ხობის მუნიციპალიტეტის საკრებულო

სიახლეები

იანვარი 20, 2026

კომისიის სხდომა

ხობის მუნიციპალიტეტის საკრებულოს ინფრასტრუქტურისა და სივრცით-ტერიტორიული დაგეგმარების კომისიის ორგანიზებით საკრებულოს სხდომათა დარბაზში გაიმართა საჯარო განხილვა, ხობის მუნიციპალიტეტის პირველი მაისის ადმინისტრაციული ერთეულის სოფელ ჭიხუში ლევან გოთუას პირველი ჩიხისთვის რეზო თოდუას ქუჩის სახელის მინიჭებისა და ხობის მუნიციპალიტეტის ზემო ქვალონის ადმინისტრაციულ ერთეულში შოთა რუსთაველის ქუჩისთვის ბადრი კუჭავას სახელის მინიჭების თაობაზე.

სახელის მინიჭებასთან დაკავშირებით. მონაწილეებმა მხარი დაუჭირეს წარმოდგენილ წინადადებას ქუჩების სახელდებასთან დაკავშირებით, რის შემდეგაც საკითხი შესათანხმებლად გადაეგზავნება სამთავრობო კომისიას.

იანვარი 19, 2026

გილოცავთ ნათლისღებას!

იანვარი 19, 2026

გილოცავთ საქართველოს სახელმწიფო დროშის დღეს!

იანვარი 7, 2026

გილოცავთ შობას!

დეკემბერი 30, 2025

უმწეოთა სასადილოს ბენეფიციარებს საახალწლო საჩუქრები გადასცეს

30 დეკემბერს, ხობის მუნიციპალიტეტის საკრებულოს თავმჯდომარემ გოჩა ქაჯაიამ, მერის მოადგილემ დავით ბერაიამ და საკრებულოს ეკონომიკისა და ქონების მართვის საკითხთა კომისიის თავმჯდომარემ ვლადიმერ ქანთარიამ, ხობის უმწეოთა სასადილოს ბენეფიციარებს დამდეგი შობა-ახალი წელი მიულოცეს და საახალწლო საჩუქრები გადასცეს. ადგილობრივი ბიუჯეტის დაფინანსებით შეძენილი საახალწლო ნობათი 150 ბენეფიციარს გადაეცა. უმწეოთა სასადილოს ბენეფიციარებს, ასევე გადაეცათ შავი ზღვის ტერმინალის (ყულევის) სასურსათო პაკეტები.

დეკემბერი 30, 2025

საკრებულოს სხდომა

30 დეკემბერს, ხობის მუნიციპალიტეტის საკრებულოს სხდომათა დარბაზში გაიმართა საკრებულოს მორიგი სხდომა, რომელსაც უძღვებოდა საკრებულოს თავმჯდომარე გოჩა ქაჯაია. სხდომას მუნიციპალიტეტის მერთან დავით ბუკიასთან ერთად ესწრებოდნენ საკრებულოსა და მერიის ხელმძღვანელი პირები. სხდომაზე განიხილეს დღის წესრიგით გათვალისწინებული საკითხები.

სხდომაზე დამტკიცდა მუნიციპალიტეტის მთავარი საფინანსო დოკუმენტი ხობის მუნიციპალიტეტის 2026 წლის ადგილობრივი ბიუჯეტი, რომლის საფუძველზეც ბიუჯეტის შემოსულობები განისაზღვრა - 24719,9 ათასი ლარით; გადასახდელები - 24719,9 ათასი ლარით; სახელმწიფო ბიუჯეტიდან გამოყოფილი ტრანსფერი - 302,4 ათასი ლარით, მათ შორის: მიზნობრივი ტრანსფერი დელეგირებული უფლებამოსილებების განსახორციელებლად - 302,4 ათასი ლარი, სარეზერვო ფონდი- 100,0 ათასი ლარი, ვალდებულებების ცვლილება, კლება 63,5 ათასი ლარი. 2026 წლის საგადასახადო შემოსავლების პროგნოზი 2025 წლის საწყის გეგმიურ მაჩვენებელთან შედარებით იზრდება 1590,8 ათასი ლარით (6,9%-ით).

„ხობის მუნიციპალიტეტის ახალგაზრდული საქმიანობის 2026 წლის მუნიციპალური პროგრამის დამტკიცების შესახებ“, „ხობის მუნიციპალიტეტში სპორტის ხელშეწყობისა და განვითარების 2026 წლის მუნიციპალური პროგრამის დამტკიცების შესახებ“ და „ხობის მუნიციპალიტეტში განათლების ხელშეწყობის 2026 წლის მუნიციპალური პროგრამის დამტკიცების შესახებ“ განკარგულების პროექტები ითვალისწინებს მუნიციპალიტეტში მცხოვრები ახალგაზრდების გაძლიერებას, მუნიციპალიტეტში სპორტის ხელშეწყობასა და განვითარებას, ხობის მუნიციპალიტეტის ზოგადსაგანმანათლებლო საჯარო და კერძო სკოლების წარმატებულ მოსწავლეთა და წარმატებულ სტუდენტთა ფინანსურ ხელშეწყობას და ხობის მუნიციპალიტეტში განათლების სფეროში მოღვაწე პირების მატერიალურ წახალისებას.

„ხობის მუნიციპალიტეტის მოსახლეობის სოციალური უზრუნველყოფის 2026 წლის მუნიციპალური პროგრამის დამტკიცების შესახებ“ განკარგულების პროექტით პროგრამის ბიუჯეტი განისაზღვრა 809100 ლარით.

დასასრულს საკრებულოს თავმჯდომარემ და მერმა საკრებულოს წევრებსა და დამსწრე საზოგადოებას მიულოცეს დამდეგი შობა-ახალი წელი.

დეკემბერი 30, 2025

საბავშვო ბაღების აღსაზრდელებს საახალწლო ნობათი გადაეცათ

ხობის მუნიციპალიტეტის საბავშვო ბაღების აღსაზრდელებს საახალწლო ნობათი გადაეცათ. ადგილობრივი ბიუჯეტის დაფინანსებით შეძენილი ტკბილეული ხობის მუნიციპალიტეტის საბავშვო ბაღის 650 აღსაზრდელმა მიიღო.

ხობის მუნიციპალიტეტის საკრებულოს თავმჯდომარემ გოჩა ქაჯაიამ, მერის მოადგილემ დავით ბერაიამ და ადგილობრივი თვითმმართველობის სხვა წარმომადგენლებმა ბავშვებსა და აღმზრდელ-მასწავლებლებს დამდეგი შობა-ახალი წელი მიულოცეს და აღსაზრდელებს საჩუქრები გადასცეს.

დეკემბერი 29, 2025

ხობში საახალწლო კონცერტი გაიმართა

ხობის კულტურის სახლის დიდ დარბაზში დუეტ „ჯორჯიას“ და ადგილობრივი შემსრულებლების მონაწილეობით საახალწლო კონცერტი გაიმართა.

ღონისძიებას ხობის მუნიციპალიტეტის საკრებულოს თავმჯდომარე გოჩა ქაჯაია, მუნიციპალიტეტის მერი დავით ბუკია და ადგილობრივი თვითმმართველობის სხვა წარმომადგენლები ესწრებოდნენ.

ბავშვების საახალწლო განწყობაზე დრამერები და ანიმატორები ზრუნავდნენ. ღონისძიება DJ „გიოს“ კონცერტით გაგრძელდა.

შობა-ახალი წლისადმი მიძღვნილი ღონისძიება ადგილობრივი თვითმმართველობის მხარდაჭერითა და „ხობის მუნიციპალიტეტის კულტურულ-საგანმანათლებლო საზოგადოებრივი ცენტრის“ ორგანიზებით ჩატარდა.

დეკემბერი 26, 2025

ბიუროს სხდომა

26 დეკემბერს გაიმართა ხობის მუნიციპალიტეტის საკრებულოს ბიუროს სხდომა, სადაც განიხილეს დღის წესრიგით გათვალისწინებული საკითხები:

1. ხობის მუნიციპალიტეტის მერის დავით ბუკიას 2025 წლის 12 დეკემბრის N50-502534651 წერილის განხილვა:

• ,,ხობის მუნიციპალიტეტში სპორტის ხელშეწყობისა და განვითარების 2025 წლის მუნიციპალური პროგრამის დამტკიცების შესახებ’’ ხობის მუნიციპალიტეტის საკრებულოს 2024 წლის 27 დეკემბრის N27 განკარგულებაში ცვლილების შეტანის თაობაზე“ განკარგულების პროექტის შესახებ;

• ,,ხობის მუნიციპალიტეტის ახალგაზრდული საქმიანობის 2025 წლის მუნიციპალური პროგრამის დამტკიცების შესახებ’’ ხობის მუნიციპალიტეტის საკრებულოს 2024 წლის 27 დეკემბრის N 28 განკარგულებაში ცვლილების შეტანის თაობაზე“ განკარგულების პროექტის შესახებ;

• „ხობის მუნიციპალიტეტში განათლების ხელშეწყობის 2025 წლის მუნიციპალური პროგრამის დამტკიცების შესახებ“ ხობის მუნიციპალიტეტის საკრებულოს 2024 წლის 27 დეკემბრის N 29 განკარგულებაში ცვლილების შეტანის თაობაზე“ განკარგულების პროექტის შესახებ;

• „ხობის მუნიციპალიტეტში სპორტის ხელშეწყობისა და განვითარების 2026 წლის მუნიციპალური პროგრამის დამტკიცების შესახებ“ განკარგულების პროექტის შესახებ;

• „ხობის მუნიციპალიტეტის ახალგაზრდული საქმიანობის 2026 წლის მუნიციპალური პროგრამის დამტკიცების შესახებ“ განკარგულების პროექტის თაობაზე;

• „ხობის მუნიციპალიტეტში განათლების ხელშეწყობის 2026 წლის მუნიციპალური პროგრამის დამტკიცების შესახებ“ განკარგულების პროექტის თაობაზე;

(მომხსენებელი: დოდო გაბუნია - ხობის მუნიციპალიტეტის საკრებულოს

განათლების, კულტურისა და სოციალურ საკითხთა

კომისიის თავმჯდომარე);

2. ხობის მუნიციპალიტეტის მერის დავით ბუკიას 2025 წლის 15 დეკემბრის N50-502534944 წერილის განხილვა („ხობის მუნიციპალიტეტის 2026 წლის ადგილობრივი ბიუჯეტის დამტკიცების შესახებ“ დადგენილების პროექტის თაობაზე);

(მომხსენებელი: ლევან ლიპარტია - ხობის მუნიციპალიტეტის საკრებულოს

საფინანსო - საბიუჯეტო კომისიის თავმჯდომარე);

3. ხობის მუნიციპალიტეტის საკრებულოს საფინანსო-საბიუჯეტო კომისიის თავმჯდომარის ლევან ლიპარტიას 2025 წლის 19 დეკემბრის N51-51253533 განცხადების განხილვა („საწვავისა და სატელეფონო მომსახურების ხარჯების ლიმიტის განსაზღვრის შესახებ“ განკარგულების პროექტის თაობაზე);

(მომხსენებელი: ლევან ლიპარტია - ხობის მუნიციპალიტეტის საკრებულოს

საფინანსო - საბიუჯეტო კომისიის თავმჯდომარე);

4. ხობის მუნიციპალიტეტის საკრებულოს საფინანსო-საბიუჯეტო კომისიის თავმჯდომარის ლევან ლიპარტიას 2025 წლის 19 დეკემბრის N51-51253534 განცხადების განხილვა („ხობის მუნიციპალიტეტის საკრებულოს თანამდებობის პირთა და საკრებულოს აპარატის პროფესიული საჯარო მოხელის თანამდებობის რანგირების, თანამდებობრივი სარგოს ოდენობის განსაზღვრისა და საკრებულოს აპარატის საშტატო ნუსხის დამტკიცების შესახებ“ ხობის მუნიციპალიტეტის საკრებულოს 2021 წლის 29 დეკემბრის N18 დადგენილებაში ცვლილების შეტანის თაობაზე“ დადგენილების პროექტის შესახებ);

(მომხსენებელი: ლევან ლიპარტია - ხობის მუნიციპალიტეტის საკრებულოს

საფინანსო - საბიუჯეტო კომისიის თავმჯდომარე);

5. ხობის მუნიციპალიტეტის მერის დავით ბუკიას 2025 წლის 19 დეკემბრის N50-502535374 წერილის განხილვა („ხობის მუნიციპალიტეტის მერიის საშტატო ნუსხის დამტკიცებისა და ხობის მუნიციპალიტეტის მერიის პოლიტიკური თანამდებობის პირთა, პროფესიულ საჯარო მოხელეთა და ადმინისტრაციული ხელშეკრულებით დასაქმებულ პირთა თანამდებობრივი სარგოების ოდენობების განსაზღვრის შესახებ“ ხობის მუნიციპალიტეტის საკრებულოს 2018 წლის 18 იანვრის №4 დადგენილებაში ცვლილების შეტანის თაობაზე“ დადგენილების პროექტის შესახებ);

(მომხსენებელი: ლევან ლიპარტია - ხობის მუნიციპალიტეტის საკრებულოს

საფინანსო - საბიუჯეტო კომისიის თავმჯდომარე);

6. ხობის მუნიციპალიტეტის მერის მოვალეობის შემსრულებლის რ. ზაქარაიას 2025 წლის 24 დეკემბრის N50-502535887 წერილის განხილვა:

• „ხობის მუნიციპალიტეტის მოსახლეობის სოციალური უზრუნველყოფის 2025 წლის მუნიციპალური პროგრამის“ დამტკიცების შესახებ ხობის მუნიციპალიტეტის საკრებულოს 2024 წლის 27 დეკემბრის №30 განკარგულებაში ცვლილების შეტანის თაობაზე“ განკარგულების პროექტის შესახებ;

• „ხობის მუნიციპალიტეტის მოსახლეობის სოციალური უზრუნველყოფის 2026 წლის მუნიციპალური პროგრამის დამტკიცების შესახებ“ განკარგულების პროექტის თაობაზე;

• „ხობის მუნიციპალიტეტის მოსახლეობის ჯამრთელობის დაცვის 2026 წლის მუნიციპალური პროგრამის დამტკიცების შესახებ“ განკარგულების პროექტის თაობაზე;

(მომხსენებელი: დოდო გაბუნია - ხობის მუნიციპალიტეტის საკრებულოს

განათლების, კულტურისა და სოციალურ საკითხთა

კომისიის თავმჯდომარე);

7. ხობის მუნიციპალიტეტის მერის მოვალეობის შემსრულებლის რევაზ ზაქარაიას 2025 წლის 24 დეკემბრის N50-5025358134 წერილის განხილვა („ხობის მუნიციპალიტეტის მერიის დებულების დამტკიცების შესახებ“ ხობის მუნიციპალიტეტის საკრებულოს 2017 წლის 30 ოქტომბრის №45 დადგენილებაში ცვლილების შეტანის თაობაზე“ დადგენილების პროექტის შესახებ);

(მომხსენებელი: მედეა თათარიშვილი - ხობის მუნიციპალიტეტის საკრებულოს

იურიდიულ, სამანდატო - საპროცედურო და ეთიკის

კომისიის თავმჯდომარე);

8. ხობის მუნიციპალიტეტის მერის დავით ბუკიას 2025 წლის 25 დეკემბრის N50-50253597 წერილის განხილვა („ხობის მუნიციპალიტეტის 2025 წლის ადგილობრივი ბიუჯეტის დამტკიცების შესახებ“ ხობის მუნიციპალიტეტის საკრებულოს 2024 წლის 27 დეკემბრის №21 დადგენილებაში ცვლილების შეტანის თაობაზე“ დადგენილების პროექტის შესახებ);

(მომხსენებელი: ლევან ლიპარტია - ხობის მუნიციპალიტეტის საკრებულოს

საფინანსო - საბიუჯეტო კომისიის თავმჯდომარე);

9. ხობის მუნიციპალიტეტის მერის დავით ბუკიას 2025 წლის 25 დეკემბრის N50-502535954 წერილის განხილვა („ხობის მუნიციპალიტეტის 2026 - 2029 წლების პრიორიტეტების დოკუმენტის“ თაობაზე).

(მომხსენებელი: ლევან ლიპარტია - ხობის მუნიციპალიტეტის საკრებულოს

საფინანსო - საბიუჯეტო კომისიის თავმჯდომარე).

დეკემბერი 26, 2025

წარმატებულ სპორტსმენთა დაჯილდოება

ხობის კულტურის სასახლის მცირე დარბაზში, ხობის მუნიციპალიტეტის 2025 წლის წარმატებულ სპორტსმენთა და მწვრთნელთა დაჯილდოების ღონისძიება გაიმართა. ღონისძიებას ხობის მუნიციპალიტეტის საკრებულოს თავმჯდომარე გოჩა ქაჯაია, მუნიციპალიტეტის მერი დავით ბუკია, ადგილობრივი თვითმმართველობის და სპორტის სფეროს წარმომადგენლები ესწრებოდნენ.

მსოფლიოს, ევროპის, საქართველოს პირველობების, საერთაშორისო ტურნირების ჩემპიონები და პრიზიორები, მწვრთნელები სპორტის სფეროში მიღწეული წარმატებებისა და ხობის მუნიციპალიტეტის წარმოჩენისთვის ფასიანი საჩუქრებითა და საპატიო სიგელებით დაჯილდოვდნენ.

2025 წელს “ხობის მუნიციპალიტეტში სპორტის ხელშეწყობისა და განვითარებისა მუნიციპალური პროგრამის“ ფარგლებში, წარმატებულ სპორტსმენებსა და მათ მწვრთნელებს მიღწეული შედეგების შესაბამისად ფულადი თანხა პირად ანგარიშზე ერიცხებოდათ.

დეკემბერი 24, 2025

სასკოლო სპორტული ოლიმპიადის გამარჯვებულთა დაჯილდოება

ხობის მუნიციპალიტეტის კულტურის სახლის მცირე დარბაზში, სასკოლო სპორტული ოლიმპიადის მუნიციპალურ თამაშებში გამარჯვებული გუნდების დაჯილდოება გაიმართა. მუნიციპალურ თამაშებში გამარჯვებული საჯარო სკოლების გუნდები თასებითა და სიგელებით დაჯილდოვდნენ.

ღონისძიებას ხობის მუნიციპალიტეტის საკრებულოს თავმჯდომარე გოჩა ქაჯაია, ხობის მუნიციპალიტეტის მერის მოადგილე დავით ბერაია და ადგილობრივი თვითმმართველობის სხვა წარმომადგენლები ესწრებოდნენ.

სასკოლო ოლიმპიადაში გამარჯვებული გუნდები რეგიონულ პირველობაში მიიღებენ მონაწილეობას. სასკოლო სპორტული ოლიმპიადა ხობის მუნიციპალიტეტის სპორტის ცენტრის დაფინანსებით, ადგილობრივი თვითმმართველობისა და საქართველოს ბავშვთა და სასკოლო სპორტის ეროვნული ფედერაციის მხარდაჭერით ჩატარდა.

დეკემბერი 22, 2025

ხობში საახალწლო ღონისძიება გაიმართა

ხობის ცენტრალურ მოედანზე საქართველოს მთავრობის, საქართველოს კულტურის სამინისტროს და „შემოქმედებითი საქართველოს“ მხარდაჭერით საახალწლო კონცერტი გაიმართა.

საახალწლო ღონისძიებას ხობის მუნიციპალიტეტის საკრებულოს თავმჯდომარე გოჩა ქაჯაია, მუნიციპალიტეტის მერი დავით ბუკია,ადგილობრივი თვითმმართველობის და საზოგადოების წარმომადგენლები ესწრებოდნენ.

კონცერტში მონაწილეობდნენ: „ქართული ხმები“, ტრიო „აპრილია“, ნიკუშა ცერცვაძე,

გიორგი კელაპტრიშვილი, ცირა კობიაშვილი, ქეთი ფარესაშვილი, შოთიკო ტატიშვილი

და MIX2RA.

საქართველოს კულტურის სამინისტროს მიერ ორგანიზებული საახალწლო ღონისძიება, ასევე მოიცავდა - საბავშვო აქტივობებს, ზღაპრის გმირების წარმოდგენებსა და მუსიკალურ ნომრებს. ღონისძიების პატარა სტუმრებს თოვლის ბაბუამ საჩუქრები გადასცა. ღონისძიებაზე საზეიმოდ აინთო ქალაქის მთავარი ნაძვის ხე.

საახალწლო ღონისძიება ფეიერვერკით დასრულდა

დეკემბერი 22, 2025

სპექტაკლი "შემოდგომის აზნაურების" პრემიერა

ხობის კულტურის სახლის დიდ დარბაზში ა(ა)იპ ,,ხობის მუნიციპალიტეტის კულტურულ-საგანმანათლებლო საზოგადოებრივ ცენტრთან’’ არსებული ბავშვთა თეატრის სპექტაკლის - „შემოდგომის აზნაურების“ პრემიერა შედგა.

რეჟისორმა მარინა ჯღარკავამ სპექტაკლი დავით კლდიაშვილის მოთხრობების

„ბაკულას ღორების “, „სოლომან მორბელაძეს“, და „დარისპანის გასაჭირის“

მიხედვით დადგა.

პატარა მსახიობებმა როლები ოსტატურად მოირგეს და შემოქმედებითი ნიჭი და შესაძლებლობები კიდევ ერთხელ წარმოაჩინეს.

სპექტაკლს დამსწრე საზოგადოებასთან ერთად ხობის მუნიციპალიტეტის საკრებულოს თავმჯდომარე გოჩა ქაჯაია, მუნიციპალიტეტის მერი დავით ბუკია და ადგილობრივი თვითმმართველობის წარმომადგენლები ესწრებოდნენ.

სპექტაკლის საპრემიერო ჩვენება 23 და 24 დეკემბერს გაიმართება.

დეკემბერი 19, 2025

გილოცავთ ნიკოლოზობას!

დეკემბერი 17, 2025

გილოცავთ ბარბარობას!

1
2
3
4
5
6
7
8
9
10
11
12
13
14
15
16
...
>
>>