საქართველოს დამოუკიდებლობის დღის აღსანიშნად, ხობის მუნიციპალიტეტში, მთელი დღის განმავლობაში, საზეიმო და შემეცნებითი ღონისძიებები მიმდინარეობდა.
ხობის ცენტრალური პარკის მიმდებარე ტერიტორიაზე მოეწყო სხვადასხვა სახის სივრცეები: ხელთნაკეთი ნივთებისა და ადგილობრივი წარმოების პროდუქტების გამოფენა-გაყიდვა, საბავშვო სივრცეებში პატარებისთვის გასართობი აქტივობები,საგამოფენო სივრცეში ბავშვების ნახატების გამოფენა.
ღონისძიების ფარგლებში გაიმართა სპორტული აქტივობები.
ხობის ცენტრალურსტადიონზე, მოყვარულთა ლიგის მუნიციპალური ეტაპის ფინალურ შეხვედრებში, პირველობა მოიპოვა და გამარჯვებული გახდა „ხეთის“ გუნდი, მეორე ადგილი „საჯიჯაოს“ გუნდმა დაიკავა, ხოლო მესამე ადგილზე „ჭალეს“ გუნდი გავიდა. გამარჯვებულ და პრიზიორ გუნდებს თასები და სიგელები გადაეცათ.
კულტურის სახლის დიდ დარბაზში გაიმართა კონცერტი ადგილობრივი შემსრულებლების მონაწილეობით.
საქართველოს მასშტაბით ერთდროულად შესრულდა სახელმწიფო ჰიმნი.
ღონისძიებებს ხობის მუნიციპალიტეტის საკრებულოს თავმჯდომარე ლევან ქავთარაძე, თავმჯდომარის პირველი მოადგილე მამუკა ქარდავა, მერის პირველი მოადგილე რევაზ ზაქარაია და მერის მოადილე დავით ბერაია ადგილობრივი ხელისუფლების სხვა წარმომადგენლებთან ერთად ესწრებოდნენ.
Khobi Municipality Council
