ხობის მუნიციპალიტეტის საკრებულო

სიახლეები

აპრილი 9, 2016

9 აპრილი - უდიდესი ტკივილისა და სიხარულის დღე

9 აპრილი, როგორც უდიდესი ტკივილისა და სიხარულის დღე ხობის მუნიციპალიტეტში პროგრამის მიხედვით სხვადასხვა ადგილას აღინიშნა. 1989 წლის 9 აპრილის მშვიდობიანი საპროტესტო აქციის დროს, საქართველოს დამოუკიდებლობის აღდგენის მიზნით, რუსთაველის ქუჩაზე შეკრებილი მანიფესტანტები საბჭოთა ხელისუფლებამ დაარბია და ათობით ადამიანი დახოცა. ამ დღესთან დაკავშირებით ხობის მუნიციპალიტეტის საკრებულოს თავმჯდომარემ ედიშერ ჯობავამ, გამგებელმა გოჩა ქაჯაიამ და ადგილობრივი ხელისუფლების სხვა წარმომადგენლებმა ყვავილებით შეამკეს 9 აპრილის მემორიალი და პატივი მიაგეს დაღუპულ გმირთა ხსოვნას. მემორიალთან საერო სკოლა „არეას“ მოსწავლეებმა საზოგადოებას წარმოუდგინეს მხატვრულ-ლიტერატურული კომპოზიცია - ,,სამშობლოს შეწირულნი“, რის შემდეგაც ხობის სამების სახელობის ეკლესიაში სამშობლოს ერთიანობისთვის, დაღუპულ მამულიშვილთა სულის მოსახსენიებელი პარაკლისი აღავლინა დეკანოზმა მამა კირიონმა.
ღონისძიების ფარგლებში მსვლელობა მოეწყო ხეთის ადმინისტრაციულ ერთეულში 9 აპრილს დაღუპული „ნათია ბაშალეიშვილის სახელობის წყაროსთან, სადაც მოსწავლე-ახალგაზრდობის მიერ შესრულადა ლიტერატურული კომპოზიცია - ,,აპრილის გმირი დედულეთში“.

აპრილი 7, 2016

გილოცავთ ხარებას

ხარება არის ერთ-ერთი უდიდესი საუფლო დღესასწაული, რომელსაც წმიდა ეკლესია 25 მარტს (ახ. სტილით 7 აპრილს) აღნიშნავს. ამ დღეს ყოვლადწმიდა მარიამთან ერთად მთელ კაცობრიობას ეუწყა, რომ სახიერმა ღმერთმა ადამიანი სიკვდილისა და ცოდვის სამუდამო ტყვეობისათვის ვერ გაიმეტა და ეშმაკის მონობისაგან მისი გამოხსნა გადაწყვიტა. ეს დღე არის დასაბამი „ჩვენი ცხონებისა და გამოჩინება საუკუნოითგან დამალულისა საიდუმლოისა“.
ღვთისმშობელო ქალწულო, გიხაროდენ, მიმადლებულო მარიამ, უფალი შენთანა, კურთხეულ ხარ შენ დედათა შორის და კურთხეულ არს ნაყოფი მუცლისა შენისა, რამეთუ მაცხოვარი გვიშევ სულთა ჩვენთა.
ხობის მუნიციპალიტეტის საკრებულო გილოცავთ ხარებას, მრავალს დაგასწროთ უფალმა!

აპრილი 6, 2016

ანრი ჯგერენაიას სახელობის ტურნირი ფეხბურთში

6 აპრილს, ნოდარ შენგელიას სახელობის სტადიონზე სტარტი აიღო ანრი ჯგერენაიას სახელობის ტურნირმა მინი ფეხბურთში. შეჯიბრებაში ხობის მუნიციპალიტეტის თორმეტი საჯარო სკოლის 2004-2005 წლებში დაბადებულ ბიჭუნათა გუნდი მონაწილეობს. ტურნირი ჯგუფური ეტაპის პრინციპით ტარდება და I-II ადგილზე გასული გუნდები ნახევარფინალში შეხვდებიან ერთმანეთს. ფინალური შეხვედრები 12 აპრილს გაიმართება.
ღონისძიების გახსნის ცერემონიალში ხობის მუნიციპალიტეტის საკრებულოს თავმჯდომარე ედიშერ ჯობავა და გამგებლის მოადგილე მახარე ჩოკორაია მონაწილეობდნენ.
სპორტული ღონისძიება ადგილობრივი თვითმმართველობის მხარდაჭერითა და ა(ა)იპ „ხობის მუნიციპალიტეტის საფეხბურთო კლუბ „კოლხეთის“ ორგანიზებით ხორციელდება.

აპრილი 5, 2016

2015 წლის ადგილობრივი ბიუჯეტის შესრულების წლიური ანგარიშის მოსმენა

2016 წლის 29 თებერვალს ხობის მუნიციპალიტეტის საკრებულოს სხდომაზე ხობის მუნიციპალიტეტის გამგეობის საფინანსო-საბიუჯეტო სამსახურის უფროსის დ. ჭოჭუას მიერ წარმოდგენილ იქნა ხობის მუნიციპალიტეტის 2015 წლის ადგილობრივი ბიუჯეტის შესრულების წლიური ანგარიში, რომელიც საკრებულოს მხრიდან შეფასდა დამაკმაყოფილებლად.

აპრილი 4, 2016

კოლხეთი 3:0 ჩხერიმელა

4 აპრილს ხობის ცენტრალურ სტადიონზე საქართველოს XXVII ეროვნული საფეხბურთო ჩემპიონატის მეორე წრის მორიგი კალენდარული მატჩი გაიმართა, სადაც ერთმანეთს ხობის „კოლხეთი“ და ხარაგაულის „ჩხერიმელა“ შეხვდნენ. მატჩი დაძაბულად და საინტერესოდ მიმდინარეობდა, ხობის „კოლხეთის“ ფეხბურთელებმა საგოლე მომენტები ზუსტად გამოიყენეს და საბოლოდ ანგარიში „კოლხეთის“ სასარგებლოდ 3:0 დასრულდა.
თამაშს ხობის მუნიციპალიტეტის საკრებულოს თავმჯდომარე ედიშერ ჯობავა, გამგებლის მოადგილე მახარე ჩოკორაია და ადგილობრივი ხელისუფლების სხვა წარმომადგენლები ესწრებოდნენ.

აპრილი 4, 2016

22 მაისს ყულევის ადმინისტრაციულ ერთეულში შუალედური არჩევნები გაიმართება

საქართველოს ცენტრალური საარჩევნო კომისიის 2016 წლის 22 მარტის N127/2016 წლის განკარგულებით 2016 წლის 22 მაისს სოფელ ყულევის №66.17 ადგილობრივ მაჟორიტარულ საარჩევნო ოლქში დანიშნულია ხობის მუნიციპალიტეტის საკრებულოს შუალედური არჩევნები. საკრებულოს მიერ 2016 წლის 30 მარტს მიღებულ იქნა „ადგილობრივი თვითმმართველობის წარმომადგენლობითი ორგანოს - საკრებულოს 2014 წლის 15 ივნისის არჩევნების სოფელ ყულევის №66.17 ადგილობრივ მაჟორიტარულ საარჩევნო ოლქში 2016 წლის 22 მაისს გასამართ ხობის მუნიციპალიტეტის საკრებულოს შუალედურ არჩევნებთან დაკავშირებით გასატარებელი ღონისძიებების შესახებ“ N30 განკარგულება, რომელიც მიზნად ისახავს სოფელ ყულევის №66.17 ადგილობრივ მაჟორიტარულ საარჩევნო ოლქში წინასაარჩევნო კამპანიის მიმდინარეობის პერიოდში შენობა-ნაგებობების გარე იერსახის დამახინჯებისა და საარჩევნო ატრიბუტიკის შეუფერებელ ადგილებში განთავსების აღკვეთას, ამასთან განისაზღვრება საარჩევნო სუბიექტებისთვის ამომრჩევლებთან შეხვედრების, კრებების, საჯარო დებატებისა და დისკუსიების გასამართად ხობის მუნიციპალიტეტის საკუთრებაში არსებული შენობა-ნაგებობები, ასევე ადგილები, სადაც შესაძლებელი იქნება წინასაარჩევნო აგიტაციისთვის განთავსდეს არჩევნებში მონაწილე საარჩევნო სუბიექტების სარეკლამო პლაკატები და განცხადებები.

მარტი 29, 2016

ბიუროს სხდომა

29 მარტს გაიმართა ხობის მუნიციპალიტეტის საკრებულოს ბიუროს სხდომა, სადაც განხილულ იქნა შემდეგი საკითხები:

1. ხობის მუნიციპალიტეტის საკრებულოს წევრის გ. ქაძანაიას 2016 წლის 26 თებერვლის №95 განცხადების განხილვა (იურიდიულ საკითხთა და ადამიანის უფლებათა დაცვის კომისიაში გაწევრიანების თაობაზე).

(მომხსენებელი: ნ. შუშანია - საკრებულოს სამანდატო-საპროცედურო საკითხთა

კომისიის თავმჯდომარე);

2. ხობის მუნიციპალიტეტის გამგებლის გ. ქაჯაიას 2016 წლის 17 თებერვლის N05/351 და 2016 წლის 17 მარტის N05/621 წერილების განხილვა („ქ. ხობში ცენტრალური სტადიონისთვის პაატა თათარიშვილის სახელის მინიჭების მიზანშეწონილობის თაობაზე“ განკარგულების პროექტის შესახებ).

(მომხსენებელი: გ. სიჭინავა - ეკონომიკური განვითარების საკითხთა

კომისიის თავმჯდომარე);

3. ხობის მუნიციპალიტეტის გამგებლის გ. ქაჯაიას 2016 წლის 17 მარტის N05/623 წერილის განხილვა („ხობის მუნიციპალიტეტის საკუთრებაში არსებული ავტოსატრანსპორტო საშუალების სახელმწიფო საკუთრებაში უსასყიდლოდ გადაცემაზე თანხმობის მიცემის თაობაზე“ განკარგულების პროექტის შესახებ).

(მომხსენებელი: გ. სიჭინავა - ეკონომიკური განვითარების საკითხთა კომისიის თავმჯდომარე);

4. №66 ხობის საოლქო საარჩევნო კომისიის თავმჯდომარის დ. ჯობავას 2016 წლის 23 მარტის №10/2016 წერილის განხილვა ( №66.17 ყულევის თემის ადგილობრივ მაჟორიტარულ საარჩევნო ოლქში 2016 წლის 22 მაისს ხობის მუნიციპალიტეტის საკრებულოს შუალედური არჩევნების თარიღის დანიშვნის თაობაზე).

(მომხსენებელი: ლ. ცატავა - საკრებულოს იურიდიულ საკითხთა და ადამიანის უფლებათა დაცვის კომისიის თავმჯდომარე);

5. საქართველოს ცენტრალური საარჩევნო კომისიის თავმჯდომარის თ. ჟვანიას 2016 წლის 23 მარტის №01-02/630 წერილის განხილვა (№66 ხობის საარჩევნო ოლქის №66.17 ყულევის თემის ადგილობრივ მაჟორიტარულ საარჩევნო ოლქში, 2016 წლის 22 მაისს ხობის მუნიციპალიტეტის საკრებულოს შუალედური არჩევნების გამართვის თაობაზე).

(მომხსენებელი: ლ. ცატავა - საკრებულოს იურიდიულ საკითხთა და ადამიანის უფლებათა დაცვის კომისიის თავმჯდომარე);

6. ხობის მუნიციპალიტეტის გამგეობის შიდა აუდიტისა და კონტროლის სამსახურის მიერ 2015 წელს გაწეული მუშაობის ანგარიში.

(მომხსენებელი: ტ. ალექსანდრია - საფინანსო-სარევიზიო

კომისიის თავმჯდომარე)

7. ხობის მუნიციპალიტეტის გამგებლის გ. ქაჯაიას 2016 წლის 28 მარტის N04/803 წერილის განხილვა („ხობის მუნიციპალიტეტის 2016 წლის ადგილობრივი ბიუჯეტის დამტკიცების შესახებ ხობის მუნიციპალიტეტის საკრებულოს 2015 წლის 25 დეკემბრის №30 დადგენილებაში ცვლილების შეტანის თაობაზე“ განკარგულების პროექტის შესახებ).

(მომხსენებელი: ტ. ალექსანდრია - საკრებულოს საფინანსო-სარევიზიო

კომისიის თავმჯდომარე);

8. ხობის მუნიციპალიტეტის გამგებლის გ. ქაჯაიას 2016 წლის 28 მარტის N05/810 წერილის განხილვა („ადგილობრივი თვითმმართველობის წარმომადგენლობითი ორგანოს - საკრებულოს 2014 წლის 15 ივნისის არჩევნების სოფელ ყულევის №66.17 ადგილობრივ მაჟორიტარულ საარჩევნო ოლქში 2016 წლის 22 მაისს გასამართ ხობის მუნიციპალიტეტის საკრებულოს შუალედურ არჩევნებთან დაკავშირებით გასატარებელი ღონისძიებების შესახებ“ განკარგულების პროექტის თაობაზე).

(მომხსენებელი: ლ. ცატავა - საკრებულოს იურიდიულ საკითხთა და ადამიანის უფლებათა დაცვის კომისიის თავმჯდომარე);

9. ხობის მუნიციპალიტეტის გამგებლის გ. ქაჯაიას 2016 წლის 28 მარტის N05/811 წერილის განხილვა „ხობის მუნიციპალიტეტის გამგეობის შიდა აუდიტისა და კონტროლის სამსახურის დებულების დამტკიცების შესახებ“ ხობის მუნიციპალიტეტის საკრებულოს 2014 წლის 28 ივლისის №25 დადგენილებაში ცვლილების შეტანის თაობაზე“ დადგენილების პროექტისა და „ხობის მუნიციპალიტეტის გამგეობის საშტატო ნუსხის დამტკიცების შესახებ“ ხობის მუნიციპალიტეტის საკრებულოს 2014 წლის 28 ივლისის №52 განკარგულებაში ცვლილების შეტანის თაობაზე“ განკარგულების პროექტის შესახებ).

(მომხსენებელი: ლ. ცატავა - საკრებულოს იურიდიულ საკითხთა და ადამიანის უფლებათა დაცვის კომისიის თავმჯდომარე);

10. ხობის მუნიციპალიტეტის გამგებლის გ. ქაჯაიას 2016 წლის 28 მარტის N03/817 წერილის განხილვა (ხობის მუნიციპალიტეტის გამგეობის მიერ 2015 წელს გაწეული მუშაობის ანგარიშის შესახებ)

(მომხსენებელი: ლ. ცატავა - საკრებულოს იურიდიულ საკითხთა და ადამიანის უფლებათა დაცვის კომისიის თავმჯდომარე);

მარტი 29, 2016

საქართველოს პირველობა ბერძნულ-რომაულ ჭიდაობაში

27-28 მარტს ქ. თბილისის სპორტკომპლექს „არენაში“ ჭაბუკებს შორის საქართველოს პირველობა ბერძნულ-რომაულ ჭიდაობაში გაიმართა. ტურნირზე ა(ა)იპ „ხობის მუნიციპალიტეტის განათლების ცენტრის“ სასპორტო სკოლის მოჭიდავეებმა შემდეგი წარმატებები მოიპოვეს:
ირაკლი ნაკაშია-42 კგ. -მეორე ადგილი
გოგა პერტახია-58 კგ.- მესამე ადგილი
ნიკა ყორშია -63 კგ. -მესამე ადგილი
მწვრთნელები: ბაკურ ბუკია, ალმასხან ხუნჯუა.

მარტი 29, 2016

ბიოგრაფიული რომანის ეკლის გვირგვინი პრეზენტაცია

31 მარტს 12 საათზე, თედო სახოკიას სახელობის ხობის ცენტრალურ ბიბლიოთეკაში გაიმართება როსტომ ჩხეიძის ბიოგრაფიული რომანის „ეკლის გვირგვინი“ პრეზენტაცია, რომელიც რომელიც ავტორმა მიუძღვნა საქართველოს პირველი პრეზიდენტის, ზვიად გამსახურდიას ცხოვრებასა და მოღვაწეობას.

მარტი 28, 2016

განცხადება ხობის მუნიციპალიტეტის საკრებულოს მორიგი სხდომის შესახებ

ხობის მუნიციპალიტეტის საკრებულოს მორიგი სხდომა გაიმართება 2016 წლის 30 მარტს 11:00 საათზე საკრებულოს სხდომათა დარბაზში.

დღის წესრიგი

1. „ხობის მუნიციპალიტეტის 2016 წლის ადგილობრივი ბიუჯეტის დამტკიცების შესახებ“ ხობის მუნიციპალიტეტის საკრებულოს 2015 წლის 25 დეკემბრის №30 დადგენილებაში ცვლილების შეტანის თაობაზე“ დადგენილების პროექტის განხილვა.

(მომხსენებელი: გ. ქაჯაია - მუნიციპალიტეტის გამგებელი

თანამომხსენებელი: დ. ჭოჭუა - გამგეობის საფინანსო-საბიუჯეტო სამსახური);

2. „ხობის მუნიციპალიტეტის გამგეობის შიდა აუდიტისა და კონტროლის სამსახურის დებულების დამტკიცების შესახებ“ ხობის მუნიციპალიტეტის საკრებულოს 2014 წლის 28 ივლისის №25 დადგენილებაში ცვლილების შეტანის თაობაზე“ დადგენილების პროექტის განხილვა.