SAKREBULO OF KHOBI MUNICIPALITY

Home
news

news

May 9, 2026

ჰარიდას ლაურეატთა დაჯილდოება და გალაკონცერტი (EN)

ხობის კულტურის სახლის დიდ საკონცერტო დარბაზში, ხობის ხელოვნების კონკურს-ფესტივალ „ჰარიდას“ ლაურეატთა დაჯილდოება და გალაკონცერტი გაიმართა.

ღონისძიებას ხობის მუნიციპალიტეტის საკრებულოს თავმჯდომარე გოჩა ქაჯაია, მერი დავით ბუკია, მერის პირველი მოადგილე რევაზ ზაქარაია, მერის მოადგილე დავით ბერაია და კონკურს-ფესტივალის ჟიურის წევრები ესწრებოდნენ.

კონკურს-ფესტივალში საქართველოს სხვადასხვა მუნიციპალიტეტის ქართული ხალხური ცეკვისა და სიმღერის ანსამბლები, სამუსიკო და სახელოვნებო სკოლების გუნდები მონაწილეობდნენ.

კონკურს-ფესტივალის საღონისძიებო პროგრამის ფარგლებში საქართველოს ხალხური სიმღერისა და ცეკვის სახელმწიფო აკადემიური ანსამბლ „რუსთავის“ სამხატვრო ხელმძღვანელმა, მიხეილ ჯავახიშვილმა ხალხური სიმღერის მასტერკლასი ჩაატარა, ხოლო დიდ საკონცერტო დარბაზში საქართველოს კათოლიკოს-პატრიარქის ნათლულთა გუნდის კონცერტი გაიმართა.

საგუნდო კოლექტივების, ფოლკლორული ანსამბლებისა და ქართული ხალხური ცეკვების კონკურს - ფესტივალი „ჰარიდა“ ხობის მუნიციპალიტეტის ადგილობრივი თვითმმართველობის მხარდაჭერით, საქართველოს ხელოვნების აკადემიის და მუსიკის აკადემიის ორგანიზებით ჩატარდა.

April 29, 2026

საკრებულოს სხდომა (EN)

29 აპრილს, ხობის მუნიციპალიტეტის საკრებულოს სხდომათა დარბაზში, საკრებულოს მორიგი სხდომა გაიმართა, რომელსაც საკრებულოს თავმჯდომარე გოჩა ქაჯაია უძღვებოდა. სხდომას ესწრებოდნენ საკრებულოსა და მერიის ხელმძღვანელი პირები. სხდომაზე განხილულ იქნა დადგენილების პროექტი „ხობის მუნიციპალიტეტის 2026 წლის ადგილობრივი ბიუჯეტის დამტკიცების შესახებ“ ხობის მუნიციპალიტეტის საკრებულოს 2025 წლის 30 დეკემბრის №27 დადგენილებაში ცვლილების შეტანის თაობაზე“, რომლის თანახმადაც ხობის მუნიციპალიტეტის 2026 წლის ადგილობრივ ბიუჯეტში შემოსულობები განისაზღვრა- 31758,3 ათასი ლარის ოდენობით, ხოლო გადასახდელები განისაზღვრა 47800,1 ათასი ლარის ოდენობით.

სხდომაზე განიხილეს დადგენილების პროექტი: „ხობის მუნიციპალიტეტის მერიის საშტატო ნუსხის დამტკიცებისა და ხობის მუნიციპალიტეტის მერიის პოლიტიკური თანამდებობის პირთა, პროფესიულ საჯარო მოხელეთა და ადმინისტრაციული ხელშეკრულებით დასაქმებულ პირთა თანამდებობრივი სარგოების ოდენობების განსაზღვრის შესახებ“ ხობის მუნიციპალიტეტის საკრებულოს 2018 წლის 18 იანვრის №4 დადგენილებაში ცვლილების შეტანის თაობაზე“; რომლის თანახმადაც ადმინისტრაციული სამსახურის საორგანიზაციო საკითხთა განყოფილებაში უქმდება მეორე კატეგორიის უფროსი სპეციალისტის ვაკანტური თანამდებობა და საქმისწარმოების განყოფილებაში იქმნება პირველი კატეგორიის უფროსი სპეციალისტის თანამდებობა, რაც არ ცვლის საერთო ჯამში საშტატო ნუსხის რაოდენობას.

განკარგულების პროექტით: „საქართველოს სახელმწიფო ბიუჯეტით გათვალისწინებული რეგიონებში განსახორციელებელი პროექტების ფონდიდან სოფლის მხარდაჭერის პროგრამის ფარგლებში ხობის მუნიციპალიტეტში 2026 წელს დასაფინანსებელი პროექტების დამტკიცების შესახებ“, დამტკიცდა სოფლის მხარდაჭერის პროგრამის ფარგლებში ის საპროექტო წინადადებები, რომლებიც შეირჩა მოსახლეობასთან კონსულტაციით და მერიის ორგანიზებით ჩატარებულ ხობის მუნიციპალიტეტის დასახლებების საერთო კრებებზე. აღნიშნული პროგრამის დასაფინანსებლად სახელმწიფო ბიუჯეტიდან 2026 წელს მუნიციპალიტეტისთვის გამოყოფილია 784000 ლარი, პროექტების პრიორიტეტულობის გათვალისწინებით, მუნიციპალიტეტის თანადაფინანსების თანხა განისაზღვრა 656 000 ლარის ოდენობით, პროგრამის ბიუჯეტი შეადგენს 1440000 ლარს.

საკრებულოს სხდომაზე დამტკიცდა ხობის მუნიციპალიტეტის 2025 წლის ადგილობრივი ბიუჯეტის შესრულების წლიური ანგარიში, რომლის თანახმადაც მუნიციპალიტეტის 2025 წლის ადგილობრივი ბიუჯეტის დაზუსტებულმა გეგმამ შეადგინა შემოსულობების ნაწილში 36491,4 ათასი ლარი, ხოლო საგასავლო ნაწილში 43744,7 ათასი ლარი.

April 28, 2026

განცხადება ხობის მუნიციპალიტეტის საკრებულოს მორიგი სხდომის შესახებ (EN)

ხობის მუნიციპალიტეტის საკრებულოს მორიგი სხდომა გაიმართება 2026 წლის 29 აპრილს 11:00 საათზე, საკრებულოს სხდომათა დარბაზში.

April 28, 2026

ბიუროს სხდომა (EN)

28 აპრილს გაიმართა ხობის მუნიციპალიტეტის საკრებულოს ბიუროს სხდომა, სადაც განიხილეს დღის წესრიგით გათვალისწინებული საკითხები:

1. ხობის მუნიციპალიტეტის მერის დავით ბუკიას 2025 წლის 5 ნოემბრის N50-502530913 წერილის განხილვა („ხობის მუნიციპალიტეტის ხობის ადმინისტრაციულ ერთეულის (ქალაქი ხობი) ტერიტორიაზე არსებული ქუჩებისთვის სახელის გადარქმევისა და უსახელო ქუჩების სახელდების შესახებ“ ხობის მუნიციპალიტეტის საკრებულოს 2020 წლის 28 მაისის N14 განკარგულებაში ცვლილების შეტანის შესახებ“ განკარგულების პროექტის თაობაზე);

(მომხსენებელი: ბექა მამაცაშვილი - ხობის მუნიციპალიტეტის საკრებულოს

ინფრასტრუქტურისა და სივრცით - ტერიტორიული დაგეგმარების

კომისიის თავმჯდომარე);

2. ხობის მუნიციპალიტეტის მერის დავით ბუკიას 2026 წლის 23 აპრილის N50-50261134 წერილის განხილვა („ხობის მუნიციპალიტეტის მერიის საშტატო ნუსხის დამტკიცებისა და ხობის მუნიციპალიტეტის მერიის პოლიტიკური თანამდებობის პირთა, პროფესიულ საჯარო მოხელეთა და ადმინისტრაციული ხელშეკრულებით დასაქმებულ პირთა თანამდებობრივი სარგოების ოდენობების განსაზღვრის შესახებ“ ხობის მუნიციპალიტეტის საკრებულოს 2018 წლის 18 იანვრის №4 დადგენილებაში ცვლილების შეტანის თაობაზე“ დადგენილების პროექტის შესახებ);

(მომხსენებელი: მედეა თათარიშვილი - ხობის მუნიციპალიტეტის საკრებულოს

იურიდიულ, სამანდატო - საპროცედურო და ეთიკის

კომისიის თავმჯდომარე);

3. ხობის მუნიციპალიტეტის მერის დავით ბუკიას 2026 წლის 24 აპრილის N50-502611425 წერილის განხილვა („ხობის მუნიციპალიტეტის 2025 წლის ადგილობრივი ბიუჯეტის შესრულების წლიური ანგარიშის დამტკიცების თაობაზე“ განკარგულების პროექტის შესახებ);

(მომხსენებელი: ლევან ლიპარტია - ხობის მუნიციპალიტეტის საკრებულოს საფინანსო - საბიუჯეტო კომისიის თავმჯდომარე);

4. ხობის მუნიციპალიტეტის მერის დავით ბუკიას 2026 წლის 24 აპრილის N50-502611445 და 28 აპრილის N N50-502611815 წერილების განხილვა („საქართველოს სახელმწიფო ბიუჯეტით გათვალისწინებული რეგიონებში განსახორციელებელი პროექტების ფონდიდან სოფლის მხარდაჭერის პროგრამის ფარგლებში ხობის მუნიციპალიტეტში 2026 წელს დასაფინანსებელი პროექტების დამტკიცების შესახებ“ განკარგულების პროექტის თაობაზე);

(მომხსენებელი: ბექა მამაცაშვილი - ხობის მუნიციპალიტეტის საკრებულოს

ინფრასტრუქტურისა და სივრცით - ტერიტორიული დაგეგმარების

კომისიის თავმჯდომარე);

5. ხობის მუნიციპალიტეტის მერის დავით ბუკიას 2026 წლის 27 აპრილის N50-502611736 წერილის განხილვა („ხობის მუნიციპალიტეტის 2026 წლის ადგილობრივი ბიუჯეტის დამტკიცების შესახებ“ ხობის მუნიციპალიტეტის საკრებულოს 2025 წლის 30 დეკემბრის №27 დადგენილებაში ცვლილების შეტანის თაობაზე“ დადგენილების პროექტის შესახებ);

(მომხსენებელი: ლევან ლიპარტია - ხობის მუნიციპალიტეტის საკრებულოს საფინანსო - საბიუჯეტო კომისიის თავმჯდომარე);

6. ხობის მუნიციპალიტეტის მერის დავით ბუკიას 2026 წლის 27 აპრილის N50-502611747 წერილის განხილვა („ 2025 წელს განხორციელებული სახელმწიფო შესყიდვების ანგარიშის შესახებ“);

(მომხსენებელი: ლევან ლიპარტია - ხობის მუნიციპალიტეტის საკრებულოს საფინანსო - საბიუჯეტო კომისიის თავმჯდომარე);

7. ხობის მუნიციპალიტეტის მერის დავით ბუკიას 2026 წლის 27 აპრილის N50-502611749 წერილის განხილვა (ინფორმაცია ხობის მუნიციპალიტეტის 2026 წლის ადგილობრივი ბიუჯეტის იანვარი - მარტის შესრულების შედეგების თაობაზე).

(მომხსენებელი: ლევან ლიპარტია - ხობის მუნიციპალიტეტის საკრებულოს

საფინანსო - საბიუჯეტო კომისიის თავმჯდომარე).

April 21, 2026

გილოცავთ! ვახტანგ ლოლუა ბერძნულ-რომაული სტილით ჭიდაობაში ევროპის ვიცე-ჩემპიონია! (EN)

გილოცავთ! ვახტანგ ლოლუა ბერძნულ-რომაული სტილით ჭიდაობაში, 55 კილოგრამ წონით კატეგორიაში ევროპის ვიცე-ჩემპიონია!

ხობის მუნიციპალიტეტის საკრებულო ულოცავს ვახტანგს, მის მწვრთნელებსა და გულშემატკივრებს ევროპის ჩემპიონატზე მოპოვებულ გამარჯვებას.

April 14, 2026

დედაენის დღე (EN)

April 12, 2026

ქრისტე აღდგა! (EN)

April 9, 2026

9 აპრილის ტრაგედიიდან 37 წელი გავიდა (EN)

9 აპრილი საქართველოს სახელმწიფოებრივი დამოუკიდებლობის აღდგენის აქტის მიღების, საქართველოს ეროვნული ერთიანობის, სამოქალაქო თანხმობისა და სამშობლოსათვის დაღუპულთა მოგონების დღეა.

ხობის მუნიციპალიტეტის საკრებულოს თავმჯდომარემ გოჩა ქაჯაიამ და მერმა დავით ბუკიამ ადგილობრივი თვითმმართველობისა და საზოგადოების წარმომადგენლებთან ერთად, 1989 წლის 9 აპრილს სამშობლოს დამოუკიდებლობისთვის თავდადებულთა მემორიალი ყვავილებით შეამკეს.

ადგილობრივი ხელისუფლების წარმომადგენლებმა პატივი მიაგეს 9 აპრილს დაღუპული ნათია ბაშალეიშვილის ხსოვნას და ხეთის ადმინისტრაციულ ერთეულში, მისი სახელობის წყარო ყვავილებით შეამკეს.

April 8, 2026

ბენეფიციარებს დამდეგი აღდგომის ბრწყინვალე დღესასწაული მიულოცეს (EN)

ხობის მუნიციპალიტეტის უფასო სასადილოთი მოსარგებლე ბენეფიციარებს დამდეგი აღდგომის ბრწყინვალე დღესასწაული მიულოცეს ხობის მუნიციპალიტეტის საკრებულოს თავმჯდომარემ გოჩა ქაჯაიამ, მერის მოადგილემ დავით ბერაიამ და „შავი ზღვის ტერმინალის“ წარმომადგენლებმა.

უფასო სასადილოს 155 ბენეფიციარს ადგილობრივი ბიუჯეტის დაფინანსებით შეძენილი სასურსათო ნობათი გადაეცა. თავის მხრივ, სოციალური პასუხისმგებლობის კამპანიის ფარგლებში სასურსათო ნობათი გადასცეს „შავი ზღვის ტერმინალის“ წარმომადგენლებმა.

April 7, 2026

გილოცავთ ხარებას! (EN)

April 6, 2026

საქართველოში საკრებულოს რეგლამენტის განახლების პროცესი (EN)

4–5 აპრილს, ქობულეთში გაიმართა სამუშაო შეხვედრა, რომელშიც სამეგრელო-ზემო სვანეთის, აჭარისა და გურიის მუნიციპალიტეტების წარმომადგენლები მონაწილეობდნენ.

შეხვედრის ფარგლებში განიხილეს საკრებულოს ტიპური რეგლამენტი და შემუშავდა შესაბამისი რეკომენდაციები მისი საბოლოო რედაქციისთვის.

საინფორმაციო - საკონსულტაციო შეხვედრაში მონაწილეობა მიიღეს ხობის მუნიციპალიტეტის საკრებულოს აპარატის უფროსმა ლელა შამათავამ და საკრებულოს აპარატის იურიდიულ საკითხთა და საქმისწარმოების განყოფილების პირველი კატეგორიის უფროსმა სპეციალისტმა იურიდიულ საკითხებში თეზირი კვარაცხელიამ.

პროექტის მიზანია საკრებულოების ინსტიტუციური გაძლიერება, მათი საქმიანობის ეფექტიანობის ზრდა და გადაწყვეტილების მიღების პროცესის გაუმჯობესების ხელშეწყობა.

ინიციატივას ახორციელებს თანამონაწილეობისა და ჩართულობის ცენტრი – სიპისი (CPC), სახელმწიფო გრანტის მართვის სააგენტო-ის მხარდაჭერით და პარტნიორ ორგანიზაციასთან საქართველოს ადგილობრივ თვითმმართველობათა ეროვნული ასოციაცია (NALAG) თანამშრომლობით.

April 5, 2026

გილოცავთ ბზობას! (EN)

March 31, 2026

რეფერენდუმისა და საქართველოს პირველი პრეზიდენტის ზვიად გამსახურდიას დაბადების დღე (EN)

31 მარტს, საქართველოს დამოუკიდებლობის აღდგენის, რეფერენდუმისა და საქართველოს პირველი პრეზიდენტის ზვიად გამსახურდიას დაბადების დღის აღსანიშნავად, ხობის მუნიციპალიტეტის ძველი ხიბულის ადმინისტრაციულ ერთეულში, წმინდა ლაზარეს აღდგინების სახელობის ტაძარში აღევლინა პირველი პრეზიდენტის სულის მოსახსენიებელი პანაშვიდი.

მემორიალურ სახლში პირველი პრეზიდენტის ცხოვრებისა და მოღვაწეობის ამსახველი ფოტოების, დოკუმენტების გამოფენა მოეწყო, გაიმათა ზვიად გამსახურდიას დაბადების დღისადმი მიძღვნილი ღონისძიება.

ხობის მუნიციპალიტეტის საკრებულოს თავმჯდომარემ გოჩა ქაჯაიამ, მერის პირველი მოადგილე რევაზ ზაქარაიამ, მერის მოადგილე დავით ბერაიამ საზოგადოებისა და ადგილობრივი ხელისუფლების სხვა წარმომადგენლებთან ერთად პატივი მიაგეს საქართველოს პირველი პრეზიდენტის ხსოვნას.

საქართველოს პირველ პრეზიდენტს, ეროვნულ გმირს, მწერალს, მთარგმნელს, საქართველოს დამოუკიდებლობისათვის ბრძოლის სიმბოლოს - ზვიად გამსახურდიას, დღეს 87 წელი შეუსრულდებოდა.

<<
<
1
2
3
4
5
6
7
8
9
10
11
12
13
14
15
16
17
...
>
>>