ხობის მუნიციპალიტეტის საკრებულო

სიახლეები

ოქტომბერი 8, 2018

მუნიციპალიტეტის პირველობა ლელობურთში

8 ოქტომბერს ხობის ცენტრალურ სტადიონზე დასრულდა მუნიციპალიტეტის პირველობა ლელობურთში. შეჯიბრებაში ხობის ადმინისტრაციული ერთეულებიდან 16 გუნდი მონაწილეობდა, რომლებიც ზონების მიხედვით, ოთხ ჯგუფში იყვნენ განაწილებულნი. ფინალში ერთმანეთს თორსის ადმინისტრაციული ერთეულისა და ქალაქ ხობის გუნდები შეხვდნენ. შეხვედრა ხობელთა გამარჯვებით დასრულდა.
ფინალულ შეხვედრას და დაჯილდოების ცერემონიალს ხობის მუნიციპალიტეტის საკრებულოს თავმჯდომარე ედიშერ ჯობავა, მუნიციპალიტეტის მერი გოჩა ქაჯაია, საკრებულოს განათლების, კულტურისა და სოციალურ საკითხთა კომისიის თავმჯდომარე დოდო გაბუნია და მერის მოადგილე მახარე ჩოკორაია ესწრებოდნენ.
სპორტული ღონისძიება, რომელიც ლელობურთის ტრადიციის აღდგენას და პოპულარიზაციას ემსახურება, ადგილობრივი თვითმმართველობის მხარდაჭერითა და „ხობის მუნიციპალიტეტის კულტურულ-საგანმანათლებლო, საზოგადოებრივი ცენტრის“ ორგანიზებით განხორციელდა.

ოქტომბერი 3, 2018

ხობში ცენტრალური პარკის მშენებლობა დაიწყო

ქალაქ ხობში, ცენტრალური პარკის კეთილმოწყობის სამუშაოები დაიწყო. პარკის მშენებლობა საქართველოს პარლამენტის მაჟორიტარი წევრის (ირაკლი) დაჩი ბერაიას ინიციატივით ხორციელდება. მშენებლობის დაწყების ცერემონიალს საქართველოს პარლამენტის მაჟორიტარი წევრი (ირაკლი) დაჩი ბერაია, ხობის მუნიციპალიტეტის საკრებულოს თავმჯდომარე ედიშერ ჯობავა, მერი გოჩა ქაჯაია, მოწვეულ სტუმრებთან ერთად ესწრებოდნენ. პროექტის ავტორია „ხობი 2005“, სამუშაოებს ტენდერში გამარჯვებული კომპანია შპს „ჯორჯიან სთოუნი“ ახორციელებს. პროექტის შესაბამისად ხორციელდება: - ბეტონის ფილების მოწყობა. - ველობილიკის მოწყობა. - საფეხმავლო ზოლის მოწყობა. - ბეტონის ანაკრები ბორდიურების მოწყობა. - მწვანე კორდის მოწყობა. - ლაბირინთის მოწყობა. - საბავშვო, სატრენაჟორო და საკალათბურთო მოედნების მოწყობა. - საბავშვო მოედნების მოწყობა. - სავარჯიშო ტრენაჟორების მოედნის მოწყობა. - საკალათბურთო მოედნის მოწყობა. - ჭადრაკის დაფის მოწყობა. - ჭადრაკის მოედნის მიმდებარედ სკამების მოწყობა. - დეკორატიული სკამების მოწყობა. - ველოსადგომების მოწყობა. - ქ. ხობის გერბის მოწყობა. - საჩრდილობელის მოწყობა. - შადრევანის მოწყობა. - სასმელი წყლის სოკოს მოწყობა. - დეკორატიული განათების მოწყობა. - სამუშაოს სახელშეკრულებო ღირებულება 1მლნ ლარია. - სამუშაოები რეგიონში განსახორციელებელი პროექტების ფონდიდან და ადგილობრივი ბიუჯეტის თანადაფინანსებით ხორციელდება.

ოქტომბერი 2, 2018

გუბერნატორი სოფლად თემთა განვითარების სააგენტოს პროექტებს გაეცნო

ხობის მუნიციპალიტეტის საკრებულოს თავმჯდომარემ ედიშერ ჯობავამ, სამეგრელო-ზემო სვანეთის გუბერნატორმა ალექსანდრე მოწერელიამ, გუბერნატორის მოადგილემ კობა ქანთარიამ, ხობის მუნიციპალიტეტის ხამისკურსა და შუა ხორგის ადმინისტრაცულ ერთეულებში სოფლად, თემთა განვითარების სააგენტოს“ ოფისებში მზის ენერგიაზე მომუშავე კონდინციონერები, წყლის გამათბობელი, ენერგოღუმელი, ხილისა და ბოსტნეულის საშრობები და სხვა ტექნოლოგიური პროდუქტები დაათვალიერეს. მზის ენერგიაზე მომუშავე ტექნიკა, პროექტის ფარგლებში 1000-ზე მეტმა მოქალაქემ დაამონტაჟა საცხოვრებელ და საოფისე ფართებში. გუბერნატორმა ხამისკურში დაფნის მცირე საწარმოც დაათვალიერა. ,,სოფლად თემთა განვითარების სააგენტო“ (RCDA) 1997 წელს მცირე ფერმერების ჯგუფის, ფერმერთა საკრედიტო კავშირების, კოოპერატივების და არასამთავრობო ორგანიზაციების მიერ დაფუძნდა. რომელსაც როსტომ გამისონია წარმატებით ხელმძღვანელობს. ორგანიზაციის აქტივობებში სხვადასხვა სამეცნიერო და კვლევითი ინსტიტუტების ექსპერტები არიან ჩართულნი.

სექტემბერი 30, 2018

ხობში “ევროპის სპორტის კვირეულის“ დასკვნითი ღონისძიება გაიმართა.

30 სექტემბერს, ქალაქ ხობში, „ევროპის სპორტის კვირეულის“ (European Week of Sport – #Be Active) დახურვის ცერემონია გაიმართა. ღონისძიებას ხობის მუნიციპალიტეტის მერი გოჩა ქაჯაია და მერის მოადგილე მახარე ჩოკორაია ესწრებოდნენ.
“ევროპის სპორტის კვირეული“ (European Week of Sport – #Be Active) ევროკომისიის ორგანიზებით, 2015 წლიდან ყოველწლიურად ტარდება და ხელს უწყობს სპორტული და ფიზიკური აქტივობის პოპულარიზაციას ევროპის მასშტაბით.
“ევროპის სპორტის კვირეული“ იმართება ყველასთვის, განურჩევლად ასაკისა, სპორტული გამოცდილებისა, თუ ფიზიკური მომზადების დონისა. კამპანია წარმოებს ჰეშთეგით #BeActive და მოუწოდებს მოსახლეობას, იცხოვრონ ცხოვრების ჯანსაღი წესით, იყვნენ აქტიურები.
მუნიციპალიტეტის ადმინისტრაციულ ერთეულებში შეჯიბრებები გაიმართა სპორტის რვა სახეობაში. გამოვლინდნენ გამარჯვებულები და პრიზიორები, რომლებიც თასებითა და სიგელებით დაჯილდოვდნენ.
კვირეული ადგილობრივი თვითმმართველობის მხარდაჭერითა და „ხობის მუნიციპალიტეტის კულტურულ-საგანმანათლებლო, საზოგადოებრივი ცენტრის“ ორგანიზებით განხორციელდა.

სექტემბერი 27, 2018

საკრებულოს სხდომა

27 სექტემბერს ხობის მუნიციპალიტეტის საკრებულოს სხდომათა დარბაზში გაიმართა საკრებულოს მორიგი სხდომა, რომელსაც უძღვებოდა საკრებულოს თავმჯდომარე ედიშერ ჯობავა. სხდომას ესწრებოდნენ საკრებულოსა და მერიის ხელმძღვანელი პირები. სხდომაზე განიხილეს განკარგულების პროექტი: „ხობის მუნიციპალიტეტის მერისთვის მუნიციპალიტეტის საკუთრებაში არსებული დამატებითი ქონების სარგებლობის უფლებით (იჯარის ფორმით) გადაცემაზე თანხმობის მიცემის შესახებ“, რომლის თანახმადაც შპს „მაგთიკომს“ პირდაპირი განკარგვის წესით, იჯარის ფორმით გადაეცა ქალაქის ტერიტორიაზე არსებული 615 ბოძი, ოპტიკურ-ბოჭკოვანი კაბელის გაყვანის მიზნით. სხდომაზე ასევე განხილულ იქნა დადგენილების პროექტები: „ხობის მუნიციპალიტეტის საკრებულოს რეგლამენტის დამტკიცების შესახებ“ ხობის მუნიციპალიტეტის საკრებულოს 2017 წლის 18 დეკემბრის N59 დადგენილებაში ცვლილების შეტანის თაობაზე“ და „ხობის მუნიციპალიტეტის საკრებულოში პეტიციის წარმდგენი ამომრჩევლების სიის ბლანკის, პეტიციის ფორმის და პეტიციის განხილვის თაობაზე განცხადების რეგისტრაციის მოწმობის დამტკიცების შესახებ“, რეგლამენტში ცვლილება ძირითადად შეეხება პეტიციასთან დაკავშირებულ პროცედურულ საკითხებს, ხობის მუნიციპალიტეტის საკრებულოში პეტიციის წარმდგენი ამომრჩევლების სიის ბლანკში შეტანილ იქნა შესაბამისი ცვლილება. საკრებულოს წევრებმა წუთიერი დუმილით პატივი მიაგეს აფხაზეთის ომში დაღუპულ გმირებს. დღის წესრიგით გათვალისწინებული ამ და სხვა საკითხების განხილვის შემდეგ საკრებულოს სხდომა დახურულად გამოცხადდა.

სექტემბერი 27, 2018

27 სექტემბერი სოხუმის დაცემის დღეა.

ამ დღესთან დაკავშირებით ხობის მუნიციპალიტეტის ადმინისტრაციულ შენობებზე, აფხაზეთის ომში დაღუპულთა ხსოვნის პატივის მიგების მიზნით, საქართველოს სახელმწიფო და ადგილობრივი თვითმმართველობის დროშები დაშვებულია.

სექტემბერი 27, 2018

გილოცავთ ჯვართამაღლებას

სექტემბერი 26, 2018

განცხადება ხობის მუნიციპალიტეტის საკრებულოს სხდომის შესახებ

ხობის მუნიციპალიტეტის საკრებულოს მორიგი სხდომა გაიმართება
2018 წლის 27 სექტემბერს 11:00 საათზე
ხობის მუნიციპალიტეტის საკრებულოს სხდომათა დარბაზში.
სხდომის დღის წესრიგი:

1. „ხობის მუნიციპალიტეტის საკრებულოს რეგლამენტის დამტკიცების შესახებ“ ხობის მუნიციპალიტეტის საკრებულოს 2017 წლის 18 დეკემბრის N59 დადგენილებაში ცვლილების შეტანის თაობაზე“ დადგენილების პროექტის განხილვა;
(მომხსენებელი: ე. ჯობავა - ხობის მუნიციპალიტეტის საკრებულოს თავმჯდომარე;
თანამომხსენებელი: დ. ბერაია - ხობის მუნიციპალიტეტის საკრებულოს იურიდიულ საკითხთა კომისიის თავმჯდომარე);

2. „ხობის მუნიციპალიტეტის საკრებულოში პეტიციის წარმდგენი ამომრჩევლების სიის ბლანკის, პეტიციის ფორმის და პეტიციის განხილვის თაობაზე განცხადების რეგისტრაციის მოწმობის დამტკიცების შესახებ“ ხობის მუნიციპალიტეტის საკრებულოს 2017 წლის 27 თებერვლის N4 დადგენილებაში ცვლილების შეტანის თაობაზე“ დადგენილების პროექტის განხილვა;
(მომხსენებელი: ე. ჯობავა - ხობის მუნიციპალიტეტის საკრებულოს თავმჯდომარე;
თანამომხსენებელი: დ. ბერაია - ხობის მუნიციპალიტეტის საკრებულოს იურიდიულ საკითხთა კომისიის თავმჯდომარე);

3. „ხობის მუნიციპალიტეტის გენდერული თანასწორობის საბჭოს 2018–2019 წლების სამოქმედო გეგმის დამტკიცების შესახებ“ ხობის მუნიციპალიტეტის საკრებულოს 2018 წლის 31 ივლისის N36 განკარგულებაში ცვლილების შეტანის თაობაზე“ განკარგულების პროექტის განხილვა.
(მომხსენებელი: დ. ბერაია - ხობის მუნიციპალიტეტის საკრებულოს
იურიდიულ საკითხთა კომისიის თავმჯდომარე);

4. „ხობის მუნიციპალიტეტის მერისთვის მუნიციპალიტეტის საკუთრებაში არსებული დამატებითი ქონების სარგებლობის უფლებით (იჯარის ფორმით) გადაცემაზე თანხმობის მიცემის შესახებ“ განკარგულების პროექტის განხილვა.
(მომხსენებელი: გ. ქაჯაია - ხობის მუნიციპალიტეტის მერი;
თანამომხსენებელი: ა. ვარდია - ხობის მუნიციპალიტეტის მერიის ეკონომიკური განვითარებისა და პროგრამების მართვის სამსახურის უფროსი)

სექტემბერი 26, 2018

ბიუროს სხდომა.

26 სექტემბერს გაიმართა ხობის მუნიციპალიტეტის საკრებულოს ბიუროს სხდომა, სადაც განხილულ იქნა შემდეგი საკითხები:

1. ხობის მუნიციპალიტეტის საკრებულოს იურიდიულ საკითხთა კომისიის თავმჯდომარის დ. ბერაიას 2018 წლის 21 სექტემბრის N95/01 განცხადების განხილვა („ხობის მუნიციპალიტეტის გენდერული თანასწორობის საბჭოს 2018–2019 წლების სამოქმედო გეგმის დამტკიცების შესახებ“ ხობის მუნიციპალიტეტის საკრებულოს 2018 წლის 31 ივლისის N36 განკარგულებაში ცვლილების შეტანის თაობაზე“ განკარგულების პროექტის შესახებ).
(მომხსენებელი: დ. ბერაია - ხობის მუნიციპალიტეტის საკრებულოს
იურიდიულ საკითხთა კომისიის თავმჯდომარე).

2. ხობის მუნიციპალიტეტის საკრებულოს იურიდიულ საკითხთა კომისიის თავმჯდომარის დ. ბერაიას 2018 წლის 21 სექტემბრის N96/01 განცხადების განხილვა:
• „ხობის მუნიციპალიტეტის საკრებულოს რეგლამენტის დამტკიცების შესახებ“ ხობის მუნიციპალიტეტის საკრებულოს 2017 წლის 18 დეკემბრის N59 დადგენილებაში ცვლილების შეტანის თაობაზე“ დადგენილების პროექტის შესახებ;
• „ხობის მუნიციპალიტეტის საკრებულოში პეტიციის წარმდგენი ამომრჩევლების სიის ბლანკის, პეტიციის ფორმის და პეტიციის განხილვის თაობაზე განცხადების რეგისტრაციის მოწმობის დამტკიცების შესახებ“ ხობის მუნიციპალიტეტის საკრებულოს 2017 წლის 27 თებერვლის N4 დადგენილებაში ცვლილების შეტანის თაობაზე“ დადგენილების პროექტის შესახებ;
(მომხსენებელი: დ. ბერაია - ხობის მუნიციპალიტეტის საკრებულოს
იურიდიულ საკითხთა კომისიის თავმჯდომარე);

3. ხობის მუნიციპალიტეტის მერის გ. ქაჯაიას 2018 წლის 25 სექტემბრის N05/4027 წერილის განხილვა „ხობის მუნიციპალიტეტის მერისთვის მუნიციპალიტეტის საკუთრებაში არსებული დამატებითი ქონების სარგებლობის უფლებით (იჯარის ფორმით) გადაცემაზე თანხმობის მიცემის შესახებ“ განკარგულების პროექტის თაობაზე).
(მომხსენებელი: ვ. ქანთარია - ქონების მართვისა და ინფრასტრუქტურის კომისიის თავმჯდომარე);

სექტემბერი 23, 2018

ხობში “ევროპის სპორტის კვირეული“ დაიწყო

23 სექტემბერს, ქალაქ ხობში “ევროპის სპორტის კვირეული“ (European Week of Sport – #Be Active) დაიწყო. კვირეული, კულტურის სახლის მიმდებარე ტერიტორიაზე, ფლეშმობით გაიხსნა. ღონისძიება, მაგიდის ჩოგბურთში მუნიციპალიტეტის პირველობის ფინალური შეხვედრებით და მკლავჭიდში შეჯიბრებით გაგრძელდა.
ღონისძიებას ხობის მუნიციპალიტეტის მერი გოჩა ქაჯაია და მერის მოადგილე მახარე ჩოკორაია ესწრებოდნენ.
“ევროპის სპორტის კვირეული“ (European Week of Sport – #Be Active) ევროკომისიის ორგანიზებით, 2015 წლიდან ყოველწლიურად ტარდება და ხელს უწყობს სპორტული და ფიზიკური აქტივობის პოპულარიზაციას ევროპის მასშტაბით.
“ევროპის სპორტის კვირეული“ იმართება ყველასთვის, განურჩევლად ასაკისა, სპორტული გამოცდილებისა, თუ ფიზიკური მომზადების დონისა. კამპანია წარმოებს ჰეშთეგით #BeActive და მოუწოდებს მოსახლეობას, იცხოვრონ ცხოვრების ჯანსაღი წესით, იყვნენ აქტიურები.
30 სექტემბერს, 18 საათზე, კულტურის სახლის მიმდებარე ტერიტორიაზე კონცერტი და გამარჯვებულთა დაჯილდოება გაიმართება.
კვირეული ადგილობრივი თვითმმართველობის მხარდაჭერითა და „ხობის მუნიციპალიტეტის კულტურულ-საგანმანათლებლო, საზოგადოებრივი ცენტრის“ ორგანიზებით ხორციელდება.

სექტემბერი 20, 2018

ხეთაში კეთილმოწყობილი საბავშვო ბაღი გაიხსნა

საქართველოს პარლამენტის წევრმა ირაკლი (დაჩი) ბერაიამ, სამეგრელო-ზემო სვანეთის მხარეში სახელმწიფო რწმუნებულმა-გუბერნატორმა ალექსანდრე მოწერელიამ, ხობის მუნიციპალიტეტის საკრებულოს თავმჯდომარემ ედიშერ ჯობავამ და მერმა გოჩა ქაჯაიამ ხობის მუნიციპალიტეტის ხეთის ადმინისტრაციულ ერთეულში კეთილმოწყობილი საბავშვო ბაღი საზეიმო ვითარებაში გახსნეს.
 შეიცვალა წყალმომარაგების, ელექტროგაყვანილობის და კანალიზაციის სისტემები
 კეთილმოეწყო შენობის ინტერიერი, ექსტერიერი და ეზო
 შეზღუდული შესაძლებლობის მქონე პირთათვის დამონტაჟდა პანდუსი
 დამონტაჟდა კონდიცირებისა და ვენტილაციის სისტემები
 ბაღი 150 აღსაზრდელზეა გათვლილი
 სამუშაოს ღირებულებამ 425 000 ლარი შეადგინა
 პროექტი ადგილობრივი ბიუჯეტის დაფინანსებით განხორციელდა
 ბაღი აღჭურვილია მზის ენერგიაზე მომუშავე კოლექტორებით, რომლებიც
არასამთავრობო ორგანიზაციამ („მწვანე მომავალი“) დაამონტაჟა გლობალური გარემოსდაცვითი ფონდის (GEF SGP) მცირე გრანტების პროგრამის ფინანსური მხარდაჭერით.
ხეთის საბავშვო ბაღში სასწავლო-აღმზრდელობითი პროცესი 21 სექტემბერს დაიწყება.

სექტემბერი 18, 2018

რამაზ კიტიას სახელობის ტურნირი მინი-ფეხბურთში

18 სექტემბერს, ქალაქ ხობში, ნოდარ შენგელიას სახელობის სტადიონზე სტარტი აიღო სამსახურეობრივი მოვალეობის შესრულების დროს, სოფელ ხურჩაში დაღუპული ხობელი პოლიციელის რამაზ კიტიას ხსოვნისადმი მიძღვნილმა ხობის მუნიციპალიტეტის პირველობამ მინი-ფეხბურთში. შეჯიბრში მუნიციპალიტეტში არსებული წარმოება-დაწესებულებების გუნდებმა მიიღეს მონაწილეობა. სპორტული ღონისძიება, ადგილობრივი თვითმმართველობის მხარდაჭერითა და „ხობის მუნიციპალიტეტის საფეხბურთო კლუბ კოლხეთის“ ორგანიზებით ხორციელდება. პირველი თამაში ხობის მუნიციპალიტეტის საკრებულოსა და შსს ხობის პოლიციის სამმართველოს გუნდთან გამართა. ფინალური მატჩი, 24 სექტემბერს, ახალ ხიბულაში, რამაზ კიტიას სახელობის სტადიონზე გაიმართება.

სექტემბერი 17, 2018

ახალი სასწავლო წელი დაიწყო

17 სექტემბერს, ხობის მუნიციპალიტეტის საჯარო სკოლებსა და სკოლამდელ სააღმზრდელო დაწესებულებებში ახალი სასწავლო წელი დაიწყო. წელს, მუნიციპალიტეტის მასშტაბით სასწავლო პროცესს 322 პირველკლასელი მოსწავლე შეუდგა, მათ შორის 297 საჯარო სკოლებში, ხოლო 25 კერძო სკოლაში. პირველკლასელებს სახელმწიფოსგან საჩუქრად წიგნები და ნეტ-ბუკები გადაეცა, გაუმჯობესებული ტექნიკური მახასიათებლებითა და პროგრამებით.
მოსწავლეებს, პედაგოგებს და სკოლამდელი სააღმზრდელო დაწესებულების აღსაზრდელებს ახალი სასწავლო წლის დაწყება ხობის მუნიციპალიტეტის საკრებულოს თავმჯდომარემ ედიშერ ჯობავამ, მუნიციპალიტეტის მერმა გოჩა ქაჯაიამ, მერის მოადგილემ მახარე ჩოკორაიამ, საკრებულოს განათლების, კულტურისა და სოციალურ საკითხთა კომისიის თავმჯდომარემ დოდო გაბუნიამ, მერიის კულტურის, განათლების, სპორტის, ძეგლთა დაცვისა და ახალგაზრდულ საქმეთა სამსახურის უფროსმა როზეტა შულაიამ და სკოლამდელი სააღმზრდელო გაერთიანების დირექტორმა ელისო კვიკვინიამ მიულოცეს

სექტემბერი 17, 2018

საკრებულოს თავმჯდომარის მილოცვა

უდიდწსი პატივისცემითა და სიხარულით გილოცავთ ახალი სასწავლო წლის დაწყებას პედაგოგებს, მშობლებს და განსაკუთრებით მოსწავლე- ახალგაზრდობას, რომელთა უპირველესი მოვალეობა ქვეყნის წინაშე, სწავლა-განათლებაა, თქვენ უნდა განავითაროთ თქვენი ინტელექტუალურ- შემეცნებითი პოტენციალი, ფიზიკური და სულიერი თვისებები, ის უნარ-ჩვევები, რომლებიც მთელი ცხოვრების განმავლობაში დაგჭირდებათ, რათა სწორად განსაზღვროთ საკუთარი ქვეყნის სახელმწიფოებრივი, კულტურული, ეკონომიკური, ინტელექტუალური და პოლიტიკური ინტერესები, შექმნათ ბედნიერი მომავალი და შეუერთდეთ თავისუფალ მსოფლიოს ღირსეულ მოქალაქეებად!

ფასდაუდებელია პედაგოგების ღვაწლი ქვეყნისა და ერის წინაშე, თქვენ აყალიბებთ განვითარებისა და წინსვლის საფუძველს-განათლებულ და გონიერ თაობას. გისურვებთ წარმატებებს და ულევ სიხარულს პროფესიულ საქმიანობაში და ბედნიერ მომავალს!

ხელისუფლება მუდამ იზრუნებს ახალგაზრდობის განათლებისა და მრავალმხრივი განვითარებისათვის საჭირო გარემოს შექმნისათვის.

გისურვებთ წარმატებულ სასწავლო წელს, ღმერთმა გაგაძლიეროთ და მოგმადლოთ ნიჭიერება და სწავლისმოყვარეობა.

ხობის მუნიციპალიტეტის საკრებულოს თავმჯდომარე ედიშერ ჯობავა.

სექტემბერი 15, 2018

დასუფთავების აქცია ხობის მუნიციპალიტეტში

15 სექტემბერს, არასამთავრობო ორგანიზაცია „საქართველოს მწვანეთა მოძრაობა/დედამიწის მეგობრებისა“ და ადგილობრივი თვითმმართველობის ორგანიზებით, ხობის მუნიციპალიტეტში დასუფთავების აქცია სახელწოდებით „დავასუფთაოთ მსოფლიო-დავასუფთაოთ საქართველო“ გაიმართა. აქციაში ხობის მუნიციპალიტეტის საკრებულოს, მერიის და თვითმმართველობის იურიდიული პირების თანამშრომლები მონაწილეობდნენ. აქციაში მონაწილეებმა ქალაქ ხობში წინასწარ განსაზღვრული ადგილები დაასუფთავეს.

<<
<
69
70
71
72
73
74
75
76
77
78
79
80
81
82
83
84
85
86
87
88
89
90
91
92
93
94
95
96
97
98
99
...
>
>>