ხობის მუნიციპალიტეტის საკრებულო

სიახლეები

თებერვალი 17, 2016

ბიის საცალფეხო ხიდის რეაბილიტაცია სრულდება

17 თებერვალს ხობის მუნიციპალიტეტის ბიის ადმინისტრაციულ ერთეულში ხობისწყალზე მშენებარე საცალფეხო ხიდის სარეაბილიტაციო სამუშაოები ხობის მუნიციპალიტეტის საკრებულოს თავმჯდომარემ ედიშერ ჯობავამ, გამგებელმა გოჩა ქაჯაიამ და გამგებლის მოადგილემ ვარაზ გაბედავამ ხელისუფლების სხვა წარმომადგენლებთან ერთად დაათვალიერეს. ხიდის სარეაბილიტაციო სამუშაოებისთვის თანხა სტიქიის შედეგების სალიკვიდაციო ფონდიდან ინფრასტრუქტურის სამინისტრომ გამოყო.
პროექტს, რომლის ღირებულებაც 68 144 ათასი ლარია შპს „შარა გზამშენ პირველი“ ახორციელებს. სამუშაო სამ დღეში დასრულდება.

თებერვალი 17, 2016

პროექტ ,,სუფთა ხელების“ პრეზენტაცია

16 თებერვალს ქალაქ ხობის N1 საბავშვო ბაგა-ბაღის სასკოლო მზაობის ჯგუფში ჩატარდა პროექტის ,,სუფთა ხელების“ პრეზენტაცია, სატელევიზიო შოუს ,,ექიმების“ ფორმატში. პროექტის მიზანი იყო აღსაზრდელთა პირადი ჰიგიენის დაცვა და შესაბამისი უნარ-ჩვევბის გამომუშავება.
პრეზენტაციას ესწრებოდა ა(ა)იპ ,,ხობის მუნიციპალიტეტის საზოგადოებრივი ჯანდაცვის ცენტრის“ წარმომადგენელი ბატონი ჯუმბერ ტურავა და სკოლამდელი სააღმზრდელო გაერთიანების ექიმ-პედიატრი მარინე შონია, რომლებმაც ისაუბრეს და იმსჯელეს იმაზე, თუ რამდენად მნიშვნელოვანია სუფთა ხელები, და რა უარყოფითი შედეგები მოჰყვება ხელების უსუფთაობას, უპასუხეს პატარების დასმულ შეკითხვებს.

თებერვალი 16, 2016

დათა ხურცილავას სახელობის ტურნირი მინი ფეხბურთში დასრულდა

16 თებერვალს ქ. ხობში „დათა ხურცილავას სახელობის სტადიონზე“ დასრულდა 2008 წლის აგვისტოს ომში ტრაგიკულად დაღუპული რეზერვისტის დათა ხურცილავას სახელობის რიგით მერვე გათამაშება მინი ფეხბურთში. ტურნირი ხობის მუნიციპალიტეტის გამგეობისა და საკრებულოს ორგანიზებით ჩატარდა და მასში რვა გუნდმა მიიღო მონაწილეობა.
ფინალურ შეხვედრაში ერთმანეთს სოფელ ხეთისა და ხობის ცენტრის გუნდები შეხვდნენ. საკმაოდ დაძაბულად და საინტერესოდ წარიმართა თამაში, საბოლოოდ კი გამარჯვება სოფელ ხეთის ფეხბურთელთა გუნდმა მოიპოვა.
დაჯილდოების ცერემონიალს ხობის მუნიციპალიტეტის საკრებულოს თავმჯდომარე ედიშერ ჯობავა და გამგებელი გოჩა ქაჯაია ადგილობრივი ხელისუფლების წარმომადგენლებთან ერთდ ესწრებოდნენ.

თებერვალი 16, 2016

განათლების ცენტრის სასპორტო სკოლის მოსწავლეთა წარმატება

2016 წლის 12-14 თებერვალს ქ. თერჯოლაში ჩატარდა მსოფლიო ჩემპიონისა და ევროპის პრიზიორის მირიან გიორგაძის სახელობის მეშვიდე რესპუბლიკური ტურნირი ბერძნულ-რომაულ ჭიდაობაში, რომელშიც მიწვეული იყო 19 მუნიციპალიტეტის 25 გუნდი, მათ შორის განათლების ცენტრის სასპორტო სკოლის ბერძნულ-რომაული სტილით ჭიდაობის ჯგუფის ნაკრები გუნდი, ასევე მონაწილეობა მიიღო თურქმენეთის გუნდმა.
წარმატებით იასპარეზეს ხობელმა მონაწილეებმა:
I ადგილის მფლობელი გახდა 46 კგ წონით კატეგორიაში მალხაზ წოწერია;
II ადგილზე გავიდნენ 66 კგ წონით კატეგორიაში შოთა იოსავა და 32 კგ წონით კატეგორიაში დავით გვასალია;
III ადგილს დასჯერდნენ 32 კგ წონით კატეგორიაში მიშიკო ალექსანდრია; 42 კგ წონით კატეგორიაში გიორგი აგუმავა; 47 კგ წონით კატეგორიაში სპარტაკ სერგია; 53 კგ წონით კატეგორიაში გიორგი სოსელია.
მწვრთნელ-მასწავლებლები: ალმასხან ხუნჯუა, ბაკურ ბუკია.

თებერვალი 15, 2016

ხობის მუნიციპალიტეტის საკრებულო გილოცავთ მირქმის საუფლო დღესასწაულს.

მართლმადიდებლური სამყარო დღეს მირქმას, ადამიანის უფალთან მიგებების დღესასწაულს აღნიშნავს.
ხობის მუნიციპალიტეტის საკრებულო გილოცავთ მირქმის საუფლო დღესასწაულს.

თებერვალი 10, 2016

სოფლის მეურნეობის მინისტრი ხობში

ქ.ხობში სიმინდის მარცვლის გადამამუშავებელი და ზეთის მიმღები ქარხანა დღეს საქართველოს სოფლის მეურნეობის მინისტრმა ოთარ დანელიამ, სამეგრელო-ზემო სვანეთის გუბერნატორმა ლევან შონიამ, ხობის მუნიციპალიტეტის საკრებულოს თავმჯდომარემ ედიშერ ჯობავამ და გამგებლის პირველმა მოადგილემ ვარაზ გაბედავამ დაათვალიერეს.

თებერვალი 10, 2016

საკრებულოს რიგგარეშე სხდომა

10 თებერვალს გაიმართა ხობის მუნიციპალიტეტის საკრებულოს რიგგარეშე სხდომა, რომელსაც თავმჯდომარეობდა საკრებულოს თავმჯდომარე ედიშერ ჯობავა. სხდომაზე განხილულ იქნა დღის წესრიგით გათვალისწინებული საკითხი დადგენილების პროექტი „ხობის მუნიციპალიტეტის 2016 წლის ადგილობრივი ბიუჯეტის დამტკიცების შესახებ“ ხობის მუნიციპალიტეტის საკრებულოს 2015 წლის 25 დეკემბრის №30 დადგენილებაში ცვლილების შეტანის თაობაზე“, რომლის მიხედვითაც ადგილობრივ ბიუჯეტში განხორციელდა შემდეგი სახის ცვლილებები: შემოსავლები გაიზარდა 2422,5 ათასი ლარით, მუხლიდან „გრანტები“, ნაშთი გაიზარდა 349,4 ათასი ლარით და საერთო ჯამში ნაშთმა შეადგინა 828,4 ათასი ლარი, რომელიც გადანაწილდა სხვადასხვა ღონისძიებების დასაფინანსებლად. დღის წესრიგით გათვალისწინებული საკითხის განხილვის შემდეგ სხდომა დახურულად გამოცხადდა.

თებერვალი 9, 2016

განცხადება საკრებულოს რიგგარეშე სხდომის შესახებ

ხობის მუნიციპალიტეტის საკრებულოს რიგგარეშე სხდომა გაიმართება 10 თებერვალს 11:00 საათზე საკრებულოს სხდომათა დარბაზში.

სხდომის დღის წესრიგი:
1. „ხობის მუნიციპალიტეტის 2016 წლის ადგილობრივი ბიუჯეტის დამტკიცების შესახებ“ ხობის მუნიციპალიტეტის საკრებულოს 2015 წლის 25 დეკემბრის № 30 დადგენილებაში ცვლილების შეტანის თაობაზე“ დადგენილების პროექტის თაობაზე.
(მომხსენებელი: გ. ქაჯაია- ხობის მუნიციპალიტეტის გამგებელი;
თანამომხსენებელი: დ. ჭოჭუა- ხობის მუნიციპალიტეტის საფინანსო-საბიუჯეტო სამსახურის უფროსი.)

თებერვალი 9, 2016

ბიუროს სხდომა

9 თებერვალს გაიმართა ხობის მუნიციპალიტეტის საკრებულოს ბიუროს სხდომა, სადაც განხილულ იქნა შემდეგი საკითხი:

1. ხობის მუნიციპალიტეტის გამგებლის გ. ქაჯაიას 2016 წლის 8 თებერვლის N04/279 და 2016 წლის 9 თებერვლის N 04/289 წერილების განხილვა („ხობის მუნიციპალიტეტის 2016 წლის ადგილობრივი ბიუჯეტის დამტკიცების შესახებ“ ხობის მუნიციპალიტეტის საკრებულოს 2015 წლის 25 დეკემბრის №30 დადგენილებაში ცვლილების შეტანის თაობაზე” დადგენილების პროექტის შესახებ)
(მომხსენებელი: ტ. ალექსანდრია - საკრებულოს საფინანსო-სარევიზიო
კომისიის თავმჯდომარე)

თებერვალი 9, 2016

კომისიის სხდომა

9 თებერვალს გაიმართა ხობის მუნიციპალიტეტის საკრებულოს საფინანსო-სარევიზიო კომისიის სხდომა, სადაც განხილულ იქნა დადგენილების პროექტი „ხობის მუნიციპალიტეტის 2016 წლის ადგილობრივი ბიუჯეტის დამტკიცების შესახებ“ ხობის მუნიციპალიტეტის საკრებულოს 2015 წლის 25 დეკემბრის №30 დადგენილებაში ცვლილების შეტანის თაობაზე”.

თებერვალი 9, 2016

ღია ეროვნული ჩემპიონატი მძლეოსნობაში

2016 წლის 5-7 თებერვალს ქ. თბილისში ეროვნული ფედერაციის სასახლეში ჩატარდა საქართველოს ზამთრის ღია ეროვნული ჩემპიონატი მძლეოსნობაში. რომელშიც წარმატებით იასპარეზა და შედეგი გაიუმჯობესა განათლების ცენტრის სასპორტო სკოლის მოსწავლემ გრიგოლ ახალაიამ, მან 60 მ გარბენში მეორე ადგილი დაიკავა. მწვრთნელ-მასწავლებელი ინდირა გრიგოლიანცი.

თებერვალი 8, 2016

კულტურის სტრატეგიის დოკუმენტის სამუშაო ვერსიის პრეზენტაცია ხობში

საქართველოს კულტურისა და ძეგლთა დაცვის სამინისტროს მიერ კულტურის სტრატეგიის დოკუმენტის სამუშაო ვერსია შემუშავდა. მთავრობის დამტკიცებამდე დოკუმენტის სრულყოფის მიზნით, სამინისტრო აგრძელებს სამუშაო ვერსიის საჯარო პრეზენტაციების ციკლს თბილისსა და რეგიონებში, ასევე კონსულტაციებს კულტურის სფეროს სხვადასხვა მიზნობრივ ჯგუფთან, მთელი საქართველოს მასშტაბით.

8 თებერვალს, ხობში, საკრებულოს საკონფერენციო დარბაზში, კულტურის სტრატეგიის დოკუმენტის სამუშაო ვერსიის მორიგი საჯარო პრეზენტაცია გაიმართა. ღონისძიებას გაუძღვნენ საქართველოს კულტურისა და ძეგლთა დაცვის მინისტრის მოადგილე ლევან ხარატიშვილი, სამეგრელო-ზემო სვანეთის სახელმწიფო რწმუნებული - გუბერნატორის მოადგილე კახაბერ რუსია, ხობის მუნიციპალიტეტის გამგებელი - გოჩა ქაჯაია. შეხვედრას დაესწრნენ სამეგრელო-ზემო სვანეთის რეგიონის სხვადასხვა სახელოვნებო დაწესებულების, ასევე არასამთავრობო ორგანიზაციების, შემოქმედებითი სექტორისა და საინიციატივო ჯგუფების წარმომადგენლები.

თებერვალი 8, 2016

ხობის მუნიციპალიტეტის საკრებულო გილოცავთ წმინდა მეფე დავითის ხსენების დღესასწაულს!

ხობის მუნიციპალიტეტის საკრებულო გილოცავთ წმინდა მეფე დავითის ხსენების დღესასწაულს!

თებერვალი 5, 2016

ხობში აქცია - „გაიღე სისხლი, გადაარჩინე სიცოცხლე“ გაიმართა

5 თებერვალს ქ. ხობში საქართველოს განათლებისა და მეცნიერების სამინისტროს ხობის საგანმანათლებლო რესურსცენტრის ინიციატივით ლეიკემიით დაავადებული პაცინეტებისთვის უანგარო დონორთა აქცია - „გაიღე სისხლი, გადაარჩინე სიცოცხლე“ გაიმართა.
უანგარო დონორთა აქციის ფარგლებში დახმარების მსურველებმა სისხლი მ. იაშვილის სახელობის ბავშვთა ცენტრალურ საავადმყოფოსთან არსებულ შპს „სისხლის ბანკის“ წარმომადგენლებს ჩააბარეს.
საქველმოქმედო აქციაში ხობის მუნიციპალიტეტის საკრებულოს ბიუროსა და აპარატის თანამშრომლებმა მიიღეს მონაწილეობა.
თქვენს მიერ გაღებული სისხლით შეგიძლიათ გადაარჩინოთ ბავშვების სიცოცხლე. 400 მგ. სისხლისგან, რომელსაც თქვენ აბარებთ, მზადდება სამი კომპონენტი . ესენია: ერითროციტული მასა, ახლად გაყინული პლაზმა და თრომბოციტული მასა.
სისხლის დონორობა უსაფროთხოა ჯანმრთელობისათვის. დონორი შეიძლება გახდეს ნებისმიერი ჯანმრთელი ადამიანი 18-დან 60 წლამდე, თუ თქვენი წონა 50 კგ და მეტია. სისხლის ჩაბარების პროცედურა ძალიან მარტივია, სულ რაღაც 10 წუთი და თქვენ უკვე დონორი ხართ. ამასთანავე აქციაში მონაწილე ყველა დონორს უფასოდ ჩაუტარდება შემდეგი კვლევები: სისხლის ჯგუფი და რეზუს ფაქტორი, სისხლის საერთო ანალიზი, აივ ინფექცია, ჰეპატიტი C, ჰეპატიტი B და სიფილისი.
აქცია - „გაიღე სისხლი, გადაარჩინე სიცოცხლე“ ქ. ხობში დღის 17:00 საათამდე გაგრძელდება.

იანვარი 29, 2016

მწვანე მომავალი შეხვედრა

29 იანვარს ხობის მუნიციპალიტეტის გამგეობის სხდომათა დარბაზში არასამთავრობო ორგანიზაცია „მწვანე მომავალი“-ს ორგანიზებით შეხვედრა გაიმართა. ორგანიზაცია მუნიციპალიტეტში ახორციელებს პროექტს „სამოქალაქო საზოგადოების წარმომადგენლებისა და სამთავრობო სტრუქტურების შესაძლებლობების გაზრდა, ერთობლივი დიალოგისა და თანამშრომლობის ხელშეწყობის გზით ენერგეტიკული პოლიტიკის გაუმჯობესების სფეროში, მდგრად ენერგო–ალტერნატივებზე ფოკუსირებით“, რომლის მიზანია ხობის მუნიციპალიტეტში გარემოსდაცვითი მმართველობის გაუმჯობესება და ახალი ენერგეტიკული პოტენციალის შექმნაზე ხელშეწყობა, სამოქალაქო საზოგადოებისა და ადგილობრივი თემების გააქტიურების გზით და მათი ჩართულობით გადაწყვეტილებების მიღების პროცესებში მონაწილეობა.
პროექტის ფარგლებში ხობის მუნიციპალიტეტის ადმინისტრაციულ ტერიტორიულ ერთეულებში: ქ.ხობში, ახალ ხიბულასა და ქარიატაში შედგა არა ერთი შეხვედრა ადგილობრივ ხელისუფლებასთან და მოსახლეობასთან.
დღევანდელ შეხვედრას ხობის მუნიციპალიტეტის გამგებელი გოჩა ქაჯაია , გამგებლის პირველი მოადგილე ვარაზ გაბედავა და გამგეობისა და საკრებულოს ხელმძღვანელი პირები დაესწრნენ. დამსწრე საზოგადოება გაეცნო ინფორმაციას პროექტის ფარგლებში ქ. ხობისთვის შემუშავებული სარეკომენდაციო დოკუმენტის შესახებ, რომელშიც ასახულია გარემოსდაცვითი მმართველობის და განახლებადი ენერგიების გამოყენების კუთხით არსებული მდგომარეობა ხობის მუნიციპალიტეტში.
პროექტის განმახორციელებელ ჯგუფთან ერთად შეხვედრას მოწვეული ექსპერტი განახლებადი ენერგიების საკითხებში გიორგი მუხიგულიშვილი უძღვებოდა. (საერთაშორისო გამოცდილება საქართველოსთვის-WEG წარმომადგენელი).

<<
<
116
117
118
119
120
121
122
123
124
125
126
127
128
129
130
131
132
133
134
135
136
137
138
139
140
141
142
143
144
145
146
...
>
>>