SAKREBULO OF KHOBI MUNICIPALITY

Home
news

news

September 9, 2015

საკრებულოს ბიუროს სხდომა (EN)

2015 წლის 9 სექტემბერს გაიმართა ხობის მუნიციპალიტეტის საკრებულოს ბიუროს სხდომა, სადაც განხილულ იქნა შემდეგი საკითხები:

1. საქართველოს ცენტრალური საარჩევნო კომისიის თავმჯდომარის თ. ჟვანისას 31 აგვისტოს N01-02/1054 და N66 ხობის საოლქო საარჩევნო კომისიის თავმჯდომარის მ. ლომაიას 1 სექქტემბრის N8/15 წერილების განხილვა (2015 წლის 31 ოქტომბერს დანიშნული ხობის მუნიციპალიტეტის საკრებულოს შუალედური არჩევნების თაობაზე)
(მომხსენებელი: შ. სირაძე - იურიდიულ საკითხთა და ადამიანის უფლებათა დაცვის კომისიის თავმჯდომარე)

2. ხობის მუნიციპალიტეტის საკრებულოს ფრაქცია „თავისუფლების“ თავმჯდომარის რ. გვარამიას (03.09.2015 N260) განცხადების განხილვა (ლაშა გვასალიასთის ფრაქციის წევრობის სტატუსის მოხსნის თაობაზე)
(მომხსენებელი: ნ. შუშანია - სამანდატო-საპროცედურო საკითხთა კომისიის თავმჯდომარე)

3. ხობის მუნიციპალიტეტის გამგებლის გ. ქაჯაიას 2015 წლის 8 სექტემბრის N06/1539 წერილის განხილვა („ადგილობრივი თვითმმართველობის წარმომადგენლობითი ორგანოს - საკრებულოს 2014 წლის 15 ივნისის არჩევნების გურიფულის თემის №66.06 ადგილობრივ მაჟორიტარულ საარჩევნო ოლქში 2015 წლის 31 ოქტომბერს გასამართ ხობის მუნიციპალიტეტის საკრებულოს შუალედურ არჩევნებთან დაკავშირებით გასატარებელი ღონისძიებების შესახებ“ განკარგულების პროექტის თაობაზე)
(მომხსენებელი: შ. სირაძე - იურიდიულ საკითხთა და ადამიანის უფლებათა დაცვის კომისიის თავმჯდომარე)

ხობის მუნიციპალიტეტის საკრებულოს თავმჯდომარის გადაწყვეტილებით საკრებულოს რიგგარეშე სხდომა გაიმართება 2015 წლის 9 სექტემბერს 13:00 საათზე.

September 7, 2015

სახალისო ფეხბურთის ღია სკოლები დაიწყო (EN)

7 სექტემბერს ქალაქ ხობის ცენტრალურ სტადიონზე სტარტი აიღო საერთაშორისო პროექტმა სახელწოდებით "სახალისო ფეხბურთის ღია სკოლების პროგრამა". პროექტის ფარგლებში გამართულ ღონისძიებაში ხობის მუნიციპალიტეტის საჯარო სკოლების 200-მდე მოსწავლე იღებს მონაწილეობას, ქ. ხობის ცენტრალურ სტადიონზე რამდენიმე დღის განმავლობაში სხვადასხვა სპორტული თამაში გაიმართება. "სახალისო ფეხბურთის ღია სკოლების პროგრამა" საქართველოში 2003 წლიდან UEFA-ს ეგიდით ხორციელდება და დიდი და პატარა ქალაქების 8-დან 12 წლამდე ასაკის გოგონებსა და ბიჭებს აერთიანებს. აღნიშნულ პროგრამაში კონფლიქტის ზონიდან დევნილი, შშმ და ძნელად აღსაზრდელი ბავშვებიც იღებენ მონაწილეობას. პროექტის "სახალისო ფეხბურთის ღია სკოლების პროგრამა"-ის ფარგლებში მიმდინარე ღონისძიებებისათვის საორგანიზაციო ხარჯები ხობის მუნიციპალიტეტის ადგილობრივი ბიუჯეტიდან ფინანსდება, ხოლო თამაშის საჭირო ინვენტარით ამარაგებს და უზრუნველყოფს პროგრამის (დანიის) ადმინისტრაცია. სპორტული თამაშების გახსნას დაესწრნენ ხობის მუნიციპალიტეტის გამგებელი გოჩა ქაჯაია, გამგებლის პირველი მოადგილე ვარაზ გაბედავა, ადგილობრივი სამართალდამცავი ორგანოების წარმომადგენლები, სამეგრელოს რეგიონის საპატრულო პოლიციის თანამშრომლები.

September 6, 2015

ხობის კოლხეთმა წყალტუბოს სამგურალს უმასპინძლა (EN)

6 სექტემბერს ხობის ცენტრალურ სტადიონზე საქართველოს XXVII ეროვნული ჩემპიონატის პირველი წრის მეორე ტურის საშინაო მატჩი გაიმართა, სადაც ერთმანეთს ხობის „კოლხეთი“ და წყალტუბოს „სამგურალი“ დაუპირისპირდნენ. შეხვედრა ხობელთა გამარჯვებით 1-0 დასრულდა. გოლი სტუმართა კარში გიორგი ჭედიამ გაიტანა.
ხობის მუნიციპალიტეტის საკრებულო ულოცავს ხობის “კოლხეთს“ და მის გულშემატკივრებს ამ გამარჯვებას და მორიგ წარმატებებს უსურვებს მათ.

September 4, 2015

ხობი საერთაშორისო ფესტივალისთვის ემზადება (EN)

4 სექტემბერს ხობის მუნიციპალიტეტის გამგეობის სააქტო დარბაზში 2-3 ოქტომბერს დაგეგმილ მეშვიდე საერთაშორისო ფესტივალთან „სიმღერა სამეგრელოზე“ დაკავშირებით საჯარო მოხელეებთან შეხვედრა გაიმართა. შეხვედრა ინფორმაციული სახის იყო, სადაც ფესტივალის ორგანიზატორმა, მაჟორიტარმა დეპუტატმა გოდერძი ბუკიამ ფესტივალის საორგანიზაციო საკითხებთან დაკავშირებით და საჯარო მოხელების ჩართვაზე ისაუბრა. ფესტივალის ორგანიზატორები და მხარდამჭერები არიან განათლების, კულტურისა და სულიერების აღორძინების საერთაშორისო ფონდი „ხობი“, ქართული საერთაშორისო სიმღერის საერთაშორისო ცენტრი, საქართველოს კულტურისა და ძეგლთა დაცვის სამინისტრო, სახელმწიფო რწმუნებულის - გუბერნატორის ადმინისტრაცია, ხობის მუნიციპალიტეტის გამგეობა - საკრებულო. შეხვედრას სახელმწიფო რწმუნებულის გუბერნატორის აპარატის უფროსი ლაშა გვასალია, შ. ს. ხობის პოლიციის სამმართველოს უფროსის მოადგილე კახაბერ ლატარია, ფესტივალის დირექტორი რევაზ წულაია და ადგილობრივი ხელისუფლების წარმომადგენლები ესწრებოდნენ, რომლებმაც საკუთარი აზრი გამოთქვეს და დამსწრე საზოგადოებას აქტიურად ჩართულობისკენ მოუწოდეს. მეშვიდე საერთაშორისო ფესტივალი ეძღვნება მომღერალ თამარ გვერდწითელსა და ანსამბლი „რუსთავის“ შემოქმედებას. მათ მიერ შესრულდება როგორც ძველი, ასევე ახალი სიმღერები. ფესტივალში საქართველოს ყველა კუთხის მომღერალთა გუნდები მიიღებენ მონაწილეობას. როგორც ყველა ფესტივალი, წლევანდელიც გამორჩეული იქნება გამოცემებით, საინტერესო სტუმრებითა და ახალი რეპერტუარებით.

September 3, 2015

ხობის მუნიციპალიტეტს კომპიუტერები გადაეცა (EN)

სახელმწიფო სერვისების განვითარების სააგენტოს მხარდაჭერით, ელექტრონულ მმართველობასა და ელექტრონულ საქმისწარმოებაზე ხობის მუნიციპალიტეტი უახლოეს მომავალში გადავა, ამისთვის მზადება თითქმის დასრულებულია, პროგრამაში ჩართვისთვის მუნიციპალიტეტმა ყველა აუცილებელი სამუშაოები განახორციელა, მათ შორის განხორციელდა გამგეობისა და საკრებულოს მოხელეთა კომპიუტერული უზრუნველყოფა.
ამ პროექტის ფარგლებში დღეს, 3 სექტემბერს სახელმწიფო სერვისების განვითარების სააგენტომ ხობის მუნიციპალიტეტს უსასყიდლოდ, სარგებლობის უფლებით დამატებით 4 ერთეული კომპიუტერი გადასცა, 3 ერთეული გამგეობის სამსახურებისთვის, ხო

September 2, 2015

ხობის „კოლხეთის“ გამარჯვება (EN)

2 სექტემბერს მარტვილის ცენტრალურ სტადიონზე საქართველოს XXVII ეროვნული ჩემპიონატის პირველი წრის პირველი ტურის მატჩი გაიმართა, სადაც ერთმანეთს ხონის „იმერეთი“ და ხობის „კოლხეთი“ დაუპირისპირდნენ. შეხვედრა ხობელთა გამარჯვებით 2-1 დასრულდა.
ხობის მუნიციპალიტეტის საკრებულო ულოცავს ხობის „კოლხეთს“ და მის გულშემატკივრებს ამ გამარჯვებას და მორიგ წარმატებებს უსურვებს მათ.

September 2, 2015

საბავშვო ბაღების სარეაბილიტაციო სამუშაოები ნოჯიხევში განახლდა (EN)

ხობში სოფლის მხარდაჭერის პროგრამის ფარგლებში ინფრასტრუქტურული სამუშაოები აქტიურად მიმდინარეობს. 2 სექტემბერს ხობის მუნიციპალიტეტის საკრებულოს თავმჯდომარე ედიშერ ჯობავა, გამგებელი გოჩა ქაჯაია და გამგებლის პირველი მოადგილე ვარაზ გაბედავა ხობის მუნიციპალიტეტის ნოჯიხევის ადმინისტრაციულ ერთეულს ესტუმრნენ და გამგებლის წარმომადგენელთან ლევან ლიპარტიასთან და საკრებულოს წევრთან ნოჯიხევის მაჟორიტარულ საარჩევნო ოლქიდან გოჩა სიჭინავასთან ერთად ორივე საბავშვო ბაღში მიმდინარე და დასრულებული სამუშაოები დაათვალიერეს.
ნოჯიხევის N1 საბავშვო ბაღში წელს მოწესრიგდა სველი წერტილები. სამუშაოები, რომლის ღირებულება 6000 ლარია ი.მ „ბადრი ბუკიამ“ შეასრულა. N2 საბავშვო ბაღისთვის სარეაბილიტაციო სამუშაოები ყოფილ სკოლის შენობას უტარდება. პროექტის რომლის ღირებულება 53 200 ლარს შეადგენს, შპს „გილანი XXI“ ასრულებს.
2015 წელს ხობის მუნიციპალიტეტში სოფლის მხარდაჭერის პროგრამის ფარგლებში სარეაბილიტაციო სამუშაოები 14 საბავშვო ბაღს უტარდება.

August 27, 2015

საკრებულოს სხდომა (EN)

27 აგვისტოს ხობის მუნიციპალიტეტის საკრებულოს სხდომათა დარბაზში გაიმართა საკრებულოს მორიგი სხდომა, რომელსაც თავმჯდომარეობდა საკრებულოს თავმჯდომარე ედიშერ ჯობავა. სხდომას ესწრებოდნენ საკრებულოსა და გამგეობის ხელმძღვანელი პირები, სადაც განხილულ იქნა დღის წესრიგით გათვალისწინებული სხვადასხვა საკითხები: მათ შორის: საკრებულოს წევრის ლაშა გვასალიას პირადი განცხადების საფუძველზე უფლებამოსილების ვადამდე შეწყვეტის თაობაზე. შემდეგ საკითხად განხილულ იქნა დადგენილების პროექტები: „ხობის მუნიციპალიტეტის გამგეობასა და ხობის მუნიციპალიტეტის საკრებულოს აპარატში საჯარო თანამდებობათა დასაკავებლად დამატებითი საკვალიფიკაციო მოთხოვნების დამტკიცების შესახებ“ ხობის მუნიციპალიტეტის საკრებულოს 2014 წლის 21 ნოემბრის N39 დადგენილების ძალადაკარგულად გამოცხადების თაობაზე“ და „ხობის მუნიციპალიტეტის გამგეობის დებულების დამტკიცების შესახებ“ ხობის მუნიციპალიტეტის საკრებულოს 2014 წლის 28 ივლისის N215 დადგენილებაში ცვლილების შეტანის თაობაზე“, აღნიშნული აქტების მიღების საფუძველი გახდა საქართველოს ორგანულ კანონში „ადგილობრივი თვითმმართველობის კოდექსი“ და „საჯარო სამსახურის შესახებ“ საქართველოს კანონში განხორციელებული ცვლილებები, რომელიც ითვალისწინებს გამგეობისა და საკრებულოს აპარატის საჯარო მოხელეთათვის დამატებითი საკვალიფიკაციო მოთხოვნების ნაცვლად საკრებულოსი, დადგენას საკრებულოს თავმჯდომარისა და გამგებლის მიერ. სხდომაზე ასევე განხილულ იქნა ხობის მუნიციპალიტეტის გამგეობის კულტურის, განათლების, სპორტის, ძეგლთა დაცვისა და ახალგაზრდულ საქმეთა სამსახურის მიერ შემუშავებული წინადადება არასამეწარმეო (არაკომერციული) იურიდიული პირის - „ხობის მუნიციპალიტეტის საფეხბურთო კლუბ „კოლხეთისა“ და არასამეწარმეო (არაკომერციული) იურიდიული პირის - „ხობის მუნიციპალიტეტის საფეხბურთო სკოლის“ რეორგანიზაციის ფარგლებში მათი შერწყმისა და ერთი იურიდიული პირის სახით ჩამოყალიბების შესახებ, აღნიშნულმა საკითხმა აზრთა სხვადასხვაობა გამოიწვია, თუმცა საკრებულოს წევრთა უმრავლესობის გადაწყვეტილებით გამგებელს მიეცა თანხმობა რეორგანიზაციაზე და არსებული იურიდიული პირების შერწყმის საფუძველზე ახალი ა(ა)იპ „ხობის მუნიციპალიტეტის საფეხბურთო კლუბ „კოლხეთის“ დაფუძნების შესახებ. საკრებულოს მიერ გამგეობას ასევე მიეცა თანხმობა ხობის მუნიციპალიტეტის პროფესიული სწავლების ცენტრის ტერიტორიაზე მდებარე N6 სასწავლო კორპუსზე მიშენებული ორი ნაგებობის, რომელიც სრულად ამორტიზებულია და ექსპლუატაციისთვის უვარგისი, აუდიტის დასკვნის საფუძველზე, შენობის დემონტაჟისა და ტერიტორიის ნარჩენებისაგან გაწმენდა განხორციელდეს აუქციონის წესით. დღის წესრიგით გათვალისწინებული საკითხების განხილვის შემდეგ საკრებულოს სხდომა დახურულად გამოცხადდა.

August 27, 2015

საკრებულოს ბიუროს სხდომა (EN)

2015 წლის 27 აგვისტოს გაიმართა ხობის მუნიციპალიტეტის საკრებულოს ბიუროს სხდომა, სადაც განხილულ იქნა შემდეგი საკითხები:

1. ხობის მუნიციპალიტეტის გამგებლის გ. ქაჯაიას 2015 წლის 28 ივლისის N06/1293 წერილის განხილვა („ხობის მუნიციპალიტეტის სოციალურად დაუცველი და ეკონომიკურად შეჭირვებული მოსახლეობის სოციალურ-ეკონომიკური მდგომარეობის გაუმჯობესებისა და ხელშოწყობის 2015 წლის მუნიციპალური პროგრამის დამტკიცების შესახებ“ ხობის მუნიციპალიტეტის საკრებულოს 2014 წლის 30 დეკემბრის N102 განკარგულებაში ცვლილების შეტანის შესახებ“ განკარგულების პროექტის თაობაზე)
(მომხსენებელი: დ. გაბუნია - სოციალურ საკითხთა კომისიის თავმჯდომარე)

2. ხობის მუნიციპალიტეტის გამგებლის გ. ქაჯაიას 2015 წლის 11 აგვისტოს N06/1376 წერილის განხილვა (ხობის მუნიციპალიტეტის 2015 წლის ადგილობრივი ბიუჯეტის იანვარ-ივლისის თვის შესრულების თაობაზე)
(მომხსენებელი: გ. სიჭინავა - ეკონომიკური განვითარების საკითხთა კომისიის თავმჯდომარე)

3. ხობის მუნიციპალიტეტის გამგებლის გ. ქაჯაიას 2015 წლის 11 აგვისტოს N06/1378 წერილის განხილვა („ხობის მუნიციპალიტეტის საკუთრებაში არსებული პროფესიული სწავლების ცენტრის ტერიტორიაზე N6 სასწავლო კორპუსის შენობაზე მიშენებული ორი შენობის დემონტაჟის შესახებ“ განკარგულების პროექტის თაობაზე)
(მომხსენებელი: გ. სიჭინავა - ეკონომიკური განვითარების საკითხთა კომისიის თავმჯდომარე)

4. ხობის მუნიციპალიტეტის საკრებულოს წევრის ლ. გვასალიას (N237 11.08.2015) განცხადების განხილვა (საკრებულოს წევრის უფლებამოსილების შეწყვეტის თაობაზე)
(მომხსენებელი: ნ. შუშანია - სამანდატო-საპროცედურო საკითხთა კომისიის თავმჯდომარე)

5. ხობის მუნიციპალიტეტის გამგებლის გ. ქაჯაიას 2015 წლის 21 აგვისტოს N06/1445 წერილის განხილვა („ხობის მუნიციპალიტეტის გამგეობასა და ხობის მუნიციპალიტეტის საკრებულოს აპარატში საჯარო თანამდებობათა დასაკავებლად დამატებითი საკვალიფიკაციო მოთხოვნების დამტკიცების შესახებ“ ხობის მუნიციპალიტეტის საკრებულოს 2014 წლის 21 ნოემბრის N39 დადგენილების ძალადაკარგულად გამოცხადების თაობაზე და „ხობის მუნიციპალიტეტის გამგეობის დებულების დამტკიცების შესახებ“ ხობის მუნიციპალიტეტის საკრებულოს 2014 წლის 28 ივლისის N215 დადგენილებაში ცვლილების შეტანის თაობაზე“ დადგენილების პროექტების შესახებ)
(მომხსენებელი: შ. სირაძე - იურიდიულ საკითხთა და ადამიანის უფლებათა დაცვის კომისიის თავმჯდომარე)

6. ხობის მუნიციპალიტეტის გამგებლის გ. ქაჯაიას 2015 წლის 24 აგვისტოს N06/1456 წერილის განხილვა („არასამეწარმეო (არაკომერციული) იურიდიული პირის ხობის მუნიციპალიტეტის საფეხბურთო კლუბ „კოლხეთისა” და არასამეწარმეო (არაკომერციული) იურიდიული პირის - „ხობის მუნიციპალიტეტის საფეხბურთო სკოლის“ რეორგანიზაციაზე ხობის მუნიციპალიტეტის გამგებლისთვის თანხმობის მიცემის შესახებ“ განკარგულების პროექტის თაობაზე)
(მომხსენებელი: შ. სირაძე - იურიდიულ საკითხთა და ადამიანის უფლებათა დაცვის კომისიის თავმჯდომარე)

7. „საკრებულოს წევრის ლაშა გვასალიას უფლებამოსილების ვადამდე შეწყვეტის შესახებ“ განკარგულების პროექტის განხილვა.
(მომხსენებელი: ნ. შუშანია - სამანდატო-საპროცედურო საკითხთა კომისიის თავმჯდომარე)

8. „ხობის მუნიციპალიტეტის საკრებულოს სამანდატო-საპროცედურო საკითხთა კომისიის შემადგენლობის დამტკიცების შესახებ“ ხობის მუნიციპალიტეტის საკრებულოს 2014 წლის 16 ივლისის N46 განკარგულებაში ცვლილების შეტანის თაობაზე“ განკარგულების პროექტის განხილვა.
(მომხსენებელი: ნ. შუშანია - სამანდატო-საპროცედურო საკითხთა კომისიის თავმჯდომარე)

9. „ხობის მუნიციპალიტეტის საკრებულოს საფინანსო-სარევიზიო კომისიის შემადგენლობის დამტკიცების შესახებ“ ხობის მუნიციპალიტეტის საკრებულოს 2014 წლის 16 ივლისის N47 განკარგულებაში ცვლილების შეტანის თაობაზე“ განკარგულების პროექტის განხილვა.
(მომხსენებელი: ნ. შუშანია - სამანდატო-საპროცედურო საკითხთა კომისიის თავმჯდომარე)

ხობის მუნიციპალიტეტის საკრებულოს ბიუროს გადაწყვეტილებით საკრებულოს მორიგი სხდომა გაიმართება 2015 წლის 27 აგვისტოს 13:00საათზე.

August 27, 2015

განცხადება საკრებულოს მორიგი სხდომის შესახებ (EN)

ხობის მუნიციპალიტეტის საკრებულოს მორიგი სხდომა გაიმართება 2015 წლის 29 ივნისს 11 საათზე საკრებულოს სხდომათა დარბაზში.

სხდომის დღის წესრიგი:

1. „საკრებულოს წევრის ლაშა გვასალიას უფლებამოსილების ვადამდე შეწყვეტის შესახებ“ განკარგულების პროექტის განხილვა.

(მომხსენებელი: ნ. შუშანია - სამანდატო-საპროცედურო საკითხთა კომისიის თავმჯდომარე)

2. „ხობის მუნიციპალიტეტის გამგეობის დებულების დამტკიცების შესახებ“ ხობის მუნიციპალიტეტის საკრებულოს 2014 წლის 28 ივლისის N215 დადგენილებაში ცვლილების შეტანის თაობაზე“ დადგენილების პროექტის განხილვა.