ხობის მუნიციპალიტეტის საკრებულო

სიახლეები

მაისი 1, 2017

ტურნირი ბერძნულ-რომაული სტილით ჭიდაობაში

28-30 აპრილს, ქალაქ ხაშურის სასპორტო სკოლის დარბაზში გაიმართა ნიკოლოზ ხვედელიძისა და ვასო ჩოჩიშვილის სახელობის მე-7 რესპუბლიკური ტურნირი ბერძნულ-რომაული სტილის ჭიდაობაში, სხვადასხვა წონით კატეგორიაში.
სპორტულ შეჯიბრებაში წარმატებით იასპარეზეს ხობის მუნიციპალიტეტის კულტურულ-საგანმანათლებლო ცენტრის სასპორტო სკოლის სპორტსმენებმა. ტურნირზე საპრიზო ადგილები შემდეგნაირად გადანაწილდა:
1. დავით გვასალია I ადგილი 38 კგ. წონითი კატეგორია
2. ლუკა ხელაია I ადგილი 32 კგ. წონითი კატეგორია
3. გოგა გაბისონია I ადგილი 53 კგ. წონითი კატეგორია
4. მიშიკო ალექსანდრია I ადგილი 35 კგ. წონითი კატეგორია
5. დავით კილასონია I ადგილი 42 კგ. წონითი კატეგორია
6. ალექსი თირქია III ადგილი 38 კგ. წონითი კატეგორია
7. მალხაზ კვარაცხელია III ადგილი 29 კგ. წონითი კატეგორია
8. ცოტნე ბუკია III ადგილი 32 კგ. წონითი კატეგორია
ხობის მუნიციპალიტეტის საკრებულო ულოცავს ხობელ სპორტსმენებს ამ გამარჯვებას და შემდგომ წარმატებებს უსურვებს მათ.

აპრილი 29, 2017

დასუფთავების აქცია ხობის მუნიციპალიტეტში

ხობის მუნიციპალიტეტში დასუფთავების აქცია გაიმართა, რომელშიც ადგილობრივი თვითმმართველობის მოსამსახურეებთან ერთად, საგანმანათლებლო რესურსცენტრის, საჯარო სკოლების, თვითმმართველობის მიერ დაფუძნებული იურიდიული პირების და საზოგადოების წარმომადგენლები მონაწილეობდნენ. ოცდაორივე ადმინისტრაციულ ერთეულში დასუფთავდა წინასწარ განსაზღვრული ადგილები. აქციას, რომელშიც სამასამდე ადამიანი მონაწილეობდა, ხობის მუნიციპალიტეტის გამგებელი გოჩა ქაჯაია შეუერთდა. დასუფთავების აქციის პარალელურად, მუნიციპალიტეტის ადმინისტრაციულ ერთეულებში, 100 ერთეული ურნის დადგმის პროცესი მიმდინარეობს, ასევე რამდენიმე დღეა ექსპლუატაციაში შევიდა და სრული დატვირთვით მუშაობს, ორი ახალი ( 7 მ3 და 13 მ3 მოცულობის) ნაგავმზიდი მანქანა. დასუფთავების აქცია მუნიციპალიტეტში პერიოდულად გაიმართება.

აპრილი 28, 2017

რაგბის ოცწლამდელთა ჩემპიონატის თასი

28 აპრილს მსოფლიო რაგბის ოცწლამდელთა ჩემპიონატის თასი, რომელიც საქართველოს რეგიონებში მოგზაურობს, ქალაქ ხობში ჩამოიტანეს. პრესტიჟულ სარაგბო ჯილდოს, სპორტსმენებთან და მწვრთნელ-მასწავლებლებთან ერთად ხობის მუნიციპალიტეტის გამგებელი გოჩა ქაჯაია და ადგილობრივი თვითმმართველობის თანამშრომლები დახვდნენ. საქართველო მსოფლიო რაგბის ოცწლამდელთა ჩემპიონატს პირველად მასპინძლობს, ის თბილისსა და ქუთაისში 31 მაისიდან 18 ივნისის ჩათვლით ჩატარდება. მსოფლიო თასის მოსაპოვებლად 12 უძლიერესი გუნდი იბრძოლებს.

აპრილი 28, 2017

საკრებულოს სხდომა

28 აპრილს, ხობის მუნიციპალიტეტის საკრებულოს სხდომათა დარბაზში გაიმართა საკრებულოს მორიგი სხდომა, რომელსაც თავმჯდომარეობდა საკრებულოს თავმჯდომარე ედიშერ ჯობავა. სხდომას ესწრებოდნენ საკრებულოსა და გამგეობის ხელმძღვანელი პირები.
სხდომაზე ცნობად იქნა მიღებული განკარგულების პროექტი ფრაქცია „მაჟორიტარების“ შექმნის შესახებ, რომლის თავმჯდომარეც გახდა საკრებულოს წევრი ვასილი კუკავა.
სხდომაზე შემდეგ საკითხად განხილულ იქნა დადგენილების პროექტი „ხობის მუნიციპალიტეტის 2017 წლის ადგილობრივი ბიუჯეტის დამტკიცების შესახებ“ ხობის მუნიციპალიტეტის საკრებულოს 2016 წლის 28 დეკემბრის №25 დადგენილებაში ცვლილების შეტანის თაობაზე“, რომლითაც განხორციელდა გამგებლის ბრძანებების საფუძველზე მუხლიდან მუხლში გადატანილი ცვლილებებისა და პირველი იანვრის მდგომარეობით არსებული ნაშთის 235.1 ათასი ლარის ბიუჯეტში ასახვა.
სხდომაზე განიხილეს პეტიციის წესით შემოსული საკითხებიც, რომელიც შეეხებოდა მუნიციპალიტეტის 5 ადმინისტრაციულ ერთეულში მოსახლეობის მხრიდან დასმული პრობლემების გადაწყვეტას. გამგეობის წინადადების საფუძველზე ამ ეტაპზე მოთხოვნა დაკმაყოფილდა ნაწილობრივ, კერძოდ: პირველი მაისისა და ნოჯიხევის ადმინისტრაციულ ერთეულებში განხორციელდება სანაგვე ურნების განთავსება და ნარჩენების გატანა და ხამისქურის ადმინისტრაციულ ერთეულში მდებარე საჯარო სკოლიდან ცენტრალურ საავტომობილო გზამდე გზის მონაკვეთის მოწყობასთან დაკავშირებით უახლოეს პერიოდში მომზადდება საპროექტო-სახარჯთაღრიცხვო დოკუმენტაცია.
საკრებულოს სხდომაზე ხობის მუნიციპალიტეტის გამგეობის შიდა აუდიტისა და კონტროლის სამსახურმა წარადგინა 2016 წლის მუშაობის შესახებ ანგარიში, რომელიც საკრებულოს წევრების მხრიდან შეფასდა დამაკმაყოფილებლად.
2016 წლის განმავლობაში გაწეული საქმიანობის შესახებ ანგარიში წარმოადგინა ხობის მუნიციპალიტეტის გამგებელმა გოჩა ქაჯაიამ, სადაც გამგებელმა დეტალურად ისაუბრა ყველა იმ პროექტებზე, რაც გასულ წელს წარმატებით განხორციელდა ადგილობრივი ხელისუფლების მხრიდან მუნიციპალიტეტის მასშტაბით, საკრებულოს მიერ გამგებლის 2016 წლის ანგარიში ერთხმად შეფასდა დადებითად.
დღის წესრიგით გათვალისწინებული საკითხების განხილვის შემდეგ საკრებულოს მორიგი სხდომა დახურულად გამოცხადდა.

აპრილი 27, 2017

შეხვედრა თემაზე-,,პეტიცია-ხალხის ხმა თვითმმართველობაში“

27 აპრილს, ზუგდიდის დემოკრატიული ჩართულობის ცენტრში, USAID-ის მხარდაჭერით მიმდინარე პროგრამის - ,,პეტიცია-ხალხის ხმა თვითმმართველობაში“ ფარგლებში, არასამთავრობო ორგანიზაციების, სამეგრელო-ზემო სვანეთის რეგიონში შემავალი მუნიციპალიტეტების წარმომადგენლობითი და აღმასრულებელი ორგანოების წარმომადგენელების მონაწილეობით სამუშაო ხასიათის შეხვედრა გაიმართა. შეხვედრას ხობის მუნიციპალიტეტის გამგებლის პირველი მოადგილე ვარაზ გაბედავა და საკრებულოს აპარატის უფროსი ლელა შამათავა ესწრებოდნენ. შეხვედრის მონაწილეებმა, პროექტის ფარგლებში ბოლო ერთი წლის განმავლობაში პეტიციის წესით ინიცირებული საკითხები განიხილეს და პეტიციის წესით ადგილობრივი თვითმმართველობის კომპეტენციას მიკუთვნებული საკითხების გადაწყვეტასთან დაკავშირებულ სხვადასხვა საკითხზე იმსჯელეს. დასავლეთ საქართველოს მასშტაბით პროექტში- ,,პეტიცია-ხალხის ხმა თვითმმართველობაში“ ერთი წლის განმავლობაში 2 848 მოქალაქე ჩაერთო. 20 მუნიციპალიტეტში 192 შეხვედრა გაიმართა, სადაც პროექტის განმახორციელებელი კოალიციური გუნდის-დემოკრატიის ინსტიტუტის, ასოციაცია ,,ათინათის,“ საქველმოქმედო ცენტრ ,,თანაზიარის“ და გურიის ,,ახალგაზრდული რესურსცენტრის“ წარმომადგენლები ხვდებოდნენ მოსახლეობას, იკვლევდნენ პრობლემებს და ავლენდნენ აქტიურ მოქალაქეებს. აქტიური მოქალაქეების ინიციატივით ბოლო 1 წლის განმავლობაში აჭარის, გურიის და სამეგრელო-ზემო სვანეთის ყველა მუნიციპალიტეტის საკრებულოში საინიციატივო ჯგუფმა 90 პეტიცია წარადგინა.

აპრილი 27, 2017

სპორტული ფესტივალი

საქართველოს სპორტისა და ახალგაზრდობის საქმეთა სამინისტროს სსიპ „ბავშვთა და ახალგაზრდობის ეროვნული ცენტრის“ ორგანიზებით ქალაქ ხობში ხორციელდება სპორტული ფესტივალი, სპორტის შემდეგ სახეობებში; ჭადრაკი, საბავშვო ქუჩის კალათბურთი და სპრინტი 60 მეტრზე.
სპორტულ ღონისძიებაში გამარჯვებული სპორტსმენები საქართველოს 12 რეგიონიდან 8 დღით გაემგზავრებიან ანაკლიაში „მომავლის ბანაკში“ , სადაც გამოვლინდება საქართველოს ჩემპიონი.
27 აპრილს, ფესტივალის ფარგლებში მუნიციპალიტეტის მოსწავლეებს შორის გაიმართა საჭადრაკო ტურნირი, სადაც ფინალურ შეხვედრაში ვაჟებში გამარჯვება მოიპოვა ნიკოლოზ შონიამ, ხოლო გოგონათა შორის სესილი სიჭინავამ.
გამარჯვებულებს მაჟორიტარი პარლამენტის წევრის ირაკლი (დაჩი) ბერაიას ბიუროსგან სამახსოვრო პრიზები გადაეცათ.

აპრილი 27, 2017

განცხადება ხობის მუნიციპალიტეტის საკრებულოს მორიგი სხდომის შესახებ

ხობის მუნიციპალიტეტის საკრებულოს მორიგი სხდომა გაიმართება 2017 წლის 28 აპრილს 11:00 საათზე საკრებულოს სხდომათა დარბაზში.
სხდომის დღის წესრიგი:
1. „ფრაქცია „მაჟორიტარების“ შექმნის შესახებ“ განკარგულების პროექტის განხილვა;
(მომხსენებელი: ნ. შუშანია - ხობის მუნიციპალიტეტის საკრებულოს სამანდატო - საპროცედურო საკითხთა კომისიის თავმჯდომარე);

2. „ხობის მუნიციპალიტეტის 2017 წლის ადგილობრივი ბიუჯეტის დამტკიცების შესახებ“ ხობის მუნიციპალიტეტის საკრებულოს 2016 წლის 28 დეკემბრის №25 დადგენილებაში ცვლილების შეტანის თაობაზე“ დადგენილების პროექტის განხილვა;
(მომხსენებელი: გ. ქაჯაია - ხობის მუნიციპალიტეტის გამგებელი;
თანამომხსენებელი: დ. ჭოჭუა - - ხობის მუნიციპალიტეტის გამგეობის
საფინანსო - საბიუჯეტო სამსახურის უფროსი);

3. პეტიციის წესით შემოსული საკითხების გადაწყვეტის შესახებ;
(მომხსენებელი: ტ. ალექსანდრია - ხობის მუნიციპალიტეტის საკრებულოს
საფინანსო - სარევიზიო კომისიის თავმჯდომარე);
თანამომხსენებელი: ზ. ბუკია - ხობის მუნიციპალიტეტის გამგეობის ინფრასტრუქტურის, ურბანული განვითარებისა და არქიტექტურის
სამსახურის უფროსი);

4. „ხობის მუნიციპალიტეტის გამგეობის შიდა აუდიტისა და კონტროლის სამსახურის 2016 წლის ანგარიშის მოსმენის თაობაზე“;
(მომხსენებელი: მ. ნაჭყებია - ხობის მუნიციპალიტეტის გამგეობის შიდა 00აუდიტისა და კონტროლის სამსახურის უფროსი);

5. ხობის მუნიციპალიტეტის გამგებლის 2016 წლის ანგარიშის მოსმენა;
(მომხსენებელი: გ. ქაჯაია - ხობის მუნიციპალიტეტის გამგებელი).

აპრილი 27, 2017

ბიუროს სხდომა

27 აპრილს გაიმართა ხობის მუნიციპალიტეტის საკრებულოს ბიუროს სხდომა, სადაც განხილულ იქნა შემდეგი საკითხები:

1. ხობის მუნიციპალიტეტის გამგეობის შიდა აუდიტისა და კონტროლის სამსახურის უფროსის მ. ნაჭყებიას 2017 წლის 24 მარტის N11/1061 წერილის განხილვა („ხობის მუნიციპალიტეტის გამგეობის შიდა აუდიტისა და კონტროლის სამსახურის 2016 წლის ანგარიშის მოსმენის თაობაზე“);
(მომხსენებელი: ტ. ალექსანდრია - ხობის მუნიციპალიტეტის საკრებულოს
საფინანსო - სარევიზიო კომისიის თავმჯდომარე);

2. ხობის მუნიციპალიტეტის გამგებლის გ. ქაჯაიას 2017 წლის 27 მარტის N03/1073 წერილის განხილვა („ხობის მუნიციპალიტეტის გამგებლის 2016 წლის ანგარიშის მოსმენის თაობაზე“);
(მომხსენებელი: ნ. შუშანია - ხობის მუნიციპალიტეტის საკრებულოს სამანდატო - საპროცედურო საკითხთა კომისიის თავმჯდომარე);

3. ხობის მუნიციპალიტეტის საკრებულოს ფრაქცია „ერთიანი ნაციონალური მოძრაობის“ თავმჯდომარის თ. გულუას 2017 წლის 6 აპრილის N27/12 განცხადების განხილვა („ფრაქციის წევრის რ. სერგიას მიერ ფრაქციის დატოვების თაობაზე“);
(მომხსენებელი: ნ. შუშანია - ხობის მუნიციპალიტეტის საკრებულოს სამანდატო - საპროცედურო საკითხთა კომისიის თავმჯდომარე);

4. ხობის მუნიციპალიტეტის გამგებლის გ. ქაჯაიას 2017 წლის 24 აპრილის N04/1518 და 2017 წლის 24 აპრილის N04/1525 წერილების განხილვა („ხობის მუნიციპალიტეტის 2017 წლის ადგილობრივი ბიუჯეტის დამტკიცების შესახებ“ ხობის მუნიციპალიტეტის საკრებულოს 2016 წლის 28 დეკემბრის №25 დადგენილებაში ცვლილების შეტანის თაობაზე“ დადგენილების პროექტის შესახებ);
(მომხსენებელი: ტ. ალექსანდრია - ხობის მუნიციპალიტეტის საკრებულოს
საფინანსო - სარევიზიო კომისიის თავმჯდომარე);

5. ხობის მუნიციპალიტეტის საკრებულოს ფრაქცია „მაჟორიტარების“ თავმჯდომარის ვ. კუკავას 2017 წლის 24 აპრილის N183 განცხადების განხილვა (ფრაქცია „მაჟორიტარების“ შექმნის შესახებ);
(მომხსენებელი: ნ. შუშანია - ხობის მუნიციპალიტეტის საკრებულოს სამანდატო - საპროცედურო საკითხთა კომისიის თავმჯდომარე);

აპრილი 26, 2017

კომისიებმა გამგეობის სამსახურების ანგარიშები მოისმინეს

24-25 აპრილს, ხობის მუნიციპალიტეტის საკრებულოს სხდომათა დარბაზში საკრებულოს კომისიების მხრიდან გაიმართა გამგეობის სამსახურების მიერ 2016 წელს გაწეული საქმიანობის შესახებ ანგარიშების მოსმენა.
ხობის მუნიციპალიტეტის გამგეობის ეკონომიკური განვითარებისა და პროგრამების მართვის სამსახურმა ერთწლიანი მუშაობის ანგარიში წარუდგინა შესაბამის კომისიას და ბიუროს წევრებს, სადაც ისაუბრეს სამსახურის მიერ გაწეულ საქმიანობაზე და განხორციელებულ პროექტებზე. კომისიის წევრების მხრიდან სამსახურის მიმართ გაიცა გარკვეული რეკომენდაციები და სამსახურის მუშაობა შეფასდა დამაკმაყოფილებლად.
ანგარიში წარადგინა ადმინისტრაციულმა სამსახურმაც, სამსახურის ხელმძღვანელმა და მის დაქვემდებარებაში მყოფმა განყოფილების ხელმძღვანელებმა ისაუბრეს წლის განმავლობაში გაწეულ საქმიანობაზე. კომისიის წევრების მიერ ადმინისტრაციულ სამსახურზეც გაიცა რეკომენდაცია საკრებულოს სხდომებზე განსახილველი საკითხების დროულად წარმოდგენის თაობაზე და სამსახურის მუშაობა შეფასდა დადებითად.
საკრებულოს კომისიისა და ბიუროს წევრების მიერ ასევე მოსმენილ იქნა გამგეობის შიდა აუდიტისა და კონტროლის სამსახურის ანგარიში, ძირითადად საუბარი შეეხო საჯარო სამსახურში საჯარო მოხელეთა და ადგილობრივი თვითმმართველობის იურიდიულ პირებში დასაქმებული პირების მხრიდან სამსახურებში დროულად გამოცხადებასა და სისტემატურ გაცდენებს და სამსახურს მიეცა რეკომენდაცია მსგავსი სახის გადაცდომების აღკვეთის მიზნით შესაბამისი რეაგირების შესახებ. საბოლოოდ გამგეობის შიდა აუდიტისა და კონტროლის სამსახურის მუშაობა კომისიის მიერ დამაკმაყოფილებლად შეფასდა.
გამგეობის საფინანსო-საბიუჯეტო სამსახურის, წვევამდელთა, რეზერვისტთა, სამხედრო აღრიცხვის, გაწვევის და მობილიზაციის სამსახურის, შრომის, საზოგადოებრივი ჯანმრთელობისა და სოციალური დაცვის, ვეტერანთა, ლტოლვილთა და იძულებით გადაადგილებულ პირთა სამსახურის, გამგეობის ინფრასტრუქტურის, ურბანული განვითარებისა და არქიტექტურის სამსახურისა და გამგეობის კულტურის, განათლების, სპორტის, ძეგლთა დაცვისა და ახალგაზრდულ საქმეთა სამსახურების მიერ გაწეული მუშაობის ანგარიში შეფასდა დადებითად.

აპრილი 25, 2017

იძულებით გადაადგილებულ პირთა კლინიკა გაიხსნა

25 აპრილს, აფხაზეთის ავტონომიური რესპუბლიკის ჯანმრთელობისა და სოციალური დაცვის მინისტრმა ქეთევან ბაკარაძემ, ხობის მუნიციპალიტეტის საკრებულოს თავმჯდომარემ ედიშერ ჯობავამ და გამგებელმა გოჩა ქაჯაიამ ქალაქ ხობში შ.პ.ს „აფხაზეთიდან იძულებით გადაადგილებულ პირთა ხობის პოლიკლინიკა“ გახსნეს.

აპრილი 25, 2017

ბერძნულ-რომაული სტილით მოჭიდავეთა წარმატება

მარტყოფში, ქვემო ქართლის თავისუფალი და ბერძნულ-რომაული ჭიდაობის რეგიონალური ფედერაციის პრეზიდენტის თამაზ გველუკაშვილის სახელობის ტურნირი გაიმართა. ღია პირველობაში ა(ა)იპ ,,ხობის მუნიციპალიტეტის კულტურულ-საგანმანათლებლო ცენტრის“ სასპორტო სკოლის ცხრა სპორტსმენი (ბერძნულ-რომაული სტილით მოჭიდავე) მონაწილეობდა, შვიდმა მათგანმა (მწვრთნელები: ბაკურ ბუკია, ალმასხან ხუნჯუა) საპრიზო ადგილი დაიკავა. I - ადგილი მიშიკო ალექსანდრია 35 კგ. წონითი კატეგორია; I - ადგილი ირაკლი ნაკაშია 58 კგ. წონითი კატეგორია; I - ადგილი გოგა პერტახია 63 კგ. წონითი კატეგორია; I - ადგილი კოტე სიჭინავა 73 კგ. წონითი კატეგორია; II - ადგილი თემურ გოგოხია 76 კგ. წონითი კატეგორია; III - ადგილი გიორგი აგუმავა 47 კგ. წონითი კატეგორია; III - ადგილი კორნელი კონჯარია 58 კგ. წონითი კატეგორია. პრიზიორები თასებით, მედლებითა და დიპლომებით დაჯილდოვდნენ, ხოლო პირველი ადგილის მფლობელებს და მათ მწვრთნელებს ფულადი ჯილდო გადაეცათ.

აპრილი 24, 2017

გოგა ბერაიას სახელობის ტურნირი

24 აპრილს, პირველი ხორგის ადმინისტრაციულ ერთეულში დასრულდა 2008 წელს აგვისტოს ომის დროს ტრაგიკულად დაღუპული რეზერვისტის, გოგა ბერაიას სახელობის ტრადიციული რიგით მერვე გათამაშება მინი ფეხბურთში.
სპორტულ ღონისძიებაში ექვსმა გუნდმა მიიღო მონაწილეობა, ფინალურ შეხვედრაში ერთმანეთს ხობისა და ხეთის საფეხბურთო გუნდები დაუპირისპირდნენ, სადაც გამარჯვება ხობის გუნდმა მოიპოვა.
ტურნირს გოგა ბერაიას ოჯახის წევრებთან ერთად ადგილობრივი ხელისუფლების წარმომადგენლები ესწრებოდნენ. გამარჯვებულებს სამახსოვრო თასები და სიგელები გადაეცათ.

აპრილი 24, 2017

მიმდინარეობს დაზიანებული ელექტროგადამცემი ქსელის აღდგენა

ხობის მუნიციპალიტეტში ძლიერი ქარის გამო დაზიანდა ელექტროგადამცემი ხაზები, მიმდინარეობს დაზიანებული ქსელის აღდგენა, რომელსაც აქტიურად ენერგო პრო ჯორჯიას ჯგუფი ახორციელებს.
მიმდინარე სარემონტო სამუშაოები ხობის მუნიციპალიტეტის საკრებულოს თავმჯდომარემ ედიშერ ჯობავამ, საკრებულოს საფინანსო-სარევიზიო კომისიის თავმჯდომარემ ტარიელ ალექსანდრიამ და საკრებულოს ეკონომიკური განვითარების საკითხთა კომისიის თავმჯდომარემ გოჩა სიჭინავამ დაათვალიერეს.

აპრილი 19, 2017

გოგა ბერაიას სახელობის თასის გათამაშება მინი ფეხბურთში

19 აპრილს, პირველი ხორგის ადმინისტრაციულ ერთეულში სტარტი აიღო 2008 წელს აგვისტოს ომის დროს ტრაგიკულად დაღუპული რეზერვისტის, გოგა ბერაიას სახელობის ტრადიციულმა რიგით მერვე გათამაშებამ მინი ფეხბურთში.
შეჯიბრში ექვსი გუნდი მონაწილეობს.
სპორტული ღონისძიების გახსნის ცერემონიას ადგილობრივი ხელისუფლების წარმომადგენლები ესწრებოდნენ.

აპრილი 16, 2017

სააღდგომო წირვა-ლოცვა და ღვთიური ცეცხლის ჩამობრძანება

16 აპრილს, აღდგომის ბრწყინვლე დღესასწაულის დადგომასთან დაკავშირებით ხობის მუნიციპალიტეტის ეკლესია-მონასტრებში ჩატარდა ღამისთევით სააღდგომო ლიტურგია, წირვის დასასრულს ადგილობრივი ხელისუფლების წარმომადგენლებმა ღვთიური ცეცხლის ჩამობრძანებით მრევლს მიულოცეს აღდგომის ბრწყინვალე დღესასწაული

<<
<
88
89
90
91
92
93
94
95
96
97
98
99
100
101
102
103
104
105
106
107
108
109
110
111
112
113
114
115
116
117
118
...
>
>>