SAKREBULO OF KHOBI MUNICIPALITY

Home
news

news

June 16, 2016

ბიუროს სხდომა (EN)

16 ივნისს გაიმართა ხობის მუნიციპალიტეტის საკრებულოს ბიუროს სხდომა, სადაც განხილულ იქნა შემდეგი საკითხები:

1. №66 ხობის საოლქო საარჩევნო კომისიის თავმჯდომარის დ. ჯობავას 01.06.2016 წლის №31/2016 წერილის განხილვა (ყულევის თემის №66.17 ადგილობრივ მაჟორიტარულ საარჩევნო ოლქში 2016 წლის 22 მაისს გამართული ხობის მუნიციპალიტეტის საკრებულოს შუალედური არჩევნების შედეგების თაობაზე);
(მომხსენებელი: ნ. შუშანია - საკრებულოს სამანდატო-საპროცედურო საკითხთა
კომისიის თავმჯდომარე);

2. №66 ხობის საოლქო საარჩევნო კომისიის თავმჯდომარის დ. ჯობავას 09.06.2016 წლის №35/16 წერილის განხილვა (საქართველოს ცენტრალური საარჩევნო კომისიის 09/06/2016 წლის №01-02/1176 წერილი საქართველოს პარლამენტის მორიგი არჩევნების დანიშვნის თაობაზე);
(მომხსენებელი: ნ. შუშანია - საკრებულოს სამანდატო-საპროცედურო საკითხთა
კომისიის თავმჯდომარე);

3. ხობის მუნიციპალიტეტის გამგებლის გ. ქაჯაიას 10.06.2016 წლის N04/1385 წერილის განხილვა (ხობის მუნიციპალიტეტის 2016 წლის ადგილობრივი ბიუჯეტის იანვარ - მაისის თვის შესრულების ანგარიშის შესახებ);
(მომხსენებელი: ნ. შუშანია - საკრებულოს სამანდატო-საპროცედურო საკითხთა
კომისიის თავმჯდომარე);

4. ხობის მუნიციპალიტეტის გამგებლის მოვალეობის შემსრულებლის ვ. გაბედავას 14.06.2016 წლის №05/1404 წერილის განხილვა („ხობის მუნიციპალიტეტის ტერიტორიაზე საქართველოს პარლამენტის 2016 წლის 8 ოქტომბრის მორიგ არჩევნებთან დაკავშირებით გასატარებელი ღონისძიებების თაობაზე“ განკარგულების პროექტის შესახებ).
(მომხსენებელი: ლ. ცატავა - საკრებულოს იურიდიულ საკითხთა და ადამიანის უფლებათა დაცვის კომისიის თავმჯდომარე);

June 15, 2016

სამუშაოს ანალიზისა და სამუშაოს აღწერილობის ტრენინგი (EN)

ქალაქ ქობულეთში 13-14 ივნისს საჯარო სამსახურის ბიუროსა და გაეროს განვითარების პროგრამის პროექტის „რეგიონული და ადგილობრივი განვითარების მხარდაჭერა საქართველოში“ ორგანიზებით, ადგილობრივი თვითმმართველობის საჯარო მოხელეებისთვის, გაიმართა სამუშაოს ანალიზისა და სამუშაოს აღწერილობის ტრენინგი. მონაწილეებს ტრენინგის წარმატებით გავლისთვის გადაეცათ სერტიფიკატები.

June 15, 2016

სამუშაოს ანალიზისა და სამუშაოს აღწერილობის ტრენინგი (EN)

ქალაქ ქობულეთში 13-14 ივნისს საჯარო სამსახურის ბიუროსა და გაეროს განვითარების პროგრამის პროექტის „რეგიონული და ადგილობრივი განვითარების მხარდაჭერა საქართველოში“ ორგანიზებით, ადგილობრივი თვითმმართველობის საჯარო მოხელეებისთვის, გაიმართა სამუშაოს ანალიზისა და სამუშაოს აღწერილობის ტრენინგი. მონაწილეებს ტრენინგის წარმატებით გავლისთვის გადაეცათ სერტიფიკატები.

June 15, 2016

ქ. ხობში გურამიშვილის ქუჩის კეთილმოწყობა მიმდინარეობს (EN)

რეგიონში განსახორციელებელი პროექტების ფონდიდან გამოყოფილი თანხითა და ადგილობრივი ბიუჯეტის თანადაფინანსებით ხობის მუნიციპალიტეტში მასშტაბური ინფრასტრუქტურული პროექტები გრძელდება, რომელიც სამეგრელო-ზემო სვანეთის მხარის მხარდაჭერით ხორციელდება.
პროექტის ფარგლებში გურამიშვილის ქუჩაზე მოეწყო ასფალტო ბეტონის გზა, ეზოებში შესასვლელებით, ამ ქუჩაზე ასევე მიმდინარეობს რკინაბეტონის სანიაღვრე არხების მოწყობა. სამუშაოებს შპს „შარაგზამშენი პირველი“ ახორციელებს.
მიმდინარე სამუშაოები ხობის მუნიციპალიტეტის საკრებულოს თავმჯდომარემ ედიშერ ჯობავამ, საკრებულოს ეკონომიკური განვითარების საკითხთა კომისიის თავმჯდომარემ გოჩა სიჭინავამ და ქალაქ ხობის მაჟორიტარმა საკრებულოს წევრმა ლევან ქავთარაძემ დაათვალიერეს.

June 15, 2016

ხობის მუნიციპალიტეტში ხიდების მშენებლობა მიმდინარეობს (EN)

ხობის მუნიციპალიტეტში მასშტაბური ინფრასტრუქტურული პროექტების განხორციელება გრძელდება. საქართველოს სოფლის მეურნეობის სამინისტროს სისტემაში შემავალი შპს „საქართველოს მელიორაციის“ დაკვეთით ჭალადიდის და პატარა ფოთის ადმინისტრაციულ ერთეულებში MD მაგისტრალურ არხზე (8350 გრძივი მეტრი) ხიდების მოწყობა მიმდინარეობს, კერძოდ აშენდება 36 ახალი (მათ შორის: 7 მძიმე ტექნიკის, 20-საავტომობილო, 9-საფეხმავლო) და კაპიტალურად გარემონტდება 9 ხიდი.
სამუშაოების მთლიანი ღირებულება 940 000 ლარია. მიმდინარე სამუშაოები ხობის მუნიციპალიტეტის საკრებულოს თავმჯდომარემ ედიშერ ჯობავამ, საკრებულოს ეკონომიკურ საკითხთა კომისიის თავმჯდომარემ გოჩა სიჭინავამ და საქართველოს სოფლის მეურნეობის სამინისტროს ტერიტორიული ორგანო - ხობის მუნიციპალიტეტის საინფორმაციო-საკონსულტაციო სამსახურის უფროსმა ანგულ მიქავამ დაათვალიერეს.

June 14, 2016

N1 საბავშვო ბაღის ღონისძიება გზა სკოლისაკენ (EN)

14 ივნისს ხობის თედო სახოკიას სახელობის ბიბლიოთეკაში ხობის N1 საბავშვო ბაღის აღსაზრდელებმა საზეიმო ღონისძიება გაიმართეს სახელწოდებით „გზა სკოლისაკენ“. გამოსაშვები ჯგუფის მიერ წარმოდგენილმა „სასკოლო მზაობის პროგრამის“ ფარგლებში შესწავლილმა როლურმა თამაშებმა, შემცნებით-გასართობმა აქტივობებმა და საკონცერტო ნომრებმა მაყურებელთა დიდი მოწონება დაიმსახურა. ღონისძიებას ხობის მუნიციპალიტეტის გამგეობის კულტურის, განათლების, სპორტის, ძეგლთა დაცვისა და ახალგაზრდულ საქმეთა სამსახურის უფროსი როზეტა შულაია და ა(ა)იპ ხობის მუნიციპალიტეტის სკოლამდელი სააღმზრდელო გაერთიანების დირექტორი ელისო კვიკივინია მოწვეულ სტუმრებთან ერთად ესწრებოდნენ. სტუმრებმა აღსაზრდელებს, მასწავლებლებსა და მშობლებს მიულოცეს ეს ღირშესანიშნავი დღე და წარმატებები უსურვეს მათ.

June 13, 2016

13 ივნისის ტრაგედიიდან ერთი წელი გავიდა (EN)

13 ივნისის ტრაგიკული მოვლენებიდან ერთი წელი შესრულდა, თბილისში დატრიალებული ტრაგედიის შედეგად დაღუპული დების ლიზი და ინდირა ზარანდიების ხსოვნას პატივი ხობის მუნიციპალიტეტის საკრებულოს თავმჯდომარემ ედიშერ ჯობავამ, გამგებლის მოადგილეებთან ვარაზ გაბედავასთან, მახარე ჩოკორაიასთან და ადგილობრივი ხელისუფლების სხვა წარმომადგენლებთან ერთად მიაგო.
ხობის წმინდა სამების სახელობის ტაძრის წინამძღვარმა დეკანოზმა კირიონმა (დარსაელიამ) მიცვალებულთა სულის მოსახსენიებელი პანაშვიდი აღავლინა.

June 12, 2016

გილოცავთ პროფესიულ დღეს (EN)

ხობის მუნიციპალიტეტის საკრებულო გილოცავთ, მეხანძრე-მაშველის პროფესიულ დღეს.

June 11, 2016

საფეხბურთო ტურნირში ჯგუფური შეხვედრები გაიმართა (EN)

სამეგრელო-ზემო სვანეთში შემავალი მუნიციპალიტეტების და სამხარეო ადმინისტრაციის სამოყვარულო გუნდების ჯგუფური შეხვედრები დასრულდა. მერვედ ფინალში გუბერნატორის ადმინისტრაციის, ჩხოროწყუს, აბაშის, ფოთის და ხობის გუნდები გავიდნენ. შეხვედრებს სამეგრელო-ზემო სვანეთის გუბერნატორი ლევან შონია და ადგილობრივი ხელისუფლების წარმოდგენლები ესწრებოდნენ.

ტურნირში ერთმანეთს საჯარო მოხლეებისგან დაკომპლექტებული გუნდები შეხვდნენ. ხობის მუნიციპალიტეტი - მარტვილის მუნიციპალიტეტს შეხვდა და ანგარიშით 3-1 გაიმარჯვა.
ჯგუფური შეხვედრები, „ბაიას“ საფეხბურთო ბაზაზე გაიმართა. ტურნირი სამეგრელო-ზემო სვანეთში სახელმწიფო რწმუნებულის - გუბერნატორის ადმინისტრაციის ორგანიზაებით მიმდინარეობს და მისი მიზანია ჯანსაღი ცხოვრების წესის პოპულარიზება. საფეხბურთო ტურნირი „ახალგაზარდობის წლის“ ფარგლებში იმართება. წელს მუნიციპალიტეტის მასშტაბით არაერთი ახალგზარდული ღონისძიებაა დაგეგმილი. 2016 წელი ახალგზარდობის წლად მხარის გუბერნატორმა ლევან შონიამ, მიმდინარე წლის დასაწყისში გამოაცხადა.

June 11, 2016

ანსამბლ რუსთავის კონცერტი (EN)

ხობის მუნიციპალიტეტის ადგილობრივმა ხელისუფლებამ მუნიციპალიტეტის საჯარო სკოლების კურსდამთავრებულებს ულამაზესი საღამო მიუძღვნა და მათი მოწვევით 11 ივნისს ხობის კულტურის სახლის დიდ დარბაზში გაიმართა ანსამბლ „რუსთავის“ კონცერტი ანზორ ერქომაიშვილისა და ფრიდონ სულაბერიძის ხელმძღვანელობით. სცენაზე ტკბილ ქართულ ხალხურ სიმღერებს, ენაცვლებოდა ცეცხლოვანი ქართული ცეკვები, რამაც დარბაზში მყოფ მაყურებელში უდიდესი ემოცია გამოიწვია, რის ნიშნადაც დარბაზში არ წყდებოდა ხანგრძლივი ტაში და ოვაციები.
კონცერტს ესწრებოდნენ ხობის მუნიციპალიტეტის საკრებულოს თავმჯდომარე ედიშერ ჯობავა, გამგებლის პირველი მოადგილე ვარაზ გაბედავა და ადგილობრივი ხელისუფლების სხვა წარმომადგენლები.

June 9, 2016

გილოცავთ ამაღლებას (EN)

ხობის მუნიციპალიტეტის საკრებულო გილოცავთ ამაღლების ბრწყინვალე დღესასწაულს!

June 8, 2016

მემორიალური ტურნირი ჭადრაკში დასრულდა (EN)

8 ივნისს, ქალაქ ხობის კულტურის სახლის ფოიეში დასრულდა, ღვაწლმოსილი პედაგოგის, აკაკი (კაკო) ზარანდიას ხსოვნისადმი მიძღვნილი ,,ხობის მუნიციპალიტეტის განათლების ცენტრის" სასპორტო სკოლის პირველობა ჭადრაკში 8, 10, 12 და 18 წლამდე ასაკის გოგონათა და ჭაბუკთა შორის. ტურნირი შვეიცარიული სისტემით, შვიდ ტურად გაიმართა.
ტურნირის აბსოლუტური ჩემპიონი 5,5 ქულით ნიკა შამუგია გახდა.
8 წლამდე გოგონათა შორის I ადგილი - თამარ თუთბერიძე;
10 წლამდე გოგონათა შორის I ადგილი - ანანო ცხადაია;
12 წლამდე გოგონათა შორის I ადგილი - ლიკა ჭანტურია;

8 წლამდე ბიჭუნათა შორის I ადგილი - ნიკა ჭანტურია;
10 წლამდე ბიჭუნათა შორის I ადგილი - ნიკა ბუკია;
12 წლამდე ბიჭუნათა შორის I ადგილი - სანდრო ბუკია;
16 წლამდე ჭაბუკთა შორის I ადგილი - გიორგი ლატარია;
გამარჯვებულ მოჭადრაკეებს თასები, მედლები და ფასიანი საჩუქრები გადაეცათ.
სპორტული ღონისძიებას, ადგილობრივი თვითმმართველობის წარმომადგენლებთან ერთად ხობის მუნიციპალიტეტის საკრებულოს თავმჯდომარე ედიშერ ჯობავა და გამგებლის პირველი მოადგილე ვარაზ გაბედავა ესწრებოდნენ.
ღონისძიება ადგილობრივი თვითმმართველობის მხარდაჭერითა და ა(ა)იპ „ხობის მუნიციპალიტეტის განათლების ცენტრის" ორგანიზებით განხორციელდა.

June 8, 2016

ხობში სკვერებსა და პარკებში ყვავილები ირგვება (EN)

ადგილობრივი თვითმმართველობის მიერ დაფუძნებული იურიდიული პირი შპს „ხობი დასუფთავება და განათება“ ქალაქ ხობის სკვერებსა და პარკებში სეზონურად მოყვავილე ერთწლოვანი ყვავილების დარგვას ახორციელებს. ქალაქში, ექვსი ათასი ლარის ღირებულების, 12 ათასი ერთეული ნერგი დაირგვება.
გარდა ამისა, „ხობი დასუფთავება და განათების“ თანამშრომლების მიერ, ქალაქის ქუჩებსა და სკვერებში გაფხვიერდა ნიადაგი, გაისხლა დეკორატიულ ხე-მცენარეები და ბუჩქები, ჩატარდა ერთწლოვანი ყვავილების მოვლითი სამუშაოები, მომზადდა ნიადაგი ერთწლოვანი მცენარეების დასარგავად

June 8, 2016

ანსამბლ რუსთავის კონცერტი (EN)

11 ივნისს, ქ. ხობის კულტურის სახლის დიდ დარბაზში გაიმართება ანსამბლ რუსთავის კონცერტი. დასაწყისი 13:00 საათზე.

June 8, 2016

მიწის საკუთრებაში რეგისტრაცია მარტივდება (EN)

იუსტიციის მინისტრმა თეა წულუკიანმა საკანონმდებლო ცვლილებები, რომელთა შედეგადაც მოსახლეობა მიწას ბარიერების გარეშე დაირეგისტრირებს, სამეგრელო-ზემო სვანეთის სამხარეო ადმინისტრაციის წარმომადგენლებს პირადად გააცნო. შეხვედრას, რომელიც ზუგდიდის იუსტიციის სახლში გაიმართა, სამეგრელო-ზემო სვანეთის მხარის მუნიციპალიტეტების გამგებლები და საკრებულოების წარმომადგენლები ესწრებოდნენ. შეხვედრის მიზანი შეკრებილთათვის მიწის რეგისტრაციის პროცედურების გამარტივების შესახებ ამომწურავი ინფორმაციის მიწოდება იყო, რათა მომავალში მათ მოქალაქეებისთვის სათანადო კონსულტაციის გაწევა შეძლონ. შეხვედრას იუსტიციის მინისტრის მოადგილე მიხეილ სარჯველაძე, საჯარო რეესტრის ეროვნული სააგენტოს თავმჯდომარე პაპუნა უგრეხელიძე და სამეგრელო-ზემო სვანეთის მხარის გუბერნატორი ლევან შონია ესწრებოდნენ. იუსტიციის მინისტრის ინიციატივით, მსგავსი ტიპის შეხვედრები საქართველოს ყველა რეგიონში გაიმართება.

<<
<
107
108
109
110
111
112
113
114
115
116
117
118
119
120
121
122
123
124
125
126
127
128
129
130
131
132
133
134
135
136
137
...
>
>>