30 მაისს ხობის მუნიციპალიტეტის საკრებულოს სხდომათა დარბაზში გაიმართა საკრებულოს მორიგი სხდომა, რომელსაც თავმჯდომარეობდა საკრებულოს თავმჯდომარე ედიშერ ჯობავა. სხდომას ესწრებოდნენ საკრებულოსა და გამგეობის ხელმძღვანელი პირები. სხდომაზე განიხილეს დღის წესრიგით გათვალისწინებული სხვადასხვა საკითხები, მათ შორის: დადგენილების პროექტი: „ხობის მუნიციპალიტეტის 2016 წლის ადგილობრივი ბიუჯეტის დამტკიცების შესახებ“ ხობის მუნიციპალიტეტის საკრებულოს 2015 წლის 25 დეკემბრის N30 დადგენილებაში ცვლილების შეტანის თაობაზე“, რომლის საფუძველზეც ბიუჯეტში საქართველოს მთავრობის გადაწყვეტილებით, სოფლის მხარდაჭერის პროგრამის ფარგლებში საქართველოს სახელმწიფო ბიუჯეტიდან ხობის მუნიციპალიტეტისთვის გამოყოფილი თანხის 848,3 ათასი ლარის ასახვა განხორციელდა.
სხდომაზე ასევე განხილულ იქნა განკარგულების პროექტი „ხობის მუნიციპალიტეტის კლიმატის ცვლილებასთან ადაპტაციის კონცეფციის დამტკიცების თაობაზე“, რომელიც მომზადდა საქართველოს ადგილობრივი თვითმმართველობის ეროვნული ასოციაციის მიერ (პროგრამა დაფინანსებულია აშშ-ს საერთაშორისო განვითარების სააგენტოსგან (USAID)) გზამკვლევის სახით და რომელიც წარმოადგენს კლიმატის ცვლილების ზემოქმედების შეფასებას მუნიციპალიტეტების მიხედვით, საქართველოს სხვადასხვა პრიორიტეტულ, ეკონომიკურ, სოციალურ თუ გარემოსდაცვით სფეროებზე, კერძოდ ტურიზმის, სოფლის მეურნეობის, მრეწველობის, ენერგეტიკის, ინფრასტრუქტურის სფეროებზე, სოციალური სექტორზე და ასევე კულტურულ მემკვიდრეობებზე, დაცულ ტერიტორიებსა და ტყის ეკოსისტემაზე, ზემო აღნიშნული გზამკვლევი მოწონებულ იქნა საკრებულოს მიერ.
ამ და დღის წესრიგით გათვალისწინებული სხვა საკითხების განხილვის შემდეგ სხდომა დახურულად გამოცხადდა.
Khobi Municipality Council
