ხობის მუნიციპალიტეტის საკრებულო

სიახლეები

სექტემბერი 15, 2015

რამაზ კიტიას სახელობის ტურნირი

15 სექტემბერს, სტარტი აიღო რუსეთ-საქართველოს ომის შედეგად სოფელ ხურჩაში ტრაგიკულად დაღუპული ხობელი პოლიციელის რამაზ კიტიას ხსოვნისადმი მიძღვნილმა მუნიციპალიტეტის პირველობამ მინი ფეხბურთში, რომელიც ხობის მუნიციპალიტეტის ტერიტორიაზე არსებულ წარმოება-დაწესებულებებს შორის იმართება. შეჯიბრებაში 9 გუნდი მონაწილეობს. ტურნირი ჯგუფური სისტემით ტარდება, თითო ჯგუფიდან ორ-ორი გუნდი ნახევარფინალში გადის, გამარჯვებული გუნდები კი ერთმანეთს ფინალში დაუპირისპირდებიან. დღეს, თამაში ხობის მუნიციპალიტეტის გამგეობა-საკრებულოს და შსს ხობის რაიონული სამმართველოს გუნდებმა გახსნეს, სადაც გამარჯვება გამგეობა-საკრებულოს ფეხბურთელთა გუნდმა მოიპოვა. ფინალური შეხვედრა 21 სექტემბერს ახალი ხიბულაში, რამაზ კიტიას სახელობის სტადიონზე გაიმართება, სადაც გამარჯვებული გუნდი მისი სახელობის თასს დაეუფლება. ტურნირი ხობის მუნიციპალიტეის გამგეობის კულტურის, განათლების, სპორტის, ძეგლთა, დაცვისა და ახალგაზრდულ საქმეთა სამსახურის ორგანიზებით ხორციელდება, რომელსაც ხობის მუნიციპალიტეტის გამგებლის მოადგილე მახარე ჩოკორაია დაესწრო.

სექტემბერი 15, 2015

ახალი სასწავლო წელი სკოლა არეაში

15 სექტემბერს ხობის მუნიციპალიტეტის კერძო სკოლა „არეამ“ ახალი სასწავლო წელი დაიწყო.
მოსწავლეებსა და პედაგოგებს ახალი სასწავლო წლის დაწყება მიულოცეს ხობის მუნიციპალიტეტის საკრებულოს თავმჯდომარემ ედიშერ ჯობავამ და ხობის მუნიციპალიტეტის საკრებულოს მაჟორიტარმა წევრმა ქალაქ ხობის მაჟორიტარული ოლქიდან, ფრაქცია „ქართული ოცნება-დემოკრატიული საქართველოს“ თავმჯდომარე ლევან ქავთარაძემ.

სექტემბერი 14, 2015

ახალი სასწავლო წელი დაიწყო

14 სექტემბერს ხობის მუნიციპალიტეტის საჯარო სკოლებში ახალი სასწავლო წელი დაიწყო.ახალი სასწავლო წლისთვის გარკვეული ცვლილებები და სიახლეებია, მათ შორის ეროვნულ სასწავლო გეგმასა და ინკლუზიური განათლების კუთხით. თითქმის ყველა სკოლის შენობას რეაბილიტაცია ჩაუტარდა, სრული რეაბილიტაცია დასჭირდა საჯიჯაოს და ხობის N1 საჯარო სკოლას. ხობის N1 საჯარო სკოლაში სწავლა 21 სექტემბერს განახლდება. ფართოვდება ასევე მოსწავლეების ტრასპორტით უზრუნველყოფის პროგრამაც, რომელთაც 25 საჯარო სკოლის მოსწავლეები ისარგებლებენ. იზრდება მასწავლებელთა ხელფასიც.
წელს ხობის მუნიციპალიტეტის საჯარო სკოლების პირველ კლასებში სასწავლო პროცესს 350 მოსწავლე შეუდგა.ყველა პირველკლასელს სახელმწიფოსგან საჩუქრად ნეტ-ბუკები გადაეცა, გაუმჯობესებული ტექნიკური მახასიათებლებითა და პროგრამებით.მოსწავლეებსა და პედაგოგებს ახალი სასწავლო წლის დაწყება საგანმანათლებლო რესურსცენტრის წარმომადგენელთან, დეკანოზ კირიონთან (დარასელია) და საკრებულოს ბიუროს წევრებთან ერთად მიულოცა ხობის მუნიციპალიტეტის საკრებულოს თავმჯდომარემ ედიშერ ჯობავამ.

სექტემბერი 14, 2015

გილოცავთ ახალი სასწავლო წლის დაწყებას

ხობის მუნიციპალიტეტის საკრებულოს სახელით, უდიდესი სიყვარულითა და პატივისცემით გილოცავთ ჩვენს მოსწავლე-ახალგაზრდობას ახალი სასწავლო წლის დაწყებას, გისურვებთ წარმატებებს ცოდნის დაუფლებისა და მიღწევების საინტერესო ცხოვრების გზაზე, რათა განახორციელოთ ქვეყნის წინაშე თქვენი უპირველესი მოვალეობა - სწავლა-განათლება, განავითაროთ თქვენი ინტელექტუალურ-შემეცნებითი პოტენციალი და უნარ-ჩვევები, რომლითაც უნდა განსაზღვროთ ჩვენი ქვეყნის სახელმწიფოებრივი, კულტურული, ეკონომიკური და პოლიტიკური ინტერესები.
ასევე ვულოცავთ პედაგოგებსა და მშობლებს .ჩვენ ერთად უნდა ვიზრუნოთ და შევძლოთ ჩვენი შვილებისათვის ყველა იმ საუკეთესო პირობების შექმნა, რითაც განპირობებულია ხარისხიანი განათლების მიღება, რაც საშუალებას მისცემს მათ თვითონ შექმნან ღირებულებები და ჩამოყალიბდნენ ჩვენი ქვეყნისა და თავისუფალი, ცივილიზებული მსოფლიოს ღირსეულ მოქალაქეებად.

ღმერთმა გააძლიეროს და მოჰმადლოს ჩვენს ახალგაზრდობას ნიჭიერება და ენერგია.
პატივისცემით,
ხობის მუნიციპალიტეტის საკრებულოს
თავმჯდომარე ედიშერ ჯობავა

სექტემბერი 12, 2015

მალე ხობში სპორტული კომპლექსის რეაბილიტაცია დაიწყება

12 სექტემბერს სამეგრელო-ზემო სვანეთის მხარეში სახელმწიფო რწმუნებულმა - გუბერნატორმა ლევან შონიამ, გუბერნიის აპარატის უფროსმა ლაშა გვასალიამ, ხობის მაჟორიტარმა დეპუტატმა გოდერძი ბუკიამ, ხობის მუნიციპალიტეტის საკრებულოს თავმჯდომარემ ედიშერ ჯობავამ და გამგებელმა გოჩა ქაჯაიამ დაათვალიერეს ხობის მუნიციპალიტეტისთვის სახელმწიფოს მიერ საკუთრებაში გადმოცემული ყოფილი კინოთეატრის „თუთარჩელას“ შენობა, სადაც სპორტული კომპლექსის მოწყობაა დაგეგმილი.

სექტემბერი 12, 2015

შეხვედრა ხობის საერთაშორისო ფესტივალის ფარგლებში

12 სექტემბერს ხობის რიგით მეშვიდე საერთაშორისო ფესტივალ „სიმღერა სამეგრელოზე“ ჩატარებასთან დაკავშირებით სამეგრელო-ზემო სვანეთის მხარეში სახელმწიფო რწმუნებულმა - გუბერნატორმა ლევან შონიამ, გუბერნიის აპარატის უფროსმა ლაშა გვასალიამ, ხობის მაჟორიტარმა დეპუტატმა გოდერძი ბუკიამ, ხობის მუნიციპალიტეტის საკრებულოს თავმჯდომარემ ედიშერ ჯობავამ, გამგებელმა გოჩა ქაჯაიამ და ფესტივალის ორგანიზატორებთან ერთად დაათვალიერეს ის ადგილები სადაც ფესტივალის ფარგელბში სხვადასხვა ტიპის ღონისძიებებია დაგეგმილი. შემდგომ ფესტივალის საორგანიზაციო საკითხებთან დაკავშირებით ხობის მუნიციპალიტეტის გამგეობის სააქტო დარბაზში შეხვედრა გამართეს მუნიციპალიტეტის საზოგადოებასთან. შეხვედრაზე ისაუბრეს ფესტივალის საორგანიზაციო საკითხებთან დაკავშირებით. ფესტივალის ორგანიზატორები და მხარდამჭერები არიან განათლების, კულტურისა და სულიერების აღორძინების საერთაშორისო ფონდი „ხობი“, ქართული საერთაშორისო სიმღერის საერთაშორისო ცენტრი, საქართველოს კულტურისა და ძეგლთა დაცვის სამინისტრო, სახელმწიფო რწმუნებულის - გუბერნატორის ადმინისტრაცია, ხობის მუნიციპალიტეტის გამგეობა - საკრებულო. მეშვიდე საერთაშორისო ფესტივალი ეძღვნება მომღერალ თამარ გვერდწითელისა და ანსამბლ „რუსთავის“ შემოქმედებას.

სექტემბერი 11, 2015

ჯანდაცვის მინისტრი და გუბერნატორი მედპერსონალს შეხვდნენ

ჯანმრთელობისა და სოციალური დაცვის მინისტრი დავით სერგეენკო და სამეგრელო-ზემო სავნეთის მხარეში სახელმწიფო რწმუნებული - გუბერნატორი ლევან შონია რეგიონის მასშტაბით არსებული სამედიცინო დაწესებულებების წარმომადგენლებს ზუგდიდში შეხვდნენ.
დავით სერგეენკო მედპერსონალს ჯანდაცვის სფეროში მიმდინარე სხვადასხვა პროგრამებზე ესაუბრა. მინისტრმა შეკრებილების კითხვებსაც უპასუხა და მათგან სხვადასხვა საკითხებსა და საჭიროებებზე ინფორმაცია მიიღო. შეხვედრას ჯანდაცვის მინისტრის მოადგილე ვალერი კვარაცხელია და ადგილობრივი ხელისუფლების წარმომადგენლები ესწრებოდნენ.

სექტემბერი 10, 2015

ხობის მუნიციპალიტეტის საკრებულოს ჯაბა ჯიშკარიანი სტუმრობდა

10 სექტემბერს ხობის მუნიციპალიტეტის საკრებულოს სტუმრობდა ქ. თბილისის მთაწმინდის ოლქის მაჟორიტარი დეპუტატი ჯაბა ჯიშკარიანი, რომელმაც საქმიანი შეხვედრა გამართა საკრებულოს თავმჯდომარე ედიშერ ჯობავასთან.
შეხვედრაზე ბატონმა ჯაბამ გამოხატა დაინტერესება ხობის მუნიციპალიტეტში სიახლეებისა და მიმდინარე მოვლენების მიმართ. საუბარი შეეხო უკვე შესრულებულ და მომავალში განსახორციელებელ პროექტებს. საუბრისას ჯაბა ჯიშკარიანმა წარმოადგინა საინტერესო წინადადებები ინვესტიციების მოზიდვის მიზნით და გამოთქვა მუნიციპალიტეტის განვითარებისა და აღმშენებლობის საქმეში აქტიური ჩართულობისა და თანადგომის სურვილი.
საკრებულოს თავმჯდომარემ ედიშერ ჯობავამ ჯაბა ჯიშკარიანთან შეხვედრა მნიშვნელოვნად შეაფასა: ,,საზოგადოებისათვის ჯაბა ჯიშკარიანი დიდი ხანია ცნობილია, როგორც აქტიური საზოგადოებრივ-პოლიტიკური ისტორიის მქონე, ნიჭიერი ახალგაზრდა პოლიტიკოსი, რომელმაც წინა ხელისუფლების რეჟიმის წინააღმდეგ საპროტესტო აქციებისა და ზოგჯერ რადიკალური მიტინგების გზა გამოიარა. მიუხედავად იმისა, რომ ჩვიდმეტჯერ იყო დაპატიმრებული ბრძოლა არ შეუწყვიტავს, უფრო მეტიც პატიმარმა აბიტურიენტმა ეროვნული გამოცდებიც ბადრაგის თანხლებით ჩააბარა. სიამაყით მინდა გავიხსენო 2006 წელი, როდესაც მე და ჩემმა თანამებრძოლებმა ოჯახებთან და ნათესავებთან ერთად, მიუხედავად მოსალოდნელი საფრთხეებისა, გავრისკეთ და ჯაბას თავისუფლების მხარდამჭერი აქცია მოვაწყვეთ ხობში. გულწრფელად მინდა გამოვხატო სიამაყე იმის გამოც, რომ ჯაბა ჯიშკარიანი წარმოშობით ხობელია, ახალი ხიბულიდან და ეს პერსპექტიული, ნიჭიერი, ახალგაზრდა პოლიტიკოსი წარმატებით მოღვაწეობს ქ. თბილისის საკრებულოში, როგორც მთაწმინდის ოლქის ამომრჩეველთა წარმომადგენელი-მაჟორიტარი დეპუტატი.
ჯაბა ჯიშკარიანის დღევანდელი სტუმრობა, ჩვენთვის ხობელებისათვის მნიშვნელოვანი და დასაფასებელია, მივესალმებით მის ჩართულობას და ინიციატივებს ჩვენი მუნიციპალიტეტის განვითარებისა და კეთილდღეობისათვის’’...

სექტემბერი 10, 2015

საკრებულოს რიგგარეშე სხდომის გადაწყვეტილება

ხობის მუნიციპალიტეტის საკრებულოს 2015 წლის 9 სექტემბრის რიგგარეშე სხდომაზე მიღებულ იქნა განკარგულება N42 „ადგილობრივი თვითმმართველობის წარმომადგენლობითი ორგანოს -საკრებულოს 2014 წლის 15 ივნისის არჩევნების გურიფულის თემის №66.06 ადგილობრივ მაჟორიტარულ საარჩევნო ოლქში 2015 წლის 31 ოქტომბერს გასამართ ხობის მუნიციპალიტეტის საკრებულოს შუალედურ არჩევნებთან დაკავშირებით გასატარებელი ღონისძიებების შესახებ“

სექტემბერი 9, 2015

საკრებულოს რიგგარეშე სხდომა

9 სექტემბერს ხობის მუნიციპალიტეტის საკრებულოს სხდომათა დარბაზში გაიმართა საკრებულოს რიგგარეშე სხდომა, რომელსაც თავმჯდომარეობდა საკრებულოს თავმჯდომარე ედიშერ ჯობავა. სხდომას ესწრებოდნენ საკრებულოსა და გამგეობის ხელმძღვანელი პირები, სადაც განხილულ იქნა დღის წესრიგით გათვალისწინებული შემდეგი საკითხი: „ადგილობრივი თვითმმართველობის წარმომადგენლობითი ორგანოს - საკრებულოს 2014 წლის 15 ივნისის არჩევნების გურიფულის თემის №66.06 ადგილობრივ მაჟორიტარულ საარჩევნო ოლქში 2015 წლის 31 ოქტომბერს გასამართ ხობის მუნიციპალიტეტის საკრებულოს შუალედურ არჩევნებთან დაკავშირებით გასატარებელი ღონისძიებების შესახებ“. წარმოდგენილი პროექტი მიზნად ისახავს გურიფულის თემის №66.06 ადგილობრივ მაჟორიტარულ საარჩევნო ოლქში წინასაარჩევნო კამპანიის მიმდინარეობის პერიოდში შენობა-ნაგებობების გარე იერსახის დამახინჯებისა და საარჩევნო ატრიბუტიკის შეუფერებელ ადგილებში განთავსების აღკვეთას, ამასთან წარმოდგენილი პროექტით განისაზღვრა საარჩევნო სუბიექტებისთვის ამომრჩევლებთან შეხვედრების, კრებების, საჯარო დებატებისა და დისკუსიების გასამართად ხობის მუნიციპალიტეტის საკუთრებაში არსებული შენობა-ნაგებობა, კერძოდ ხობის კულტურის სახლის მცირე დარბაზი, ასევე განისაზღვრა ადგილები, სადაც შესაძლებელი იქნება წინასაარჩევნო აგიტაციისთვის განთავსდეს არჩევნებში მონაწილე საარჩევნო სუბიექტების სარეკლამო პლაკატები და განცხადებები.
დღის წესრიგით გათვალისწინებული საკითხების განხილვის შემდეგ საკრებულოს სხდომა დახურულად გამოცხადდა.

სექტემბერი 9, 2015

საკრებულოს ბიუროს სხდომა

2015 წლის 9 სექტემბერს გაიმართა ხობის მუნიციპალიტეტის საკრებულოს ბიუროს სხდომა, სადაც განხილულ იქნა შემდეგი საკითხები:

1. საქართველოს ცენტრალური საარჩევნო კომისიის თავმჯდომარის თ. ჟვანისას 31 აგვისტოს N01-02/1054 და N66 ხობის საოლქო საარჩევნო კომისიის თავმჯდომარის მ. ლომაიას 1 სექქტემბრის N8/15 წერილების განხილვა (2015 წლის 31 ოქტომბერს დანიშნული ხობის მუნიციპალიტეტის საკრებულოს შუალედური არჩევნების თაობაზე)
(მომხსენებელი: შ. სირაძე - იურიდიულ საკითხთა და ადამიანის უფლებათა დაცვის კომისიის თავმჯდომარე)

2. ხობის მუნიციპალიტეტის საკრებულოს ფრაქცია „თავისუფლების“ თავმჯდომარის რ. გვარამიას (03.09.2015 N260) განცხადების განხილვა (ლაშა გვასალიასთის ფრაქციის წევრობის სტატუსის მოხსნის თაობაზე)
(მომხსენებელი: ნ. შუშანია - სამანდატო-საპროცედურო საკითხთა კომისიის თავმჯდომარე)

3. ხობის მუნიციპალიტეტის გამგებლის გ. ქაჯაიას 2015 წლის 8 სექტემბრის N06/1539 წერილის განხილვა („ადგილობრივი თვითმმართველობის წარმომადგენლობითი ორგანოს - საკრებულოს 2014 წლის 15 ივნისის არჩევნების გურიფულის თემის №66.06 ადგილობრივ მაჟორიტარულ საარჩევნო ოლქში 2015 წლის 31 ოქტომბერს გასამართ ხობის მუნიციპალიტეტის საკრებულოს შუალედურ არჩევნებთან დაკავშირებით გასატარებელი ღონისძიებების შესახებ“ განკარგულების პროექტის თაობაზე)
(მომხსენებელი: შ. სირაძე - იურიდიულ საკითხთა და ადამიანის უფლებათა დაცვის კომისიის თავმჯდომარე)

ხობის მუნიციპალიტეტის საკრებულოს თავმჯდომარის გადაწყვეტილებით საკრებულოს რიგგარეშე სხდომა გაიმართება 2015 წლის 9 სექტემბერს 13:00 საათზე.

სექტემბერი 7, 2015

სახალისო ფეხბურთის ღია სკოლები დაიწყო

7 სექტემბერს ქალაქ ხობის ცენტრალურ სტადიონზე სტარტი აიღო საერთაშორისო პროექტმა სახელწოდებით "სახალისო ფეხბურთის ღია სკოლების პროგრამა". პროექტის ფარგლებში გამართულ ღონისძიებაში ხობის მუნიციპალიტეტის საჯარო სკოლების 200-მდე მოსწავლე იღებს მონაწილეობას, ქ. ხობის ცენტრალურ სტადიონზე რამდენიმე დღის განმავლობაში სხვადასხვა სპორტული თამაში გაიმართება. "სახალისო ფეხბურთის ღია სკოლების პროგრამა" საქართველოში 2003 წლიდან UEFA-ს ეგიდით ხორციელდება და დიდი და პატარა ქალაქების 8-დან 12 წლამდე ასაკის გოგონებსა და ბიჭებს აერთიანებს. აღნიშნულ პროგრამაში კონფლიქტის ზონიდან დევნილი, შშმ და ძნელად აღსაზრდელი ბავშვებიც იღებენ მონაწილეობას. პროექტის "სახალისო ფეხბურთის ღია სკოლების პროგრამა"-ის ფარგლებში მიმდინარე ღონისძიებებისათვის საორგანიზაციო ხარჯები ხობის მუნიციპალიტეტის ადგილობრივი ბიუჯეტიდან ფინანსდება, ხოლო თამაშის საჭირო ინვენტარით ამარაგებს და უზრუნველყოფს პროგრამის (დანიის) ადმინისტრაცია. სპორტული თამაშების გახსნას დაესწრნენ ხობის მუნიციპალიტეტის გამგებელი გოჩა ქაჯაია, გამგებლის პირველი მოადგილე ვარაზ გაბედავა, ადგილობრივი სამართალდამცავი ორგანოების წარმომადგენლები, სამეგრელოს რეგიონის საპატრულო პოლიციის თანამშრომლები.

სექტემბერი 6, 2015

ხობის კოლხეთმა წყალტუბოს სამგურალს უმასპინძლა

6 სექტემბერს ხობის ცენტრალურ სტადიონზე საქართველოს XXVII ეროვნული ჩემპიონატის პირველი წრის მეორე ტურის საშინაო მატჩი გაიმართა, სადაც ერთმანეთს ხობის „კოლხეთი“ და წყალტუბოს „სამგურალი“ დაუპირისპირდნენ. შეხვედრა ხობელთა გამარჯვებით 1-0 დასრულდა. გოლი სტუმართა კარში გიორგი ჭედიამ გაიტანა.
ხობის მუნიციპალიტეტის საკრებულო ულოცავს ხობის “კოლხეთს“ და მის გულშემატკივრებს ამ გამარჯვებას და მორიგ წარმატებებს უსურვებს მათ.

სექტემბერი 4, 2015

ხობი საერთაშორისო ფესტივალისთვის ემზადება

4 სექტემბერს ხობის მუნიციპალიტეტის გამგეობის სააქტო დარბაზში 2-3 ოქტომბერს დაგეგმილ მეშვიდე საერთაშორისო ფესტივალთან „სიმღერა სამეგრელოზე“ დაკავშირებით საჯარო მოხელეებთან შეხვედრა გაიმართა. შეხვედრა ინფორმაციული სახის იყო, სადაც ფესტივალის ორგანიზატორმა, მაჟორიტარმა დეპუტატმა გოდერძი ბუკიამ ფესტივალის საორგანიზაციო საკითხებთან დაკავშირებით და საჯარო მოხელების ჩართვაზე ისაუბრა. ფესტივალის ორგანიზატორები და მხარდამჭერები არიან განათლების, კულტურისა და სულიერების აღორძინების საერთაშორისო ფონდი „ხობი“, ქართული საერთაშორისო სიმღერის საერთაშორისო ცენტრი, საქართველოს კულტურისა და ძეგლთა დაცვის სამინისტრო, სახელმწიფო რწმუნებულის - გუბერნატორის ადმინისტრაცია, ხობის მუნიციპალიტეტის გამგეობა - საკრებულო. შეხვედრას სახელმწიფო რწმუნებულის გუბერნატორის აპარატის უფროსი ლაშა გვასალია, შ. ს. ხობის პოლიციის სამმართველოს უფროსის მოადგილე კახაბერ ლატარია, ფესტივალის დირექტორი რევაზ წულაია და ადგილობრივი ხელისუფლების წარმომადგენლები ესწრებოდნენ, რომლებმაც საკუთარი აზრი გამოთქვეს და დამსწრე საზოგადოებას აქტიურად ჩართულობისკენ მოუწოდეს. მეშვიდე საერთაშორისო ფესტივალი ეძღვნება მომღერალ თამარ გვერდწითელსა და ანსამბლი „რუსთავის“ შემოქმედებას. მათ მიერ შესრულდება როგორც ძველი, ასევე ახალი სიმღერები. ფესტივალში საქართველოს ყველა კუთხის მომღერალთა გუნდები მიიღებენ მონაწილეობას. როგორც ყველა ფესტივალი, წლევანდელიც გამორჩეული იქნება გამოცემებით, საინტერესო სტუმრებითა და ახალი რეპერტუარებით.

სექტემბერი 3, 2015

ხობის მუნიციპალიტეტს კომპიუტერები გადაეცა

სახელმწიფო სერვისების განვითარების სააგენტოს მხარდაჭერით, ელექტრონულ მმართველობასა და ელექტრონულ საქმისწარმოებაზე ხობის მუნიციპალიტეტი უახლოეს მომავალში გადავა, ამისთვის მზადება თითქმის დასრულებულია, პროგრამაში ჩართვისთვის მუნიციპალიტეტმა ყველა აუცილებელი სამუშაოები განახორციელა, მათ შორის განხორციელდა გამგეობისა და საკრებულოს მოხელეთა კომპიუტერული უზრუნველყოფა.
ამ პროექტის ფარგლებში დღეს, 3 სექტემბერს სახელმწიფო სერვისების განვითარების სააგენტომ ხობის მუნიციპალიტეტს უსასყიდლოდ, სარგებლობის უფლებით დამატებით 4 ერთეული კომპიუტერი გადასცა, 3 ერთეული გამგეობის სამსახურებისთვის, ხო

<<
<
122
123
124
125
126
127
128
129
130
131
132
133
134
135
136
137
138
139
140
141
142
143
144
145
146
147
148
149
150
151
152
...
>
>>