ხობის მუნიციპალიტეტის საკრებულო

სიახლეები

აგვისტო 30, 2019

ბიუროს სხდომა

30 აგვისტოს გაიმართა ხობის მუნიციპალიტეტის საკრებულოს ბიუროს სხდომა, სადაც განხილულ იქნა შემდეგი საკითხები:
1. ხობის მუნიციპალიტეტის მერის მოვალეობის შემსრულებელის ვ. გაბედავას 2019 წლის 6 აგვისტოს N09/2688 წერილის განხილვა („ხობის მუნიციპალიტეტში უმწეოთა სასადილოს ბენეფიციართა შერჩევის წესის დამტკიცების შესახებ“ განკარგულების პროექტის თაობაზე);
(მომხსენებელი: დ. გაბუნია - ხობის მუნიციპალიტეტის საკრებულოს განათლების,
კულტურის და სოციალურ საკითხთა კომისიის თავმჯდომარე);

2. სსიპ ხობის მუნიციპალიტეტის სოფელ საჯიჯაოს N2 საჯარო სკოლის დირექტორის ი. გოგოლაძის 2019 წლის 8 აგვისტოს N MES619010227403 და 14 აგვისტოს N MES91901044876 და ხობის მუნიციპალიტეტის საკრებულოს იურიდიულ საკითხთა კომისიის თავმჯდომარის დ. ბერაიას 2019 წლის 27 აგვისტოს N70/01 განცხადებების განხილვა („სსიპ ხობის მუნიციპალიტეტის სოფელ საჯიჯაოს N2 საჯარო სკოლისთვის ილია ქვარცხავას სახელის მინიჭებაზე თანხმობის გაცემის თაობაზე“ განკარგულების პროექტის შესახებ);
(მომხსენებელი: დ. ბერაია - ხობის მუნიციპალიტეტის საკრებულოს იურიდიულ
საკითხთა კომისიის თავმჯდომარე);
3. ხობის მუნიციპალიტეტის მერის გ. ქაჯაიას 2019 წლის 15 აგვისტოს N03/2830 და ხობის მუნიციპალიტეტის მერის მოვალეობის შემსრულებლის ვ. გაბედავას 2019 წლის 26 აგვისტოს N03/3021 წერილების განხილვა („ხობის მუნიციპალიტეტის საკრებულოს ზოგიერთ დადგენილებაში ცვლილების შეტანის შესახებ“ ხობის მუნიციპალიტეტის საკრებულოს 2019 წლის 30 ივლისის №8 დადგენილებაში ცვლილების შეტანის თაობაზე“ დადგენილების პროექტის შესახებ);
(მომხსენებელი: დ. ბერაია - ხობის მუნიციპალიტეტის საკრებულოს იურიდიულ
საკითხთა კომისიის თავმჯდომარე);
4. ხობის მუნიციპალიტეტის მერის გ. ქაჯაიას 2019 წლის 17 აგვისტოს N06/2876 წერილის განხილვა („ხობის მუნიციპალიტეტში ადგილობრივი მნიშვნელობის გზებზე რკინიგზის გადასასვლელებთან საგზაო ნიშნების განთავსების შესახებ“ განკარგულების პროექტის თაობაზე);
(მომხსენებელი: ვ. ქანთარია - ხობის მუნიციპალიტეტის საკრებულოს ქონების მართვისა და ინფრასტრუქტურის კომისიის თავმჯდომარე);

5. ხობის მუნიციპალიტეტის მერის მოვალეობის შემსრულებელის ვ. გაბედავას 2019 წლის 26 აგვისტოს N04/3009 წერილის განხილვა („ხობის მუნიციპალიტეტის 2019 წლის ადგილობრივი ბიუჯეტის დამტკიცების შესახებ“ ხობის მუნიციპალიტეტის საკრებულოს 2018 წლის 28 დეკემბრის №44 დადგენილებაში ცვლილების შეტანის თაობაზე“ დადგენილების პროექტის შესახებ);
(მომხსენებელი: მ. ქარდავა - ხობის მუნიციპალიტეტის საკრებულოს
თავმჯდომარის მოადგილე);

6. ხობის მუნიციპალიტეტის მერის მოვალეობის შემსრულებელის ვ. გაბედავას 2019 წლის 27 აგვისტოს N05/3034 წერილის განხილვა (,,ხობის მუნიციპალიტეტის მერისთვის მუნიციპალიტეტის საკუთრებაში არსებული ძირითადი (განუსხვისებელი) და დამატებითი ქონების სარგებლობის უფლებით (იჯარით) აუქციონის ფორმით გადაცემაზე თანხმობის მიცემის შესახებ“ განკარგულების პროექტის თაობაზე).
(მომხსენებელი: ვ. ქანთარია - ხობის მუნიციპალიტეტის საკრებულოს ქონების მართვისა და ინფრასტრუქტურის კომისიის თავმჯდომარე).

აგვისტო 29, 2019

განცხადება ხობის მუნიციპალიტეტის საკრებულოს მორიგი სხდომის შესახებ.

ხობის მუნიციპალიტეტის საკრებულოს მორიგი სხდომა გაიმართება 2019 წლის 30 აგვისტოს 11:00 საათზე, ხობის მუნიციპალიტეტის საკრებულოს სხდომათა დარბაზში.
სხდომის დღის წესრიგი:
1.„ხობის მუნიციპალიტეტის 2019 წლის ადგილობრივი ბიუჯეტის დამტკიცების შესახებ“ ხობის მუნიციპალიტეტის საკრებულოს 2018 წლის 28 დეკემბრის №44 დადგენილებაში ცვლილების შეტანის თაობაზე“ დადგენილების პროექტის განხილვა;
(მომხსენებელი: ვ. გაბედავა - ხობის მუნიციპალიტეტის მერის მოვალეობის
შემსრულებელი;
თანამომხსენებელი: დ. ჭოჭუა - ხობის მუნიციპალიტეტის მერიის
საფინანსო - საბიუჯეტო სამსახურის უფროსი);
2.„ხობის მუნიციპალიტეტის საკრებულოს ზოგიერთ დადგენილებაში ცვლილების შეტანის შესახებ“ ხობის მუნიციპალიტეტის საკრებულოს 2019 წლის 30 ივლისის №8 დადგენილებაში ცვლილების შეტანის თაობაზე“ დადგენილების პროექტის განხილვა;
(მომხსენებელი: ვ. გაბედავა - ხობის მუნიციპალიტეტის მერის მოვალეობის შემსრულებელი;
თანამომხსენებელი: ზ. ბუკია - ხობის მუნიციპალიტეტის მერიის
ადმინისტრაციული სამსახურის უფროსი);
3.„სსიპ ხობის მუნიციპალიტეტის სოფელ საჯიჯაოს N2 საჯარო სკოლისთვის ილია ქვარცხავას სახელის მინიჭებაზე თანხმობის გაცემის თაობაზე“ განკარგულების პროექტის განხილვა;
(მომხსენებელი: დ. ბერაია - ხობის მუნიციპალიტეტის საკრებულოს
იურიდიულ საკითხთა კომისიის თავმჯდომარე);
4.,,ხობის მუნიციპალიტეტის მერისთვის მუნიციპალიტეტის საკუთრებაში არსებული ძირითადი (განუსხვისებელი) და დამატებითი ქონების სარგებლობის უფლებით (იჯარით) აუქციონის ფორმით გადაცემაზე თანხმობის მიცემის შესახებ“განკარგულების პროექტის განხილვა;
(მომხსენებელი: ვ. გაბედავა - ხობის მუნიციპალიტეტის მერის
მოვალეობის შემსრულებელი;
თანამომხსენებელი: ა. ვარდია - ხობის მუნიციპალიტეტის მერიის ეკონომიკური
განვითარებისა და ქონების მართვის სამსახურის უფროსი);
5.„ხობის მუნიციპალიტეტში ადგილობრივი მნიშვნელობის გზებზე რკინიგზის გადასასვლელებთან საგზაო ნიშნების განთავსების შესახებ“ განკარგულების პროექტის განხილვა;
(მომხსენებელი: ვ. გაბედავა - ხობის მუნიციპალიტეტის მერის
მოვალეობის შემსრულებელი;
თანამომხსენებელი: ზ. ბუკია - ხობის მუნიციპალიტეტის მერიის ინფრასტრუქტურის, ურბანული განვითარებისა და არქიტექტურის სამსახურის უფროსი);
6.„ხობის მუნიციპალიტეტში უმწეოთა სასადილოს ბენეფიციართა შერჩევის წესის დამტკიცების შესახებ“ განკარგულების პროექტის განხილვა.
(მომხსენებელი: ვ. გაბედავა - ხობის მუნიციპალიტეტის მერის მოვალეობის შემსრულებელი;
თანამომხსენებელი: შ. კანკია - ხობის მუნიციპალიტეტის მერიის შრომის, საზოგადოებრივი ჯამრთელობისა და სოციალური დაცვის, ვეტერანთა, ლტოლვილთა და იძულებით გადაადგილებულ პირთა საქმეების სამსახურის უფროსი).

აგვისტო 28, 2019

გილოცავთ მარიამობას!

აგვისტო 24, 2019

ნუგზარ ლემონჯავას სახელობის ტურნირი ფეხბურთში

24 აგვისტოს, ხობის ცენტრალურ სტადიონზე სტარტი აიღო, ტრაგიკულად დაღუპული ფეხბურთელის, ნუგზარ (ნუტი) ლემონჯავას სახელობის თასის გათამაშებამ ფეხბურთში. საფეხბურთო ტურნირში ხობის „კოლხეთის“, ფოთის „კოლხეთის“, „სამტრედიის", სენაკის „ქუჯის", ხონის, ოზურგეთის, ზუგდიდის სასპორტო სკოლების და დინამოს აკადემიის (მარტვილი) ნორჩი ფეხბურთელები მონაწილეობენ.
სპორტული ღონისძიების ორგანიზატორები სამეგრელო-ზემო სვანეთის ფეხბურთის რეგიონული ფედერაცია და ა(ა)იპ „საფეხბურთო კლუბ ხობის კოლხეთი“ არიან.
ფინალური შეხვედრები (16 და 17 საათზე) და დაჯილდოების ცერემონია 29 აგვისტოს ხობის ცენტრალურ სტადიონზე გაიმართება.

აგვისტო 22, 2019

გლობალური დათბობის კამპანიის ფარგლებში შეხვედრა გაიმართა

ხობის მუნიციპალიტეტის საკრებულოს სხდომათა დარბაზში სტრატეგიული კვლევებისა და განვითარების ცენტრმა (GSRDG), გაეროს მცირე გრანტების პროგრამის დაფინანსებით პროექტი სახელწოდებით „გლობალური დათბობის კამპანია-შესაძლებლობა შეცვალოთ მომავალი“ საინფორმაციო სახის შეხვედრა გამართა.
პროექტის მიზანია ცნობიერების ამაღლება კლიმატის ცვლილების შერბილებისა და ადაპტაციის მიმართულებით, ეკოლოგიურად სუფთა და უსაფრთხო ტექნოლოგიების და საუკეთესო პრაქტიკის დანერგვა.
პროექტი საქართველოს სამი რეგიონის, 7 მუნიციპალიტეტის, 17 თემშია წარმოდგენილი, მათ შორისაა ხობის მუნიციპალიტეტის სამი თემი; პირველი მაისი, თორსა და ხამისკური.
შეხვედრას ხობის მუნიციპალიტეტის საკრებულოს თავმჯდომარე ედიშერ ჯობავა, საკრებულოს განათლების, კულტურისა და სოციალურ საკითხთა კომისიის თავმჯდომარე დოდო გაბუნია, იურიდიულ საკითხთა კომისიის თავმჯდომარე დავით ბერაია, საგანმანათლებლო და სკოლამდელი სააღმზრდელო დაწესებულებებისა და ორგანიზაცია „თოლისკურის“ წარმომადგენლები, ასევე სათემო ლიდერები და ეკო კლუბის წევრები ესწრებოდნენ.

აგვისტო 21, 2019

სოფელ ზენში ხიდბოგირის სარეაბილიტაციო სამუშაოები მიმდინარეობს

საჯიჯაოს ადმინისტრაციულ ერთეულში, სოფელ ზენში, საშეროზიოს უბანში, ხიდის სარეაბილიტაციო და ხიდბოგირის წარეცხილი სარეგულაციოების აღდგენითი სამუშაოები მიმდინარეობს, აღნიშნულ სამუშაოებს შპს შარაგზამშენი პირველი ახორციელებს, ინფრასტრუქტურული პროექტების ჯამური სახელშეკრულებო ღირებულება 25300 ლარს შეადგენს.
სარეაბილიტაციო სამუშაოები სტიქიის სალიკვიდაციო ღონისძიებებისთვის გამოყოფილი თანხიდან ხორციელდება
სოფელ ზენში მიმდინარე პროექტები ხობის მუნიციპალიტეტის საკრებულოს თავმჯდომარემ ედიშერ ჯობავამ, მერმა გოჩა ქაჯაიამ და მერის მოადგილემ ვარაზ გაბედავამ დაათვალიერეს.

აგვისტო 20, 2019

გუბერნატორის მოადგილე ინფრასტრუქტურულ პროექტებს გაეცნო

სამეგრელო-ზემო სვანეთის სახელმწიფო რწმუნებულის მოადგილემ ლუდუკ (ნუკრი) ხასიამ, ხობის მუნიციპალიტეტის საკრებულოს თავმჯდომარემ ედიშერ ჯობავამ, მერმა გოჩა ქაჯაიამ და მერის მოადგილემ ვარაზ გაბედავამ, ხობის მუნიციპალიტეტის ადმინისტრაციულ ერთეულებში მიმდინარე და დასრულებული ინფრასტრუქტურული სამუშაოები დაათვალიერეს.
ქარიატა-შუა ხორგის დამაკავშირებელი 7-კილომეტრიან გზის მონაკვეთზე იგება ცემენტბეტონის საფარი, პროექტის ღირებულება შეადგენს 3 მილიონ 570 ათას ლარს, აღნიშნულ მონაკვეთზე სამუშაოებს შპს „პრაიმ ბეტონი“ახორციელებს, გზის სარეაბილიტაციო სამუშაოები საქართველოს მუნიციპალური განვითარების ფონდის, ევროპის საინვესტიციო ბანკის (EIB) დაფინანსებით ხორციელდება.
ზემო ქვალონის ადმინისტრაციულ ერთეულში, შიდა სასოფლო გზის რეაბილიტაციის პირველი ეტაპის სამუშაოებს დასრულდა. აღნიშნულ მონაკვეთზე დაგებულია ბეტონის საფარი, პროექტი გარდამავალია, სამუშაოებს შპს ,,მიმდემი“ ახორციელებს.
ახალი ხიბულა-საჯიჯაოს დამაკავშირებელი გზის სამუშაოები რეგიონებში განსახორციელებელი პროექტების ფონდისა და ადგილობრივი ბიუჯეტის თანადაფინანსებით ხორციელდება და მისი სახელშეკრულებო ღირებულება შეადგენს 1 მილიონ 492 ათას ლარს, აღნიშნული პროექტიც გარდამავალია, სამუშაოებს შპს „პრაიმ ბეტონი“ ახორციელებს. აღნიშნულ სოფლებში გზები წლების განმავლობაში ამორტიზირებული იყო, რაც მოსახლეობას გადაადგილებისას პრობლემებს უქმნიდა.

აგვისტო 19, 2019

გილოცავთ ფერიცვალების დღესასწაულს!

აგვისტო 17, 2019

ხობში ცენტრალური პარკი გაიხსნა

ქალაქ ხობში, თანამედროვე სტანდარტების შესაბამისად მოწყობილი ცენტრალური პარკი საზეიმო ვითარებაში გაიხსნა. პარკის გახსნისადმი მიძღვნილ ღონისძიებას საქართველოს პარლამენტის წევრი ირაკლი (დაჩი) ბერაია, სამეგრელო-ზემო სვანეთის სახელმწიფო რწმუნებული ალექსანდრე მოწერელია, პარლამენტის წევრები,ხობის მუნიციპალიტეტის საკრებულოს თავმჯდომარე ედიშერ ჯობავა და მერი გოჩა ქაჯაია მოწვეულ სტუმრებთან ერთად ესწრებოდნენ. პროექტი რეგიონში განსახორციელებელი პროექტების ფონდიდან და ადგილობრივი ბიუჯეტის თანადაფინანსებით განხორციელდა. პარკის მშენებლობა ორ ეტაპად იყო დაგეგმილი, როგორც ორგანიზატორმა აღნიშნა მშენებლობის მეორე ეტაპი უახლოეს მომავალში გაგრძელდება. პარკი ინფრასტრუქტურის თვალსაზრისით გათვლილია, როგორც ბავშვებისთვის ასევე უფროსი თაობის წარმომადგენლებისთვის. პროექტის შესაბამისად აღნიშნულ ტერიტორიაზე მოეწყო ბეტონის ფილები, ველობილიკი, საფეხმავლო ზოლი, ბეტონის ანაკრები ბორდიურები, მწვანე კორდი, ლაბირინთი, საბავშვო, სატრენაჟორო და საკალათბურთო მოედნები, ჭადრაკის დაფა. დამონტაჟდა დეკორატიული სკამები, ველოსადგომები. შემოსასვლელში განთავსდა ქ. ხობის გერბი, მოეწყო შადრევანი და სასმელი წყლის სოკო, დამონტაჟებულია განათების სისტემები. პარკის გახსნასთან დაკავშირებით, წარმოდგენილი იყო საბავშვო პროგრამა და საზეიმო კონცერტი, სადაც მონაწილეობა მიიღეს როგორც ადგილობრივმა შემსრულებლებმა ისე ქართული ესტრადის წარმომადგენლებმა, შეკრებილი საზოგადოების განწყობაზე იზრუნეს ლინდა ადამიამ, ჯგუფმა ¼ და DJ “ KAVELA-მ. ღონისძიება ფეიერვერკით დასრულდა. პარკის მშენებლობის ინიციატორი პარლამენტის წევრი ირაკლი (დაჩი) ბერაიაა.

აგვისტო 17, 2019

დასრულდა კობა შუბითიძის სახელობის თასის გათამაშება ფეხბურთში

ხობის მუნიციპალიტეტის საგვიჩიოს ადმინისტრაციულ ერთეულში, 2004 წელს საქართველოს ტერიტორიული მთლიანობისათვის დაღუპული ჯარისკაცის, კობა შუბითიძის სახელობის თასის გათამაშების ფინალური შეხვედრა გაიმართა. სტადიონზე შეკრებილმა გულშემატკივრებმა წუთიერი დუმილით პატივი მიაგეს კობა შუბითიძის ხსოვნას.
საფეხბურთო ტურნირის გამარჯვებული და კობა შუბითიძის სახელობის თასის მფლობელი პენალტების სერიით, ახალი სოფლის ფეხბურთელთა გუნდი გახდა, რომელმაც ფინალში ჭალადიდის გუნდი დაამარცხა.
ტურნირის ფინალს, დადაჯილდოების ცერემონიალს საქართველოს პარლამენტის თავმჯდომარე არჩილ თალაკვაძე, მაჟორიტარი წევრი დაჩი ბერაია, საქართველოს პარლამენტის წევრები, ხობის მუნიციპალიტეტის საკრებულოს თავმჯდომარე ედიშერ ჯობავა და მერი გოჩა ქაჯაია მოწვეუილ სტუმრებთან ერთად დაესწრნენ.
სპორტული ღონისძიება ადგილობრივი თვითმმართველობის მხარდაჭერითა და ა(ა)იპ „ხობისმუნიციპალიტეტის საფეხბურთო კლუბ „კოლხეთის“ ორგანიზებით განხორციელდა.

აგვისტო 14, 2019

ხელისუფლების წარმომადგენლები სოფლებში მოსახლეობას შეხვდნენ.

ხობის მუნიციპალიტეტის ძველი ხიბულის, ახალი ხიბულის და საჯიჯაოს ადმინისტრაციულ ერთეულებში მოსახლეობას ცენტრალური და ადგილობრივი ხელისუფლების წარმომადგენლები შეხვდნენ.
შეხვედრაზე საქართველოს რეგიონული განვითარებისა და ინფრასტრუქტურის მინისტრის მოადგილემ ილია ბეგიაშვილმა, საქართველოს გარემოს დაცვისა და სოფლის მეურნეობის სამინისტროს, სურსათის და სოფლის განვითარების დეპარტამენტის უფროსმა თენგიზ კალანდაძემ, სამეგრელო-ზემო სვანეთის სახელმწიფო რწმუნებულმა ალექსანდრე მოწერელიამ, მაჟორიტარმა დეპუტატმა დაჩი ბერაიამ, პარლამენტის ვიცე-სპიკერმა ზვიად ძიძიგურმა, საპარლამენტო უმრავლესობის წევრმა გიგა ბუკიამ, ხობის მუნიციპალიტეტის საკრებულოს თავმჯდომარემ ედიშერ ჯობავამ და მერმა გოჩა ქაჯაიამ ადგილობრივებს იმ პროგრამებზე მიაწოდეს ინფორმაცია რომლებსაც მთავრობა ახორციელებს. საუბარი ასევე შეეხო სოფლის მეურნეობის პროექტებს, თხილის დაცვის სახელმწიფო პროგრამას და სოფლის მხარდაჭერის პროგრამას.
ადგილობრივებმა, ხელისუფლების წარმომადგენლებთან დასვეს მათთვის მნიშვნელოვანი და პრობლემური საკითხები, რომელთა შორის პრიორიტეტად შიდა გზების რეაბილიტაცია, გაზიფიცირება, წყალმომარაგება, ამბულატორიების რეაბილიტაცია დასახელდა. გამოკვეთილი პრობლემების მოგვარებისთვის აუცილებელი თანხები მაქსიმალურად იქნება გათვალისწინებული მომავალი წლის ბიუჯეტში.

აგვისტო 14, 2019

ხობის ცენტრალური პარკის საზეიმო გახსნის პროგრამა

ძვირფასო ხობელებო, 17 აგვისტოს საღამოს 5 საათიდან გიწვევთ ხობის ცენტრალური პარკის საზეიმო გახსნაზე.

აგვისტო 13, 2019

ეროვნულმა ცენტრმა ხობის N2 საჯარო სკოლის ღვაწლმოსილი პედაგოგი დააჯილდოვა

მასწავლებელთა პროფესიული განვითარების ეროვნულმა ცენტრმა ხობის N2 საჯარო სკოლის ღვაწლმოსილი პედაგოგი ალექსანდრე არჩაია საქართველის დამსახურებული მასწავლებლის სიგელით დააჯილდოვა.
ალექსანდრე არჩაია ხობის საპატიო მოქალაქე და ფაზისის აკადემიის ნამდვილი წევრია.
ხობის მუნიციპალიტეტის საკრებულო ულოცავს ბატონ ალექსანდრეს მიღწეულ წარმატებას.

აგვისტო 13, 2019

სკოლებში სამშენებლო სამუშაოები მიმდინარეობს

ხობის მუნიციპალიტეტის ხუთ საჯარო სკოლაში ინფრასტრუქტურის რეაბილიტაცია მიმდინარეობს. სარეაბილიტაციო სამუშაოები დღეს, ხობის მუნიციპალიტეტის საკრებულოს თავმჯდომარემ ედიშერ ჯობავამ, საკრებულოს ქონების მართვისა და ინფრასტრუქტურის საკითხთა კომისიის თავმჯდომარემ ვლადიმერ ქანთარიამ, საკრებულოს წევრებმა და მერის წარმომადგენლებმა, ქალაქ ხობის N2 და პირველი მაისის საჯარო სკოლებში დაათვალიერეს.
სამუშაოების დასრულების შემდეგ სკოლებში თანამედროვე, შეზღუდული შესაძლებლობის მქონე პირებზე ადაპტირებული გარემო შეიქმნება.
პროექტების ჯამური სახელშეკრულებო ღირებულება 156322 ლარს შეადგენს.
საქართველოს მთავრობის 2019 წლის 8 თებერვლის N207 განკარგულებით ხობის მუნიციპალიტეტს ზოგადსაგანმანათლებლო ინფრასტრუქტურის აღდგენა-მშენებლობისთვის 530 ათასი ლარი გამოეყო.

აგვისტო 12, 2019

ხობში "ცოტნეობა" აღნიშნეს

12 აგვისტოს, საქართველოს სამოციქულო მართლმადიდებელი ეკლესია წმინდა ცოტნე აღმსარებლის ხსენების დღეს აღნიშნავს. „ცოტნეობის“ დღესასწაულთან დაკავშირებით, ხობის ღვთისმშობლის მიძინების სახელობის ტაძარში, ფოთისა და ხობის მიტროპოლიტმა მეუფე გრიგოლმა, სადღესასწაულო წირვა-ლოცვა ახალციხისა და ტაო-კლარჯეთის მიტროპოლიტ თეოდორესთან, მარგვეთისა და უბისის ეპისკოპოს მელქისედეკთან, ბელგიისა და ჰოლანდიის ეპისკოპოს დოსითეოსთან, ჩრდილოეთ ამერიკის ეპისკოპოს საბასთან და ეპარქიის სამღვდელოებასთან ერთად აღავლინა.
წირვის შემდეგ ხობის საკათალიკოსო სასახლეში სამეცნიერო კონფერენცია გაიმართა თემაზე „ცოტნე დადიანი და შოთა რუსთაველი“. ღონისძიებას საქართველოს პარლამენტის წევრები ირაკლი (დაჩი) ბერაია და გიგა ბუკია, სამეგრელო-ზემო სვანეთის სახელმწიფო რწმუნებული ალქსანდრე მოწერელია, ხობის მუნიციპალიტეტის საკრებულოს თავმჯდომარე ედიშერ ჯობავა და მერი გოჩა ქაჯაია ადგილობრივი ხელისუფლების სხვა წარმომადგენლებთან და მოწვეულ სტუმრებთან ერთად ესწრებოდნენ.

<<
<
42
43
44
45
46
47
48
49
50
51
52
53
54
55
56
57
58
59
60
61
62
63
64
65
66
67
68
69
70
71
72
...
>
>>