SAKREBULO OF KHOBI MUNICIPALITY

Home
news

news

December 18, 2015

ანი ლომაიას მხარდასაჭერი აქცია ხობში (EN)

18 დეკემბერს ქ. ხობის კულტურის სახლის მიმდებარე ტერიტორიაზე, ხობის მუნიციპალიტეტის თორსის ადმინისტრაციულ ერთეულში მცხოვრები 14 წლის ანი ლომაიას მხარდასაჭერად ფლეშმობი გაიმართა. ანას, ექიმებმა კუჭის ავთვისებიანი სიმსივნე - კარცინომა დაუდგინეს, მისი სიცოცხლის გადასარჩენად საჭიროა თურქეთში ჰოსპიტალიზაცია, რაც სოლიდურ თანხებთან არის დაკავშირებული.
ფლეშმობში თორსის საჯარო სკოლის მოსწავლეებმა გამართეს, რომლებსაც შეუერთდნენ სხვადასხვა სკოლის მოხალისე ახალგაზრდები. მოსახლეობასთან და სხვადასხვა დაწესებულების წარმომადგენლებთან ერთად საქველმოქმედო აქციაში ჩაერთვნენ ხობის მუნიციპალიტეტის საკრებულოსა გამგეობის წარმომადგენლები, რომლებმაც ანი ლომაიას ფულადი დახმარება გაუწიეს.
ხობის მუნიციპალიტეტის საკრებულო მადლობას უხდის აქციის ორგანიზატორებს და ყველას ვინც თუნდაც მცირე წვლილი შეიტანა საქველმოქმედო აქციაში და გამოჯანმრთელებას უსურვებს ანას.
დახმარების მსურველებს შეუძლიათ თანხა გადარიცხონ მითითებულ ანგარიშზე:
საბანკო კოდი : - TBCBGE 22
მიმღები: ცისანა იზორია
ანგარიშის ნომერი: GE36TB7512045063600030. საკონტაქტო: 571 858282 (ნინო).

December 17, 2015

ბარბარობას გილოცავთ (EN)

ხობის მუნიციპალიტეტის საკრებულო გილოცავთ წმიდა დიდმოწამე ბარბარეს ხსენების დღეს, ბარბარეს მფარველობა არ მოკლებოდეს თქვენს ოჯახებს და სრულიად საქართველოს!

December 12, 2015

რომან გულიაშვილის სახელობის ტურნირი დასრულდა (EN)

12 დეკემბერს ხობის მუნიციპალიტეტის გამგეობის, საკრებულოს და ა(ა)იპ „ხობის მუნიციპალიტეტის განათლებიც ცენტრის“ ორგანიზებით, ახალგაზრდულ ცენტრ თუთარჩელის სპორტულ დარბაზში დასრულდა სპორტის ოსტატის, ვეტერანი მოჭიდავის ხობის ოლიმპიური რეზერვების სასწავლებლის ყოფილი მწვრთნელის რომან გულიაშვილის ხსოვნისადმი მიძღვნილი ტურნირი ჭაბუკთა შორის ბერძნულ-რომაულ სტილით ჭიდაობაში.
ტურნირი მეოთხედ გაიმართა და მასში ორმოცამდე ნორჩმა სპორტსმენმა მიიღო მონაწილეობა თერთმეტ სხვადასხვა წონით კატეგორიებში.
დაჯოლდოვების ცერემონიალს ესწრებოდნენ ხობის მუნიციპალიტეტის საკრებულოს თავმჯდომარე ედიშერ ჯობავა, გამგებლის მოადგილე მახარე ჩოკორაია, საკრებულოს ფრაქცია „ქართული ოცნება დემოკრატიული საქართველოს“ თავმჯდომარე ლევან ქავთარაძე, ეკონომიკური განვითარების საკითხთა კომისიის თავმჯდომარე გოჩა სიჭინავა და რომან გულიაშვილის ოჯახის წევრები. ადგილობრივი ხელისუფლების წარმომადგენლებმა გამარჯვებულებს თასები, მედლები და სამახსოვრო სიგელები გადასცეს.

December 11, 2015

ხობის კოლხეთმა პირველი წრე დაასრულა (EN)

ხობის მუნიციპალიტეტის საფეხბურთო კლუბ „კოლხეთმა“ საქართველოს XXVII ეროვნული საფეხბურთო ჩემპიონატის პირველი ლიგის პირველი წრე დაასრულა. სეზონის ბოლო გასვლითი შეხვედრა „კოლხეთმა“ ჩხოროწყუში ადგილობრივ სამეგრელოსთან გამართა. საკმაოდ წარმატებული ასპარეზობის შემდეგ გუნდმა სეზონის ბოლო სამი ქულა სწორედ ამ შეხვედრიდან მიიღო და შესაბამისად სატურნირო ცხრილში თვრამეტი გუნდიდან მეოთხე ადგილი დაიმკვიდრა. განვლილი სეზონის შეჯამება-განხილვა გაიმართა დღეს კლუბ „კოლხეთში“. შემაჯამებელ შეხვედრას ფეხბურთელებთან და გუნდის მწვრთნელთან გია გურულთან ერთად ხობის მუნიციპალიტეტის საკრებულოს თავმჯდომარე ედიშერ ჯობავა, ფრაქცია „ქართული ოცნება-დემოკრატიული საქართველოს“ თავმჯდომარე ლევან ქავთარაძე, საკრებულოს საფინანსო-სარევიზიო კომისიის თავჯდომარე ტარიელ ალექსანდრია და კლუბის ადმინისტრაციის წევრები ესწრებოდნენ. საკრებულოს თავმჯდომარემ მიულოცა გუნდს მიღწეული წარმატებები და შემდგომი გამარჯვებები უსურვა მათ, ამასთან გუნდის თავკაცებთან ერთად ისაუბრა სამომავლო გეგმებზე და კლუბს სამახსოვრო საჩუქრად ხატი გადასცა.

December 4, 2015

გილოცავთ ყოვლადწმინდა ღვთისმშობლის ტაძრად მიყვანების დღეს (EN)

4 დეკემბერს მართლმადიდებლური სამყარო ყოვლადწმინდა ღვთისმშობლის ტაძრად მიყვანების დღესასწაულს აღნიშნავს.
წმინდა მარიამის მშობლებს, წმინდა იოაკიმესა და წმინდა ანას შვილი 50 წლის განმავლობაში არ ჰყავდათ. მოულოდნელად ქალს მთავარანგელოზი გაბრიელი გამოეცხდა და ახარა, რომ მას ასული მარიამი ეყოლებოდა, რომელიც კაცობრიობას მხსნელს, იესოს მოუვლენდა. სამი წლის განმავლობაში მარიამი სახლში იზრდებოდა, შემდეგ კი იგი მშობლებმა იერუსალიმში, ტაძარში მიიყვანეს.
ამ დღესთან დაკავშირებით ყველა მოქმედ ტაძარში სადღესასწაულო ლიტურგია სრულდება, მათ შორის ხობის მუნიციპალიტეტში პირველი მაისის თემში არსებულ ღვთისმშობლის ტაძრად მიყვანების სახელობის ტაძარში, დღეს საზეიმო წირვა-ლოცვა ფოთისა და ხობის ეპარქიის სამღვდელოებამ აღავლინა. ტრადიციულად ამ დღეს მშობლებს ტაძრებში ბავშვები მიჰყავთ. ეს დღე ასევე ბავშვების დალოცვის დღეა.საზეიმო წირვას ხობის მუნიციპალიტეტის საკრებულოს თავმჯდომარის მოადგილე მამუკა ქარდავა, გამგებლის მოადგილე მახარე ჩოკორაია და საკრებულოს აპატარის თანამშრომლები ესწრებოდნენ.
ხობის მუნიციპალიტეტის საკრებულო ყველა მართლმადიდებელ ქრისტიანს ულოცავს დღევანდელ დღეს.

November 30, 2015

საკრებულოს თავმჯდომარე მსოფლიო ჩემპიონს შეხვდა (EN)

21-22 ნოემბერს პოლონეთის რესპუბლიკის ქალაქ რუმიაში ჩატარდა მსოფლიო თასის გათამაშება მკლავჭიდში, სადაც მონაწილეობა მიიღო საქართველოს ნაკრების წევრმა ხობელმა ვილენ გაბრავამ და 63 კგ წონით კატეგოიაში პირველი ადგილი დაიკავა. ვილენი პირველი ქართველია, რომელმაც მსოფლიო თასზე მკლავჭიდში ასეთ დიდ წარმატებას მიაღწია.
დღეს ვილენ გაბრავა და მისი მწვრთნელი კობა თუთბერიძე ხობის მუნიციპალიტეტის საკრებულოს თავმჯდომარეს ედიშერ ჯობავას შეხვდნენ, საკრებულოს თავმჯდომარემ მიულოცა წარმატებულ სპორტსმენს დიდ საერთაშორისო ტურნირში გამარჯვება და გააცნო სამომავლო გეგმა, ქ. ხობში კინოთეატრ „თუთარჩელა“-ს ბაზაზე, ახალი სპორტული კომპლექსის მშენებლობასთან დაკავშირებით, რაც ხობელ სპორტსმენებს მნიშვნელოვნად შეუწყობს ხელს შემდგომ წარმატებებში.

November 28, 2015

სემინარი თემაზე თედო სახოკიას ბიოგრაფიული რომანები (EN)

28 ნოემბერს ხობის მუნიციპალიტეტის კულტურის ცენტრის ორგანიზებით, ხობის თედო სახოკიას სახელობის ბიბლიოთეკაში გაიმართა მწერალი, მეცნიერი მთარგმნელის როსტომ ჩხეიძის საჯარო სემინარი თემაზე თედო სახოკიას ბიოგრაფიული რომანები.
მომხსენებლის მიერ წარმოჩენილი იყო მთარგმნელი, ეთნოგრაფი, ლექსიკოგრაფის თ. სახოკიას ცხოვრებისეული მოღვაწეობა.
სემინარში მონაწილეობა მიიღეს მოწვეულმა სტუმრებმა, ადგილობრივი ხელისუფლების წარმომადგენლებმა და ხობის მუნიციპალიტეტის მოსახლეობამ.

November 25, 2015

საკრებულოს სხდომა (EN)

25 ნოემბერს ხობის მუნიციპალიტეტის საკრებულოს სხდომათა დარბაზში გაიმართა საკრებულოს მორიგი სხდომა, რომელსაც თავმჯდომარეობდა საკრებულოს თავმჯდომარე ედიშერ ჯობავა. სხდომას ესწრებოდნენ საკრებულოსა და გამგეობის ხელმძღვანელი პირები და სადაც განხილულ იქნა დღის წესრიგით გათვალისწინებული საკითხები, კერძოდ: განკარგულების პროექტი „ხობის მუნიციპალიტეტის საკრებულოს შუალედური არჩევნების შედეგად ხობის მუნიციპალიტეტის საკრებულოს წევრის მელორი გელანტიას უფლებამოსილების ცნობის შესახებ“, რომლის თანახმადაც საკრებულოს წევრად გურიფულის მაჟორიტარულ ოლქში არჩეულ იქნა კოალიცია „ქართული ოცნების“ მიერ წარდგენილი კანდიდატი მელორი გელანტია. სხდომაზე მორიგ საკითხად განხილულ იქნა ხობის მუნიციპალიტეტის 2016 წლის ადგილობრივი ბიუჯეტის პროექტი, რომლის მიხედვითაც 2016 წლის შემოთავაზებული ვარიანტით ადგილობრივი ბიუჯეტის საშემოსავლო ნაწილი განსაზღვრულია 6601,6 ათასი ლარით, მათ შორის საგრანტო შემოსავლების ხარჯზე მოდის 2347,7 ათასი ლარი, გადასახადები 3450,0 ათასი ლარი, სხვა შემოსავლები 424,6 ათასი ლარი, ხოლო არაფინანსური აქტივების კლება - 379,3 ათასი ლარი. წინა წელთან შედარებით საშემოსავლო ნაწილი გაზრდილია 177,4 ათასი ლარით, გადასახადები შემცირებულია 550,0 ათასი ლარით, საგრანტო შემოსავლები გაზრდილია 575,9 ათასი ლარით.ხობის მუნიციპალიტეტის 2016 წლის ადგილობრივი ბიუჯეტის პროექტით ხარჯები განისაზღვრა 6410,6 ათასი ლარით. აქედან: შრომის ანაზღაურება 1789,4 ათასი ლარი, საქონელი და მომსახურება 1017,6 ათასი ლარი, სუბსიდიები 3084,1 ათასი ლარი, სოციალური უზრუნველყოფა 423,2 ათასი ლარი. ხობის მუნიციპალიტეტის 2016 წლის ბიუჯეტის საოპერაციო სალდო განისაზღვრა 188,3 ათასი ლარით, არაფინანსური აქტივების ცვლილება განისაზღვრა -337,9 ათასი ლარით. აქედან: ზრდა 41,4 ათასი ლარი, კლება -379,3 ათასი ლარი. ხობის მუნიციპალიტეტის 2016 წლის ბიუჯეტის მთლიანი სალდო განისაზღვრა 149,6 ათასი ლარით. ხობის მუნიციპალიტეტის 2016 წლის ბიუჯეტის გადასახდელები განისაზღვრა 6601,6 ათასი ლარით, აქედან: ხარჯები - 6410,6 ათასი ლარით, არაფინანსური აქტივების ზრდა - 41,4 ათასი ლარით, ვალდებულებების კლება - 149,6 ათასი ლარით. პროექტი მცირე კორექტირების შეტანის შემდეგ დაუბრუნდა ხობის მუნიციპალიტეტის გამგეობას. სხდომაზე შემდეგ საკითად განხილულ იქნა განკარგულების პროექტები „ხობის მუნიციპალიტეტის გამგებლისთვის ხობის მუნიციპალიტეტის საკუთრებაში არსებული ამორტიზებული ქონების ჩამოწერაზე თანხმობის მიცემის შესახებ“ და „ხობის მუნიციპალიტეტის საკუთრებაში არსებული ქონების საპრივატიზებო ნუსხის დამტკიცების შესახებ“, რომლის მიხედვითაც გამგეობის მიერ მომზადდა ხობის მუნიციპალიტეტის ბალანსზე რიცხული იმ ქონების ჩამონათვალი, რომელიც აუდიტორული დასკვნების საფუძველზე ამორტიზირებულია და ექსპლოატაციისთვის უვარგისი. ესენია: ავტომანქანები - რენო-მეგანი და ფორდ-მონდეო, ასევე ქ. ხობში, სპორტის ქ. N 3-ში მდებარე სპორტ დარბაზის შენობა, შესაბამისად დამტიცდა აღნიშნული ქონების საპრივატიზებო ნუსხა. მორიგ საკითად განიხილეს განკარგულების პროექტი „ხობის მუნიციპალიტეტის გამგებლისათვის ხობის მუნიციპალიტეტის საკუთრებაში არსებული ქონების სარგებლობის უფლებით გადაცემაზე თანხმობის მიცემის შესახებ“ რომლის თანახმადაც ა(ა)იპ „ლაზიერზე “ იჯარის წესით გაიცემა მუნიციპალიტეტის საკუთრებაში არსებული ქონება, მდებარე ქ. ხობი ცოტნე დადიანის ქ. N185-ში, მე-3 სართულზე 21 კვ.მ ფართი, ჭადრაკის მოყვარულთა კლუბის გახსნის მიზნით.
დღის წესრიგით გათვალისწინებული საკითხების განხილვის შემდეგ საკრებულოს სხდომა დახურულად გამოცხადდა.

November 25, 2015

ბიუროს სხდომა (EN)

2015 წლის 25 ნოემბერს გაიმართა ხობის მუნიციპალიტეტის საკრებულოს ბიუროს სხდომა, სადაც განხილულ იქნა შემდეგი საკითხები:
1.N66 ხობის საოლქო საარჩევნო კომისიის თავმჯდომარის მ. ლომაიას 2015 წლის 9 ნოემბრის N29/5015 წერილის განხილვა (გურიფულის თემის N66.06 ადგილობრივ მაჟორიტარულ საარჩევნო ოლქში 2015 წლის 31 ოქტომბერს გამართული ხობის მუნიციპალიტეტის საკრებულოს შუალედური არჩევნების შედეგების შესახებ)
(მომხსენებელი: ნ. შუშანია - სამანდატო-საპროცედურო კომისიის თავმჯდომარე)
2. ხობის მუნიციპალიტეტის გამგებლის გ. ქაჯაიას 2015 წლის 13 ნოემბრის N04/1888 წერილის განხილვა („ხობის მუნიციპალიტეტის 2016 წლის ადგილობრივი ბიუჯეტის პროექტისა და ხობის მუნიციპალიტეტის 2016 წლის და 2017-2019 წლების ადგილობრივი ბიუჯეტის პრიორიტეტების შესახებ“)
(მომხსენებელი: ტ. ალექსანდრია - საფინანსო-საბიუჯეტო კომისიის თავმჯდომარე)
3.ხობის მუნიციპალიტეტის გამგებლის გ. ქაჯაიას 2015 წლის 17 ნოემბრის N04/1901 წერილის განხილვა (ხობის მუნიციპალიტეტის 2015 წლის ადგილობრივი ბიუჯეტის იანვარ-ოქტომბრის შესრულების თაობაზე)
(მომხსენებელი: ტ. ალექსანდრია - საფინანსო-საბიუჯეტო კომისიის თავმჯდომარე)
4.ხობის მუნიციპალიტეტის გამგებლის გ. ქაჯაიას 2015 წლის 19 ნოემბრის N05/1922 წერილის განხილვა („ხობის მუნიციპალიტეტის გამგებლისთვის ხობის მუნიციპალიტეტის საკუთრებაში არსებული ამორტიზებული ქონების ჩამოწერაზე თანხმობის მიცემის შესახებ“; „ხობის მუნიციპალიტეტის საკუთრებაში არსებული ქონების სარგებლობის უფლებით გადაცემაზე“; „ხობის მუნიციპალიტეტის საკრებულოს 2011 წლის 25 მარტის N61 განკარგულებაში ცვლილების შესახებ“; „ხობის მუნიციპალიტეტის გამგებლისთვის ხობის მუნიციპალიტეტის საკუთრებაში არსებული ქონების სარგებლობის უფლებით გადაცემაზე თანხმობის მიცემის შესახებ“; „ხობის მუნიციპალიტეტის საკუთრებაში არსებული ქონების სარგებლობის უფლებით გადაცემაზე ხობის მუნიციპალიტეტის საკრებულოს 2012 წლის 7 თებერვლის N15 და 2013 წლის 28 თებერვლის N6 განკარგულებების ძალადაკარგულად გამოცხადების შესახებ“ და ხობის მუნიციპალიტეტის საკუთრებაში არსებული ქონების საპრივატიზებო ნუსხის დამტკიცების შესახებ“ განკარგულების პროექტების თაობაზე)
(მომხსენებელი: გ. სიჭინავა - ეკონომიკური განვითარების საკითხთა კომისიის თავმჯდომარე)

November 24, 2015

2016 წლის ადგილობრივი ბიუჯეტის საჯარო განხილვა (EN)

24 ნოემბერს საკრებულოს სხდომათა დარბაზში, ხობის მუნიციპალიტეტის საკრებულოს ორგანიზებით გაიმართა 2016 წლის ადგილობრივი ბიუჯეტის საჯარო განხილვა. ბიუჯეტის პროექტი საზოგადოებას საკრებულოს თავმჯდომარემ ედიშერ ჯობავამ წარუდგინა, რომელმაც განმარტა, რომ 2016 წელს ხობის მუნიციპალიტეტის ბიუჯეტი განისაზღვრა 6601,6 ათასი ლარით, მან ისაუბრა ბიუჯეტით გათვალისწინებულ პრიორიტეტებზე, სოციალურ-ეკონომიკურ, კულტურულ და საგანმანათლებლო პროექტებზე, რომლებიც გათვალისწინებულია ადგილობრივი ბიუჯეტით.
განხილვაში მონაწილეობას იღებდნენ მუნიციპალიტეტის სხვა ხელმძღვანელი პირებიც, კერძოდ, საკრებულოს საფინანსო-სარევიზიო კომისიის თავმჯდომარე, გამგეობის საფინანსო-საბიუჯეტო და შრომის, საზოგადოებრივი ჯანმრთელობისა და სოციალური დაცვის, ვეტერანთა, ლტოლვილთა და იძულებით გადაადგილებულ პირთა სამსახურების ხელმძღვანელებმა ისაუბრეს ბიუჯეტით გათვალისწინებულ მათ სფეროს მიკუთვნებულ პროექტებზე.

დასასრულს ადგილობრივი ხელისუფლების წარმომადგენლებმა განაცხადეს, რომ მომავალი წლის ბიუჯეტში მაქსიმალურად იქნება გათვალისწინებული საზოგადოების ინტერესები.

November 16, 2015

ხობის მუნიციპალიტეტის საკრებულოში 2016 წლის ადგილობრივი ბიუჯეტის პროექტის განხილვა დაიწყო (EN)

ხობის მუნიციპალიტეტის საკრებულოს, გამგეობის მიერ, 2015 წლის 13 ნოემბერს განსახილველად წარედგინა 2016 წლის ადგილობრივი ბიუჯეტის პროექტისა და ხობის მუნიციპალიტეტის 2016 წლის და 2017-2019 წლების ადგილობრივი ბიუჯეტის პრიორიტეტების დოკუმენტი, რის შემდგომაც, მოქმედი კანონმდებლობის შესაბამისად, ხობის მუნიციპალიტეტის საკრებულოს კომისიებში და ფრაქციებში დაიწყო ბიუჯეტის პროექტის წინასწარი განხილვა.

ხობის მუნიციპალიტეტის გამგეობის მიერ წარმოდგენილი 2016 წლის ბიუჯეტის პროექტი, თანდართულ განმარტებით ბარათთან ერთად, გამოსაქვეყნებლად და მუნიციპალიტეტის საზოგადოებისთვის წინასწარ გასაცნობად გადაეცა გაზეთ „ხობის მოამბეს“ და ასევე განთავსდა საკრებულოს ოფიციალურ ვებგვერდზე (იხილეთ „ბიუჯეტის“ განყოფილება). საკრებულოს ვებგვერდზე www.khobi-sakrebulo.g e ასევე პერიოდულად გამოქვეყნდება ბიუჯეტის პროექტთან დაკავშირებული მასალები (საკრებულოს კომისიების, ფრაქციების და საზოგადოებიდან შემოსული წინადადებები).

საკრებულოს კომისიებსა და ფრაქციებში ბიუჯეტის პროექტის წინასწარი განხილვა 25 ნოემბრამდე გაგრძელდება და შემუშავდება შესაბამისი წინადადებები.

ხობის მუნიციპალიტეტის საკრებულო მუნიციპალიტეტის საზოგადოებას მოუწოდებს აქტიურად ჩაერთოს 2016 წლის ბიუჯეტის პროექტის განხილვის პროცესში. მოსახლეობის მხრიდან გამოთქმული წინადადებები და შენიშვნები გათვალისწინებული იქნება საკრებულოს მიერ ბიუჯეტის განხილვისას.

წარმოდგენილ ბიუჯეტის პროექტთან დაკავშირებით შენიშვნები და წინადადებები დაინტერესებულ პირს 2015 წლის 25 ნოემბრამდე შუძლია წერილობით წარმოადგინოს ხობის მუნიციპალიტეტის საკრებულოს აპარატში (მისამართი: ქ. ხობი. ცოტნე დადიანის ქ. N189. ადგილობრივი თვითმმართველობის ადმინისტრაციული შენობის მე-2 სართული. ოთახი N214). ასევე, ელექტრონული ფოსტით: khobi@khobi-sakrebulo.ge

November 13, 2015

თორსის ქალთა საინიციატივო ჯგუფის პრეზენტაცია (EN)

13 ნოემბერს თორსა -დღვაბის ადმინისტრაციული ერთეულის მცირე დარბაზში, თორსის ქალთა საინიციატოვო ჯგუფის ორგანიზებით გაიმართა შემაჯამებელი ღონისძიება, რომელიც გაეროს სამწლიანი წარმატებული თანამშრომლობა გაეროს ერთობლივი პროგრამის "გენდერული თანასწორობის ხელშეწყობისათვის საქართველოში"დაფინანსებით მიმდინარე "საქართველოს სტრატეგიული კვლევებისა და განვითარების ცენტრი"-'ქალთა გაძლიერება ცვლილებებისათვის",ასოციაცია"ათინათთან" პარტნიორობით განხორციელდა.
თორსის ქალთა საინიციატივო ჯგუფმა პრეზენტაციის სახით წარმოადგინა სამწლიანი მუშაობის ანგარიში, რომელიც მოიცავდა საგანმანათლებრო პროექტებს და ტრენინგ-კურსებს. ასევე გაიმართა დოკუმენტური ფილმის ჩვენება „გზის გადაღმა სოფელში“.
ღონისძიების მსვლელობისას პროგრამაში ჩართულმა სხვადასხვა მუნიციპალიტეტის წარმომადგენლებმაც თავიანთ ადმინისტრაციულ ერთეულებში განხორციელებული პროექტების პრეზენტაცია ჩაატარეს.
პრეზენტაციას ესწრებოდნენ ხობის მუნიციპალიტეტის საკრებულოს თავმჯდომარე ედიშერ ჯობავა, გამგებელი გოჩა ქაჯაია, გამგებლის პირველი მოადგილე ვარაზ გაბედავა, საკრებულოს ფრაქცია „ქართული ოცნება- დემოკრატიული საქართველოს“ თავმჯდომარე ლევან ქავთარაძე, საკრებულოს სოციალურ საკითხთა კომისიის თავმჯდომარე დოდო გაბუნია და „საქართველოს სტრატეგიული კვლევებისა და განვითარების ცენტრისა“ და ასოციაცია „ათინათის“ წარმომადგენლები.

November 12, 2015

მასშტაბური სამელიორაციო სამუშაოები განხორციელდა (EN)

სოფლის მეურნეობის სამინისტროს შპს „საქართველოს მელიორაციის“ მიერ პატარა ფოთისა და ჭალადიდის ადმინისტრაციულ ერთეულებში მასშტაბური სამელიორაციო სამუშაოები განხორციელდა, კერძოდ MD მაგისტრალურ არხზე მოხდა სატუმბი სადგურების რეაბილიტაცია. სადაც 9 ძირითადი 3 დამატებითი მობილური ტუმბო გამართულად მუშაობს. ამ ეტაპზე მიმდინარეობს აღნიშნული არხის (8350 გრძივი მეტრი) ამოწმენდითი სამუშაოები. აღნიშნული სამუშაოები 12 ნოემბერს ხობის მუნიციპალიტეტის საკრებულოს თავმჯდომარემ ედიშერ ჯობავამ სოფლის მეურნეობის სამინისტროს ხობის საინფორმაციო-საკონსულტაციო სამსახურის წარმომადგენლებთან ერთად დაათვალიერა.

November 12, 2015

შემოდგომის ფოთოლცვენა პირველი მაისის საბავშვო ბაღში (EN)

11 ნოემბერს, პირველი მაისის საბავშვო ბაგა-ბაღში საზეიმო ღონისძიება გაიმართა. ორიგინალურ კოსტიუმებში გამოწყობილმა პატარებმა შემოდგომის თემატიკაზე საინტერესო ნომრები წარმოადგინეს, შესრულდა ლექსები, სიმღერები, სხვა და სხვა ქორეოგრაფიული და ფოლკლორული ნომრები. პატარა მსახიობებმა სხვადასხვა როლებიც მოირგეს რასაც დარბაზში ოვაციები მოჰყვა. ღონისძიებას საკრებულოს სოციალურ საკითხთა კომისიის თავმჯდომარე დოდო გაბუნია ესწრებოდა, რომელმაც საბავშო ბაღის ბიბლიოთეკას ზღაპრების წიგნი უსახსოვრა.

November 12, 2015

ბიაში დაზიანებული ხიდბოგირი და დამეწყრილი გზის მონაკვეთი მოეწყობა (EN)

12 ნოემბერს ხობის მუნიციპალიტეტის საკრებულოს თავმჯდომარემ ედიშერ ჯობავამ, სოფლის დეპუტატსა და სპეციალისტებთან ერთად ბიის ადმინისტრაციულ ერთეულში უხვი ნალექის შედეგად დაზიანებული ხიდ-ბოგირი და გზის დამეწყრილი ტერიტორია დაათვალიერა. აღნიშნული ტერიტორიის ხიდბოგირისა და მისასვლელი გზის რეაბილიტაცია უახლოეს მომავალში განხორციელდება.

<<
<
118
119
120
121
122
123
124
125
126
127
128
129
130
131
132
133
134
135
136
137
138
139
140
141
142
143
144
145
146
147
148
...
>
>>