ხობის მუნიციპალიტეტის საკრებულო

სიახლეები

ივლისი 13, 2016

ნოჯიხევში შიდა გზების მოწესრიგება მიმდინარეობს

12 ივლისს ნოჯიხევის ადმინისტრაციულ ერთეულში, სოფლის მხარდაჭერის პროგრამის ფარგლებში მიმდინარე შიდა გზების მოხრეშვითი სამუშაოები დაათვალიერეს ნოჯიხევის თემის მაჟორიტარმა საკრებულოს წევრმა, ხობის მუნიციპალიტეტის საკრებულოს ეკონომიკური განვითარების საკითხთა კომისიის თავმჯდომარემ გოჩა სიჭინავამ და ნოჯიხევის ადმინისტრაციულ ერთეულში გამგებლის წარმომადგენელმა ლევან ლიპარტიამ.

ივლისი 8, 2016

საკრებულოს სხდომა

8 ივლისს ხობის მუნიციპალიტეტის საკრებულოს სხდომათა დარბაზში გაიმართა საკრებულოს მორიგი სხდომა, რომელსაც თავმჯდომარეობდა საკრებულოს თავმჯდომარე ედიშერ ჯობავა. სხდომას ესწრებოდნენ საკრებულოსა და გამგეობის ხელმძღვანელი პირები. სხდომაზე განხილულ იქნა დღის წესრიგით გათვალისწინებული შემდეგი საკითხები:
1. „ხობის მუნიციპალიტეტის 2016 წლის ადგილობრივი ბიუჯეტის დამტკიცების შესახებ“ ხობის მუნიციპალიტეტის საკრებულოს 2015 წლის 25 დეკემბრის N30 დადგენილებაში ცვლილების შეტანის თაობაზე“ დადგენილების პროექტის შესახებ;
(მომხსენებელი: გ. ქაჯაია - მუნიციპალიტეტის გამგებელი
თანამომხსენებელი: დ. ჭოჭუა - გამგეობის საფინანსო-საბიუჯეტო სამსახური);

2. „ხობის მუნიციპალიტეტის საკრებულოს ფიზიკური და კერძო სამართლის იურიდიული პირების მფლობელობაში (სარგებლობაში) არსებულ მიწის ნაკვეთებზე საკუთრების უფლების აღიარების კომისიის შემადგენლობის დამტკიცების შესახებ“ ხობის მუნიციპალიტეტის საკრებულოს 2014 წლის 29 სექტემბრის N69 განკარგულების ძალადაკარგულად გამოცხადების შესახებ“ განკარგულების პროექტის განხილვა;
(მომხსენებელი: ლ. ცატავა - საკრებულოს იურიდიულ საკითხთა და ადამიანის უფლებათა დაცვის კომისიის თავმჯდომარე);

3. „საწვავისა და სატელეფონო მომსახურების ხარჯების ლიმიტის განსაზღვრის შესახებ“ ხობის მუნიციპალიტეტის საკრებულოს 2014 წლის 28 ივლისის N53 განკარგულებაში ცვლილების შეტანის თაობაზე“ განკარგულების პროექტის განხილვა;

(მომხსენებელი: ლ. ცატავა - საკრებულოს იურიდიულ საკითხთა და ადამიანის უფლებათა დაცვის კომისიის თავმჯდომარე);

4. „ხობის მუნიციპალიტეტის საკრებულოს სამანდატო - საპროცედურო საკითხთა კომისიის შემადგენლობის დამტკიცების შესახებ“ ხობის მუნიციპალიტეტის საკრებულოს 2014 წლის 16 ივლისის N46 განკარგულებაში ცვლილების შეტანის თაობაზე“ განკარგულების პროექტის შესახებ;
(მომხსენებელი: თ. აბაკელია - საკრებულოს სამანდატო-საპროცედურო საკითხთა კომისიის წევრი);

5. „ხობის მუნიციპალიტეტის საკრებულოს იურიდიულ საკითხთა და ადამიანის უფლებათა დაცვის კომისიის შემადგენლობის დამტკიცების შესახებ“ ხობის მუნიციპალიტეტის საკრებულოს 2014 წლის 16 ივლისის N48 განკარგულებაში ცვლილების შეტანის თაობაზე“ განკარგულების პროექტის განხილვა.
(მომხსენებელი: თ. აბაკელია - საკრებულოს სამანდატო-საპროცედურო საკითხთა კომისიის წევრი).
განსახილველი საკითხებიდან აღსანიშნავია, რომ „ფიზიკური და კერძო სამართლის იურიდიული პირების მფლობელობაში (სარგებლობაში) არსებულ მიწის ნაკვეთებზე საკუთრების უფლების აღიარების შესახებ“ საქართველოს კანონში განხორციელებული ცვლილების შესაბამისად მიმდინარე წლის 1 აგვისტოს მუნიციპალიტეტის გამგეობაში უნდა შეიქმნას მიწის ნაკვეთებზე საკუთრების უფლების აღიარების კომისია და შესაბამისად ძალადაკარგულად გამოცხადდა საკრებულოსთან არსებული ზემო ხსენებული კომისიის შემადგენლობა, რომელიც მიმდინარე წლის 1 აგვისტომდე განაგრძნობს თავის საქმიანობას. ამასთან საკრებულოს იურიდიულ საკითხთა და ადამიანის უფლებათა დაცვისა და სამანდატო-საპროცედურო საკითხთა კომისიებში განხორციელდა ცვლილებები და კომისიის შემადგენლობაში გაწევრიანდა ახალარჩეული საკრებულოს წევრი კობა კაკულია.

დღის წესრიგით გათვალისწინებული საკითხების განხილვის შემდეგ საკრებულოს მორიგი სხდომა დახურულად გამოცხადდა.

ივლისი 8, 2016

ბიუროს მსხდომა

8 ივლისს გაიმართა ხობის მუნიციპალიტეტის საკრებულოს ბიუროს სხდომა, სადაც განხილულ იქნა შემდეგი საკითხი:

1. ხობის მუნიციპალიტეტის საკრებულოს ფრაქცია „ქართული ოცნება - რესპუბლიკელების“ თავმჯდომარის მ. ლაგვილავას 2016 წლის 17 ივნისის N41/11 განცხადების განხილვა (ფრაქცია „ქართული ოცნება - რესპუბლიკელების“ შემადგენლობაში ცვლილების შესახებ);
(მომხსენებელი: ნ. შუშანია - საკრებულოს სამანდატო-საპროცედურო საკითხთა კომისიის თავმჯდომარე);

2. ხობის მუნიციპალიტეტის საკრებულოს წევრის კ. კაკულიას 2016 წლის 17 ივნისის N304 განცხადების განხილვა (სამანდატო - საპროცედურო საკითხთა და იურიდიულ საკითხთა და ადამიანის უფლებათა დაცვის კომისიებში გაწევრიანების შესახებ);
(მომხსენებელი: ნ. შუშანია - საკრებულოს სამანდატო-საპროცედურო საკითხთა კომისიის თავმჯდომარე);

3. ხობის მუნიციპალიტეტის საკრებულოს იურიდიულ საკითხთა და ადამიანის უფლებათა დაცვის კომისიის თავმჯდომარის ლ. ცატავას 2016 წლის 6 ივლისის N47/08 განცხადების განხილვა („ხობის მუნიციპალიტეტის საკრებულოს ფიზიკური დაკერძო სამართლის იურიდიული პირების მფლობელობაში (სარგებლობაში) არსებულ მიწის ნაკვეთებზე საკუთრების უფლების აღიარების კომისიის შემადგენლობის დამტკიცების შესახებ“ ხობის მუნიციპალიტეტის საკრებულოს 2014 წლის 29 სექტემბრის N69 განკარგულების ძალადაკარგულად გამოცხადების შესახებ“ და „საწვავისა და სატელეფონო მომსახურების ხარჯების ლიმიტის განსაზღვრის შესახებ“ ხობის მუნიციპალიტეტის საკრებულოს 2014 წლის 28 ივლისის N53 განკარგულებაში ცვლილების შეტანის თაობაზე);
(მომხსენებელი: ლ. ცატავა - საკრებულოს იურიდიულ საკითხთა და ადამიანის უფლებათა დაცვის კომისიის თავმჯდომარე);

4. ხობის მუნიციპალიტეტის გამგებლის გ. ქაჯაიას 2016 წლის 6 ივლისის N04/1573 წერილის განხილვა („ხობის მუნიციპალიტეტის 2016 წლის ადგილობრივი ბიუჯეტის დამტკიცების შესახებ“ ხობის მუნიციპალიტეტის საკრებულოს 2015 წლის 25 დეკემბრის N30 დადგენილებაში ცვლილების შეტანის თაობაზე“ დადგენილების პროექტის შესახებ).
(მომხსენებელი: ტ. ალექსანდრია - საკრებულოს საფინანსო-სარევიზიო
კომისიის თავმჯდომარე).

ივლისი 5, 2016

პროექტი „საქართველოს მოხალისე“ იწყება

5 ივლისს, მოსწავლე-ახალგაზრდობის სახლში გაიმართა პროექტ „საქართველოს მოხალისეს“ პრეზენტაცია, რომელიც ახალგაზრდა მოხალისემ ირაკლი კვირკველიამ წარმოადგინა, მან დამსწრე საზოგადოებას დეტალურად მიაწოდა ინფორმაცია პროექტის შესახებ. პროექტის მიზანს წარმოადგენს მოხალისეობის ინსტიტუტის გაძლიერება და საქართველოს რეგიონებში მოხალისეობის ერთიანი ქსელის განვითარება. აღნიშნული პროექტის ორგანიზატორი საქართველოს სპორტისა და ახალგაზრდობის საქმეთა სამინისტროა.

ივლისი 5, 2016

მუნიციპალიტეტის პირველობა მაგიდის ჩოგბურთში დასრულდა

5 ივლისს, ხობის კულტურის სახლის ფოიეში დასრულდა მუნიციპალიტეტის პირველობა მაგიდის ჩოგბურთში გოგონათა და ვაჟთა შორის, რომელიც ხობის მუნიციპალიტეტის გამგეობის კულტურის, განათლების, სპორტის, ძეგლთა დაცვისა და ახალგაზრდულ საქმეთა სამსახურის ინიციატივით გაიმართა. ადგილობრივი ხელისუფლების წარმომადგენლებმა ტურნირის გამარჯვებულებს თასები და სამახსოვრო სიგელები გადასცეს.

ივლისი 4, 2016

ხობში ამბულატორიული ცენტრი შპს „პულსი“ გაიხსნა

4 ივლისს, ქალაქ ხობში ცოტნე დადიანის N206-ში გაიხსნა ამბოლატორიული ცენტრი შპს „პულსი“, რომელიც მონაწილეობას იღებს საყოველთაო ჯანდაცვის სახელმწიფო პროგრამებში, როგორც გეგმიური, ასევე გადაუდებელი ამბოლატორიული გეგმის ფარგლებში. პაციენტებს მოემსახურებიან კვალიფიციური ექიმები, როგორც სახელმწიფო, ასევე შიდა სტანდარტებით.

ივლისი 1, 2016

საბავშვო ბაღებში ღონისძიება „გზა სკოლისაკენ“ დასრულდა

1 ივლისს მუნიციპალიტეტის მასშტაბით საბავშვო ბაღებში დასრულდა საზეიმო ღონისძიება სახელწოდებით „გზა სკოლისაკენ“. ხობის N2, შუა ხორგისა და პირველი მაისის საბავშვო ბაღებს სტუმრობდნენ ხობის მუნიციპალიტეტის საკრებულოს სოციალურ საკითხთა კომისიის თავმჯდომარე დოდო გაბუნია, საკრებულოს მაჟორიტარი წევრი პირველი მაისის ადმინისტრაციული ერთეულიდან მალხაზ ლაგვილავა, საკრებულოს წევრი მერაბ ფილიპია, გამგეობის კულტურის, განათლების, სპორტის, ძეგლთა დაცვისა და ახალგაზრდულ საქმეთა სამსახურის უფროსი როზეტა შულაია, ხობის მუნიციპალიტეტის სკოლამდელი სააღმზრდელო გაერთიანების დირექტორი ელისო კვიკივინია და გამგებლის წარმომადგენელი პირველი მაისის ადმინისტრაციულ ერთეულში მარინა ლაგვილავა. გამოსაშვები ჯგუფის აღსაზრდელებმა წარმოადგინეს სხვადასხვა საკონცერტო ნომრები, რომელმაც მაყურებელთა დიდი მოწონება დაიმსახურა.
სტუმრებმა საბავშვო ბაღის აღსაზრდელებს მიულოცეს ეს ღირშესანიშნავი დღე და სკოლისკენ მიმავალ გზაზე წარმატებები უსურვეს.

ივნისი 30, 2016

საკრებულოს რიგგარეშე სხდომა

30 ივნისს ხობის მუნიციპალიტეტის საკრებულოს სხდომათა დარბაზში გაიმართა საკრებულოს რიგგარეშე სხდომა, რომელსაც თავმჯდომარეობდა საკრებულოს თავმჯდომარე ედიშერ ჯობავა. სხდომას ესწრებოდნენ საკრებულოსა და გამგეობის ხელმძღვანელი პირები. სხდომაზე განხილულ იქნა დღის წესრიგით გათვალისწინებული საკითხები: მათ შორის დადგენილების პროექტი „ხობის მუნიციპალიტეტის გამგეობის დებულების დამტკიცების შესახებ“ ხობის მუნიციპალიტეტის საკრებულოს 2014 წლის 28 ივლისის №15 დადგენილებაში ცვლილების შეტანის თაობაზე“ რომლის მიხედვითაც „სამოქალაქო აქტების შესახებ“ საქართველოს კანონში განხორციელებული ცვლილების შესაბამისად მუნიციპალიტეტის გამგებლებს დაევალათ ადგილობრივი თვითმმართველობის დელეგირებული უფლებამოსილებების განსახორციელებლად უფლებამოსილი პირების განსაზღვრა და გამგეობის მოხელეებისთვის გარკვეული ვალდებულებების დაკისრება, კერძოდ: ცვლილებები შეეხება დაბადების (თუ ბავშვი დაიბადა სამედიცინო დაწესებულების გარეთ დაბადების შესახებ სამედიცინო ცნობის გაცემის უფლებამოსილების მქონე პირის დახმარების გარეშე) რეგისტრაციის თაობაზე სამოქალაქო აქტების რეგისტრაციის ორგანოსთვის მიმართვას, პირის გარდაცვალების ფაქტის დადასტურების შესახებ ოქმის შედგენას და პირის გარდაცვალების რეგისტრაციის თაობაზე სამოქალაქო აქტების რეგისტრაციის ორგანოსთვის მიმართვის ვალდებულებას. სხდომაზე ბოლო საკითხად ასევე განხილულ იქნა განკარგულების პროექტი „ხობის მუნიციპალიტეტის გამგებლისათვის ხობის მუნიციპალიტეტის საკუთრებაში არსებული ქონების სარგებლობის უფლებით გადაცემაზე თანხმობის მიცემის შესახებ“ რომლის მიხედვითაც გამგეობის მიერ წარმოდგენილი განკარგულების პროექტის საფუძველზე ხორციელდება ხობის მუნიციპალიტეტის ბალანსზე რიცხული, ჭალადიდის ადმინისტრაციულ ერთეულში საყოფაცხოვრებო შენობის მე-2 სართულზე მდებარე 12 კვ.მეტრი ფართის აუქციონის წესით გაიჯარება. სხდომაზე ასევე განხილულ იქნა განკარგულების პროექტი „ხობის მუნიციპალიტეტის საკუთრებაში არსებული ქონების საპრივატიზებო ნუსხის დამტკიცების შესახებ“ რომლის თანახმადაც ქალაქ ხობში საფეხბურთო მოედნის რეკონსტრუქციისას მიმდინარე დემონტაჟიდან მიღებულია დაახლოებით 130 ტონა მეორადი შავი ლითონის ჯართი, რომლის გარკვეული ნაწილის გამოყენება შესაძლებელია მეორად სამშენებლო მასალად და რომლის აუქციონის წესით გასხვისება ხორციელდება, ასევე აუქციონის წესით ხორციელდება პრივატიზება ორი ერთეული სატვირთო ავტომანქანა „ზილ 131“ და SAZ-35-07, რომელიც ამორტიზირებული და გამოუსადეგარია. აღნიშნული ავტომანქანები მუნიციპალიტეტს გადმოეცა ხობის მუნიციპალიტეტის პროფესიული სწავლების ცენტრის ლიკვიდაციის შედეგად.

დღის წესრიგით გათვალისწინებული საკითხების განხილვის შემდეგ საკრებულოს რიგგარეშე სხდომა დახურულად გამოცხადდა.

ივნისი 30, 2016

ბიუროს სხდომა

30 ივნისს გაიმართა ხობის მუნიციპალიტეტის საკრებულოს ბიუროს სხდომა, სადაც განხილულ იქნა შემდეგი საკითხი:

1. ხობის მუნიციპალიტეტის გამგებლის მოვალეობის შემსრულებლის ვ. გაბედავას 28.06.2016 წლის №03/1516 წერილის განხილვა („ხობის მუნიციპალიტეტის გამგეობის დებულების დამტკიცების შესახებ“ ხობის მუნიციპალიტეტის საკრებულოს 2014 წლის 28 ივლისის №15 დადგენილებაში ცვლილების შეტანის თაობაზე“ დადგენილების პროექტის შესახებ).
(მომხსენებელი: ლ. ცატავა - საკრებულოს იურიდიულ საკითხთა და ადამიანის უფლებათა დაცვის კომისიის თავმჯდომარე);

2. ხობის მუნიციპალიტეტის გამგებლის მოვალეობის შემსრულებლის ვ. გაბედავას 29.06.2016 წლის №05/1528 წერილის განხილვა („ხობის მუნიციპალიტეტის გამგებლისთვის ხობის მუნიციპალიტეტის საკუთრებაში არსებული ქონების სარგებლობის უფლებით გადაცემაზე თანხმობის მიცემის შესახებ“ და „ხობის მუნიციპალიტეტის საკუთრებაში არსებული ქონების საპრივატიზაციო ნუსხის დამტკიცების შესახებ“ განკარგულების პროექტების თაობაზე).
(მომხსენებელი: გ. სიჭინავა - ეკონომიკური განვითარების საკითხთა
კომისიის თავმჯდომარე);

ივნისი 30, 2016

კომისიების სხდომები

30 ივნისს გაიმართა ხობის მუნიციპალიტეტის საკრებულოს ეკონომიკურ საკითხთა განვითარებისა და იურიდიულ საკითხთა და ადამიანის უფლებათა დაცვის კომისიების სხდომები, სადაც განხილულ იქნა საკრებულოს სხდომაზე განსახილველი საკითხები.

ივნისი 29, 2016

N3 საბავშვო ბაღის ღონისძიება „გზა სკოლისაკენ“

29 ივნისს, ხობის N3 საბავშვო ბაღში საზეიმო ღონისძიება გაიმართა სახელწოდებით „გზა სკოლისაკენ“. გამოსაშვები ჯგუფის მიერ წარმოდგენილმა საკონცერტო ნომრებმა მაყურებელთა დიდი მოწონება დაიმსახურა. ღონისძიებას ხობის მუნიციპალიტეტის საკრებულოს სოციალურ საკითხთა კომისიის თავმჯდომარე დოდო გაბუნია, გამგეობის კულტურის, განათლების, სპორტის, ძეგლთა დაცვისა და ახალგაზრდულ საქმეთა სამსახურის უფროსი როზეტა შულაია და ხობის მუნიციპალიტეტის სკოლამდელი სააღმზრდელო გაერთიანების დირექტორი ელისო კვიკივინია მოწვეულ სტუმრებთან ერთად ესწრებოდნენ. სტუმრებმა აღსაზრდელებს, მასწავლებლებსა და მშობლებს მიულოცეს ეს ღირშესანიშნავი დღე და წარმატებები უსურვეს მათ.

ივნისი 28, 2016

ხობის მუნიციპალიტეტის პირველობა მაგიდის ჩოგბურთში

28 ივნისს, ხობის კულტურის სახლის ფოიეში სტარტი აიღო ხობის მუნიციპალიტეტის პირველობამ მაგიდის ჩოგბურთში. ტურნირი ოლიმპიური სისტემით ტარდება და მასში ადმინისტრაციული ერთეულების 32 წარმომადგენელი ღებულობს მონაწილეობას.
ტურნირის ფინალური შეხვედრები და დაჯილდოების ცერემონია 4 ივლისს გაიმართება.
სპორტული ღონისძიება ადგილობრივი ბიუჯეტის დაფინანსებით ხორციელდება, რომლის ორგანიზატორი ხობის მუნიციპალიტეტის გამგეობის კულტურის, განათლების, სპორტის, ძეგლთა დაცვისა და ახალგაზრდულ საქმეთა სამსახურია.

ივნისი 28, 2016

ხობელმა მოსწავლემ შინაგან საქმეთა სამინისტროს კონკურსში გაიმარჯვა

ხობის მუნიციპალიტეტის ახალსოფლის საჯარო სკოლის მე-11 კლასის მოსწავლე გვანცა ბარბაქაძე, საქართველოს შინაგან საქმეთა სამინისტროს საგზაო მოძრაობის უსაფრთხოების შესახებ სოციალური კამპანიის „შენი გულისთვის, შენი უსაფრთხოებისთვის“ ფარგლებში გამოცხადებული ნახატებისა და ესეების კონკურსის გამარჯვებულია.
კონკურსში გამარჯვებულ ხობელ მოსწავლეს პლანშეტური კომპიუტური გადაეცა.
შინაგან საქმეთა სამინისტრომ განათლებისა და მეცნიერების სამინისტროსთან თანამშრომლობით, მთელი ქვეყნის მასშტაბით, სკოლებში გამოაცხადა. კონკურსი თემაზე „ერთად დავიცვათ საგზაო მოძრაობის წესები, ერთმანეთის გულისთვის“.
სკოლის მოსწავლეების მიერ წარმოდგენილი 150 ესედან და 300 ნახატიდან სპეციალურმა ჟიურიმ 9 გამარჯვებული და 21 გამორჩეული ნაშრომი გამოავლინა.
შინაგან საქმეთა სამინისტრომ საგზაო მოძრაობის უსაფრთხოების შესახებ გრძელვადიანი, ფართომასშტაბიანი სოციალური კამპანია 2015 წელს დაიწყო. კამპანიის მიზანია ავტოსაგზაო შემთხვევების პრევენცია და საგზაო მოძრაობის უსაფრთხოების შესახებ საზოგადოების ცნობიერების ამაღლება.

ივნისი 27, 2016

შეხვედრა ევროპის ჩემპიონთან

27 ივნისს, ხობის მუნიციპალიტეტის განათლების ცენტრის სასპორტო სკოლის აღსაზრდელს, საქართველოს ახალგაზრდული ნაკრების წევრსა და ევროპის ჩემპიონს ნუგზარ წურწუმიას ხობის მუნიციპალიტეტის ადგილობრივი თვითმმართველობის წარმომადგენლები შეხვდნენ და ევროპის ჩემპიონატზე ღირსეული გამოსვლა მიულოცეს. ევროპის ჩემპიონმა ნ. წურწუმიამ და მწვრთნელებმა მ. ყორშიამ, ს. გვასალიამ და ბ. ბუკიამ მიღწეულ წარმატებებზე და სამომავლო გეგმებზე ისაუბრეს.

ივნისი 25, 2016

მარულა 2016 - სენაკში გაიმართა

საქართველოს პრემიერ-მინისტრი გიორგი კვირიკაშვილი სენაკში საცხენოსნო შეჯიბრს, „მარულა 2016“ დაესწრო. ღონისძიება, რომელიც სამეგრელოში არსებული საცხენოსნო ტრადიციების აღდგენას ემსახურება, სამეგრელო-ზემო სვანეთის სამხარეო ადმინისტრაციისა და სენაკის მუნიციპალიტეტის გამგეობის ორგანიზებით გაიმართა. შეჯიბრში მონაწილეობა მიიღეს ცხენოსნებმა მთელი ქვეყნის მასშტაბით.
ღონისძიებას საქართველოს მთავრობისა და პარლამენტის წევრებთან, სამეგრელო-ზემო სვანეთის გუბერნატორის თანამშრომლებთან და ადგილობრივი ხელისუფლების წარმომადგენლებთან ერთად ხობის მუნიციპალიტეტის საკრებულოს თავმჯდომარე ედიშერ ჯობავა და გამგებელი გოჩა ქაჯაია დაესწრნენ.
სენაკის იპოდრომზე, საცხენოსნო შეჯიბრებები გაიმართა ისეთ ტრადიოციულ სახეობებში როგორიცაა: მარულა, ცხენბურთი, კონკური და ისინდი.
ღონისძიების დაწყებამდე გუბერნატორმა ლევან შონიამ პრემიერ-მინისტრის იპოდრომის გარე პერიმეტრზე განთავსებული ფაცხები დათვალიერებინა, სადაც მეგრული კერძები ადგილზე მზადდებოდა. გაიმართა რეწვის ნიმუშების და სოფლის პროდუქტების გამოფენა.
ღონისძიება, „ახალგზრდობის წლის“ ფარგლებში ჩატარდა, შეგახსნებთ, რომ მიმდინარე წელი სამეგრელო-ზემო სვანეთის გუბერნატორმა ლევან შონიამ რეგიონში ახალგზრდობის წლად გამოაცხადა.

<<
<
99
100
101
102
103
104
105
106
107
108
109
110
111
112
113
114
115
116
117
118
119
120
121
122
123
124
125
126
127
128
129
...
>
>>