ხობის მუნიციპალიტეტის საკრებულო

სიახლეები

სექტემბერი 15, 2016

რამაზ კიტიას სახელობის ტურნირი დაიწყო

15 სექტემბერს, ქალაქ ხობში, ნოდარ შენგელიას სახელობის სტადიონზე სტარტი აიღო სამსახურეობრივი მოვალეობის შესრულების დროს, სოფელ ხურჩაში დაღუპული ხობელი პოლიციელის რამაზ კიტიას ხსოვნისადმი მიძღვნილმა ხობის მუნიციპალიტეტის პირველობამ მინი-ფეხბურთში. შეჯიბრში მუნიციპალიტეტში არსებული წარმოება-დაწესებულებების გუნდებმა მიიღეს მონაწილეობა.

სპორტული ღონისძიება, ადგილობრივი თვითმმართველობის მხარდაჭერითა და ა(ა)იპ „ხობის მუნიციპალიტეტის საფეხბურთო კლუბ კოლხეთის“ ორგანიზებით ხორციელდება.
პირველი თამაში „კოლხეთმა“, შსს ხობის პოლიციის სამმართველოს გუნდთან გამართა, შეხვედრა დაძაბულად წარიმართა და „კოლხეთის“ გამარჯვებით დასრულდა.

ფინალური მატჩი, 21 სექტემბერს, ახალ ხიბულაში, რამაზ კიტიას სახელობის სტადიონზე გაიმართება.

სექტემბერი 15, 2016

ახალი სასწავლო წელი დაიწყო

15 სექტემბერს, ხობის მუნიციპალიტეტის საჯარო სკოლებში ახალი სასწავლო წელი დაიწყო. წელს, მუნიციპალიტეტის მასშტაბით სასწავლო პროცესს 383 პირველკლასელი მოსწავლე შეუდგა. პირველკლასელებს სახელმწიფოსგან საჩუქრად ნეტ-ბუკები გადაეცა, გაუმჯობესებული ტექნიკური მახასიათებლებითა და პროგრამებით.
მოსწავლეებსა და პედაგოგებს ახალი სასწავლო წლის დაწყება ხობის მუნიციპალიტეტის საკრებულოს თავმჯდომარემ ედიშერ ჯობავამ, გამგებელმა გოჩა ქაჯაიამ, ხობის საგანმანათლებლო რესურსცენტრის უფროსმა ბეატრისა რუსიამ რესურსცენტრის თანამშრომლებთან და ადგილობრივი ხელისუფლების წარმომადგენლებთან ერთად მიულოცეს.

სექტემბერი 15, 2016

ვულოცავ ახალი სასწავლო წლის დაწყებას

ვულოცავ ახალი სასწავლო წლის დაწყებას, ხობის საგანმანათლებლო რესურსცენტრს, პედაგოგებს, მოსწავლე-ახალგაზრდობას, მშობლებს, სტუდენტებს. თითოეულ თქვენგანს გისურვებთ წინსვლას ცხოვრების იმ დიდ გზაზე, რომელზეც თქვენი შედეგებით გადადგამთ პირველ მნიშვნელოვან ნაბიჯებს. ახალგაზრდებო, თქვენ უნდა მიიღოთ შესაბამისი ცოდნა და განათლება, რადგან განათლებული ახალგაზრდობა უდიდესი ძალაა ქვეყნისთვის, რათა ერთიანი ძალებით ავაშენოთ წარმატებული სახელმწიფო. ჩვენი მხრიდან, კი ხელისუფლება მუდამ იზრუნებს იმ საჭირო გარემოს შექმნისთვის, რაც აუცილებელია თქვენი მრავალმხრივი განვითარებისა და სრულფასოვან პიროვნებად ჩამოყალიბებისთვის.
კიდევ ერთხელ გილოცავთ და გისურვებთ წარმატებულ სასწავლო წელს, ღმერთმა გაგაძლიეროთ და მოგმადლოთ ნიჭიერება და სწავლისმოყვარეობა.

ედიშერ ჯობავა
ხობის მუნიციპალიტეტის საკრებულოს თავმჯდომარე

სექტემბერი 13, 2016

დასრულდა ლევან ჭოჭუას სახელობის თასის გათამაშება

12 სექტემბერს, ქარიატის ადმინისტრაციულ ერთეულში დასრულდა, 2008 წელს აგვისტოს ომის დროს დაღუპული რეზერვისტის, ლევან ჭოჭუას სახელობის თასის გათამაშება მინი-ფეხბურთში.
ტურნირის გამარჯვებული ქ. ხობის გუნდი გახდა, რომელმაც ფინალურ შეხვედრაში გამოღმა ქარიატა, ანგარიშით 3-1 დაამარცხა; ხოლო მესამე ადგილი შუა ხორგის ადმინისტრაციული ერთეულის გუნდმა დაიკავა. ტურნირის გამარჯვებულ და საპრიზო ადგილებზე გასულ გუნდებს, ასევე სხვადასხვა ინდივიდუალურ ნომინაციებში საუკეთესოდ დასახელებულებ ფეხბურთელებს თასები და სიგელები გადაეცათ.
ფინალურ მატჩს საკრებულოს თავმჯდომარე ედიშერ ჯობავა და გამგებლის მოადგილე მახარე ჩოკორაია ესწრებოდნენ.
სპორტული ღონისძიება, ადგილობრივი თვითმმართველობის მხარდაჭერითა და ა(ა)იპ „ხობის მუნიციპალიტეტის საფეხბურთო კლუბ „კოლხეთის“ ორგანიზებით განხორციელდა.

სექტემბერი 13, 2016

საბავშვო ბაღებში სწავლა 19 სექტემბერს დაიწყება

ა(ა)იპ ,,ხობის მუნიციპალიტეტის სკოლამდელი სააღმზრდელო გაერთიანების" სტრუქტურულ ერთეულებში ახალი სასწავლო წელი 19 სექტემბერს დაიწყება. იმ ბაღებში (ზუბის, ახალი ხიბულის, ნოჯიხევის N1, ჭალადიდის, შავღელეს, ქალაქ ხობის N1, ნოჯიხევის N2 და ქვემო ქვალონის საბავშვო ბაღები), სადაც მიმდინარეობს სარემონტო სამუშაოები, სასწავლო-სააღმზრდელო პროცესი დაიწყება 3 ოქტომბერს. 29 საბავშვო ბაღში ჩარიცხულია 1092 აღსაზრდელი. 7 ბაღში ფუნქციონირებს ,,სასკოლო მზაობის" ჯგუფი.

სექტემბერი 9, 2016

ბიბლიოთეკის წიგნადი ფონდი განახლდა

თედო სახოკიას სახელობის ხობის ცენტრალური ბიბლიოთეკის წიგნადი ფონდი განახლდა. ადგილობრივი ბიუჯეტის დაფინანსებით, ა(ა)იპ „ხობის მუნიციპალიტეტის კულტურის ცენტრმა“ 130 ერთეული წიგნი შეიძინა. წიგნადი ფონდის განახლება ეტაპობრივად ხორციელდება და ქალაქ ხობის ცენტრალური ბიბლიოთეკის მკითხველებს შესაძლებლობა აქვთ ისარგებლონ ქართულ, რუსულ, ინგლისურ ენებზე გამოცემული მრავალფეროვანი მხატვრული და სამეცნიერო ლიტერატურით.

სექტემბერი 6, 2016

სტარტი აიღო ლევან ჭოჭუას სახელობის ტურნირმა.

6 სექტემბერს ქარიატის ადმინისტრაციულ ერთეულში სტარტი აიღო 2008 წელს ტრაგიკულად დაღუპული რეზერვისტის, ლევან ჭოჭუას სახელობის გათამაშებამ მინიფეხბურთში.
ტურნირი ხობის მუნიციპალიტეტის გამგეობის კულტურის, განათლების, სპორტის, ძეგლთა დაცვისა და ახალგაზრდულ საქმეთა სამსახურისა და საფეხბურთო კლუბ კოლხეთის ორგანიზებით ტარდება და მასში მონაწილეობას 6 გუნდი (გაღმა ქარიატა, გამოღმა ქარიატა, ჭალადიდი, შუა ხორგა, ყულევი, ხობი) ღებულობს.

ტურნირის გახსნის ცერემონიალს ხობის მუნიციპალიტეტის საკრებულოს თავმჯდომარე ედიშერ ჯობავა ადგილობრივი ხელისუფლების წარმომადგენლებთან და დაღუპულის მეგობრებთან ერთად დაესწრო.
ფინალური შეხვედრა10 სექტემბერს ქარიატაში გაიმართება.

აგვისტო 31, 2016

ხობელი ნუგზარ წურწუმია ბრინჯაოს მედლის მფლობელია

საფრანგეთის ქალაქ მაკონში გამართულ მსოფლიო ჩემპიონატზე ბერძნულ-რომაული სტილით ჭიდაობაში ბრინჯაოს მედლის მფლობელი 50 კილოგრამ წონით კატეგორიაში ხობის მუნიციპალიტეტის განათლების ცენტრის სასპორტო სკოლის მოჭიდავე, ევროპის მოქმედი ჩემპიონი, ნუგზარ წურწუმია (მწვრთნელები: სურაჯ გვასალია, მამუკა ყორშია, ბაკურ ბუკია) გახდა. ნ. წურწუმიამ მედლისათვის შეხვედრაში ირანელი მეჰდი ნეჯადი 7-2 დაამარცხა.
ხობის მუნიციპალიტეტის საკრებულო ულოცავს ღირსეულ გამარჯვებას ნუგზარ წურწუმიას და შემდგომ წარმატებებს უსურვებს მას.

აგვისტო 30, 2016

ქვემო ქვალონის საბავშვო ბაღის რეაბილიტაცია მიმდინარეობს.

ხობის მუნიციპალიტეტში, ბაგა-ბაღების ინფრასტრუქტურის მოწესრიგება ეტაპობრივად ხორციელდება. ქვემო ქვალონის საბავშვო ბაღში მიმდინარე სარეაბილიტაციო სამუშაოები ხობის მუნიციპალიტეტის გამგებელმა გოჩა ქაჯაიამ და საკრებულოს თავმჯდომარე ედიშერ ჯობავამ, ქვემო ქვალონის ადმინისტრაციულ ერთეულში გამგებლის წარმომადგენელთან ერთად დაათვალიერეს.
გასული წლის მსგავსად, წელსაც, ადგილობრივი ბიუჯეტის ერთ-ერთ ძირითად პრიორიტეტს სკოლამდელი სააღმზრდელო დაწესებულებების ინფრასტრუქტურის მოწესრიგება წარმოადგენს. ქვემო ქვალონში, საბავშვო ბაღის რეაბილიტაციის მესამე ეტაპი მიმდინარეობს, რომლის ფარგლებში გამოიცვლება კარები, შეილესება კედლები და ჭერი, მოეწყობა სათამაშო მოედანი, მოწესრიგდება სველი წერტილები. პროექტი ადგილობრივი ბიუჯეტის დაფინანსებით ხორციელდება, რომლის ღირებულებაც 58 200 ლარია. ქვემო ქვალონში, ასევე, „სოფლის მხარდაჭერის პროგრამით“ სანიაღვრე არხების ამოწმენდა მიმდინარეობს.

აგვისტო 29, 2016

დასრულდა ნუტი ლემონჯავას სახელობის საფეხბურთო ტურნირი.

29 აგვისტოს, ხობის ცენტრალურ სტადიონზე დასრულდა ხობის „კოლხეთი-2“-ის ტრაგიკულად დაღუპული ახალგაზრდა ფეხბურთელის,ნუგზარ (ნუტი) ლემონჯავას სახელობის თასის გათამაშება ფეხბურთში. ტურნირი საკმაოდ დაძაბულად და საინტერესოდ წარიმართა.
ტურნირში მესამე ადგილი ხობის „კოლხეთის“ ნორჩ ფეხბურთელთა გუნდმა დაიკავა, მეორე ადგილზე გავიდა ფოთის „კოლხეთის“ ნორჩ ფეხბურთელთა გუნდი, ხოლო პირველი ადგილი და შესაბამისად ნუტის სახელობის თასის მფლობელი ბათუმის ნორჩ ფეხბურთელთა გუნდი გახდა. ტურნირში პრიზები საქართველოს პარლამენტის წევრმა, ხობის მაჟორიტარმა დეპუტატმა დააწესა.

დაჯილდოების ცერემონილას ხობის მუნიციპალიტეტის საკრებულოს თავმჯდომარე ედიშერ ჯობავა, გამგებელი გოჩა ქაჯაია, გამგებლის მოადგილე მახარე ჩოკორაია, ადგილობრივი ხელისუფლების წარმომადგენლები, მწვრთნელები და ოჯახის ახლობლები ესწრებოდნენ.

აგვისტო 29, 2016

ნუგზარ წურწუმია მსოფლიო ჩემპიონატზე იასპარეზებს

30 აგვისტოდან 4 სექტემბრის ჩათვლით, საფრანგეთის ქალაქი მაკონი, ახალგაზრდებს შორის ჭიდაობაში მსოფლიო ჩემპიონატს უმასპინძლებს. მთავარი მწვთნელის ზაზა სილაგაძის გადაწვეტილებით საფრანგეთში ზუსტად ის შემადგენლობა იასპარეზებს რომელმაც ორი თვის წინ ევროპის ჩემპიონატზე ტრიუმფალურად დაასრულა გამოსვლა, სადაც 6 მედალი და გუნდური პირველი ადგილა დაიკავა. შეგახსენებთ, რომ ევროპის ჩემპიონატზე ხობელი ნუგზარ წურწუმია (50 კგ.) ჩემპიონი გახდა.
საქართველოს ბერძნულ-რომაული სტილით მოჭიდავეთა ახალგაზრდული ნაკრების შემადგენლობაში, 50 კგ. წონით კატეგორიაში იასპარეზებს, ა(ა)იპ ,,ხობის მუნიციპალიტეტის განათლების ცენტრის“ სასპორტო სკოლის ბერძნულ-რომაული ჭიდაობის ჯგუფის მოჭიდავე, ევროპის ჩემპიონი, ნუგზარ წურწუმია (მწვრთნელ-მასწავლებლები: მ.ყორშია, ს. გვასალია, ბ. ბუკია).

აგვისტო 28, 2016

გილოცავთ მარიამობას

აგვისტო 25, 2016

სტარტი აიღო ნუგზარ (ნუტი) ლემონჯავას სახელობის ტურნირმა ფეხბურთში.

25 აგვისტოს ხობის ცენტრალურ სტადიონზე სტარტი აიღო ხობის მუნიციპალიტეტის საფეხბურთო სკოლის, ფოთის "კოლხეთის" ჭაბუკ ფეხბურთელთა, მარტვილის საფეხბურთო სკოლისა და ხობის "კოლხეთის" გუნდების ყოფილი ფეხბურთელის ტრაგიკულად დაღუპული ახალგაზრდის ნუგზარ (ნუტი) ლემონჯავას სახელობის თასის გათამაშებამ ფეხბურთში.

ტურნირი საფეხბურთო კლუბ "კოლხეთის" ორგანიზებით ტარდება და მასში მონაწილეობას იღებს 8 გუნდი.
ტურნირის გახსნის ცერემონიალს ნუტის ოჯახის წევრებთან, მეგობრებთან და მოწვეულ სტუმრებთან ერთად ხობის მუნიციპალიტეტის გამგებლის მოადგილე მახარე ჩოკორაია ადგილობრივი ხელისუფლების სხვა წარმომდაგენლებთან ერთად დაესწრო.
ფინალური შეხვედრა 29 აგვისტოს ნუტის დაბადების დღეს გაიმართება, სადაც გამარჯვებული გუნდი ნუტის სახელობის თასის მფლობელი გახდება

აგვისტო 25, 2016

გილოცავთ სტუდენტობას!

ძვირფასო აბიტურიენტებო, სტუდენტობა ეს არის ცხოვრების უმნიშვნელოვანესი ეტაპი, როცა ეუფლებით თქვენს მომავალ პროფესიას. თქვენ უნდა მიიღოთ შესაბამისი ცოდნა და განათლება, რადგან განათლებული ახალგაზრდობა უდიდესი ძალაა ქვეყნისთვის, რათა ერთიანი ძალებით ავაშენოთ წარმატებული სახელმწიფო.
გილოცავთ თითოეულ თქვენგანს ამ წარმატებას, გისურვებთ წინსვლას ცხოვრების იმ დიდ გზაზე, რომელზეც თქვენი შედეგებით გადადგით პირველი მნიშვნელოვანი ნაბიჯი, მიგეღწიოთ უმაღლეს მწვერვალამდე და თქვენი ოჯახების, ქვეყნისა და მუნიციპალიტეტის საკეთილდღეო საქმეები გეკეთებინოთ.
პატივისცემით ხობის მუნიციპალიტეტის საკრებულოს თავმჯდომარე ედიშერ ჯობავა

აგვისტო 24, 2016

ნეტ-ბუკები პირველკლასელებს

სსიპ საგანმანათლებლო და სამეცნიერო ინფრასტრუქტურის განვითარების სააგენტომ ხობის მუნიციპალიტეტში, პირველკლასელთა ნეტ-ბუკების - „ბუკის” დარიგების პროცესი დაასრულა. ახალი სასწავლო წლიდან, ხობის მუნიციპალიტეტის საჯარო სკოლების 343 პირველკლასელი სახელმწიფოს საჩუქრით - ნეტ-ბუკით ისარგებლებს.

<<
<
102
103
104
105
106
107
108
109
110
111
112
113
114
115
116
117
118
119
120
121
122
123
124
125
126
127
128
129
130
131
132
...
>
>>