ხობის მუნიციპალიტეტის საკრებულო

სიახლეები

აგვისტო 12, 2023

აგვისტოს ომში დაღუპული ხობელი გმირების ხსოვნას პატივი მიაგეს

2008 წლის რუსეთ-საქართველოს აგვისტოს ომიდან 15 წელი გავიდა. ხობის მუნიციპალიტეტის საკრებულოს თავმჯდომარემ ლევან ქავთარაძემ და მერმა დავით ბუკიამ, გარდაცვლილთა ოჯახის წევრებთან, ადგილობრივი თვითმმართველობისა და საზოგადოების წარმომადგენლებთან ერთად ყვავილებით შეამკეს აგვისტოს ომის დროს დაღუპულთა მემორიალი. 2008 წლის 8 აგვისტოს სამშობლოს ერთიანობას - გოგა ბერაიას, მიხეილ იოსავას, ლევან ჭოჭუას, დათა ხურცილავას, გოგა ჭითანავას, ზვიად დათუაშვილის, ლევან ტურავას, გოგიტა ქარჩავას დარამაზ კიტიას სიცოცხლე შეეწირა.

ხობის წმინდა სამების სახელობის ეკლესიაში მღვდელმა კირიონ დარასელიამ საქართველოს ერთიანობისთვის დაღუპულთათვის პანაშვიდი გადაიხადა.

აგვისტო 8, 2023

8 გვისტო

აგვისტო 7, 2023

7 აგვისტო გლოვის დღედ გამოცხადდა

საქართველოს პრემიერ-მინისტრის გადაწყვეტილებით, 3 აგვისტოს, ონის მუნიციპალიტეტში, კურორტ შოვში მომხდარი სტიქიური უბედურების შედეგად დაღუპულთა ხსოვნის პატივსაცემად 7 აგვისტო გლოვის დღედ გამოცხადდა.

გლოვის დღესთან დაკავშირებით ხობის მუნიციპალიტეტის ყველა ადმინისტრაციულ ერთეულში სახელმწიფო დროშები დაეშვა.

ამასთან, სახელმწიფო დროშები დაეშვება 8 აგვისტოს 00:00 საათიდან 9 აგვისტოს 00:00 საათამდე საქართველოს აფხაზეთისა და ცხინვალის რეგიონების უკანონო ოკუპაციის მიზნით რუსეთის ფედერაციისმიერ საქართველოში განხორციელებული ფართომასშტაბიანი სამხედრო ინტერვენციის შედეგად დაღუპულთა ხსოვნის პატივის მიგების ნიშნად.

აგვისტო 2, 2023

ხატი

2 აგვისტოს, ხობის კულტურის სახლის მიმდებარედ ფოთისა და ხობის ეპარქიის სამღვდელოებამ „ღვთისმშობლის წილხევდრი საქართველოს” ხატის ასლი დააბრძანა და პარაკლისი აღავლინა.

პარაკლისს ფოთის, ხობისა და სენაკის მაჟორიტარი დეპუტატი გიორგი ხახუბია, ხობის მუნიციპალიტეტის საკრებულოს თავმჯდომარე ლევან ქავთარაძე და მერი დავით ბუკია საზოგადოების წარმომადგენლებთან ერთად ესწრებოდნენ.

პარაკლისის შემდეგ ხატი ხობის ყოვლადწმინდა სამების ტაძარში გადააბრძანეს, დღეიდან სიწმინდე ერთი დღით გადაბრძანდებანოჯიხევის ხარების დედათა მონასტერში, სადაც მრევლს მოლოცვის შესაძლებლობა ექნება.

კულტურის სახლის მცირე დარბაზში ისტორიკოსმა ვალერი ვაშაკიძემ ჩაატარა საჯარო ლექცია.

სრულიად საქართველოს კათოლიკოს პატრიარქის ლოცვა-კურთხევით სამების საპატრიარქო ტაძარში დავანებული „ღვთისმშობლის წილხევდრი საქართველოს“ ხატის ასლი, საქართველოს ყველა ეპარქიასა და მუნიციაპლიტეტს მოივლის.

,,ღვთისმშობლის წილხვედრი საქართველოს“ ხატი 2020 წელს დაიწერა, ხოლო ამ სიწმინდის ასლი 2023 შექიმნა.

ივლისი 28, 2023

ტრენინგი გენდერული თანასწორობის საბჭოებისთვის

28 ივლისს, ასოციაცია „მერკურმა“ ხობის მუნიციპალიტეტის საკრებულოს სხდომათა დარბაზში მუნიციპალიტეტის გენდერული თანასწორობის საბჭოს წევრებისთვის ტრენინგი ჩაატარა თემაზე „მუნიციპალური გენდერული თანასწორობის საბჭოები- ფუნქციები, როლი და საქმიანობა“.

შეხვედრას ხობის მუნიციპალიტეტის საკრებულოს თავმჯდომარე, გენდერული თანასწორობის საბჭოს თავმჯდომარე ლევან ქავთარაძე მუნიციპალიტეტის გენდერული თანასწორობის საბჭოს წევრებთან ერთად ესწრებოდა.

ივლისი 28, 2023

28 ივლისი C ჰეპატიტის მსოფლიო დღეა

C ჰეპატიტის უფასო სკრინინგის ფარგლებში, ლ. საყვარელიძის სახელობის დაავადებათა კონტროლისა და საზოგადოებრივი ჯანმრთელობის ეროვნული ცენტრის სამეგრელო ზემო-სვანეთის განყოფილების წარმომადგენლებმა, ხობის მუნიციპალიტეტში, C ჰეპატიტის ვირუსზე, უფასო კვლევა ჩაატარეს.

C ჰეპატიტის უფასო სკრინინგის აქციას ხობის მუნიციპალიტეტის საკრებულო შეუერთდა.

სკრინინგის აქციები მიზნად ისახავს C ჰეპატიტის ვირუსის დროულ გამოვლენას. დაავადება უსიმპტომოდ მიმდინარეობს, ამიტომ მნიშვნელოვანია, ყველა პირმადროულად გაიგოს საკუთარი სტატუსი C ჰეპატიტთან მიმართებით.

ივლისი 27, 2023

ხობის კულტურის სახლში საანგარიშო კონცერტი გაიმართა

27 ივლისს, კულტურის სახლის დიდ დარბაზში, ხობის მუნიციპალიტეტის კულტურულ-საგანმანათლებლო საზოგადოებრივ ცენტრთან არსებული ქორეოგრაფიული ანსამბლის,”ცოტნეიდელის“ ტრადიციული საანგარიშო კონცერტი გაიმართა (ხელმძღვანელი კობა გერგაია). დარბაზში შეკრებილი მაყურებლის წინაშე შესრულდა ქართული ნაციონალური საცეკვაო ნომრები.

კონცერტში ასევე მონაწილეობდნენ სხვადასხვა შემოქმედებითი ჯგუფები.

ღონისძიებას ხობის მუნიციპალიტეტის საკრებულოს თავმჯდომარე ლევან ქავთარაძე, მერის მოადგილეები რევაზზაქარაია და დავით ბერაია, ადგილობრივი ხელისუფლების სხვა წარმომადგენლებთან ერთად ესწრებოდნენ.

ივლისი 27, 2023

ხობის კულტურის სახლში საანგარიშო კონცერტი გაიმართა

27 ივლისს, კულტურის სახლის დიდ დარბაზში, ხობის მუნიციპალიტეტის კულტურულ-საგანმანათლებლო საზოგადოებრივ ცენტრთან არსებული ქორეოგრაფიული ანსამბლის,”ცოტნეიდელის“ ტრადიციული საანგარიშო კონცერტი გაიმართა (ხელმძღვანელი კობა გერგაია). დარბაზში შეკრებილი მაყურებლის წინაშე შესრულდა ქართული ნაციონალური საცეკვაო ნომრები.

კონცერტში ასევე მონაწილეობდნენ სხვადასხვა შემოქმედებითი ჯგუფები.

ღონისძიებას ხობის მუნიციპალიტეტის საკრებულოს თავმჯდომარე ლევან ქავთარაძე, მერის მოადგილეები რევაზზაქარაია და დავით ბერაია, ადგილობრივი ხელისუფლების სხვა წარმომადგენლებთან ერთად ესწრებოდნენ.

ივლისი 27, 2023

საკრებულოს სხდომა

27 ივლისს ხობის მუნიციპალიტეტის საკრებულოს სხდომათა დარბაზში გაიმართა საკრებულოს მორიგი სხდომა, რომელსაც უძღვებოდა საკრებულოს თავმჯდომარე ლევან ქავთარაძე. სხდომას ესწრებოდნენ საკრებულოსა და მერიის ხელმძღვანელი პირები. სხდომაზე განხილულ იქნა დღის წესრიგით გათვალისწინებული საკითხები.

მათ შორის განკარგულების პროექტი „ხობის მუნიციპალიტეტის მერისთვის მუნიციპალიტეტის საკუთრებაში არსებული დამატებითი ქონების (ს.კ 45.21.25.152) სარგებლობის უფლებით, უზუფრუქტის ფორმით, უსასყიდლოდგადაცემაზე თანხმობის მიცემის შესახებ“ რომლის თანახმადაც ახალდაფუძნებულ ა(ა)იპ ,,ხობის მუნიციპალიტეტის სპორტის ცენტრს“ პირდაპირი განკარგვის წესით, სარგებლობის უფლებით, უსასყიდლოდ ( უზუფრუქტის ფორმით ) არსებობის ვადით გადაეცა მუნიციპალიტეტის საკუთრებაში არსებული ყოფილი კინოთეატრ „თითარჩელას“ შენობა ნაგებობა.

განკარგულების პროექტი „ხობის მუნიციპალიტეტის მერისთვის მუნიციპალიტეტის საკუთრებაში არსებული ძირითადი ქონების სარგებლობის უფლებით (თხოვების ფორმით) პირდაპირი განკარგვის წესით გადაცემაზე თანხმობის მიცემის შესახებ“ საკრებულოს წევრების უმრავლესობის გადაწყვეტილებით არ იქნა მიღებული.

დღის წესრიგით გათვალისწინებული საკითხების განხილვის შემდეგ საკრებულოს მორიგი სხდომა დახურულად გამოცხადდა.

ივლისი 25, 2023

ბიუროს სხდომა

25 ივლისს გაიმართა ხობის მუნიციპალიტეტის საკრებულოს ბიუროს სხდომა, სადაც განხილულ იქნა დღის წესრიგით გათვალისწინებული საკითხები:

1. ხობის მუნიციპალიტეტის მერის დავით ბუკიას 2023 წლის 26 ივნისის N50-502317734 წერილის განხილვა („ხობის მუნიციპალიტეტის მერისთვის მუნიციპალიტეტის საკუთრებაში არსებული ძირითადი ქონების სარგებლობის უფლებით (თხოვების ფორმით) პირდაპირი განკარგვის წესით გადაცემაზე თანხმობის მიცემის შესახებ“ განკარგულების პროექტის თაობაზე);

(მომხსენებელი:ვლადიმერ ქანთარია - ხობის მუნიციპალიტეტის საკრებულოს

ეკონომიკისა და ქონების მართვის საკითხთა

კომისიის თავმჯდომარე);

2. ხობის მუნიციპალიტეტის საკრებულოს წევრის მალხაზ იოსავას 2023 წლის 4 ივლისის N19/51231856-51 განცხადების განხილვა (ხობის მუნიციპალიტეტის საკრებულოს მორიგ სხდომაზე მოხსენების თაობაზე);

(მომხსენებელი: მედეა თათარიშვილი - ხობის მუნიციპალიტეტის საკრებულოს

იურიდიულ, სამანდატო - საპროცედურო და ეთიკის

კომისიის თავმჯდომარე);

3. ხობის მუნიციპალიტეტის მერის დავით ბუკიას 2023 წლის 24 ივლისის N50-502320546 წერილის განხილვა („ხობის მუნიციპალიტეტის მერისთვის მუნიციპალიტეტის საკუთრებაში არსებული დამატებითი ქონების (ს.კ 45.21.25.152) სარგებლობის უფლებით, უზუფრუქტის ფორმით, უსასყიდლოდ გადაცემაზე თანხმობის მიცემის შესახებ“ განკარგულების პროექტის თაობაზე).

(მომხსენებელი: ვლადიმერ ქანთარია - ხობის მუნიციპალიტეტის საკრებულოს

ეკონომიკისა და ქონების მართვის საკითხთა

კომისიის თავმჯდომარე).

ივლისი 25, 2023

განცხადება ხობის მუნიციპალიტეტის საკრებულოს მორიგი სხდომის შესახებ

ხობის მუნიციპალიტეტის საკრებულოს მორიგი სხდომა გაიმართება 2023 წლის 27 ივლისს 11:00 საათზე, საკრებულოს სხდომათა დარბაზში.

სხდომის დღის წესრიგი:

1. „ხობის მუნიციპალიტეტის მერისთვის მუნიციპალიტეტის საკუთრებაში არსებული ძირითადი ქონების სარგებლობის უფლებით (თხოვების ფორმით) პირდაპირი განკარგვის წესით გადაცემაზე თანხმობის მიცემის შესახებ“ განკარგულების პროექტის განხილვა;

(მომხსენებელი: დავით ბუკია -ხობის მუნიციპალიტეტის მერი;

თანამომხსენებელი: ანტონ ვარდია - ხობის მუნიციპალიტეტის მერიის ეკონომიკური

განვითარებისა და ქონების მართვის სამსახურის უფროსი);

2. „ხობის მუნიციპალიტეტის მერისთვის მუნიციპალიტეტის საკუთრებაში არსებული დამატებითი ქონების (ს.კ 45.21.25.152) სარგებლობის უფლებით, უზუფრუქტის ფორმით, უსასყიდლოდ გადაცემაზე თანხმობის მიცემის შესახებ“ განკარგულების პროექტის განხილვა;

(მომხსენებელი: დავით ბუკია - ხობის მუნიციპალიტეტის მერი;

თანამომხსენებელი: ანტონ ვარდია - ხობის მუნიციპალიტეტის მერიის ეკონომიკური

განვითარებისა და ქონების მართვის სამსახურის უფროსი);

3 საკრებულოს წევრის მალხაზ იოსავას მოხსენება

ივლისი 21, 2023

კობა შუბითიძის სახელობის თასის გათამაშება ფეხბურთში

21 ივლისს, ხობის მუნიციპალიტეტის საგვიჩიოს ადმინისტრაციულ ერთეულში, 2004 წელს საქართველოს ტერიტორიული მთლიანობისათვის დაღუპული ჯარისკაცის, კობა შუბითიძის სახელობის თასის გათამაშების ფინალური შეხვედრა გაიმართა, სადაც ერთმანეთს ქუთაისის მესამე ქვეითი ბრიგადის და ფოთის „ჭაბონამას“ ფეხბურთელთა გუნდები დაუპირისპირდნენ.

საფეხბურთო ტურნირის გამარჯვებული და კობა შუბითიძის სახელობის თასის მფლობელი ქუთაისის მესამე ქვეითი ბრიგადის გუნდი გახდა.

ტურნირის ფინალს და დაჯილდოების ცერემონიალსმოწვეულ სტუმრებთან ერთად ხობის მუნიციპალიტეტის საკრებულოს თავმჯდომარე ლევან ქავთარაძე, მერი დავით ბუკია, მერის მოადგილე დავით ბერაია და საკრებულოს საფინანსო- საბიუჯეტო კომისიის თავმჯდომარე ლევან ლიპარტია ესწრებოდნენ.

სპორტული ღონისძიება ადგილობრივი თვითმმართველობის მხარდაჭერითა და „ხობის მუნიციპალიტეტის საფეხბურთო კლუბ „კოლხეთის“ ორგანიზებით განხორციელდა.

ივლისი 21, 2023

შეხვედრა ძალადობის პრევენციისთვის

21 ივლისს, ქალთა ფონდ „სოხუმის” მიერ ხობის მუნიციპალიტეტიის საკრებულოს სხდომათა დარბაზში გაიმართა შეხვერა მრგვალი მაგიდის ფორმატში თემაზე „ძალადობის პრევენცია და ძალადობის მსხვერპლის დაცვა“(სოციალური თანამშრომლობა და რეფერირება).

შეხვედრას ესწრებოდნენ ხობის მუნიციპალიტეტის საკრებულოს თავმჯდომარე, გენდერული თანასწორობის საბჭოს თავმჯდომარე ლევან ქავთარაძე, მერის მოდგილე დავით ბერაია, მუნიციპალიტეტის გენდერული თანასწორობის საბჭოს წევრები, და სხვადასხვა სამსახურის წარმომამდგენლები.

<<
<
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
...
>
>>