ხობის მუნიციპალიტეტის საკრებულო

სიახლეები

ივლისი 28, 2025

განცხადება ხობის მუნიციპალიტეტის საკრებულოს მორიგი სხდომის შესახებ

ხობის მუნიციპალიტეტის საკრებულოს მორიგი სხდომა გაიმართება 2025 წლის 30 ივლისს 11:00 საათზე, საკრებულოს სხდომათა დარბაზში.

სხდომის დღის წესრიგი:

1. „ხობის მუნიციპალიტეტის 2025 წლის ადგილობრივი ბიუჯეტის დამტკიცების შესახებ“ ხობის მუნიციპალიტეტის საკრებულოს 2024 წლის 27 დეკემბრის №21 დადგენილებაში ცვლილების შეტანის თაობაზე“ დადგენილების პროექტის განხილვა;

(მომხსენებელი: დავით ბუკია - ხობის მუნიციპალიტეტის მერი;

თანამომხსენებელი: დავით ჭოჭუა - ხობის მუნიციპალიტეტის მერიის

საფინანსო - საბიუჯეტო სამსახურის უფროსი);

2. „ხობის მუნიციპალიტეტის ქალთა და ბავშვთა საკითხებზე მომუშავე მუნიციპალური საბჭოს შექმნისა და მისი დებულების დამტკიცების შესახებ“ დადგენილების პროექტის განხილვა;

(მომხსენებელი: მედეა თათარიშვილი - ხობის მუნიციპალიტეტის საკრებულოს

იურიდიულ, სამანდატო - საპროცედურო და ეთიკის

კომისიის თავმჯდომარე);

3. „ხობის მუნიციპალიტეტის მოსახლეობის სოციალური უზრუნველყოფის 2025 წლის მუნიციპალური პროგრამის“ დამტკიცების შესახებ ხობის მუნიციპალიტეტის საკრებულოს 2024 წლის 27 დეკემბრის N30 განკარგულებაში ცვლილების შეტანის თაობაზე“ დადგენილების პროექტის განხილვა;

(მომხსენებელი: დავით ბუკია - ხობის მუნიციპალიტეტის მერი;

თანამომხსენებელი: შოლინა კანკია - ხობის მუნიციპალიტეტის მერიის შრომის,

საზოგადოებრივი ჯანმრთელობისა და სოციალური დაცვის სამსახურის უფროსი);

4. „ხობის მუნიციპალიტეტის თორსა-დღვაბის ადმინისტრაციული ერთეულის სოფელ დღვაბის უსახელო ქუჩების სახელდების შესახებ“ განკარგულების პროექტის განხილვა;

(მომხსენებელი: დავით ბუკია - ხობის მუნიციპალიტეტის მერი;

თანამომხსენებელი: გია ჩაბალუხა - ხობის მუნიციპალიტეტის მერიის

ინფრასტრუქტურის, ურბანული განვითარებისა და არქიტექტურის სამსახური უფროსი);

5. „ხობის მუნიციპალიტეტის პირველი მაისის ადმინისტრაციული ერთეულის სოფელ ბულიწყუში შოთა რუსთაველის ქუჩის პირველი შესახვევისთვის სპარტაკ ბუკიას ქუჩის სახელის მინიჭების თაობაზე“ განკარგულების პროექტის განხილვა;

(მომხსენებელი: ბექა მამაცაშვილი - ხობის მუნიციპალიტეტის საკრებულოს

ინფრასტრუქტურისა და სივრცით - ტერიტორიული დაგეგმარების

კომისიის თავმჯდომარე);

6. „ხობის მუნიციპალიტეტის ძველი ხიბულის ადმინისტრაციული ერთეულში არსებულ N1 ქუჩისთვის რევაზ ჩხეიძის სახელის მინიჭების თაობაზე“ განკარგულების პროექტის განხილვა;

(მომხსენებელი: ბექა მამაცაშვილი - ხობის მუნიციპალიტეტის საკრებულოს

ინფრასტრუქტურისა და სივრცით - ტერიტორიული დაგეგმარების

კომისიის თავმჯდომარე);

7. „ხობის მუნიციპალიტეტის გურიფულის ადმინისტრაციულ ერთეულში თბილისის ქუჩისთვის ტარიელ გელანტიას ქუჩის სახელის მინიჭების მიზანშეწონილობის თაობაზე“ განკარგულების პროექტის განხილვა;

(მომხსენებელი: დავით ბუკია - ხობის მუნიციპალიტეტის მერი;

თანამომხსენებელი: გია ჩაბალუხა - ხობის მუნიციპალიტეტის მერიის

ინფრასტრუქტურის, ურბანული განვითარებისა და არქიტექტურის სამსახური უფროსი);

8. ხობის მუნიციპალიტეტის 2025 წლის იანვარ - ივნისის ბიუჯეტის შესრულების ანგარიშის განხილვა.

(მომხსენებელი: დავით ბუკია - ხობის მუნიციპალიტეტის მერი;

თანამომხსენებელი: დავით ჭოჭუა - ხობის მუნიციპალიტეტის მერიის

საფინანსო - საბიუჯეტო სამსახურის უფროსი).

ივლისი 25, 2025

კომისიის სხდომა გურიფულის ქუჩისთვის სახელის მინიჭების თაობაზე

ხობის მუნიციპალიტეტის საკრებულოს ინფრასტრუქტურისა და სივრცით-ტერიტორიული დაგეგმარების კომისიის ორგანიზებით, საკრებულოს სხდომათა დარბაზში გაიმართა საჯარო განხილვა,რომელიც შეეხებოდა ხობის მუნიციპალიტეტის გურიფულის ადმინისტრაციულ ერთეულში (სოფელი მეორე გურიფული) მდებარე თბილისის ქუჩისთვის ტარიელ გელანტიას სახელის მინიჭებას.

საჯარო განხილვის მონაწილეებმა ერთხმად დაუჭირეს მხარი წარმოდგენილ წინადადებას. ინფრასტრუქტურისა და სივრცით-ტერიტორიული დაგეგმარების კომისიის მიერ მიღებული გადაწყვეტილება, შესაბამისი მიზანშეწონილობის დოკუმენტის მიღების შემდეგ, გადაეგზავნება საქართველოს მთავრობის შესაბამის სამთავრობო კომისიას შემდგომი განხილვისა და დამტკიცების მიზნით.

ივლისი 22, 2025

ინფორმაცია

ხობის მუნიციპალიტეტის საკრებულოში შემოსულია ინიციატივა ხობის მუნიციპალიტეტის გურიფულის ადმინისტრაციულ ერთეულში თბილისის ქუჩისთვის ტარიელ გელანტიას სახელის მინიჭებასთანდაკავშირებით.

აღნიშნულთან დაკავშირებით ხობის მუნიციპალიტეტის საკრებულოს სხდომათა დარბაზში 25 ივლისს 15:00 სთ-ზე გაიმართება საჯარო განხილვა.

დაინტერესებული პირებისთვის დასწრება თავისუფალია.

ივლისი 12, 2025

გილოცავტ პეტრე-პავლობას!

ივლისი 9, 2025

კამპანიის არა ნარკოტიკს ფარგლებში ტურნირი გაიმართა.

ხობში, ნოდარ შენგელიას სახელობის სტადიონზე, კამპანიის „არა ნარკოტიკს“ ფარგლებში მინი ფეხბურთში მუნიციპალიტეტის ჩემპიონატი გაიმართა.

ტურნირის გამარჯვებული „კოლხეთი“გახდა, მეორე ადგილი „ჭალემ“ დაიკავა, ხოლო მესამე ადგილზე საჯიჯაოს ადმინისტრაციული ერთეულის გუნდი „პირველი მერცხალი“ გავიდა.

სპორტულ ღონისძიებას ხობის მუნიციპალიტეტის საკრებულოს თავმჯდომარის პირველი მოადგილე მამუკა ქარდავა, მერის პირველი მოადგილე რევაზ ზაქარაია და მერის მოადგილე დავით ბერაია ესწრებოდნენ.

ტურნირი ადგილობრივი თვითმმართველობისა და საქართველოს საუნივერსიტეტო სპორტის ფედერაციის ორგანიზებით ჩატარდა.

ივლისი 4, 2025

დასრულდა ნუგზარ წურწუმიას სახელობის ტურნირი ჭიდაობაში

ხობის მუნიციპალიტეტის სპორტულ-გამაჯანსაღებელ კომპლექსში დასრულდა მსოფლიოსა და ევროპის ჩემპიონის, მრავალი საერთაშორისო ტურნირის გამარჯვებულის, ნუგზარ წურწუმიასხსოვნისადმი მიძღვნილმა რესპუბლიკური ტურნირი ბერძნულ-რომაულ სტილით ჭიდაობაში.

მემორიალური ტურნირში, საქართველოს ცამეტი მუნიციპალიტეტის 125 ნორჩი მოჭიდავე მონაწილეობდა, ტურნირის გამარჯვებულ ნორჩ მოჭიდავეებს თასები, მედლები და სიგელები გადაეცათ.

დაჯილდოების ცერემონიალს ხობის მუნიციპალიტეტის საკრებულოს თავმჯდომარე ლევან ქავთარაძე და მერი დავით ბუკია, ადგილობრივი თვითმმართველობის წარმომადგენლებთან და ნუგზარის მეგობრებთან ერთად ესწრებოდნენ.

ღონისძიება ხობის მუნიციპალიტეტის ადგილობრივი თვითმმართველობის მხარდაჭერითა და “ხობის მუნიციპალიტეტის სპორტის ცენტრის“ ორგანიზებით ჩატარდა.

ივლისი 3, 2025

ნუგზარ წურწუმიას ხსოვნისადმი მიძღვნილი ტურნირი

ხობის მუნიციპალიტეტის სპორტულ-გამაჯანსაღებელ კომპლექსში სტარტი აიღო მსოფლიოსა და ევროპის ჩემპიონის, მრავალი საერთაშორისო ტურნირის გამარჯვებულის, ნუგზარ წურწუმიასხსოვნისადმი მიძღვნილმა რესპუბლიკურმა ტურნირმა ბერძნულ-რომაულ ჭიდაობაში.

სპორტულ ღონისძიებას ხობის მუნიციპალიტეტის საკრებულოს თავმჯდომარე ლევან ქავთარაძე, მერი დავით ბუკია და ადგილობრივი თვითმმართველობის წარმომადგენლები ესწრებოდნენ.

მემორიალური ტურნირი, რომელშიც საქართველოს ცამეტი მუნიციპალიტეტის 125 ნორჩი მოჭიდავე მონაწილეობს, ხობის მუნიციპალიტეტის ადგილობრივი თვითმმართველობის მხარდაჭერითა და “ხობის მუნიციპალიტეტის სპორტის ცენტრის“ ორგანიზებით ტარდება.

ნუგზარ წურწუმიას ხსოვნისადმი მიძღვნილი პირველი რესპუბლიკური ტურნირის ფინალური შეხვედრები და დაჯილდოების ცერემონია, 4 ივლისს, სპორტულ-გამაჯანსაღებელ კომპლექსში გაიმართება.

ივლისი 1, 2025

ხობი თემურ ცაგურიას კონცერტი გაიმართა

ხობის კულტურის სახლის დიდ საკონცერტო დარბაზში, თემურ ცაგურიას კონცერტი გაიმართა.

კონცერტს, ხობის მუნიციპალიტეტის საკრებულოს თავმჯდომარე ლევან ქავთარაძე, მერი დავითბუკია, მერის მოადგილე დავით ბერაია, ადგილობრივი ხელისუფლებისა და საზოგადოების სხვადასხვა სფეროს წარმომადგენლებთან ერთად ესწრებოდნენ.

ღონისძიება საქართველოს კულტურის სამინისტროს ორგანიზებითა და ადგილობრივი თვითმმართველობის ხარდაჭერით გაიმართა.

ივნისი 13, 2025

13 ივნისის ტრაგედიიდან 10 წელი გავიდა

ხობის მუნიციპალიტეტის საკრებულოს თავმჯდომარემ ლევან ქავთარაძემ და მერმა დავით ბუკიამ ადგილობრივი თვითმმართველობის წარმომადგენლებთან ერთად 13 ივნისის ტრაგედიის დროს დაღუპული ინდირა და ლიზი ზარანდიების ხსოვნას პატივი მიაგეს და საფლავები ყვავილებით შეამკეს.

ათი წლის წინ, თბილისში, მდინარე ვერეს ხეობაში მომხდარ სტიქიას ორი ხობელი ახალგაზრდა – დები ინდირა და ლიზი ზარანდიები ემსხვერპლნენ. 2015 წლის 13 ივნისს მომხდარ სტიქიას მათთან ერთად, 21 ადამიანის სიცოცხლე ემსხვერპლა, ხოლო 2 მოქალაქე უგზო-უკვლოდ დაიკარგა.

ივნისი 6, 2025

ყურბან-ბაირამის დღესასწაული მიულოცეს

ხობის მუნიციპალიტეტის შავღელეს ადმინისტრაციულ ერთეულში მცხოვრებ მუსლიმებს ყურბან-ბაირამის დღესასწაული ხობის მუნიციპალიტეტის საკრებულოს თავმჯდომარემ ლევან ქავთარაძემ დახობის მუნიციპალიტეტის მერის მოადგილემ, დავით ბერაიამ მიულოცეს.

ყურბან-ბაირამის ლოცვა შავღელეს მეჩეთის წინამძღვარმა, ზურაბ ტარიელაძემ აღავლინა

ივნისი 1, 2025

ხობში ბავშვთა დაცვის საერთაშორისო დღე აღინიშნა

ხობში, ბავშვთა დაცვის საერთაშორისო დღე კულტურული, სპორტული და გასართობი ღონისძიებებით აღინიშნა.

ცენტრალურ პარკში მოეწყო ბავშვთა ნახატების გამოფენა, ხოლო, ბავშვებისმხიარულ განწყობაზე ზღაპრების კოსტიუმირებული გმირები ზრუნავდნენ.

ადგილობრივი შემოქმედებითი ჯგუფების მონაწილეობით კონცერტები გაიმართა.

ღონისძიებას ხობის მუნიციპალიტეტის საკრებულოს თავმჯდომარე ლევან ქავთარაძე, მუნიციპალიტეტის მერის მოადგილე დავით ბერაია და ადგილობრივი ხელისუფლების წარმომადგენლები ესწრებოდნენ.

ღონისძიება ადგილობრივი თვითმმართველობის მხარდაჭერით განხორციელდა.

ივნისი 1, 2025

ბავშვთ დაცვის საერთაშორისო დღე

ივნისი 1, 2025

გილოცავთ ნინოობას!

მაისი 30, 2025

კურსდამთავრებულებისადმი მიძღვნილი ღონისძიება

ქალაქ ხობში, მუნიციპალიტეტის საჯარო და კერძო სკოლების კურსდამთავრებულებისადმი მიძღვნილი საზეიმო ღონისძიება გაიმართა. ცენტრალურ პარკში მსმენელის წინაშე ჯგუფი „რეგიონი“წარსდგა. ღონისძიებას ახალგაზრდებთან ერთად ხობის მუნიციპალიტეტის საკრებულოს თავმჯდომარე ლევან ქავთარაძე, მერი დავით ბუკია და ადგილობრივი ხელისუფლების წარმომადგენლები ესწრებოდნენ.

საზეიმო ღონისძიება ადგილობრივი თვითმმართველობის მხარდაჭერით განხორციელდა.

ღონისძიება ფოიერვერკით დასრულდა.

#გილოცავთსკოლისდამთავრებას

მაისი 29, 2025

საკრებულოს სხდომა

29 მაისს, ხობის მუნიციპალიტეტის საკრებულოს სხდომათა დარბაზში, საკრებულოს მორიგი სხდომა გაიმართა, რომელსაც საკრებულოს თავმჯდომარე ლევან ქავთარაძე უძღვებოდა. სხდომას ესწრებოდნენ საკრებულოსა და მერიის ხელმძღვანელი პირები. სხდომაზე განხილულ იქნა დადგენილების პროექტი „ხობის მუნიციპალიტეტის ტერიტორიაზე ავტოსადგურის განთავსებისა და ადმინისტრაციულ ერთეულებში იმ დასახლებების ჩამონათვალის განსაზღვრის შესახებ, სადაც სავალდებულო არ არის ავტოსადგურიდან რეისის გასვლა“ რომლის საფუძველზეცახალი თანამედროვე სტანდარტების გარემო მოეწყობა, რომელიც ადაპტირებული იქნება შშმ პირებზეც, სადაც მგზავრებს შესაძლებლობა ექნებათ სწრაფად, უსაფრთხოდ და მოხერხებულად გადაადგილდნენ. თავის მხრივ ავტოსადგურის გამართული ფუნქციონირება აისახება მუნიციპალიტეტის ბიუჯეტის შემოსულობებზეც.

მუნიციპალიტეტის მერიას მიზანშეწონილად მიაჩნია მუნიციპალიტეტის ტერიტორიაზე ერთი ავტოსადგურის განთავსება ქალაქ ხობში. რაც შეეხება ადმინისტრაციული ერთეულებიდან სხვა მუნიციპალიტეტებში გამავალი ტრანსპორტის ავტოსადგურიდან გასვლას (ზუგდიდი, სენაკი, ფოთი), განისაზღვრა 13 სოფელი, სადაც არაა სავალდებულო ავტოსადგურიდან რეისის გასვლა:

1. ახალი ხიბულის ადმინისტრაციული ერთეული - სოფელი ზუბი;

2. ახალი ხიბულის ადმინისტრაციული ერთეული - სოფელი გაშფერდი;

3. ახალსოფელის ადმინისტრაციული ერთეული - სოფელი ახალსოფელი;

4. ზემო ქვალონის ადმინისტრაციული ერთეული - სოფელი საალანიო - საფაჩულიო;

5. თორსა-დღვაბის ადმინისტრაციული ერთეული - სოფელი თორსა;

6. პატარა ფოთის ადმინისტრაციული ერთეული - სოფელი პატარა ფოთი;

7. პირველი მაისის ადმინისტრაციული ერთეული- სოფელი საკვიკვინიო;

8. საგვიჩიოს ადმინისტრაციული ერთეული - სოფელი საგვიჩიო;

9. საჯიჯაოს ადმინისტრაციული ერთეული - სოფელი ზენი;

10. ქვემო ქვალონის ადმინისტრაციული ერთეული - სოფელი ბულიში;

11. ყულევის ადმინისტრაციული ერთეული - სოფელი ყულევი;

12. შავღელეს ადმინისტრაციული ერთეული - სოფელი შავღელე;

13. ძველი ხიბულის ადმინისტრაციული ერთეული - სოფელი ძველი ხიბულა.

სხდომაზე განხილულ იქნა განკარგულების პროექტი „ხობის მუნიციპალიტეტის 2024 წლის ადგილობრივი ბიუჯეტის შესრულების წლიური ანგარიშის დამტკიცების თაობაზე“ რომლის თანახმადაც მუნიციპალიტეტის 2024 წლის ადგილობრივი ბიუჯეტის დაზუსტებულმა გეგმამ შეადგინა შემოსულობების ნაწილში 28742,4 ათასი ლარი, ხოლო საგასავლო ნაწილში 30059,99 ათასი ლარი. 10832,7 ათასი ლარი სახელმწიფო ბიუჯეტიდან გამოყოფილი გრანტებია ინფრასტრუქტურის განვითარებისა და დელეგირებული უფლებამოსილების განსახორციელებლად.

საკრებულოს მიერ მიღებულ იქნა განკარგულება „ხობის მუნიციპალიტეტის პირველი მაისის ადმინისტრაციული ერთეულის სოფელ ბულიწყუში შოთა რუსთაველის ქუჩის პირველი შესახვევისთვის სპარტაკ ბუკიას სახელის მინიჭების მიზანშეწონილობის თაობაზე“, რომელსაც საფუძვლად დაედო პირველი მაისის მოსახლეობის მოთხოვნა პირველი მაისის ადმინისტრაციული ერთეულის სოფელ ბულიწყუში შოთა რუსთაველის ქუჩის პირველი შესახვევისთვის სპარტაკ ბუკიას სახელის მინიჭების თაობაზე.

დღის წესრიგით გათვალისწინებული საკითხების განხილვის შემდეგ საკრებულოს მორიგი სხდომა დახურულად გამოცხადდა.

<<
<
1
2
3
4
5
6
7
8
9
10
11
12
13
14
15
16
17
...
>
>>