SAKREBULO OF KHOBI MUNICIPALITY

Home
news

news

June 5, 2016

რესპუბლიკური ტურნირი ძიუდოში (EN)

4-5 ივნისს, დაბა მესტიაში გაიმართა ლერი ნაკანის სახელობის რესპუბლიკურ ტურნირი ძიუდოში, სადაც წარმატებით იასპარეზეს
ა(ა)იპ „ხობის მუნიციპალიტეტის განათლების ცენტრის“ სასპორტო სკოლის ძიუდოისტებმა (მწვრთნელ-მასწავლებელი მ. მორგოშია) და სხვადასხვა წონით კატეგორიაში გამარჯვებული, მეორე და მესამე ადგილის მფლობელი გახდნენ.
I ადგილი - ირაკლი შერყილაძე (56 კგ. წონითი კატეგორია);
II ადგილი - არჩილ ცქიტიშვილი (მძიმე წონა);
III ადგილი - იოანე ცქიტიშვილი (81 კგ. წონითი კატეგორია).
გამარჯვებული და პრიზიორი სპორტსმენები სიგელებითა და მედლებით დაჯილდოვდნენ.

June 3, 2016

შეხვედრა მობილური ექსტენცია რეგიონებში პროექტის ფარგლებში (EN)

3 ივნისს, საქართველოს სოფლის მეურნეობის სამინისტროს რეგიონებთან კოორდინაციის დეპარტამენტის და სსიპ „სოფლის მეურნეობის სამეცნიერო-კვლევითი ცენტრის“ წარმომადგენლებმა, ხობის საინფორმაციო-საკონსულტაციო სამსახურის თანამშრომლებთან ერთად, „მობილური ექსტენცია რეგიონებში“ პროექტის ფარგლებში, ხობის მუნიციპალიტეტის ხამისკურისა და შუა ხორგის ადმინისტრაციულ ერთეულებში მოსახლეობასთან საკონსულტაციო სახის შეხვედრები გამართეს. შეხვედრებზე ფერმერებს კონსულტაცია გაეწიათ შემდეგ საკითხებზე:
1. მესაქონლეობა : ვეტერინარიის საკითხები, ჯიშთა გაუმჯობესება, საქონლის გამოკვება;
2. თხილის მავნებლები და მათთან ბრძოლა, სუბტროპიკული კულტურების მავნებელ-დაავადებებთან ბრძოლა;
3. მეფუტკრეობა: ფუტკრის მოვლა-შენახვის თანამედროვე მეთოდები. დაავადებების პროფილაქტიკა და მკურნალობა.
ასევე, ხობის საინფორმაციო-საკონსულტაციო სამსახურის თანამშრომლებმა ფერმერებს მიაწოდეს ინფორმაცია სამინისტროს მიერ ინიცირებულ პროგრამებსა და პროექტებზე. მონაწილეებს დაურიგდათ გაზეთები და საინფორმაციო ბუკლეტები.
გასვლითი ტურები პერიოდულად საქართველოს ყველა რეგიონში იმართება და მისი მიზანია საკონსულტაციო მომსახურების გაძლიერება და აგრარულ სფეროში დასაქმებულთა ცოდნის ამაღლება.

June 3, 2016

ქვემო ქვალონის საბავშვო ბაღის შენობის რეაბილიტაცია (EN)

ხობის მუნიციპალიტეტის მასშტაბით ადგილობრიივი ბიუჯეტიდან გამოყოფილი თანხით განსახორციელებელი სამუშაოები მიმდინარეობს.
ქვემო ქვალონის ადმინისტრაციულ ერთეულში ხორციელდება საბავშვო ბაღის შენობის რეაბილიტაცია, ამ ეტაპზე რეაბილიტაციის მეორე ეტაპი დასრულებულია, აღნიშნულ შენობაში გამოიცვალა კარ-ფანჯრები, იატაკზე დაიგო ლამინირებული პარკეტი, შენობის პირველ სართულზე კიბის უჯრედის იატაკისა და კიბის ბაქნები კერამიკო ხაოიანი ფილებით მოეწყო, ასევე შესრულებულ იქნა სამღებრო სამუშაოები, მოეწყო სველი წერტილები, განხორციელდა ელექტრო-სამონტაჟო სამუშაოები. უახლოეს მომავალში დაგეგმილია მესამე ეტაპის სამუშაოების განხორციელება, რის შემდეგაც შენობის სრული რეაბილიტაცია დასრულდება. აღნიშნულ სამუშაოებს ახორციელებს ინდმეწარმე დათო ადამია.
მიმდინარე სამუშაოები დღეს ხობის მუნიციპალიტეტის საკრებულოს თავმჯდომარემ ედიშერ ჯობავამ და ქვემო ქვალონის მაჟორიტარმა საკრებულოს წევრმა ტარიელ ალექსანდრიამ ერთობლივად დაათვალიერეს.

June 3, 2016

ნორჩ კლასიკოსთა წარმატება (EN)

2 ივნისს, ჭიათურაში გამართა საერთაშორისო კლასის სპორტის ოსტატის რაიდი აბრამიშვილის სახელობის რესპუბლიკური ტურნირი ბერძნულ-რომაულ ჭიდაობაში, სადაც წარმატებით იასპარეზეს ა(ა)იპ „ხობის მუნიციპალიტეტის განათლების ცენტრის“ სასპორტო სკოლის აღსაზრდელებმა.
I ადგილი - დავით გვასალია (32 კგ. წონით კატეგორია);
I ადგილი - ირაკლი ნაკაშია (53 კგ. წონით კატეგორია);
I ადგილი - გოგა პერტახია (59 კგ. წონით კატეგორია);
I I ადგილი - მალხაზ წოწერია (53 კგ. წონით კატეგორია);
I I I ადგილი - მიხეილ ალექსანდრია (32 კგ. წონით კატეგორია);
I I I ადგილი - მურად გოგილავა (42 კგ. წონით კატეგორია);
I I I ადგილი - თემურ გოგოხია (74 კგ. წონით კატეგორია);
გამარჯვებულ და პრიზიორ ნორჩ სპორტსმენებს თასები, მედლები და დიპლომები გადაეცათ.

June 2, 2016

„ახალგაზრდული ხმების“ კონცერტი ხობში (EN)

2 ივნისს, ხობის კულტურის სახლის დიდ დარბაზში, „ხობის მუნიციპალიტეტის კულტურის ცენტრთან“ არსებული ვოკალურ-ინსტრუმენტალური ანსამბლის - „ახალგაზრდული ხმების“ (ხელმძღვანელი ლაშა კვიკვინია) კონცერტი გაიმართა. ახალგაზრდა შემსრულებლებმა ქართული და უცხოური სიმღერები და მუსიკალური კომპოზიციები შეასრულეს. ასევე, ადგილობრივი მსმენელის წინაშე „ახალგაზრდული ხმების“ წევრებთან ერთად მუსიკალური ბენდი „Under 7“ წარსდგა.
„ახალგაზრდული ხმების“ კონცერტს ადგილობრივი თვითმმართველობის წარმომადგენლებთან ერთად, ხობის მუნიციპალიტეტის საკრებულოს თავმჯდომარე ედიშერ ჯობავა და გამგებელი გოჩა ქაჯაია ესწრებოდნენ.

June 2, 2016

ხობში სპორტული ტრენაჟორების მშენებლობა მიმდინარეობს (EN)

საქართველოს სპორტის და ახალგაზრდობის საქმეთა სამინისტროს ინიციატივითა და დაფინანსებით ქ. ხობში, ახალგაზრდულ ცენტრ „თუთარჩელას“ მიმდებარე ტერიტორიაზე შენდება სპორტული ტრენაჟორების ღია სავარჯიშო მოედანი. აღნიშნულ ტერიტორიაზე მოეწყობა ქვაფენილები, დამონტაჟდება რვა სპორტული ტრენაჟორი, მათ შორის ორი შშმ პირებისთვის, შესაბამისი სპეციალური სავარჯიშო ზონის მოწყობით.
აღნიშნულ სამუშაოებს შპს „ენ ემ ემ“ ჯგუფი და შპს „ბერიკონი 404“ თანაპარტნიორობით ახორცილებენ.
მიმდინარე სამუშაოები ხობის მუნიციპალიტეტის საკრებულოს თავმჯდომარემ ედიშერ ჯობავამ, გამგებელმა გოჩა ქაჯაიამ, საკრებულოს საფინანსო-სარევიზიო საკითხთა კომისიის თავმჯდომარემ ტარიელ ალექსანდრიამ, გამგებლის მოადგილემ მახარე ჩოკორაიამ და ხობის მაჟორიტარი დეპუტატის გოდერძი ბუკიას ბიუროს ხელმძღვანელმა რევაზ წულაიამ დაათვალიერეს.

June 2, 2016

ცენტრალური ბიბლიოთეკის წიგნადი ფონდი შეივსო (EN)

საქართველოს კულტურისა და ძეგლთა დაცვის სამინისტროს მხარდაჭერით და საქართველოს წიგნის გამომცემელთა და გამავრცელებელთა ასოციაციის ორგანიზებით თბილისის წიგნის საერთაშორისო ფესტივალის ფარგლებში განხორციელდა ბიბლიოთეკების ვაუჩერიზაცია.
საქართველოს მასშტაბით 66 მთავარ რეგიონალურ ბიბლიოთეკას, მათ შორის, ქალაქ ხობის თედო სახოკიას სახელობის ცენტრალურ ბიბლიოთეკას გადაეცა სპეციალური ვაუჩერი, რომლის საშუალებითაც, 26-29 მაისს ექსპო ჯორჯიას მე-11 პავილიონში, თბილისის წიგნის მე-18 საერთაშორისო ფესტივალის მსვლელობისას განხორციელდა ფესტივალზე წარმოდგენილი სხვადასხვა სახის ლიტერატურის შეძენა.
ქალაქ ხობის ცენტრალური ბიბლიოთეკის მკითხველებს უახლოეს დღეებში ფესტივალის ფარგლებში შეძენილი სამეცნიერო, მხატვრული, დოკუმენტური და სხვა სახის ლიტერატურით სარგებლობის შესაძლებლობა ექნებათ.

June 2, 2016

2 ივნისი საქართველოს პოლიციის დღეა (EN)

2 ივნისი საქართველოს პოლიციის დღეა, ხობის მუნიციპალიტეტის საკრებულო გილოცავთ პროფესიულ დღეს, მათ შორის შსს ხობის რაიონული სამმართველოს პოლიციელებს! თქვენ ეწევით ურთულეს და ძალიან საპასუხისმგებლო საქმიანობას, თქვენ იცავთ სახელმწიფოებრივ წესრიგს და დგახართ თითოეული მოქალაქის სიცოცხლისა და უსაფრთხოების სადარაჯოზე, ზოგჯერ საკუთარი სიცოცხლის ფასად, ამიტომაც იმსახურებს თქვენი საქმიანობა უდიდეს პატივისცემასა და დაფასებას! პატივს მივაგებთ სამსახურეობრივი მოვალეობის შესრულების დროს დაღუპულ პოლიციელთა ხსოვნას. კიდევ ერთხელ გილოცავთ და გისურვებთ წარმატებებს, გამარჯვებებს პროფესიული მოვალეობის შესრულების საქმიანობაში და კეთილდღეობას პირად ოჯახურ ცხოვრებაში!

June 1, 2016

ბავშვთა დაცვის საერთაშორისო დღე ხობის მუნიციპალიტეტში (EN)

ხობის მუნიციპალიტეტის ადგილობრივი ხელისუფლების მხარდაჭერით ბავშვთა დაცვის საერთაშორისო დღისადმი მიძღვნილი ღონისძიებები გაიმართა. მოსწავლე-ახალგაზრდობის სახლის ხატვის წრის აღსაზრდელებმა და მიკროსაფინანსო ორგანიზაცია „კრისტალის“ თანამშრომლებმა ხობელ პატარებთან ერთად მოსწავლეთა სახლის მიმდებარე ტერიტორიაზე ასფალტი ათასფრად მოხატეს. ანიმაციის განვითარების ფონდმა, ფესტივალ ,,ექოთოფუზის" ორგანიზატორებთან ერთად ხობელი პატარებისთვის კოსტუმირებული მსვლელობა და ანიმაციური ფილმების ჩვენება მოაწყვეს. კულტურის სახლის დიდ დარბაზში გაიმართა კონცერტი სახელწოდებით „ეს ჩვენი ბავშვობაა“, სადაც მონაწილეობა მიიღეს სკოლამდელი სააღმზრდელო გაერთიანების, განათლებისა და კულტურის ცენტრის აღსაზრდელებმა. დასასრულს კი, ხობის მუნიციპალიტეტის საკრებულოს თავმჯდომარემ ედიშერ ჯობავამ და გამგებელმა გოჩა ქაჯაიამ პატარებს მიულოცეს ბავშვთა დაცვის საერთაშორისო დღე და კონკურსის „ოქროს თაობა“ გამარჯვებულებს სპეციალური პრიზები და სიგელები გადასცეს.

June 1, 2016

ბავშვთა დაცვის საერთაშორისო დღე (EN)

1 ივნისს, ბავშვთა დაცვის საერთაშორისო დღისადმი მიძღვნილი ღონისძიებების ფარგლებში საკრებულოს თავმჯდომარემ ედიშერ ჯობავამ, საკრებულოს სოციალურ საკითხთა კომისიის თავმჯდომარემ დოდო გაბუნიამ, საკრებულოს საფინანსო-სარევიზიო კომისიის თავმჯდომარემ ტარიელ ალექსანდრიამ და ადგილობრივი ხელისუფლების წარმომადგენლებმა ხობის მუნიციპალიტეტის შუა ხორგის, პირველი მაისისა და ხამისკურის საბავშვო ბაგა-ბაღების აღსაზრდელებს მიულოცეს ბავშვთა დაცვის საერთაშორისო დღე და საჩუქრები გადასცეს. საჩუქრები ასევე გადაეცათ ხობის მუნიციპალიტეტში არსებული ყველა საბავშვო ბაგა-ბაღების აღსაზრდელებსაც.

June 1, 2016

დავასუფთაოთ საქართველო - ფაზა III (EN)

1 ივნისს, ხობის მუნიციპალიტეტის გამგეობის სააქტო დარბაზში, საქართველოს ბუნების მკვლევართა კავშირის - „ორქისის“ მიერ, პროექტის „დავასუფთაოთ საქართველო - ფაზა III“ ფარგლებში შეხვედრა-ტრენინგი მოეწყო. არასამთავრობო ორგანიზაციის - „ეკოლოგიური ცნობიერების ამაღლება და ნარჩენების მართვის“ წარმომადგენლები ადგილობრივი თვითმმართველობის და შპს „ხობი განათება და დასუფთავების“ თანამშრომლებს შეხვდნენ.
შეხვედრის მიზანი იყო საქართველოს ტერიტორიაზე არსებული სახიფათო ნარჩენების (კერძოდ ქიმიკატები, ქლორი) ადამიანის ჯანმრთელობასა და გარემოზე უარყოფითი ზემოქმედების შესახებ ინფორმაციის მიწოდება.
შეხვედრაზე, ასევე, დეტალურად განიხილეს ნარჩენების მართვის საერთაშორისო ვალდებულებები, ევროპული გამოცდილება და რეგიონებში საერთაშორისო პრაქტიკის დანერგვის პერსპექტივები.

June 1, 2016

გილოცავთ ნინოობას (EN)

პირველ ივნისს საქართველოს მართმადიდებლური ეკლესია მოციქულთასწორის და ქართველთა განმანათლებელის წმინდა ნინოს საქართველოში შემოსვლას აღნიშნავს.
ხობის მუნიციპალიტეტის საკრებულო გილოცავთ ნინოობას, მრავლს დაესწარით.

June 1, 2016

1 ივნისი ბავშვთა დაცვის საერთაშორისო დღეა (EN)

ხობის მუნიციპალიტეტის საკრებულო ბავშვთა დაცვის საერთაშორისო დღეს ულოცავს საქართველოში მცხოვრებ თითოეულ ბავშვს და უსურვებს მათ ღირსეულ, ჯანსაღ გარემოში ცხოვრებას. ეს დღე 1949 წლის ნოემბერში ქალთა საერთაშორისო დემოკრატიულმა ფედერაციამ დააწესა და 1950 წლიდან მსოფლიოს მრავალ ქვეყანაში ყოველწლიურად აღინიშნება.

May 31, 2016

ტრენინგი „ცვლილებები თანასწორობისათვის“ ხობში (EN)

31 მაისს ქ. ხობის მოსწავლე ახალგაზრდობის სახლში საქართველოს სპორტისა და ახალგაზრდობის საქმეთა სამინისტროს სსიპ ,,ბავშვთა და ახალგაზრდობის ეროვნული ცენტრის“ წარმომადგენლებმა პროექტ ,,ცვლილებები თანასწორობისათვის“ ფარგლებში ხობში მცხოვრებ ახალგაზრდებსა და ადგილობრივი თვითმართველობის წარმომადგენლებს ლექცია-ტრენინგი ჩაუტარეს.
შეხვედრის მიზანი იყო ახალგაზრდების ცნობიერების ამაღლება, შშმ პირებთან მიმართებაში ტოლერანტული საზოგადოების ფორმირებისთვის ხელის შეწყობა, რაც შესაძლებელს გახდის შშმ პირების ინტეგრაციას საზოგადოებაში.
სსიპ ,,ბავშვთა და ახალგაზრდობის ეროვნული ცენტრის“ წარმომადგენლებმა: მერაბ დუკაშვილმა, მარიამ კობახიძემ და ბადრი პატარაიამ დამსწრე საზოგადოებას შშმ პირთა უფლებები გააცნეს და მათ შესახებ ვიზუალური მასალა წარუდგინეს.

May 31, 2016

პროგრამა (EN)

<<
<
115
116
117
118
119
120
121
122
123
124
125
126
127
128
129
130
131
132
133
134
135
136
137
138
139
140
141
142
143
144
145
...
>
>>