28 დეკემბერს, ხობის მუნიციპალიტეტის საკრებულოს სხდომათა დარბაზში გაიმართა საკრებულოს მორიგი სხდომა, რომელსაც უძღვებოდა საკრებულოს თავმჯდომარე ლევან ქავთარაძე. სხდომას ესწრებოდნენ საკრებულოსა და მერიის ხელმძღვანელი პირები. სხდომაზე განხილულ იქნა დღის წესრიგით გათვალისწინებული საკითხები,
სხდომაზე დამტკიცდა მუნიციპალიტეტის მთავარი საფინანსო დოკუმენტი ხობის მუნიციპალიტეტის 2024 წლის ადგილობრივი ბიუჯეტი, რომლის საფუძველზეც ბიუჯეტის შემოსულობები განისაზღვრა - 16398,7 ათასი ლარით,გადასახდელები - 16398,7 ათასი ლარით, სახელმწიფო ბიუჯეტიდან გამოყოფილი ტრანსფერი - 270,4 ათასი ლარით, მათ შორის: მიზნობრივი ტრანსფერი დელეგირებული უფლება მოსილებების განსახორციელებლად - 270,4 ათასი ლარი, სარეზერვო ფონდი - 90,0 ათასი ლარი, ვალდებულებების ცვლილება, კლება 58,0 ათასი ლარი. 2024 წლის საგადასახადო შემოსავლების პროგნოზი 2023 წლის საწყის გეგმიურ მაჩვენებელთან შედარებით იზრდება 1875,1 ათასი ლარით (13,0 %-ით).
სხდომაზე განხილულ იქნა დადგენილების პროექტი: „ხობის მუნიციპალიტეტის ადმინისტრაციულ საზღვრებში გასაშენებელი მწვანე ნარგავების სახეობებისა და გამწვანების პროექტის შეთანხმების პირობების დამტკიცების შესახებ“, რომლითაც განისაზღვრება ხობის მუნიციპალიტეტის ადმინისტრაციულ საზღვრებში გასაშენებელი მწვანე ნარგავების სახეობების სია და ხობის მუნიციპალიტეტის ტერიტორიაზე გამწვანების პროექტის შეთანხმების პირობები.
დადგენილების პროექტით „ხობის მუნიციპალიტეტის ადმინისტრაციულ ერთეულებად დაყოფის შესახებ“ ხობის მუნიციპალიტეტის საკრებულოს 2014 წლის 28 ივლისის №26 დადგენილებაში ცვლილების შეტანის თაობაზე“ ახალისოფლის ადმინისტრაციული ერთეულის ტერიტორიაზე გაზიფიცირების პროცესში გამოკვეთილი უზუსტობების აღმოფხვრის მიზნით ახალისოფლის ადმინისტრაციული ერთეულის დასახლებიდან ამოღებულ იქნა სოფელი განთიადი და გადატანილ იქნა საგვიჩიოს ადმინისტრაციული ერთეულის დასახლებაში.
დღევანდელ სხდომაზე დამტკიცდა განკარგულების პროექტი „ხობის მუნიციპალიტეტის 2024-2027 წლების საშუალოვადიანი განვითარების დოკუმენტის დამტკიცების შესახებ“, აღნიშნული დოკუმენტი განსაზღვრავს მუნიციპალიტეტის განვითარების კურსს მომდევნო ოთხი წლის განმავლობაში. დოკუმენტი ორიენტირებულია ადგილობრივ ეკონომიკურ განვითარებაზე, რომლის უმთავრესი მიზანია ადგილობრივი ტერიტორიული ერთეულის გაძლიერება და მდგრადი განვითარების ხელშეწყობა. მოსახლეობის ცხოვრების დონის ამაღლება. დოკუმენტში დაფიქსირებულია მუნიციპალიტეტის საშუალოვადიანი ხედვა -სადაც შეფასებულია და განვითარებისთვის გამოყენებულია მუნიციპალიტეტის კონკურენტული უპირატესობები, გეოგრაფიული მდებარეობა, სატრანსპორტო კვანძებთან სიახლოვე, აგრარული, ბუნებრივი რესურსები და ტურისტული პოტენციალი.
„ხობის მუნიციპალიტეტის ახალგაზრდული საქმიანობის 2024 წლის მუნიციპალური პროგრამის დამტკიცების შესახებ“, „ხობის მუნიციპალიტეტში სპორტის ხელშეწყობისა და განვითარების 2024 წლის მუნიციპალური პროგრამის დამტკიცების შესახებ“ და „ხობის მუნიციპალიტეტში განათლების ხელშეწყობის 2024 წლის მუნიციპალური პროგრამის დამტკიცების შესახებ“ განკარგულების პროექტები ითვალისწინებს მუნიციპალიტეტში მცხოვრები ახალგაზრდების გაძლიერებას, მუნიციპალიტეტში სპორტის ხელშეწყობასა და განვითარებას, ხობის მუნიციპალიტეტის ზოგადსაგანმანათლებლო საჯარო და კერძო სკოლების წარმატებულ მოსწავლეთა და წარმატებულ სტუდენტთა ფინანსურ ხელშეწყობას და ხობის მუნიციპალიტეტში განათლების სფეროში მოღვაწე პირების მატერიალურ წახალისებას.
„ხობის მუნიციპალიტეტის მოსახლეობის სოციალური უზრუნველყოფის 2024 წლის მუნიციპალური პროგრამის დამტკიცების შესახებ“ განკარგულები სპროექტით წინა წელთან შედარებით პროგრამაში განხორციელდა სხვადასხვა ცვლილებები, კერძოდ:
უმწეო ბენეფიციართა კვებითი მომსახურების კვირის დღეთა რაოდენობა განისაზღვრა 7 დღით და განისაზღვრა 130000 ლარის ოდენობით ნაცვლად 125 000 ლარისა.
დიალიზზე მყოფ მოქალაქეთა ყოველთვიური ფულადი დახმარების ბენეფიციართა რაოდენობა გაიზარდა 18-მდე და ბიუჯეტი განისაზღვრა 43200 ლარის ოდენობით, ნაცვლად 36000 ლარისა.
0-18 წლამდე ასაკის მქონე პირთათვის, რომლებიც საჭიროებენ სამედიცინო რეაბილიტაცია, აბილიტაციას, ერთჯერადი თანხით დაფინანსების მუხლი განისაზღვრა 20 000 ლარით ნაცვლად 10000 ლარისა. (ცვლილება გამოიწვია დაფინანსების ოდენობის გაზრდამ 800 ლარამდე ნაცვლად 500 ლარისა).
შშმ პირთა და ონკოლოგიურ დაავადებაზე საეჭვო პაციენტთა მაღალტექნოლოგიური გამოკვლევების (კორონაროგრაფია, კომპიუტერული ტომოგრაფია, მაგნიტურ რეზონანსული ტომოგრაფია, ბიოფსია) დაფინანსების ოდენობა განისაზღვრა 25000 ლარის ოდენობით ნაცვლად 16000 ლარისა. (ცვლილება გამოიწვია წინა წლის მომართვიანობის დინამიკამ).
აუტიზმის სპექტრის მქონე ბავშვებზე წელიწადში ორჯერ ერთჯერადად 300-300 ლარის ოდენობით დახმარების (თებერვალი-სექტემბერი) დაფინანსების მუხლი განისაზღვრა 4200 ლარი ნაცვლად 2400 ლარისა (ცვლილება გამოიწვია ბენეფიციართა რაოდენობის გაზრდამ).
დახმარება ახალშობილთა ოჯახების ერთჯერადი დახმარების ბიუჯეტი განისაზღვრა 250 ოჯახზე 50 000 ლარის ოდენობით ნაცვლად 40 000 ლარისა. (ცვლილება გამოიწვია ბენეფიციართა რაოდენობის გაზრდამ ბოლო წლების დინამიკიდან გამომდინარემ).
8 აგვისტოს ომის დროს დაღუპულთა ოჯახების ერთჯერადი დახმარების მუხლი განისაზღვრა 1500 ლარის ოდენობით ნაცვლად 1750 ლარისა. (ცვლილება გამოიწვია ბენეფიციართა რაოდენობის შემცირებამ).
საქართველოს ტერიტორიული მთლიანობისათვის ომის, თავისუფლებისა და დამოუკიდებლობისთვის საბრძოლო მოქმედების შედეგად შშმპ-თა ერთჯერადი დახმარების მუხლი განისაზღვრა განისაზღვრა 1500 ლარის ოდენობით ნაცვლად 1750 ლარისა. (ცვლილება გამოიწვია ბენეფიციართა რაოდენობის შემცირებამ).
მარტოხელა (დაუძლურებულ ხანდაზმულთა) შინმოვლის ბიუჯეტი განისაზღვრა 20 000 ლარის ოდენობით ნაცვლად 10000 ლარისა. (ცვლილება გამოიწვია ბენეფიციართა რაოდენობის გაზრდამ).
„ხობის მუნიციპალიტეტის მოსახლეობის სოციალური უზრუნველყოფის 2024 წლის მუნიციპალური პროგრამის“ ბიუჯეტი განისაზღვრა 662 450 ლარით.
დასასრულს საკრებულოს თავმჯდომარემ, საკრებულოს წევრებსა და დამსწრე საზოგადოებას მიულოცა დამდეგი შობა-ახალი წელი.
ამ და დღის წესრიგით გათვალისწინებული სხვა საკითხების განხილვის შემდეგ საკრებულოს მორიგი სხდომა დახურულად გამოცხადდა.
Khobi Municipality Council
