30 აგვისტოს ხობის მუნიციპალიტეტის საკრებულოს სხდომათა დარბაზში გაიმართა საკრებულოს მორიგი სხდომა, რომელსაც უძღვებოდა საკრებულოს თავმჯდომარე ლევან ქავთარაძე. სხდომას ესწრებოდნენ საკრებულოსა და მერიის ხელმძღვანელი პირები. სხდომაზე განხილულ იქნა დღის წესრიგით გათვალისწინებული საკითხები, დადგენილების პროექტებით „ხობის მუნიციპალიტეტის საკრებულოს თანამდებობის პირთა და საკრებულოს აპარატის პროფესიული საჯარო მოხელის თანამდებობის რანგირების, თანამდებობრივი სარგოს ოდენობის განსაზღვრისადა საკრებულოს აპარატის საშტატო ნუსხის დამტკიცების შესახებ“ და „ხობის მუნიციპალიტეტის მერიის საშტატო ნუსხის დამტკიცებისა და ხობის მუნიციპალიტეტის მერიის პოლიტიკური თანამდებობის პირთა, პროფესიულ საჯარო მოხელეთა და ადმინისტრაციული ხელშეკრულებით დასაქმებულ პირთა თანამდებობრივი სარგოების ოდენობების განსაზღვრის შესახებ“ განხორციელდა საშტატო ცვლილებები, საშტატო ერთეულის გაზრდის გარეშე.
სხდომაზე ასევე განხილულ იქნა განკარგულების პროექტი; „საქართველოს პარლამენტის 2024 წლის 26 ოქტომბრის არჩევნებთან დაკავშირებით ხობის მუნიციპალიტეტის ტერიტორიაზე გასატარებელი ღონისძიებების შესახებ“, რომლის თანახმადაც 2024 წლის 26 ოქტომბრის საპარლამენტო არჩევნებთან დაკავშირებით ხობის მუნიციპალიტეტის ტერიტორიაზე არჩევნების მომზადებისა და ჩატარებისთვის შესაბამის საარჩევნო კომისიებს და საარჩევნო სუბიექტებს ამომრჩევლებთან შეხვედრების, კრებების, საჯარო დებატებისა და დისკუსიებისთვის გამოეყოთ ხობის მუნიციპალიტეტის საკუთრებაში არსებული შენობა-ნაგებობები, კერძოდ; დროებით უსასყიდლოდ სარგებლობაში შესაბამის საარჩევნო კომისიებს გადაეცათ შემდეგი შენობა-ნაგებობები:
ა) ქ. ხობში - მოსწავლე-ახალგაზრდობის სახლის შენობა;
ბ) პირველი მაისი ადმინისტრაციულ ერთეულში - საბავშვო ბაღის შენობა;
გ) პატარა ფოთის ადმინისტრაციულ ერთეულში - ადგილობრივი თვითმმართველობის ადმინისტრაციული შენობა;
დ) საჯიჯაოს ადმინისტრაციულ ერთეულში - კულტურის სახლის შენობა;
ე) გაღმა საჯიჯაოს ადმინისტრაციულ ერთეულში - სოფელ გაღმა საჯიჯაოს ყოფილი საბავშვო ბაღის შენობა;
ვ) ქარიატის ადმინისტრაციულ ერთეულში - სასოფლო კლუბის შენობა;
ზ) ჭალადიდის ადმინისტრაციულ ერთეულში - ბიბლიოთეკის შენობა;
თ)ძველი ხიბულის ადმინისტრაციული ერთეული-საბავშვო ბაღის შენობა.
ი) ხეთის ადმინისტრაციული ერთეული-საბავშვო ბაღის შენობა.
ხოლო საარჩევნო სუბიექტების ამომრჩევლებთან შეხვედრების, კრებების, საჯარო დებატებისა და დისკუსიებისთვის გამოიყოთ ხობის მუნიციპალიტეტის საკუთრებაში არსებული შემდეგი შენობა-ნაგებობები:
ა) ქ. ხობში - ხობის კულტურის სახლის შენობა;
ბ) ახალი ხიბულის ადმინისტრაციულ ერთეულში - სოფელ ზუბის კლუბის შენობა;
გ) ქვემო ქვალონის ადმინისტრაციულ ერთეულში - ქვემო ქვალონის კულტურის სახლი;
დ) შუა ხორგის ადმინისტრაციულ ერთეულში - ადგილობრივი თვითმმართველობის ადმინისტრაციული შენობა;
ე) ხეთის ადმინისტრაციულ ერთეულში - ადგილობრივი თვითმმართველობის ადმინისტრაციული შენობა;
ვ) ძველი ხიბულის ადმინისტრაციულ ერთეულში - ადგილობრივი თვითმმართველობის ადმინისტრაციული შენობა.
დღის წესრიგით გათვალისწინებული საკითხების განხილვის შემდეგ საკრებულოს მორიგი სხდომა დახურულად გამოცხადდა.
Khobi Municipality Council
