ხობის მუნიციპალიტეტის საკრებულო

სიახლეები

ივლისი 20, 2026

მუნიციპალური საბჭოს სხდომა

დღეს, ხობის მუნიციპალიტეტის ქალთა და ბავშვთა საკითხებზე მომუშავე მუნიციპალური საბჭოს სხდომა გაიმართა.

სხდომაზე განიხილეს დღის წესრიგით გათვალისწინებული საკითხები:

· „ხობის მუნიციპალიტეტის ქალთა და ბავშვთა საკითხებზე მომუშავე მუნიციპალური საბჭოს შექმნისა და მისი დებულების დამტკიცების შესახებ“ - დადგენილების გაცნობა.

· ხობის მუნიციპალიტეტის ქალთა და ბავშვთა საკითხებზე მომუშავე მუნიციპალური საბჭოს მომავალი საქმიანობის განხილვა და დაგეგვმა.

ივლისი 20, 2026

20 ივლისს, ხობის მუნიციპალიტეტის საკრებულოს სხდომათა დარბაზში, საკრებულოს მორიგი სხდომა გაიმართა, რომელსაც საკრებულოს თავმჯდომარე გოჩა ქაჯაია უძღვებოდა. სხდომას ესწრებოდნენ საკრებულოსა და მერიის ხელმძღვანელი პირები. სხდომაზე განიხილეს დადგენილების პროექტი „ხობის მუნიციპალიტეტის 2026 წლის ადგილობრივი ბიუჯეტის დამტკიცების შესახებ“ ხობის მუნიციპალიტეტის საკრებულოს 2025 წლის 30 დეკემბრის №27 დადგენილებაში ცვლილების შეტანის თაობაზე“, რომლის თანახმადაც ხობის მუნიციპალიტეტის 2026 წლის ადგილობრივ ბიუჯეტში შემოსულობები განისაზღვრა-34079,4 ათასი ლარით. გადასახდელები განისაზღვრა 50121,2 ათასი ლარის ოდენობით.

„ხობის მუნიციპალიტეტის მერისთვის მუნიციპალიტეტის საკუთრებაში არსებული უძრავი ქონების სარგებლობის უფლებით, აუქციონის წესით გადაცემაზე თანხმობის მიცემის შესახებ“ განკარგულების პროექტის თანახმად მუნიციპალიტეტის საკუთრებაში არსებული არასასოფლო-სამეურნეო დანიშნულების დაუტვირთავი მიწის ნაკვეთები, 60 კვ.მ ფართობის, რომლებიც მდებარეობს ქ. ხობში, ცოტნე დადიანის ქუჩის მიმდებარედ, პარკის ტერიტორიაზე, იჯარა-აღნაგობის უფლებით, აუქციონის წესით, 5 (ხუთი) წლის ვადით გაიცემა.

სხდომაზე ასევე განიხილეს განკარგულების პროექტი: „სსიპ ხობის მუნიციპალიტეტის სოფელ ახალი ხიბულის საჯარო სკოლისთვის კარლო ვარდიას სახელის მინიჭებაზე თანხმობის გაცემის თაობაზე“. საკრებულოში წარმოდგენილ იქნა სოფელ ახალი ხიბულის საჯარო სკოლის დირექტორის წერილი ახალი ხიბულის მოსახლეობის ინიციატიცისა და სამეურვეო საბჭოს ოქმის თანდართვით, სკოლისთვის კარლო ვარდიას სახელის მინიჭების თაობაზე, რაც საკრებულოს მხრიდან მიზანშეწონილად იქნა მიჩნეული.

ივლისი 17, 2026

განცხადება ხობის მუნიციპალიტეტის საკრებულოს მორიგი სხდომის შესახებ

ხობის მუნიციპალიტეტის საკრებულოს მორიგი სხდომა გაიმართება 2026 წლის 20 ივლისს 11:00 საათზე, საკრებულოს სხდომათა დარბაზში.

ივლისი 17, 2026

ბიუროს სხდომა

17 ივლისს გაიმართა ხობის მუნიციპალიტეტის საკრებულოს ბიუროს სხდომა, სადაც განიხილეს დღის წესრიგით გათვალისწინებული საკითხები:

1. ხობის მუნიციპალიტეტის მერის დავით ბუკიას 2026 წლის 23 ივნისის N50-502617488 წერილის განხილვა („ხობის მუნიციპალიტეტის მერისთვის მუნიციპალიტეტის საკუთრებაში არსებული უძრავი ქონების სარგებლობის უფლებით, აუქციონის წესით გადაცემაზე თანხმობის მიცემის შესახებ“ განკარგულების პროექტის თაობაზე);

(მომხსენებელი: ვლადიმერ ქანთარია - ხობის მუნიციპალიტეტის საკრებულოს

ეკონომიკისა და ქონების მართვის საკითხთა

კომისიის თავმჯდომარე);

2. ხობის მუნიციპალიტეტის მერის დავით ბუკიას 2026 წლის 15 ივლისის N50-502619628 წერილის განხილვა („ხობის მუნიციპალიტეტის 2026 წლის ადგილობრივი ბიუჯეტის დამტკიცების შესახებ“ ხობის მუნიციპალიტეტის საკრებულოს 2025 წლის 30 დეკემბრის №27 დადგენილებაში ცვლილების შეტანის თაობაზე“ დადგენილების პროექტის შესახებ);

(მომხსენებელი: ლევან ლიპარტია - ხობის მუნიციპალიტეტის საკრებულოს საფინანსო - საბიუჯეტო კომისიის თავმჯდომარე);

3. ხობის მუნიციპალიტეტის საკრებულოს ინფრასტრუქტურისა და სივრცით-ტერიტორიული დაგეგმარების კომისიის თავმჯდომარის ბექა მამაცაშვილის 2026 წლის 15 ივლისის N51-51261964 განცხადების განხილვა („სსიპ ხობის მუნიციპალიტეტის სოფელ ახალი ხიბულის საჯარო სკოლისთვის კარლო ვარდიას სახელის მინიჭებაზე თანხმობის გაცემის თაობაზე“ განკარგულების პროექტის შესახებ);

(მომხსენებელი: ბექა მამაცაშვილი - ხობის მუნიციპალიტეტის საკრებულოს

ინფრასტრუქტურისა და სივრცით - ტერიტორიული დაგეგმარების

კომისიის თავმჯდომარე);

4. ხობის მუნიციპალიტეტის საკრებულოს ინფრასტრუქტურისა და სივრცით-ტერიტორიული დაგეგმარების კომისიის თავმჯდომარის ბექა მამაცაშვილის 2026 წლის 15 ივლისის N51-51261965 განცხადების განხილვა („ხობის მუნიციპალიტეტის ქვემო ქვალონის ადმინისტრაციული ერთეულის სოფელ გიმოზგონჯილის ტერიტორიაზე არსებული N3 ქუჩისთვის ოტია იოსელიანის სახელის მინიჭების მიზანშეწონილობის თაობაზე“ განკარგულების პროექტის შესახებ);

(მომხსენებელი: ბექა მამაცაშვილი - ხობის მუნიციპალიტეტის საკრებულოს

ინფრასტრუქტურისა და სივრცით - ტერიტორიული დაგეგმარების

კომისიის თავმჯდომარე);

5. ხობის მუნიციპალიტეტის მერის დავით ბუკიას 2026 წლის 15 ივლისის N50-502619658 წერილის განხილვა:

• „ხობის მუნიციპალიტეტის საკრებულოს ზოგიერთი განკარგულებების ძალადაკარგულად გამოცხადების თაობაზე“ განკარგულების პროექტის შესახებ;

• „ხობის მუნიციპალიტეტის მერისთვის ხობის მუნიციპალიტეტის საკუთრებაში არსებული დამატებითი ქონების სარგებლობის უფლებით (თხოვების ფორმით) გადაცემაზე თანხმობის მიცემის შესახებ“ განკარგულების პროექტის თაობაზე;

(მომხსენებელი: ვლადიმერ ქანთარია - ხობის მუნიციპალიტეტის საკრებულოს

ეკონომიკისა და ქონების მართვის საკითხთა

კომისიის თავმჯდომარე);

ივლისი 12, 2026

გილოცავთ პეტრე-პავლობას!

ივლისი 4, 2026

ნუგზარ წურწუმიას ხსოვნისადმი მიძღვნილი ტურნირი

ხობის მუნიციპალიტეტის სპორტულ-გამაჯანსაღებელ კომპლექსში დასრულდა მსოფლიოსა და ევროპის ჩემპიონის, მრავალი საერთაშორისო ტურნირის გამარჯვებულის, ნუგზარ წურწუმიას ხსოვნისადმი მიძღვნილი რიგით მეორე რესპუბლიკური ტურნირი ბერძნულ-რომაულ სტილით ჭიდაობაში.

მემორიალურ ტურნირში, საქართველოს ცამეტი მუნიციპალიტეტის 150 ნორჩი მოჭიდავე მონაწილეობდა, ტურნირის გამარჯვებულ ნორჩ მოჭიდავეებს თასები, მედლები და სიგელები გადაეცათ.

დაჯილდოების ცერემონიალს ხობის მუნიციპალიტეტის საკრებულოს თავმჯდომარე გოჩა ქაჯაია, საკრებულოს თავმჯდომარის მოადგილეები მამუკა ქარდავა და გივი ლატარია და მერის მოადგილე დავით ბერაია, ადგილობრივი თვითმმართველობის წარმომადგენლებთან ერთად ესწრებოდნენ.

ღონისძიება ხობის მუნიციპალიტეტის ადგილობრივი თვითმმართველობის მხარდაჭერითა და “ხობის მუნიციპალიტეტის სპორტის ცენტრის“ ორგანიზებით ჩატარდა.

ივლისი 1, 2026

სპექტაკლ "პატარა კახის" პრემიერა

ხობის კულტურის სახლში „ხობის მუნიციპალიტეტის კულტურულ-საგანმანათლებლო საზოგადოებრივ ცენტრთან“ არსებული ბავშვთა თეატრის სპექტაკლ „პატარა კახის“ პრემიერა შედგა.

სპექტაკლი აკაკი წერეთლის დრამატული პოემის - „პატარა კახის“ მიხედვით, რეჟისორმა მარინე ჯღარკავამ დადგა.

პრემიერას ხობის მუნიციპალიტეტის საკრებულოს თავმჯდომარე გოჩა ქაჯაია და მერი დავით ბუკია, ადგილობრივი თვითმმართველობის წარმომადგენლებთან ერთად ესწრებოდნენ.

თეატრალური წარმოდგენა ადგილობრივი თვითმმართველობის მხარდაჭერით გაიმართა.

ივნისი 23, 2026

საერთაშორისო ოლიმპიური დღე

ხობში, საერთაშორისო ოლიმპიურ დღესთან დაკავშირებით შეჯიბრებები გაიმართა ქუჩის კალათბურთსა და მძლეოსნურ გარბენში.

პირველობების გამარჯვებული და პრიზიორი მონაწილეები თასებით და სიგელებით დაჯილდოვდნენ.

ღონისძიებას ხობის მუნიციპალიტეტის მერის მოადგილე დავით ბერაია და ადგილობრივი თვითმმართველობის წარმომადგენლები ესწრებოდნენ.

23 ივნისი საერთაშორისო ოლიმპიური დღეა, რომელიც საერთაშორისო ოლიმპიური კომიტეტის დაფუძნების თარიღთან დაკავშირებით, 1948 წლიდან აღინიშნება.

საერთაშორისო ოლიმპიური დღისადმი მიძღვნილი ღონისძიება ხობის მუნიციპალიტეტის მერიის და „ხობის მუნიციპალიტეტის სპორტის ცენტრის“ ორგანიზებით ჩატარდა.

ივნისი 19, 2026

საკრებულოს სხდომა

19 ივნისს, ხობის მუნიციპალიტეტის საკრებულოს სხდომათა დარბაზში, საკრებულოს მორიგი სხდომა გაიმართა, რომელსაც საკრებულოს თავმჯდომარე გოჩა ქაჯაია უძღვებოდა. სხდომას ესწრებოდნენ საკრებულოსა და მერიის ხელმძღვანელი პირები. სხდომაზე განიხილეს დადგენილების პროექტი „ხობის მუნიციპალიტეტის ტერიტორიაზე შინაური ბინადარი ცხოველების მოვლა-პატრონობისა და ყოლის წესის დამტკიცების შესახებ“, რომლის თანახმადაც დარეგულირდება ხობის მუნიციპალიტეტში ცხოველთა მოვლისა და დაცვის წესები. პროექტი ითვალისწინებს შინაური ცხოველების სავალდებულო იდენტიფიკაციასა და რეგისტრაციას, მეპატრონეთა პასუხისმგებლობების განსაზღვრას და ცხოველთა კეთილდღეობის დამატებით სტანდარტების დადგენას. პროექტი არ ვრცელდება სამწყემსო დანიშნულების ძაღლებზე, ასევე სპეციალური სამსახურებისა და შეზღუდული შესაძლებლობის მქონე პირთა საკუთრებაში არსებულ ძაღლებთან დაკავშირებულ რეგულაციებზე.

სხდომაზე ასევე განიხილეს დადგენილების პროექტი: „ხობის მუნიციპალიტეტის პერსონალური ასისტენტის სერვისის პროგრამის დამტკიცების შესახებ“, აღნიშნული პროგრამის ამოქმედება ხელს შეუწყობს შეზღუდული შესაძლებლობის მქონე პირთა დამოუკიდებელი ცხოვრების, საზოგადოებაში სრულფასოვანი ინტეგრაციისა და სოციალური აქტივობის გაზრდას. პროგრამა უზრუნველყოფს ბენეფიციართა ინდივიდუალურ საჭიროებებსა და შესაძლებლობებზე მორგებული მომსახურების მიწოდებას, რაც გააუმჯობესებს მათ ცხოვრების ხარისხსა და თვითრეალიზების შესაძლებლობებს.

განკარგულების პროექტით: „ხობის მუნიციპალიტეტის ქვემო ქვალონის ადმინისტრაციული ერთეულის სოფელ დურღენაში არსებული N8 ქუჩისთვის გოგიტა ქარჩავას სახელის მინიჭების შესახებ.“

ქვემო ქვალონის ადმინისტრაციული ერთეულის სოფელ დურღენას მოსახლეობის ერთობლივი განცხადების საფუძველზე, სამართლებრივი პროცედურების დაცვით N8 ქუჩას მიენიჭა 2008 წელს რუსეთის მხრიდან საქართველოზე თავდასხმის დროს, გმირულად დაღუპული გოგიტა ქარჩავას სახელი.

ივნისი 18, 2026

განცხადება ხობის მუნიციპალიტეტის საკრებულოს მორიგი სხდომის შესახებ

ხობის მუნიციპალიტეტის საკრებულოს მორიგი სხდომა გაიმართება 2026 წლის 19 ივნისს 11:00 საათზე, საკრებულოს სხდომათა დარბაზში.

ივნისი 18, 2026

ბიუროს სხდომა

18 ივნისს გაიმართა ხობის მუნიციპალიტეტის საკრებულოს ბიუროს სხდომა, სადაც განიხილეს დღის წესრიგით გათვალისწინებული საკითხები:

1. ხობის მუნიციპალიტეტის მერის მოვალეობის შემსრულებლის რევაზ ზაქარაიას 2026 წლის 23 თებერვლის N50-502605460, საქართველოს რეგიონალური განვითარების მინისტრის მოადგილის ზურაბ იაშვილის 2026 წლის 25 მაისის N01/2674 წერილების და ხობის მუნიციპალიტეტის საკრებულოს ინფრასტრუქტურისა და სივრცით - ტერიტორიული დაგეგმარების კომისიის თავმჯდომარის ბ. მამაცაშვილის 2026 წლის 15 ივნისის N N51-51261664 განცხადების განხილვა („ხობის მუნიციპალიტეტის ქვემო ქვალონის ადმინისტრაციული ერთეულის სოფელ დურღენაში არსებული N8 ქუჩისთვის გოგიტა ქარჩავას სახელის მინიჭების შესახებ“ განკარგულების პროექტის თაობაზე);

(მომხსენებელი: ბექა მამაცაშვილი - ხობის მუნიციპალიტეტის საკრებულოს

ინფრასტრუქტურისა და სივრცით - ტერიტორიული დაგეგმარების

კომისიის თავმჯდომარე);

2. ხობის მუნიციპალიტეტის მერის დავით ბუკიას 2026 წლის 12 ივნისის N50-502616337 წერილის განხილვა („ხობის მუნიციპალიტეტის ტერიტორიაზე შინაური ბინადარი ცხოველების მოვლა-პატრონობისა და მოვლის წესის დამტკიცების შესახებ“ დადგენილების პროექტის თაობაზე);

(მომხსენებელი: ვლადიმერ ქანთარია - ხობის მუნიციპალიტეტის საკრებულოს

ეკონომიკისა და ქონების მართვის საკითხთა

კომისიის თავმჯდომარე);

3. ხობის მუნიციპალიტეტის მერის დავით ბუკიას 2026 წლის 12 ივნისისN50-502616343 წერილის განხილვა („ხობის მუნიციპალიტეტის მერიის საშტატო ნუსხის დამტკიცებისა და ხობის მუნიციპალიტეტის მერიის პოლიტიკური თანამდებობის პირთა, პროფესიულ საჯარო მოხელეთა და ადმინისტრაციული ხელშეკრულებით დასაქმებულ პირთა თანამდებობრივი სარგოების ოდენობების განსაზღვრის შესახებ“ ხობის მუნიციპალიტეტის საკრებულოს 2018 წლის 18 იანვრის №4 დადგენილებაში ცვლილების შეტანის თაობაზე“ დადგენილების პროექტის შესახებ);

(მომხსენებელი: მედეა თათარიშვილი - ხობის მუნიციპალიტეტის საკრებულოს

იურიდიულ, სამანდატო - საპროცედურო და ეთიკის

კომისიის თავმჯდომარე);

4. ხობის მუნიციპალიტეტის მერის დავით ბუკიას 2026 წლის 12 ივნისის N50-502616352 წერილის განხილვა („ხობის მუნიციპალიტეტის პერსონალური ასისტენტის სერვისის პროგრამის დამტკიცების შესახებ“ დადგენილების პროექტის თაობაზე).

(მომხსენებელი: დოდო გაბუნია - ხობის მუნიციპალიტეტის საკრებულოს

განათლების, კულტურისა და სოციალურ საკითხთა

კომისიის თავმჯდომარე).

ივნისი 17, 2026

ხეთის საჯარო სკოლის რეაბილიტაცია დასრულდა

ხობის მუნიციპალიტეტის ხეთის ადმინისტრაციულ ერთეულში სრულად რეაბილიტირებული და თანამედროვე სტანდარტების შესაბამისად მოწყობილი საჯარო სკოლა ინფრასტრუქტურის მინისტრმა რევაზ სოხაძემ, განათლების, მეცნიერებისა და ახალგაზრდობის მინისტრმა გივი მიქანაძემ, მუნიციპალური განვითარების ფონდის აღმასრულებელმა დირექტორმა გიორგი შონიამ, სამეგრელო-ზემო სვანეთის მხარეში სახელმწიფო რწმუნებულმა დავით ვერავამ, ხობის მუნიციპალიტეტის საკრებულოს თავმჯდომარე გოჩა ქაჯაიამ და მერმა დავით ბუკიამ დაათვალიერეს.

განხორციელებული სამუშაოების შედეგად მოეწყო თანამედროვე საკლასო სივრცეები, განახლდა საპირფარეშოები, მოეწყო სპორტული მოედნები და კეთილმოეწყო სკოლის ეზოს ტერიტორია. დამონტაჟდა გათბობის, წყალმომარაგებისა და კანალიზაციის თანამედროვე სისტემები.

განახლებული სკოლა 435 მოსწავლეზეა გათვლილი.

საჯარო სკოლის სარეაბილიტაციო სამუშაოები ინფრასტრუქტურის სამინისტროს მუნიციპალურმა განვითარების ფონდმა დაასრულა.

ივნისი 16, 2026

ზვიად დათუაშვილის სახელობის თასის გათამაშება მინი ფეხბურთში

ხობის მუნიციპალიტეტის შუა ხორგის ადმინისტრაციულ ერთეულში, აგვისტოს ომის დროს დაღუპული კაპრალის, ზვიად დათუაშვილის სახელობის თასის გათამაშების ფინალური მატჩები გაიმართა.

ტურნირის გამარჯვებული ჭალადიდის ფეხბურთელთა გუნდი გახდა, მეორე ადგილზე ქარიატის გუნდი გავიდა, ხოლო მესამე ადგილი თორსის ფეხბურთელთა გუნდმა დაიკავა.

სპორტულ შეჯიბრებას ზვიად დათუაშვილის ოჯახის წევრებთან ერთად, ხობის მუნიციპალიტეტის საკრებულოს თავმჯდომარე გოჩა ქაჯაია, მერის მოადგილე დავით ბერაია და ადგილობრივი ხელისუფლების წარმომადგენლები ესწრებოდნენ.

სპორტული ღონისძიება ადგილობრივი თვითმმართველობის მხარდაჭერითა და ა(ა)იპ „ხობის მუნიციპალიტეტის საფეხბურთო კლუბ „კოლხეთის“ ორგანიზებით განხორციელდა.

ივნისი 13, 2026

13 ივნისის ტრაგედიიდან თერთმეტი წელი გავიდა

ხობის მუნიციპალიტეტის საკრებულოს თავმჯდომარემ გოჩა ქაჯაიამ და მერის მოადგილემ დავით ბერაიამ, ადგილობრივი თვითმმართველობის წარმომადგენლებთან ერთად 13 ივნისის ტრაგედიის დროს დაღუპული ინდირა და ლიზი ზარანდიების ხსოვნას პატივი მიაგეს და საფლავები ყვავილებით შეამკეს.

თერთმეტი წლის წინ, თბილისში, მდინარე ვერეს ხეობაში მომხდარ სტიქიას ორი ხობელი ახალგაზრდა – დები ინდირა და ლიზი ზარანდიები ემსხვერპლნენ. 2015 წლის 13 ივნისს მომხდარ სტიქიას მათთან ერთად, 21 ადამიანის სიცოცხლე ემსხვერპლა, ხოლო 2 მოქალაქე უგზო-უკვლოდ დაიკარგა.

ივნისი 11, 2026

საჯარო განხილვა

ხობის მუნიციპალიტეტის საკრებულოს ინფრასტრუქტურისა და სივრცით-ტერიტორიული დაგეგმარების კომისიის ორგანიზებით საკრებულოს სხდომათა დარბაზში გაიმართა საჯარო განხილვა, ხობის მუნიციპალიტეტის ქვემო ქვალონის ადმინისტრაციულ ერთეულში არსებული უსახელო ქუჩების სახელდებასთან დაკავშირებით. საჯარო განხილვაში მონაწილეთა უმრავლესობამ მხარი დაუჭირა წარმოდგენილ წინადადებას ქუჩების სახელდებასთან დაკავშირებით, განხილვის შემდეგ საკითხი შესათანხმებლად გადაეგზავნება შესაბამის სამთავრობო კომისიას.

1
2
3
4
5
6
7
8
9
10
11
12
13
14
15
16
...
>
>>