ხობის მუნიციპალიტეტის საკრებულო

სიახლეები

აპრილი 27, 2016

რესპუბლიკური ტურნირის გამარჯვებულნი

2016 წლის 22-24 აპრილს ქალაქ ხაშურის სპორტსკოლის დარბაზში გაიმართა ნოკოლოზ ხვედელიძის და ვასო ჩოჩაშვილის სახელობის VI რესპუბლიკური ტურნირი ბერძნულ-რომაულ ჭიდაობაში 2001-2003 წლებში დაბადებულ ჭაბუკთა შორის .
შეჯიბრი ჩატარდა ფილას მოქმედი წესების თანახმად .
ტურნირში მონაწილეობას მიიღო ა(ა)იპ ,,ხობის მუნიციპალიტეტის განათლების ცენტრის სასპორტო სკოლის გუნდმა (მწვრთნელ-მასწავლებლები ბ.ბუკია, ს. გვასალია,ა.ხუნჯუა).
სხვადასხვა წონით კატეგორიაში ხობელი 2 ნორჩი მოჭიდავე-დავით გვასალია და მალხაზ წოწერია ტურნირის ჩემპიონები გახდნენ, მე-2 ადგილი გოგა გაბისონიამ მოიპოვა, ხოლო მურად გოგილავა, ლუკა ხელაია, მიშიკო ალექსანდრია და გოგა უბილავა მე-3 ადგილებს დასჯერდნენ.

აპრილი 25, 2016

ნორჩ მოკრივეთა წარმატება

2016 წლის 21-24 აპრილს ქალაქ ფოთში ხელბურთის სპორტულ დარბაზში გაიმართა ზურაბ სარსანიას სახელობის ტურნირი კრივში (2002-2003 წლებში დაბადებულ მოკრივეთა შორის).
ტურნირში მონაწილეობას საქართველოს ქალაქებისა და მუნიციპალიტეტების ნაკრებ გუნდებთან ერთად (150 სპორტსმენი), მონაწილეობდა ა(ა)იპ ,,ხობის მუნიციპალიტეტის განათლების ცენტრის სასპორტო სკოლის გუნდი (მწვრთნელ-მასწავლებელი ე.თოდუა, თ. აბულაძე)
განსაკუთრებული მოწონება დაიმსახურეს და ტურნირის გამარჯვებულები გახდნენ გიორგი ბიგვავა (76 კგ) და დათა შამათავა (59კგ).გამარჯვებულები მედლებითა და სიგელებით დაჯილდოვდნენ.
ტურნირი ჩატარდაა ქალაქ ფოთის მუნიციპალიტეტის მერია და ქ. ფოთის მუნიციპალიტეტის მერიის სპორტის, ახალგაზრდულ საქმეთა და გენდერული თანასწორობის სამსახურის ორგანიზებით.

აპრილი 24, 2016

გილოცავთ ბზობას

ხობის მუნიციპალიტეტის საკრებულო გილოცავთ ბზობის - უფლის იერუსალიმში დიდებით შებრძანების დღესასწაულს!

აპრილი 22, 2016

ოჯახის ექიმებს ონკოლოგიურ დაავადებებზე ტრენინგი ჩაუტარდათ

22 აპრილს, ხობის მუნიციპალიტეტის გამგეობის სააქტო დარბაზში ონკოლოგიურ დაავადებათა პროფილაქტიკასა და ადრეულ დიაგნოსტიკაზე ტრენინგის მეორე ეტაპი დაიწყო. სამდღიანი ტრენინგი, რომელიც ოჯახის ექიმებს და მედდებს ჩაუტარდათ, ორგანიზაცია „ჩეხეთის რესპუბლიკის კარატასი საქართველოში“-ს ორგანიზებით განხორციელდა.
ტრენინგის მეორე ეტაპზე ყურადღება გამახვილდა სხვადასხვა სახის ონკოლოგიურ დაავადებაზე - მკერდის, საშვილოსნოს და პროსტატის კიბო, ლეიკემია; დაავადებათა ეტიოლოგიაზე და მისი მკურნალობის ქირურგიულ, ქიმიურ და ჰორმონულ მეთოდებზე, ონკოლოგიურ დაავადებათა სიმპტომებზე და რისკ ფაქტორებზე.
ტრენინგს ჩეხი ონკოლოგები და ორგანიზაციის მიერ თბილისის ონკოლოგიური ცენტრიდან მოწვეული ონკოლოგები უძღვებოდნენ. ჩეხმა ექიმებმა დამსწრე საზოგადოებას ჩეხეთის რესპუბლიკაში ონკოლოგიური დაავადებების სტატისტიკა, ქიმიოთერაპიის მეთოდოლოგია, მუშაობის პირობები და უფლება მოვალეობები გააცნეს.
ტრენინგის მესამე ეტაპი, რომელიც დაავადებულთა პალიატურ მზრუნველობას მოიცავს, 21-22 მაისს ჩატარდება.

აპრილი 20, 2016

გოგა ბერაიას სახელობის ტურნირი მინი ფეხბურთში დასრულდა

19 აპრილს, გოგა ბერაიას სახელობის სტადიონზე გაიმართა 2008 წელს აგვისტოს ომში ტრაგიკულად დაღუპული რეზერვისტის გოგა ბერაიას სახელობის ტრადიციული - რიგით მე-7 საფეხბურთო ტურნირის ფინალური შეხვედრა ხობის საფეხბურთო და სენაკის მეორე ქვეითი ბრიგადის გუნდებს შორის, სადაც მატჩის ძირითადი დრო დაფიქსირდა ფრედ 1:1 ხოლო პენალტების სერიით ტურნირის გამარჯვებული გახდა ხობის გუნდი. გამარჯვებულებს გადაეცათ სამახსოვრო თასები და სიგელები.

აპრილი 19, 2016

საკონკურსო-საატესტაციო კომისიის სხდომა

19 აპრილს გაიმართა ხობის მუნიციპალიტეტის ადგილობრივი თვითმმართველობის მოხელეთა მუდმივმოქმედი საკონკურსო-საატესტაციო კომისიის სხდომა.
კომისიის სხდომის დღის წესრიგით განსახილველ საკითხთაგან ერთ-ერთი მთავარი განსახილველი თემა ხობის მუნიციპალიტეტის გამგებლის და ხობის მუნიციპალიტეტის საკრებულოს თავმჯდომარის ბრძანებები იყო, რომლებიც გამგეობაში და საკრებულოს აპარატში არსებულ მოხელეთა ვაკანტური თანამდებობების დასაკავებლად საჯარო კონკურსის გამოცხადებას შეეხებოდა.
კომისიამ მოისმინა გამგეობის ადმინისტრაციული სამსახურის უფროსის და საკრებულოს აპარატის უფროსის ინფორმაციები გამგეობაში და საკრებულოში არსებულ მოხელეთა ვაკანტური თანამდებობების შესახებ და ამ თანამდებობების კონკურსის წესით შევსების მიზნით კონკურსის ორგანიზებისათვის გაწეულ სამუშაოებთან დაკავშირებით.
საკონკურსო-საატესტაციო კომისიის გადაწყვეტილებით, კონკურსის გამოცხადებისთვის აუცილებელი ინფორმაცია საჯარო სამსახურის ბიუროს მიეწოდება არაუგვიანეს 19 აპრილისა, რის შემდგომაც, ვაკანსიები გამოქვეყნდება ბიუროს ვებგვერდზე (www.hr.gov.ge).

აპრილი 19, 2016

საკრებულოს სხდომა

19 აპრილს ხობის მუნიციპალიტეტის საკრებულოს სხდომათა დარბაზში გაიმართა საკრებულოს მორიგი სხდომა, რომელსაც თავმჯდომარეობდა საკრებულოს თავმჯდომარე ედიშერ ჯობავა. სხდომას ესწრებოდნენ საკრებულოსა და გამგეობის ხელმძღვანელი პირები. სხდომაზე განიხილეს დღის წესრიგით გათვალისწინებული სხვადასხვა საკითხები, მათ შორის: დადგენილების პროექტი: „ხობის მუნიციპალიტეტის 2016 წლის ადგილობრივი ბიუჯეტის დამტკიცების შესახებ“ ხობის მუნიციპალიტეტის საკრებულოს 2015 წლის 25 დეკემბრის N30 დადგენილებაში ცვლილების შეტანის თაობაზე. რომლის მიხედავითაც ბიუჯეტის მთლიანი მოცულობა, ანუ შემოსულობების გეგმა გაიზარდა 645,6 ათასი ლარით და შეადგინა 10230,8 ათას ლარს.
საკრებულოზე ასევე მოსმენილ იქნა ხობის მუნიციპალიტეტის საკრებულსო თავმჯდომარის ედიშერ ჯობავას ანგარიში, ხობის მუნიციპალიტეტის საკრებულოს მიერ 2015 წლის განმავლობაში გაწეული საქმიანობის შესახებ, სადაც საკრებულსო თავმჯდომარემ დეტალურად ისაუბრა ყველა იმ პროექტებზე, რაც გასულ წელს წარმატებით განხორციელდა ადგილობრივი ხელისუფლების მხრიდან. საკრებულოს მიერ საკრებულოს 2015 წელს გაწეული საქმიანობა ერთხმად შეფასდა დადებითად.
ამ და დღის წესრიგით გათვალისწინებული სხვა საკითხების განხილვის შემდეგ სხდომა დახურულად გამოცხადდა.

აპრილი 18, 2016

განცხადება ხობის მუნიციპალიტეტის საკრებულოს მორიგი სხდომის შესახებ

ხობის მუნიციპალიტეტის საკრებულოს მორიგი სხდომა გაიმართება 2016 წლის 19 აპრილს 11:00 საათზე საკრებულოს სხდომათა დარბაზში.

დღის წესრიგი
1. „ხობის მუნიციპალიტეტის 2016 წლის ადგილობრივი ბიუჯეტის დამტკიცების შესახებ“ ხობის მუნიციპალიტეტის საკრებულოს 2015 წლის 25 დეკემბრის N30 დადგენილებაში ცვლილების შეტანის თაობაზე“ დადგენილების პროექტის განხილვა.
(მომხსენებელი: გ. ქაჯაია - მუნიციპალიტეტის გამგებელი
თანამომხსენებელი: დ. ჭოჭუა - გამგეობის საფინანსო-საბიუჯეტო სამსახური);

2. „ხობის მუნიციპალიტეტის ტერიტორიაზე სახელმწიფო და ხობის მუნიციპალიტეტის საკუთრებაში არსებული არასასოფლო-სამეურნეო დანიშნულების მიწის ნორმატიული ფასის დადგენის შესახებ“ ხობის მუნიციპალიტეტის საკრებულოს 2016 წლის 29 თებერვლის N10 დადგენილებაში ცვლილების შეტანის თაობაზე“ დადგენილების პროექტის განხილვა.
(მომხსენებელი: ლ. ცატავა - იურიდიულ საკითხთა და ადამიანის უფლებათა დაცვის საკითხთა კომისიის თავმჯდომარე);

3. ხობის მუნიციპალიტეტის საკრებულოს თავმჯდომარის ანგარიშის მოსმენა ხობის მუნიციპალიტეტის საკრებულოს მიერ 2015 წელს გაწეული საქმიანობის თაობაზე
(მომხსენებელი: ე. ჯობავა - საკრებულოს თავჯდომარე).

აპრილი 18, 2016

ბიუროს სხდომა

18 აპრილს გაიმართა ხობის მუნიციპალიტეტის საკრებულოს ბიუროს სხდომა, სადაც განხილულ იქნა შემდეგი საკითხები:

1. ხობის მუნიციპალიტეტის საკრებულოს იურიდიულ საკითხთა და ადამიანის უფლებათა დაცვის კომისიის თავჯდომარის ლ. ცატავას 2016 წლის 14 აპრილის N26/08 მოხსენებითი ბარათის განხილვა („ხობის მუნიციპალიტეტის ტერიტორიაზე სახელმწიფო და ხობის მუნიციპალიტეტის საკუთრებაში არსებული არასასოფლო-სამეურნეო დანიშნულების მიწის ნორმატიული ფასის დადგენის შესახებ“ ხობის მუნიციპალიტეტის საკრებულოს 2016 წლის 29 თებერვლის N10 დადგენილებაში ცვლილების შეტანის თაობაზე“ დადგენილების პროექტის შესახებ)
(მომხსენებელი: ლ. ცატავა - იურიდიულ საკითხთა და ადამიანის უფლებათა დაცვის საკითხთა კომისიის თავმჯდომარე);

2. ხობის მუნიციპალიტეტის გამგებლის გ.ქაჯაიას 2016 წლის 14 აპრილის N04/959 წერილის განხილვა („ხობის მუნიციპალიტეტის 2016 წლის ადგილობრივი ბიუჯეტის დამტკიცების შესახებ“ ხობის მუნიციპალიტეტის საკრებულოს 2015 წლის 25 დეკემბრის N30 დადგენილებაში ცვლილების შეტანის თაობაზე“ დადგენილების პროექტის შესახებ)
(მომხსენებელი: ტ. ალექსანდრია - საფინანსო-სარევიზიო
კომისიის თავმჯდომარე)

3. ხობის მუნიციპალიტეტის საკრებულოს თავმჯდომარის ანგარიში ხობის მუნიციპალიტეტის საკრებულოს მიერ 2015 წელს გაწეული საქმიანობის თაობაზე
(მომხსენებელი: ნ. შუშანია -სამანდატო-საპროცედურო საკითხთა
კომისიის თავმჯდომარე).

აპრილი 13, 2016

მიწის ნაკვეთებზე საკუთრების უფლების აღიარების კომისიის სხდომა

13 აპრილს გაიმართა ხობის მუნიციპალიტეტის საკრებულოს ფიზიკური და კერძო სამართლის იურიდიული პირების მფლობელობაში (სარგებლობაში) არსებულ მიწის ნაკვეთებზე საკუთრების უფლების აღიარების კომისიის სხდომა, სადაც განხილულ იქნა კომისიის სახელზე შემოსული განცხადებები.

აპრილი 9, 2016

9 აპრილი - უდიდესი ტკივილისა და სიხარულის დღე

9 აპრილი, როგორც უდიდესი ტკივილისა და სიხარულის დღე ხობის მუნიციპალიტეტში პროგრამის მიხედვით სხვადასხვა ადგილას აღინიშნა. 1989 წლის 9 აპრილის მშვიდობიანი საპროტესტო აქციის დროს, საქართველოს დამოუკიდებლობის აღდგენის მიზნით, რუსთაველის ქუჩაზე შეკრებილი მანიფესტანტები საბჭოთა ხელისუფლებამ დაარბია და ათობით ადამიანი დახოცა. ამ დღესთან დაკავშირებით ხობის მუნიციპალიტეტის საკრებულოს თავმჯდომარემ ედიშერ ჯობავამ, გამგებელმა გოჩა ქაჯაიამ და ადგილობრივი ხელისუფლების სხვა წარმომადგენლებმა ყვავილებით შეამკეს 9 აპრილის მემორიალი და პატივი მიაგეს დაღუპულ გმირთა ხსოვნას. მემორიალთან საერო სკოლა „არეას“ მოსწავლეებმა საზოგადოებას წარმოუდგინეს მხატვრულ-ლიტერატურული კომპოზიცია - ,,სამშობლოს შეწირულნი“, რის შემდეგაც ხობის სამების სახელობის ეკლესიაში სამშობლოს ერთიანობისთვის, დაღუპულ მამულიშვილთა სულის მოსახსენიებელი პარაკლისი აღავლინა დეკანოზმა მამა კირიონმა.
ღონისძიების ფარგლებში მსვლელობა მოეწყო ხეთის ადმინისტრაციულ ერთეულში 9 აპრილს დაღუპული „ნათია ბაშალეიშვილის სახელობის წყაროსთან, სადაც მოსწავლე-ახალგაზრდობის მიერ შესრულადა ლიტერატურული კომპოზიცია - ,,აპრილის გმირი დედულეთში“.

აპრილი 7, 2016

გილოცავთ ხარებას

ხარება არის ერთ-ერთი უდიდესი საუფლო დღესასწაული, რომელსაც წმიდა ეკლესია 25 მარტს (ახ. სტილით 7 აპრილს) აღნიშნავს. ამ დღეს ყოვლადწმიდა მარიამთან ერთად მთელ კაცობრიობას ეუწყა, რომ სახიერმა ღმერთმა ადამიანი სიკვდილისა და ცოდვის სამუდამო ტყვეობისათვის ვერ გაიმეტა და ეშმაკის მონობისაგან მისი გამოხსნა გადაწყვიტა. ეს დღე არის დასაბამი „ჩვენი ცხონებისა და გამოჩინება საუკუნოითგან დამალულისა საიდუმლოისა“.
ღვთისმშობელო ქალწულო, გიხაროდენ, მიმადლებულო მარიამ, უფალი შენთანა, კურთხეულ ხარ შენ დედათა შორის და კურთხეულ არს ნაყოფი მუცლისა შენისა, რამეთუ მაცხოვარი გვიშევ სულთა ჩვენთა.
ხობის მუნიციპალიტეტის საკრებულო გილოცავთ ხარებას, მრავალს დაგასწროთ უფალმა!

აპრილი 6, 2016

ანრი ჯგერენაიას სახელობის ტურნირი ფეხბურთში

6 აპრილს, ნოდარ შენგელიას სახელობის სტადიონზე სტარტი აიღო ანრი ჯგერენაიას სახელობის ტურნირმა მინი ფეხბურთში. შეჯიბრებაში ხობის მუნიციპალიტეტის თორმეტი საჯარო სკოლის 2004-2005 წლებში დაბადებულ ბიჭუნათა გუნდი მონაწილეობს. ტურნირი ჯგუფური ეტაპის პრინციპით ტარდება და I-II ადგილზე გასული გუნდები ნახევარფინალში შეხვდებიან ერთმანეთს. ფინალური შეხვედრები 12 აპრილს გაიმართება.
ღონისძიების გახსნის ცერემონიალში ხობის მუნიციპალიტეტის საკრებულოს თავმჯდომარე ედიშერ ჯობავა და გამგებლის მოადგილე მახარე ჩოკორაია მონაწილეობდნენ.
სპორტული ღონისძიება ადგილობრივი თვითმმართველობის მხარდაჭერითა და ა(ა)იპ „ხობის მუნიციპალიტეტის საფეხბურთო კლუბ „კოლხეთის“ ორგანიზებით ხორციელდება.

აპრილი 5, 2016

2015 წლის ადგილობრივი ბიუჯეტის შესრულების წლიური ანგარიშის მოსმენა

2016 წლის 29 თებერვალს ხობის მუნიციპალიტეტის საკრებულოს სხდომაზე ხობის მუნიციპალიტეტის გამგეობის საფინანსო-საბიუჯეტო სამსახურის უფროსის დ. ჭოჭუას მიერ წარმოდგენილ იქნა ხობის მუნიციპალიტეტის 2015 წლის ადგილობრივი ბიუჯეტის შესრულების წლიური ანგარიში, რომელიც საკრებულოს მხრიდან შეფასდა დამაკმაყოფილებლად.

აპრილი 4, 2016

კოლხეთი 3:0 ჩხერიმელა

4 აპრილს ხობის ცენტრალურ სტადიონზე საქართველოს XXVII ეროვნული საფეხბურთო ჩემპიონატის მეორე წრის მორიგი კალენდარული მატჩი გაიმართა, სადაც ერთმანეთს ხობის „კოლხეთი“ და ხარაგაულის „ჩხერიმელა“ შეხვდნენ. მატჩი დაძაბულად და საინტერესოდ მიმდინარეობდა, ხობის „კოლხეთის“ ფეხბურთელებმა საგოლე მომენტები ზუსტად გამოიყენეს და საბოლოდ ანგარიში „კოლხეთის“ სასარგებლოდ 3:0 დასრულდა.
თამაშს ხობის მუნიციპალიტეტის საკრებულოს თავმჯდომარე ედიშერ ჯობავა, გამგებლის მოადგილე მახარე ჩოკორაია და ადგილობრივი ხელისუფლების სხვა წარმომადგენლები ესწრებოდნენ.

<<
<
112
113
114
115
116
117
118
119
120
121
122
123
124
125
126
127
128
129
130
131
132
133
134
135
136
137
138
139
140
141
142
...
>
>>