ხობის მუნიციპალიტეტის საკრებულო

სიახლეები

მაისი 29, 2023

განცხადება ხობის მუნიციპალიტეტის საკრებულოს მორიგი სხდომის შესახებ

ხობის მუნიციპალიტეტის საკრებულოს მორიგი სხდომა გაიმართება 2023 წლის 31 მაისს 11:00 საათზე, საკრებულოს სხდომათა დარბაზში.

სხდომის დღის წესრიგი:

1. „ხობის მუნიციპალიტეტის 2023 წლის ადგილობრივი ბიუჯეტის დამტკიცების შესახებ“ ხობის მუნიციპალიტეტის საკრებულოს 2022 წლის 29 დეკემბრის №24 დადგენილებაში ცვლილების შეტანის თაობაზე “ დადგენილების პროექტის განხილვა;

(მომხსენებელი: დავით ბუკია - ხობის მუნიციპალიტეტის მერი;

თანამომხსენებელი: დავით ჭოჭუა - ხობის მუნიციპალიტეტის მერიის

საფინანსო - საბიუჯეტო სამსახურის უფროსი);

2. „ხობის მუნიციპალიტეტის ყულევის ადმინისტრაციულ ერთეულში, არსებულ არასასოფლო-სამეურნეო დანიშნულების მიწის ნაკვეთზე (საკადასტრო კოდი: № 45.15.22.020; დაზუსტებული ფართობი: 599 970.0 კვ.მეტრი) ნავთობგადამამუშავებელი ქარხნისა და დამხმარე ინფრასტრუქტურის მშენებლობისთვის განაშენიანების დეტალური გეგმის შემუშავებაზე თანხმობის მიცემის შესახებ“ განკარგულების პროექტის განხილვა;

(მომხსენებელი: დავით ბუკია - ხობის მუნიციპალიტეტის მერი;

თანამომხსენებელი: გია ჩაბალუხა - ხობის მუნიციპალიტეტის მერიის

ინფრასტრუქტურის, ურბანული განვითარებისა და არქიტექტურის

სამსახურის უფროსი);

3. სხვადასხვა.

მაისი 26, 2023

ხობში საქართველოს დამოუკიდებლობის დღე აღნიშნეს

აქართველოს დამოუკიდებლობის დღის აღსანიშნავად ხობის მუნიციპალიტეტში მთელი დღის განმავლობაში, სხვადასხვა სახის საზეიმო და შემეცნებითი ღონისძიებები გაიმართა.

ღონისძიებებს ხობის მუნიციპალიტეტის საკრებულოს თავმჯდომარე ლევან ქავთარაძე და მუნიციპალიტეტის მერი დავით ბუკია ადგილობრივი ხელისუფლების წარმომადგენლებთან ერთად ესწრებოდნენ.

ხობის ცენტრალური პარკის მიმდებარე ტერიტორიაზე მოწეყო ხელთნაკეთი ნივთებისა და ადგილობრივი წარმოების პროდუქტების გამოფენა-გაყიდვა. ცენტრალურ პრაკში მოეწყოსაბავშვო გასართობი სივრცე, სახის მოხატვა, ანიმაციური პერსონაჟები, ოჩოფეხები, სამახსოვრო ფოტოს გადასაღები კუთხე. მოეწყო მხატვარ ანზორ თოდრიას ნამუშევრების და ბავშვების ნახატების გამოფენა;

გაიმართა კულტურული და სპორტული ღონისძიებები.

ხობის ცენტრალურ სტადიონზე მოყვარულთა ლიგის მუნიციპალური ეტაპის ფინალური შეხვედრები გაიმართა. პირველობის გამარჯვებული ხობის „ჭალეს“ გუნდი გახდა, მეორე ადგილი „ხეთის“ გუნდმა დაიკავა, ხოლო მესამე ადგილზე ახალი ხიბულის გუნდი „ხიბლი“ გავიდა. გამარჯვებულ და პრიზიორ გუნდებს თასები და სიგელები გადაეცათ.

კულტურის სახლის დიდ დარბაზში გაიმართა კონცერტი ადგილობრივი შემსრულებლების მონაწილეობით. ანსამბლი ,,კოლხეთისა“ და სამუსიკო სკოლის გუნდის მონაწილეობით შესრულდა საქართველოს სახელმწიფო ჰიმნი.

26 მაისის ღონისძიებები დღის ბოლოს, დასკვნითი გალა კონცერტით ჯგუფი ,,იბერიას“, ქეთი ორჯონიკიძისა და ანი სირაძის მონაწილეობით დასრულდა..

#26მაისი

#თავისუფლებისსიყვარულით

#ესდღეჩვენია

მაისი 25, 2023

გილოცავთ ამაღლებას!

მაისი 19, 2023

გილოცავთ სკოლის დამთავრებას!

ძვირფასო ახალგაზრდებო! დიდი სიყვარულით გილოცავთ სასკოლო ცხოვრების დამთავრების, ბოლო ზარის სიმბოლურ დღეს, რომელსაც ახლავს მოსწავლეობასთან განშორების ფარული სევდა, მაგრამ ამავე დროს, ახალ, დამოუკიდებელ, უფრო საინტერესო ცხოვრების ეტაპზე გასვლის სიხარული.

მოემზადეთ! დღეიდან იწყება თქვენს ცხოვრებაში ახალი გაკვეთილები. გისურვებთ ამ უმნიშვნელოვანეს ეტაპზე სწორი არჩევანის გაკეთებას და დასახული მიზნების წარმატებით აღსრულებას!

გვჯერა, რომ თქვენი თაობა, ახალგაზრდობის ამუმშვენიერეს დროს, გამოიყენებთ ყველა სირთულისა და გამოწვევის დასაძლევად, რათა გახდეთ ჩვენი ქვეყნის ღირსეული და წარმატებული მოქალაქეები, რომლებმაც უნდა აშენონ და განსაზღვრონ ჩვენი ქვეყნის ბედნიერი მომავალი და დაიმკვიდრონ ცივილიზებულ, თავისუფალ სამყაროში თავისი კუთვნილი ადგილი.

ღმერთი იყოს თქვენი მფარველი ახალი, დამოუკიდებელი ცხოვრების ურთულეს გზაზე!

პატივისცემით, ხობის მუნიციპალიტეტის

საკრებულოს თავმჯდომარე ლევან ქავთარაძე

მაისი 18, 2023

ხობში ეროვნული სამოსის დღე აღნიშნეს

18 მაისს, ხობის ცენტრალურ პარკში, ეროვნული სამოსის დღესთან დაკავშირებით,ადგილობრივი შემსრულებლების მონაწილეობით კონცერტი გაიმართა. ქართულ ეროვნულ სამოსში გამოწყობილმა ახალგაზრდებმა შეასრულეს საცეკვაო და მუსიკალური ნომრები, ხოლო კულტურის სახლის დიდ დარბაზში მაყურებელთა წინაშე ჯგუფი „შარა“ წარდგა.

ღონისძიებებს ხობის მუნიციპალიტეტის საკრებულოს თავმჯდომარე ლევან ქავთარაძე, მერი დავით ბუკია და მერის მოადგილე დავით ბერაია, ადგილობრივი თვითმმართველობის წარმომადგენლებთან ერთადესწრებოდნენ.

ეროვნული სამოსის დღე უკვე მერვე წელია ქვეყნის მასშტაბით აღინიშნება.მისი მიზანია ქართული კულტურის პოპულარიზაცია და ქვეყნის საზღვრებს გარეთ გატანა.

#18მაისი #ეროვნულისამოსისდღე #სამოსისდღე

მაისი 18, 2023

"ამ სითბოს და სიყვარულს გაზაფხული ჰქვია"

18 მაისს, ხობის ცენტრალურ პარკში ხობის მუნიციპალიტეტის სკოლამდელი სააღმზრდელო გაერთიანების ორგანიზებით პროექტი „ამ სითბოს და სიყვარულს გაზაფხული ჰქვია“ გაიმართა.

ყვავილების თემაზე შექმნილი ხელთნაკეთი ნამუშევრებითა და ორიგინალური ნომრებით მაყურებელთა წინაშე ქალაქ ხობის N1 და N2 საბავშვო ბაგა-ბაღის აღსაზრდელები და მასწავლებლები წარსდგნენ, მოეწყო მათი ნამუშევრების გამოფენა.

ღონისძიებას დამსწრე საზოგადოებასთან ერთად, ხობის მუნიციპალიტეტის საკრებულოს თავმჯდომარე ლევან ქავთარაძედა მერის მოადგილე დავით ბერაია ესწრებოდნენ.

მაისი 17, 2023

სოფელ საქირიოში გაბიონის მოწყობა მიმდინარეობს

ხობის მუნიციპალიტეტის ხამისკურის ადმინისტრაციული ერთეულის სოფელ საქირიოში გაბიონის მოწყობა მიმდინარეობს.

ინფრასტრუქტურული პროექტი მთავრობის მიერ მუნიციპალიტეტისთვის სტიქიის შედეგად დაზიანებული ინფრასტრუქტურის აღდგენისთვის გამოყოფილი თანხიდან ხორციელდება.

სოფელ საქირიოში მიმდინარე სამუშაოებს ხობის მუნიციპალიტეტის საკრებულოს თავმჯდომარე ლევან ქავთარაძე, მერი დავით ბუკია და მერის პირველ მოადგილე რევაზ ზაქარაია გაეცნენ.

მაისი 11, 2023

გილოცავთ ანდია პირველწოდებულის ხსენების დღეს!

მაისი 11, 2023

ხობში ევროპის დღისადმი მიძღვნილი ღონისძიება გაიმართა

ხობის მუნიციპალიტეტის კულტურის სახლის მცირე დარბაზში, "ევროპის დღეების" ფარგლებში, ახალგაზრდებთან საინფორმაციო შეხვედრა გამართა ნატოსა და ევროკავშირის საინფორმაციო ცენტრის სამეგრელო-ზემო სვანეთის რეგიონული ოფისის წარმომადგენელმა ანა ცანავამ, კულტურის სახლის მცირე დარბაზში მოეწყო ევროპის კუთხე. გაიმართა სპორტული აქტივობები ნარდში, ჭადრაკსა და მაგიდის ჩოგბურთში. ღონისძიებებს ხობის მუნიციპალიტეტის საკრებულოს თავმჯდომარე ლევან ქავთარაძე და მერის მოადგილე დავით ბერაია ესწრებოდნენ.

მაისი 9, 2023

ფაშიზმზე გამარჯვების 78-ე წლისთავი

9 მაისს ხობის მუნიციპალიტეტის ხეთის მხარეთმცოდნეობისა და დიდების მუზეუმში საზეიმო ღონისძიება გაიმართა. ფაშიზმზე გამარჯვების 78-ე წლისთავთან დაკავშირებით, ხობის მუნიციპალიტეტის საკრებულოს თავმჯდომარემ ლევან ქავთარაძემ და მუნიცუპალიტეტის მერმა დავით ბუკიამ ადგილობრივი ხელისუფლების სხვა წარმომადგენლებთან ერთად, მეორე მსოფლიო ომში დაღუპულთა ხსოვნას პატივი მიაგეს და ხეთის საბრძოლო დიდებისა და მხარეთმცოდნეობის მუზეუმის ეზოში - ,,ხსოვნის ველზე“ მდებარე სიმბოლური საფლავები ყვავილებითშეამკეს.

საქართველოს მთავრობის განკარგულებით, ფაშიზმზე გამარჯვების 78-ე წლისთავთან დაკავშირებით, მეორე მსოფლიო ომის მონაწილეები ერთჯერადად 1000 ლარს, ხოლო მეორე მსოფლიო ომში დაღუპულთა ოჯახის წევრები - 500 ლარს მიიღებენ.

მაისი 6, 2023

გილოცავთ გიორგობას!

მაისი 5, 2023

გენდერული თანასწორობის საბჭოს სხდომა

5 მაისს, ხობის მუნიციპალიტეტის საკრებულოში გაიმართა გენდერული თანასწორობის საბჭოს სხდომა. სხდომას ხელმძღვანელობდა საბჭოს თავმჯდომარე ლევან ქავთარაძე. სხდომაზე განხილული იქნა დღის წესრიგით გათვალისწინებული ორი საკითხი.

საბჭოს წევრებმა ერთხმად დაუჭირეს მხარი ქალთა ფონდ „სოხუმთან“ თანამშრომლობას, გენდერული განვითარების ხელშეწყობის მიზნით.

აპრილი 28, 2023

საქართველოს ევროინტეგრაციის საკითხებზე შეხვედრა გამართა

საგარეო საქმეთა სამინისტროს ნატოსა და ევროკავშირის შესახებ საინფორმაციო ცენტრმა ხობის მუნიციპალიტეტის საკრებულოს სხდომათა დარბაზში, მუნიციპალიტეტის საკრებულოსა და მერიის წარმომადგენლებთან საქართველოს ევროინტეგრაციის საკითხებზე შეხვედრა გამართა.

შეხვედრას უძღვებოდნენ საგარეო საქმეთა სამინისტროს ევროინტეგრაციის გენერალური დირექტორატის ევროინტეგრაციის დეპარტამენტის დირექტორი ზურაბ ხამაშურიძე და ნატოსა და ევროკავშირის შესახებ საინფორმაციო ცენტრის წარმომადგენელი სამეგრელო-ზემოსვანეთის რეგიონში ანა ცანავა.

შეხვედრა ამერიკის შეერთებული შტატების სახელმწიფო დეპარტამენტის მიერ დაფინანსებული პროექტის „საზოგადოების ინფორმირებულობისა და მედეგობის გაზრდა“ ფარგლებში გაიმართა, რომელსაც საინფორმაციო ცენტრი ნატოსა და ევროკავშირის შესახებ, საქართველოში ამერიკის შეერთებული შტატების საელჩოსთან ერთად ახორციელებს.

აპრილი 27, 2023

საკრებულოს სხდომა

27 აპრილს, ხობის მუნიციპალიტეტის საკრებულოს სხდომათა დარბაზში გაიმართა საკრებულოს მორიგი სხდომა, რომელსაც უძღვებოდა საკრებულოს თავმჯდომარე ლევან ქავთარაძე. სხდომას ესწრებოდნენ საკრებულოსა და მერიის ხელმძღვანელი პირები.

სხდომაზე განხილულ იქნა დღის წესრიგით გათვალისწინებული საკითხები. დადგენილების პროექტის „ხობის მუნიციპალიტეტის საკრებულოს წევრის (გარდა თანამდებობის პირებისა) უფლებამოსილების განხორციელებასთან დაკავშირებით გაწეული ხარჯების ანაზღაურების წესისა და ზღვრული ოდენობისდამტკიცების შესახებ“ თანახმად, საკრებულოს წევრს შესაძლებელია აუნაზღაურდეს წარმომადგენლობითი უფლებამოსილების განხორციელებასთან დაკავშირებით გაღებული სხვადასხვა ხარჯი, რაზედაც ინფორმაცია წარედგინება საკრებულოს აპარატის უფროსს, ხარჯის დამადასტურებელ დოკუმენტთან და ამომრჩევლებთან შეხვედრის საოქმო ჩანაწერთან ერთად. განკარგულების პროექტით „ხობის მუნიციპალიტეტის მერისთვის მუნიციპალიტეტის საკუთრებაში არსებული ამორტიზირებული ქონების ჩამოწერაზე თანხმობის მიცემის შესახებ“ მუნიციპალიტეტის მერს მიეცა თანხმობა საინვენტარიზაციო კომისიის მიერ 2022 წელს ჩატარებული ინვენტარიზაციის შედეგად გამოვლენილი ამორტიზირებული და ექსპლუატაციისთვის უვარგისი ქონების ჩამოწერის თაობაზე.

სხდომაზე ასევე განხილულ იქნა განკარგულების პროექტი „ხობის მუნიციპალიტეტის მერისთვის მუნიციპალიტეტის საკუთრებაში არსებული ძირითადი (განუსხვისებელი) ქონების სარგებლობის უფლებით აუქციონის წესით გადაცემაზე თანხმობის მიცემის შესახებ“, რომლის თანახმადაც მერს ასევე მიეცა თანხმობა ქალაქ ხობში სკვერის ტერიტორიაზე მდებარე, მუნიციპალიტეტის საკუთრებაში არსებული არასასოფლო-სამეურნეო დანიშნულების მიწის ნაკვეთის, აუქციონის წესით სარგებლობის უფლებით გაცემის შესახებ.

განკარგულების პროექტის „არასამეწარმეო (არაკომერციული) იურიდიული პირის დაფუძნებაზე ხობის მუნიციპალიტეტის მერისთვის თანხმობის მიცემის შესახებ“ . შესაბამისად, მუნიციპალიტეტის მერის მიერ დაფუძნდება ახალი იურიდიული პირი, რომელიც ხელს შეუწყობს, მუნიციპალიტეტში სპორტის განვითარებას და ჯანსაღი ცხოვრების წესის დამკვიდრებას. აღნიშნული იურიდიული პირი განთავსდება ახალაშენებულ ხობის მრავალფუნქციურ სპორტულ კომპლექსში.

საკრებულოს თავმჯდომარე, როგორც ქალაქ ხობის მაჟორიტარი საკრებულოს წევრი, შემოვიდა წინადადებით მდინარე ხობისწყლის მარცხენა სანაპიროზე, რკინიგზის ხიდიდან თბილისი-სენაკი- ლესელიძის ცენტრალურ მაგისტრალამდე ალტერნატიული (შემოვლითი) გზის მოწყობისა და ქალაქის ქუჩებზე არსებულ ობიექტებზე, ქუჩის სანიშნი აბრების განთავსების თაობაზე.

დღის წესრიგით გათვალისწინებული საკითხების განხილვის შემდეგ საკრებულოს მორიგი სხდომა დახურულად გამოცხადდა.

აპრილი 26, 2023

ბიუროს სხდომა

26 აპრილს გაიმართა ხობის მუნიციპალიტეტის საკრებულოს ბიუროს სხდომა, სადაც განხილულ იქნა დღის წესრიგით გათვალისწინებული საკითხები:

1. ხობის მუნიციპალიტეტის მერის დავით ბუკიას 2023 წლის 24 აპრილის N50-502311436 წერილის განხილვა („ხობის მუნიციპალიტეტის მერისთვის მუნიციპალიტეტის საკუთრებაში არსებული ამორტიზირებული ქონების ჩამოწერაზე თანხმობის მიცემის შესახებ“ განკარგულების პროექტის თაობაზე);

(მომხსენებელი: ვლადიმერ ქანთარია - ხობის მუნიციპალიტეტის საკრებულოს

ეკონომიკისა დაქონების მართვის საკითხთა

კომისიის თავმჯდომარე);

2. ხობის მუნიციპალიტეტის საკრებულოს იურიდიულ, სამანდატო-საპროცედურო და ეთიკის კომისიის თავმჯდომარის მედეა თათარიშვილის 2023 წლის 24 აპრილის N51-51231145 განცხადების განხილვა („ხობის მუნიციპალიტეტის საკრებულოს წევრის (გარდა თანამდებობის პირებისა) უფლებამოსილების განხორციელებასთან დაკავშირებით გაწეული ხარჯების ანაზღაურების წესისა და ზღვრული ოდენობის დამტკიცების შესახებ“ დადგენილების პროექტის თაობაზე);

(მომხსენებელი: მედეა თათარიშვილი - ხობის მუნიციპალიტეტის საკრებულოს

იურიდიულ, სამანდატო - საპროცედურო და ეთიკის

კომისიის თავმჯდომარე);

3. ხობის მუნიციპალიტეტის მერის დავით ბუკიას 2023 წლის 24 აპრილის N50-502311467 წერილის განხილვა („ხობის მუნიციპალიტეტის მერისთვის მუნიციპალიტეტის საკუთრებაში არსებული ძირითადი (განუსხვისებელი) ქონების სარგებლობის უფლებით აუქციონის წესით გადაცემაზე თანხმობის მიცემის შესახებ“ განკარგულების პროექტის თაობაზე);

(მომხსენებელი: ვლადიმერ ქანთარია - ხობის მუნიციპალიტეტის საკრებულოს

ეკონომიკისა და ქონების მართვის საკითხთა

კომისიის თავმჯდომარე);

4. ხობის მუნიციპალიტეტის მერის დავით ბუკიას 2023 წლის 26 აპრილის N50-502311610 წერილის განხილვა („არასამეწარმეო (არაკომერციული) იურიდიული პირის დაფუძნებაზე ხობის მუნიციპალიტეტის მერისთვის თანხმობის მიცემის შესახებ“ განკარგულების პროექტის თაობაზე).

(მომხსენებელი: მედეა თათარიშვილი - ხობის მუნიციპალიტეტის საკრებულოს

იურიდიულ, სამანდატო - საპროცედურო და ეთიკის

კომისიის თავმჯდომარე).

<<
<
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
...
>
>>