვისა, ახალგაზრდულ საქმეთა სამსახურის უფროსი როზეტა შულაია დათას ოჯახის წევრებთან და მეგობრებთან ერთად ესწრებოდნენ. მინი ფეხბურთის შეჯიბრში რვა გუნდი იღებს მონაწილეობას, რომლებიც ორ ჯგუფში გაერთიანდნენ.
ფინალური მატჩი 16 თებერვალს დათას დაბადების დღეს გაიმართება.

February 8, 2017

ინფრასტრუქტურული პროექტის განხორციელება სოფელ ზენში (EN)

საჯიჯაოს ადმინისტრაციული ერთეულის სოფელ ზენში, გზის სარეაბილიტაციო სამუშაო, ხობის მუნიციპალიტეტის საკრებულოს თავმჯდომარემ ედიშერ ჯობავამ, გამგებელმა გოჩა ქაჯაიამ და გამგებლის პირველმა მოადგილემ ვარაზ გაბედავამ დაათვალიერეს. პროექტის ფარგლებში 3600 მეტრ მანძილზე დაიგება ასფალტის საფარი, მოეწყობა წყალსაწრეტი არხები, ბეტონის ბორდიურები, მილხიდები, ეზოებში შესასვლელები და განხორციელდება ორი ხიდის რეაბილიტაცია. პროექტი ადგილობრივი ბიუჯეტის დაფინანსებით ხორციელდება და მისი სახელშეკრულებო ღირებულება 859141 ლარს შეადგენს რომელსაც ელექტრონულ ტენდერში გამარჯვებული კომპანია შპს „შარა-გზამშენი პირველი“ ახორციელებს. სამუშაოზე ადგილობრივი მოსახლეობაა დასაქმებული.

February 8, 2017

ხობში მრავალფუნქციური სპორტკომპლექსი შენდება (EN)

ქალაქ ხობში მრავალფუნქციური სპორტკომპლექსი შენდება. ყოფილი კინოთეატრის „თუთარჩელას“ შენობის რეკონსტრუქცია-რეაბილიტაციას საქართველოს მუნიციპალური განვითარების ფონდი ევროპის საინვესტიციო ბანკის დაფინანსებით ახორციელებს. სამუშაოების მიმდინარეობას, საქართველოს რეგიონული განვითარებისა და ინფრასტუქტურის მინისტრი ზურაბ ალავიძე, სამეგრელო-ზემო სვანეთის გუბერნატორი ლევან შონია, ხობის მუნიციპალიტეტის საკრებულოს თავმჯდომარე ედიშერ ჯობავა და გამგებელი გოჩა ქაჯაია გაეცნენ. სპორტული კომპლექსში გათვალისწინებულია საჭიდაო მოედნის, ჭადრაკის დარბაზის, საბილიარდეს, ფიტნესდარბაზისა და საუნის მოწყობა. ქალაქ ხობში სპორტით დაინტერესებულ ადამიანებს საშუალება ექნებათ კეთილმოწყობილ გარემოში ივარჯიშონ და სპორტის მრავალ სახეობაში გამართონ ტურნირები. პროექტით გათვალისწინებულია დარბაზში ლითონის ფერმების მოწყობა და გადახურვა. თუნუქით გადაიხურება ასევე დანარჩენი შენობა. ფასადზე მოეწყობა ალუმინის ვიტრაჟები. მოწესრიგდება ელექტროგაყვანილობის, გათბობის და ვენტილაციის სისტემები. პარალელურ რეჟიმში მიმდინარეობს შიდა და გარე კანალიზაციისა და ბიოლოგიური გამწმენდის მოწყობის სამუშაოები. მშენებლობაზე, რომლის ღირებულება 2 500 000 ლარზე მეტია, 30 ადამიანია დასაქმებული. სამუშაოების დასრულება 2018 წლის გაზაფხულზე იგეგმება.

February 8, 2017

წმინდა გრიგოლ ღვთისმეტყველის ხსენების დღე (EN)

7 თებერვალს ხობის ღვთისმშობლის სახელობის მონასტერში წმინდა გრიგოლ ღვთისმეტყველის ხსენებისადმი მიძღვნილი საზეიმო პარაკლისი აღევლინა.
ფოთისა და ხობის მიტროპოლიტს მეუფე გრიგოლს ანგელოზის დღე მარგვეთისა და უბისის ეპარქიის ეპისკოპოსმა მელქისედეკმა, ჭყონდიდის მიტროპოლიტმა პეტრემ, სურამისა და ხაშურის ეპისკოპოსმა სვიმეონმა, საქართველოს პარლამენტის წევრმა გიგა ბუკიამ, ადგილობრივი თვითმმართველობის წარმომადგენლებმა და ეპარქიის სამღვდელოებამ მიულოცეს.
მეუფე გრიგოლმა ქადაგებაში რწმენის გაძლიერებაზე და ურთიერთ სიყვარულზე ისაუბრა და საქართველო წმინდანებს შეავედრა.
ხობის მუნიციპალიტეტის საკრებულო ულოცავს მეუფე გრიგოლს დღევანდელ დღეს და უსურვებს დღეგრძელობას.

February 8, 2017

გილოცავთ დავითობას (EN)

February 7, 2017

პირველ მაისში გზის რეაბილიტაცია მიმდინარეობს. (EN)

ხობის მუნიციპალიტეტის საკრებულოს თავმჯდომარემ ედიშერ ჯობავამ, გამგებელმა გოჩა ქაჯაიამ და გამგებლის პირველმა მოადგილემ ვარაზ გაბედავამ, პირველი მაისის ადმინისტრაციული ერთეულის სოფელ ჭიხუში, შიდა სასოფლო გზის სარეაბილიტაციო სამუშაოები დაათვალიერეს. შიდა სასოფლო გზაზე დაიგება ბეტონის საფარი და მოეწყობა რკინა-ბეტონის ცხაური. პროექტის სახელშეკრულებო ღირებულება 40570 ლარს შეადგენს და მას ელექტრონულ ტენდერში გამარჯვებული კომპანია შპს „ლევიანა“ ახორციელებს. სამუშაოზე ადგილობრივი მოსახლეობაა დასაქმებული.

February 6, 2017

სიმინდის მარცვლის გადამამუშავებელი ახალი საწარმო გაიხსნა (EN)

ხობის მუნიციპალიტეტის ნოჯიხევის ადმინისტრაციულ ერთეულში, „მცირე და მიკრო მეწარმეების ხელშეწყობის პროექტის“ ფარგლებში, სიმინდის მარცვლის გადამამუშავებელი მცირე საწარმო გაიხსნა. ამხანაგობამ „კოლხეთი 2016“, რომელშიც გაერთიანებულია ორი მეწარმე, პროექტიდან 10000 ლარის თანადაფინანსება მიიღო და წარმოებისთვის საჭირო აგრეგატები შეიძინა. პროდუქციის დაფასოება ადგილზე, რეალიზაცია კი საცალო ქსელში ქუთაისსა და თბილისში ხორცილდება. საწარმოში ამ ეტაპზე დასაქმებულია 5 ადგილობრივი. პროექტი სოფლის მეურნეობის სამინისტროს ხობის საინფორმაციო-საკონსულტაციო სამსახურის ჩართულობით განხორციელდა.

<<
<
104
105
106
107
108
109
110
111
112
113
114
115
116
117
118
119
120
121
122
123
124
125
126
127
128
129
130
131
132
133
134
...
>
>>