ხობის მუნიციპალიტეტის საკრებულო

სიახლეები

დეკემბერი 18, 2017

განცხადება ხობის მუნიციპალიტეტის საკრებულოს რიგგარეშე სხდომის შესახებ

ხობის მუნიციპალიტეტის საკრებულოს თავმჯდომარის გადაწყვეტილებით საკრებულოს რიგგარეშე სხდომა გაიმართება 2017 წლის 18 დეკემბერს 12:00 საათზე საკრებულოს სხდომათა დარბაზში, სხდომის დღის წესრიგი:

დეკემბერი 17, 2017

გილოცავთ ბარბარობას

დეკემბერი 13, 2017

შეხვედრა შუა ხორგის მოსახლეობასთან

ხობის მუნიციპალიტეტის საკრებულოს თავმჯდომარე ედიშერ ჯობავა და საქართველოს პარლამენტის მაჟორიტარი წევრის ირაკლი (დაჩი) ბერაიას ბიუროს ხელმძღვანელი პაატა ბერაია ადგილობრივი ხელისუფლების სხვა წარმომადგნელებთან ერთად შუა ხორგის ადმინისტრაციული ერთეულის მოსახლეობას შეხვდნენ. საკრებულოს თავმჯდომარემ მოსახლეობას მიაწოდა ინფორმაცია, რომ საკრებულოს მიერ რეგიონებში განსახორციელებელი პროექტების ფონდიდან ხობის მუნიციპალიტეტში 2018 წელს დასაფინანსებელი ადგილობრივი თვითმართველობის პროექტების დაფინანსების მიზნით მომზადებული წინადადებებს შორის მოწონებულ იქნა შუა ხორგის ადმინისტრაციული ერთეულის სოფელ გამოღმა შუა ხორგაში სამ კილომეტრიანი გზის სარეაბილიტაციო სამუშაოების შესახებ წინადადება.
როგორც ადგილობრივი ხელისუფლების წარმომადგენლებმა აღნიშნეს მუნიციპალიტეტის ყველა ადმინისტრაციულ ერთეულში 2018 წელს დაგეგმილი სამუშაოები, მთლიანად მოსახლეობის ინტერესების გათვალისწინებითაა შემუშავებული.

დეკემბერი 11, 2017

ხობელ მკლავჭიდელთა წარმატება

10 დეკემბერს, თბილისში, სპორტკომპლექს „არენაში“ გამართულ „თბილისის ღია პირველობაზე“ წარმატებით იასპარეზეს ა(ა)იპ „ხობის მუნიციპალიტეტის კულტურულ-საგანმანათლებლო, საზოგადოებრივი ცენტრის“ სასპორტო სკოლის მკლავჭიდელებმა (მწვრთნელ-მასწავლებელი-კობა თუთბერიძე) და სხვადასხვა წონით კატეგორიაში ჩემპიონები და პრიზიორები გახდნენ. განსაკუთრებული აღნიშვნის ღირსია, დათუნა ჟიშკარიანის წარმატებული ასპარეზობა - ხობელმა მკლავჭიდელმა, 60 კილოგრამ წონით კატეგორიაში, მარცხენა და მარჯვენა მკლავით პირველობა არავის დაუთმო და ტურნირის გამარჯვებული გახდა. I ადგილი - დათუნა ჟიშკარიანი (60 კგ.) I ადგილი - დათუნა ჟიშკარიანი (60 კგ.) I ადგილი - დიტო ბუკია (70 კგ.) II ადგილი - გოჩა სიჭინავა (80 კგ.) II ადგილი - გიგა კოდუა (70 კგ.) III ადგილი - გოჩა სიჭინავა (60 კგ.) გამარჯვებულ და საპრიზო ადგილებზე გასულ სპორტსმენებს თასები, მედლები და სიგელები გადაეცათ.

დეკემბერი 9, 2017

„საქართველოს ადგილობრივ თვითმმართველობათა ეროვნული ასოციაციის“ VI ეროვნული ასამბლეა

8 დეკემბერს, თბილისში, სასტუმრო „რედისონ ბლუ ივერია“-ში „საქართველოს ადგილობრივ თვითმმართველობათა ეროვნული ასოციაციის“ VI ეროვნული ასამბლეა გაიმართა. ღონისძიება გახსნეს და მონაწილეებს მიესალმნენ - ევროკავშირის ელჩი საქართველოში იანოშ ჰერმანი, საქართველოს რეგიონული განვითარებისა და ინფრასტრუქტურის მინისტრის პირველი მოადგილე ირაკლი მატკავა, ევროპის საბჭოს ადგილობრივი და რეგიონული კონგრესის გენმდივანი ანდრეას კიფერი, საქართველოს პარლამენტის რეგიონული პოლიტიკისა და თვითმმართველობის კომიტეტის თავმჯდომარე გიორგი ლილუაშვილი, თბილისის მერი კახი კალაძე.
ასოციაციის პრეზიდენტის არჩევნებში, დელეგატის სტატუსით, ხობის მუნიციპალიტეტის მერი გოჩა ქაჯია და საკრებულოს თავმჯდომარე ედიშერ ჯობავა მონაწილეობდნენ.
ასამბლეაზე საქართველოს ადგილობრივ თვითმმართველობათა ეროვნული ასოციაციის ახალი პრეზიდენტი აირჩიეს. მომდევნო 3 წლის განმავლობაში NALAG-ს კახი კალაძე უხელმძღვანელებს.
„საქართველოს ადგილობრივ თვითმმართველობათა ეროვნული ასოციაციის“ მიზანია, ქვეყანაში ადგილობრივი თვითმმართველობის სისტემის სრულყოფა და ადგილობრივი დემოკრატიის განვითარება, სახელმწიფო ძალაუფლების დეცენტრალიზაცია და ადგილობრივი თვითმმართველობის ინსტიტუციების განცითარება.
საქართველოს ადგილობრივ თვითმმართველობათა ეროვნული ასოციაცია 2004 წლის 17 დეკემბერს ევროპის საბჭოსა და ევროკომისიის ერთობლივი ინიციატივის ფარგლებში დაფუძნდა. დაფუძნების პროცესში ჩართული იყო მრავალი საერთაშორისო ორგანიზაცია და თვითმმართველობის ევროპული ასოციაცია.
საქართველოს ადგილობრივ თვითმმართველობათა ეროვნული ასოციაციის მიზნებია:
დაიცვას თვითმმართველობის ორგანოთა ინტერესები ეროვნულ და საერთაშორისო დონეზე;
ხელი შეუწყოს საქართველოში ადგილობრივი დემოკრატიის განვითარებას;
ითანამშრომლოს ცენტრალურ ხელისუფლებასთან დეცენტრალიზაციის სფეროში;
მიაწოდოს კვალიფიციური მომსახურება წევრ თვითმმართველობებს;
ხელი შეუწყოს თვითმმართველობების მოხელეთა და არჩეულ პირთა კვალიფიკაციის ამაღლებას და სოციალური გარანტიების შექმნას;
მოახდინოს ადგილობრივი თვითმმართველობის პრობლემათა იდენტიფიცირება, ადგილობრივი თვითმმართველობის ორგანოთა ურთიერთდაკავშირება და არსებული პრაქტიკული გამოცდილებისა და მიღწევათა განზოგადება/დანერგვა.
ასოციაცია თანამშრომლობს მრავალ საერთაშორისო ორგანიზაციასთან და ადგილობრივი თვითმმართველობის ევროპულ გაერთიანებებთან. „საქართველოს ადგილობრივ თვითმმართველობათა ეროვნული ასოციაცია“ არის საქართველოს მთავრობის პარტნიორი ევროპის საბჭოს ადგილობრივ და რეგიონულ ხელისუფლებათა კონგრესის თვითმმართველობათა პალატაში დელეგაციის წარდგენისას.

დეკემბერი 5, 2017

საკრებულოს სხდომა

5 დეკემბერს ხობის მუნიციპალიტეტის საკრებულოს სხდომათა დარბაზში გაიმართა საკრებულოს მორიგი სხდომა, რომელსაც თავმჯდომარეობდა საკრებულოს თავმჯდომარე ედიშერ ჯობავა. სხდომას ესწრებოდნენ საკრებულოსა და მერიის ხელმძღვანელი პირები. სხდომაზე განხილულ იქნა დღის წესრიგით გათვალისწინებული საკითხები, მათ შორის:
საკრებულოს სხდომაზე ცნობილ იქნა საკრებულოს წევრის რამინ ხილაძის უფლებამოსილება, როგორც ვადამდე უფლებაშეწყვეტილი საკრებულოს წევრის ირაკლი ბერაიას უფლებამონაცვლის. საკრებულოს წევრს ირაკლი ბერაიას უფლებამოსილება ვადამდე შეუწყდა პირადი განცხადების საფუძველზე, საკრებულოს წევრისთვის შეუთავსებელ თანამდებობაზე დანიშვნის გამო. ამავე სხდომაზე უფლებამოსილება შეუწყდა საკრებულოს წევრს ვარაზ გაბედავას, მისი ხობის მუნიციპალიტეტის მერის პირველ მოადგილედ დანიშვნის გამო.
საკრებულოს სამანდატო-საპროცედურო საკითხთა კომისიის დასკვნის საფუძველზე გაუქმდა ფრაქცია „ხობი“, რომელიც შექმნილი იყო სამი წევრის შემადგენლობით, მისი ერთ-ერთი წევრის ი. ნადარაიას მიერ ფრაქციის დატოვების გამო, საკრებულომ მიიღო გადაწყვეტილება ფრაქციის გაუქმების შესახებ.
განკარგულების პროექტით „ხობის მუნიციპალიტეტის მერისთვის მუნიციპალიტეტის საკუთრებაში არსებული ქონების სარგებლობის უფლებით გადაცემაზე თანხმობის მიცემის შესახებ“, მერს მიეცა თანხმობა მუნიციპალიტეტის საკუთრებაში არსებული, ქალაქ ხობში ცოტნე დადიანის ქ. N185-ში მდებარე ადმინისტრაციული შენობის მე-4 სართულზე განთავსებული საოფისე ფართი 6,6 კვ. მეტრი, გაიცეს ერთი წლის ვადით სარგებლობის უფლებით, იჯარით, აუქციონის წესით. ხოლო განკარგულების პროექტით „ხობის მუნიციპალიტეტის მერისთვის ხობის მუნიციპალიტეტის საკუთრებაში არსებული ძირითადი (განუსხვისებელი) ქონების გასხვისებაზე თანხმობის მიცემის შესახებ“ ასევე მიეცა თანხმობა მერს ქალაქ ხობში, ცოტნე დადიანის ქ. №188-ში მდებარე, ამორტიზირებული შენობის გასხვისებაზე, მისი შემდგომი პრივატიზების მიზნით.
ამ და დღის წესრიგით გათვალისწინებული სხვა საკითხების განხილვის შემდეგ საკრებულოს სხდომა დახურულად გამოცხადდა.

დეკემბერი 4, 2017

განცხადება ხობის მუნიციპალიტეტის საკრებულოს მორიგი სხდომის შესახებ

ხობის მუნიციპალიტეტის საკრებულოს მორიგი სხდომა გაიმართება 2017 წლის 5 დეკემბერს 11:00 საათზე საკრებულოს სხდომათა დარბაზში.
დღის წესრიგი:

დეკემბერი 4, 2017

ბიუროს სხდომა

4 დეკემბერს გაიმართა ხობის მუნიციპალიტეტის საკრებულოს ბიუროს სხდომა, სადაც განხილულ იქნა შემდეგი საკითხები:

დეკემბერი 4, 2017

ღვთისმშობლის ტაძრად მიყვანების დღესასწაული

4 დეკემბერს მართლმადიდებელი ეკლესია ყოვლადწმინდა ღვთისმშობლის ტაძრად მიყვანებას დღესასწაულობს. დღესასწაულთან დაკავშირებით პირველი მაისის ღვთისმშობლის ტაძრად მიყვანების სახელობის ტაძარში საზეიმო წირვა-ლოცვა ფოთისა და ხობის მიტროპოლიტმა მეუფე გრიგოლმა სამღვდელოებასთან ერთად აღავლინა.

დეკემბერი 4, 2017

ხობელ რაგბისტებს საჩუქრად რაგბის ბურთები გადაეცათ

4 დეკემბერს ხობის მუნიციპალიტეტის საკრებულოს თავმჯდომარემ, სამეგრელოს ლელოს ფედერაციის ვიცე-პრეზიდენტმა ედიშერ ჯობავამ და მაჟორიტარი პარლამენტის წევრის ირაკლი (დაჩი) ბერაიას ბიუროს უფროსმა პლატონ (პაატა) ბერაიამ ხობელ რაგბისტებს რაგბის ბურთები საჩუქრად გადასცეს, რომელიც საქართველოს რაგბის კავშირის რეგიონალური დეპარტამენტის ხელმძღვანელმა გაიოზ მონიავამ ხობის მუნიციპალიტეტს უსახსოვრა.

დეკემბერი 4, 2017

გილოცავთ ყოვლადწმინდა ღვთისმშობლის ტაძრად მიყვანების დღეს

დეკემბერი 1, 2017

ყულევში წყალსადენის სისტემის მშენებლობა დაიწყო

1 დეკემბერს ყულევის ადმინისტრაციულ ერთეულში წყალსადენის სისტემის მშენებლობა დაიწყო, წყალსადენი სისტემის მშენებლობის დაწყება საქართველოს პარლამენტის წევრი ირაკლი (დაჩი) ბერაიამ, საკრებულოს თავმჯდომარე ედიშერ ჯობავამ, ხობის მუნიციპალიტეტის მერმა გოჩა ქაჯაიამ, სამეგრელო-ზემო სვანეთის სამხარეო ადმინისტრაციისა და ადგილობრივი თვითმმართველობის წარმომადგენლებიმა ადგილობრივ მოსახლეობასთან ერთდ დაათვალიერეს. „დღეს, ძალიან მნიშვნელოვანი პროექტის განხორციელება დაიწყო - ყულევის, ქარიატისა და შუა ხორგის მოსახლეობა წყალს ახალი მაგისტრალის მეშვეობით მიიღებს. ეს პროექტი სასიცოცხლოდ მნიშვნელოვანია ყულევისთვის, რადგან დასახლებაში არსებული წყალი სასმელად გამოუსადეგარია და ადგილობრივ მოსახლეობას წყალი, დღემდე ცისტერნების მეშვეობით მიეწოდება. ყულევის და ქარიატის ადმინისტრაციულ ერთეულებში გზის კეთილმოწყობის და სასმელი წყლის მიწოდების საკითხი წლების განმავლობაში მოუგვარებელი იყო, მაგრამ ადგილობრივი და ცენტრალური ხელისუფლების კოორდინირებული მუშაობის შედეგად ორივე ეს პრობლემა მოგვარდება - შუა ხორგა-ქარიატა-ყულევის დამაკავშირებელი 16 კილომეტრიანი გზის შენებლობა მიმდინარეობს, ხოლო წყლის სისტემის მშენებლობას დღეს ჩაეყარა საფუძველი“ - განაცხადა დეპუტატმა ირაკლი (დაჩი)ბერაიამ. შუა ხორგის, ქარიატის და ყულევის ადმინისტრაციულ ერთეულებში წყალსადენი სისტემის მშენებლობა ორ ეტაპად განხორციელდება და მისი სახელშეკრულებო ღირებულება 920 ათას ლარს შეადგენს. მაგისტრალის სიგრძე 34 კილომეტრია და სამუშაოების დასრულების შემდეგ 2000-მდე მოსახლე სასმელ წყალს მიიღებს. ინფრასტრუქტურული პროექტი რეგიონებში განსახორციელებელი პროექტების ფონდისა და ადგილობრივი ბიუჯეტის თანადაფინანსებით ხორციელდება

ნოემბერი 30, 2017

გენდერული თანასწორობისთვის კამპანია ხობის მუნიციპალიტეტში

30 ნოემბერს თორსა-დღვაბის ადმინისტრაციულ ერთეულში გაეროს ერთობლივი პროგრამის ფარგლებში გენდერული თანასწორობისთვის კამპანია განხორციელდა, რომლის მიზანი იყო ხელი შეუწყოს ქალების პოლიტიკაში აქტიურ ჩართულობას და მონაწილეობას ყველა დონეზე. შეხვედრას უძღვებოდნენ მსახიობები დუტა სხირტლაძე და ნატა ბერეჟიანი, რომლებმაც ისაუბრეს ქალის როლზე და მათი ჩართულობის აუცილებლობაზე, როგორც პოლიტიკაში ასევე ზოგადად სახელმწიფოს საქმიანობაში.
შეხვედრა კითხვა-პასუხის რეჟიმში წარიმართა, პასუხები გაეცა მოსახლეობისთვის მნიშვნელოვან და საინტერესო კითხვებს. შეხვედრას ხობის მუნიციპალიტეტის საკრებულოს თავმჯდომარე ედიშერ ჯობავა ადგილობრივი ხელისუფლების სხვა წარმომადგენლებთან ერთად დაესწრო.

ნოემბერი 29, 2017

კომისიის სხდომა

ხობის მუნიციპალიტეტის საკრებულოს სამანდატო - საპროცედურო საკითხთა კომისიის სხდომა გაიმართება 2017 წლის 30 ნოემბერს 11:00 საათზე.

ნოემბერი 29, 2017

დასრულდა ყოფილი ფეხბურთელის ენუქი თევზაძის სახელობის ტურნირი

28 ნოემბერს, დასრულდა კომპანია „სოკარის“ რეგიონალური თასის გათამაშება ფეხბურთში, რომელიც თბილისის „დინამოს“, ქუთაისის „ტორპედოს“, ლანჩხუთის „გურიის“, ფოთის „კოლხეთისა“ და ხობის „კოლხეთის“ ყოფილი ფეხბურთელის, სპორტის დამსახურებული ოსტატის ენუქი თევზაძის ხსოვნას მიეძღვნა. საფეხბურთო ტურნირში 8 გუნდი მონაწილეობდა. დაძაბული შეხვედრების შემდეგ გამოვლინდნენ პრიზიორები და ჩემპიონები. მესამე ადგილი აბაშის „ზანამ“ დაიკავა, მეორე ადგილზე გავიდა მარტვილის საფეხბურთო სკოლის ფეხბურთელთა გუნდი, ხოლო პირველი ადგილი მოიპოვა და ენუქი თევზაძის სახელობის პირველობის გამარჯვებული გახდა წალენჯიხის ფეხბურთელთა გუნდი. ტურნირზე დაწესებული იყო პრიზები სხვადასხვა ნომინაციაში, რომელიც ტურნირის საუკეთესო ფეხბურთელებს გადაეცათ. ტურნირს ესწრებოდნენ ხობის მუნიციპალიტეტის საკრებულოს თავმჯდომარე ედიშერ ჯობავა, მერის მოადგილე მახარე ჩოკორაია, საფინანსო-სარევიზიო კომისიის თავმჯდომარე ტარიელ ალექსანდრია, ეკონომიკური განვითარების საკითხთა კომისიის თავმჯდომარე ვლადიმერ ქანთარია, იურიდიულ საკითხთა და ადამიანის უფლებათა დაცვის კომისიის თავმჯდომარე დავით ბერაია, ფრაქცია „ქართული ოცნება დემოკრატიული საქართველოს“ თავმჯდომარე ბექა მამაცაშვილი და სამეგრელო-ზემო სვანეთის რეგიონალური ფეხბურთის ფედერაციის პრეზიდენტი სერგო კვარაცხელია.

<<
<
76
77
78
79
80
81
82
83
84
85
86
87
88
89
90
91
92
93
94
95
96
97
98
99
100
101
102
103
104
105
106
...
>
>>