SAKREBULO OF KHOBI MUNICIPALITY

Home
news

news

April 23, 2015

საკრებულოს თავმჯდომარე GDS-ის პირდაპირ ეთერში (EN)

22 აპრილს ტელეკომპანია GDS-ის ეთერში, ანალიტიკურ თოქ-შოუში „20.30“ პირდაპირ ეთერში ჟურნალისტის შეკითხვებს უპასუხა ხობის მუნიციპალიტეტის საკრებულოს თავმჯდომარემ ედიშერ ჯობავამ. მან ისაუბრა ხობის მუნიციპალიტეტში ახალ შექმნილ და მშენებარე საწარმოებსა და კოოპერატივებზე, სოფლის მეურნეობის განვითარების კუთხით მუნიციპალიტეტში განსახორციელებელ თუ უკვე განხორციელებულ პროექტებზე.

April 23, 2015

საზოგადოებრივი ჯანდაცვის ცენტრმა ლაბორატორიული კვლევები დაიწყო (EN)

2015 წლის მარტიდან ხობის მუნიციპალიტეტის ჯანდაცვის ცენტრის ინიციატივით დაიწყო ბავშვთა კონტიგენტის ლაბორატორიული გამოკვლევები პარაზიტულ ჭიებზე. უკვე გამოკვლეულია ხეთის, პირველი მაისის, ბიის, სკოლამდელი დაწესებულების აღსაზრდელები. საზოგადოებრივი ჯანდაცვის ცენტრის სამუშაო გეგმის მიხედვით კვლევები პერიოდულად გაგრძელდება მუნიციპალიტეტის სხვა სკოლამდელ სააღმზრდელო დაწესებულებებშიც.

April 23, 2015

ყულევში სამლოცველო სახლი გაიხსნა (EN)

22 აპრილს ყულევის ადმინისტაციულ ერთეულში გაიხსნა წმინდა ნიკოლოზის სახელობის სამლოცველო სახლი, სადაც ფოთისა და ხობის ეპარქიის მამებმა აკურთხეს სამლოცველო, სადაც კვირაში ერთხელ მღვდელი იოანე კორძაია ყოვლადწმიდა ღვთისმშობლის პარაკლის აღავლენს. სამლოცველო სახლის გახსნას ესწრებოდნენ ადგილობრივი ხელისუფლების წარმომადგენლები და ყულევის ადგილობრივი მოსახლეობა.

April 20, 2015

ხობის კოლხეთმა ქედის ბეთლემს უმასპინძლა (EN)

20 აპრილს ხობის ცენტრალურ სტადიონზე საქართველოს XXVI ეროვნული ჩემპიონატის მეორე წრის მორიგი ტურის მატჩი გაიმართა, სადაც ერთმანეთს ხობის „კოლხეთი“ და ქედის „ბეთლემი“ დაუპირისპირდნენ.
შეხვედრა ფრედ 1:1 დასრულდა.

April 20, 2015

ხობელი მოკრივეების მორიგი წარმატება (EN)

5-17 აპრილს ქალაქ ფოთის მუნიციპალიტეტის მერიის სპორტის , ახალგაზრდულ საქმეთა და გენდერული თანასწორობის სამსახურის ორგანიზებით ჩატარდა ზურაბ სარსანიას სახელობის ტურნირი კრივში 1999-2000 წლებში დაბადებულთა შორის მსოფლიო სამოყვარულო კრივის ფედერაციის AIBA-ს წესების მიხედვით. ტურნირში მონაწილეობდა საქართველოს ქალაქებისა და მუნიციპალიტეტების სასპორტო სკოლის 150 მოკრივე, სადაც ტურნირში წარმატებით იასპარეზეს ხობის მუნიციპალიტეტის განათლების ცენტრის სასპორტო სკოლის კრივის ჯგუფის მოსწავლეებმა, რომლებმაც საპრიზო ადგილები შემდეგნაირად გადაინაწილეს:
1. ხარამიშვილი ირაკლი - 50 კგ წონითი კატეგორია I ადგილი;
2. ბიგვავა გიორგი - 66 კგ წონითი კატეგორია II ადგილი;
3. შამათავა დათა - 52 კგ წონითი კატეგორია III ადგილი (მწვრთნელ-მასწავლებელი: ე. თოდუა).
ხობის მუნიციპალიტეტის საკრებულო ულოცავს განათლების ცენტრის მოკრივეებს და მწვრთნელ-მასწავლებელს მორიგ წარმატებას.

April 19, 2015

გოგა ბერაიას სახელობის ტურნირი მინი ფეხბურთში დასრულდა (EN)

19 აპრილს, გოგა ბერაიას სახელობის სტადიონზე გაიმართა 2008 წელს აგვისტოს ომში ტრაგიკულად დაღუპული რეზერვისტის გოგა ბერაიას სახელობის ტრადიციული - რიგით მე-6 საფეხბურთო ტურნირის ფინალური შეხვედრა ხეთისა და ხობის საფეხბურთო გუნდებს შორის, სადაც მატჩის ძირითადი დრო დაფიქსირდა ფრედ 1:1 ხოლო პენალტების სერიით ტურნირის გამარჯვებული გახდა ხობის გუნდი. გამარჯვებულებს გადაეცათ სამახსოვრო თასები და სიგელები.

April 17, 2015

ლექცია თემაზე ქართული ფოლკლორი (EN)

17 აპრილს ხობის კულტურის სახლის მცირე დარბაზში საქართველოს ფოლკლორის სახელმწიფო ცენტრისა და ხობის მუნიციპალიტეტის კულტურის ცენტრის ინიციატივით გაიმართა შეხვედრა საქართველოს ფოლკლორის სახელმწიფო ცენტრის ზეპირსიტყვიერების მიმართულების ხელმძღვანელთან, ცნობილ პოეტთან და ფოლკლორისტთან ეთერ თათარაიძესთან და ეთნომუსიკოს, ფოლკორის სახელმწიფო ცენტრის მუსიკის მიმართულების ხელმძღვანელთან ნანა ვალიშვილთან. მათ მიერ ახლადშექმნილ ფოლკლორის სალოტბარო სკოლის მოსწავლეებს ჩაუტარდათ ლექცია-საუბარი თემაზე ქართული ფოლკლორი. შეხვედრის მიზანი იყო ახალგაზრდებისთვის ხალხური შემოქმედების კუთხით თვალსაწიერის გახსნა და ქართული ხალხური ზეპირსიტყვიერების შენარჩუნება.

ღონისძიებას ესწრებოდნენ ხობის მუნიციპალიტეტის საკრებულოს თავმჯდომარე ედიშერ ჯობავა, გამგებელი გოჩა ქაჯაია და ადგილობრივი ხელისუფლების სხვა წარმომადგენლები, მათ, დასასრულს, მადლობა გადაუხადეს მოწვეულ სტუმრებს ხობში ფოლკლორის განვითარების ხელშეწყობისთვის.

April 17, 2015

იმუნიზაციის კვირეული აცერი და დაიცავი (EN)

2015 წლის 24-30 აპრილს საქართველოს მასშტაბით ჩატარდება იმუნიზაციის კვირეული, პროგრამის ფარგლებში ხობის მუნიციპალიტეტში ხობის მუნიციპალიტეტის ჯანდაცვის ცენტრის ორგანიზებით ჩატარდება ლექცია-საუბრები საზოგადოებრივი თავშეყრის ადგილებში საჯარო სკოლებში იმუნიზაციის მნიშვნელობის აუცილებლობის თაობაზე. პროექტის მონაწილეებს დაურიგდებათ ბუკლეტები “აიცერი და დაიცავი“. იმუნიზაცია მილიონობით ბავშვს იცავს სიბრმავის, ინვალიდობის, გონებრივი ჩამორჩენილობისა და ჯანმრთელობის სხვა მძიმე დარღვევებისგან.
ხობის მუნიციპალიტეტის ჯანდაცვის ცენტრი გირჩევთ:
ძვირფასო მშობლებო! გახსოვდეთ, რომ დროულად ჩატარებული აცრები დაავადების თავიდან აცილების საუკეთესო საშუალებაა.

April 16, 2015

ხობის კოლხეთმა თერჯოლის საპოვნელას უმასპინძლა (EN)

16 აპრილს ხობის ცენტრალურ სტადიონზე საქართველოს XXVI ეროვნული ჩემპიონატის მეორე წრის მორიგი ტურის მატჩი გაიმართა, სადაც ერთმანეთს ხობის „კოლხეთი“ და თერჯოლის „საპოვნელა“ დაუპირისპირდნენ.
შეხვედრა სტუმართა გამარჯვებით 0:2 დასრულდა.

April 15, 2015

სტარტი აიღო გოგა ბერაიას ტურნირმა მინი ფეხბურთში (EN)

15 აპრილს პირველ ხორგაში სტარტი აიღო 2008 წელს აგვისტოს ომის დროს ტრაგიკულად დაღუპული რეზერვისტის, გოგა ბერაიას სახელობის ტრადიციულმა რიგით მეექვსე გათამაშებამ მინი ფეხბურთში. შეჯიბრში რვა გუნდი მიიღებს მონაწილეობას. ტურნირის გახსნას ესწრებოდნენ ხობის მუნიციპალიტეტის საკრებულოს თავმჯდომარე ედიშერ ჯობავა, ხობის მუნიციპალიტეტის საკრებულოს ფრაქცია „ქართული ოცნება- დემოკრატიული საქართველოს“ თავმჯდომარე ლევან ქავთარაძე, საკრებულოს საფინანსო-სარევიზიო კომიისის თავმჯდომარე ტარიელ ალექსანდრია და გამგებლის მოადგილე მახარე ჩოკორაია.
შეჯიბრის ფინალური მატჩი გაიმართება 19 აპრილს გოგა ბერაიას დაბადების დღეს.

April 14, 2015

ლიტერატურული კომპოზიცია თვითონ ძეგლი ხარ ულამაზესი (EN)

14 აპრილს ხობის თედო სახოკიას სახელობის ცენტრალურ ბიბლიოთეკაში ხობის მუნიციპალიტეტის კულტურის ცენტრის ორგანიზებით გაიმართა დედაენის დღისადმი მიძღვნილი ლიტერატურული კომპოზიცია ,,თვითონ ძეგლი ხარ ულამაზესი“.
ღონისძიებაში მონაწილეობდნენ ხობის N1, N2 და პირველი მაისის საჯარო სკოლის მოსწავლეები, კულტურისა და განათლების ცენტრის თანამშრომლები. მათი მხრიდან წაკითხულ იქნა ქართული ენისადმი მიძღვნილი ლიტერატურული ნაწარმოებები.

April 13, 2015

მიცვალებულთა მოხსენიების დღე (EN)

13 აპრილს მიცვალებულთა მოხსენიების დღეს, ადგილობრივი ხელისუფლების წარმომადგენლებმა და ხობის მაჟორიტარი დეპუტატის ბიუროს უფროსმა, ხობის პირველი პრეფექტის თენგიზ ქაჯაიას და 2008 წლის 8 აგვისტოს საქართველოს ერთიანობისათვის თავდადებულ გმირთა საფლავები ყვავილებით შეამკეს.

April 12, 2015

სააღდგომო წირვა-ლოცვა და ღვთიური ცეცხლის ჩამობრძანება (EN)

11 აპრილს აღდგომის ბრწყინვლე დღესასწაულის დადგომასთან დაკავშირებით ხობის მუნიციპალიტეტის ეკლესია-მონასტრებში ჩატარდა ღამისთევით სააღდგომო ლიტურგია, წირვის დასასრულს ადგილობრივი ხელისუფლების წარმომადგენლებმა ღვთიური ცეცხლის ჩამობრძანებით მრევლს მიულოცეს აღდგომის ბრწყინვალე დღესასწაული.

April 12, 2015

გილოცავთ აღდგომის ბრწყინვალე დღესასწაულს! (EN)

ხობის მუნიციპალიტეტის საკრებულო გილოცავთ აღდგომის ბრწყინვალე დღესასწაულს!
ქრისტე აღდგა!!

April 10, 2015

ბენეფიციარებს ტრადიციული სააღდგომო საჩუქრები გადასცეს (EN)

10 აპრილს ხობის მუნიციპალიტეტის საკრებულოს თავმჯდომარემ ედიშერ ჯობავამ, გამგებელმა გოჩა ქაჯაიამ აღდგომის ბრწყინვალე დღესასწაულთან დაკავშირებით ქ.ხობის უმწეოთა სასადილოს ბენეფიციარები მოინახულეს და მათ მიულოცეს დამდეგი აღდგომის ბრწყინვალე დღესასწაული. 120 ბენეფიციარს ტრადიციული სააღდგომო საჩუქრების პაკეტი (სააღდგომო პასკა, სანთელი, კვერცხი, ქათმის ხორცი, ლიმონათი და შოკოლადები) გადასცეს.

<<
<
130
131
132
133
134
135
136
137
138
139
140
141
142
143
144
145
146
147
148
149
150
151
152
153
154
155
156
157
158
159
160
...
>
>>