ხობის მუნიციპალიტეტის საკრებულო

სიახლეები

ივნისი 19, 2015

სამედიცინო დახმარების საშუალებები ბაღებს

გერმანულმა არასამთავრობო ორგანიზაციამ ,,არბაითერ-სამარიტერ-ბუნდი“ -(ASB) პროექტის - „ჩვენ მზად ვართ! კატასტროფების რისკის შემცირება საბავშვო ბაღებში“ ფარგლებში ხობის მუნიციპალიტეტის სკოლამდელი სააღმზრდელო გაერთიანების სტრუქტურულ ერთეულებში შეიტანა სამედიცინო დახმარებისა და ინდივიდუალური დაცვის საშუალებები: ფარნები, ცეცხლმაქრი, ხმის გამაძლიერებელი, პირველადი დახმარების ჩანთა, რომელიც მოიცავს შემდეგ ნივთებს: სამედიცინო ხელთათმანი, პინცეტი, მაკრატელი, თერმომეტრი, სამედიცინო პლასტირი, მზა სტერილური საფენები, რეზინის სახვევი, ფიზიოლოგიური ხსნარი, სპირტი, ბამბა, ბრილიანტის მწვანე.

ივნისი 18, 2015

საჯარო მოხელეთა ატესტაცია

18 ივნისს ხობის მუნიციპალიტეტის საკრებულოს სხდომათა დარბაზში გაიმართა გასაუბრება ხობის მუნიციპალიტეტის გამგეობისა და ხობის მუნიციპალიტეტის საკრებულოს აპარატის მოხელეთა ატესტაციის ფარგლებში. ატესტაციას ექვემდებარებოდა გამგეობის 30 და საკრებულოს 5 საჯარო მოხელე.
ატესტაციის შედეგებთან დაკავშირებით ხობის მუნიციპალიტეტის ადგილობრივი თვითმმართველობის მოხელეთა საკონკურსო-საატესტაციო მუდმივმოქმედი კომისიის გადაწყვეტილება მომავალ კვირას გახდება ცნობილი.

ივნისი 15, 2015

სანთლების აქცია ხობში

თბილისში სტიქიური უბედურების შედეგად დაღუპული ადამიანების ხსოვნისადმი პატივის მიგების მიზნით ქ. ხობში ცოტნე დადიანის სახელობის პარკში გაიმართა სანთლების აქცია, რომელშიც მონაწილეობა მიიღეს როგორც ადგილობრივი ხელისუფლების წარმომადგენლებმა, ასევე ქალაქისა და მუნიციპალიტეტის სხვა ადმინისტრაციული ერთეულების ახალგაზრდებმა.

ივნისი 15, 2015

დაზარალებულთა თანადგომისთვის აქცია მიმდინარეობს

ხობის მუნიციპალიტეტის საკრებულო და საკრებულოს აპარატი ქალაქ თბილისში სტიქიის შედეგად დაზარალებული მოსახლეობის დასახმარებლად პირველადი მოხმარების საგნებს და ტანსაცმელს აგროვებს, დახმარების მსურველებს შეუძლიათ ჩაერთონ ამ აქციაში დღის განმავლობაში 15 საათამდე. (ქ. ხობი ცოტნე დადიანის ქ. N189, ხობის მუნიციპალიტეტის გამგეობის ადმინისტრაციულ შენობა).

ივნისი 15, 2015

მამა კირიონმა დაღუპულთა სულის მოსახსენიებელი პარაკლისი გადაიხადა

15 ივნისს, ქ. ხობში წმინდა სამების საკათედრო ტაძარში შესრულდა თბილისში მომხდარი სტიქიის შედეგად გარდაცვლილთა სულის მოსახსენიებელი პარაკლისი. მსახურება შეასრულა მამა კირიონმა. დამწუხრებულმა მრევლმა, სხვა დაღუპულებთან ერთად, ლოცვაში მოიხსენია ხობელი ინდირა და ლიზი ზარანდიები. პარაკლის ესწრებოდნენ ადგილობრივი ხელისუფლების წარმომადგენლები.

ივნისი 11, 2015

შეხვედრა ზემო ქვალონის მოსახლეობასთან

11 ივნისს ხობის მუნიციპალიტეტის საკრებულოს თავმჯდომარე ედიშერ ჯობავა, ხობის მუნიციპალიტეტის გამგებელი გოჩა ქაჯაია და ადგილობრივი ხელისუფლების წარმომადგენლები შეხვდნენ ზემო ქვალონის მოსახლეობას, სადაც განხილულ იქნა სხვადასხვა პრობლემური საკითხები.

ივნისი 9, 2015

შეხვედრა გამგებლის წარმომადგენლებთან

9 ივნისს, ხობის მუნიციპალიტეტის საკრებულოს სხდომათა დარბაზში ადგილობრივი ხელისუფლების წარმომადგენლებმა შეხვედრა გამართეს გამგებლის წარმომადგენლებთან ადმინისტრაციულ ერთეულებში, სადაც განხილულ იქნა საკითხი მუნიციპალიტეტის ტერიტორიაზე ქარის შედეგად მოსახლეობისთვის მიყენებული ზარალის - თხილის მოსავლის განადგურების თაობაზე.

ივნისი 8, 2015

პროექტი ცოცხალი წიგნები

8 ივნისს, ხობის კულტურის სახლის ფოიეში საქართველოს კულტურის სამინისტროს პროექტის „ცოცხალი წიგნების“ ფარგლებში შედგა შეხვედრა თანამედროვე ქართველ პოეტებთან და მწერლებთან. პროექტის იდეის ავტორების მიზანია გაარღვიონ თბილისში მოქცეული კულტურული ჩაკეტილი წრე და რეგიონებს მიაწვდინონ ხმა. პროექტის მონაწილეები საბას პრემიის ლაურიატები ბათუ დანელია, ლია ლიქოკელი, დიანა ანფიმიადი. აგრეთვე მარიამ წიკლაური, ნატო დავითაშვილი, თეა თოფურია, გელა ჩქვანავა მკითხველმა გულთბილად მიიღო. შემოქმედებითი საღამოს დასასრულს სტუმრებმა ხობის თედო სახოკიას ცენტრალურ ბიბლიოთეკას საჩუქრად წიგნები გადასცეს.

ივნისი 5, 2015

ახალგაზრდული ხმების კონცერტი

ქ. ხობის კულტურის სახლის დიდი საკონცერტო დარბაზში გაიმართა ხობის მუნიციპალიტეტის კულტურის ცენტრთან არსებული ვოკალურ- ინსტრუმენტალური ანსამბლის „ახალგაზრდული ხმების“ კონცერტი (მუსიკალური ხელმძღვანელი ლაშა კვიკვინია), სადაც შესრულდა სხვადასხვა მუსიკალური ნომრები, ნიჭიერმა შემსრულებლებმა ხობელ მაყურებლებს სასიამოვნო სანახაობა მოუწყვეს და მსმენელზე დიდი შთაბეჭდილება დატოვეს.
კონცერტს ესწრებოდნენ ხობის მუნიციპალიტეტის საკრებულოს თავმჯდომარე ედიშერ ჯობავა და ადგილობრივი ხელისუფლების სხვა წარმომადგენლები. კონცერტის დასასრულს ანსაბლის წევრებს სიტყვით მიმართა და ახალგაზრდებს შემოქმედებით გზაზე წარმატებები უსურვა საკრებულოს თავმჯდომარემ ედიშერ ჯობავამ.

ივნისი 5, 2015

მუნიციპალიტეტის პირველობა მაგიდის ჩოგბურთში დასრულდა

5 ივნისს, ქ. ხობის კულტურის სახლის ფოიეში დასრულდა მუნიციპალიტეტის პირველობა მაგიდის ჩოგბურთში გოგონათა და ვაჟთა შორის, რომელიც ხობის მუნიციპალიტეტის გამგეობის კულტურის, განათლების, სპორტის, ძეგლთა დაცვისა და ახალგაზრდულ საქმეთა სამსახურის ინიციატივით გაიმართა.
ინდივიდიალურ სახეობებში ქალთა და ვაჟთა შორის საპრიზო ადგილები შემდეგნაირად გადანაწილდა.
გოგონათა შორის: I- თამუნა თითმურია (შუა ხორგა), II- ლანა ტაბაღუა (შუა ხორგა), III -ნათია სალაყაია(ხობი).
ვაჟთა შორის: I- გიორგი გაბისკირია (ქვემო ქვალონი), II- დავით აკობია (ხობი), III -გიორგი ფირცხელავა (ხობი).
ადგილობრივი ხელისუფლების წარმომადგენლებმა გამარჯვებულებს სამახსოვრო სიგელები და თასები გადასცეს.

ივნისი 4, 2015

ნოდარ შონიას სოლო კონცერტი

4 ივნისს, ხობის მუნიციპალიტეტის განათლების ცენტრის სამუსიკო სკოლის საკონცერტო დარბაზში გაიმართა სამუსიკო სკოლის VI კლასის მოსწავლის ნოდარ შონიას სოლო კონცერტი (პედაგოგი ნათელა მარგველაშვილი), სადაც შესრულებული იყო საფორტეპიანო ნაწარმოებები.
შესრულებულმა ნომრებმა მაყურებლის მოწონება და აპლოდისმენტები დაიმსახურა.
კონცერტის დასასრულს ადგილობრივი ხელისუფლების წარმომადგენლებმა საჩუქრები გადასცეს ახალგაზრდა პიანისტს და პედაგოგს, მათ ასევე ფრაქციის სახელით სამახსოვრო საჩუქარი გადასცა ხობის მუნიციპალიტეტის საკრებულოს ფრაქცია „თავისუფლების“ თავმჯდომარემ როსტევან გვარამიამ.

ივნისი 3, 2015

ტურნირი ჭადრაკში დასრულდა

3 ივნისს, მოსწავლე ახალგაზრდობის-სახლში დასრულდა ღვაწლმოსილი პედაგოგის აკაკი (კაკო) ზარანდიას ხსოვნისადმი მიძღვნილი ტურნირი ჭადრაკში. ფინალურ შეხვედრაში გამოვლინდა სხვადასხვა ასაკობრივ ჯგუფებში გამარჯვებულები: თამარ თუთბერიძე N-2 საჯარო სკოლა, ნიკოლოზ ჭანტურია N- 2 საჯარო სკოლა, ნია კუკავა ხამისქურის საჯარო სკოლა, ნიკა ბუკია პირველი მაისის საჯარო სკოლა, ლიკა ჭანტურია N-2 საჯარო სკოლა და გიორგი ლატარია სკოლა „არეა“.
მოჭადრაკეებს წარმატებული ასპარეზობა მიულოცეს ხობის მუნიციპალიტეტის საკრებულოს თავმჯდომარემ ედიშერ ჯობავამ, გამგებელმა გოჩა ქაჯაიამ და ადგილობრივი ხელისუფლების სხვა წარმომადგენლებმა. გამარჯვებულებს გადაეცათ თასები და სამსახსოვრო სიგელები. მოსწავლე ახალგაზრდობის სახლთან არსებული საჭადრაკო სკოლის (მწვრთნელ-მასწავლებელი მამუკა გეთია) გამარჯვებული მოჭადრაკეები 6 ივნის გაემგზავრებიან ქალაქ თბილისში მსოფლიო ჩემპიონატის შესარჩევ ტურნირში მონაწილეობის მისაღებად.

ივნისი 2, 2015

მუნიციპალიტეტის პირველობა მაგიდის ჩოგბურთში

2 ივნისს ქ. ხობის კულტურის სახლის ფოიეში სტარტი აიღო რაიონულმა ტურნირმა მაგიდის ჩოგბურთში, რომელიც მოეწყო ხობის მუნიციპალიტეტის გამგეობის კულტურის, განათლების, სპორტის, ძეგლთა დაცვისა და ახალგაზრდულ საქმეთა სამსახურის თაოსნობით.
ტურნირის ფინალი 4 ივნისს გაიმართება.

ივნისი 1, 2015

მუნიციპალიტეტის პირველობა ჭადრაკში

ხობის მუნიციპალიტეტის განათლების ცენტრის მოსწავლე- ახალგაზრდობის სახლში, 1 ივნისს სტარტი აიღო ღვაწლმოსილი პედაგოგის აკაკი ზარანდიას ხსოვნისადმი მიძღვნილმა ტურნირმა ჭადრაკში მუნიციპალიტეტის პირველობაზე 8, 10, 18 წლის ასაკის გოგონათა და ჭაბუკთა შორის. საკრებულოს თავმჯდომარემ ე. ჯობავამ და ადგილობრივი ხელისუფლების წარმომადგენლებმა ტურნირის მონაწილეებს მიულოცეს ბავშვთა დაცვის საერთაშორისო დღე და წარმატებები უსურვეს მათ.

ივნისი 1, 2015

ბავშვთა დაცვის საერთაშორისო დღე

1 ივნისს, ბავშვთა დაცვის საერთაშორისო დღისადმი მიძღვნილი ღონისძიებების ფარგლებში საკრებულოს თავმჯდომარემ ედიშერ ჯობავამ და ადგილობრივი ხელისუფლების წარმომადგენლებმა ქალაქ ხობის N1 N2 და N3 საბავშვო ბაგა-ბაღების აღსაზრდელებს მიულოცეს ბავშვთა დაცვის საერთაშორისო დღე და საჩუქრები გადასცეს.

<<
<
127
128
129
130
131
132
133
134
135
136
137
138
139
140
141
142
143
144
145
146
147
148
149
150
151
152
153
154
155
156
157
...
>
>>