ხობის მუნიციპალიტეტის საკრებულო

სიახლეები

თებერვალი 24, 2021

განცხადება ხობის მუნიციპალიტეტის საკრებულოს მორიგი სხდომის შესახებ.

ხობის მუნიციპალიტეტის საკრებულოს მორიგი სხდომა გაიმართება 2021 წლის 25 თებერვალს 11:00 საათზე, ხობის მუნიციპალიტეტის საკრებულოს სხდომათა დარბაზში.

სხდომის დღის წესრიგი:

1. „ხობის მუნიციპალიტეტის ტერიტორიაზე სახელმწიფო და ხობის მუნიციპალიტეტის საკუთრებაში არსებული არასასოფლო-სამეურნეო დანიშნულების მიწის ნორმატიული ფასის დადგენის შესახებ“ დადგენილების პროექტის განხილვა;

(მომხსენებელი: გოჩა ქაჯაია - ხობის მუნიციპალიტეტის მერი;

თანამომხსენებელი: ანტონ ვარდია - ხობის მუნიციპალიტეტის მერიის ეკონომიკური

განვითარებისა და ქონების მართვის სამსახურის უფროსი);

2.„ხობის მუნიციპალიტეტის მერიის საშტატო ნუსხის დამტკიცებისა და ხობის მუნიციპალიტეტის მერიის პოლიტიკური თანამდებობის პირთა, პროფესიულ საჯარო მოხელეთა და ადმინისტრაციული ხელშეკრულებით დასაქმებულ პირთა თანამდებობრივი სარგოების ოდენობების განსაზღვრის შესახებ“ ხობის მუნიციპალიტეტის საკრებულოს 2018 წლის 18 იანვრის №4 დადგენილებაში ცვლილების შეტანის თაობაზე“ დადგენილების პროექტის განხილვა;

(მომხსენებელი: გოჩა ქაჯაია - ხობის მუნიციპალიტეტის მერი;

თანამომხსენებელი: თანამომხსენებელი: ზვიად ბუკია - ხობის მუნიციპალიტეტის მერიის

ადმინისტრაციული სამსახურის უფროსი)

3.„ხობის მუნიციპალიტეტის საკრებულოს 2021 წლის სამუშაო გეგმის დამტკიცების შესახებ“ განკარგულების პროექტის განხილვა;

(მომხსენებელი: თეა გელანტია - ხობის მუნიციპალიტეტის საკრებულოს

საპროცედურო საკითხთა კომისიის თავმჯდომარე);

თებერვალი 22, 2021

საბავშვო ბაგა-ბაღებში სადეზინფექციო სამუშაოები ჩატარდა

ხობის მუნიციპლიტეტის მასშტაბით სკოლამდელ სააღმზრდელო დაწესებულებებში სადეზინფექციო სამუშაოები მიმდინარეობს. ქალაქ ხობის N2 და პირველი მაისის საბავშვო ბაგა-ბაღებში მიმდინარე პროცესს დღეს, ხობის მუნიციპალიტეტის საკრებულოს თავმჯდომარე ედიშერ ჯობავა, საკრებულოს განათლების, კულტურისა და სოციალურ საკითხთა კომისიის თავმჯდომარე დოდო გაბუნია, სკოლამდელი სააღმზრდელო გაერთიანების დირექტორი ეკა ხასია და საკრებულოს წევრი გოჩა ჯობავა გაეცნენ. სადეზინფექციო სამუშაოებს შპს „ჰიგია“ კორონავირუსის გავრცელების პრევენციული ღონისძიებების ფარგლებში, საქართველოს ჯანდაცვის სამინისტროს რეკომენდაციების შესაბამისად ახორციელებს.

თებერვალი 11, 2021

ინტერმუნიციპალური ფორმატის სამუშაო შეხვედრა

11 თებერვალს ეროვნულ–დემოკრატიულმა ინსტიტუტმა (NDI) ონლაინ რეჟიმში ინტერმუნიციპალური ფორმატის სამუშაო შეხვედრა გამართა მუნიციპალიტეტების გენდერული თანასწორობის საბჭოებთან.

შეხვედრაზე იმსჯელეს გენდერული თანასწორობის საბჭოების ჩართულობაზე საბიუჯეტო პროცესში, ინტერმუნიციპალური თანამშრომლობის შესაძლებლობებზე და საბჭოების გაძლიერების მექანიზმებზე ადგილობრივ დონეზე.

ონლაინ შეხვედრას ხობის მუნიციპალიტეტის საკრებულოს თავმჯდომარე ედიშერ ჯობავა და საკრებულოს აპარატის უფროსი ლელა შამათავა ესწრებოდნენ.

თებერვალი 9, 2021

ქვემო ქვალონში 300 მოსწავლეზე გათვლილი სკოლა შენდება

ხობის მუნიციპალიტეტის ქვემო ქვალონის ადმინისტრაციულ ერთეულში 300 მოსწავლეზე გათვლილი სკოლა შენდება. ქვემო ქვალონში არსებული ძველი სკოლის შენობა ავარიულ მდგომარეობაში იყო და რეაბილიტაციას არ ექვემდებარებოდა.

პროექტის შესაბამისად მოეწყობა მოსწავლეთა და პედაგოგთა ოთახები, ღია ხელოვნურსაფარიანი კომბინირებული სპორტული მოედანი, ლაბორატორია, ბიბლიოთეკა-წიგნსაცავი, ექიმის კაბინეტი, კვების ბლოკი, სპორტული დარბაზი და რეკრეაციული ზოლი.

ინფრასტრუქტურული პროექტი საქართველოს მუნიციპალური განვითარების ფონდის დაფინანსებით ხორციელდება და მისი სახელშეკრულებო ღირებულება 4 მილიონ 95 ათას ლარს შეადგენს. სკოლის სამშენებლო სამუშაოს მიმდინარეობის პროცესს, ხობის მუნიციპალიტეტის საკრებულოს თავმჯდომარე ედიშერ ჯობავა და ქვემო ქვალონის ადინისტრაციულ ერთეულში მაჟორიტარი საკრებულოს წევრი ტარიელ ალექსანდრია გაეცნენ.

თებერვალი 8, 2021

გილოცავთ დავითობას!

იანვარი 28, 2021

საკრებულოს სხდომა

28 იანვარს, ხობის მუნიციპალიტეტის საკრებულოს სხდომათა დარბაზში გაიმართა 2021 წლის საკრებულოს პირველი სხდომა, რომელსაც უძღვებოდა საკრებულოს თავმჯდომარე ედიშერ ჯობავა. სხდომას ესწრებოდნენ საკრებულოსა და მერიის ხელმძღვანელი პირები.

სხდომაზე განხილულ იქნა დღის წესრიგით გათვალისწინებული სხვადასხვა საკითხები. მათ შორის, დადგენილების პროექტი: „ხობის მუნიციპალიტეტის 2021 წლის ადგილობრივი ბიუჯეტის დამტკიცების შესახებ“ ხობის მუნიციპალიტეტის საკრებულოს 2020 წლის 29 დეკემბრის N17 დადგენილებაში ცვლილების შეტანის თაობაზე“, რომლის თანახმადაც ხობის მუნიციპალიტეტის 2021 წლის ადგილობრივ ბიუჯეტში განხორციელდა ნაშთის ასახვა, რომლის საფუძველზეც ბიუჯეტი განისაზღვრა 13076.6 ათასი ლარით.

სხდომაზე ასევე განხილულ იქნა განკარგულების პროექტი „ხობის მუნიციპალიტეტის 2021 წლის ადგილობრივი ბიუჯეტით გათვალისწინებული საბიუჯეტო ასიგნებების კვარტალური განწერის დასამტკიცებლად ხობის მუნიციპალიტეტის მერისთვის თანხმობის მიცემის თაობაზე“, რაც გულისხმობს ბიუჯეტის შემოსულობების, გადასახდელებისა და ნაშთის ცვლილების ყოველკვარტალურად განაწილებას საბიუჯეტო კლასიფიკაციის (გარდა ხარჯებისა და არაფინანსურ აქტივებზე ოპერაციების ფუნქციონალური კლასიფიკაციისა) მიხედვით.

განკარგულების პროექტით „საქართველოს სახელმწიფო ბიუჯეტით გათვალისწინებული რეგიონებში განსახორციელებელი პროექტების ფონდიდან ხობის მუნიციპალიტეტში 2021 წელს დასაფინანსებელი პროექტების მოწონების შესახებ“ მოწონებულ იქნა 2021 წლისთვის განსახორციელებელი სამუშაოები, კერძოდ: ა) საჯიჯაოს ადმინისტრაციული ერთეულის ცენტრიდან მდინარე ჭანისწყლის ხიდამდე გზის რეაბილიტაციის სამუშაოები; ბ) ახალსოფლის ადმინისტრაციულ ერთეულში სასოფლო გზის რეაბილიტაციის სამუშაოები ; გ) ახალი ხიბულის ადმინისტრაციულ ერთეულში, სავარდიოს უბანში, გზის რეაბილიტაციის სამუშაოები; დ) ჭალადიდის ადმინისტრაციულ ერთეულში სასოფლო გზის რეაბილიტაციის სამუშაოები; ე) ყულევის ადმინისტრაციულ ერთეულში სასოფლო გზის რეაბილიტაციის სამუშაოები; ვ) გურიფულის ადმინისტრაციულ ერთეულის სოფელ პირველ გურიფულში სასოფლო გზის რეაბილიტაციის სამუშაოები; ზ) პირველი მაისის ადმინისტრაციულ ერთეულში, საპერტიოს უბანში, სასოფლო გზის რეაბილიტაციის სამუშაოები; თ) პირველი მაისის ადმინისტრაციულ ერთეულში, საგაბისონიოს უბანში, სასოფლო გზის რეაბილიტაციის სამუშაოები;

ხოლო განკარგულების პროექტით „საწვავისა და სატელეფონო მომსახურების ხარჯების ლიმიტის განსაზღვრის შესახებ“ ხობის მუნიციპალიტეტის საკრებულოს 2017 წლის 26 დეკემბრის N81 განკარგულებაში ცვლილების შეტანის თაობაზე“. განხორციელდა გარკვეული ცვლილებები.

დღის წესრიგით გათვალისწინებული საკითხების განხილვის შემდეგ საკრებულოს სხდომა დახურულად გამოცხადდა.

იანვარი 28, 2021

ბიუროს სხდომა

28 იანვარს გაიმართა ხობის მუნიციპალიტეტის საკრებულოს ბიუროს სხდომა, სადაც განხილულ იქნა შემდეგი საკითხები:

1. ხობის მუნიციპალიტეტის მერის გოჩა ქაჯაიას 2021 წლის 11 იანვრის N50-502101117 წერილის განხილვა („ხობის მუნიციპალიტეტის 2021 წლის ადგილობრივი ბიუჯეტით გათვალისწინებული საბიუჯეტო ასიგნებების კვარტალური განწერის დასამტკიცებლად ხობის მუნიციპალიტეტის მერისთვის თანხმობის მიცემის თაობაზე“ განკარგულების პროექტის თაობაზე).

(მომხსენებელი: ტარიელ ალექსანდრია - ხობის მუნიციპალიტეტის საკრებულოს

საფინანსო - საბიუჯეტო კომისიის თავმჯდომარე).

2. ხობის მუნიციპალიტეტის მერის გოჩა ქაჯაიას 2021 წლის 26 იანვრის N50-502102644 წერილის განხილვა („საქართველოს სახელმწიფო ბიუჯეტით გათვალისწინებული რეგიონებში განსახორციელებელი პროექტების ფონდიდან ხობის მუნიციპალიტეტში 2021 წელს დასაფინანსებელი პროექტების მოწონების შესახებ“ განკარგულების პროექტის თაობაზე).

(მომხსენებელი: ტარიელ ალექსანდრია - ხობის მუნიციპალიტეტის საკრებულოს

საფინანსო - საბიუჯეტო კომისიის თავმჯდომარე).

3. ხობის მუნიციპალიტეტის მერის გოჩა ქაჯაიას 2021 წლის 27 იანვრის N50-50210271 წერილის განხილვა („ხობის მუნიციპალიტეტის 2021 წლის ადგილობრივი ბიუჯეტის დამტკიცების შესახებ“ ხობის მუნიციპალიტეტის საკრებულოს 2020 წლის 29 დეკემბრის N17 დადგენილებაში ცვლილების შეტანის თაობაზე“ დადგენილების პროექტების შესახებ);

(მომხსენებელი: ტარიელ ალექსანდრია - ხობის მუნიციპალიტეტის საკრებულოს

საფინანსო - საბიუჯეტო კომისიის თავმჯდომარე);

4. ხობის მუნიციპალიტეტის მერის გოჩა ქაჯაიას 2021 წლის 27 იანვრის N50-502102794 წერილის განხილვა („საწვავისა და სატელეფონო მომსახურების ხარჯების ლიმიტის განსაზღვრის შესახებ“ ხობის მუნიციპალიტეტის საკრებულოს 2017 წლის 26 დეკემბრის №81 განკარგულებაში ცვლილების შეტანის თაობაზე“ “ განკარგულების პროექტის თაობაზე).

(მომხსენებელი: დავით ბერაია - ხობის მუნიციპალიტეტის საკრებულოს

იურიდიულ საკითხთა კომისიის თავმჯდომარე)

იანვარი 27, 2021

განცხადება ხობის მუნიციპალიტეტის საკრებულოს მორიგი სხდომის შესახებ.

ხობის მუნიციპალიტეტის საკრებულოს მორიგი სხდომა გაიმართება 2021 წლის 28 იანვარს 11:00 საათზე, ხობის მუნიციპალიტეტის საკრებულოს სხდომათა დარბაზში.

სხდომის დღის წესრიგი:

1. „ხობის მუნიციპალიტეტის 2021 წლის ადგილობრივი ბიუჯეტის დამტკიცების შესახებ“ ხობის მუნიციპალიტეტის საკრებულოს 2020 წლის 29 დეკემბრის №17 დადგენილებაში ცვლილების შეტანის თაობაზე“ დადგენილების პროექტის განხილვა;