ხობის მუნიციპალიტეტის საკრებულო

სიახლეები

მარტი 21, 2016

სასკოლო სპორტული ოლიმპიადა კროსში

21 მარტს გაიმართა ხობის მუნიციპალიტეტის საჯარო სკოლებს შორის სასკოლო სპორტული ოლიმპიადა კროსში, რომელიც ხობის მუნიციპალიტეტის გამგეობა-საკრებულოსა და ხობის საგანმანათლებლო რესურსცენტრის ორგანიზებით ჩატარდა. შეჯიბრში გოგონათა 12 ხოლო ჭაბუკთა 15 გუნდი იღებდა მონაწილეობას. თითოეულ საჯარო სკოლის გუნდში ირიცხებოდა 3 მონაწილე, ( 2 ძირითადი და 1 სათადარიგო). გოგონები 800 მეტრ ხოლო ჭაბუკები 1000 მეტრ მანძილზე ასპარეზობდნენ, გამარჯვებულად ითვლებოდა ის გუნდი რომლის ერთ-ერთი წევრი პირველი გადაკვეთდა ფინიშის ხაზს. გოგონათა შორის პირველი ადგილი ქ. ხობის N1 საჯარო სკოლის გუნდმა მოიპოვა, ხოლო ჭაბუკთა შორის პირველ ადგილზე ქვემო ქვალონის საჯარო სკოლის გუნდი გავიდა. გამარჯვებული სკოლის გუნდები რეგიონალურ ტურნირში მიიღებენ მონაწილეობას.
ტურნირს ხობის მუნიციპალიტეტის საკრებულოს თავმჯდომარე ედიშერ ჯობავა გამგებელი გოჩა ქაჯაია და გამგებლის მოადგილე მახარე ჩოკორაია ხელისუფლების სხვა წარმომადგენლებთან ერთად დაესწრნენ.
გამარჯვებული გუნდები სიგელებით, თასებითა და სამახსოვრო საჩუქრებით დაჯილდოვდნენ, ხოლო ჩემპიონებისთვის თასები საქართველოს პარლამენტის წევრმა ხობის მაჟორიტარმა დეპუტატმა გოდერძი ბუკიამ დააწესა.

მარტი 21, 2016

გილოცავთ ნოვრუზ-ბაირამის დღესასწაულს

ხობის მუნიციპალიტეტის საკრებულოს თავმჯდომარე ედიშერ ჯობავა ნოვრუზ-ბაირამის დღესასწაულს ულოცავს ჩვენს მუნიციპალიტეტში მცხოვრებ და მოღვაწე ეთნიკური უმცირესობის წევრებს და აღნიშნავს: „მეგობრებო, გილოცავთ ამ უდიდეს დღესასწაულს, პირველ რიგში ჩვენ გვაერთიანებს ჩვენი საერთო ქვეყნის - საქართველოს სიყვარული, რომელსაც ერთად ვაშენებთ, დასაფასებელია ის შრომა, რასაც თქვენ ხობის მუნიციპალიტეტის განვითარებისთვის აკეთებთ. კიდევ ერთხელ გილოცავთ და გისურვებთ დღეგრძელობასა და ჯანმრთელობას“.

მარტი 21, 2016

მეგობრები არ ითვლიან ქრომოსომებს

"მეგობრები არ ითვლიან ქრომოსომებს" - ამ სლოგანით ხობის მუნიციპალიტეტის საკრებულოს თავმჯდომარე ედიშერ ჯობავა, ბიუროს წევრებთან და საკრებულოს აპარატის თანამშრომლებთან ერთად დაუნის სინდრომის მსოფლიო დღეს შეუერთდა,

მარტი 21, 2016

გილოცავთ ქართული ჟურნალისტიკის დღეს

დღეს, 21 მარტს, ქართული ჟურნალისტიკის დღე აღინიშნება. ქართული ჟურნალისტიკის დღე საქართველოს ჟურნალისტთა ფედერაციამ და თბილისის სახელმწიფო უნივერსიტეტმა 1993 წელს ერთობლივად დააწესეს.
ხობის მუნიციპალიტეტის საკრებულო საქართველოში მომუშავე ყველა ჟურნალისტს ულოცავს ქართული ჟურნალისტიკის დღეს.

მარტი 16, 2016

ანგარიშების მოსმენა გრძელდება

16 მარტს სამუშაო გრაფიკის შესაბამისად ხობის მუნიციპალიტეტის საკრებულოს სხდომათა დარბაზში საკრებულოს კომისიების მხრიდან მოსმენილ იქნა გამგეობის სამსახურების და ადგილობრივი თვითმმართველობის იურიდიული პირების მიერ 2015 წელს გაწეული საქმიანობის შესახებ ანგარიშები. გამგეობის კულტურის, განათლების, სპორტის, ძეგლთა დაცვისა და ახალგაზრდულ საქმეთა სამსახურმა და მის კოორდინირების ქვეშ მყოფმა იურიდიული პირების ხელმძღვანელებმა ისაუბრეს გაწეულ საქმიანობაზე და განხორციელებულ პროექტებზე. თავის მხრივ კომისიის წევრების მხრიდან იმ პრობლემურ საკითხებზე, რაც ამ დარგში არსებობს დაისვა მწვავე კითხვები. კერძოდ, როგორც საკრებულოს წევრებმა აღნიშნეს სოფლად არსებული ბიბლიოთეკები თითქმის არ მუშაობს, არ ხდება იმ რესურსის სწორად გამოყენება, რაც დღეის მდგომარეობით არსებობს საქართველოში. ასევე ისაუბრეს იურიდიულ პირებში დასაქმებული კადრების გადამზადებაზე, რათა უფრო მოქნილი და საინტერესო გახდეს ბიბლიოთეკის ფუნქცია და რაც მთავარია მოხდეს მკითხველის დაინტერესება, ჩატარდეს სხვადასხვა სახის ღონისძიებები, მოხდეს პრეზენტაციები და მოეწყოს ლიტერატურული საღამოები, ასევე სხვა ღონისძიებები. რაც შეეხება სხვა ადგილობრივ იურიდიულ პირებს, კომისიის წევრებმა აღნიშნეს რომ აიპიებში მომუშავე ბუღალტრები აუცილებელია ფლობდნენ თანამედროვე ელექტრონულ საბუღალტრო პროგრამებს, რათა გაუადვილდეთ მუშაობა. რაც შეეხება კულტურის დარგს უმრავლესობის აზრით აუცილებელია შეიქმნას საკოორდინაციო საბჭო, რომელიც რეკომენდაციას გასწევს გამგებლის წინაშე ყველა დაგეგმილ და გასამართ ღონისძიებაზე და პასუხისმგებელი იქნება მის ხარისხზე. კომისიის წევრებმა ასევე აღნიშნეს, რომ აუცილებელია საინფორმაციო სამსახურებისთვის ინფორმაციის დროული მიწოდება დაგეგმილი ღონისძიების შესახებ, რათა მუნიციპალიტეტის მოსახლეობას ჰქონდეს ინფორმაცია ყოველივე ზემო აღნიშნულზე. საკრებულოს სოციალურ საკითხთა კომისიის თავმჯდომარის დ. გაბუნიას წინადადების საფუძველზე სამსახურის მუშაობა კომისიის მიერ დამაკმაყოფილებლად შეფასდა და მიეცა რეკომენდაცია ხარვეზების აღმოფხვრის მიზნით.
ერთწლიანი მუშაობის ანგარიში საკრებულოს კომისიისა და ბიუროს წევრებს ასევე წარუდგინა გამგეობის შიდა აუდიტისა და კონტროლის სამსახურმა. როგორც სამსახურის უფროსმა მინდია ნაჭყებიამ აღნიშნა, მის დაქვემდებარებაში მომუშავე ყველა პირი დროულად და კანონის სრული დაცვით პირნათლად ახორციელებს მასზე დაკისრებულ უფლება-მოვალეობას, თუმცა ამ კუთხით შენიშვნები კომისიის მხრიდანაც დაისვა. ძირითადად საუბარი შეეხო საჯარო სამსახურში საჯარო მოხელეთა და ადგილობრივი თვითმმართველობის იურიდიულ პირებში დასაქმებული პირების მხრიდან სამსახურებში დროულად გამოცხადებასა და სისტემატურ გაცდენებს და სამსახურს მიეცა რეკომენდაცია მსგავსი სახის გადაცდომების აღკვეთის მიზნით შესაბამისი რეაგირების შესახებ. საბოლოოდ გამგეობის შიდა აუდიტისა და კონტროლის სამსახურის მუშაობა კომისიის მიერ დამაკმაყოფილებლად შეფასდა.

მარტი 15, 2016

ხობის „კოლხეთმა“ ტყიბულის„მეშახტეს“ უმასპინძლა

15 მარტს ხობის ცენტრალურ სტადიონზე საქართველოს XXVII ეროვნული ჩემპიონატის მეორე წრის მორიგი კალენდარული მატჩი გაიმართა, სადაც ერთმანეთს ხობის „კოლხეთი“ და ტყიბულის „მეშახტე“ დაუპირისპირდნენ. შეხვედრა „კოლხეთის “ გამარჯვებით ანგარიშთ 2-0 დასრულდა.

მარტი 15, 2016

ანგარიშების მოსმენა გრძელდება

15 მარტს ხობის მუნიციპალიტეტის საკრებულოს სხდომათა დარბაზში საკრებულოს კომისიების მხრიდან გაიმართა გამგეობის სამსახურების და ადგილობრივი თვითმმართველობის იურიდიული პირების ანგარიშების მოსმენა. გამგეობის ეკონომიკური განვითარებისა და პროგრამების მართვის სამსახურმა და შპს „ხობი დასუფთავება და განათებამ“ ერთწლიანი მუშაობის ანგარიში წარუდგინა შესაბამის კომისიას და ბიუროს წევრებს, სადაც ისაუბრეს სამსახურის მიერ გაწეულ საქმიანობაზე და განხორციელებულ პროექტებზე. თავის მხრივ კომისიის წევრების მხრიდან დაისვა პრობლემური საკითხები კერძოდ, ქალაქის მოწესრიგება-დასუფთავებაზე, მსხვილფეხა პირუტყვის პრობლემისა და ქალაქში არსებული მოუვლელი სასაფლაოების არსებობის შესახებ. რეკომენდაცია გაეწია გამგეობის სამსახურს გამოიყოს სპეციალური მუშა ჯგუფი და მოხდეს არსებული პრობლემის დროულად მოგვარება. საბოლოოდ ზემოთხსენებული სამსახურის მუშაობა კომისიის წევრების მხრიდან დამაკმაყოფილებლად შეფასდა.
ერთწლიანი მუშაობის ანგარიში ასევე საკრებულოს კომისიისა და ბიუროს წევრებს წარუდგინა გამგეობის საფინანსო-საბიუჯეტო სამსახურმა, როგორც სამსახურის უფროსმა დავით ჭოჭუამ აღნიშნა საფინანსო-საბიუჯეტო სამსახური კანონის სრული დაცვით, დროულად რეაგირებს და ახორციელებს მასზე დაკისრებულ სამუშაოებს. მისი განცხადებით დროულად მოხდა 2016 წლის ბიუჯეტის პროექტის საკრებულოზე წარმოდგენა, მისი განხილვა და შესაბამისად 2016 წლის ბიუჯეტის დამტკიცება. ამ ეტაპზე მიმდინარეობს 2017 წლის ადგილობრივი ბიუჯეტის დაგეგმარება, რისთვისაც შექმნილია სპეციალური კომისია და მიმდინარეობს აქტიური მუშაობა ამ საკითხთან დაკავშირებით. საფინანსო-საბიუჯეტო სამსახურის მუშაობა კომისიის მიერ დადებითად შეფასდა.
ერთწლიანი მუშაობის ანგარიში საკრებულოს კომისიისა და ბიუროს წევრებს წარუდგინ აგამგეობის ინფრასტრუქტურის, ურბანული განვითარებისა და არქიტექტურის სამსახურმა, როგორ სამსახურის უფროსმა ზაზა ბუკიამ აღნიშნა ხობის მუნიციპალიტეტი თანხების ათვისების კუთხით ერთ-ერთი მოწინავეა და ვადების დაცვით ხორციელდება პროექტების განხორციელება. კომისიის წევრების მხრიდან დაისვა საკითხი ქალაქში არსებული მაწანწალა ძაღლების გაყვანა გარიდების თაობაზე, ასევე ისაუბრეს ქალაქში არსებული სოკოების მოწესრიგებაზე, საუბარი ეხება ავტოსადგურის მიმდებარე ტერიტორიაზე არსებულ წყლის სოკოს სადაც წყალი იღვრება და წარმოიქმება ანტისანიტარული მდგომარება. კომისიის წევრებმა მოუწოდეს სამსახურის წარმომადგენლებს რაც შეიძლება ახლო ხანებში მოხდეს არსებული პრობლემის გადაჭრა. საბოლოოდ ურბანული განვითარებისა და არქიტექტურის სამსახურის მუშაობა კომისიის მიერ დადებითად შეფასდა. ერთწლიანი მუშაობის ანგარიშით წარსდგა კომისიისა და ბიუროს წევრების წინაშე გამგეობის წვევამდელთა, რეზერვისტთა, სამხედრო აღრიცხვის, გაწვევის და მობილიზაციის სამსახურის უფროსი ზაზა კუპრეიშვილი, რომელმაც დეტალურად გააცნო კომისიას სამსახურის მუშაობა, რომელიც კომისიამ დადებითად შეაფასა.
გამგეობის სამსახურების და ადგილობრივი თვითმმართველობის იურიდიული პირების ანგარიშების მოსმენა კვლავ გრძელდება, 16 მარტს იგეგმება გამგეობის კულტურის, განათლების, სპორტის, ძეგლთა დაცვისა და ახალგაზრდულ საქმეთა სამსახურისა და გამგეობის შიდა აუდიტისა და კონტროლის სამსახურების მოსმენა.

მარტი 14, 2016

ნორჩ მოჭადრაკეთა მორიგი წარმატება

4-13 მარტს ქ. ფოთში ჩატარდა საქართველოს ჩემპიონატი ჭადრაკში ( I ლიგა დასავლეთის ზონა) 8,10,12 წლის გოგონათა და ჭაბუკთა შორის, სადაც გათამაშდა საქართველოს ჩემპიონატის უმაღლესი ლიგის საგზურები.

ჩემპიონატში განათლების ცენტრის სასპორტო სკოლის ჭადრაკის ჯგუფის მოსწავლეები იღებდნენ მონაწილეობას. აღსანიშნავია
პირველი მაისის საჯარო სკოლის მოსწავლის ნიკა ბუკიას მიღწევები, მან დაუმარცხებლად 9 შესაძლებლობიდან 7,5 ქულით დამსახურებულად დაიკავა პირველი ადგილი.
ტურნირში ასევე ასპარეზობდა ხობის N2 საჯარო სკოლის მოსწავლე ლიკა ჭანტურია, რომელმაც მესამე საპრიზო ადგილი მოიპოვა.
8 წლიან გოგონათა შორის კი გამოირჩეოდა N2 საჯარო სკოლის მოსწავლე თამარ თუთბერიძე.... სამივე კონკურსანტმა საკმაოდ წარმატებით იასპარეზეს და თბილისში მსოფლიო და ევროპის ჩემპიონატის შესარჩევი ტურნირის საგზურები მოიპოვეს. ტურნირში გამარჯვებულები შასაბამისი ხარისხის თასებით მედლებითა და დიპლომებით დაჯილდოვდნენ

მარტი 14, 2016

სასკოლო სპორტული ოლიმპიადა კალათბურთში დასრულდა

14 მარტს დასრულდა ხობის მუნიციპალიტეტის საჯარო სკოლებს შორის სასკოლო სპორტული ოლიმპიადა კალათბურთში. ტურნირი ხობის მუნიციპალიტეტის გამგეობა-საკრებულოს ორგანიზებით ჩატარდა. შეჯიბრში გოგონათა ოთხი, ხოლო ჭაბუკთა ათი გუნდი იღებდა მონაწილეობას. ფინალურ შეხვედრაში გოგონათა შორის ერთმანეთს ახალი ახალი ხიბულისა და პირველი საჯარო სკოლის მოსწავლეთა გუნდები შეხვდნენ, სადაც პირველი ადგილი და რეგიონალურ ასპარეზობაზე მონაწილეობის უფლება ხობის პირველმა საჯარო სკოლის გუნდმა მოიპოვა. ჭაბუკთა შორის მეორე ადგილზე ხეთის საჯარო სკოლის გუნდი გავიდა, ხოლო პირველი ადგილი და რეგიონალურ ასპარეზობაზე მონაწილეობის უფლება ახალი ხიბულის საჯარო სკოლის გუნდმა მოიპოვა.
ტურნირს ხობის მუნიციპალიტეტის საკრებულოს თავმჯდომარე ედიშერ ჯობავა და გამგებლის მოადგილე მახარე ჩოკორაია ხელისუფლების სხვა წარმომადგენლებთან ერთად დაესწრო.
გამარჯვებული გუნდები სიგელებით, თასებითა და სამახსოვრო საჩუქრებით დაჯილდოვდნენ, ხოლო ჩემპიონებისთვის თასები საქართველოს პარლამენტის წევრმა ხობის მაჟორიტარმა დეპუტატმა გოდერძი ბუკიამ დააწესა.

მარტი 12, 2016

ანრი ჯგერენაიას სახელობის ტურნირი ჭადრაკში

12 მარტს, ქ. ხობში საჭადრაკო კლუბ „ლაზი ერში“, ტრაგიკულად დაღუპული 11 წლის ანრი ჯგერენაიას სახელობის რიგით მეორე ტურნირი ჭადრაკში გაიმართა. ტურნირი, რომელიც საჭადრაკო კლუბი „ლაზი ერის“ წარმომადგენლების ორგანიზებით ჩატარდა, 10 მოჭადრაკე მონაწილეობდა. ორგანიზატორების განცხადებით ტურნირს ტრადციული ხასიათი ექნება და ყოველ წელს გაიმართება.
ტურნირს გამგეობის კულტურის, განათლების, სპორტის, ძეგლთა დაცვისა და ახალგაზრდულ საქმეთა სამსახურის სპორტისა და ახალგაზრდულ საქმეთა განყოფილების უფროსი ნინა ბუკია, მთავარი სპეციალისტი სპორტის საკითხებში ლევან ლემონჯავა და მაჟორიტარი დეპუტატის ბიუროს ხელმძღვანელი რევაზ წულაია ესწრებოდნენ.
ტურნირში მესამე საპრიზო ადგილი დაიკავა ზურაბ ბებურიამ, მეორე ადგილზე ბადრი ლომაია გავიდა, ხოლო გამარჯვებული გახდა ყველაზე ახალგაზრდა მოჭადრაკე ირაკლი გოგენია. გამარჯვებული და პრიზიორი მოჭადრაკეები სიგელებით, თასებით და სამახსოვრო საჩუქრებით დაჯილდოვდნენ.

მარტი 12, 2016

ტრენინგი ონკოლოგიის საკითხებზე

12 მარტს ხობის მუნიციპალიტეტის გამგეობაში ხობის მუნიციპალიტეტის სოფლის პირველადი ჯანდაცვის პროფესიონალებისთვის, ონკოლოგიის საკითხებზე ჩეხეთის რესპუბლიკის კარიტასის ონკოპრევენციის ცენტრმა და არასამთავრობო ორგანიზაცია „თანადგომამ“ ერთობლივი თანადგომით ტრენინგები დაიწყო.
ღონისძიებები ტარდება პროექტის ფარგლებში "ოჯახის ექიმთა ცოდნის გაუმჯობესება ონკოლოგიის საკითხების შესახებ", რომლის ფინანსურ მხარდაჭერას უზრუნველყოს ჩეხეთის რესპუბლიკის განვითარების სააგენტო.
პროექტის მიზანია საქართველოში ონკოპრევენციული ღონისძიებების გაძლიერება პირველადი ჯანდაცვის პროფესიონალთა ჩართულობის და ონკოლოგიური დაავადებების მართვაში და ასევე, დაავადების შესახებ მოსახლეობის ცოდნის გაუმჯობესების გზით სტიგმის დაძლევა. შესაბამისად პროექტი ეფუძნება მრავალმხრივ მიდგომას და მოიცავს, როგორც სამედიცინო პერსონალის ცოდნის გაუმჯობესებას ონკოლოგიის შესახებ, ასევე მოსახლეობის განათლებას ონკოლოგიური დაავადებების, ჯანსაღი ცხოვრების წესისა და პრვენციის, სკრნინიგის პროგრამების შესახებ.
ტრენინგებს უძღვებოდნენ ონკოპრევენციის ცენტრის ექსპერტები/ტრენერები იოსებ აბესაძე და რემა ღვამიჩავა, რომლებიც საუბრობდნენ ონკოლოგიური დაავადებების პრევენციასა და ადრეული გამოვლენაზე, საქართველოში არსებული სკრინინგის პროგრამებზე და სხვა მნიშვნელოვან საკითხებზე.
ტრენინგებზე მოწვეული იყვნენ ჩეხი ექსპერტები ონკოლოგი ლუბომირ სკოპალი და ოჯახის ექიმი მარია სკოპალოვა, რომლებიც ქართველ ექსპერტებთან ერთად შეხვედრის მონაწილეებს გაუზიარეს ჩეხური გამოცდილება ონკოლოგიის სფეროში და ისაუბრეს ისეთ თემებზე, როგორიც არის ყველაზე გავრცელებული ონკოლოგიური დაავადებები და მკურნალობის მეთოდები.
ტრენინგი სამ ეტაპიანია და დასრულდა რეაბილიტაციისა და პალიატიური მზრუნველობის თემებით, რომელსაც წარმოადგენდნენ ქართველი ექსპერტები.

მარტი 11, 2016

მიმდინარეობს სოფლის მხარდაჭერის პროგრამის ფარგლებში შეხვედრები

საქართველოს მთავრობამ სოფლის მხარდაჭერის 2016 წლის პროგრამა დაამტკიცა. პროგრამის განსახორციელებლად 2016 წლის სახელმწიფო ბიუჯეტიდან სულ 50 მილიონი ლარია გამოყოფილი. თითოეული მუნიციპალიტეტისათვის გამოსაყოფი თანხის გაანგარიშებას საქართველოს რეგიონული განვითარებისა და ინფრასტრუქტურის სამინისტრო მოსახლეობის რაოდენობაზე დაყრდნობით ახორციელებს.
პროგრამის მიხედვით, 1-დან 200 სულის ჩათვლით დასახლებისათვის 4 000 ლარია გათვალისწინებული, 201-დან 400 სულის ჩათვლით დასახლებისათვის – 5 000 ლარი, 401-დან 1 000 სულის ჩათვლით დასახლებისათვის – 8 000 ლარი, 1 000-ზე მეტსულიანი დასახლებისათვის კი – 12 000 ლარი.

ხობის მუნიციპალიტეტისთვის წელს ინფრასტრუქტურის სამინისტროს მიერ „სოფლის მხარდაჭერის პროგრამის“ ფარგლებში 848 311 ათასი ლარი გამოიყო. საერთო ინტერესების გათვალისწინებით, პროგრამა რამდენიმე დასახლებისათვის გამოყოფილი თანხის გაერთიანებასაც ითვალისწინებს. პროგრამის მიმდინარეობისა და შესრულების მონიტორინგს რეგიონული განვითარებისა და ინფრასტრუქტურის სამინისტრო განახორციელებს. კვირის განმავლობაში ხობის მუნიციპალიტეტის საკრებულოს თავმჯდომარე ედიშერ ჯობავა, გამგებლის პირველი მოადგილე ვარაზ გაბედავა, საკრებულოს საფინანსო-სარევიზიო
კომისიის თავმჯდომარე ტარიელ ალექსანდრია, საკრებულოს ეკონომიკური განვითარების საკითხთა კომისიის თავმჯდომარე გოჩა სიჭინავა და გამგეობის ინფრასტრუქტურის, ურბანული განვითარებისა და არქიტექტურის სამსახურის უფროსი ზაზა ბუკია ოცდაერთივე ადმინისტრაციულ ერთეულში მოსახლეობას შეხვდნენ, „სოფლის მხარდაჭერის პროგრამით“ გათვალისწინებული პირობები გააცნეს და მათი პრობლემები მოისმინეს.
ამის პარალელურად საკრებულოში საკრებულოს კომისიების მხრიდან მიმდინარეობს გამგეობის სამსახურების და ადგილობრივი თვითმმართველობის იურიდიული პირების ანგარიშების მოსმენაც. საბოლოო შემაჯამებელ ანგარიშს საკრებულოს ხობის მუნიციპალიტეტის გამგებელი გოჩა ქაჯაია წარუდგენს.

მარტი 10, 2016

რეგიონალური კონფერენცია გრიგოლეთში

10 მარტს არასამთავრობო ორგანიზაცია - გარემოს დაცვისა და მდგრადი განვითარების ასოციაცია „მწვანე მომავალმა“ გრიგოლეთში რეგიონალური კონფერენცია ჩაატარა.
კონფერენციის მიზანი იყო სამოქალაქო საზოგადოების წარმომადგენლებისა და სამთავრობო სტრუქტურების შესაძლებლობების გაზრდა ერთობლივი დიალოგისა და თანამშრომლობის ხელშეწყობის გზით, ენერგეტიკული პოლიტიკის გაუმჯობესების სფეროში, მდგრად ენერგო ალტერნატივებზე ფოკუსირებით.
კონფერენციაზე საუბარი შეეხო გარემოსდაცვითი მმართველობისა და ალტერნატიული ენერგიების გამოყენების პერსპექტივებზე და შესაძლებლობებზე, სამეგრელოს რეგიონში, ხობის მუნიციპალიტეტისათვის შემუშავებული სარეკომენდაციო დოკუმენტის მაგალითზე. ასევე გაწეული საქმიანობის და პროექტის ფარგლებში მომზადებული სარეკომენდაციო დოკუმენტების წარდგენა სამთავრობო და სამოქალაქო სექტორის წარმომადგენლებისადმი.
კონფერენციის მუშაობაში მონაწილეობდნენ სამეგრელოს რეგიონის მუნიციპალიტეტების გამგებლები და საკრებულოების თავმჯდომარეები, შესაბამისი სამსახურების წარმომადგენლები, მოწვეული სტუმრები, პროექტის დონორი ორგანიზაციის წარმომადგენლები, დაინტერესებული პირები, ადგილობრივი მედია-საშუალებების ჟურნალისტები.
რეგიონალურ კონფერენციას ხობის მუნიციპალიტეტიდან ხობის მუნიციპალიტეტის საკრებულოს თავმჯდომარე ედიშერ ჯობავა, გამგებლის მოადგილე მახარე ჩოკორაია, გამგეობის ეკონომიკური განვითარებისა და პროგრამების მართვის სამსახურის უფროსი ანტონ ვარდია, გამგებლის წარმომადგენელი ქარიატის ადმინისტრაციულ ერთეულში ირაკლი ბერაია და გამგეობის მედიასთან ურთიერთობისა და საინფორმაციო უზრუნველყოფის საკითხებში მთავარი სპეციალისტი ირინე ფილიპია ესწრებოდნენ, კონფერენციის მსვლელობისას სიტყვით გამოვიდა ხობის მუნიციპალიტეტის საკრებულოს თავმჯდომარე ედიშერ ჯობავა რომელმაც შეაფასა კონფერენცია და ისაუბრა მის მნიშვნელობაზე.

მარტი 8, 2016

ქალთა საერთაშორისო დღე საჯარო მოხელე ქალბატონებს მიულოცეს

ქალთა საერთაშორისო დღესთან დაკავშირებით საჯარო მოსამსახურეთა პროფკავშირების ხობის რაიონული ორგანიზაციის ორგანიზებით, ხობის მუნიციპალიტეტის საკრებულოს თავმჯდომარე ედიშერ ჯობავა, გამგებელი გოჩა ქაჯაია, გამგებლის მოადგილე ვარაზ გაბედავა გამგეობის სამსახურის უფროსებთან ერთად გამგეობის სააქტო დარბაზში მუნიციპალიტეტის გამგეობის საჯარო მოხელე ქალბატონებს შეხვდნენ, 8 მარტი მიულოცეს და საჩუქრად ყვავილები გადასცეს. საკრებულოს ბიუროსა და აპარატში მოსამსახურე ქალბატონებს ასევე ყვავილები გადასცეს საკრებულოს აპარატის უფროსმა და აპარატის კოლეგა მამაკაცებმა, მათ კიდევ ერთხელ მიულოცეს 8 მარტი ქალბატონებს და ლამაზ დღეთა სიმრავლე უსურვეს.

მარტი 8, 2016

გილოცავთ ქალთა საერთაშორისო დღეს 8 მარტს

ხობის მუნიციპალიტეტის საკრებულო ქალბატონებს გილოცავთ ქალთა საერთაშორისო დღეს 8 მარტს.გისურვებთ ჯანმრთელობას, ბედნიერებას, ულევ სიხარულს, სიყვარულს და სილამაზეს!

<<
<
107
108
109
110
111
112
113
114
115
116
117
118
119
120
121
122
123
124
125
126
127
128
129
130
131
132
133
134
135
136
137
...
>
>>