SAKREBULO OF KHOBI MUNICIPALITY

Home
news

news

August 22, 2016

ეზოების კეთილმოწყობა (EN)

ქალაქ ხობში, მერაბ კოსტავას და სტალინის ქუჩებზე მდებარე საცხოვრებელი სახლების ეზოების კეთილმოწყობის სამუშაოები მიმდინარეობს. პროექტის ფარგლებში მოწესრიგდება სანიაღვრე სისტემა, ეზოებში დაიგება ასფალტ-ბეტონის საფარი. სამუშაოს, რომლის ღირებულებაც 51409 ლარია, შპს „შარა-გზამშენი პირველი“ ახორციელებს.

August 19, 2016

კინოჩვენება პროექტ "საქართველოს მოხალისის" ფარგლებში (EN)

საქართველოს სპორტისა და ახალგაზრდობის საქმეთა სამინისტრო ახორციელებს პროექტს „საქართველოს მოხალისე“ , პროექტის ფარგლებში ხობის კურატორმა ნიკა სურმავამ, ხობის მუნიციპალიტეტის გამგეობის კულტურის, განათლების, სპორტის, ძეგლთა დაცვისა და ახალგაზრდულ საქმეთა სამსახურის მხარდაჭერით ხობელი ახალგაზრდებისთვის გამართა კინოჩვენება, როგორც ორგანიზატორმა აღნიშნა მსგავსი ტიპის შეხვედრები მომავალშიც გაგრძელდება.

August 19, 2016

ხობის მუნიციპალიტეტის საკრებულო გილოცავთ ფერისცვალების დღესასწაულს (EN)

19 აგვისტოს მართლმადიდებელი ეკლესია მაცხოვრის ფერისცვალების დღესასწაულს აღნიშნავს, რომელიც 12 უდიდეს დღესასწაულთა რიცხვში შედის.
ხობის მუნიციპალიტეტის საკრებულო გილოცავთ ამ უდიდეს დღესასწაულს.

ტროპარი:
მთასა ზედა ფერი იცვალე, ქრისტე ღმერთო, და უჩუენე მოწაფეთა შენთა დიდებაჲ შენი ძალისაებრ მათისა და გამოგვიბრწყინვე ჩუენცამ ცოდვილთა ნათელი შენი მიუაჩრდილებელი, მეოხებითა ღმრთისმშობელისათა ნათლისა მომცემელო უფალო, დიდება შენდა. -
კონდაკი:
მთასა ზედა ფერი იცვალე ქრისტე ღმერთო და რაოდენ ძალ-ედვა მოწაფეთა შენთა, დიდებაჲ შენი უჩუენე. რათა რაჟამს იხილონ ჯუარცმაჲ შენი, გულისხმა ჰყონ, ვითარმედ ვნებაჲ იგი ნებსით არს და სოფელსა უქადაგონ, ვითარმედ შენ ხარ ჭეშმარიტად ბრწყინვალებაჲ მამისა.

August 18, 2016

„სოფლის მხარდაჭერის პროგრამა“ პირველ მაისში (EN)

ხობის მუნიციპალიტეტის ადმინისტრაციულ ერთეულებში „სოფლის მხარდაჭერის პროგრამით“ გათვალისწინებული პროექტები აქტიურად ხორციელდება.
პირველი მაისის ადმინისტრაციული ერთეულის სოფელ ბულიწყუში დაიწყო ბიბლიოთეკის რეაბილიტაციის პროცესი. პროექტის ფარგლებში გამოიცვლება კარ-ფანჯრები, იატაკი, შეილესება და შეიღებება კედლები, შეიცვლება ელექტროგაყვანილობა, მოეწყობა წიგნების თაროები. სამუშაოს ღირებულება 15945 ლარია. „სოფლის მხარდაჭერის პროგრამის“ ფარგლებში, ასევე ხორციელდება სანიაღვრე არხის ამოწმენდის და შიდა სასოფლო ხრეშოვანი გზების შეკეთების სამუშაოები.

August 18, 2016

საბონიფიკაციო ღონისძიებები კოღოების გავრცელება გამრავლების კუთხით (EN)

ხობის მუნიციპალიტეტის საზოგადოებრივი ჯანდაცვის ცენტრი აგრძელებს საბონიფიკაციო ღონისძიებებს კოღოების გავრცელებისა და გამრავლების ადგილების პროფილაქტიკის მიზნით. ამ პროგრამის ფარგლებში 17 აგვისტოს, ბონიფიკატორმა განახორციელა ქალაქ ხობის მრავალსართულიანი ბინების სარდაფების შეწამვლა. მსგავსი სამუშაოები გაგრძელდება ზაფხულის სეზონის განმავლობაში. შეწამვლები ტარდება საზოგადოებრივი ჯანდაცვის ცენტრის ენტომოლოგისა და ინსტრუქტორ-ბონიფიკატორის ზედამხედველობით.

August 18, 2016

მოსახლეობის სამედიცინო გამოკვლევები (EN)

17 აგვისტოს, ხობის მუნიციპალიტეტის საზოგადოებრივი ჯანდაცვის ცენტრში, დაავადებათა კონტროლისა და საზოგადოებრივი ჯანმრთელობის ეროვნულმა ცენტრმა სამედიცინო ლაბორატორიული გამოკვლევები (სისხლის საერთო, შარდისა და ქოლესტერინის) ჩაატარა, რომლის მიზანი იყო გადამდები და არაგადამდები დაავადებების გამოვლენა. კვლევა ქალაქ ხობის ორი ქუჩის, დადიანისა და გორგასალის ქუჩიდან შერჩეულ 15 ბენეფიციარს ჩაუტარდა.

August 16, 2016

მოსახლეობის სამედიცინო გამოკვლევები (EN)

August 16, 2016

ნოჯიხევში შიდა გზების მოწესრიგება მიმდინარეობს (EN)

16 აგვისტოს ნოჯიხევის ადმინისტრაციულ ერთეულში, შიდა გზების მიმდინარე სარემონტო სამუშაოები დაათვალიერეს ნოჯიხევის თემის მაჟორიტარმა საკრებულოს წევრმა, ხობის მუნიციპალიტეტის საკრებულოს ეკონომიკური განვითარების საკითხთა კომისიის თავმჯდომარემ გოჩა სიჭინავამ და გამგებლის წარმომადგენელმა ნოჯიხევის ადმინისტრაციულ ერთეულში ლევან ლიპარტიამ.

August 15, 2016

ხამისკურის სამანქანო ხიდის რეაბილიტაცია (EN)

ხობის მუნიციპალიტეტში, ადგილობრივი ბიუჯეტით დაფინასებული პროექტების განხორციელება გრძელდება. ხამისკურის ადმინისტრაციულ ერთეულში (სოფელი საქირიო) მიმდინარეობს დაზიანებული სამანქანო ხიდის რეაბილიტაცია. პროექტის სახელშეკრულებო ღირებულება 25.370 ლარია და სამუშაოზე ადგილობრივიი მოსახლეობაა დასაქმებული.

August 15, 2016

ანაკლიის „მომავლის ბანაკი" (EN)

საქართველოს მთავრობის განკარგულებით, სპორტისა და ახალგაზრდულ საქმეთა სამინისტროს „ბავშვთა და ახალგაზრდობის ეროვნული ცენტრი“, ახალგაზრდულ პროგრამას - ,,მომავლის ბანაკი“ წლებია ახორციელებს.
2 სექტემბერს, ანაკლიის „მომავლის ბანაკში" 18 ხობელი ახალგაზრდა გაემგზავრება, რომლებიც პროგრამით გათვალისწინებულ აქტივობებში მიიღებენ მონაწილეობას.
„მომავლის ბანაკის" ბენეფიციარებს 14-18 წლამდე მოზარდები წარმოადგენენ საქართველოს ყველა რეგიონიდან. მონაწილეების შერჩევა საქართველოს განათლებისა და მეცნიერების სამინისტრომ განახორციელა. უპირატესობა მიენიჭა მაღალი აკადემიური მოსწრების მქონე მოსწავლეებს და მათ შორის, სოციალურად დაუცველ, იძულებით გადაადგილებულ პირებსა და მრავალშვილიანი ოჯახის წარმომადგენლებს.
პროექტში ჩართული მოზარდები გაივლიან სპეციალურად შემუშავებულ მოდულებს (როლური თამაშები, დისკუსიები, პრაქტიკული სავარჯიშოები) ადამიანის უფლებების, ბავშვთა უფლებების, ეკოლოგიის, ჰიგიენისა და საქართველოს ისტორიის შესახებ.
პროექტის მიზანია სხვადასხვა სახის კულტურულ-საგანმანათლებლო და გასართობ-შემეცნებითი ღონისძიებების საშუალებით, ახალგაზრდების აქტიური დასვენებით უზრუნველყოფა, მათთვის არაფორმალური განათლების მიღების შესაძლებლობა, ფიზიკური, სულიერი და ინტელექტუალური პოტენციალის ამაღლება, სოცილური ინტეგრაციის, ჯანსაღი ცხოვრების წესის პოპულარიზაცია და საქართველოში მცხოვრები ეთნიკური უმცირესობების ინტეგრაციის ხელშეწყობა

August 15, 2016

მუნიციპალიტეტის პირველობა ჭადრაკსა და ნარდში (EN)

10 აგვისტოს, კულტურის სახლის მიმდებარე ხეივანში სტარტი აიღო, გოგი ბუკიას ხსოვნისადმი მიძღვნილმა ხობის მუნიციპალიტეტის პირველობამ ნარდში. ტურნირი ოლიმპიური სისტემით ტარდება და მასში 64 მონარდე მონაწილეობს. ასევე საჭადრაკო კლუბ „ლაზიერში“ დაიწყო ხობის მუნიციპალიტეტის პირველობა ჭადრაკში. საჭადრაკო ღონისძიება, რომელშიც 10 მოყვარული მოჭადრაკე მონაწილეობს, შვეიცარიული სისტემით, ცხრა ტურად გაიმართება.
სპორტული ღონისძიებების გახსნის ცერემონიას ხობის მუნიციპალიტეტის საკრებულოს თავმჯდომარე ედიშერ ჯობავა, გამგებლის მოადგილე მახარე ჩოკორაია, საკრებულოს საფინანსო-სარევიზიო კომისიის თავმჯდომარე ტარიელ ალექსანდრია, ეკონომიკური განვითარების საკითხთა კომისიის თავმჯდომარე გოჩა სიჭინავა და მაჟორიტარი დეპუტატის გოდერძი ბუკიას ბიუროს უფროსი რევაზ წულაია ესწრებოდნენ.
ფინალური შეხვედრები ნარდსა და ჭადრაკში, 12 აგვისტოს, „ცოტნეობის“ დღესასწაულზე გაიმართება.
სპორტული ღონისძიებები, ხობის მუნიციპალიტეტის გამგეობის კულტურის, განათლების, სპორტის, ძეგლთა დაცვისა და ახალგაზრდულ საქმეთა სამსახურის ორგანიზებით და ადგილობრივი ბიუჯეტის დაფინანსებით ხორციელდება.

August 15, 2016

2016 წლის „ცოტნეობის“ პროგრამა (EN)

12 აგვისტო 2016 წელი

9.00 – 12 სთ.

წირვა ხობის ღვთისმშობლის მიძინების

სახელობის ტაძარში.

10.00 – 14.00სთ

ხობის ცენტრალური სტადიონი

მუნიციპალიტეტის პირველობა ლელობურთში;

სამეგრელო-ზემო სვანეთის რეგიონის

პირველობა ლელობურთში

11.00 – 14.00სთ

პირველობა ქართულ ჭიდაობაში.

(საჭიდაო მანეჟი)

კულტურის სახლის მიმდებარე ხეივანი

გოგი ბუკიას სახელობის პირველობა ნარდში;

მუნიციპალიტეტის პირველობა ჭადრაკში;

შეჯიბრი მკლავჭიდში.

14.00 სთ-დან

კულტურის სახლის მიმდებარე ხეივანი.

ფაცხები, მეგრული სამზარეულო, ეთნო და

არქეოლოგიური კუთხეები, გამოფენები.

„ცოტნეობისადმი“ მიძღვნილი ღონისძიება.

საპატიო ხობელობის მინიჭების ცერემონიალი

და „ცოტნეობისადმი“ მიძღვნილ სპორტულ

შეჯიბრებებში გამარჯვებულთა დაჯილდოება.

კონცერტი

ანსამბლი „ქართული ხმები“,

ანრი ჯოხაძე, სოფო ბედია,

ადგილობრივი ფოლკლორული ანსამბლები და

ინდივიდუალური შემსრულებლები

August 13, 2016

ფოთისა და ხობის ეპარქიის 20 წლის იუბილე აღნიშნეს (EN)

13 აგვისტოს, ქალაქ ფოთში, ფოთისა და ხობის ეპარქიის 20 წლის იუბილე აღნიშნეს. საკათედრო ტაძარში უფლისადმი სამადლობელი პარაკლისი, ფოთისა და ხობის მიტროპოლიტ გრიგოლთან ერთად სხვადასხვა ეპარქიის მღვდელმთავრებმა აღავლინეს. საკათედრო ტაძრის პირველ სართულზე საზეიმოდ გაიხსნა საკონფერენციო დარბაზი, ტაძრის ეზოში კი გამოფენა მოეწყო, სადაც წარმოდგენილი იყო საკათედრო ტაძრის მშენებლობის ამსახველი ფოტო-მასალა.
ვალერიან გუნიას სახელობის სახელმწიფო დრამატული თეატრის ფოიეში პროფესორ ვაჟა შუბითიძის წიგნის ,,ნიკო ნიკოლაძე-კაცი სახელმწიფო“ პრეზენტაცია შედგა. ფოთის თეატრის სცენაზე, თეატრალურმა დასმა ეპარქიის ისტორია გააცოცხლა. მაყურებლის წინაშე, ასევე ადგილობრივი შემოქმედებითი ჯგუფებიც წარსდგნენ.

ფოთის მუნიციპალიტეტმა მეუფე გრიგოლს ფოთის საპატიო მოქალაქის წოდება მიანიჭა. ფოთისა და ხობის ეპარქიის 20 წლისთავისადმი მიძღვნილ ღონისძიებებს საქართველოს სამოციქულო ეკლესიის წმინდა სინოდის წევრები, მღვდელმსახურები, ფოთის მაჟორიტარი დეპუტატი, ნატოს ცენტრის ხელმძღვანელი პირები, ხობის მუნიციპალიტეტის საკრებულოს თავმჯდომარე ედიშერ ჯობავა და გამგებელი გოჩა ქაჯაია ადგილობრივი ხელისუფლების, სხვა წარმომადგენლებთან ერთად ესწრებოდნენ.

August 12, 2016

ხობის საპატიო მოქალაქეები (EN)

„ცოტნეობის“ დღესასწაულზე საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრმა სოზარ სუბარმა, მაჟორიტარმა დეპუტატმა გოდერძი ბუკიამ, სამეგრელო-ზემო სვანეთის მხარეში სახელმწიფო რწმუნებულმა-გუბერნატორმა ლევან შონიამ, ხობის მუნიციპალიტეტის საკრებულოს თავმჯდომარემ ედიშერ ჯობავამ და გამგებელმა გოჩა ქაჯაიამ მუნიციპალიტეტის წინაშე გაწეული ღვაწლისათვის მერი აბრამიას, ალექსანდრე არჩაიას, ანგულ მიქავას, გია გურულს ხობის საპატიო მოქალაქეობის დამადასტურებელი მოწმობები ხოლო კობა თუთბერიძეს „ცოტნე დადიანის სახელობის პირველი ხარისხის ჯილდოს მფლობელის“ ტიტულის მოწმობა გადასცეს.
ხობის მუნიციპალიტეტის წინაშე გაწეული ღვაწლისთვის, ხობის საპატიო მოქალაქის წოდება მიენიჭათ:
მერი აბრამიას, ცოტნეობის დღესასწაულთან დაკავშირებით, ხობის მუნიციპალიტეტის წინაშე გაწეული ღვაწლისა და კულტურულ-საგანმანათლებლო საქმიანობაში შეტანილი მნიშვნელოვანი წვლილისათვის;
ალექსანდრე არჩაიას, ცოტნეობის დღესასწაულთან დაკავშირებით, ხობის მუნიციპალიტეტის წინაშე გაწეული ღვაწლისა და განათლების სფეროში შეტანილი წვლილისთვის;
ანგულ მიქავას, ცოტნეობის დღესასწაულთან დაკავშირებით, ხობის მუნიციპალიტეტის განვითარებაში შეტანილი მნიშვნელოვანი წვლილისთვის.
გია გურულს, ცოტნეობის დღესასწაულთან დაკავშირებით, ხობის მუნიციპალიტეტში სპორტის (ფეხბურთი) განვითარებაში შეტანილი წვლილისთვის.

სპორტის სფეროში (მკლავჭიდი) შეტანილი მნიშვნელოვანი წვლილისთვის, კობა თუთბერიძეს მიენიჭა „ცოტნე დადიანის სახელობის პირველი ხარისხის ჯილდოს მფლობელის“ ტიტული და გადაეცა „ცოტნე დადიანის სახელობის პირველი ხარისხის ჯილდო“ – 500 ლარი.

August 12, 2016

ცოტნეობა 2016 (EN)

ხობის მუნიციპალიტეტში ტრადიციული საეკლესიო-სახალხო დღესასწაული „ცოტნეობა“ აღინიშნა. ხობის კულტურის სახლის მიმდებარე ტერიტორიაზე მოეწყო ხალხური ყოფისა და რეწვის ნიმუშების, ნახატების, ხეზე კვეთის ნიმუშების და ფერწერული ტილოების გამოფენა, ღონისძიებას განსაკუთრებულ ხიბლს სძენდა სპორტული შეჯიბრებები ქართულ ჭიდაობაში, ლელობურთში, მკლავჭიდსა და ნარდში. სახელდახელოდ მოწყობილ ფაცხებში, სტუმრებს შესაძლებლობა ქონდათ ადგილზე დაეგემოვნებინათ მეგრული კერძები და მონაწილეობა მიეღოთ მათ მომზადებაში.
ხობის მუნიციპალიტეტის საკრებულოს თავმჯდომარემ ედიშერ ჯობავამ და გამგებელმა გოჩა ქაჯაიამ დღესასწაულზე მობრძანებულთ „ცოტნეობა“ მიულოცეს და ისაუბრეს წმინდა ცოტნე აღმსარებელის განსაკუთრებული ღვაწლისა და ჰუმანიზმის შესახებ.
„ცოტნეობის“ დღესასწაულზე საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრი სოზარ სუბარი, სამეგრელო-ზემო სვანეთის მხარეში სახელმწიფო რწმუნებული-გუბერნატორი ლევან შონია და მაჟორიტარი დეპუტატი გოდერძი ბუკია იმყოფებოდნენ.
დღესასწაული გრანდიოზული კონცერტით დასრულდა. მაყურებლის წინაშე თავიანთი შემოქმედებით დათო არჩვაძე, ანრი ჯოხაძე, სოფო ბედია, „ქართული ხმები“, რეგიონის ფოლკლორული და ქორეოგრაფიული ანსამბლები წარსდგნენ.

<<
<
109
110
111
112
113
114
115
116
117
118
119
120
121
122
123
124
125
126
127
128
129
130
131
132
133
134
135
136
137
138
139
...
>
>>