ხობის მუნიციპალიტეტის საკრებულო

სიახლეები

ივნისი 30, 2023

გენდერული თანასწორობის საკითხებზე" ტრენინგი გაიმართა

ხობის მუნიციპალიტეტის მერიის საკონფერენციო დარბაზში გაეროს განვითარების პროგრამის (UNDP) ფარგლებში გენდერული თანასწორობის საკითხებზე ორ დღიანი ტრენინგი ჩატარდა.

ტრენინგზე, გენდერული ბიუჯეტირების და გენდერული მეინსტრიმინგის მიმართულებაზე ისაუბრეს.

ტრენინგს ადგილობრივი თვითმმართველობის წარმომადგენლები ესწრებოდნენ.

ივნისი 28, 2023

საკრებულოს სხდომა

28 ივნისს, ხობის მუნიციპალიტეტის საკრებულოს სხდომათა დარბაზში გაიმართა საკრებულოს მორიგი სხდომა, რომელსაც უძღვებოდა საკრებულოს თავმჯდომარის მოვალეობის შემსრულებელი მამუკა ქარდავა. სხდომას ესწრებოდნენ საკრებულოსა და მერიის ხელმძღვანელი პირები. სხდომაზე განხილულ იქნა დღის წესრიგით გათვალისწინებული საკითხები.

მათ შორის დადგენილების პროექტი „ხობის მუნიციპალიტეტის 2023 წლის ადგილობრივი ბიუჯეტის დამტკიცების შესახებ“ ხობის მუნიციპალიტეტის საკრებულოს 2022 წლის 29 დეკემბრის №24 დადგენილებაში ცვლილების შეტანის თაობაზე“, რომლის საფუძველზეც 2023 წლის პირველი იანვრის მდგომარეობით არსებული ნაშთიდან ბიუჯეტში აისახა 860,6 ათასი ლარი, რომელიც მიიმართა ახალდაფუძნებული ა(ა)იპ „ხობის მუნიციპალიტეტის სპორტის ცენტრის“ სუფსიდიის ასიგნებებზე.

სხდომაზე განიხილეს განკარგულების პროექტი „ხობის მუნიციპალიტეტის სოციალურად დაუცველი და ეკონომიკურად შეჭირვებული მოსახლეობის სოციალურ-ეკონომიკური მდგომარეობის გაუმჯობესებისა და ხელშეწყობის 2023 წლის მუნიციპალური პროგრამისა და თანხის გაცემის წესის დამტკიცების შესახებ“ ხობის მუნიციპალიტეტის საკრებულოს 2022 წლის 29 დეკემბრის N44 განკარგულებაში ცვლილების შეტანის თაობაზე“, რომლის თანახმადაც პროგრამაში ხანძრით და სტიქიით დაზარალებულთა დახმარებისთვის გამოყოფილი თანხა 30 000 ლარი, 2023 წლის იანვარში ძლიერი სტიქიის შედეგად მიყენებული ზარალის დასაფარად არასაკმარისი აღმოჩნდა, დათვლილი ზარალის შესაბამისად, სტიქიის შედეგების სალიკვიდაციო ღონისძიებების განსახორციელებლად მთავრობის გადაწყვეტილებით მუნიციპალიტეტისთვის დამატებულ იქნა 272000 ლარი, შესაბამისად თანხა განისაზღვრა 302 000 ლარით და საბოლოო ჯამში პროგრამის ბიუჯეტმა შეადგინა 881 950 ლარი, ამასთან განკარგულებას შეეცვალა სახელი და ეწოდა „ხობის მუნიციპალიტეტის მოსახლეობის სოციალური უზრუნველყოფის 2023 წლის მუნიციპალური პროგრამის დამტკიცების შესახებ“.

ხობის მუნიციპალიტეტს შპს ,,საქართველოს მყარი ნარჩენების მართვის კომპანიიდან“ გადმოეცა ორი სატვირთო ავტომანქანა, განკარგულების პროექტით „ხობის მუნიციპალიტეტის მერისთვის მუნიციპალიტეტის საკუთრებაში არსებული მოძრავი ქონების სარგებლობის უფლებით (თხოვების ფორმით) პირდაპირი განკარგვის წესით გადაცემაზე თანხმობის მიცემის შესახებ“, აღნიშნული ავტოსატრანსპორტო საშუალებები პირდაპირი განკარგვის წესით, სარგებლობის უფლებით (თხოვების ფორმით) გადაეცა შპს ,,ხობი დასუფთავება და განათებას“.

დღის წესრიგით გათვალისწინებული საკითხების განხილვის შემდეგ საკრებულოს მორიგი სხდომა დახურულად გამოცხადდა.

ივნისი 27, 2023

ბიუროს სხდომა

27 ივნისს გაიმართა ხობის მუნიციპალიტეტის საკრებულოს ბიუროს სხდომა, სადაც განხილულ იქნა დღის წესრიგით გათვალისწინებული საკითხები:

1. საქართველოს სახელმწიფო აუდიტის სამსახურის ადგილობრივი თვითმართველი ერთეულების ბიუჯეტების აუდიტის დეპარტამენტის უფროსის გიორგი მამრიკიშვილის 2023 წლის 7 ივნისის N003259/18 წერილის განხილვა (ხობის მუნიციპალიტეტის 2020 – 2021 წლების საქმიანობის შესაბამისობის აუდიტის ანგარიშის თაობაზე);

(მომხსენებელი: ლევან ლიპარტია - ხობის მუნიციპალიტეტის საკრებულოს

საფინანსო - საბიუჯეტო კომისიის თავმჯდომარე);

2. ხობის მუნიციპალიტეტის საკრებულოს წევრის მალხაზ იოსავას 2023 წლის 13 ივნისის განცხადების განხილვა (ხობის მუნიციპალიტეტის საკრებულოს მორიგ სხდომაზე მოხსენების თაობაზე);

(მომხსენებელი: მედეა თათარიშვილი - ხობის მუნიციპალიტეტის საკრებულოს

იურიდიულ, სამანდატო - საპროცედურო და ეთიკის

კომისიის თავმჯდომარე);

3. ხობის მუნიციპალიტეტის საკრებულოს იურიდიულ, სამანდატო-საპროცედურო და ეთიკის კომისიის თავმჯდომარის მედეა თათარიშვილის 2023 წლის 21 ივნისის N51-51231727 განცხადების განხილვა („ხობის მუნიციპალიტეტის საკრებულოს თანამდებობის პირთა და საკრებულოს აპარატის პროფესიული საჯარო მოხელის თანამდებობის რანგირების, თანამდებობრივი სარგოს ოდენობის განსაზღვრისა და საკრებულოს აპარატის საშტატო ნუსხის დამტკიცების შესახებ“ ხობის მუნიციპალიტეტის საკრებულოს 2021 წლის 29 დეკემბრის N18 დადგენილებაში ცვლილების შეტანის თაობაზე“ დადგენილების პროექტის შესახებ);

(მომხსენებელი: მედეა თათარიშვილი - ხობის მუნიციპალიტეტის საკრებულოს

იურიდიულ, სამანდატო - საპროცედურო და ეთიკის

კომისიის თავმჯდომარე);

4. ხობის მუნიციპალიტეტის მერის დავით ბუკიას 2023 წლის 22 ივნისის N50-502317354 წერილის განხილვა („ხობის მუნიციპალიტეტის 2023 წლის ადგილობრივი ბიუჯეტის დამტკიცების შესახებ“ ხობის მუნიციპალიტეტის საკრებულოს 2022 წლის 29 დეკემბრის №24 დადგენილებაში ცვლილების შეტანის თაობაზე “ დადგენილების პროექტის შესახებ);

(მომხსენებელი: ლევან ლიპარტია - ხობის მუნიციპალიტეტის საკრებულოს

საფინანსო - საბიუჯეტო კომისიის თავმჯდომარე);

5. ხობის მუნიციპალიტეტის მერის დავით ბუკიას 2023 წლის 26 ივნისის N50-502317734 წერილის განხილვა:

• „ხობის მუნიციპალიტეტის მერისთვის მუნიციპალიტეტის საკუთრებაში არსებული მოძრავი ქონების სარგებლობის უფლებით (თხოვების ფორმით) პირდაპირი განკარგვის წესით გადაცემაზე თანხმობის მიცემის შესახებ“ განკარგულების პროექტის თაობაზე;

• „ხობის მუნიციპალიტეტის მერისთვის მუნიციპალიტეტის საკუთრებაში არსებული ძირითადი ქონების სარგებლობის უფლებით (თხოვების ფორმით) პირდაპირი განკარგვის წესით გადაცემაზე თანხმობის მიცემის შესახებ“ განკარგულების პროექტის თაობაზე;

(მომხსენებელი: ვლადიმერ ქანთარია - ხობის მუნიციპალიტეტის საკრებულოს

ეკონომიკისა და ქონების მართვის საკითხთა

კომისიის თავმჯდომარე);

6. ხობის მუნიციპალიტეტის მერის დავით ბუკიას 2023 წლის 26 ივნისის N50-502317755 წერილის განხილვა („ხობის მუნიციპალიტეტის სოციალურად დაუცველი და ეკონომიკურად შეჭირვებული მოსახლეობის სოციალურ-ეკონომიკური მდგომარეობის გაუმჯობესებისა და ხელშეწყობის 2023 წლის მუნიციპალური პროგრამისა და თანხის გაცემის წესის დამტკიცების შესახებ“ ხობის მუნიციპალიტეტის საკრებულოს 2022 წლის 29 დეკემბრის N44 განკარგულებაში ცვლილების შეტანის თაობაზე“ განკარგულების პროექტის შესახებ).

(მომხსენებელი: დოდო გაბუნია - ხობის მუნიციპალიტეტის საკრებულოს

განათლების, კულტურისა და სოციალურ საკითხთა

კომისიის თავმჯდომარე).

ივნისი 26, 2023

შეხვედრა სახალხო დამცველის აპარატის წარმომადგენლებთან

27 ივნისს სახალხო დამცველის აპარატის თანასწორობის დეპარტამენტის წარმომადგენლებმა ხობის მუნიციპალიტეტის საკრებულოს სხდომათა დარბაზში საკრებულოსა და მერიის წარმომადგენლებთან სექსუალური შევიწროების საკითხებზე საინფორმაციო შეხვედრა გამართეს.

ივნისი 19, 2023

გენდერი, გენდერული თანასწორობა და ოჯახური ძალადობა

19 ივნისს ხობის მუნიციპალიტეტის საკრებულოსა და ქალთა ფონდი „სოხუმის“ ეგიდით, ნოჯიხევის ადმინისტრაციულ ერთეულში მცხოვრებ მოსახლეობასთან გაიმართა შეხვედრა. შეხვედრის თემა იყო, „გენდერი, გენდერული თანასწორობა და ოჯახური ძალადობა“.

ივნისი 19, 2023

ხობში "სპორტული ფესტივალი" გაიმართა

ტრადიციული სპორტული ფესტივალი "სპორტი ყველასათვის" მინი ფეხბურთსა და მძლეოსნურ გარბენში გაიმართა. ორდღიან ტურნირში 2011, 2012 და 2013 წლებში დაბადებულ ჭაბუკთა 16 ხოლო გოგონათა 8 გუნდი მონაწილეობდა.

ღონისძიებებს საქართველოს პარლამენტის წევრი დაჩი ბერაია, „სპორტი ყველასათვის“ფედერაციის ვიცე პრეზიდენტი მაია აზარაშვილი, ხობის მუნიციპალიტეტის მერის მოადგილე დავით ბერაია და იურიდიულ,სამანდატო-საპროცედურო და ეთიკის კომისიის თავმჯდომარე მედეა თათარიშვილი ადგილობრივი თვითმმართველობის სხვა წარმომადგენლებთან ერთად ესწრებოდნენ.

გამარჯვებულ და საპრიზო ადგილებზე გასულ გუნდებს თასები, მედლები და სამახსოვრო საჩუქრები გადაეცათ.

სპორტული ღონისძიება საქართველოს ეროვნული ფედერაციის "სპორტი ყველასათვის", საქართველოს კულტურის, სპორტისა და ახალგაზრდობის სამინისტროს ორგანიზებითა და საქართველოს ფეხბურთის ფედერაციისა და ხობის მუნიციპალიტეტის საკრებულოსა და მერიის მხარდაჭერით განხორციელდა.

ივნისი 17, 2023

ხობში, მთავრობის ადმინისტრაციის ორგანიზებით ,,მუსიკალური საღამო” გაიმართა.

ცენტრალურ პარკში მოეწყო სხვადასხვა სახის აქტივობები, საბავშვო-გასართობი სივრცეები და პავილიონები, საპნის ბუშტების შოუ, ბავშვების გართობაზე ანიმატორებმა იზრუნეს, წარმოდგენილი იყო თითების თეატრი, სახის მოხატვა, ყვავილების გვირგვინების მასტერკლასი.

მოეწყო ხელთნაკეთი ნივთებისა და ადგილობრივი წარმოების პროდუქტების გამოფენა-გაყიდვა.

საღამო გრანდიოზული კონცერტით გაგრძელდა, სადაც მაყურებელთა წინაშე "თბილისურიკვარტეტი, "ქართული ხმები", "ჩვენი კვარტეტი", ნათია პერანიძე, მაია ჯაბუა, ნუკრი კაპანაძე, ნეკა სებისკვერაძე, ნინო გულიაშვილი, ლიკა დოლიძე და ,,ლაიქ ბენდი“, წარსდგნენ. კონცერტის ჯანო იზორია უძღვებოდა.

ღონისძიებას ადგილობრივი ხელისუფლების წარმომადგენლები საზოგადეობასთან და სტუმრებთან ერთად ესწრობოდნენ.

#მუსიკალურისაღამოები

ივნისი 17, 2023

ხობის მუნიციპალიტეტში განათლების ხელშეწყობის მუნიციპალური პროგრამა

ხობის მუნიციპალიტეტის მერიაში, მუნიციპალიტეტის საჯარო და კერძო სკოლების წარჩინებული მოსწავლეები დაჯილდოვდნენ.

მოსწავლეებს სკოლის დამთავრება მუნიციპალიტეტის მერმა დავით ბუკიამ მიულოცა და სიგელები გადასცა.

შეხვედრას მერის მოადგილე დავით ბერაია და სკოლების პედაგოგები ესწრებოდნენ.

„ხობის მუნიციპალიტეტში განათლების ხელშეწყობის მუნიციპალური პროგრამის“ ფარგლებში თითოეულ მოსწავლეს ადგილობრივი ბიუჯეტიდან პირად ანგარიშზე ფულადი თანხა ჩაერიცხება.

ივნისი 16, 2023

გენდერული თანასწორობის ხელშეწყობისათვის

16 ივნისს, ხობის მუნიციპალიტეტში ქალთა ფონდმა „სოხუმი“, მუნიციპალიტეტთან გაფორმებული მემომრანდუმის ფარგლებში სამი ტრენინგი ჩაატარა. ტრენინგი ეხებოდა გენდერული თანასწორობის მიღწევის შესაძლებლობებს, ოჯახურ ძალადობას და ქალთა საჭიროებების კვლევას. ტრენინგის სამიზნე ჯგუფები იყვნენ: მერიის სხვადასხვა სამსახურის ხელძღვანელი პირები, მუნიციპალიტეტში არსებული ბაღების ხელმძღვანელები და სკოლის პედაგოგები.

ივნისი 16, 2023

ზვიად დათუაშვილის სახელობის თასის გათამაშება მინი- ფეხბურთში

16 ივნისს, შუა ხორგის ადმინისტრაციულ ერთეულში, აგვისტოს ომის დროს დაღუპული კაპრალის, ზვიად დათუაშვილის სახელობის თასის გათამაშების ფინალური შეხვედრები და დაჯილდოების ცერემონია გაიმართა.

ტურნირის გამარჯვებული შუა ხორგის გუნდი გახდა, მეორე ადგილი ახალი სოფლის გუნდმა დაიკავა, ხოლო მესამე ადგილზე გურიფულის ფეხბურთელთა გუნდი გავიდა. გამარჯვებულ და საპრიზო ადგილებზე გასულ გუნდებს, ინდივიდუალურ ნომინაციებში საუკეთესოდ დასახელებულ ფეხბურთელებს თასები და სიგელები გადაეცათ.

ღონისძიებას, ადგილობრივი თვითმმართველობის წარმომადგენლებთან ერთად, ხობის მუნიციპალიტეტის მერის მოადგილე დავით ბერაია დაესწრო.

სპორტული ღონისძიება ადგილობრივი თვითმმართველობის მხარდაჭერითა და ა(ა)იპ „ხობის მუნიციპალიტეტის საფეხბურთო კლუბ „კოლხეთის“ ორგანიზებით განხორციელდა.

ივნისი 13, 2023

13 ივნისის ტრაგედიიდან რვა წელი გავიდა

თბილისში, 2015 წლის 13 ივნისს მდინარე ვერეს ხეობაში მომხდარი ტრაგედიიდან 8 წელი გავიდა.

ტრაგედიას ხობელი დები ინდირა და ლიზი ზარანდიების სიცოცხლე ემსხვერპლა.

მათ ხსოვნას პატივი მიაგეს და საფლავები ყვავილებით შეამკეს ხობის მუნიციპალიტეტის საკრებულოს თავმჯდომარემ ლევან ქავთარაძემ, მერმა დავით ბუკიამ და ადგილობრივი თვითმმართველობის სხვა წარმომადგენლებმა.

თბილისში, 2015 წლის 13 ივნისს მომხდარ სტიქიას 21 ადამიანის სიცოცხლე ემსხვერპლა. უგზო-უკვლოდ დაიკარგა 2 ადამიანი.

ივნისი 1, 2023

ურთიერთთანამშრომლობის მემორანდუმი

1 ივნისს, ხობის მუნიციპალიტეტსა და ქალთა ფონდ „სოხუმს“ შორის გაფორმდა ურთიერთთანამშრომლობის მემორანდუმი. მემორანდუმს ხელი ხობის მუნიციპალიტეტის საკრებულოს და გენდერული თანასაწორობის საბჭოს თავმჯდომარემ ლევან ქავთარაძემ და ქალთა ფონდი „სოხუმის“ ხელმძღვანელმა ალლა გამახარიამ მოაწერეს.

მემორანდუმის ფარგლებში შემუშავდება ხობის მუნიციპალიტეტში გენდერული განვითარების გეგმა, განხორციელდება სხვადასხვა თემატური ღონისძიებები, უზრუნველყოფილი იქნება ქალთა ჩართულობის გაზრდაგადაწყვეტილების მიღების პროცესში და ძალადობის მსხვერპლი ქალების ფსიქო-სოციალური რეაბილიტაცია.

ივნისი 1, 2023

ხობში ბავშვთა დაცვის საერთაშორისო დღე აღნიშნა

ბავშვთა დაცვის საერთაშორისო დღესთან დაკავშირებით ხობის მუნიციპალიტეტში კულტურულ-საგანმანათლებლო და სპორტული ღონისძიებები დღის განმავლობაში მიმდინარეობდა.

ხობის ცენტრალურ პარკში სპორტული შეჯიბრებები გაიმართა მძლეოსნობაში, ჭადრაკში, შაშსა და მაგიდის ჩოგბურთში. „სკოლამდელი სააღმზრდელო გაერთიანების“ ორგანიოზებით პროექტ ,,სკოლამდელების მოგზაურობა ცირკის სამყაროში’’ პრეზენტაცია გაიმართა.

ბავშვების განწყობაზე ანიმატორები ზრუნავდნენ. მოსწავლე-ახალგაზრდობის ცენტრის მოსწავლეებისა დაბავშვების მონაწილეობით ჩატარდა სახეზე ხატვა, ასფალტზე ხატვა, „ფლეშმობი“ და ნახატების გამოფენა.

კულტურის სახლის დიდ დარბაზში „ხობის მუნიციპალიტეტის კულტურულ-საგანმანათლებლო საზოგადოებრივ ცენტრთან“ არსებული ბავშვთა თეატრის სპექტაკლის „აქ ჩემი სახლია“ პრემიერა შედგა.

ბავშვთა დაცვის დღე ადგილობრივი ხელისუფლების წარმომადგენლებმა ხობის შეზღუდული შესაძლებლობების მქონე ბავშვთა დღის ცენტრის მოსწავლეებს მიულოცეს და სიმბოლური საჩუქრები გადასცეს.

ღონისძიებებს ხობის მუნიციპალიტეტის საკრებულოს თავმჯდომარე ლევან ქავთარაძე და მუნიციპალიტეტის მერი დავით ბუკია ადგილობრივი ხელისუფლების წარმომადგენლებთან ერთად ესწრებოდნენ.

ივნისი 1, 2023

გილოცავთ ბავშვთა საერთაშორისო დღეს!

ივნისი 1, 2023

გილოცავთ ნინოობას!

<<
<
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
...
>
>>