ბავშვთა დაცვის საერთაშორისო დღე ხობის მუნიციპალიტეტში სხვადასხვა ღონისძიებით აღინიშნა. ქალაქ ხობის N1 საჯარო სკოლის სპორტულ დარბაზში ჩატარდა „მხიარული სტარტები“ №1 საჯარო სკოლის მე-4 ,,ა“ და ,,ბ“ კლასებს შორის.
ხობის ცენტრალურ პარკში გაიმართა საინფორმაციო საუბრები ბავშვთა უფლებებზე. ახალგაზრდული ჯგუფის მიერ ჩატარდა სამაგიდო და სათავგადასავლო თამაშები. მოსწავლე-ახალგაზრდობის ცენტრის, სამუსიკო სკოლის და თედო სახოკიას სახელობის ცენტრალური ბიბლიოთეკის მოსწავლეებმა სხვადასხვა სახის აქტივობები შეასრულეს. მოეწყო ბავშვთა ნახატების გამოფენა, მხატვრული კითხვა, ბავშვები მაყურებელთა წინაშე მუსიკალური ნომრებით წარსდგნენ.
ჩატარდა სპორტული აქტივობები მძლეოსნობაში, ბატუტზე ხტომაში, მაგიდის ჩოგბურთსა და ჭადრაკში. კულტურის სახლის მცირე დარბაზში ქართული ანიმაციური ფილმის ჩვენება გაიმართა. მოეწყო ხელნაკეთი ნივთების, საბავშვო ლიტერატურის, საკანცელარიო ნივთების გამოფენა-გაყიდვა.
კულტურის სახლის ფოიეში ანიმაციის განვითარების ფონდის წარმომადგენლებმა ფესტივალ ექო-თოფუზის ფარგლებში ბავშვებს გაუზიარეს თავიანთი გამოცდილება და პროექტები.
კულტურის სახლის დიდი დარბაზში ხობის მუნიციპალიტეტის კულტურულ-საგანმანათლებლო საზოგადოებრივ ცენტრთან არსებული ბავშვთა თეატრის სპექტაკლ „ბუნების შვილების“ (ვაჟა-ფშაველას მოთხრობების მიხედვით) პრემიერა შედგა.
ადგილობრივი ხელისუფლების წარმომადგენლები ხობის შეზღუდული შესაძლებლობის მქონე ბავშვთა დღის ცენტრს ესტუმრნენ დღევანდელი დღე მიულოცეს და საჩუქრები გადაცეს.
ბავშვთა დაცვის დღისადმი მიძღვნილ ღონისძიებებს ხობის მუნიციპალიტეტის საკრებულოს თავმჯდომარე ლევან ქავთარაძე, საკრებულოს თავმჯდომარის მოადგილე მამუკა ქარდავა, მერის მოადგილეები რევაზ ზაქარაია და დავით ბერაია ადგილობრივი ხელისუფლების სხვა წარმომადგენლებთან ერთად ესწრებოდნენ.
Khobi Municipality Council
