ხობის მუნიციპალიტეტის საკრებულო

სიახლეები

ივლისი 3, 2024

ხობის კულტურის სახლში საანგარიშო კონცერტი გაიმართა

3 ივლისს, კულტურის სახლის დიდ დარბაზში, ხობის მუნიციპალიტეტის კულტურულ-საგანმანათლებლო საზოგადოებრივ ცენტრთან არსებული ქორეოგრაფიული ანსამბლ ”ცოტნეიდელის“ ტრადიციული საანგარიშო კონცერტი გაიმართა (ხელმძღვანელი კობა გერგაია). დარბაზში შეკრებილი მაყურებლის წინაშე შესრულდა ქართული ნაციონალური საცეკვაო ნომრები.

ღონისძიებას ხობის მუნიციპალიტეტის საკრებულოს თავმჯდომარე ლევან ქავთარაძე, მერი დავით ბუკია, მერის მოადგილე დავით ბერაია, ადგილობრივი ხელისუფლების სხვა წარმომადგენლებთან დამოწვეულ სტუმრებთან ერთად ესწრებოდნენ.

ივლისი 2, 2024

საკონკურსო კომისიის სხდომა

2 ივლისს, საკრებულოს აპარატის საკონკურსო კომისიის სხდომა გაიმართა. სხდომაზე განხილულ იქნა დღის წესრიგით გათვალისწინებული ერთი საკითხი; „ხობის მუნიციპალიტეტის საკრებულოს ადამიანური რესურსების მართვის განყოფილების უფროსის ვაკანტური თანამდებობის დასაკავებლად გამოცხადებული ღია კონკურსის შესახებ შემოსული აპლიკაციების განცხადებების განხილვის თაობაზე“.

საჯარო სამსახურის ბიუროს მიერ ადმინისტრირებულ ვებ-გვერდზე hr.gov.ge-ზე გამოცხადებულ კონკურსზე სულ შემოვიდა 2 კანდიდატისაპლიკაცია, აქედან კონკურსის საკვალიფიკაციო მოთხოვნები დააკმაყოფილა მხოლოდ ერთმა კანდიდატმა. შესაბამისად კონკურისის მეორე ეტაპზე გადასულ კანდიდატს გაეგზავნა შეტყობინება დაგეგმილი გასაუბრების თარიღის შესახებ.

ივნისი 28, 2024

საბავშო ბაღებში ღონისძიება გაიმართა

ხობის მუნიციპალიტეტის საბავშვო ბაგა- ბაღებში გამოსაშვები ღონისძიებები გაიმართა. პატარები ოთხი წლის მანძილზე საბავშვო ბაგა-ბაღში მიღებული ცოდნით, სახალისო და თეატრალიზებული ნომრებით, სიმღერებითა და ცეკვებით წარსდგნენ სტუმრების წინაშე.

ქალაქ ხობის N1 და N2 საბავშვო ბაგა-ბაღებს სტუმრობდნენ ხობის მუნიციპალიტეტის მერი დავით ბუკია, მერის მოადგილე დავით ბერაია და საკრებულოს განათლების, კულტურისა და სოციალურ საკითხთა კომისიის თავმჯდომარე დოდო გაბუნია, მათ სასკოლო მზაობისჯგუფის აღსაზრდელებსა და მშობლებს, სწავლის ახალ ეტაპზე გადასვლა მიულოცეს და წარმატებები უსურვეს.

ივნისი 28, 2024

საკრებულოს მორიგი სხდომა

28 ივნისს ხობის მუნიციპალიტეტის საკრებულოს სხდომათა დარბაზში, საკრებულოს მორიგი სხდომა გაიმართა, რომელსაც საკრებულოს თავმჯდომარის მოვალეობის შემსრულებელი მამუკა ქარდავა უძღვებოდა, სხდომას ესწრებოდნენ საკრებულოსა და მერიის ხელმძღვანელი პირები. სხდომაზე განხილულ იქნა დღის წესრიგით გათვალისწინებული საკითხები, მათ შორის: განკარგულების პროექტი „ხობის მუნიციპალიტეტის ძველი ხიბულის ადმინისტრაციული ერთეულის ტერიტორიაზე არსებული N4 ქუჩისთვის ნინი კონჯარიას სახელის მინიჭებისმიზანშეწონილობის თაობაზე“ ძველი ხიბულის ადმინისტრაციული ერთეულის საჭანიოს უბნის მოსახლეობის ერთობლივი განცხადების სფუძველზე მოსახლეობა ითხოვს ტრაგიკულად დაღუპული ახალგაზრდა გოგონას ნინი კონჯარიას სახელის უკვდავყოფის მიზნით, მისი სახელის ძველი ხიბულის ადმინისტრაციული ერთეულის ტერიტორიაზე არსებული N4 ქუჩისთვის მინიჭებას, გამომდინარე იქედან, რომ ნინი კონჯარიას გარდაცვალებიდან არ არის გასული 20 წელი, მერიის მხრიდან წარმოდგენილ იქნა განკარგულების პროექტი „ხობის მუნიციპალიტეტის ძველი ხიბულის ადმინისტრაციული ერთეულის ტერიტორიაზე არსებული N4 ქუჩისთვის ნინი კონჯარიას სახელის მინიჭების მიზანშეწონილობის თაობაზე“.

სხდომაზე ასევე განხილულ იქნა განკარგულების პროექტი „ხობის მუნიციპალიტეტის მერისთვის ხობის მუნიციპალიტეტის საკუთრებაში არსებული დამატებითი ქონების პირდაპირი განკარგვის წესით, სარგებლობის უფლებით, (იჯარის ფორმით) გადაცემაზე თანხმობის მიცემის შესახებ“ რომლის თანახმადაც ხობის კულტურის სახლის მეორე სართულზე არსებული არასაცხოვრებელი ფართი სააპარატურო ოთახისთვის და შენობის სახურავზე მდებარე 1 კვ.მ ფართი GSM სისტემის ანტენების განსათავსებლად.

საქართველოს კანონში განხორციელებული ცვლილების თანახმად სისტემურ-ელექტრონული ფორმით მოწყობილ თამაშობებზე გაიზარდა მოსაკრებლების ოდენობები, კერძოდ: სამორინის, სათამაშო აპარატების და ტოტალიზატორის თამაშობებზე. ზემო აღნიშნული ცვლილების გათვალისწინებით მერიის მიერ საკრებულოზე წარმოდგენილ იქნა დადგენილების პროექტი „ხობის მუნიციპალიტეტის ტერიტორიაზე ადგილობრივი მოსაკრებლების შემოღებისა და მათი განაკვეთების დადგენის შესახებ“

განკარგულების პროექტით „ხობის მუნიციპალიტეტის მერისთვის მუნიციპალიტეტის საკუთრებაში არსებული მოძრავი ქონების სარგებლობის უფლებით (თხოვების ფორმით) პირდაპირი განკარგვის წესით გადაცემაზე თანხმობის მიცემის შესახებ“ ავტომანქანა „ნაგავმზიდი“, რომლის საბალანსო ღირებულება შეადგენს 344500 ლარს, თხოვების ფორმით, არსებობის ვადით გადაეცა შპს ,,ხობი დასუფთავება და განათებას“.

დღის წესრიგით გათვალისწინებული საკითხების განხილვის შემდეგ საკრებულოს მორიგი სხდომა დახურულად გამოცხადდა.

ივნისი 26, 2024

ბიუროს სხდომა

26 ივნისს გაიმართა ხობის მუნიციპალიტეტის საკრებულოს ბიუროს სხდომა, სადაც განხილულ იქნა დღის წესრიგით გათვალისწინებული საკითხები;

1. ხობის მუნიციპალიტეტის მერის მოვალეობის შემსრულებლის რევაზ ზაქარაიას 2024 წლის 24 მაისის N50-502414549 და 31 მაისის N50-50241523 წერილების განხილვა („ხობის მუნიციპალიტეტის ძველი ხიბულის ადმინისტრაციული ერთეულის ტერიტორიაზე არსებულ N4 ქუჩისთვის ნინი კონჯარიას სახელის მინიჭების მიზანშეწონილობის თაობაზე“ განკარგულების პროექტის შესახებ);

(მომხსენებელი:ბექა მამაცაშვილი - ხობის მუნიციპალიტეტის საკრებულოს

ინფრასტრუქტურისა და სივრცით - ტერიტორიული დაგეგმარების

კომისიის თავმჯდომარე);

2. ხობის მუნიციპალიტეტის საკრებულოს წევრის მალხაზ იოსავას 2024 წლის 30 მაისის N19/51241515-51 განცხადების განხილვა (ხობის მუნიციპალიტეტის საკრებულოს მორიგ სხდომაზე მოხსენების თაობაზე);

(მომხსენებელი: მედეა თათარიშვილი - ხობის მუნიციპალიტეტის საკრებულოს

იურიდიულ, სამანდატო - საპროცედურო და ეთიკის

კომისიის თავმჯდომარე);

3. საქართველოს სახელმწიფო აუდიტის სამსახურის თვითმართველი ერთეულების აუდიტის დეპარტამენტის უფროსის გიორგი მამრიკიშვილის 2024 წლის 3 ივნისის N002746/18 წერილის განხილვა (ხობის მუნიციპალიტეტის 2020 – 2022 წლებში „სოფლის მხარდაჭერის პროგრამის“ განხორციელების ეფექტიანობის აუდიტის ანგარიშის თაობაზე);

(მომხსენებელი: ლევან ლიპარტია - ხობის მუნიციპალიტეტის საკრებულოს

საფინანსო - საბიუჯეტო კომისიის თავმჯდომარე);

4. ხობის მუნიციპალიტეტის მერის დავით ბუკიას 2024 წლის 24 ივნისის N50-502417626 წერილის განხილვა:

•„ხობის მუნიციპალიტეტის მერისთვის ხობის მუნიციპალიტეტის საკუთრებაში არსებული დამატებითი ქონების პირდაპირი განკარგვის წესით, სარგებლობის უფლებით, (იჯარის ფორმით) გადაცემაზე თანხმობის მიცემის შესახებ“ განკარგულების პროექტის თაობაზე;

•„ხობის მუნიციპალიტეტის მერისთვის მუნიციპალიტეტის საკუთრებაში არსებული მოძრავი ქონების სარგებლობის უფლებით (თხოვების ფორმით) პირდაპირი განკარგვის წესით გადაცემაზე თანხმობის მიცემის შესახებ“ განკარგულების პროექტის თაობაზე;

(მომხსენებელი: ვლადიმერ ქანთარია - ხობის მუნიციპალიტეტის საკრებულოს

ეკონომიკისა და ქონების მართვის საკითხთა

კომისიის თავმჯდომარე);

5. ხობის მუნიციპალიტეტის მერის დავით ბუკიას 2024 წლის 24 ივნისის N50-502417627 წერილის განხილვა („ხობის მუნიციპალიტეტის ტერიტორიაზე ადგილობრივი მოსაკრებლების შემოღებისა და მათი განაკვეთების დადგენის შესახებ“ ხობის მუნიციპალიტეტის საკრებულოს 2023 წლის 28 თებერვლის N 8 დადგენილებაში ცვლილების შეტანის თაობაზე“ დადგენილების პროექტის შესახებ);

(მომხსენებელი: ვლადიმერ ქანთარია - ხობის მუნიციპალიტეტის საკრებულოს

ეკონომიკისა და ქონების მართვის საკითხთა

კომისიის თავმჯდომარე);

6. ხობის მუნიციპალიტეტის საკრებულოს საფინანსო - საბიუჯეტო კომისიის თავმჯდომარის ლ. ლიპარტიას 2024 წლის 25 ივნისის N51-51241771 განცხადების განხილვა („საწვავისა და სატელეფონო მომსახურების ხარჯების ლიმიტის განსაზღვრის შესახებ“ ხობის მუნიციპალიტეტის საკრებულოს 2017 წლის 26 დეკემბრის №81 განკარგულებაში ცვლილების შეტანის თაობაზე“ განკარგულების პროექტის შესახებ).

(მომხსენებელი: ლევან ლიპარტია - ხობის მუნიციპალიტეტის საკრებულოს

საფინანსო - საბიუჯეტო კომისიის თავმჯდომარე).

ივნისი 25, 2024

განცხადება ხობის მუნიციპალიტეტის საკრებულოს მორიგი სხდომის შესახებ

ხობის მუნიციპალიტეტის საკრებულოს მორიგი სხდომა გაიმართება 2024 წლის 28 ივნისს 11:00 საათზე, საკრებულოს სხდომათა დარბაზში. სხდომის დღის წესრიგი:

1. „ხობის მუნიციპალიტეტის ტერიტორიაზე ადგილობრივი მოსაკრებლების შემოღებისა და მათი განაკვეთების დადგენის შესახებ“ ხობის მუნიციპალიტეტის საკრებულოს 2023 წლის 28 თებერვლის N 8 დადგენილებაში ცვლილების შეტანის თაობაზე“ დადგენილების პროექტის განხილვა;

(მომხსენებელი: დავით ბუკია - ხობის მუნიციპალიტეტის მერი;

თანამომხსენებელი: მარინა რუხაძე - ხობის მუნიციპალიტეტის მერიის ეკონომიკური

განვითარებისა და ქონების მართვის სამსახურის უფროსის

მოვალეობის შემსრულებელი);

2. „ხობის მუნიციპალიტეტის ძველი ხიბულის ადმინისტრაციული ერთეულის ტერიტორიაზე არსებულ N4 ქუჩისთვის ნინი კონჯარიას სახელის მინიჭების მიზანშეწონილობის თაობაზე“ განკარგულების პროექტის განხილვა;

(მომხსენებელი: დავით ბუკია - ხობის მუნიციპალიტეტის მერი;

თანამომხსენებელი: გია ჩაბალუხა - ხობის მუნიციპალიტეტის მერიის

ინფრასტრუქტურის, ურბანული განვითარებისა და არქიტექტურის სამსახურის უფროსი);

3. „ხობის მუნიციპალიტეტის მერისთვის ხობის მუნიციპალიტეტის საკუთრებაში არსებული დამატებითი ქონების პირდაპირი განკარგვის წესით, სარგებლობის უფლებით, (იჯარის ფორმით) გადაცემაზე თანხმობის მიცემის შესახებ“ განკარგულების პროექტის განხილვა;

(მომხსენებელი: დავით ბუკია - ხობის მუნიციპალიტეტის მერი;

თანამომხსენებელი: მარინა რუხაძე - ხობის მუნიციპალიტეტის მერიის ეკონომიკური

განვითარებისა და ქონების მართვის სამსახურის უფროსის

მოვალეობის შემსრულებელი);

4. „ხობის მუნიციპალიტეტის მერისთვის მუნიციპალიტეტის საკუთრებაში არსებული მოძრავი ქონების სარგებლობის უფლებით (თხოვების ფორმით) პირდაპირი განკარგვის წესით გადაცემაზე თანხმობის მიცემის შესახებ“ განკარგულების პროექტის განხილვა;

(მომხსენებელი: დავით ბუკია - ხობის მუნიციპალიტეტის მერი;

თანამომხსენებელი: მარინა რუხაძე - ხობის მუნიციპალიტეტის მერიის ეკონომიკური

განვითარებისა და ქონების მართვის სამსახურის უფროსის

მოვალეობის შემსრულებელი);

5. „საწვავისა და სატელეფონო მომსახურების ხარჯების ლიმიტის განსაზღვრის შესახებ“ ხობის მუნიციპალიტეტის საკრებულოს 2017 წლის 26 დეკემბრის №81 განკარგულებაში ცვლილების შეტანის თაობაზე“ განკარგულების პროექტის განხილვა;

(მომხსენებელი: ლევან ლიპარტია - ხობის მუნიციპალიტეტის საკრებულოს

საფინანსო - საბიუჯეტო კომისიის თავმჯდომარე);

6. ხობის მუნიციპალიტეტის 2020 – 2022 წლებში „სოფლის მხარდაჭერის პროგრამის“ განხორციელების ეფექტიანობის აუდიტის ანგარიშის თაობაზე;

(მომხსენებელი: ლევან ლიპარტია - ხობის მუნიციპალიტეტის საკრებულოს

საფინანსო - საბიუჯეტო კომისიის თავმჯდომარე);

7. სხვადასხვა (საკრებულოს წევრის მალხაზ იოსავას მოხსენება).

ივნისი 20, 2024

დასრულდა ენუქი თევძაზის სახელობის თასის გათამაშება ფეხბურთში

20 ივნისს, ხობში დათა ხურცილავას სახელობის სტადიონზე დასრულდა ვეტერანი ფეხბურთელის, სპორტის ოსტატის ენუქი თევზაძის სახელობის თასის გათამაშება მინი ფეხბურთში.

ტურნირში 8 გუნდი იღებდა მონაწილეობას, ფინალურ შეხვედრაში ერთმანეთს ხობის N 1 საჯარო სკოლის და ახალი ხიბულის N 2 საჯარო სკოლის ფეხბურთელთა გუნდები დაუპირისპირდნენ, სადაც გამარჯვება ხობის N 1 საჯარო სკოლის ფეხბურთელთა გუნდმა მოიპოვა.

სპორტულ ღონისძიებას ვეტერანი ფეხბურთელის ოჯახის წევრებთან ერთად ხობის მუნიციპალიტეტისსაკრებულოს ეკონომიკისა და ქონების მართვის საკითხთა კომისიის თავმჯდომარე ვლადიმერ ქანთარია და მერის მოადგილე დავით ბერაია ესწრებოდნენ.

გამარჯვებულები თასებითა და სამახსოვრო სიგელებით დაჯილდოვდნენ.

ივნისი 13, 2024

13 ივნისის ტრაგედიიდან 9 წელი გავიდა

თბილისში, 2015 წლის 13 ივნისს მდინარე ვერეს ხეობაში მომხდარი ტრაგედიიდან 9 წელი გავიდა.

ტრაგედიას ხობელი დები ინდირა და ლიზი ზარანდიების სიცოცხლე ემსხვერპლა.

მათ ხსოვნას პატივი მიაგეს და საფლავები ყვავილებით შეამკეს ხობის მუნიციპალიტეტის საკრებულოს თავმჯდომარემ ლევან ქავთარაძემ, მერმა დავით ბუკიამ და ადგილობრივი თვითმმართველობის სხვა წარმომადგენლებმა.

თბილისში, 2015 წლის 13 ივნისს მომხდარ სტიქიას 21 ადამიანის სიცოცხლე ემსხვერპლა. უგზო-უკვლოდ დაიკარგა 2 ადამიანი.

ივნისი 13, 2024

კომისიის სხდომა ძველი ხიბულის ქუჩის სახელის მინიჭების თაობაზე.

ხობის მუნიციპალიტეტის საკრებულოს ინფრასტრუქტურისა და სივრცით-ტერიტორიული დაგეგმარების კომისიის ორგანიზებით საკრებულოს სხდომათა დარბაზში გაიმართა საჯარო განხილვა, ხობის მუნიციპალიტეტის ძველი ხიბულის ადმინისტრაციულ ერთეულში არსებული N4 ქუჩისთვის, ტრაგიკულად დაღუპული ახალგაზრდის ნინი კონჯარიას სახელის მინიჭების თაობაზე. საჯარო განხილვვის მონაწილეების უმრავლესობის გადაწყვეტილებით თანხმობა მიეცა თანხმობის მინიჭების საკითხს.

ივნისი 13, 2024

გილოცავთ ამაღლებას!

ივნისი 12, 2024

ზვიად დათუაშვილის სახელობის თასის გათამაშება მინი- ფეხბურთში

12 ივნისს, ხობის მუნიციპალიტეტის შუა ხორგის ადმინისტრაციულ ერთეულში სტარტი აიღო აგვისტოს ომის დროს დაღუპული ზვიად დათუაშვილის სახელობის თასის გათამაშებამ მინი- ფეხბურთში. ტურნირში შვიდი გუნდი მონაწილეობს (შუა ხორგა, ჭალადიდი, ქარიატა, ახალი სოფელი, ბია, ყულევი და გურიფული).

სპორტულ ღონისძიებას ხობის მუნიციპალიტეტის საკრებულოს თავმჯდომარე ლევან ქავთარაძე და სსიპ-სამხედრო გაწვევისა და რეკრუტირების ეროვნული სააგენტო/ სამხედრო გაწვევისა და რეკრუტირების სამეგრელო-ზემო სვანეთისა დაგურიის რეგიონული ცენტრი/ ხობის მუნიციპალური განყოფილების უფროსი მაიორი კორნელი შენგელია ადილობრივი ხელისუფლების წარმომადგენლებთან ერთდ დაესწრნენ.

ივნისი 11, 2024

განცხადება

ხობის მუნიციპალიტეტის საკრებულოში შემოსულია ინიციატივა ხობის მუნიციპალიტეტის ძველი ხიბულის ადმინისტრაციულ ეთეულში მდებარე ერთერთი ქუჩისთვის ტრაგიკულად დაღუპული ნინი კონჯარიას სახელის მინიჭების თაობაზე. აღნიშნულ საკითხთან დაკავშირებით ხობის მუნიციპალიტეტის საკრებულოს სხდომათა დარბაზში 13 ივნისს 11:00 სთ-ზე გაიმართება საჯარო განხილვა.

დაინტერესებული პირებისთვის დასწრება თავისუფალია.

ივნისი 1, 2024

ბავშვთა დაცვის საერთაშორისო დღე აღნიშნა

ბავშვთა დაცვის საერთაშორისო დღესთან დაკავშირებით ხობის მუნიციპალიტეტში კულტურულ-საგანმანათლებლო და სპორტული ღონისძიებები დღის განმავლობაში მიმდინარეობდა.

სპორტული შეჯიბრებები გაიმართა მძლეოსნობაში, მკლავჭიდში, მაგიდის ჩოგბურთსა და ბაგირის გადაწევაში.

ბავშვების განწყობაზე ანიმატორები ზრუნავდნენ. მოეწყო ბავშვთა ნახატების გამოფენა, საპნის ბუშტების შოუ, გაიმართა „ფლეშმობი“, სახის მოხატვა.

კულტურის სახლის დიდ დარბაზში მაყურებელთა წინაშე თოჯინების თეატრი წარსდგა სპექტაკლით ,,ტყისბინადარი’’.

გაიმართა დგილობრივი შემოქმედებითი ჯგუფების კონცერტი.

საღამოს მაყურებელთა წინაშე ჯგუფი ,,რეზო და ბავშვები ’’ წარსდგნენ.

ღონისძიებებს ხობის მუნიციპალიტეტის საკრებულოს თავმჯდომარე ლევან ქავთარაძე და მუნიციპალიტეტის მერი დავით ბუკია ადგილობრივი ხელისუფლების წარმომადგენლებთან ერთად ესწრებოდნენ.

ივნისი 1, 2024

ბავშვთა დაცვის საერთაშორისო დღე

ივნისი 1, 2024

გილოცავთ ნინოობას!

<<
<
1
2
3
4
5
6
7
8
9
10
11
12
13
14
15
16
17
18
...
>
>>