SAKREBULO OF KHOBI MUNICIPALITY

Home
news

news

September 9, 2016

ბიბლიოთეკის წიგნადი ფონდი განახლდა (EN)

თედო სახოკიას სახელობის ხობის ცენტრალური ბიბლიოთეკის წიგნადი ფონდი განახლდა. ადგილობრივი ბიუჯეტის დაფინანსებით, ა(ა)იპ „ხობის მუნიციპალიტეტის კულტურის ცენტრმა“ 130 ერთეული წიგნი შეიძინა. წიგნადი ფონდის განახლება ეტაპობრივად ხორციელდება და ქალაქ ხობის ცენტრალური ბიბლიოთეკის მკითხველებს შესაძლებლობა აქვთ ისარგებლონ ქართულ, რუსულ, ინგლისურ ენებზე გამოცემული მრავალფეროვანი მხატვრული და სამეცნიერო ლიტერატურით.

September 6, 2016

სტარტი აიღო ლევან ჭოჭუას სახელობის ტურნირმა. (EN)

6 სექტემბერს ქარიატის ადმინისტრაციულ ერთეულში სტარტი აიღო 2008 წელს ტრაგიკულად დაღუპული რეზერვისტის, ლევან ჭოჭუას სახელობის გათამაშებამ მინიფეხბურთში.
ტურნირი ხობის მუნიციპალიტეტის გამგეობის კულტურის, განათლების, სპორტის, ძეგლთა დაცვისა და ახალგაზრდულ საქმეთა სამსახურისა და საფეხბურთო კლუბ კოლხეთის ორგანიზებით ტარდება და მასში მონაწილეობას 6 გუნდი (გაღმა ქარიატა, გამოღმა ქარიატა, ჭალადიდი, შუა ხორგა, ყულევი, ხობი) ღებულობს.

ტურნირის გახსნის ცერემონიალს ხობის მუნიციპალიტეტის საკრებულოს თავმჯდომარე ედიშერ ჯობავა ადგილობრივი ხელისუფლების წარმომადგენლებთან და დაღუპულის მეგობრებთან ერთად დაესწრო.
ფინალური შეხვედრა10 სექტემბერს ქარიატაში გაიმართება.

August 31, 2016

ხობელი ნუგზარ წურწუმია ბრინჯაოს მედლის მფლობელია (EN)

საფრანგეთის ქალაქ მაკონში გამართულ მსოფლიო ჩემპიონატზე ბერძნულ-რომაული სტილით ჭიდაობაში ბრინჯაოს მედლის მფლობელი 50 კილოგრამ წონით კატეგორიაში ხობის მუნიციპალიტეტის განათლების ცენტრის სასპორტო სკოლის მოჭიდავე, ევროპის მოქმედი ჩემპიონი, ნუგზარ წურწუმია (მწვრთნელები: სურაჯ გვასალია, მამუკა ყორშია, ბაკურ ბუკია) გახდა. ნ. წურწუმიამ მედლისათვის შეხვედრაში ირანელი მეჰდი ნეჯადი 7-2 დაამარცხა.
ხობის მუნიციპალიტეტის საკრებულო ულოცავს ღირსეულ გამარჯვებას ნუგზარ წურწუმიას და შემდგომ წარმატებებს უსურვებს მას.

August 30, 2016

ქვემო ქვალონის საბავშვო ბაღის რეაბილიტაცია მიმდინარეობს. (EN)

ხობის მუნიციპალიტეტში, ბაგა-ბაღების ინფრასტრუქტურის მოწესრიგება ეტაპობრივად ხორციელდება. ქვემო ქვალონის საბავშვო ბაღში მიმდინარე სარეაბილიტაციო სამუშაოები ხობის მუნიციპალიტეტის გამგებელმა გოჩა ქაჯაიამ და საკრებულოს თავმჯდომარე ედიშერ ჯობავამ, ქვემო ქვალონის ადმინისტრაციულ ერთეულში გამგებლის წარმომადგენელთან ერთად დაათვალიერეს.
გასული წლის მსგავსად, წელსაც, ადგილობრივი ბიუჯეტის ერთ-ერთ ძირითად პრიორიტეტს სკოლამდელი სააღმზრდელო დაწესებულებების ინფრასტრუქტურის მოწესრიგება წარმოადგენს. ქვემო ქვალონში, საბავშვო ბაღის რეაბილიტაციის მესამე ეტაპი მიმდინარეობს, რომლის ფარგლებში გამოიცვლება კარები, შეილესება კედლები და ჭერი, მოეწყობა სათამაშო მოედანი, მოწესრიგდება სველი წერტილები. პროექტი ადგილობრივი ბიუჯეტის დაფინანსებით ხორციელდება, რომლის ღირებულებაც 58 200 ლარია. ქვემო ქვალონში, ასევე, „სოფლის მხარდაჭერის პროგრამით“ სანიაღვრე არხების ამოწმენდა მიმდინარეობს.

August 29, 2016

ნუგზარ წურწუმია მსოფლიო ჩემპიონატზე იასპარეზებს (EN)

30 აგვისტოდან 4 სექტემბრის ჩათვლით, საფრანგეთის ქალაქი მაკონი, ახალგაზრდებს შორის ჭიდაობაში მსოფლიო ჩემპიონატს უმასპინძლებს. მთავარი მწვთნელის ზაზა სილაგაძის გადაწვეტილებით საფრანგეთში ზუსტად ის შემადგენლობა იასპარეზებს რომელმაც ორი თვის წინ ევროპის ჩემპიონატზე ტრიუმფალურად დაასრულა გამოსვლა, სადაც 6 მედალი და გუნდური პირველი ადგილა დაიკავა. შეგახსენებთ, რომ ევროპის ჩემპიონატზე ხობელი ნუგზარ წურწუმია (50 კგ.) ჩემპიონი გახდა.
საქართველოს ბერძნულ-რომაული სტილით მოჭიდავეთა ახალგაზრდული ნაკრების შემადგენლობაში, 50 კგ. წონით კატეგორიაში იასპარეზებს, ა(ა)იპ ,,ხობის მუნიციპალიტეტის განათლების ცენტრის“ სასპორტო სკოლის ბერძნულ-რომაული ჭიდაობის ჯგუფის მოჭიდავე, ევროპის ჩემპიონი, ნუგზარ წურწუმია (მწვრთნელ-მასწავლებლები: მ.ყორშია, ს. გვასალია, ბ. ბუკია).

August 28, 2016

გილოცავთ მარიამობას (EN)

August 25, 2016

სტარტი აიღო ნუგზარ (ნუტი) ლემონჯავას სახელობის ტურნირმა ფეხბურთში. (EN)

25 აგვისტოს ხობის ცენტრალურ სტადიონზე სტარტი აიღო ხობის მუნიციპალიტეტის საფეხბურთო სკოლის, ფოთის "კოლხეთის" ჭაბუკ ფეხბურთელთა, მარტვილის საფეხბურთო სკოლისა და ხობის "კოლხეთის" გუნდების ყოფილი ფეხბურთელის ტრაგიკულად დაღუპული ახალგაზრდის ნუგზარ (ნუტი) ლემონჯავას სახელობის თასის გათამაშებამ ფეხბურთში.

ტურნირი საფეხბურთო კლუბ "კოლხეთის" ორგანიზებით ტარდება და მასში მონაწილეობას იღებს 8 გუნდი.
ტურნირის გახსნის ცერემონიალს ნუტის ოჯახის წევრებთან, მეგობრებთან და მოწვეულ სტუმრებთან ერთად ხობის მუნიციპალიტეტის გამგებლის მოადგილე მახარე ჩოკორაია ადგილობრივი ხელისუფლების სხვა წარმომდაგენლებთან ერთად დაესწრო.
ფინალური შეხვედრა 29 აგვისტოს ნუტის დაბადების დღეს გაიმართება, სადაც გამარჯვებული გუნდი ნუტის სახელობის თასის მფლობელი გახდება

August 25, 2016

გილოცავთ სტუდენტობას! (EN)

ძვირფასო აბიტურიენტებო, სტუდენტობა ეს არის ცხოვრების უმნიშვნელოვანესი ეტაპი, როცა ეუფლებით თქვენს მომავალ პროფესიას. თქვენ უნდა მიიღოთ შესაბამისი ცოდნა და განათლება, რადგან განათლებული ახალგაზრდობა უდიდესი ძალაა ქვეყნისთვის, რათა ერთიანი ძალებით ავაშენოთ წარმატებული სახელმწიფო.
გილოცავთ თითოეულ თქვენგანს ამ წარმატებას, გისურვებთ წინსვლას ცხოვრების იმ დიდ გზაზე, რომელზეც თქვენი შედეგებით გადადგით პირველი მნიშვნელოვანი ნაბიჯი, მიგეღწიოთ უმაღლეს მწვერვალამდე და თქვენი ოჯახების, ქვეყნისა და მუნიციპალიტეტის საკეთილდღეო საქმეები გეკეთებინოთ.
პატივისცემით ხობის მუნიციპალიტეტის საკრებულოს თავმჯდომარე ედიშერ ჯობავა

August 24, 2016

ნეტ-ბუკები პირველკლასელებს (EN)

სსიპ საგანმანათლებლო და სამეცნიერო ინფრასტრუქტურის განვითარების სააგენტომ ხობის მუნიციპალიტეტში, პირველკლასელთა ნეტ-ბუკების - „ბუკის” დარიგების პროცესი დაასრულა. ახალი სასწავლო წლიდან, ხობის მუნიციპალიტეტის საჯარო სკოლების 343 პირველკლასელი სახელმწიფოს საჩუქრით - ნეტ-ბუკით ისარგებლებს.

August 23, 2016

ტრენინგი „ცივი ჯაჭვის“ სისტემის ფუნქციონირებაზე (EN)

23 აგვისტოს, ქალაქ ხობში, დაავადებათა კონტროლისა და საზოგადოებრივი ჯანმრთელობის ეროვნული ცენტრის ორგანიზებითა და ა(ა)იპ „ხობის მუნიციპალიტეტის საზოგადოებრივი ჯანდაცვის ცენტრის“ ხელშეწყობით, ჯანდაცვის პირველადი რგოლების წარმომადგენლებისთვის (ხობის მუნიციპალიტეტის სოფლების ამბულატორიები) „ცივი ჯაჭვის“ სისტემის ფუნქციონირებასთან დაკავშირებით ტრენინგი გაიმართა, რომელსაც ეროვნული ცენტრის წარმომადგენელი უძღვებოდა.
ვაქცინები ბიოლოგიური პრეპარატებია და მათი შენახვა, ტრანსპორტირება საჭიროებს სპეციალურ ტემპერატურულ რეჟიმს. ამ რეჟიმის შესანარჩუნებლად შექმნილია „ცივი ჯაჭვის“ სისტემა, რომელიც გულისხმობს სპეციალურ
ლოჯისტიკურ ქსელს-მაცივრებში, საყინულეებში, თერმოკონტეინერებსა და ცივ ყუთებში ვაქცინების და გამხსნელების განთავსებას, შენახვისა და ტემპერატურული რეჟიმის უზრუნველყოფას.

August 22, 2016

წუწაობის ფესტივალი პროექტ "საქართველოს მოხალისის" ფარგლებში (EN)

საქართველოს სპორტისა და ახალგაზრდობის საქმეთა სამინისტრო ახორციელებს პროექტს „საქართველოს მოხალისე“ , პროექტის ფარგლებში ხობის კურატორმა ნიკა სურმავამ, ხობის მუნიციპალიტეტის გამგეობის კულტურის, განათლების, სპორტის, ძეგლთა დაცვისა და ახალგაზრდულ საქმეთა სამსახურის მხარდაჭერით ხობელი ახალგაზრდებისთვის მორიგი ღონისძიება გამართა, წუწაობის ფესტივალში უამრავი ახალგაზრდა ჩაერთო, როგორც ორგანიზატორმა აღნიშნა მსგავსი ტიპის ღონისძიებები მომავალშიც გაგრძელდება.

August 22, 2016

ეზოების კეთილმოწყობა (EN)

ქალაქ ხობში, მერაბ კოსტავას და სტალინის ქუჩებზე მდებარე საცხოვრებელი სახლების ეზოების კეთილმოწყობის სამუშაოები მიმდინარეობს. პროექტის ფარგლებში მოწესრიგდება სანიაღვრე სისტემა, ეზოებში დაიგება ასფალტ-ბეტონის საფარი. სამუშაოს, რომლის ღირებულებაც 51409 ლარია, შპს „შარა-გზამშენი პირველი“ ახორციელებს.

August 19, 2016

კინოჩვენება პროექტ "საქართველოს მოხალისის" ფარგლებში (EN)

საქართველოს სპორტისა და ახალგაზრდობის საქმეთა სამინისტრო ახორციელებს პროექტს „საქართველოს მოხალისე“ , პროექტის ფარგლებში ხობის კურატორმა ნიკა სურმავამ, ხობის მუნიციპალიტეტის გამგეობის კულტურის, განათლების, სპორტის, ძეგლთა დაცვისა და ახალგაზრდულ საქმეთა სამსახურის მხარდაჭერით ხობელი ახალგაზრდებისთვის გამართა კინოჩვენება, როგორც ორგანიზატორმა აღნიშნა მსგავსი ტიპის შეხვედრები მომავალშიც გაგრძელდება.

August 19, 2016

ხობის მუნიციპალიტეტის საკრებულო გილოცავთ ფერისცვალების დღესასწაულს (EN)

19 აგვისტოს მართლმადიდებელი ეკლესია მაცხოვრის ფერისცვალების დღესასწაულს აღნიშნავს, რომელიც 12 უდიდეს დღესასწაულთა რიცხვში შედის.
ხობის მუნიციპალიტეტის საკრებულო გილოცავთ ამ უდიდეს დღესასწაულს.

ტროპარი:
მთასა ზედა ფერი იცვალე, ქრისტე ღმერთო, და უჩუენე მოწაფეთა შენთა დიდებაჲ შენი ძალისაებრ მათისა და გამოგვიბრწყინვე ჩუენცამ ცოდვილთა ნათელი შენი მიუაჩრდილებელი, მეოხებითა ღმრთისმშობელისათა ნათლისა მომცემელო უფალო, დიდება შენდა. -
კონდაკი:
მთასა ზედა ფერი იცვალე ქრისტე ღმერთო და რაოდენ ძალ-ედვა მოწაფეთა შენთა, დიდებაჲ შენი უჩუენე. რათა რაჟამს იხილონ ჯუარცმაჲ შენი, გულისხმა ჰყონ, ვითარმედ ვნებაჲ იგი ნებსით არს და სოფელსა უქადაგონ, ვითარმედ შენ ხარ ჭეშმარიტად ბრწყინვალებაჲ მამისა.

August 18, 2016

„სოფლის მხარდაჭერის პროგრამა“ პირველ მაისში (EN)

ხობის მუნიციპალიტეტის ადმინისტრაციულ ერთეულებში „სოფლის მხარდაჭერის პროგრამით“ გათვალისწინებული პროექტები აქტიურად ხორციელდება.
პირველი მაისის ადმინისტრაციული ერთეულის სოფელ ბულიწყუში დაიწყო ბიბლიოთეკის რეაბილიტაციის პროცესი. პროექტის ფარგლებში გამოიცვლება კარ-ფანჯრები, იატაკი, შეილესება და შეიღებება კედლები, შეიცვლება ელექტროგაყვანილობა, მოეწყობა წიგნების თაროები. სამუშაოს ღირებულება 15945 ლარია. „სოფლის მხარდაჭერის პროგრამის“ ფარგლებში, ასევე ხორციელდება სანიაღვრე არხის ამოწმენდის და შიდა სასოფლო ხრეშოვანი გზების შეკეთების სამუშაოები.

<<
<
95
96
97
98
99
100
101
102
103
104
105
106
107
108
109
110
111
112
113
114
115
116
117
118
119
120
121
122
123
124
125
...
>
>>