ხობის მუნიციპალიტეტის საკრებულო

სიახლეები

აპრილი 4, 2017

გარემოზე ზემოქმედების შეფასების ანგარიშის განხილვა

4 აპრილს, ხობის მუნიციპალიტეტის გამგეობის სააქტო დარბაზში, სახიფათო ნარჩენების საწვავი ღუმელის (ინსინერატორის) მოწყობის და ექსპლუატაციის პროექტის გარემოზე ზემოქმედების შეფასების ანგარიშის საჯარო განხილვა გაიმართა. პროექტი, პირველი მაისის ადმინისტრაციულ ერთეულში სახიფათო ნარჩენების მოწყობა-ექსპლუატაციას ითვალისწინებს. გარემოზე ზემოქმედების შეფასების ანგარიში დამსწრე საზოგადოებას შპს „ეკომედის“ დირექტორმა კახაბერ ხუბუამ წარუდგინა. შეხვედრას ხობის მუნიციპალიტეტის საკრებულოს თავმჯდომარე ედიშერ ჯობავა ადგილობრივი თვითმმართველობის ხელმძღვანელ პირებთან ერთად დაესწრო. დაინტერესებულ პირებს, საკუთარი მოსაზრების და შენიშვნების მიწოდება ორგანიზაციის წარმომადგენლებისთვის (9599158999; ecomedltd@yahoo.com) მიმდინარე წლის 11 აპრილამდე შეუძლიათ.

აპრილი 1, 2017

მელორი ზაქარაიას სახელობის თასის გათამაშება დასრულდა

1 აპრილს, ქალაქ ხობის ცენტრალურ სტადიონზე დასრულდა ვეტერანი ფეხბურთელის მელორი ზაქარაიას სახელობის თასის გათამაშება ფეხბურთში გოგონათა შორის.
ფინალურ შეხვედრაში ერთმანეთს ხობისა და ქუთაისის ფეხბურთელთა გუნდები დაუპირისპირდნენ, სადაც გამარჯვება ხობის გოგონათა გუნდმა მოიპოვა.
სპორტულ ღონისძიებას ვეტერანი ფეხბურთელის ოჯახის წევრებთან ერთად ხობის მუნიციპალიტეტის საკრებულოს თავმჯდომარე ედიშერ ჯობავა, გამგებელი გოჩა ქაჯაია, გამგებლის პირველი მოადგილე ვარაზ გაბედავა და საკრებულოს ფრაქცია „ქართული ოცნება-დემოკრატიული საქართველოს“ თავმჯდომარე ლევან ქავთარაძე ესწრებოდნენ.
გამარჯვებულები თასებითა და სამახსოვრო სიგელებით დაჯილდოვდნენ.

მარტი 31, 2017

ინსტიტუციური მექანიზმები მუნიციპალიტეტებში

31 მარტს ქ. ბათუმში გაიმართა კონფერენცია თემაზე, ,,ადგილობრივ თვითმმართველობაში გენდერული თანასწორობის ინსტიტუციური მექანიზმების დანერგვა’’. კონფერენციაში მონაწილეობას იღებდნენ საქართველოს სხვა და სხვა ქალაქისა და მუნიციპალიტეტის წარმომადგენლები და ხელმძღვანელი პირები, მოწვეულ სტუმრებს შორის იყვნენ ხობის მუნიციპალიტეტის საკრებულოს თავჯდომარე ედიშერ ჯობავა და მუნიციპალიტეტის გამგებელი გოჩა ქაჯაია. საუბარი შეეხო გენდერული თანასწორობის სტრატეგიას, ამ მიმართულებით ჩატარებულ თუ ჩასატარებელ ღონისძიებებს.
კონფერენცია გახსნა ქ. ბათუმის მერმა გიორგი ერმაკოვმა, ქალთა საინფორმაციო ცენტრის დირექტორმა ელენე რუსეცკაიამ და გაეროს განვითარების პროგრამის პროექტის მენეჯერმა მაკა მეშველიანმა.
შეხვედრა ორგანიზებული იყო ქალთა საინფორმაციო ცენტრის მიერ, გაეროს განვითარების პროგრამის (UNDP) და შვედეთის მთავრობის ხელშეწყობით, გაეროს ერთობლივი პროექტის „გენდერული თანასწორობისთვის“ ფარგლებში.

მარტი 31, 2017

მელორი ზაქარაიას სახელობის თასის გათამაშება ფეხბურთში

31 მარტს, ქალაქ ხობის ცენტრალურ სტადიონზე სტარტი აიღო ვეტერანი ფეხბურთელის მელორი ზაქარაიას სახელობის თასის გათამაშებამ ფეხბურთში გოგონათა შორის.
სპორტულ ღონისძიებაში გოგონათა ექვსი გუნდი მონაწილეობს.
საფეხბურთო ტურნირის დასკვნითი შეხვედრები 1 აპრილს ქ. ხობის ცენტრალურ სტადიონზე გაიმართება.

მარტი 31, 2017

31 მარტი საქართველოს პირველი პრეზიდენტის ზვიად გამსახურდიას დაბადების დღეა

1991 წლის 31 მარტს ჩატარდა საერთო-სახალხო კენჭისყრა-რეფერენდუმი საქართველოს დამოუკიდებლობის შესახებ.

მარტი 29, 2017

ასეთი ლამაზია გაზაფხულზე ხობი

მარტი 28, 2017

საკრებულოს სხდომა

28 მარტს, ხობის მუნიციპალიტეტის საკრებულოს სხდომათა დარბაზში გაიმართა საკრებულოს მორიგი სხდომა, რომელსაც თავმჯდომარეობდა საკრებულოს თავმჯდომარე ედიშერ ჯობავა. სხდომას ესწრებოდნენ საკრებულოსა და გამგეობის ხელმძღვანელი პირები. დღის წესრიგით გათვალისწინებული საკითხების განხილვამდე საკრებულოს თავმჯდომარემ ე. ჯობავამ უვიზო რეჟიმის ამოქმედებასთან დაკავშირებით საკრებულოს წევრებს და დამსწრე საზოგადოებას მიულოცა ქვეყნისთვის მნიშვნელოვანი და ისტორიული დღე. რის შემდეგაც სხდომაზე განხილულ იქნა დღის წესრიგით გათვალისწინებული შემდეგი საკითხები: განკარგულების პროექტი „ჯემალი ნადარაიასთვის საკრებულოს წევრის უფლებამოსილების ვადამდე შეწყვეტის შესახებ“, ჯ. ნადარაიას ვადამდე საკრებულოს წევრის უფლებამოსილება შეუწყდა მისი გარდაცვალების გამო, უფლებამოსილების ვადამდე შეწყვეტის გამო გაუქმდა საკრებულოს ფრაქცია „ხობი“. სხდომაზე მიღებულ იქნა დადგენილების პროექტი „ქალაქ ხობში ავტოსატრანსპორტო საშუალებების მოძრაობის რეგულირებისა და საგზაო ნიშნების განთავსების შესახებ“ ხობის მუნიციპალიტეტის საკრებულოს 2016 წლის 5 აგვისტოს №21 დადგენილებაში ცვლილების შეტანის შესახებ“, რომლის საფუძველზეც გათვალისწინებულია ქალაქ ხობის ტერიტორიაზე სხვადასხვა საგზაო ნიშნების განთავსება, რაც ხელს შეუწყობს მოქალაქეთა უსაფრთხო გადაადგილებას ქალაქის ტერიტორიაზე. საკრებულოს სხდომაზე დამტიცდა ასევე ხობის მუნიციპალიტეტის 2016 წლის ადგილობრივი ბიუჯეტის შესრულების წლიური ანგარიში. განკარგულების პროექტით „საწვავისა და სატელეფონო მომსახურების ხარჯების ლიმიტის განსაზღვრის შესახებ“ ხობის მუნიციპალიტეტის საკრებულოს 2014 წლის 28 ივლისის N53 განკარგულებაში ცვლილების შეტანის თაობაზე“ ხობის მუნიციპალიტეტის გამგებელს ბაზარზე არსებული ფასებისა და საბიუჯეტო რესურსების გათვალისწინებით შეუმცირდა მისთვის დამტკიცებული საწვავის ლიმიტი 100 ლიტრის ოდენობით. დღის წესრიგით გათვალისწინებული საკითხის განხილვის შემდეგ საკრებულოს მორიგი სხდომა დახურულად გამოცხადდა.

მარტი 27, 2017

განცხადება ხობის მუნიციპალიტეტის საკრებულოს მორიგი სხდომის შესახებ

ობის მუნიციპალიტეტის საკრებულოს მორიგი სხდომა გაიმართება 2017 წლის 28 მარტს 12:00 საათზე საკრებულოს სხდომათა დარბაზში.
სხდომის დღის წესრიგი:

1. „ჯემალი ნადარაიასთვის საკრებულოს წევრის უფლებამოსილების ვადამდე შეწყვეტის შესახებ“ განკარგულების პროექტის განხილვა;
(მომხსენებელი: თ. აბაკელია - ხობის მუნიციპალიტეტის საკრებულოს
სამანდატო - საპროცედურო საკითხთა კომისიის წევრი);

2. „ხობის მუნიციპალიტეტის საკრებულოს საფინანსო-სარევიზიო კომისიის შემადგენლობის დამტკიცების შესახებ“ ხობის მუნიციპალიტეტის საკრებულოს 2014 წლის 16 ივლისის N47 განკარგულებაში ცვლილების შეტანის თაობაზე“ განკარგულების პროექტის განხილვა;
(მომხსენებელი: თ. აბაკელია - ხობის მუნიციპალიტეტის საკრებულოს
სამანდატო - საპროცედურო საკითხთა კომისიის წევრი);

3. „ხობის მუნიციპალიტეტის საკრებულოს სოციალურ საკითხთა კომისიის შემადგენლობის დამტკიცების შესახებ“ ხობის მუნიციპალიტეტის საკრებულოს 2014 წლის 16 ივლისის N49 განკარგულებაში ცვლილების შეტანის თაობაზე“ განკარგულების პროექტის განხილვა;
(მომხსენებელი: თ. აბაკელია - ხობის მუნიციპალიტეტის საკრებულოს
სამანდატო - საპროცედურო საკითხთა კომისიის წევრი);

4. „ფრაქცია „ხობის“ რეგისტრაციის გაუქმების შესახებ“ განკარგულების პროექტის განხილვა;
(მომხსენებელი: ნ. შუშანია - ხობის მუნიციპალიტეტის საკრებულოს
სამანდატო - საპროცედურო საკითხთა კომისიის თავმჯდომარე);

5. „ხობის მუნიციპალიტეტის ტერიტორიაზე სახელმწიფო და ხობის მუნიციპალიტეტის საკუთრებაში არსებული არასასოფლო-სამეურნეო დანიშნულების მიწის ნორმატიული ფასის დადგენის შესახებ“ ხობის მუნიციპალიტეტის საკრებულოს 2017 წლის 27 თებერვლის N5 დადგენილებაში ცვლილების შეტანის თაობაზე“ დადგენილების პროექტის განხილვა;
(მომხსენებელი: ლაშა ცატავა - ხობის მუნიციპალიტეტის საკრებულოს იურიდიულ საკითხთა და ადამიანის უფლებათა დაცვის კომისიის თავმჯდომარე);

6. „ქალაქ ხობში ავტოსატრანსპორტო საშუალებების მოძრაობის რეგულირებისა და საგზაო ნიშნების განთავსების შესახებ“ ხობის მუნიციპალიტეტის საკრებულოს 2016 წლის 5 აგვისტოს №21 დადგენილებაში ცვლილების შეტანის შესახებ“ დადგენილების პროექტის განხილვა;
(მომხსენებელი: გ. ქაჯაია - ხობის მუნიციპალიტეტის გამგებელი;
თანამომხსენებელი: ზ. ბუკია - ხობის მუნიციპალიტეტის გამგეობის ინფრასტრუქტურის, ურბანული განვითარებისა და არქიტექტურის
სამსახურის უფროსი);
7. „ხობის მუნიციპალიტეტის 2016 წლის ადგილობრივი ბიუჯეტის შესრულების წლიური ანგარიშის დამტკიცების თაობაზე“ განკარგულების პროექტის განხილვა;
(მომხსენებელი: გ. ქაჯაია - ხობის მუნიციპალიტეტის გამგებელი;
თანამომხსენებელი: დ. ჭოჭუა - - ხობის მუნიციპალიტეტის გამგეობის
საფინანსო - საბიუჯეტო სამსახურის უფროსი);

8. „ხობის მუნიციპალიტეტის გამგებლისათვის ხობის მუნიციპალიტეტის საკუთრებაში არსებული ქონების სარგებლობის უფლებით გადაცემაზე თანხმობის მიცემის შესახებ“ ხობის მუნიციპალიტეტის საკრებულოს 2017 წლის 27 თებერვლის N8 განკარგულებაში ცვლილების შეტანის შესახებ“ განკარგულების პროექტის განხილვა;
(მომხსენებელი: გ. ქაჯაია - ხობის მუნიციპალიტეტის გამგებელი;
თანამომხსენებელი: ა. ვარდია - ხობის მუნიციპალიტეტის გამგეობის ეკონომიკური განვითარებისა და პროგრამების მართვის სამსახურის უფროსი);

9. „ხობის მუნიციპალიტეტის გამგებლისათვის ხობის მუნიციპალიტეტის საკუთრებაში არსებული ქონების სარგებლობის უფლებით გადაცემაზე თანხმობის მიცემის შესახებ“ განკარგულების პროექტის განხილვა;
(მომხსენებელი: გ. ქაჯაია - ხობის მუნიციპალიტეტის გამგებელი;
თანამომხსენებელი: ა. ვარდია - ხობის მუნიციპალიტეტის გამგეობის ეკონომიკური განვითარებისა და პროგრამების მართვის სამსახურის უფროსი);

10. „საწვავისა და სატელეფონო მომსახურების ხარჯების ლიმიტის განსაზღვრის შესახებ“ ხობის მუნიციპალიტეტის საკრებულოს 2014 წლის 28 ივლისის №53 განკარგულებაში ცვლილების შეტანის თაობაზე“ განკარგულების პროექტის განხილვა;
(მომხსენებელი: გ. ქაჯაია - ხობის მუნიციპალიტეტის გამგებელი;
თანამომხსენებელი: ზ. ბუკია - ხობის მუნიციპალიტეტის გამგეობის ადმინისტრაციული სამსახურის უფროსი);

მარტი 27, 2017

ბიუროს სხდომა

27 მარტს გაიმართა ხობის მუნიციპალიტეტის საკრებულოს ბიუროს სხდომა, სადაც განხილულ იქნა შემდეგი საკითხები: 1. ხობის მუნიციპალიტეტის გამგებლის გ. ქაჯაიას 2017 წლის 20 მარტის N03/940 წერილის განხილვა („საწვავისა და სატელეფონო მომსახურების ხარჯების ლიმიტის განსაზღვრის შესახებ“ ხობის მუნიციპალიტეტის საკრებულოს 2014 წლის 28 ივლისის №53 განკარგულებაში ცვლილების შეტანის თაობაზე“ განკარგულების პროექტის შესახებ); (მომხსენებელი: ტ. ალექსანდრია - ხობის მუნიციპალიტეტის საკრებულოს საფინანსო - სარევიზიო კომისიის თავმჯდომარე); 2. ხობის მუნიციპალიტეტის გამგებლის გ. ქაჯაიას 2017 წლის 20 მარტის N05/941 წერილის განხილვა: • „ხობის მუნიციპალიტეტის გამგებლისათვის ხობის მუნიციპალიტეტის საკუთრებაში არსებული ქონების სარგებლობის უფლებით გადაცემაზე თანხმობის მიცემის შესახებ“ ხობის მუნიციპალიტეტის საკრებულოს 2017 წლის 27 თებერვლის N8 განკარგულებაში ცვლილების შეტანის შესახებ“ განკარგულების პროექტის თაობაზე; • „ხობის მუნიციპალიტეტის გამგებლისათვის ხობის მუნიციპალიტეტის საკუთრებაში არსებული ქონების სარგებლობის უფლებით გადაცემაზე თანხმობის მიცემის შესახებ“ განკარგულების პროექტის თაობაზე; (მომხსენებელი: გ. სიჭინავა - ხობის მუნიციპალიტეტის საკრებულოს ეკონომიკური განვითარების საკითხთა კომისიის თავმჯდომარე); 3. ხობის მუნიციპალიტეტის საკრებულოს იურიდიულ საკითხთა და ადამიანის უფლებათა დაცვის კომისიის თავმჯდომარის ლ. ცატავას 2017 წლის 24 მარტის 21/08 განცხადების განხილვა („ხობის მუნიციპალიტეტის ტერიტორიაზე სახელმწიფო და ხობის მუნიციპალიტეტის საკუთრებაში არსებული არასასოფლო-სამეურნეო დანიშნულების მიწის ნორმატიული ფასის დადგენის შესახებ“ ხობის მუნიციპალიტეტის საკრებულოს 2017 წლის 27 თებერვლის N5 დადგენილებაში ცვლილების შეტანის თაობაზე“ დადგენილების პროექტის შესახებ); (მომხსენებელი: ლაშა ცატავა - ხობის მუნიციპალიტეტის საკრებულოს იურიდიულ საკითხთა და ადამიანის უფლებათა დაცვის კომისიის 4. ხობის მუნიციპალიტეტის გამგებლის მოვალეობის შემსრულებლის ვ. გაბედავას 2017 წლის 24 მარტის N06/1066 წერილის განხილვა („ქალაქ ხობში ავტოსატრანსპორტო საშუალებების მოძრაობის რეგულირებისა და საგზაო ნიშნების განთავსების შესახებ“ ხობის მუნიციპალიტეტის საკრებულოს 2016 წლის 5 აგვისტოს №21 დადგენილებაში ცვლილების შეტანის შესახებ“ დადგენილების პროექტის თაობაზე); (მომხსენებელი: გ. სიჭინავა - ხობის მუნიციპალიტეტის საკრებულოს ეკონომიკური განვითარების საკითხთა კომისიის თავმჯდომარე);

მარტი 27, 2017

„ც“ ჰეპატიტის უფასო სკრინინგი

ხობის მუნიციპალიტეტის საზოგადოებრივი ჯანდაცვის ცენტრის ორგანიზებით 27 მარტს ხობის მუნიციპალიტეტის ადმინისტრაციულ შენობაში ჩატარდა უფასო სკრინინგი „ც“ ჰეპატიტზე, პროექტი მომავალშიც გაგრძელდება.

მარტი 27, 2017

ხობელ სპორტსმენთა წარმატება საქართველოს პირველობაზე

გურჯაანის სპორტ-კომპლექსში მიმდინარეობს ჭაბუკთა (schoolboy) შორის საქართველოს ჩემპიონატი ბერძნულ-რომაულ ჭიდაობაში. შეჯიბრების პირველ დღეს ბერძნულ-რომაული სტილით მოჭიდავეთა 10 წონითი კატეგორიის ფალავნებმა გამოავლინეს ჩემპიონ-პრიზიორები. საქართველოს პირველობაზე წარმატებით იასპარეზეს ა(ა)იპ „ხობის მუნიციპალიტეტის კულტურულ-საგანმანათლებლო ცენტრის“ სასპორტო სკოლის ბერძნულ-რომაული სტილით მოჭიდავეებმა: დავით გვასალია (35 კგ. წონითი კატეგორია) – I ადგილი, კოტე სიჭინავა (73 კგ. წონითი კატეგორია) - I ადგილი, გიორგი აგუმავა (47 კგ. წონითი კატეგორია ) - I I I ადგილი. გამარჯვებულებს და საპრიზო ადგილზე გასულ სპორტსმენებს თასები, მედლები და სიგელები გადაეცათ. ხობის მუნიციპალიტეტის საკრებულო ულოცავს ხობელ სპორტცმენებს ამ გამარჯვებას და შემდგომ წარმატებებს უსურვებს მათ.

მარტი 21, 2017

„მეგობრები არ ითვლიან ქრომოსომებს“

ხობის მუნიციპალიტეტის კულტურულ-საგანმანათლებლო საზოგადოებრივი ცენტრის ორგანიზებით 21 მარტს, დაუნის სინდრომის საერთაშორისო დღესთან დაკავშირებით გაიმართა აქცია „მეგობრები არ ითვლიან ქრომოსომებს“, რომელსაც ხობის მუნიციპალიტეტის საკრებულოს თავმჯდომარე ედიშერ ჯობავა ბიუროს წევრებთან ერთად შეუერთდა.

მარტი 21, 2017

საკრებულოს რიგგარეშე სხდომა

21 მარტს, ხობის მუნიციპალიტეტის საკრებულოს სხდომათა დარბაზში გაიმართა საკრებულოს რიგგარეშე სხდომა, რომელსაც თავმჯდომარეობდა საკრებულოს თავმჯდომარე ედიშერ ჯობავა. სხდომას ესწრებოდნენ საკრებულოსა და გამგეობის ხელმძღვანელი პირები. სხდომაზე განხილულ იქნა დადგენილების პროექტი „ხობის მუნიციპალიტეტის 2017 წლის ადგილობრივი ბიუჯეტის დამტკიცების შესახებ“ ხობის მუნიციპალიტეტის საკრებულოს 2016 წლის 28 დეკემბრის №25 დადგენილებაში ცვლილების შეტანის თაობაზე“, რომლის თანახმადაც ბიუჯეტში ხორციელდება შემდეგი სახის ცვლილება: მცირდება ბიუჯეტის ხარჯები 178,3 ლარით, კერძოდ: 36,3 ათასი ლარით მცირდება აღმასრულებელი და წარმომადგენლობითი ორგანოების ასიგნებები; 114,5 ათასი ლარით - პრიორიტეტის „ინფრასტრუქტურის მშენებლობა, რეაბილიტაცია და ექსპლუატაცია“ ასიგნებები; 18,0 ათასი ლარით მცირდება პრიორიტეტის „განათლება“ ასიგნებები; 3,0 ათასი ლარით - პრიორიტეტის „კულტურა, რელიგია, ახალგაზრდული და სპორტული ღონისძიებები“ ასიგნებები; 6,5 ათასი ლარით მცირდება პრიორიტეტის „მოსახლეობის ჯანმრთელობის დაცვა და სოციალური უზრუნველყოფა“ ასიგნებები. გამონთავისუფლებული 178,3 ათასი ლარი მიიმართება პრიორიტეტის „ინფრასტრუქტურის მშენებლობა, რეაბილიტაცია და ექსპლუატაცია“ ასიგნებებზე.
დღის წესრიგით გათვალისწინებული საკითხის განხილვის შემდეგ საკრებულოს რიგგარეშე სხდომა დახურულად გამოცხადდა.

მარტი 21, 2017

გილოცავთ ქართული ჟურნალისტიკის დღეს

დღეს, 21 მარტს, ქართული ჟურნალისტიკის დღე აღინიშნება. ქართული ჟურნალისტიკის დღე საქართველოს ჟურნალისტთა ფედერაციამ და თბილისის სახელმწიფო უნივერსიტეტმა 1993 წელს ერთობლივად დააწესეს.
ხობის მუნიციპალიტეტის საკრებულო საქართველოში მომუშავე ყველა ჟურნალისტს ულოცავს ქართული ჟურნალისტიკის დღეს.

მარტი 20, 2017

განცხადება ხობის მუნიციპალიტეტის საკრებულოს რიგგარეშე სხდომის შესახებ

ხობის მუნიციპალიტეტის საკრებულოს რიგგარეშე სხდომა გაიმართება 2017 წლის 21 მარტს 11:00 საათზე საკრებულოს სხდომათა დარბაზში.
სხდომის დღის წესრიგი:
1. „ხობის მუნიციპალიტეტის 2017 წლის ადგილობრივი ბიუჯეტის დამტკიცების შესახებ“
ხობის მუნიციპალიტეტის საკრებულოს 2016 წლის 28 დეკემბრის №25 დადგენილებაში
ცვლილების შეტანის თაობაზე“ დადგენილების პროექტის განხილვა.
(მომხსენებელი: გ. ქაჯაია - ხობის მუნიციპალიტეტის გამგებელი;
თანამომხსენებელი: დ. ჭოჭუა - ხობის მუნიციპალიტეტის გამგეობის
საფინანსო - საბიუჯეტო სამსახურის უფროსი).

<<
<
90
91
92
93
94
95
96
97
98
99
100
101
102
103
104
105
106
107
108
109
110
111
112
113
114
115
116
117
118
119
120
...
>
>>