ხობის მუნიციპალიტეტის საკრებულო

სიახლეები

თებერვალი 23, 2016

ხობის ახალგაზრდული საკრებულოს არჩევნები

23 თებერვალს ხობის მუნიციპალიტეტის საკრებულოს სხდომათა დარბაზში გაიმართა ხობის ახალგაზრდული საკრებულოს პირველი სხდომა, სადაც არჩეულ იქნა ახალგაზრდული საკრებულოს თავმჯდომარე,თავმჯდომარის მოადგილე, თემატური კომისიის თავმჯდომარეები და დაინიშნა აპარატის უფროსი.
აღნიშნული პოზიციების დასაკავებლად ახალგაზრდებს უნდა წარმოედგინათ სამოქმედო გეგმა-პროექტი რის საფუძველზეც ახალგაზრდული საკრებულოს წევრებს მიეცათ შესაძლებლობა აერჩიათ მათთვის სასურველი კანდიდატები.
სხდომაზე საკრებულოს წევრთა ხმათა უმრავლესობით ფარული კენჭისყრის საფუძველზე თავმჯდომარედ არჩეულ იქნა ირაკლი კვირკველია მოადგილედ ნია კვაშილავა, ხოლო აპარატის უფროსად დაინიშნა თეონა კუტალია.
სხდომას ესწრებოდნენ ადგილობრივი თვითმმართველობის წარმომადგენლები და პროექტის რეგიონალური მენეჯერი.

თებერვალი 22, 2016

დასრულდა სასკოლო სპორტული ოლიმპიადა

22 თებერვალს დასრულდა სასკოლო სპორტული ოლიმპიადა ხობის მუნიციპალიტეტის საჯარო სკოლებს შორის ფრენბურთში. შეჯიბრი გოგონებსა და ბიჭებს შორის მიმდინარეობდა და მასში მუნიციპალიტეტის მასშტაბით საჯარო სკოლის მოსწავლეები მონაწილეობდნენ. ღონისძიება ხობის მუნიციპალიტეტის საკრებულო-გამგეობასა და ხობის მუნიციპალიტეტის საგანმანათლებლო რესურსცენტრის ორგანიზებითა და საქართველოს სპორტისა და ახალგაზრდობის სამინისტროს, საქართველოს განათლებისა და მეცნიერების სამინისტროსა და საქართველოს ბავშვთა და მოსწავლე ახალგაზრდობის ეროვნული ფედერაციის მხარდაჭერით გაიმართა.
ჭაბუკებს შორის ტურნირში გამარჯვებული და შესაბამისად რეგიონის პირველობის საგზურის მფლობელები საჯიჯაოს საჯარო სკოლის მოსწავლეები, ხოლო გოგონათა შორის პირველი მაისის საჯარო სკოლის მოსწავლეები გახდნენ.
გამარჯვებულები თასებითა და სიგელებით დაჯილდოვდნენ. გამარჯვებულ გუნდებს საქართველოს პარლამენტის წევრის ხობის მაჟორიტარი დეპუტატის გოდერძი ბუკიას ბიუროს მიერ დაწესებული სპეციალური პრიზებიც გადაეცათ.

თებერვალი 22, 2016

შეხვედრა ხობის მუნიციპალიტეტის მოსახლეობასთან

22 თებერვალს ხობის კულტურის სახლის დიდ დარბაზში, ხობის მაჟორიტარმა დეპუტატმა გოდერძი ბუკიამ, ადგილობრივ მოსახლეობასთან შეხვედრა გამართა. შეხვედარას ესწრებოდნენ ხობის მუნიციპალიტეტის საკრებულოს თავმჯდომარე ედიშერ ჯობავა და გამგებლის პირველი მოადგილე ვარაზ გაბედავა. მათ მოსახლეობას მიაწოდეს ინფორმაცია მუნიციპალიტეტის მასშტაბით შესრულებული სამუშაოების შესახებ, ასევე ისაუბრეს მიმდინარე წელს დაგეგმილ ახალ პროექტებზე. შეხვედრის დასასრულს მოსახლეობისგან მოისმინეს მათ წინაშე არსებული პრობლემები და ისაუბრეს მათი გადაჭრის გზებზე.

თებერვალი 21, 2016

ხობის „კოლხეთმა“ ხონის „იმერეთს“ უმასპინძლა

21 თებერვალს ხობის ცენტრალურ სტადიონზე საქართველოს XXVII ეროვნული ჩემპიონატის მეორე წრის პირველი კალენდარული მატჩი გაიმართა, სადაც ერთმანეთს ხობის „კოლხეთი“ და ხონის „იმერეთი“ დაუპირისპირდნენ. შეხვედრა „იმერეთის “ გამარჯვებით 0-1 დასრულდა.

თებერვალი 18, 2016

სასოფლო-სამეურნეო (ხვნის) ბარათების გაცემა დაიწყო

18 თებერვალს ხობის მუნიციპალიტეტის გამგეობის სააქტო დარბაზში გაიმართა შეხვედრა „მცირემიწიან ფერმერთა 2016 წლის საგაზაფხულო სამუშაოების ხელშეწყობის“ პროექტის ფარგლებში, სადაც საქართველოს სოფლის მეურნეობის სამინისტროს წარმომადგენელმა ლაშა ხაჭაპურიძემ ადმინისტრაციულ ერთეულებში გამგებლის წარმომადგენლებს გადასცა სასოფლო-სამეურნეო (ხვნის) ბარათები და გააცნო ინფორმაცია პროექტის მოქმედების ინსტრუქციის შესახებ. აღნიშნული პროექტი უკვე მეოთხე წელია ხორციელდება და მისი მიზანია სოფლის მეურნეობის აღორძინება და მცირემიწიან ფერმერთა ხელშეწყობა.
მუნიციპალიტეტის ტერიტორიაზე 12070 ბენეფიციარი მიიღებს სახნავ ბარათს, ამ ეტაპზე მიღებულია 10403 სახნავი ბარათი, ხოლო 80 ბენეფიციარზე მიმდინარეობს არსებული ხარვეზების შესწორება. 1 მარტამდე ადმინისტრაციულ ერთეულებში ხობის მუნიციპალიტეტის გამგებლის წარმომადგენლებმა უნდა წარმოადგინონ შესწორებული ვარიანტი, რათა დროულად მოხდეს დარჩენილი ბარათების მიწოდება.

თებერვალი 17, 2016

ბიის საცალფეხო ხიდის რეაბილიტაცია სრულდება

17 თებერვალს ხობის მუნიციპალიტეტის ბიის ადმინისტრაციულ ერთეულში ხობისწყალზე მშენებარე საცალფეხო ხიდის სარეაბილიტაციო სამუშაოები ხობის მუნიციპალიტეტის საკრებულოს თავმჯდომარემ ედიშერ ჯობავამ, გამგებელმა გოჩა ქაჯაიამ და გამგებლის მოადგილემ ვარაზ გაბედავამ ხელისუფლების სხვა წარმომადგენლებთან ერთად დაათვალიერეს. ხიდის სარეაბილიტაციო სამუშაოებისთვის თანხა სტიქიის შედეგების სალიკვიდაციო ფონდიდან ინფრასტრუქტურის სამინისტრომ გამოყო.
პროექტს, რომლის ღირებულებაც 68 144 ათასი ლარია შპს „შარა გზამშენ პირველი“ ახორციელებს. სამუშაო სამ დღეში დასრულდება.

თებერვალი 17, 2016

პროექტ ,,სუფთა ხელების“ პრეზენტაცია

16 თებერვალს ქალაქ ხობის N1 საბავშვო ბაგა-ბაღის სასკოლო მზაობის ჯგუფში ჩატარდა პროექტის ,,სუფთა ხელების“ პრეზენტაცია, სატელევიზიო შოუს ,,ექიმების“ ფორმატში. პროექტის მიზანი იყო აღსაზრდელთა პირადი ჰიგიენის დაცვა და შესაბამისი უნარ-ჩვევბის გამომუშავება.
პრეზენტაციას ესწრებოდა ა(ა)იპ ,,ხობის მუნიციპალიტეტის საზოგადოებრივი ჯანდაცვის ცენტრის“ წარმომადგენელი ბატონი ჯუმბერ ტურავა და სკოლამდელი სააღმზრდელო გაერთიანების ექიმ-პედიატრი მარინე შონია, რომლებმაც ისაუბრეს და იმსჯელეს იმაზე, თუ რამდენად მნიშვნელოვანია სუფთა ხელები, და რა უარყოფითი შედეგები მოჰყვება ხელების უსუფთაობას, უპასუხეს პატარების დასმულ შეკითხვებს.

თებერვალი 16, 2016

დათა ხურცილავას სახელობის ტურნირი მინი ფეხბურთში დასრულდა

16 თებერვალს ქ. ხობში „დათა ხურცილავას სახელობის სტადიონზე“ დასრულდა 2008 წლის აგვისტოს ომში ტრაგიკულად დაღუპული რეზერვისტის დათა ხურცილავას სახელობის რიგით მერვე გათამაშება მინი ფეხბურთში. ტურნირი ხობის მუნიციპალიტეტის გამგეობისა და საკრებულოს ორგანიზებით ჩატარდა და მასში რვა გუნდმა მიიღო მონაწილეობა.
ფინალურ შეხვედრაში ერთმანეთს სოფელ ხეთისა და ხობის ცენტრის გუნდები შეხვდნენ. საკმაოდ დაძაბულად და საინტერესოდ წარიმართა თამაში, საბოლოოდ კი გამარჯვება სოფელ ხეთის ფეხბურთელთა გუნდმა მოიპოვა.
დაჯილდოების ცერემონიალს ხობის მუნიციპალიტეტის საკრებულოს თავმჯდომარე ედიშერ ჯობავა და გამგებელი გოჩა ქაჯაია ადგილობრივი ხელისუფლების წარმომადგენლებთან ერთდ ესწრებოდნენ.

თებერვალი 16, 2016

განათლების ცენტრის სასპორტო სკოლის მოსწავლეთა წარმატება

2016 წლის 12-14 თებერვალს ქ. თერჯოლაში ჩატარდა მსოფლიო ჩემპიონისა და ევროპის პრიზიორის მირიან გიორგაძის სახელობის მეშვიდე რესპუბლიკური ტურნირი ბერძნულ-რომაულ ჭიდაობაში, რომელშიც მიწვეული იყო 19 მუნიციპალიტეტის 25 გუნდი, მათ შორის განათლების ცენტრის სასპორტო სკოლის ბერძნულ-რომაული სტილით ჭიდაობის ჯგუფის ნაკრები გუნდი, ასევე მონაწილეობა მიიღო თურქმენეთის გუნდმა.
წარმატებით იასპარეზეს ხობელმა მონაწილეებმა:
I ადგილის მფლობელი გახდა 46 კგ წონით კატეგორიაში მალხაზ წოწერია;
II ადგილზე გავიდნენ 66 კგ წონით კატეგორიაში შოთა იოსავა და 32 კგ წონით კატეგორიაში დავით გვასალია;
III ადგილს დასჯერდნენ 32 კგ წონით კატეგორიაში მიშიკო ალექსანდრია; 42 კგ წონით კატეგორიაში გიორგი აგუმავა; 47 კგ წონით კატეგორიაში სპარტაკ სერგია; 53 კგ წონით კატეგორიაში გიორგი სოსელია.
მწვრთნელ-მასწავლებლები: ალმასხან ხუნჯუა, ბაკურ ბუკია.

თებერვალი 15, 2016

ხობის მუნიციპალიტეტის საკრებულო გილოცავთ მირქმის საუფლო დღესასწაულს.

მართლმადიდებლური სამყარო დღეს მირქმას, ადამიანის უფალთან მიგებების დღესასწაულს აღნიშნავს.
ხობის მუნიციპალიტეტის საკრებულო გილოცავთ მირქმის საუფლო დღესასწაულს.

თებერვალი 10, 2016

სოფლის მეურნეობის მინისტრი ხობში

ქ.ხობში სიმინდის მარცვლის გადამამუშავებელი და ზეთის მიმღები ქარხანა დღეს საქართველოს სოფლის მეურნეობის მინისტრმა ოთარ დანელიამ, სამეგრელო-ზემო სვანეთის გუბერნატორმა ლევან შონიამ, ხობის მუნიციპალიტეტის საკრებულოს თავმჯდომარემ ედიშერ ჯობავამ და გამგებლის პირველმა მოადგილემ ვარაზ გაბედავამ დაათვალიერეს.

თებერვალი 10, 2016

საკრებულოს რიგგარეშე სხდომა

10 თებერვალს გაიმართა ხობის მუნიციპალიტეტის საკრებულოს რიგგარეშე სხდომა, რომელსაც თავმჯდომარეობდა საკრებულოს თავმჯდომარე ედიშერ ჯობავა. სხდომაზე განხილულ იქნა დღის წესრიგით გათვალისწინებული საკითხი დადგენილების პროექტი „ხობის მუნიციპალიტეტის 2016 წლის ადგილობრივი ბიუჯეტის დამტკიცების შესახებ“ ხობის მუნიციპალიტეტის საკრებულოს 2015 წლის 25 დეკემბრის №30 დადგენილებაში ცვლილების შეტანის თაობაზე“, რომლის მიხედვითაც ადგილობრივ ბიუჯეტში განხორციელდა შემდეგი სახის ცვლილებები: შემოსავლები გაიზარდა 2422,5 ათასი ლარით, მუხლიდან „გრანტები“, ნაშთი გაიზარდა 349,4 ათასი ლარით და საერთო ჯამში ნაშთმა შეადგინა 828,4 ათასი ლარი, რომელიც გადანაწილდა სხვადასხვა ღონისძიებების დასაფინანსებლად. დღის წესრიგით გათვალისწინებული საკითხის განხილვის შემდეგ სხდომა დახურულად გამოცხადდა.

თებერვალი 9, 2016

განცხადება საკრებულოს რიგგარეშე სხდომის შესახებ

ხობის მუნიციპალიტეტის საკრებულოს რიგგარეშე სხდომა გაიმართება 10 თებერვალს 11:00 საათზე საკრებულოს სხდომათა დარბაზში.

სხდომის დღის წესრიგი:
1. „ხობის მუნიციპალიტეტის 2016 წლის ადგილობრივი ბიუჯეტის დამტკიცების შესახებ“ ხობის მუნიციპალიტეტის საკრებულოს 2015 წლის 25 დეკემბრის № 30 დადგენილებაში ცვლილების შეტანის თაობაზე“ დადგენილების პროექტის თაობაზე.
(მომხსენებელი: გ. ქაჯაია- ხობის მუნიციპალიტეტის გამგებელი;
თანამომხსენებელი: დ. ჭოჭუა- ხობის მუნიციპალიტეტის საფინანსო-საბიუჯეტო სამსახურის უფროსი.)

თებერვალი 9, 2016

ბიუროს სხდომა

9 თებერვალს გაიმართა ხობის მუნიციპალიტეტის საკრებულოს ბიუროს სხდომა, სადაც განხილულ იქნა შემდეგი საკითხი:

1. ხობის მუნიციპალიტეტის გამგებლის გ. ქაჯაიას 2016 წლის 8 თებერვლის N04/279 და 2016 წლის 9 თებერვლის N 04/289 წერილების განხილვა („ხობის მუნიციპალიტეტის 2016 წლის ადგილობრივი ბიუჯეტის დამტკიცების შესახებ“ ხობის მუნიციპალიტეტის საკრებულოს 2015 წლის 25 დეკემბრის №30 დადგენილებაში ცვლილების შეტანის თაობაზე” დადგენილების პროექტის შესახებ)
(მომხსენებელი: ტ. ალექსანდრია - საკრებულოს საფინანსო-სარევიზიო
კომისიის თავმჯდომარე)

თებერვალი 9, 2016

კომისიის სხდომა

9 თებერვალს გაიმართა ხობის მუნიციპალიტეტის საკრებულოს საფინანსო-სარევიზიო კომისიის სხდომა, სადაც განხილულ იქნა დადგენილების პროექტი „ხობის მუნიციპალიტეტის 2016 წლის ადგილობრივი ბიუჯეტის დამტკიცების შესახებ“ ხობის მუნიციპალიტეტის საკრებულოს 2015 წლის 25 დეკემბრის №30 დადგენილებაში ცვლილების შეტანის თაობაზე”.

<<
<
109
110
111
112
113
114
115
116
117
118
119
120
121
122
123
124
125
126
127
128
129
130
131
132
133
134
135
136
137
138
139
...
>
>>