ხობის მუნიციპალიტეტის საკრებულო

სიახლეები

იანვარი 1, 2016

ადგილობრივი ხელისუფლება დაწესებულებებს ახალ წელს ულოცავს

ხობის მუნიციპალიტეტის საკრებულოს თავმჯდომარე ედიშერ ჯობავამ, გამგებელმა გოჩა ქაჯაიამ, გამგებლის პირველმა მოადგილემ ვარაზ გაბედავ და ადგილობრივი ხელისუფლების სხვა წარმომადგენლებმა შპს ხობის რაიონულ ცენტრალურ საავადმყოფოს, სს სასწრაფო სამედიცინო დახმარების ხობის ფილიალის, სახანძრო-სამაშველო სამსახურისა და შსს სამეგრელო-ზემო სვანეთის პოლიციის დეპარტამენტის ხობის რაიონული სამმართველოს თანამშრომლებს დამდეგი შობა-ახალი წელი მიულოცეს, როგორც ბატონმა ედიშერმა აღნიშნა ეს ადამიანები განსაკუთრებულად იმსახურებენ მილოცვასა და ყურადღებას, რადგან თავიანთ პროფესიულ მოვალეობას პირნათლად ასრულებენ. მან მადლობა გადაუხადა თითოელ თანამშრომელს და წარმატებული წელიწადი უსურვა მათ.

დეკემბერი 29, 2015

საახალწლო კარნავალი ქალაქ ხობის საჯარო სკოლებში

29 დეკემბერს ქალაქ ხობის N1 და N2 საჯარო სოლის მოსწავლეებმა საახალწლო კარნავალი გამართეს. ზეიმზე წარმოდგენილ იყო სხვადასხვა საახალწლო სიმღერები, იუმორისტული ნომრები, ლექსები, ცეკვები საინტერესო და ორიგინალური შესრულებით. საახალწლო ზეიმს ხობის მუნიციპალიტეტის საკრებულოს თავმჯდომარე ედიშერ ჯობავა, გამგებელი გოჩა ქაჯაია, ხობის მუნიციპალიტეტის საკრებულოს მაჟორიტარი წევრი, ქალაქ ხობის მაჟორიტარი დეპუტატი, ფრაქცია „ქართული ოცნება-დემოკრატიული საქართველოს“ თავმჯდომარე ლევან ქავთარაძე და საკრებულოს წევრი ლაშა ცატავა ესწრებოდნენ. ადგილობრივი ხელისუფლების წარმომადგენლებმა დამდეგი შობა-ახალი წელი მიულოცეს დამსწრე საზოგადოებას და სკოლებს სამახსოვროდ საჩუქრები გადასცეს.

დეკემბერი 29, 2015

საკრებულოს თავმჯდომარე შუა ხორგის საჯარო სკოლას სტუმრობდა

29 დეკემბერს ხობის მუნიციპალიტეტის საკრებულოს თავმჯდომარე ედიშერ ჯობავა და საკრებულოს ფრაქცია „ხობის“ თავმჯდომარე ვასილ კუკავა შუა ხორგის საჯარო სკოლას სტუმრობდნენ. საკრებულოს თავმჯდომარემ პედაგოგებს დამდეგი შობა-ახალი წელი მიულოცა, სიმბოლური საჩუქარი გადასცა და როგორც შუა ხორგის მაჟორიტარმა დეპუტატმა შემდგომი თანადგომა აღუთქვა მათ. პედაგოგებმა მათი მხრივ საკრებულოს თავმჯდომარეს მზრუნველობისა და თანადგომისთვის მადლობა გადაუხადეს და წარმატებები უსურვეს.

დეკემბერი 28, 2015

წლის შემაჯამებელი თათბირი

28 დეკემბერს ხობის მუნიციპალიტეტის საკრებულოს თავმჯდომარემ ედიშერ ჯობავამ საკრებულოს აპარატის თანამშრომლებთან თათბირი გამართა, სადაც შეაჯამა 2015 წლის მუშაობა.
საკრებულოს თავმჯდომარემ დასასრულს თანამშრომლებს მიულოცა დამდეგი შობა-ახალი წელი და მომავალი წარმატებები უსურვა.

დეკემბერი 27, 2015

ხობელი სპორტსმენების წარმატებები

25-26 დეკემბერს ქ. თბილისში სპორტკომპლექს არენაში ახალგაზრდებს შორის საქართველოს თასი ბერძნულ-რომაულ ჭიდაობაში ჩატარდა, ევროპისა და მსოფლიო პირველობის შესარჩევ ტურნირში ნუგზარ წურწუმიამ 50 კგ. წონით კატეგორიაში პირველი ადგილი მოიპოვა, ხოლო ჯონი ხეცურიანმა - 60 კგ წონით კატეგორიაში მესამე ადგილი (მწვრთნელ მასწავლებელი მამუკა ყორშია). ხობელი სპორტსმენები საქართველოს ახალგაზრდულ ნაკრებ გუნდთან ერთად საწვრთნელ შეკრებას ბელორუსიაში გაივლიან.
ხობის მუნიციპალიტეტის საკრებულო ნუგზარ წურწუმიას და ჯონი ხეცურიანს ულოცავს გამარჯვებას და უსურვებს წარმატებებს.

დეკემბერი 25, 2015

საახალწლო - საზეიმო ღონისძიება სამუსიკო სკოლაში

25 დეკემბერს ხობის მუნიციპალიტეტის განათლების ცენტრის სამუსიკო სკოლის დარბაზში გაიმართა საახალწლო-საზეიმო ღონისძიება, რომელშიც მონაწილეობდნენ სამუსიკო სკოლის მოსწავლეები. კონცერტზე ახალგაზრდა შემსრულებლებმა წარმოადგინეს ცნობილ კომპოზიტორთა ნაწარმოებები.
ღონისძეიებას ესწრებოდნენ ხობის მუნიციპალიტეტის საკრებულოს ფრაქცია „ქართული ოცნება- დემოკრატიული საქართველოს“ თავმჯდომარე ლევან ქავთარაძე, ეკონომიკური განვითარების საკითხთა კომისიის თავმჯდომარე გოჩა სიჭინავა და გამგეობის კულტურის, განათლების, სპორტის, ძეგლთა დაცვისა და ახალგაზრდულ საქმეთა სამსახურის უფროსი როზეტა შულაია.

დეკემბერი 25, 2015

საკრებულოს სხდომის ანგარიში

25 დეკემბერს ხობის მუნიციპალიტეტის საკრებულოს სხდომათა დარბაზში გაიმართა საკრებულოს მორიგი სხდომა, რომელსაც თავმჯდომარეობდა საკრებულოს თავმჯდომარე ედიშერ ჯობავა. სხდომას ესწრებოდნენ საკრებულოსა და გამგეობის ხელმძღვანელი პირები.
სხდომაზე დღის წესრიგით გათვალისწინებულ საკითხებს შორის, ყველაზე მნიშვნელოვანი მუნიციპალიტეტის 2016 წლის ფინანსური დოკუმენტი, ადგილობრივი ბიუჯეტი დამტკიცდა, რომელიც განისაზღვრა 6644,2 (ექვსი მილიონ ექვსას ორმოცდაოთხი ათას ორასი) ლარით. მომავალი წლის ბიუჯეტი მაქსიმალურად ხალხზე ორიენტირებულია და პრიორიტეტად განსაზღვრულია, როგორც სოციალური, ასევე ჯანდაცვის და ინფრასტრუქტურული პროექტები.
გამგეობაში მიმდინარე რეორგანიზაციის შედეგად კერძოდ, გამგეობის სოფლის მეურნეობის სამსახურის ლიკვიდაციისა და მისი გამგეობის ეკონომიკური განვითარებისა და პროგრამების მართვის სამსახურითვის ერთ-ერთ სტრუქტურულ დანაყოფად დაქვემდებარტების საფუძველზე განხორციელდა შესაბამისი ცვლილებები გამგეობის სამსახურების დებულებასა და საშტატო ნუსხაში. გამგეობის წინადადების საფუძველზე საკრებულომ ასევე მიიღო გადაწყვეტილება, ახალი ხიბულის ადმინისტრაციული ერთეულის სოფელ ზუბის მოსახლეობის მოთხოვნის დაკმაყოფილებისა და ზუბის კულტურის სახლში სამლოცველო ფართის გამოყოფის შესახებ.
დღის წესრიგით გათვალისწინებული ამ და სხვა საკითხების განხილვის შემდეგ, საკრებულოს თავმჯდომარემ ე. ჯობავამ შეაჯამა მიმდინარე წელი და ისაუბრა იმ მიღწევებზე, რაც განხორციელებულ იქნა ადგილობრივი ხელისუფლების მხრიდან, ამასთან საკრებულოს წევრებს და დამსწრე საზოგადოებას მიულოცა დამდეგი ახალი წელი და შემდგომი წარმატებები უსურვა მათ. 2015 წლის საკრებულოს ბოლო სხდომა სახელმწიფო ჰიმნით დაიხურა.

დეკემბერი 24, 2015

განცხადება საკრებულოს მორიგი სხდომის შესახებ

ხობის მუნიციპალიტეტის საკრებულოს მორიგი სხდომა გაიმართება 25 დეკემბერს 11:00 საათზე, საკრებულოს სხდომათა დარბაზში. საკრებულოს სხდომის დღის წესრიგი:

1. „ხობის მუნიციპალიტეტის 2015 წლის ადგილობრივი ბიუჯეტის დამტკიცების შესახებ“ ხობის მუნიციპალიტეტის საკრებულოს 2014 წლის 30 დეკემბრის №46 დადგენილებაში ცვლილების შეტანის თაობაზე“ დადგენილების პროექტის განხილვა.
(მომხსენებელი: გ. ქაჯაია - მუნიციპალიტეტის გამგებელი;
თანამომხსენებელი: დ. ჭოჭუა - გამგეობის საფინანსო-საბიუჯეტო სამსახური)

2. „ხობის მუნიციპალიტეტის 2016 წლის ადგილობრივი ბიუჯეტის დამტკიცების შესახებ“ დადგენილების პროექტის განხილვა.
(მომხსენებელი: გ. ქაჯაია - მუნიციპალიტეტის გამგებელი;
თანამომხსენებელი: დ. ჭოჭუა - გამგეობის საფინანსო-საბიუჯეტო სამსახური)

3. „ხობის მუნიციპალიტეტის საკრებულოს წევრების (გარდა თანამდებობის პირებისა) მოვალეობის შესრულებასთან დაკავშირებით გაწეული ხარჯების ანაზღაურების წესის დამტკიცების შესახებ“ ხობის მუნიციპალიტეტის საკრებულოს 2014 წლის 30 დეკემბრის N44 დადგენილებაში ცვლილების შეტანის თაობაზე“ დადგენილების პროექტის განხილვა.
(მომხსენებელი: შ. სირაძე - იურიდიულ საკითხთა და ადამიანის უფლებათა დაცვის კომისიის თავმჯდომარე)

4. „ხობის მუნიციპალიტეტის გამგეობის დებულების დამტკიცების შესახებ“ ხობის მუნიციპალიტეტის საკრებულოს 2014 წლის 28 ივლისის N15 დადგენილებაში ცვლილების შეტანის თაობაზე“ დადგენილების პროექტის განხილვა.
(მომხსენებელი: გ. ქაჯაია - მუნიციპალიტეტის გამგებელი;
თანამომხსენებელი: ჯ. ბერაია - გამგეობის ადმინისტრაციული სამსახურის უფროსის მ/შ)

5. „ხობის მუნიციპალიტეტის გამგეობის ეკონომიკური განვითარებისა და პროგრამების მართვის სამსახურის დებულების დამტკიცების შესახებ“ ხობის მუნიციპალიტეტის საკრებულოს 2014 წლის 28 ივლისის N18 დადგენილებაში ცვლილების შეტანის შესახებ“ დადგენილების პროექტის განხილვა.
(მომხსენებელი: გ. ქაჯაია - მუნიციპალიტეტის გამგებელი;
თანამომხსენებელი: ჯ. ბერაია - გამგეობის ადმინისტრაციული სამსახურის უფროსის მ/შ)

6. „ხობის მუნიციპალიტეტის საკრებულოს და გამგეობის თანამდებობის პირთა და საკრებულოს აპარატის და გამგეობის მოსამსახურეთა თანამდებობრივი სარგოების ოდენობების განსაზღვრის შესახებ“ ხობის მუნიციპალიტეტის საკრებულოს 2014 წლის 22 აგვისტოს №32 დადგენილებაში ცვლილების შეტანის თაობაზე“ დადგენილების პროექტის განხილვა.
(მომხსენებელი: გ. ქაჯაია - მუნიციპალიტეტის გამგებელი;
თანამომხსენებელი: დ. ჭოჭუა - გამგეობის საფინანსო-საბიუჯეტო სამსახური)

7. „ხობის მუნიციპალიტეტის გამგებლისთვის ხობის მუნიციპალიტეტის საკუთრებაში არსებული ქონების სარგებლობის (თხოვების) უფლებით გადაცემაზე თანხმობის მიცემის შესახებ“ განკარგულების პროექტის განხილვა.
(მომხსენებელი: გ. ქაჯაია - მუნიციპალიტეტის გამგებელი;
თანამომხსენებელი: ა. ვარდია - გამგეობის ეკონომიკური განვითარებისა და პროგრამების მართვის სამსახურის უფროსი)

8. „ხობის მუნიციპალიტეტის გამგეობის საშტატო ნუსხის დამტკიცების შესახებ“ ხობის მუნიციპალიტეტის საკრებულოს 2014 წლის 28 ივლისის №52 განკარგულებაში ცვლილების შეტანის თაობაზე“ განკარგულების პროექტის განხილვა.
(მომხსენებელი: გ. ქაჯაია - მუნიციპალიტეტის გამგებელი;
თანამომხსენებელი: ჯ. ბერაია - გამგეობის ადმინისტრაციული სამსახურის უფროსის მ/შ)

9. „ხობის მუნიციპალიტეტის სოციალურად დაუცველი და ეკონომიკურად შეჭირვებული მოსახლეობის სოციალურ-ეკონომიკური მდგომარეობის გაუმჯობესებისა და ხელშეწყობის 2015 წლის მუნიციპალური პროგრამის დამტკიცების შესახებ“ ხობის მუნიციპალიტეტის საკრებულოს 2014 წლის 30 დეკემბრის N102 განკარგულებაში ცვლილების შეტანის თაობაზე“ განკარგულების პროექტის განხილვა.
(მომხსენებელი: გ. ქაჯაია - მუნიციპალიტეტის გამგებელი;
თანამომხსენებელი: შ. კანკია - გამგეობის შრომის, საზოგადოებრივი ჯანმრთელობისა და სოციალური დაცვის, ვეტერანთა, ლტოლვილთა და იძულებით გადაადგილებულ პირთა სამსახურის უფროსი)

10. „საწვავისა და სატელეფონო მომსახურების ხარჯების ლიმიტის განსაზღვრის შესახებ“ ხობის მუნიციპალიტეტის საკრებულოს 2014 წლის 28 ივლისის №53 განკარგულებაში ცვლილების შეტანის თაობაზე“ განკარგულების პროექტის განხილვა.
(მომხსენებელი: გ. ქაჯაია - მუნიციპალიტეტის გამგებელი;
თანამომხსენებელი: ჯ. ბერაია - გამგეობის ადმინისტრაციული სამსახურის უფროსის მ/შ)

11. „ხობის მუნიციპალიტეტის საკრებულოს სოციალურ საკითხთა კომისიის შემადგენლობის დამტკიცების შესახებ“ ხობის მუნიციპალიტეტის საკრებულოს 2014 წლის 16 ივლისის N49 განკარგულებაში ცვლილების შეტანის თაობაზე“ განკარგულების პროექტის განხილვა.
(მომხსენებელი: ნ. შუშანია - სამანდატო-საპროცედურო საკითხთა კომისიის თავმჯდომარე)

12. „ხობის მუნიციპალიტეტის საკრებულოს საფინანსო-სარევიზიო კომისიის შემადგენლობის დამტკიცების შესახებ“ ხობის მუნიციპალიტეტის საკრებულოს 2014 წლის 16 ივლისის N47 განკარგულებაში ცვლილების შეტანის თაობაზე“ განკარგულების პროექტის განხილვა.
(მომხსენებელი: ნ. შუშანია - სამანდატო-საპროცედურო საკითხთა კომისიის თავმჯდომარე)

დეკემბერი 24, 2015

ბიუროს სხდომა

2015 წლის 24 დეკემბერს გაიმართა ხობის მუნიციპალიტეტის საკრებულოს ბიუროს სხდომა, სადაც განხილულ იქნა შემდეგი საკითხები:
1.
ხობის მუნიციპალიტეტის გამგებლის მ/შ-ის ვ. გაბედავას 2015 წლის 11 დეკემბრის N04/2061 და ხობის მუნიციპალიტეტის გამგებლის გ. ქაჯაიას 16 დეკემბრის N04/2087 წერილების განხილვა („ხობის მუნიციპალიტეტის 2016 წლის ადგილობრივი ბიუჯეტის დამტკიცების შესახებ“ დადგენილების პროექტის შესახებ)
(მომხსენებელი: ტ. ალექსანდრია - საფინანსო-სარევიზიო კომისიის თავმჯდომარე)

2. ხობის მუნიციპალიტეტის საკრებულოს წევრის მ. გელანტიას (15.12.2015 N419) განცხადების განხილვა (ხობის მუნიციპალიტეტის საკრებულოს საფინანსო-სარევიზიო და სოციალურ საკითხთა კომისიებში გაწევრიანების თაობაზე.
(მომხსენებელი: ნ. შუშანია - სამანდატო-საპროცედურო საკითხთა კომისიის თავმჯდომარე)

3. ხობის მუნიციპალიტეტის გამგებლის გ. ქაჯაიას 2015 წლის 10 დეკემბრის N09/2053 წერილის განხილვა („ხობის მუნიციპალიტეტის სოციალურად დაუცველი და ეკონომიკურად შეჭირვებული მოსახლეობის სოციალურ-ეკონომიკური მდგომარეობის გაუმჯობესებისა და ხელშეწყობის 2015 წლის მუნიციპალური პროგრამის დამტკიცების შესახებ“ ხობის მუნიციპალიტეტის საკრებულოს 2014 წლის 30 დეკემბრის N102 განკარგულებაში ცვლილების შეტანის თაობაზე“ განკარგულების პროექტის შესახებ.
(მომხსენებელი: დ. გაბუნია - სოციალურ საკითხთა კომისიის თავმჯდომარე)

4. ხობის მუნიციპალიტეტის გამგებლის გ. ქაჯაიას 2015 წლის 10 დეკემბრის N05/2115 წერილის განხილვა („ხობის მუნიციპალიტეტის გამგებლისთვის ხობის მუნიციპალიტეტის საკუთრებაში არსებული ქონების სარგებლობის (თხოვების) უფლებით გადაცემაზე თანხმობის მიცემის შესახებ“ განკარგულების პროექტის განხილვა)
(მომხსენებელი: გ. სიჭინავა - ეკონომიკური განვითარების საკითხთა კომისიის თავმჯდომარე)

5. ხობის მუნიციპალიტეტის გამგებლის გ. ქაჯაიას 2015 წლის 23 დეკემბრის N04 /2131 წერილის განხილვა („ხობის მუნიციპალიტეტის 2015 წლის ადგილობრივი ბიუჯეტის დამტკიცების შესახებ“
ხობის მუნიციპალიტეტის საკრებულოს 2014 წლის 30 დეკემბრის №46 დადგენილებაში
ცვლილების შეტანის თაობაზე“ დადგენილების პროექტის შესახებ)
(მომხსენებელი: ტ. ალექსანდრია - საფინანსო-სარევიზიო კომისიის თავმჯდომარე)

6. ხობის მუნიციპალიტეტის გამგებლის გ. ქაჯაიას 2015 წლის 23 დეკემბრის N03/2140 წერილის განხილვა („ხობის მუნიციპალიტეტის საკრებულოს და გამგეობის თანამდებობის პირთა და საკრებულოს აპარატის და გამგეობის მოსამსახურეთა თანამდებობრივი სარგოების ოდენობების განსაზღვრის შესახებ“ ხობის მუნიციპალიტეტის საკრებულოს 2014 წლის 22 აგვისტოს №32 დადგენილებაში ცვლილების შეტანის თაობაზე“ დადგენილების პროექტის შესახებ)
(მომხსენებელი: ტ. ალექსანდრია - საფინანსო-სარევიზიო კომისიის თავმჯდომარე)

7. ხობის მუნიციპალიტეტის საკრებულოს იურიდიულ საკითხთა და ადამიანის უფლებათა დაცვის კომისიის თავმჯდომარის შ. სირაძის (23.12.2015 N72) განცხადების განხილვა „ხობის მუნიციპალიტეტის საკრებულოს წევრების (გარდა თანამდებობის პირებისა) მოვალეობის შესრულებასთან დაკავშირებით გაწეული ხარჯების ანაზღაურების წესის დამტკიცების შესახებ“ ხობის მუნიციპალიტეტის საკრებულოს 2014 წლის 30 დეკემბრის N44 დადგენილებაში ცვლილების შეტანის თაობაზე“ დადგენილების პროექტის თაობაზე)
(მომხსენებელი: შ. სირაძე - იურიდიულ საკითხთა და ადამიანის უფლებათა დაცვის კომისიის თავმჯდომარე)

8. ხობის მუნიციპალიტეტის გამგებლის გ. ქაჯაიას 2015 წლის 24 დეკემბრის N03/2140 წერილის განხილვა („ხობის მუნიციპალიტეტის გამგეობის დებულების დამტკიცების შესახებ“ ხობის მუნიციპალიტეტის საკრებულოს 2014 წლის 28 ივლისის N15 დადგენილებაში ცვლილების შეტანის თაობაზე“ და „ხობის მუნიციპალიტეტის გამგეობის ეკონომიკური განვითარებისა და პროგრამების მართვის სამსახურის დებულების დამტკიცების შესახებ“ ხობის მუნიციპალიტეტის საკრებულოს 2014 წლის 28 ივლისის N18 დადგენილებაში ცვლილების შეტანის შესახებ“ დადგენილების პროექტებისა და „ხობის მუნიციპალიტეტის გამგეობის საშტატო ნუსხის დამტკიცების შესახებ“ ხობის მუნიციპალიტეტის საკრებულოს 2014 წლის 28 ივლისის №52 განკარგულებაში ცვლილების შეტანის თაობაზე“ და „საწვავისა და სატელეფონო მომსახურების ხარჯების ლიმიტის განსაზღვრის შესახებ“ ხობის მუნიციპალიტეტის საკრებულოს 2014 წლის 28 ივლისის №53 განკარგულებაში ცვლილების შეტანის თაობაზე“ განკარგულების პროექტების შესახებ)
(მომხსენებლები: შ. სირაძე - იურიდიულ საკითხთა და ადამიანის უფლებათა დაცვის კომისიის თავმჯდომარე;
ტ. ალექსანდრია - საფინანსო-სარევიზიო კომისიის თავმჯდომარე)

9. „ხობის მუნიციპალიტეტის საკრებულოს სოციალურ საკითხთა კომისიის შემადგენლობის დამტკიცების შესახებ“ ხობის მუნიციპალიტეტის საკრებულოს 2014 წლის 16 ივლისის N49 განკარგულებაში ცვლილების შეტანის თაობაზე“ განკარგულების პროექტის განხილვა.
(მომხსენებელი: ნ. შუშანია - სამანდატო-საპროცედურო საკითხთა კომისიის თავმჯდომარე)

10. „ხობის მუნიციპალიტეტის საკრებულოს საფინანსო-სარევიზიო კომისიის შემადგენლობის დამტკიცების შესახებ“ ხობის მუნიციპალიტეტის საკრებულოს 2014 წლის 16 ივლისის N47 განკარგულებაში ცვლილების შეტანის თაობაზე“ განკარგულების პროექტის განხილვა.
(მომხსენებელი: ნ. შუშანია - სამანდატო-საპროცედურო საკითხთა კომისიის თავმჯდომარე)

დეკემბერი 18, 2015

ღია ტურნირი კრივში

18 დეკემბერს, საჯიჯაოს ადმინისტრაციული ერთეულის კულტურის სახლში ჩატარდა ა(ა)იპ ,,ხობის მუნიციპალიტეტის განათლების ცენტრი''ს სასპორტო სკოლის ღია ტურნირი კრივში 2001-2003 წწ და 2004-2008 წწ დაბადებულ ჭაბუკთა შორის.

ტურნირი ხობის მუნიციპალიტეტის გამგეობა, საკრებულოს,
ხობის მუნიციპალიტეტის კულტურის, განათლების, სპორტის, ძეგლთა დაცვისა და ახალგაზრდულ საქმეთა სამსახურისა და
(ა)აიპ ,,ხობის მუნიციპალიტეტის განათლების ცენტრის” ორგანიზებით გაიმართა.
შეჯიბრის მიზანია სპორტული ოსტატობის ამაღლება და კრივის პოპულარიზაცია,
პერსპექტიული და ნიჭიერი მოკრივეების გამოვლენა. ტურნირს ხობის მუნიციპალიტეტის საკრებულოს თავმჯდომარე ედიშერ ჯობავა და გამგებელი გოჩა ქაჯაია ადგილობრივი ხელისუფლების წარმომადგენლებთან ერთად დაესწრო
საპრიზო ადგილზე გასული მოკრივეები სიგელებითა და მედლებით დაჯილდოვდნენ

დეკემბერი 18, 2015

ანი ლომაიას მხარდასაჭერი აქცია ხობში

18 დეკემბერს ქ. ხობის კულტურის სახლის მიმდებარე ტერიტორიაზე, ხობის მუნიციპალიტეტის თორსის ადმინისტრაციულ ერთეულში მცხოვრები 14 წლის ანი ლომაიას მხარდასაჭერად ფლეშმობი გაიმართა. ანას, ექიმებმა კუჭის ავთვისებიანი სიმსივნე - კარცინომა დაუდგინეს, მისი სიცოცხლის გადასარჩენად საჭიროა თურქეთში ჰოსპიტალიზაცია, რაც სოლიდურ თანხებთან არის დაკავშირებული.
ფლეშმობში თორსის საჯარო სკოლის მოსწავლეებმა გამართეს, რომლებსაც შეუერთდნენ სხვადასხვა სკოლის მოხალისე ახალგაზრდები. მოსახლეობასთან და სხვადასხვა დაწესებულების წარმომადგენლებთან ერთად საქველმოქმედო აქციაში ჩაერთვნენ ხობის მუნიციპალიტეტის საკრებულოსა გამგეობის წარმომადგენლები, რომლებმაც ანი ლომაიას ფულადი დახმარება გაუწიეს.
ხობის მუნიციპალიტეტის საკრებულო მადლობას უხდის აქციის ორგანიზატორებს და ყველას ვინც თუნდაც მცირე წვლილი შეიტანა საქველმოქმედო აქციაში და გამოჯანმრთელებას უსურვებს ანას.
დახმარების მსურველებს შეუძლიათ თანხა გადარიცხონ მითითებულ ანგარიშზე:
საბანკო კოდი : - TBCBGE 22
მიმღები: ცისანა იზორია
ანგარიშის ნომერი: GE36TB7512045063600030. საკონტაქტო: 571 858282 (ნინო).

დეკემბერი 17, 2015

ბარბარობას გილოცავთ

ხობის მუნიციპალიტეტის საკრებულო გილოცავთ წმიდა დიდმოწამე ბარბარეს ხსენების დღეს, ბარბარეს მფარველობა არ მოკლებოდეს თქვენს ოჯახებს და სრულიად საქართველოს!

დეკემბერი 12, 2015

რომან გულიაშვილის სახელობის ტურნირი დასრულდა

12 დეკემბერს ხობის მუნიციპალიტეტის გამგეობის, საკრებულოს და ა(ა)იპ „ხობის მუნიციპალიტეტის განათლებიც ცენტრის“ ორგანიზებით, ახალგაზრდულ ცენტრ თუთარჩელის სპორტულ დარბაზში დასრულდა სპორტის ოსტატის, ვეტერანი მოჭიდავის ხობის ოლიმპიური რეზერვების სასწავლებლის ყოფილი მწვრთნელის რომან გულიაშვილის ხსოვნისადმი მიძღვნილი ტურნირი ჭაბუკთა შორის ბერძნულ-რომაულ სტილით ჭიდაობაში.
ტურნირი მეოთხედ გაიმართა და მასში ორმოცამდე ნორჩმა სპორტსმენმა მიიღო მონაწილეობა თერთმეტ სხვადასხვა წონით კატეგორიებში.
დაჯოლდოვების ცერემონიალს ესწრებოდნენ ხობის მუნიციპალიტეტის საკრებულოს თავმჯდომარე ედიშერ ჯობავა, გამგებლის მოადგილე მახარე ჩოკორაია, საკრებულოს ფრაქცია „ქართული ოცნება დემოკრატიული საქართველოს“ თავმჯდომარე ლევან ქავთარაძე, ეკონომიკური განვითარების საკითხთა კომისიის თავმჯდომარე გოჩა სიჭინავა და რომან გულიაშვილის ოჯახის წევრები. ადგილობრივი ხელისუფლების წარმომადგენლებმა გამარჯვებულებს თასები, მედლები და სამახსოვრო სიგელები გადასცეს.

დეკემბერი 11, 2015

ხობის კოლხეთმა პირველი წრე დაასრულა

ხობის მუნიციპალიტეტის საფეხბურთო კლუბ „კოლხეთმა“ საქართველოს XXVII ეროვნული საფეხბურთო ჩემპიონატის პირველი ლიგის პირველი წრე დაასრულა. სეზონის ბოლო გასვლითი შეხვედრა „კოლხეთმა“ ჩხოროწყუში ადგილობრივ სამეგრელოსთან გამართა. საკმაოდ წარმატებული ასპარეზობის შემდეგ გუნდმა სეზონის ბოლო სამი ქულა სწორედ ამ შეხვედრიდან მიიღო და შესაბამისად სატურნირო ცხრილში თვრამეტი გუნდიდან მეოთხე ადგილი დაიმკვიდრა. განვლილი სეზონის შეჯამება-განხილვა გაიმართა დღეს კლუბ „კოლხეთში“. შემაჯამებელ შეხვედრას ფეხბურთელებთან და გუნდის მწვრთნელთან გია გურულთან ერთად ხობის მუნიციპალიტეტის საკრებულოს თავმჯდომარე ედიშერ ჯობავა, ფრაქცია „ქართული ოცნება-დემოკრატიული საქართველოს“ თავმჯდომარე ლევან ქავთარაძე, საკრებულოს საფინანსო-სარევიზიო კომისიის თავჯდომარე ტარიელ ალექსანდრია და კლუბის ადმინისტრაციის წევრები ესწრებოდნენ. საკრებულოს თავმჯდომარემ მიულოცა გუნდს მიღწეული წარმატებები და შემდგომი გამარჯვებები უსურვა მათ, ამასთან გუნდის თავკაცებთან ერთად ისაუბრა სამომავლო გეგმებზე და კლუბს სამახსოვრო საჩუქრად ხატი გადასცა.

დეკემბერი 4, 2015

გილოცავთ ყოვლადწმინდა ღვთისმშობლის ტაძრად მიყვანების დღეს

4 დეკემბერს მართლმადიდებლური სამყარო ყოვლადწმინდა ღვთისმშობლის ტაძრად მიყვანების დღესასწაულს აღნიშნავს.
წმინდა მარიამის მშობლებს, წმინდა იოაკიმესა და წმინდა ანას შვილი 50 წლის განმავლობაში არ ჰყავდათ. მოულოდნელად ქალს მთავარანგელოზი გაბრიელი გამოეცხდა და ახარა, რომ მას ასული მარიამი ეყოლებოდა, რომელიც კაცობრიობას მხსნელს, იესოს მოუვლენდა. სამი წლის განმავლობაში მარიამი სახლში იზრდებოდა, შემდეგ კი იგი მშობლებმა იერუსალიმში, ტაძარში მიიყვანეს.
ამ დღესთან დაკავშირებით ყველა მოქმედ ტაძარში სადღესასწაულო ლიტურგია სრულდება, მათ შორის ხობის მუნიციპალიტეტში პირველი მაისის თემში არსებულ ღვთისმშობლის ტაძრად მიყვანების სახელობის ტაძარში, დღეს საზეიმო წირვა-ლოცვა ფოთისა და ხობის ეპარქიის სამღვდელოებამ აღავლინა. ტრადიციულად ამ დღეს მშობლებს ტაძრებში ბავშვები მიჰყავთ. ეს დღე ასევე ბავშვების დალოცვის დღეა.საზეიმო წირვას ხობის მუნიციპალიტეტის საკრებულოს თავმჯდომარის მოადგილე მამუკა ქარდავა, გამგებლის მოადგილე მახარე ჩოკორაია და საკრებულოს აპატარის თანამშრომლები ესწრებოდნენ.
ხობის მუნიციპალიტეტის საკრებულო ყველა მართლმადიდებელ ქრისტიანს ულოცავს დღევანდელ დღეს.

<<
<
118
119
120
121
122
123
124
125
126
127
128
129
130
131
132
133
134
135
136
137
138
139
140
141
142
143
144
145
146
147
148
...
>
>>