ხობის მუნიციპალიტეტის საკრებულო

სიახლეები

აგვისტო 19, 2025

გილოცავთ ფერისცვალებას!

აგვისტო 15, 2025

სტარტი აიღო კობა შუბითიძის სახელობის თასის გათამაშებამ ფეხბურთში

ხობის მუნიციპალიტეტის საგვიჩიოს ადმინისტრაციულ ერთეულში სტარტი აიღო 2004 წელს, საქართველოს ტერიტორიული მთლიანობისათვის დაღუპული ჯარისკაცის, კობა შუბითიძის სახელობისთასის გათამაშებამ ფეხბურთში.

ტურნირის გახსნის ღონისძიებას ხობის მუნიციპალიტეტის საკრებულოს თავმჯდომარე ლევან ქავთარაძე, მერი დავით ბუკია, საქართველოს თავდაცვის ძალების დასავლეთის სარდალი, ბრიგადის გენერალი, კობა გრიგოლია, კობა შუბითიძის ოჯახის წევრები, ადგილობრივი თვითმმართველობის და თავდაცვის ძალების წარმომადგენლები ესწრებოდნენ.

ტურნირში მონაწილეობენ: სენაკის მეორე ქვეითი ბრიგადის, დასავლეთ სარდლობის ლოჯისტიკის სამსახურის, ეროვნული გვარდიის, ქუთაისის მესამე ქვეითი ბრიგადის, საარტილერიო ბრიგადის, ჭალადიდის, საგვიჩიოსა და ხობის „ჭალეს“ ფეხბურთელთა გუნდები.

მემორიალური ტურნირის ფინალი, 21 აგვისტოს, საგვიჩიოს სტადიონზე გაიმართება

აგვისტო 14, 2025

კომისიის სხდომა შუა ქვალონის ქუჩისთვის სახელის მინიჭების თაობაზე

ხობის მუნიციპალიტეტის საკრებულოს ინფრასტრუქტურისა და სივრცით-ტერიტორიული დაგეგმარების კომისიის ორგანიზებით საკრებულოს სხდომათა დარბაზში გაიმართა საჯარო განხილვა, ხობის მუნიციპალიტეტის შუა ქვალონის ადმინისტრაციული ერთეულის სოფელების ჭითაუშქურისა და გვიმარონის ქუჩების სახელდებასთან დაკავშირებით. მონაწილეების მხრიდან მხარდაჭერილ იქნა წარმოდგენილი წინადადება ქუჩების სახელდებასთან დაკავშირებით.

აგვისტო 12, 2025

ხობში ანდრია გველესიანის კონცერტი გაიმართა

ხობის ცენტრალურ პარკში ახალგაზრდობის საერთაშორისო დღისადმი მიძღვნილი ღონისძიებების ფარგლებში

ანდრია გველესიანისა და ბენდის კონცერტი გაიმართა. მომღერალი მსმენელი წინაშეძველი და ახალი სიმღერებით წარსდა.

საღამოს მსმენელისთვის DJ OTO-მ დაუკრა.

კონცერტი ადგილობრივი თვითმმართველობის დაფინანსებითა და ორგანიზებით ჩატარდა.

ახალგაზრდების საერთაშორისო დღის ფარგლებში ცენტრალურ პარკში ოქროსა და ვერცხლის მედალოსანთა დაჯილოების ცერემონიალიც გაიმართა.

აგვისტო 12, 2025

წარჩინებულ მოსწავლეთა დაჯილდოება

12 აგვისტოს ხობის ცენტრალურ პარკში მუნიციპალიტეტის საჯარო და კერძო სკოლების წარჩინებულ მოსწავლეთა დაჯილდოება გაიმართა.

მოსწავლეებს სკოლის ოქროსა და ვერცხლის მედლებზედამთავრება ხობის მუნიციპალიტეტის საკრებულოს თავმჯდომარემ ლევან ქავთარაძემ და მერმა, დავით ბუკიამ მიულოცეს. მუნიციპალიტეტის მერმა კურსდამთავრებულებს სიგელები გადასცა.

ღონისძიებას ადგილობრივი თვითმმართველობის და რესურსცენტრის წარმომადგენლები, სკოლების დირექტორები და პედაგოგები ესწრებოდნენ.

ხობის მუნიციპალიტეტის საჯარო და კერძო სკოლების 2024-2025 წლების 65 კურსდამთავრებული გახდა ოქროს და ვერცხლის მედალოსანი. მათ შორის 57 ოქროს მედალოსანია , ხოლო ვერცხლის მედალოსანი - 8.

„ხობის მუნიციპალიტეტში განათლების ხელშეწყობის მუნიციპალური პროგრამის“ ფარგლებში თითოეულ წარმატებულ მოსწავლეს ადგილობრივი ბიუჯეტიდან პირად ანგარიშზე ფულადი თანხა ჩაერიცხება.

აგვისტო 12, 2025

ინფორმაცია

ხობის მუნიციპალიტეტის საკრებულოში შემოსულია ინიციატივა ხობის მუნიციპალიტეტის შუა ქვალონის ადმინისტრაციული ერთეულის სოფელების ჭითაუშქურისა და გვიმარონის ქუჩებისსახელდებასთან დაკავშირებით. აღნიშნულთან დაკავშირებით ხობის მუნიციპალიტეტის საკრებულოს სხდომათა დარბაზში 14 აგვისტოს 11:30 სთ-ზე გაიმართება საჯარო განხილვა.

დაინტერესებული პირებისთვის დასწრება თავისუფალია.

აგვისტო 12, 2025

გილოცავთ დიდგორობას!

აგვისტო 12, 2025

გილოცავთ ცოტნეობას!

აგვისტო 11, 2025

საკრებულოს რიგგარეშე სხდომა

11 აგვისტოს ხობის მუნიციპალიტეტის საკრებულოს სხდომათა დარბაზში გაიმართა საკრებულოს რიგგარეშე სხდომა, რომელსაც უძღვებოდა საკრებულოს თავმჯდომარე ლევან ქავთარაძე. სხდომასესწრებოდნენ საკრებულოსა და მერიის ხელმძღვანელი პირები. სხდომაზე განხილულ იქნა განკარგულების პროექტი: „მუნიციპალიტეტის წარმომადგენლობითი ორგანოს-საკრებულოს და თვითმართველი ქალაქის/ თვითმართველი თემის მერის 2025 წლის 4 ოქტომბრის არჩევნებთან დაკავშირებით ხობის მუნიციპალიტეტის ტერიტორიაზე გასატარებელი ღონისძიებების შესახებ“, რომლის თანახმადაც მუნიციპალიტეტის წარმომადგენლობითი ორგანოს-საკრებულოს და თვითმართველი ქალაქის/თვითმმართველი თემის მერის 2025 წლის 4 ოქტომბრის არჩევნებთან დაკავშირებით, ხობის მუნიციპალიტეტის ტერიტორიაზე არჩევნების მომზადებისა და ჩატარებისთვის შესაბამის საარჩევნო კომისიებს დროებით, უსასყიდლოდ გადაეცათ ხობის მუნიციპალიტეტის საკუთრებაში არსებული შენობა-ნაგებობები:

ა) ქ. ხობში - N1 საბავშვო ბაღის შენობა

ბ) ხეთის საბავშვო ბაღის შენობა

გ) პირველი მაისი საბავშვო ბაღის შენობა

დ) ხობის მოსწავლე-ახალგაზრდობის სახლის შენობა

ე) პატარა ფოთის ადმინისტრაციული შენობა (მე-2 სართული)

ვ) პირველი ხორგის საბავშვო ბაღის შენობა

ზ) საჯიჯაოს კულტურის სახლის შენობა;

თ) გაღმა საჯიჯაოს საბავშვო ბაღის შენობა;

ი) ქარიატის სასოფლო კლუბის შენობა;

კ) ჭალადიდის ბიბლიოთეკის შენობა;

ლ)ხამისკურის საბავშვი ბაღის შენობა

მ)ძველი ხიბულის ადმინისტრაციული ერთეული-საბავშვო ბაღის შენობა.

ხოლო საარჩევნო სუბიექტებისთვის ამომრჩევლებთან შეხვედრების, კრებების, საჯარო დებატებისა და დისკუსიებისთვის გამოიყო ხობის მუნიციპალიტეტის საკუთრებაში არსებული შენობა-ნაგებობები:

ა) ქ. ხობში - ხობის კულტურის სახლის შენობა;

ბ) ახალი ხიბულის ადმინისტრაციულ ერთეულში - სოფელ ზუბის კლუბის შენობა;

გ) ქვემო ქვალონის ადმინისტრაციულ ერთეულში - ქვემო ქვალონის კულტურის სახლი;

დ) შუა ხორგის ადმინისტრაციულ ერთეულში - ადგილობრივი თვითმმართველობის ადმინისტრაციული შენობა;

ე) ხეთის ადმინისტრაციულ ერთეულში - ადგილობრივი თვითმმართველობის ადმინისტრაციული შენობა;

ვ) ძველი ხიბულის ადმინისტრაციულ ერთეულში - ადგილობრივი თვითმმართველობის ადმინისტრაციული შენობა.

დღის წესრიგით გათვალისწინებული საკითხის განხილვის შემდეგ საკრებულოს რიგგარეშე სხდომა დახურულად გამოცხადდა.

აგვისტო 11, 2025

ბიუროს სხდომა

11 აგვისტოს გაიმართა ხობის მუნიციპალიტეტის საკრებულოს ბიუროს სხდომა, სადაც განხილულ იქნა დღის წესრიგით გათვალისწინებული ერთი საკითხი;

1. ხობის მუნიციპალიტეტის მერისდავით ბუკიას 2025 წლის 8 აგვისტოს N50-502522034 წერილის განხილვა („მუნიციპალიტეტის წარმომადგენლობითი ორგანოს-საკრებულოს და თვითმართველი ქალაქის/ თვითმართველი თემის მერის 2025 წლის 4 ოქტომბრის არჩევნებთან დაკავშირებით ხობის მუნიციპალიტეტის ტერიტორიაზე გასატარებელი ღონისძიებების შესახებ“ განკარგულების პროექტის თაობაზე).

(მომხსენებელი: ვლადიმერ ქანთარია - ხობის მუნიციპალიტეტის საკრებულოს

ეკონომიკისა და ქონების მართვის საკითხთა

კომისიის თავმჯდომარე).

აგვისტო 8, 2025

განცხადება ხობის მუნიციპალიტეტის საკრებულოს რიგგარეშე სხდომის შესახებ

ხობის მუნიციპალიტეტის საკრებულოს რიგგარეშე სხდომა გაიმართება 2025 წლის 11 აგვისტოს 12:00 საათზე,საკრებულოს სხდომათა დარბაზში.

სხდომის დღის წესრიგი:

1. „მუნიციპალიტეტის წარმომადგენლობითი ორგანოს-საკრებულოს და თვითმართველი ქალაქის/ თვითმართველი თემის მერის 2025 წლის 4 ოქტომბრის არჩევნებთან დაკავშირებით ხობის მუნიციპალიტეტის ტერიტორიაზე გასატარებელი ღონისძიებების შესახებ“ განკარგულების პროექტის განხილვა.

(მომხსენებელი: დავით ბუკია - ხობის მუნიციპალიტეტის მერი;

თანამომხსენებელი: მარინა რუხაძე - ხობის მუნიციპალიტეტის მერიის

ეკონომიკური განვითარებისა და ქონების მართვის სამსახურის უფროსის

მოვალეობის შემსრულებელი).

აგვისტო 8, 2025

დასრულდა გოგა ჭითანავას და ლევან ტურავას სახელობის ტურნირი

დასრულდა 2008 წელს ტრაგიკულად დაღუპული რეზერვისტის გოგა ჭითანავასა და ჯარისკაც ლევან ტურავას სახელობის რიგით მეთექვსმეტე გათამაშება მინი ფეხბურთში. ფინალურ შეხვედრაში ერთმანეთს „ხეთის” და „ჭალეს“ ფეხბურთელთა გუნდები დაუპირისპირდნენ, სადაც გამარჯვება „ჭალეს“ გუნდმა მოიპოვა. ტურნირის გამარჯვებულ და საპრიზო ადგილებზე გასულ გუნდებს თასები და სიგელები გადაეცათ. სპორტულ ღონისძიებას ხობის მუნიციპალიტეტის საკრებულოს თავმჯდომარე ლევან ქავთარაძე და მერის მოადგილე დავით ბერაია ადგილობრივი თვითმმართველობისა და საზოგადოების წარმომადგენლებთან ერთად ესწრებოდნენ.

აგვისტო 8, 2025

აგვისტოს ომში დაღუპული ხობელი გმირების ხსოვნას პატივი მიაგეს

2008 წლის რუსეთ-საქართველოს აგვისტოს ომიდან 17 წელი გავიდა. ხობის მუნიციპალიტეტის საკრებულოს თავმჯდომარემ ლევან ქავთარაძემ და მერმა დავით ბუკიამ, გარდაცვლილთა ოჯახისწევრებთან, ადგილობრივი თვითმმართველობისა და საზოგადოების წარმომადგენლებთან ერთად ყვავილებით შეამკეს აგვისტოს ომის დროს დაღუპულთა მემორიალი და პატივი მიაგეს მათ ხსოვნას.

2008 წლის 8 აგვისტოს ხობის მუნკციპალიტეტიდან სამშობლოს ერთიანობას - გოგა ბერაიას, მიხეილ იოსავას, ლევან ჭოჭუას, დათა ხურცილავას, გოგა ჭითანავას, ზვიად დათუაშვილის, ლევან ტურავას, გოგიტა ქარჩავას და რამაზ კიტიას სიცოცხლე შეეწირა.

ხობის წმინდა სამების სახელობის ეკლესიაში მღვდელმა იაკობ სურმავამ სამღვდელოებასთან ერთად საქართველოს ერთიანობისთვის დაღუპულთათვის პანაშვიდი გადაიხადა.

ივლისი 30, 2025

საკრებულოს სხდომა

30 ივლისს, ხობის მუნიციპალიტეტის საკრებულოს სხდომათა დარბაზში, საკრებულოს მორიგი სხდომა გაიმართა, რომელსაც საკრებულოს თავმჯდომარე ლევან ქავთარაძე უძღვებოდა. სხდომასესწრებოდნენ საკრებულოსა და მერიის ხელმძღვანელი პირები. სხდომაზე განხილულ იქნა დადგენილების პროექტი „ხობის მუნიციპალიტეტის 2025 წლის ადგილობრივი ბიუჯეტის დამტკიცების შესახებ“ ხობის მუნიციპალიტეტის საკრებულოს 2024 წლის 27 დეკემბრის №21 დადგენილებაში ცვლილების შეტანის თაობაზე“, რომლის თანახმადაც ბიუჯეტის შემოსავლები განისაზღვრა 34079,8 ათასი ლარის ოდენობით, ხოლო გადასახდელები 41333,1 ათასი ლარის ოდენობით. სხდომაზე დამტკიცდა ხობის მუნიციპალიტეტის ქალთა და ბავშვთა საკითხებზე მომუშავე მუნიციპალური საბჭოს დებულება, რომელიც ემსახურება ქალთა და ბავშვთა უფლებების დაცვის და მათი სოციალური უზრუნველყოფის საკითხების ორგანიზებას და განვითარებას მუნიციპალიტეტში. ასევე განხილულ იქნა განკარგულების პროექტი „ხობის მუნიციპალიტეტის მოსახლეობის სოციალური უზრუნველყოფის 2025 წლის მუნიციპალური პროგრამის დამტკიცების შესახებ ხობის მუნიციპალიტეტის საკრებულოს 2024 წლის 27 დეკემბრის N30 განკარგულებაში ცვლილების შეტანის თაობაზე“, რომლის მიხედვითაც გაიზარდა გარკვეული სოციალური მუხლების ფინანსური დაფინანსება და დამატებით განხორციელდა ცვლილებები პროგრამის სხვა მიმართულებებში, რაც ითვალისწინებს 0-18 წლამდე ასაკის მქონე პირების სამედიცინო რეაბილიტაციის თანადაფინანსების გაზრდას, ავარიული საცხოვრებელი სახლების სარეაბილიტაციო მხარდაჭერასა და სტიქიური მოვლენების შედეგად დაზარალებულთა დახმარების სისტემის გაძლიერებას.

სხდომაზე ასევე განხილულ იქნა შემდეგი განკარგულების პროექტები: „ხობის მუნიციპალიტეტის თორსა-დღვაბის ადმინისტრაციული ერთეულის სოფელ დღვაბის უსახელო ქუჩების სახელდების შესახებ“, „ხობის მუნიციპალიტეტის პირველი მაისის ადმინისტრაციული ერთეულის სოფელ ბულიწყუში შოთა რუსთაველის ქუჩის პირველი შესახვევისთვის სპარტაკ ბუკიას ქუჩის სახელის მინიჭების თაობაზე“, „ხობის მუნიციპალიტეტის ძველი ხიბულის ადმინისტრაციულ ერთეულში არსებულ N1 ქუჩისთვის რევაზ ჩხეიძის სახელის მინიჭების თაობაზე“ და „ხობის მუნიციპალიტეტის გურიფულის ადმინისტრაციულ ერთეულში თბილისის ქუჩისთვის ტარიელ გელანტიას სახელის მინიჭების მიზანშეწონილობის თაობაზე“.

დღის წესრიგით გათვალისწინებული საკითხების განხილვის შემდეგ, საკრებულოს მორიგი სხდომა დახურულად გამოცხადდა.

ივლისი 29, 2025

ბიუროს სხდომა

29 ივლისს გაიმართა ხობის მუნიციპალიტეტის საკრებულოს ბიუროს სხდომა, სადაც განხილულ იქნა დღის წესრიგით გათვალისწინებული საკითხები:

1. ხობის მუნიციპალიტეტის მერის მოვალეობის შემსრულებლის რ. ზაქარაიას 2025 წლის 6 ივნისის N50-502517810 წერილის განხილვა („ხობის მუნიციპალიტეტის გურიფულის ადმინისტრაციულ ერთეულში თბილისის ქუჩისთვის ტარიელ გელანტიას ქუჩის სახელის მინიჭების მიზანშეწონილობის თაობაზე“ განკარგულების პროექტის შესახებ);

(მომხსენებელი: ბექა მამაცაშვილი - ხობის მუნიციპალიტეტის საკრებულოს

ინფრასტრუქტურისა და სივრცით - ტერიტორიული დაგეგმარების

კომისიის თავმჯდომარე);

2. ხობის მუნიციპალიტეტის მერის დ ბუკიას 2025 წლის 4 ივლისის N50-502518545 წერილის განხილვა („ხობის მუნიციპალიტეტის 2025 წლის იანვარ - ივნისის ბიუჯეტის შესრულების შედეგების შესახებ“);

(მომხსენებელი: ლევანი ლიპარტია - ხობის მუნიციპალიტეტის საკრებულოს

საფინანსო - საბიუჯეტო კომისიის თავმჯდომარე);

3. ხობის მუნიციპალიტეტის მერის დ. ბუკიას 2025 წლის 11 ივლისის N50-502519237 წერილის განხილვა („ხობის მუნიციპალიტეტის თორსა-დღვაბის ადმინისტრაციული ერთეულის სოფელ დღვაბის უსახელო ქუჩების სახელდების შესახებ“ განკარგულების პროექტის თაობაზე);

(მომხსენებელი: ბექა მამაცაშვილი - ხობის მუნიციპალიტეტის საკრებულოს

ინფრასტრუქტურისა და სივრცით - ტერიტორიული დაგეგმარების

კომისიის თავმჯდომარე);

4. ხობის მუნიციპალიტეტის მერის დ. ბუკიას 2025 წლის 16 ივლისის N50-502519710 წერილის განხილვა („ხობის მუნიციპალიტეტის მოსახლეობის სოციალური უზრუნველყოფის 2025 წლის მუნიციპალური პროგრამის“ დამტკიცების შესახებ ხობის მუნიციპალიტეტის საკრებულოს 2024 წლის 27 დეკემბრის N30 განკარგულებაში ცვლილების შეტანის თაობაზე“ დადგენილების პროექტის შესახებ);

(მომხსენებელი: დოდო გაბუნია - ხობის მუნიციპალიტეტის საკრებულოს

განათლების, კულტურისა და სოციალურ საკითხთა კომისიის თავმჯდომარე);

5. ხობის მუნიციპალიტეტის საკრებულოს იურიდიულ, სამანდატო-საპროცედურო და ეთიკის კომისიის თავმჯდომარის მ. თათარიშვილის 2025 წლის 22 ივლისის N51-51252033 განცხადების განხილვა („ხობის მუნიციპალიტეტის ქალთა და ბავშვთა საკითხებზე მომუშავე მუნიციპალური საბჭოს შექმნისა და მისი დებულების დამტკიცების შესახებ“ დადგენილების პროექტის თაობაზე);

(მომხსენებელი: მედეა თათარიშვილი - ხობის მუნიციპალიტეტის საკრებულოს

იურიდიულ, სამანდატო - საპროცედურო და ეთიკის

კომისიის თავმჯდომარე);

6. ხობის მუნიციპალიტეტის მერის დ. ბუკიას 2025 წლის 23 ივლისის N50-502520449 წერილის განხილვა („ხობის მუნიციპალიტეტის 2025 წლის ადგილობრივი ბიუჯეტის დამტკიცების შესახებ“ ხობის მუნიციპალიტეტის საკრებულოს 2024 წლის 27 დეკემბრის №21 დადგენილებაში ცვლილების შეტანის თაობაზე“ დადგენილების პროექტის შესახებ);

(მომხსენებელი: ლევანი ლიპარტია - ხობის მუნიციპალიტეტის საკრებულოს

საფინანსო - საბიუჯეტო კომისიის თავმჯდომარე);

7. ხობის მუნიციპალიტეტის საკრებულოს ინფრასტრუქტურისა და სივრცით - ტერიტორიული დაგეგმარების კომისიის თავმჯდომარის ბექა მამაცაშვილის 2025 წლის 25 ივლისის N51-51252061 განცხადების განხილვა („ხობის მუნიციპალიტეტის პირველი მაისის ადმინისტრაციული ერთეულის სოფელ ბულიწყუში შოთა რუსთაველის ქუჩის პირველი შესახვევისთვის სპარტაკ ბუკიას ქუჩის სახელის მინიჭების თაობაზე“ განკარგულების პროექტის შესახებ);

(მომხსენებელი: ბექა მამაცაშვილი - ხობის მუნიციპალიტეტის საკრებულოს

ინფრასტრუქტურისა და სივრცით - ტერიტორიული დაგეგმარების

კომისიის თავმჯდომარე);

8. ხობის მუნიციპალიტეტის საკრებულოს ინფრასტრუქტურისა და სივრცით - ტერიტორიული დაგეგმარების კომისიის თავმჯდომარის ბექა მამაცაშვილის 2025 წლის 25 ივლისის N51-51252061 განცხადების განხილვა („ხობის მუნიციპალიტეტის ძველი ხიბულის ადმინისტრაციული ერთეულში არსებულ N1 ქუჩისთვის რევაზ ჩხეიძის სახელის მინიჭების თაობაზე“ განკარგულების პროექტის შესახებ).

(მომხსენებელი: ბექა მამაცაშვილი - ხობის მუნიციპალიტეტის საკრებულოს

ინფრასტრუქტურისა და სივრცით - ტერიტორიული დაგეგმარების

კომისიის თავმჯდომარე).

1
2
3
4
5
6
7
8
9
10
11
12
13
14
15
16
...
>
>>