SAKREBULO OF KHOBI MUNICIPALITY

Home
news

news

July 28, 2015

გურიფულში კვირიკობა აღინიშნა (EN)

28 ივლისს ხობის მუნიციპალიტეტის გურიფულის ადმინისტრაციულ ერთეულში „კვირიკობის“ დღესასწაული აღინიშნა. დღესასწაულთან დაკავშირებით წმინდა მოწამეების კვირიკესა და ივლიტას სახელობის მშენებარე ტაძარში წირვა-ლოცვა აღავლინა ხობის სამების ტაძრის წინამძღვარმა მამა კირიონმა. საზეიმო ლიტურგიას ესწრებოდნენ ხობის მუნიციპალიტეტის საკრებულოს თავმჯდომარე ედიშერ ჯობავა, გამგებელი გოჩა ქაჯაია და ადგილობრივი ხელისუფლების წარმომადგენლები.

July 28, 2015

ხობში ქალაქის ქუჩების მოასფალტება მიმდინარეობს (EN)

სოფლის მხარდაჭერის პროგრამის ფარგლებში ქ. ხობში ვაჟა-ფშაველას, აკაკი წერეთელის, დავით აღმაშენებელის, თავისუფლების და სულხან-საბა ორბელიანის ქუჩებზე მიმდინარეობს გზის საფარის მოწყობითი სამუშაოები. ადგილზე ასფალტ-ბეტონის საფარი იგება. პროექტის ღირებულება 300 000 ლარია სამუშაოებს შპს შარაგზამშენ პირველი ახორციელებს.
მიმდინარე სამუშაოები ხობის მუნიციპალიტეტის საკრებულოს თავმჯდომარემ ედიშერ ჯობავამ, გამგებელმა გოჩა ქაჯაიამ და გამგებლის პირველმა მოადგილემ ვარაზ გაბედავამ დაათვალიერეს.

July 28, 2015

საკრებულოს ბიუროს სხდომა (EN)

2015 წლის 28 ივლისს გაიმართა ხობის მუნიციპალიტეტის საკრებულოს ბიუროს სხდომა, სადაც განხილულ იქნა შემდეგი საკითხები:

1. ხობის მუნიციპალიტეტის გამგებლის გ. ქაჯაიას 2015 წლის 13 ივლისის 06/1172 წერილის განხილვა (ხობის მუნიციპალიტეტის 2015 წლის ადგილობრივი ბიუჯეტის იანვარ-ივნისის თვის შესრულების ანგარიშის შესახებ)
(მომხსენებელი: ტ. ალექსანდრია - საფინანსო-სარევიზიო კომისიის თავმჯდომარე)

2. სახელმწიფო ქონების ეროვნული სააგენტოს თავმჯდომარის წერილის განხილვა (საქართველოს შინაგან საქმეთა სამინისტროს სსიპ - საგანგებო სიტუაციების მართვის სააგენტოსთვის დროებით სარგებლობაში გადაცემული ქონების სახელმწიფოსთვის საკუთრებაში გადაცემის თაობაზე)
(მომხსენებელი: გ. სიჭინავა - ეკონომიკური განვითარების საკითხთა კომისიის თავმჯდომარე)

3. კულტურის ცენტრის საინიციატივო ჯგუფის 2015 წლის 24 ივლისის N200 განცხადება (ანსამბლ „კოლხეთის“ წევრის რევაზ თოდუასთვის ხობის საპატიო მოქალაქის წოდების მინიჭების თაობაზე)
(მომხსენებელი: დ. გაბუნია - სოციალურ საკითხთა კომისიის თავმჯდომარე)

4. ხობის მუნიციპალიტეტის გამგებლის გ. ქაჯაიას 2015 წლის 24 ივლისის 06/1279 წერილის განხილვა („ხობის მუნიციპალიტეტის გურიფულის თემის ტერიტორიაზე არსებული ქუჩების სახელდების შესახებ“ ხობის მუნიციპალიტეტის საკრებულოს 2011 წლის 8 ნოემბრის N98 განკარგულებაში ცვლილების შეტანის თაობაზე“)
(მომხსენებელი: გ. სიჭინავა - ეკონომიკური განვითარების საკითხთა კომისიის თავმჯდომარე)

5. საინიციატივო ჯგუფის 2015 წლის 24 ივლისის N205 განცხადება (გოგიტა ჩიტაიასთვის ხობის საპატიო მოქალაქის წოდების მინიჭების თაობაზე)
(მომხსენებელი: დ. გაბუნია - სოციალურ საკითხთა კომისიის თავმჯდომარე)

6. ხობის მუნიციპალიტეტის გამგებლის გ. ქაჯაიას 2015 წლის 27 ივლისის 06/1282 წერილის განხილვა („ხობის მუნიციპალიტეტის გამგებლისათვის მუნიციპალიტეტის საკუთრებაში არსებული ქონების უსასყიდლოდ გადაცემაზე თანხმობის მიცემის შესახებ“ განკარგულების პროექტის თაობაზე)
(მომხსენებელი: გ. სიჭინავა - ეკონომიკური განვითარების საკითხთა კომისიის თავმჯდომარე)

7. „ხობის მუნიციპალიტეტის საკრებულოს რეგლამენტის დამტკიცების შესახებ“ ხობის მუნიციპალიტეტის საკრებულოს 2014 წლის 14 ივლისის N7 დადგენილებაში ცვლილების შეტანის თაობაზე“
(მომხსენებელი: შ. სირაძე - იურიდიულ საკითხთა და ადამიანის უფლებათა დაცვის კომისიის თავმჯდომარე)

8. „ხობის მუნიციპალიტეტის საკრებულოს აპარატის დებულების დამტკიცების შესახებ“ ხობის მუნიციპალიტეტის საკრებულოს 2014 წლის 16 ივლისის N13 დადგენილებაში ცვლილების შეტანის თაობაზე“
(მომხსენებელი: შ. სირაძე - იურიდიულ საკითხთა და ადამიანის უფლებათა დაცვის კომისიის თავმჯდომარე)

9. ხობის მუნიციპალიტეტის გამგებლის გ. ქაჯაიას 2015 წლის 28 ივლისის 06/1291 წერილის განხილვა („ხობის მუნიციპალიტეტის გამგებლისათვის მუნიციპალიტეტის საკუთრებაში არსებული ქონების უსასყიდლოდ გადაცემაზე თანხმობის მიცემის შესახებ“ განკარგულების პროექტის განხილვა)
(მომხსენებელი: გ. სიჭინავა - ეკონომიკური განვითარების საკითხთა კომისიის თავმჯდომარე)

10. ხობის მუნიციპალიტეტის გამგებლის გ. ქაჯაიას 2015 წლის 28 ივლისის 06/1292 წერილის განხილვა („ხობის მუნიციპალიტეტის საკუთრებაში არსებული მოძრავი ქონების სახელმწიფოსთვის საკუთრებაში უსასყიდლოდ გადაცემის შესახებ“ განკარგულების პროექტის თაობაზე)
(მომხსენებელი: გ. სიჭინავა - ეკონომიკური განვითარების საკითხთა კომისიის თავმჯდომარე)

ხობის მუნიციპალიტეტის საკრებულოს ბიუროს გადაწყვეტილებით საკრებულოს მორიგი სხდომა გაიმართება 2015 წლის 29 ივლისს 12:00 საათზე.

July 20, 2015

განხორციელებული პროექტების მონიტორინგი (EN)

20 ივლისს ხობის მუნიციპალიტეტის საკრებულოს თავმჯდომარემ ედიშერ ჯობავამ, გამგებელმა გოჩა ქაჯაიამ და ადგილობრივი თვითმმართველობის სხვა თანამდებობის პირებმა დაათვალიერეს სოფლის მხარდაჭერის პროგრამის ფარგლებში შუა ხორგის ადმინისტრაციულ ერთეულში დასრულებული შიდა სასოფლო გზის და ჭალადიდის საზოგადოებრივ ცენტრის შენობაში განხორციელებული სარემონტო სამუშაოები. პროგრამის ფარგლებში მიმდინარე და განსახორციელებელი სამუშაოების მონიტორინგი ადგილობრივი ხელისუფლების მხრიდან პერიოდულად გაგრძელდება.

July 16, 2015

პრემიერ-მინისტრმა ხობში ახალი საწარმო გახსნა (EN)

ხობის მუნიციპალიტეტს საქართველოს პრემიერ-მინისტრი ირაკლი ღარიბაშვილი სტუმრობდა. მან სახელმწიფო რწმუნებულთან-გუბერნატორთან ლევან შონიასთან, ხობის მუნიციპალიტეტის საკრებულოს თავმჯდომარესთან ედიშერ ჯობავასთან და მუნიციპალიტეტის გამგებელთან გოჩა ქაჯაიასთან ერთად ხობში პლასტმასის და ბეტონის ფილების საწარმო გახსნა. პროექტი პროგრამის ,,აწარმოე საქართველოში“ ფარგლებში განხორციელდა და ის ბიზნესმენის მალხაზ ბასილაიას ინიციატივით დაფუძნდა. მისი მშენებლობა 2 მილიონი ლარი დაჯდა. მშენებლობის ეტაპზე დასაქმებული იყო 50 ადგილობრივი მცხოვრები. საწარმოში ამჟამად 30 ადამიანია დასაქმებული. ქარხანაში იწარმოება პლასტმასის ყუთი, წებო-ცემენტი, სამშენებლო ბლოკი, ბეტონის დეკორატიული ფილა, ბეტონის დეკორატიული ღარები, ბლოკი და ბორდიურები. შპს "ფიგარო" უახლოეს მომავალში კიდევ რამდენიმე საწარმოს გახსნას გეგმავს.

July 15, 2015

მამა იაკობმა ხობში ორი დიდი ქარხნის საძირკველი აკურთხა (EN)

15 ივლისს პირველი მაისის ყოვლადწმინდის ქალწულ მარიამის ტაძრად მიყვანების, წმიდისა დიდისა მოწამისა გიორგისა და წმიდისა მღვდელმთავრისა და საკვირველმოქმედისა ნიკოლოზის საეკლესიო კომპლექსის წინამძღვარი დეკანოზი მამა იაკობი დაესწრო ქ.ხობში სიმინდის ზეთისა და სიმინდის გადამამუშავვებელი ქარხნების ფუნდამენტის ჩაყრას და აკურთხა მშენებლობის დაწყება, რომელიც ხორციელდება მაჟორიტარი დეპუტატის გოდერძი ბუკიას ინიციატივით.
ფუნდამენტის ჩაყრას ესწრებოდა მაჟორიტარი დეპუტატის ბიუროს ხელმძღვანელი რევაზ წულაია.

July 15, 2015

ხობის მუნიციპალიტეტის საკრებულო გილოცავთ ვლაქერნობას (EN)

July 13, 2015

ანრი ჯგერენაიას სახელობის ტურნირი ჭადრაკში დასრულდა (EN)

13 ივლისს, ქალაქ ხობში დასრულდა ტრაგიკულად დაღუპული ანრი ჯგერენაიას სახელობის ტურნირი ჭადრაკში. ტურნირი საჭადრაკო კლუბ „ლაზიერის“ ორგანიზებით ჩატარდა და მასში 15 მოჭადრაკე მონაწილეობდა. ასპარეზობაში გამარჯვებული გახდა ბადრი ლომაია, II ადგილზე გავიდა გულად დგებუაძე, III ადგილი - ნოდარ შონიამ დაიკავა .
დაჯილდოებას ხობის მუნიციპალიტეტის გამგებლის პირველი მოადგილე ვარაზ გაბედავა ესწრებოდა. გამარჯვებულები დიპლომებით, თასებითა და ფასიანი საჩუქრებით დაჯილდოვდნენ. I, II და III ადგილის მფლობელებისათვის პრიზები ანრი ჯგერენაიას ბიძიამ რომან ჯგერენაიამ დააწესა. გამარჯვებულს და ყველაზე პატარა მონაწილეს სამახსოვრო საჩუქარი მაჟორიტარი დეპუტატის გოდერძი ბუკიას ბიუროს უფროსმა რევაზ წულაიამ გადასცა.
დაჯილდოების დასასრულს დამსწრე საზოგადოებამ და ტურნირში მონაწილეებმა კიდევ ერთხელ გაიხსენეს ანრი პატივი მიაგეს მის ხსოვნას.

July 10, 2015

ხობში საფუძველი ჩაეყარა ორი დიდი ქარხნის მშენებლობას (EN)

დღეს, ხობში ორი დიდი ქარხნის მშენებლობა მაჟორიტარმა დეპუტატმა გოდერძი ბუკიამ, ხობის მუნიციპალიტეტის გამგებელმა გოჩა ქაჯაიამ და საკრებულოს თავმჯდომარემ ედიშერ ჯობავამ დაათვალიერეს . საფუძველი ჩაეყარა დასავლეთ საქართველოსთვის და კერძოდ, ხობისთვის უმნიშვნელოვანეს პროექტს. სიმინდის ზეთისა და სიმინდის გადამამუშავებელი ქარხნების მშენებლობის ბალავარი უკვე გაიჭრა.
ბალავარის გაჭრას ასევე, დაესწრნენ „საქართველოს მცენარეული ზეთების კომპანია ქარვას“ გენერალური დირექტორი ილია ქანთარია და კომპანია „ კოლხეთის“ დირექტორი მამუკა ბუკია, მაჟორიტარი დეპუტატის ბიუროს ხელმძღვანელი რევაზ წულაია და ბიუროს სხვა წევრები.
„აღნიშნული პროექტი იქნება უდიდესი შვება ფინანსური თვალსაზრისით. წელიწადში 100 მლ-იანი ბრუნვა განხორციელდება. გთხოვთ, ხობელებმა იაქტიუროთ და დასაქმებისთვის კომპანია „კოლხას“ მიაკითხოთ “- აღნიშნა გოდერძი ბუკიამ.
იგივე თხოვნა გამოხატა კომპანიის დირექტორმა გიორგი ბუკიამ: „ჩვენ გამოვაცხადეთ კონკურსი და დავდეთ ვაკანსიები. სამწუხაროდ, უმეტესობა სხვა რაიონის მაცხოვრებლები არიან. ამიტომაც, ვთხოვ ხობელებს, მოგვაკითხონ და გამოხატონ მზაობა. უნდა დავიწყოთ კადრების გადამზადებაც. მშენებლობა ნოემბრის ბოლოსთვის დასრულდება“.

July 9, 2015

9 ივლისი დაცვის პოლიციის დღე (EN)

ხობის მუნიციპალიტეტის საკრებულო ულოცავს დაცვის პოლიციას 11 წლის იუბილეს, თქვენ წლების მანძილზე იცავდით მოქალაქეების უსაფრთხოებას და მათი საქმიანობისთვის ჯანსაღი გარემოს შექმნას. გისურვებთ წარმატებებს პროფესიულ საქმიანობასა და პირად ცხოვრებაში.

July 3, 2015

საზეიმო ღონისძიება შუა ხორგის ბაღში (EN)

3 ივლისს შუა ხორგის ბაღში გაიმართა საზეიმო ღონისძიება ,,ჩვენ გავიზარდეთ, დავფრთიანდით, ჩვენ სკოლაში მივდივართ.“ ღონისძიებაზე მოწვეული იყვნენ ადგილობრივი ხელისუფლების წარმომადგენლები, საკრებულოს კომისიების თავმჯდომარეები; დოდო გაბუნია, გოჩა სიჭინავა, ტარიელ ალექსანდრია, გამგეობის კულტურის, განათლების, სპორტის, ძეგლთა დაცვისა და ახალგაზრდულ საქმეთა სამსახურის უფროსი როზეტა შულაია. ბაღის აღსაზრდელებს სკოლისკენ მიმავალი გზა დაულოცა და წარმატებები უსურვა საკრებულოს თავმჯდომარემ, შუა ხორგის თემის მაჟორიტარმა დეპუტატმა ედიშერ ჯობავამ და საბავშვო ბაღს გადასცა, დანაპირები საჩუქარი, ელექტრონული პიანინო.

July 3, 2015

არხის ამოწმენდითი სამუშაოები ნოჯიხევის ადმინისტრაციულ ერთეულში (EN)

3 ივლისს ნოჯიხევის ადმინისტრაციულ ერთეულში, სოფელ დასახლებაში, სოფლის მხარდაჭერის პროგრამით მიმდინარე არხის ამოწმენდითი სამუშაოები დაათვალიერეს ხობის მუნიციპალიტეტის საკრებულოს ეკონომიკურ საკითხთა განვითარების კომისიის თავმჯდომარემ, ნოჯიხევის ადმინისტრაციული ერთეულის მაჟორიტარმა დეპუტატმა გოჩა სიჭინავამ და ნოჯიხევის ადმინისტრაციულ ერთეულში გამგებლის წარმომადგენელმა ლევან ლიპარტიამ.
არხის ამოწმენდის სამუშაოები მიმდინარეობს პროექტის შესაბამისად და დამთავრდება დაგეგმილს ვადებში.

July 2, 2015

Western Drivers -ის პრომო მარში ხობში (EN)

მიმდინარე წლის 4-5 ივლისს სამეგრელო -ზემო სვანეთის რეგიონში ერთადერთ ავტომოყვარულთა კლუბის Western Drivers -ის ორგანიზებით, ზუგდიდის რაიონ სოფელ ინგირის აეროპორტის ტერიტორიაზე ჩატარდება ავტომოყვარულთა შოუ.
2 ივლისს 13:00 საათზე დაიწყო რეგიონის მასშტაბით პრომო მარში, რომელშიც მონაწილეობას ღებულობს 50 მეტზე მანქანა და 15 ბაიკერი, მარშის მარშუტი დაიწყო ქალაქ ზუგდიდიდან და დროშებითა და სხვა ატრიბუტებით შემოიარეს რეგიონის ყველა ქალაქი. ქალაქ ხობში შოუს მონაწილეები შემოვიდნენ 14:00 საათზე და გააგრძელეს სვლა ქალაქ სენაკისკენ.
4-5 ივლისს 12 საათზე იწყება ავტორბოლა რომელიც ითვალისწინებს როგორც წყვილთა რბოლას ასევე დრიფტ შოუს. ღონისძიების მუსიკალურ გაფორმებაზე იზრუნებენ ელექტრონული მუსიკის ცნობილი არტისტები. ავტომოყვარულთა შოუ არის ყველაზე პოპულარული შოუ რომელსაც ესწრება მაყურებელთა უპრეცედენტო რაოდენობა. ორგანიზატორთა გამოცდილებაზე დაყრდნობით ღონისძიებაზე ორი დღის განმავლობაში ელოდებიან 20 ათასზე მეტ დამსწრეს.
ხობელი ახალგაზრდებისთვის, რომელთაც სურვილი აქვთ დაესწრონ ავტომოყვარულთა შოუს, ტრანსპორტირება ადგილობრივი ხელისუფლების მიერ იქნება უზრუნველყოფილი, რომელიც განხორციელდება მუნიციპალიტეტის ადმინისტრაციული შენობის მიმდებარე ტერიტორიიდან 4-5 ივლისს, დილის საათებიდან, სამარშუტო ტაქსებით.
ღონისძიების განხორციელების პერიოდში, უსაფრთხოებას უზრუნველყოფს სამეგრელო- ზემო სვანეთის სამხარეო და საპატრულო პოლიცია და ზუგდიდის მუნიციპალიტეტის მერია. ღონისძიება ჩატარდება სტანდარტების სრული დაცვით.
ხობის მუნიციპალიტეტის საკრებულო წარმატებებს უსურვებს ავტორბოლისა და ავტომოყვარულთა შოუს მონაწილეებს.

June 30, 2015

ნოჯიხევის N2 ბაღის საზეიმო ღონისძიება (EN)

30 ივნისს ნოჯიხევის N2 ბაღში გაიმართა საზეიმო ღონისძიება „გზა სკოლისაკენ“. გამოსაშვები ჯგუფის აღსაზრდელების მიერ წარმოდგენილმა საკონცერტო ნომრებმა მაყურებელთა დიდი მოწონება დაიმსახურა. ღონისძიებას ესწრებოდნენ ხობის მუნიციპალიტეტის საკრებულოს თავმჯდომარე ედიშერ ჯობავა, გამგებელი გოჩა ქაჯაია და ადგილობრივი ხელისუფლების სხვა წარმომადგენლები. საკრებულოს თავმჯდომარემ და გამგებელმა აღსაზრდელებს, მასწავლებლებსა და მშობლებს მიულოცეს ეს ღირშესანიშნავი დღე და წარმატებები უსურვეს მათ.

June 30, 2015

მზადება ელექტრონულ საქმისწარმოებაზე გადასასვლელად (EN)

მიმდინარე წლის 15 ივნისიდან სამი კვირის განმავლობაში, ხობის მუნიციპალიტეტის ადგილობრივი თვითმმართველობის ადმინისტრაციულ შენობაში მიმდინარეობს ტრენინგები ელექტრონულ საქმისწარმოებაზე გადასვლის მიზნით საკრებულოს და გამგეობის მოსამსახურეთა გადასამზადებლად.
პირველი ორი კვირის განმავლობაში, საქართველოს იუსტიციის სასწავლო ცენტრის IT მიმართულების სამსახურის ასისტენტის თამარ ჩობაჩიძის მიერ, გამგეობის და საკრებულოს 40 მოსამსახურეს ჩაუტარდა ტრენინგი კომპიუტერულ უნარებში, ხოლო 29 ივნისიდან ერთი კვირის განმავლობაში საჯარო რეესტრის ეროვნული სააგენტოს კანცელარიის უფროსი თამარ შაშიაშვილი გამგეობის და საკრებულოს აპარატის 20 მოსამსახურეს უტარებს ტრენინგს დოკუმენტბრუნვის ელექტრონული სისტემის (დეს) შესასწავლად.
პროექტი ხორციელდება სსიპ - სახელმწიფო სერვისების განვითარების სააგენტოს პროექტის „ელექტრონული მმართველობის დანერგვა ადგილობრივ თვითმმართველობებში“ ფარგლებში, რომელშიც ხობის მუნიციპალიტეტი ერთ-ერთ საპილოტე მუნიციპალიტეტად არის შერჩეული.
სახელმწიფო სერვისების განვითარების სააგენტოს მხარდაჭერითა და კოორდინაციით, ელექტრონულ მმართველობასა და ელექტრონულ საქმისწარმოებაზე გადასასვლელად ხობის მუნიციპალიტეტი 2013 წლიდან ემზადება, რომლის ფარგლებშიც ადგილობრივი თვითმმართველობის ადმინისტრაციულ შენობაში განხორციელდა პირველი სართულის სრული რეკონსტრუქცია და მოქალაქეთა მისაღებისა და საკრებულოს და გამგეობის არქივების და დამხმარე ოთახების მოწყობა. შენობაში მოეწყო თანამედროვე ქსელური ინფრასტრუქტურა - ციფრული საკომუნიკაციო და უსაფრთხოების სისტემა, გამგეობის სამსახურები და საკრებულო სრულად აღიჭურვა სათანადო კომპიუტერული ტექნიკით, მათ შორის, სახელმწიფო სერვისების განვითარების სააგენტოს მხრიდან მუნიციპალიტეტს 15 ერთეული კომპიუტერი გადმოეცა. პარალელურად მიმდინარეობს შესაბამისი ნორმატიული მარეგულირებელი ნორმების შემუშავება.
ტრენინგების დასრულების შემდგომ ხობის მუნიციპალიტეტის ადგილობრივი თვითმმართველობის ორგანოები ელექტრონული საქმისწარმოების სატესტო რეჟიმში გადავლენ, ხოლო პროექტის ამოქმედების დღიდან მოქალაქეები ოპერატიულად, მარტივად და ეფექტურად მიიღებენ სათანადო მომსახურებას მოქალაქეთა მისაღებში, კანცელარიის ოპერატორებისგან.

<<
<
118
119
120
121
122
123
124
125
126
127
128
129
130
131
132
133
134
135
136
137
138
139
140
141
142
143
144
145
146
147
148
...
>
>>