ხობის მუნიციპალიტეტის საკრებულო

სიახლეები

აგვისტო 1, 2022

ხობელი ჯონი ხეცურიანი საერთაშორისო ტურნირის ჩემპიონია

ბუქარესტის- "Ion Cornianu & Ladislau Simon" საერთაშორისო ტურნირზე საქართველოს ბერძნულ-რომაული სტილით მოჭიდავეთა ნაკრების წევრმა, ხობელმა ჯონი ხეცურიანმა (67 კგ) ოქროს მედალი მოიპოვა.

ხობის მუნიციპალიტეტის საკრებულო ულოცავს ხობელ ფალავანს გამარჯვებას და წარმატებებს უსურვებს მას.

ივლისი 30, 2022

მთავრობის განკარგულებით 2022 წლის 30 ივლისი საქართველოში გლოვის დღედ გამოცხადდა.

გუდაურში შინაგან საქმეთა სამინისტროს სასაზღვრო პოლიციის ვერტმფრენის ჩამოვარდნის შედეგად დაღუპული ეკიპაჟის წევრების, მაშველებისა და ექიმების ხსოვნის პატივსაცემად ხობის მუნიციპალიტეტის ყველა ადმინისტრაციულ შენობაზე დროშა დაშვებულია.

მომხდარი ტრაგედიის გამო ვუსამძიმრებთ დაღუპულთა ოჯახის წევრებსა და ახლობლებს.

ივლისი 29, 2022

საკრებულოს სხდომა

29 ივლისს, ხობის მუნიციპალიტეტის საკრებულოს სხდომათა დარბაზში გაიმართა საკრებულოს მორიგი სხდომა, რომელსაც უძღვებოდა საკრებულოს თავმჯდომარე ლევან ქავთარაძე. სხდომას ესწრებოდნენ საკრებულოსა და მერიის ხელმძღვანელი პირები. დღის წესრიგით გათვალისწინებული საკითხების განხილვამდე, საკრებულოს თავმჯდომარემ ლევან ქავთარაძემ კიდევ ერთხელ სოლიდარობა გამოუცხადა უკრაინელ ხალხს.

სხდომაზე განხილულ იქნა დღის წესრიგით გათვალისწინებული ორი საკითხი. მათ შორის, დადგენილების პროექტი „ხობის მუნიციპალიტეტის 2022 წლის ადგილობრივი ბიუჯეტის დამტკიცების შესახებ“ ხობის მუნიციპალიტეტის საკრებულოს 2021 წლის 29 დეკემბრის №17 დადგენილებაში ცვლილების შეტანის თაობაზე“, რომლის თანახამდაც 2022 წლის პირველი იანვრის მდგომარეობით არსებული ნაშთიდან ადგილობრივ ბიუჯეტში აისახა 140,0 ათასი ლარი, რომელიც მიიმართება, შემდეგ ღონისძიებებზე: ,,ინფრასტრუქტურის მშენებლობა, რეაბილიტაცია და ექსპლუატაცია“ ასიგნებაზე 68,6 ათასი ლარი. აქედან 4,5 ათასი ლარი-,,ხიდების, ხიდ-ბოგირების მშენებლობა, რეაბილიტაცია და მოვლა-შენახვა,“ 50,0 ათასი ლარი- ,,სანიაღვრე არხების მშენებლობა რეაბილიტაცია და ექსპლოატაცია,“ ხოლო 14,1 ათასი ლარი-,,სარწყავი არხებისა და ნაპირსამაგრი ჯებირების მშენებლობა-რეაბილიტაცია“ ასიგნებებზე.

ხოლო 71,4 ათასი ლარი მიიმართება ,,ინფრასტრუქტურის მშენებლობა, რეაბილიტაცია და ექსპლუატაცია“ ასიგნებაზე, აქედან: 71,4 ათასი ლარი - ,,მოსახლეობის სოციალური მდგომარეობისა და საცხოვრებელი გარემოს გაუმჯობესების ხელშეწყობა“ ასიგნებაზე, მათ შორის: 71,4 ათასი ლარი - სოციალურად დაუცველი ოჯახების სახლების შესაკეთებლად მასალების შეძენის ასიგნება.

დღის წესრიგით გათვალისწინებული საკითხების განხილვის შემდეგ საკრებულოს მორიგი სხდომა დახურულად გამოცხადდა.

ივლისი 28, 2022

ბიუროს სხდომა

28 ივლისს გაიმართა ხობის მუნიციპალიტეტის საკრებულოს ბიუროს სხდომა, სადაც განხილულ იქნა შემდეგი საკითხები;

1.ხობის მუნიციპალიტეტის მერის დავით ბუკიას 2022 წლის 27 ივლისის N50-502220827 წერილის განხილვა („ხობის მუნიციპალიტეტის 2022 წლის ადგილობრივი ბიუჯეტის დამტკიცების შესახებ“ ხობის მუნიციპალიტეტის საკრებულოს 2021 წლის 29 დეკემბრის №17 დადგენილებაში ცვლილების შეტანის თაობაზე“ დადგენილების პროექტის შესახებ);

(მომხსენებელი: ლევან ლიპარტია - ხობის მუნიციპალიტეტის საკრებულოს

საფინანსო - საბიუჯეტო კომისიის თავმჯდომარე);

2. ხობის მუნიციპალიტეტის მერის დავით ბუკიას 2022 წლის 27 ივლისის N50-502220842 წერილის განხილვა („საწვავისა და სატელეფონო მომსახურების ხარჯების ლიმიტის განსაზღვრის შესახებ“ ხობის მუნიციპალიტეტის საკრებულოს 2017 წლის 26 დეკემბრის №81 განკარგულებაში ცვლილების შეტანის თაობაზე“ განკარგულების პროექტის შესახებ).

(მომხსენებელი: ლევან ლიპარტია - ხობის მუნიციპალიტეტის საკრებულოს

საფინანსო - საბიუჯეტო კომისიის თავმჯდომარე).

ივლისი 28, 2022

საკრებულოს საფინანსო-საბიუჯეტო კომისიის სხდმობა

28 ივლისს, ხობის მუნიციპალიტეტის საკრებულოს საფინანსო-საბიუჯეტო კომისიის სხდომა გაიმართა, რომელსაც კომისიის თავმჯდომარე ლევან ლიპარტია უძღვებოდა. კომისიის წევრებმა განიხილეს სამი საკითხი:

1. ხობის მუნიციპალიტეტის მერის დავით ბუკიას 2022 წლის 27 ივლისის N50-502220827 წერილის განხილვა („ხობის მუნიციპალიტეტის 2022 წლის ადგილობრივი ბიუჯეტის დამტკიცების შესახებ“ ხობის მუნიციპალიტეტის საკრებულოს 2021 წლის 29 დეკემბრის №17 დადგენილებაში ცვლილების შეტანის თაობაზე“ დადგენილების პროექტის შესახებ);

(მომხსენებელი: ლევან ლიპარტია - ხობის მუნიციპალიტეტის საკრებულოს

საფინანსო - საბიუჯეტო კომისიის თავმჯდომარე);

2. ხობის მუნიციპალიტეტის მერის დავით ბუკიას 2022 წლის 27 ივლისის N50-502220842 წერილის განხილვა („საწვავისა და სატელეფონო მომსახურების ხარჯების ლიმიტის განსაზღვრის შესახებ“ ხობის მუნიციპალიტეტის საკრებულოს 2017 წლის 26 დეკემბრის №81 განკარგულებაში ცვლილების შეტანის თაობაზე“ განკარგულების პროექტის შესახებ).

(მომხსენებელი: ლევან ლიპარტია - ხობის მუნიციპალიტეტის საკრებულოს

საფინანსო - საბიუჯეტო კომისიის თავმჯდომარე).

3. ფრაქცია “ ხობი-საქართველოსთვის“ თავმჯდომარის მალხაზ იოსავას ნომერი:51-51221474 თარიღი: 27/05/2022 წლის წერილის განხილვა.(ადგილობრივი ბიუჯეტით დაფინასებული დაბალანაზღაურებადი თანამშრომლების სახელფასო სარგოს შესაძლო მატებასთან დაკავშირებით და

ხობის მუნიციპალიტეტის საშუალოვადიანი განვითარების დოკუმენტის შესახებ.)

(მომხსენებელი: მალხაზ იოსავა - ხობის მუნიციპალიტეტის საკრებულოს

ფრაქცია “ ხობი-საქართველოსთვის“ თავმჯდომარე).

ივლისი 28, 2022

მერიის სააქტო დარბაზში შეხვედრა გაიმართა

ხობის მუნიციპალიტეტის მერიის სააქტო დარბაზში საინფორმაციო შეხვედრა გაიმართა. პოლონური ორგანიზაცია სოლიდარობის ფონდის PL საქართველოს „მონაწილეობის აკადემიის”

სამენტორო ჯგუფის წევრებმა გვანცა კიკალეიშვილმა, ნინო ბატიაშვილმა და ირაკლი მერკვილაძემ საკრებულოსა და მერიის წარმომადგენლებთან გამოცდილების გაზიარების მიზნით შეხვედრა გამართეს.

ივლისი 27, 2022

განცხადება ხობის მუნიციპალიტეტის საკრებულოს მორიგი სხდომის შესახე

ხობის მუნიციპალიტეტის საკრებულოს მორიგი სხდომა გაიმართება 2022 წლის 29 ივლისს 11:00 საათზე, საკრებულოს სხდომათა დარბაზში.

სხდომის დღის წესრიგი:

1. „ხობის მუნიციპალიტეტის 2022 წლის ადგილობრივი ბიუჯეტის დამტკიცების შესახებ“ ხობის მუნიციპალიტეტის საკრებულოს 2021 წლის 29 დეკემბრის №17 დადგენილებაში ცვლილების შეტანის თაობაზე“ დადგენილების პროექტის განხილვა;

(მომხსენებელი: დავით ბუკია - ხობის მუნიციპალიტეტის მერი;

თანამომხსენებელი: ბაქარ შონია - ხობის მუნიციპალიტეტის მერიის

საფინანსო - საბიუჯეტო სამსახურის უფროსის მოვალეობის შემსრულებელი);

2. „საწვავისა და სატელეფონო მომსახურების ხარჯების ლიმიტის განსაზღვრის შესახებ“ ხობის მუნიციპალიტეტის საკრებულოს 2017 წლის 26 დეკემბრის №81 განკარგულებაში ცვლილების შეტანის თაობაზე“ განკარგულების პროექტის განხილვა.

(მომხსენებელი: დავით ბუკია - ხობის მუნიციპალიტეტის მერი;

თანამომხსენებელი: ზვიად ბუკია - ხობის მუნიციპალიტეტის მერიის

ადმინისტრაციული სამსახურის უფროსი);

ივლისი 19, 2022

გილოცავთ, ხობელი ვახტანგ ლოლუა 15-წლამდელთა შორის ევროპის ჩემპიონი გახდა.

ხორვატიის დედაქალაქ ზაგრებში მიმდინარე ევროპის ჩემპიონატზე, ბერძნულ-რომაული სტილით მოჭიდავე ვახტანგ ლოლუამ 52 კილოგრამ წონით კატეგორიაში ფინალური შეხვედრა აზერბაიჯანის წარმომადგენელთან გამართა, ვახტანგ ლოლუამ აიხან ჯავადოვი დაამარცხა და ევროპის ჩემპიონის ტიტულს დაეუფლა.

ხობის მუნიციპალიტეტის საკრებულო ულოცავს ხობელ ფალავანს გამარჯვებას და წარმატებებს უსურვებს მას.

ივლისი 18, 2022

ძველ ხიბულაში ტაძარი იკურთხა

ხობის მუნიციპალიტეტის ძველი ხიბულის ადმინისტრაციულ ერთეულში წმინდა ლაზარეს აღდგინების სახელობის ტაძარი იკურთხა. კურთხევა ფოთისა და ხობის მიტროპოლიტმა გრიგოლმა ეპარქიის სამღვდელოებასთან ერთად აღასრულა.

ტაძრის კურთხევის ცერემონიალს სამეგრელო-ზემო სვანეთის სახელმწიფო რწმუნებული გიორგი გუგუჩია, გუბერნატორის მოადგილეები, ხობის მუნიციპალიტეტის სკრებულოს თავმჯდომარე ლევან ქავთარაძე, მუნიციპალიტეტის მერი დავით ბუკია, ადგილობრივი ხელისუფლებისა და ფონდი „ქართუს“ წარმომადგენლები ესწრებოდნენ.

ტაძარი აგებულია საქართველოს პირველი პრეზიდენტის ზვიად გამსახურდიას მემორიალური სახლ-მუზეუმის მიმდებარე ტერიტორიაზე.

ძველ ხიბულაში ტაძართან ერთად აშენდა სამრეკლო, სამრევლო სკოლა და დასასვენებელი პარკი. „ქართუს“ მიერვე ხიბულაში რეაბილიტირდა საქართველოს პირველი პრეზიდენტის, ზვიად გამსახურდიას მემორიალური სახლი.

სამონასტრო კომპლექსთან და მემორიალურ სახლთან ერთად ხიბულაში ფონდ „ქართუს“ დაფინანსებით 60 აღსაზრდელზე გათვლილი, თანამედროვე სტანდარტების შესაბამისად მოწყობილი საბავშვო ბაღიც აშენდა, აქტიურად მიმდინარეობს შიდა საუბნო გზების რეაბილიტაცია სადაც ბეტონის საფარი 13 კილომეტრზე იგება.

მდინარე ჭანისწყალზე, ახალი ხიბულისა და ძველი ხიბულის დამაკავშირებელი ხიდი აშენდა. სოფელში აქტიურად ხორციელდება წყლის სისტემის მოწყობის სამუშაოები, სოფლის 24 საათიანი წყალმომარაგებისთვის, სახელმწიფო ბიუჯეტიდან 8 მილიონ ლარზე მეტი გამოიყო.

სრულად გაზიფიცირდა ძველი ხიბულა. პროექტის შესაბამისად, აშენდა 27-კილომეტრიანი გაზსადენი.

ივლისი 15, 2022

ხობში ანსამბლ ,,ფორტეს" კონცერტი გაიმართა

ხობის კულტურის სახლის დიდ დარბაზში ანსამბლ ,,ფორტეს“ კონცერტი გაიმართა. ანსამბლის წევრები მაყურებელთა წინაშე კარგად ნაცნობი და საყვარელი სიმღერებით წარსდგნენ.

,,ფორტეს“ კონცერტს, ხობის მუნიციპალიტეტის მერი დავით ბუკია, მერის მოადგილეები; რევაზ ზაქარაია და დავით ბერაია, საკრებულოს განათლების, კულტურისა და სოციალურ საკითხთა კომისიის თავმჯდომარე დოდო გაბუნია და საკრებულოს იურიდიულ, სამანდატო და ეთიკის კომისიის თავმჯდომარე მედეა თათარიშვილი სტუმრებთან ერთად ესწრებოდნენ.

ივლისი 12, 2022

ხობში ახალი სამაცივრე მეურნეობა გაიხსნა

სოფლის განვითარების სააგენტოს მხარდაჭერით, ხობში, კენკრის სამაცივრე მეურნეობა გაიხსნა.

თანამედროვე სტანდარტებით აღჭურვილი საწარმოს მოსაწყობად 2,3 მლნ ლარის ინვესტიცია განხორციელდა. კომპანიამ „ბლუ ბერდ ბერიზ“ სოფლის განვითარების სააგენტოდან 500,000 ლარის ოდენობის გრანტი მიიღო და 1,4 მლნ ლარის ოდენობის შეღავათიანი აგროკრედიტით ისარგებლა.

ახლადგახსნილ საწარმოში ლურჯი მოცვის სარეალიზაციოდ მომზადების პროცესს გარემოს დაცვისა და სოფლის მეურნეობის მინისტრის პირველი მოადგილე, გიორგი ხანიშვილი, სამეგრელო-ზემო სვანეთის მხარის სახელმწიფო რწმუნებული გიორგი გუგუჩია, ხობის მუნიციპალიტეტის საკრებულოს თავმჯდომარე ლევან ქავთარაძე და მუნიციპალიტეტის მერი დავით ბუკია ადგილზე გაეცნენ.

►საწარმო ფერმერს შესთავაზებს ლურჯი მოცვის წინასწარი გაგრილებისა და ცივად შენახვის მომსახურებას.

►ახალი სამაცივრე მეურნეობა ხელს შეუწყობს ლურჯი მოცვის ექსპორტის ზრდას, თანამედროვე სამაცივრე ინფრასტრუქტურის შექმნას.

►მეურნეობა მოემსახურება მუნიციპალიტეტის ფერმერებს სრული ციკლით, შენახვიდან დახარისხებამდე.

►მეურნეობაში სეზონურად 600 ტონა კენკრის შენახვაა შესაძლებელი.

►სარეალიზაციო ბაზარი წარმოდგენილია როგორიც საქსპორტო ასევე ადგილობრივ დონეზე.

საწარმოში დასაქმებულია 25 ადამიანი.

ივლისი 12, 2022

გილოცავთ პეტრე-პავლობას!

ივლისი 6, 2022

ხობში მრავალფუნქციური სპორტული კომპლექსის მშენებლობა სრულდება

ხობში მრავალფუნქციური სპორტული კომპლექსის მშენებლობა დასრულების ეტაპზეა. ინფრასტრუქტურული პროექტი საქართველოს მუნიციპალური განვითარების ფონდის დაფინანსებით ხორციელდება და მისი სახელშეკრულებო ღირებულება 3 მილიონ 100 ათას ლარამდეა.

სპორტული კომპლექსის პროექტში გათვალისწინებულია ჭიდაობის, კრივის, მკლავჭიდის, ფიტნესის, ჭადრაკის, ბილიარდის, საკონფერენციო დარბაზების თანამედროვე სტანდარტების შესაბამისად მოწყობა. ასევე მოეწყობა საუნა და სხვა გამაჯანსაღებელი პროცედურების სივრცეები, იფუნქციონირებს სწრაფი კვების ობიექტი.

მიმდინარე სამუშაოები ხობის მუნიციპალიტეტის საკრებულოს თავმჯდომარემ ლევან ქავთარაძემ, მერის პირველმა მოადგილემ რევაზ ზაქარაიამ, საკრებულოს ინფრასტრუქტურისა და სივრცით-ტერიტორიული დაგეგმარების კომისიის თავმჯდომარემ ბექა მამაცაშვილმა და მერიის ინფრასტრუქტურის, ურბანული განვითარებისა და არქიტექტურის სამსახურის უფროსმა, გია ჩაბალუხამ დაათვალიერეს.

სამუშაოებს ელექტრონულ ტენდერში გამარჯვებული კომპანია შპს „ართვინ ჯორჯია“ ახორციელებს.

ივლისი 5, 2022

ხობის კულტურის სახლში საანგარიშო კონცერტი გაიმართა

5 ივლისს, კულტურის სახლის დიდ დარბაზში, საანგარიშო კონცერტი გაიმართა. დარბაზში შეკრებილი მაყურებლის წინაშე ა(ა)იპ ,,ხობის მუნიციპალიტეტის კულტურულ-საგანმანათლებლო საზოგადოებრივი ცენტრის’’ შემოქმედებითი ჯგუფები, ქორეოგრაფიული ანსამბლები და ,,ხალხურ საკრავთა“ ჯგუფის მოსწავლეები საკონცერტო ნომრებით წარსდგნენ.

ღონისძიებას ხობის მუნიციპალიტეტის საკრებულოს თავმჯდომარე ლევან ქავთარაძე, მერის მოადგილე დავით ბერაია და ადგილობრივი ხელისუფლების სხვა წარმომადგენლები ესწრებოდნენ.

ივნისი 30, 2022

საკრებულოს სხდომა

30 ივნისს ხობის მუნიციპალიტეტის საკრებულოს სხდომათა დარბაზში გაიმართა საკრებულოს მორიგი სხდომა, რომელსაც უძღვებოდა საკრებულოს თავმჯდომარე ლევან ქავთარაძე. სხდომას ესწრებოდნენ საკრებულოსა და მერიის ხელმძღვანელი პირები. დღის წესრიგით გათვალისწინებული საკითხების განხილვამდე, საკრებულოს თავმჯდომარემ ლევან ქავთარაძემ კიდევ ერთხელ სოლიდარობა გამოუცხადა უკრაინელ ხალხს.

სხდომაზე განხილულ იქნა დღის წესრიგით გათვალისწინებული ორი საკითხი. დადგენილების პროექტი „ხობის მუნიციპალიტეტის 2022 წლის ადგილობრივი ბიუჯეტის დამტკიცების შესახებ“ ხობის მუნიციპალიტეტის საკრებულოს 2021 წლის 29 დეკემბრის №17 დადგენილებაში ცვლილების შეტანის თაობაზე“

ბიუჯეტში 2022 წლის პირველი იანვრის მდგომარეობით არსებული ნაშთიდან აისახა 1100,0 ათასი ლარი რომელიც მიიმართება; 250,0 ათასი ლარი - ახალი ხიბულის ადმინისტრაციულ ერთეულში სასოფლო გზების ჩიხების რეაბილიტაციის სამუშაოების ასიგნებაზე, მათ შორის 7,5 ათასი ლარი საპროექტო-სახარჯთაღრიცხვო დოკუმენტაციის შედგენის, ხოლო 850,0 ათასი ლარი - ხეთის ადმინისტრაციული ერთეულის საქირიოს უბანში გზის რეაბილიტაციის სამუშაოებზე მათ შორის 5,0 ათასი ლარი საპროექტო-სახარჯთაღრიცხვო დოკუმენტაციის კორექტირება-გადაანგარიშების ასიგნებაზე.

სხდომაზე ასევე განხილულ იქნა დადგენილების პროექტი „ხობის მუნიციპალიტეტის საკრებულოს თანამდებობის პირთა და საკრებულოს აპარატის პროფესიული საჯარო მოხელის თანამდებობის რანგირების, თანამდებობრივი სარგოს ოდენობის განსაზღვრისა და საკრებულოს აპარატის საშტატო ნუსხის დამტკიცების შესახებ“ ხობის მუნიციპალიტეტის საკრებულოს 2021 წლის 29 დეკემბრის N18 დადგენილებაში ცვლილების შეტანის თაობაზე“ რომლის თანახმადაც ხობის მუნიციპალიტეტის საკრებულოს აპარატში განხორციელდა რანგის ცვლილება კანონმდებლობით გათვალისწინებული პროცედურების დაცვით.

დღის წესრიგით გათვალისწინებული საკითხების განხილვის შემდეგ საკრებულოს მორიგი სხდომა დახურულად გამოცხადდა.

<<
<
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
...
>
>>