SAKREBULO OF KHOBI MUNICIPALITY

Home
news

news

November 22, 2016

ქარის შედეგად დაზიანებული ინფრასტრუქტურის აღდგენა მიმდინარეობს (EN)

ხობში ძლიერი ქარის შედეგად დაზიანებული ინფრასტრუქტურის აღდგენა მიმდინარეობს, დაზიანებული ხეებისგან იწმინდება ქუჩები და პარკები.
მუნიციპალიტეტში სტიქიის შედეგების სალიკვიდაციო კომისია ამ დრომდე მუშაობს, ისინი ადგილზე ეცნობიან ქარისგან მიყენებულ ზარალს. ხობში ამ დროის მონაცემებით ნაწილობრივ დაზიანდა 16 კერძო სახლისა და სამი მრავალბინიანი საცხოვრებელი სახლის სახურავი. სამივე მრავალბინიანი საცხოვრებელი კორპუსის გადახურვა უკვე მიმდინარეობს, დაზარალებულ ოჯახებს დღეს ხობის მუნიციპალიტეტის საკრებულოს თავმჯდომარე ედიშერ ჯობავა, საკრებულოს ეკონომიკურ საკითხთა კომისიის თავმჯდომარე გოჩა სიჭინავა და გამგებლის მოადგილე მახარე ჩოკორაია შეხვდნენ.

November 22, 2016

საკრებულოს სხდომა (EN)

22 ნოემბერს ხობის მუნიციპალიტეტის საკრებულოს სხდომათა დარბაზში გაიმართა საკრებულოს მორიგი სხდომა, რომელსაც თავმჯდომარეობდა საკრებულოს თავმჯდომარე ედიშერ ჯობავა. სხდომას ესწრებოდნენ საკრებულოსა და გამგეობის ხელმძღვანელი პირები. სხდომაზე განხილულ იქნა დღის წესრიგით გათვალისწინებული საკითხები, მათ შორის: განკარგულების პროექტი „ხობის მუნიციპალიტეტის სოციალურად დაუცველი და ეკონომიკურად შეჭირვებული მოსახლეობის სოციალურ-ეკონომიკური მდგომარეობის გაუმჯობესებისა და ხელშეწყობის 2016 წლის მუნიციპალური პროგრამის დამტკიცების შესახებ“ ხობის მუნიციპალიტეტის საკრებულოს 2016 წლის 28 იანვრის N16 განკარგულებაში ცვლილების შეტანის შესახებ“, რომლის მიხედვითაც ეკონომიურად შეჭირვებული მოსახლეობის სოციალურ-ეკონომიკური მდგომარეობის გაუმჯობესებისა და ხელშეწყობის 2016 წლის მუნიციპალური პროგრამის მუხლი „საოპერაციო თანხების ნაწილობრივი დაფინანსება“ გაიზარდა 65 000 ათასი ლარით და განისაზღვრა 115000 ლარით, რაც გამგეობის განმარტებით განპირობებულია, ეკონომიკურად შეჭირვებული მოქალაქეების მხრიდან საოპერაციო, ქიმიოთერაპიისა და სხივური თერაპიის ხარჯების დაფინანსების მოთხოვნით. აღნიშნულ პროგრამაში ასევე გაიზარდა მუხლი „C“ ჰეპატიტით დაავადებულთათვის საჭირო გამოკვლევების დაფინანსება“ და განისაზღვრება 39050 ლარით. შემოსული განცხადებებიდან გამომდინარე სიღატაკის ზღვარს მიღმა მყოფ ოჯახებზე წყლის ხარჯის ანაზღაურების მუხლში გამოყოფილი თანხაც ასევე არასაკმარისი აღმოჩნდა, გამგეობის განმარტებით და აღნიშნული მუხლი განისაზღვრება 8800 ლარით.
სხდომაზე ასევე განხილულ იქნა დადგენილების პროექტი: „ხობის მუნიციპალიტეტის 2016 წლის ადგილობრივი ბიუჯეტის დამტკიცების შესახებ“ ხობის მუნიციპალიტეტის საკრებულოს 2015 წლის 25 დეკემბრის N30 დადგენილებაში ცვლილების შეტანის თაობაზე“, რომლის თანახმადაც ადგილობრივ ბიუჯეტში ხორციელდება შემდეგი სახის ცვლილება: იზრდება ბიუჯეტის შემოსავლები მუხლიდან „საშემოსავლო გადასახადი“ 530.0 ათასი ლარით და მუხლიდან „პროცენტები“ 100.0 ათასი ლარით. მცირდება ბიუჯეტში გადასახდელები 195.0 ათასი ლარით, კერძოდ, პრიორიტეტის „ინფრასტრუქტურის მშენებლობა, რეაბილიტაცია და ექსპლოატაცია“ ასიგნებები. გამონთავისუფლებული და შემოსავლების ზრდით მიღებული, სულ 825.0 ათასი ლარი, მიიმართება შემდეგ ღონისძიებათა დასაფინანსებლად: 788.0 ათასი ლარი - პრიორიტეტის „ინფრასტრუქტურის მშენებლობა, რეაბილიტაცია და ექსპლოატაცია“ ასიგნებებზე. ბიუჯეტის მთლიანი მოცულობა, ანუ შემოსულობების გეგმა გაიზარდა 630,0 ათასი ლარით და შეადგინა 13521,7 ათასი ლარი.
სხდომაზე ცნობად იქნა მიღებული საკრებულოს ყოფილი ფრაქცია „ქართული ოცნება - რესპუბლიკელების“ სახელწოდების ცვლილების თაობაზე განკარგულება, რომლის თანახმადაც, ფრაქცია დარეგისტრირდა ახალი სახელწოდებით „თავისუფალი მოქალაქეები“.
სხდომაზე გამგეობის მიერ ასევე წარმოდგენილ იქნა განკარგულების პროექტი „ხობის მუნიციპალიტეტის ადგილობრივი თვითმმართველობის მოხელეთა კვალიფიკაციის ამაღლების 2017 წლის სასწავლო გეგმის დამტკიცების შესახებ“, რომელიც ითვალისწინებს ხობის მუნიციპალიტეტის ადგილობრივი თვითმმართველობის მოხელეთა კვალიფიკაციის ამაღლების 2017 წლის სასწავლო გეგმის დამტკიცებას და რომლის საფუძველზეც 2017 წლისთვის დაგეგმილია 58 მოხელის კვალიფიკაციის ამაღლება.
დღის წესრიგით გათვალისწინებული საკითხების განხილვის შემდეგ საკრებულოს სხდომა დახურულად გამოცხადდა.

November 22, 2016

განცხადება ხობის მუნიციპალიტეტის საკრებულოს მორიგი სხდომის შესახებ (EN)

ხობის მუნიციპალიტეტის საკრებულოს მორიგი სხდომა გაიმართება 2016 წლის 22 ნოემბერს 12:00 საათზე საკრებულოს სხდომათა დარბაზში.
სხდომის დღის წესრიგი:
1. „ფრაქცია „ქართული ოცნება - რესპუბლიკელების“ რეგისტრაციის შესახებ“ ხობის მუნიციპალიტეტის საკრებულოს 2014 წლის 16 ივლისის N42 განკარგულებაში ცვლილების შეტანის თაობაზე“ განკარგულების პროექტის განხილვა.
(მომხსენებელი: ნ. შუშანია - სამანდატო - საპროცედურო საკითხთა კომისიის თავმჯდომარე).

2. „ხობის მუნიციპალიტეტის 2016 წლის ადგილობრივი ბიუჯეტის დამტკიცების შესახებ“ ხობის მუნიციპალიტეტის საკრებულოს 2015 წლის 25 დეკემბრის N30 დადგენილებაში ცვლილების შეტანის შესახებ“ დადგენილების პროექტის განხილვა;
(მომხსენებელი: ვ. გაბედავა - მუნიციპალიტეტის გამგებელის მოვალეობის შემსრულებელი;
თანამომხსენებელი: დ. ჭოჭუა - გამგეობის საფინანსო-საბიუჯეტო სამსახური);

3. „ხობის მუნიციპალიტეტის საკუთრებაში არსებული ქონების სარგებლობის უფლებით გადაცემაზე თანხმობის მიცემის შესახებ“ განკარგულების პროექტის განხილვა;
(მომხსენებელი: ვ. გაბედავა - მუნიციპალიტეტის გამგებლის მოვალეობის შემსრულებელი;
თანამომხსენებელი: ა. ვარდია - ეკონომიკური განვითარებისა და ქონების მართვის სამსახურის უფროსი);

4. „ხობის მუნიციპალიტეტის ადგილობრივი თვითმართველობის მოხელეთა კვალიფიკაციის ამაღლების 2017 წლის სასწავლო გეგმის დამტკიცების შესახებ“ განკარგულების პროექტის განხილვა;
(მომხსენებელი: ვ. გაბედავა - მუნიციპალიტეტის გამგებლის მოვალეობის შემსრულებელი;
თანამომხსენებელი: ზ. ბუკია - ხობის მუნიციპალიტეტის გამგეობის ადმინისტრაციული სამსახურის უფროსი);

5. „ხობის მუნიციპალიტეტის სოციალურად დაუცველი და ეკონომიკურად შეჭირვებული მოსახლეობის სოციალურ - ეკონომიკური მდგომარეობის გაუმჯობესებისა და ხელშეწყობის 2016 წლის მუნიციპალური პროგრამის დამტკიცების შესახებ“ ხობის მუნიციპალიტეტის საკრებულოს 2016 წლის 28 იანვრის N16 განკარგულებაში ცვლილების შეტანის შესახებ“ განკარგულების პროექტის განხილვა;
(მომხსენებელი: ვ. გაბედავა - მუნიციპალიტეტის გამგებლის მოვალეობის შემსრულებელი;
თანამომხსენებელი: შ. კანკია - გამგეობის შრომის, საზოგადოებრივი
ჯანმრთელობისა და სოციალური დაცვის,ვეტერანთა, ლტოლვილთა
და იძულებით გადაადგილებულ პირთა სამსახურის უფროსი);
6. „ხობის მუნიციპალიტეტის საკრებულოს აპარატის საშტატო ნუსხის დამტკიცების შესახებ“ ხობის მუნიციპალიტეტის საკრებულოს 2014 წლის 16 ივლისის N44 განკარგულებაში ცვლილების შეტანის თაობაზე“ განკარგულების პროექტის განხილვა;
(მომხსენებელი: ლ. ცატავა - იურიდიულ საკითხთა და ადამიანის უფლებათა
დაცვის კომისიის თავჯდომარე);

7. „ხობის მუნიციპალიტეტის გამგეობის საშტატო ნუსხის დამტკიცების შესახებ“ ხობის მუნიციპალიტეტის საკრებულოს 2014 წლის 28 ივლისის N52 განკარგულებაში ცვლილების შეტანის თაობაზე“ განკარგულების პროექტის განხილვა;
(მომხსენებელი: ვ. გაბედავა - მუნიციპალიტეტის გამგებლის მოვალეობის შემსრულებელი;
თანამომხსენებელი: ზ. ბუკია - ხობის მუნიციპალიტეტის გამგეობის ადმინისტრაციული სამსახურის უფროსი);

November 22, 2016

ბიუროს სხდომა (EN)

22 ნოემბერს გაიმართა ხობის მუნიციპალიტეტის საკრებულოს ბიუროს სხდომა, სადაც განხილულ იქნა შემდეგი საკითხი:
1. ხობის მუნიციპალიტეტის გამგებლის გ. ქაჯაიას 2016 წლის 8 ნოემბრის N05/2900 წერილის განხილვა („ხობის მუნიციპალიტეტის საკუთრებაში არსებული ქონების სარგებლობის უფლებით გადაცემაზე თანხმობის მიცემის შესახებ“ განკარგულების პროექტის თაობაზე);
(მომხსენებელი: გ. სიჭინავა - ეკონომიკური განვითარების საკითხთა
კომისიის თავმჯდომარე);
2. ხობის მუნიციპალიტეტის გამგებლის მოვალეობის შემსრულებლის ვ. გაბედავას 2016 წლის 14 ნოემბრის N05/2948 წერილის განხილვა (ხობის მუნიციპალიტეტის 2017 წლის ადგილობრივი ბიუჯეტის პროექტისა და ხობის მუნიციპალიტეტის 2017 წლის და 2018 – 2020 წლების ადგილობრივი პრიორიტეტების შესახებ);
(მომხსენებელი: ტ. ალექსანდრია - საფინანსო - სარევიზიო
კომისიის თავმჯდომარე);

3. ხობის მუნიციპალიტეტის გამგებლის მოვალეობის შემსრულებლის ვ. გაბედავას 2016 წლის 14 ნოემბრის N05/2949 წერილის განხილვა („ხობის მუნიციპალიტეტის სოციალურად დაუცველი და ეკონომიკურად შეჭირვებული მოსახლეობის სოციალურ - ეკონომიკური მდგომარეობის გაუმჯობესებისა და ხელშეწყობის 2016 წლის მუნიციპალური პროგრამის დამტკიცების შესახებ“ ხობის მუნიციპალიტეტის საკრებულოს 2016 წლის 28 იანვრის N16 განკარგულებაში ცვლილების შეტანის შესახებ“ განკარგულების პროექტის თაობაზე);
(მომხსენებელი: დ. გაბუნია - სოციალურ საკითხთა
კომისიის თავმჯდომარე);

4. ხობის მუნიციპალიტეტის საკრებულოს ფრაქცია „თავისუფალი მოქალაქეების“ წევრის გ. ქაძანაიას 2016 წლის 18 ნოემბრის N536 განცხადების განხილვა (ფრაქციის სახელწოდებისა და წესდებაში ცვლილების შესახებ);
(მომხსენებელი: ნ. შუშანია - სამანდატო - საპროცედურო საკითხთა
კომისიის თავმჯდომარე);

5. ხობის მუნიციპალიტეტის გამგებლის მოვალეობის შემსრულებლის ვ. გაბედავას 2016 წლის 21 ნოემბრის N04/3025 წერილის განხილვა („ხობის მუნიციპალიტეტის 2016 წლის ადგილობრივი ბიუჯეტის დამტკიცების შესახებ“ ხობის მუნიციპალიტეტის საკრებულოს 2015 წლის 25 დეკემბრის N30 დადგენილებაში ცვლილების შეტანის შესახებ“ დადგენილების პროექტის თაობაზე);
(მომხსენებელი: ტ. ალექსანდრია - საფინანსო - სარევიზიო
კომისიის თავმჯდომარე);

6. ხობის მუნიციპალიტეტის გამგებლის მოვალეობის შემსრულებლის ვ. გაბედავას 2016 წლის 21 ნოემბრის N03/3028 წერილის განხილვა („ხობის მუნიციპალიტეტის გამგეობის საშტატო ნუსხის დამტკიცების შესახებ“ ხობის მუნიციპალიტეტის საკრებულოს 2014 წლის 28 ივლისის N52 განკარგულებაში ცვლილების შეტანის თაობაზე“ განკარგულების პროექტის შესახებ);
(მომხსენებელი: ლ. ცატავა - იურიდიულ საკითხთა და ადამიანის უფლებათა
დაცვის კომისიის თავმჯდომარე);

7. ხობის მუნიციპალიტეტის გამგებლის მოვალეობის შემსრულებლის ვ. გაბედავას 2016 წლის 21 ნოემბრის N03/3030 წერილის განხილვა („ხობის მუნიციპალიტეტის ადგილობრივი თვითმართველობის მოხელეთა კვალიფიკაციის ამაღლების 2017 წლის სასწავლო გეგმის დამტკიცების შესახებ“ განკარგულების პროექტის თაობაზე);
(მომხსენებელი: ლ. ცატავა - იურიდიულ საკითხთა და ადამიანის უფლებათა
დაცვის კომისიის თავმჯდომარე);

8. ხობის მუნიციპალიტეტის საკრებულოს აპარატის უფროსის ლ. შამათავას 2016 წლის 21 ნოემბრის N85/03 მოხსენებითი ბარათის განხილვა (ხობის მუნიციპალიტეტის საკრებულოს აპარატის საშტატო ნუსხაში ცვლილების შეტანის შესახებ).
(მომხსენებელი: ლ. ცატავა - იურიდიულ საკითხთა და ადამიანის უფლებათა
დაცვის კომისიის თავჯდომარე).

November 22, 2016

კომისიების სხდომები (EN)

22 ნოემბერს გაიმართა ხობის მუნიციპალიტეტის საკრებულოს კომისიებისა და ფრაქციის სხდომები, სადაც განხილულ იქნა საკრებულოს სხდომაზე განსახილველი საკითხები.

November 19, 2016

სტარტი აიღი მიხეილ იოსავას სახელობის ტურნირმა ბილიარდში (EN)

19 ნოემბერს, ქალაქ ხობში, სტარტი აიღო ხობის მუნიციპალიტეტის პირველობამ ბილიარდში, მიხეილ იოსავას სახელობის გარდამავალ თასზე. ტირნირი ბილიარდის ორ სახეობაში - ,,პული" და ,,თავისუფალი პირამიდა“ ტარდება და მასში 40 მობილიარდე იღებს მონაწილეობას. სპორტული ღონისძიების გახსნის ცერემონიას, ხობის მუნიციპალიტეტის საკრებულოს თავმჯდომარე ედიშერ ჯობავა, საბილიარდე კლუბ „მიხეილის“ პრეზიდენტი შოთა სირაძე და ა(ა)იპ „ხობის მუნიციპალიტეტის განათლების ცენტრის“ დირექტორი ხათუნა ხორავა ესწრებოდნენ. სპორტული ღონისძიების ფინალური შეხვედრები და დაჯილდოების ცერემონია, 23 ნოემბერს. მიხეილ იოსავას დაბადების დღეს გაიმართება. ტურნირი, ადგილობრივი ბიუჯეტის დაფინანსებითა და ა(ა)იპ „ხობის მუნიციპალიტეტის განათლების ცენტრის“ ორგანიზებით ხორციელდება.

November 18, 2016

ვულოცავ საქართველოს მოსახლეობას, ერთ-ერთი დემოკრატიული და წარმატებული პარლამენტის დაკომპლექტებას (EN)

დღეს, ქუთაისში საქართველოს პარლამენტის მე-9 მოწვევის პირველი სხდომა გაიმართა. ვულოცავ საქართველოს მოსახლეობას, ერთ-ერთი დემოკრატიული და წარმატებული პარლამენტის დაკომპლექტებას, მინდა მადლობა გადავუხადო ქართველ ხალხს და განსაკუთრებით ჩვენს ხობელ და ზუგდიდელ ამომრჩეველს ამ დიდი ნდობისთვის. ხობის მუნიციპალიტეტს საქართველოს პარლამენტში ჰყავს ორი დეპუტატი, „ქართული ოცნების“ პარტიული სიიდან ბატონი გიგა ბუკია და მაჟორიტარული წესით არჩეული დეპუტატი ბატონი ირაკლი (დაჩი) ბერაია, გამორჩეული და ნიჭიერი ახალგაზრდა კაცი, რომელიც ზუსტად ვიცი, რომ თითოეული ხობელის სათქმელს იტყვის საქართველოს საკანონმდებლო ორგანოში.
ვულოცავ კიდევ ერთხელ ჩვენს გუნდს ამ დიდ გამარჯვებას და წარმატებულ საქმიანობას ვუსურვებ ქვეყნისა და მუნიციპალიტეტის საკეთილდღეოდ.

ედიშერ ჯობავა
ხობის მუნიციპალიტეტის საკრებულოს თავმჯდომარე

November 16, 2016

ხობის მუნიციპალიტეტის საკრებულოში 2017 წლის ადგილობრივი ბიუჯეტის პროექტის განხილვა დაიწყო (EN)

ხობის მუნიციპალიტეტის საკრებულოს, გამგეობის მიერ, 2016 წლის 14 ნოემბერს განსახილველად წარედგინა 2017 წლის ადგილობრივი ბიუჯეტის პროექტისა და ხობის მუნიციპალიტეტის 2017 წლის და 2018-2020 წლების ადგილობრივი ბიუჯეტის პრიორიტეტების დოკუმენტი, რის შემდგომაც, მოქმედი კანონმდებლობის შესაბამისად, ხობის მუნიციპალიტეტის საკრებულოს კომისიებში და ფრაქციებში დაიწყო ბიუჯეტის პროექტის წინასწარი განხილვა.

ხობის მუნიციპალიტეტის გამგეობის მიერ წარმოდგენილი 2017 წლის ბიუჯეტის პროექტი, თანდართულ განმარტებით ბარათთან ერთად, გამოსაქვეყნებლად და მუნიციპალიტეტის საზოგადოებისთვის წინასწარ გასაცნობად გადაეცა გაზეთ „ხობის მოამბეს“ და ასევე განთავსდა საკრებულოს ოფიციალურ ვებგვერდზე (იხილეთ „ბიუჯეტის“ განყოფილება). საკრებულოს ვებგვერდზე www.khobi-sakrebulo.ge ასევე პერიოდულად გამოქვეყნდება ბიუჯეტის პროექტთან დაკავშირებული მასალები (საკრებულოს კომისიების, ფრაქციების და საზოგადოებიდან შემოსული წინადადებები).

საკრებულოს კომისიებსა და ფრაქციებში ბიუჯეტის პროექტის წინასწარი განხილვა 25 ნოემბრამდე გაგრძელდება და შემუშავდება შესაბამისი წინადადებები.

ხობის მუნიციპალიტეტის საკრებულო მუნიციპალიტეტის საზოგადოებას მოუწოდებს აქტიურად ჩაერთოს 2017 წლის ბიუჯეტის პროექტის განხილვის პროცესში. მოსახლეობის მხრიდან გამოთქმული წინადადებები და შენიშვნები გათვალისწინებული იქნება საკრებულოს მიერ ბიუჯეტის განხილვისას.

წარმოდგენილ ბიუჯეტის პროექტთან დაკავშირებით შენიშვნები და წინადადებები დაინტერესებულ პირს 2016 წლის 25 ნოემბრამდე შუძლია წერილობით წარმოადგინოს ხობის მუნიციპალიტეტის საკრებულოს აპარატში (მისამართი: ქ. ხობი. ცოტნე დადიანის ქ. N189. ადგილობრივი თვითმმართველობის ადმინისტრაციული შენობის მე-2 სართული. ოთახი N214). ასევე, ელექტრონული ფოსტით: khobi@khobi-sakrebulo.ge

November 14, 2016

ქვემო ქვალონში ახალი საბავშვო ბაღი გაიხსნა (EN)

ქვემო ქვალონის ადმინისტრაციულ ერთეულში დასრულდა საბავშვო ბაღის შენობის რეაბილიტაცია, დღეიდან რეაბილიტირებული საბავშვო ბაღი აღსაზრდელებს ელოდება...საბავშვო ბაღის გახსნის ცერემონიალს ხობის მუნიციპალიტეტის საკრებულოს თავმჯდომარე ედიშერ ჯობავა, გამგებლის მოადგილეები ვარაზ გაბედავა და მახრე ჩოკორაია, ქვემო ქვალონის მაჟორიტარი საკრებულოს წევრი ტარიელ ალექსანდრია და საკრებულოს სოციალურ საკითხთა კომისიის თავმჯდომარე დოდო გაბუნია მოწვეულ სტუმრებთან და ადგილობრივ მოსახლეობასთან ერთდ დაესწრნენ.

აღნიშნულ შენობაში განხორციელდა სრული რეაბილიტაცია, გამოიცვალა კარ-ფანჯრები, იატაკზე დაიგო ლამინირებული პარკეტი, შენობის პირველ სართულზე კიბის უჯრედის იატაკისა და კიბის ბაქნები კერამიკო ხაოიანი ფილებით მოეწყო, ასევე შესრულებულ იქნა სამღებრო სამუშაოები, მოეწყო სველი წერტილები და სათამაშო მოედანი, განხორციელდა ელექტრო-სამონტაჟო სამუშაოები, პროექტი ადგილობრივი ბიუჯეტის დაფინანსებით განხორციელდა და მისმა ღირებულებამ 150 000 ლარი შეადგინა.
აღნიშნული სამუშაოები ინდმეწარმე დათო ადამიამ განახორციელა.
2016 წლის ადგილობრივი ბიუჯეტის ერთ-ერთ ძირითად პრიორიტეტს, საბავშვო ბაღების ინფრასტრუქტურის მოწესრიგება წარმოადგენს.

November 11, 2016

ხობში აქცია - „გაიღე სისხლი, გადაარჩინე სიცოცხლე“ გაიმართა (EN)

11 ნოემბერს ქ. ხობში საქართველოს განათლებისა და მეცნიერების სამინისტროს ხობის საგანმანათლებლო რესურსცენტრის ინიციატივით ლეიკემიით დაავადებული პაცინეტებისთვის უანგარო დონორთა აქცია - „გაიღე სისხლი, გადაარჩინე სიცოცხლე“ გაიმართა.
უანგარო დონორთა აქციის ფარგლებში დახმარების მსურველებმა სისხლი მ. იაშვილის სახელობის ბავშვთა ცენტრალურ საავადმყოფოსთან არსებულ შპს „სისხლის ბანკის“ წარმომადგენლებს ჩააბარეს.
საქველმოქმედო აქციაში ხობის მუნიციპალიტეტის საკრებულოს აპარატის თანამშრომლებმა მიიღეს მონაწილეობა.
თქვენს მიერ გაღებული სისხლით შეგიძლიათ გადაარჩინოთ ბავშვების სიცოცხლე. 400 მგ. სისხლისგან, რომელსაც თქვენ აბარებთ, მზადდება სამი კომპონენტი . ესენია: ერითროციტული მასა, ახლად გაყინული პლაზმა და თრომბოციტული მასა.
სისხლის დონორობა უსაფროთხოა ჯანმრთელობისათვის. დონორი შეიძლება გახდეს ნებისმიერი ჯანმრთელი ადამიანი 18-დან 60 წლამდე, თუ თქვენი წონა 50 კგ და მეტია. სისხლის ჩაბარების პროცედურა ძალიან მარტივია, სულ რაღაც 10 წუთი და თქვენ უკვე დონორი ხართ. ამასთანავე აქციაში მონაწილე ყველა დონორს უფასოდ ჩაუტარდება შემდეგი კვლევები: სისხლის ჯგუფი და რეზუს ფაქტორი, სისხლის საერთო ანალიზი, აივ ინფექცია, ჰეპატიტი C, ჰეპატიტი B და სიფილისი.
აქცია - „გაიღე სისხლი, გადაარჩინე სიცოცხლე“ ქ. ხობში დღის 17:00 საათამდე გაგრძელდება.

November 7, 2016

სამ საბავშვო ბაღში სარემონტო სამუშაოები დასრულდა (EN)

7 ნოემბერს, ა(ა)იპ „ხობის მუნიციპალიტეტის სკოლამდელი სააღმზრდელო გაერთიანების“ სამ სტრუქტურულ ერთეულში (ჭალადიდის, შავღელეს და ზუბის საბავშვო ბაღები) სასწავლო პროცესი დაიწყო. შავღელეს ბაღში გაფართოვდა სამედიცინო ოთახი; ჭალადიდის ბაღში მოწესრიგდა წყლის სისტემა, სამზარეულო და სურსათის შესანახი ოთახი; ზუბის საბავშვო ბაღში შეკეთდა სამზარეულო, სამეცადინო და საძინებელი ოთახები. საბავშვო ბაღებში სარემონტო-სარეაბილიტაციო სამუშაოები „სოფლის მხარდაჭერის პროგრამის“ ფარგლებში განხორციელდა.

November 4, 2016

საბავშო ბაღებში „შემოდგომის ზეიმი“ (EN)

4 ნოემბერს, ხობის მუნიციპალიტეტის სკოლამდელ სააღმზრდელო დაწესებულებებში საშემოდგომო ზეიმი გაიმართა. ორიგინალურ კოსტიუმებში გამოწყობილმა პატარებმა შემოდგომის თემატიკაზე საინტერესო ნომრები წარმოადგინეს, შესრულდა ლექსები, სიმღერები, სხვა და სხვა ქორეოგრაფიული და ფოლკლორული ნომრები.

November 4, 2016

ტრენინგი იმუნიზაციის მართვის წესების შესახებ (EN)

3 ნოემბერს, ხობის მუნიციპალიტეტის გამგეობის სააქტო დარბაზში, სსიპ ლ. საყვარელიძის სახელობის დაავადებათა კონტროლისა და საზოგადოებრივი ჯანმრთელობის ეროვნული ცენტრის წარმომადგენელმა, ხობის მუნიციპალიტეტის სამედიცინო დაწესებულებების პერსონალისათვის, პროფილაქტიკური აცრების ეროვნული კალენდრისა და იმუნიზაციის მართვის წესების შესახებ ტრენინგი ჩაატარა. შეხვედრაზე, ყურადღება გამახვილდა, საქართველოს შრომის, ჯანმრთელობისა და სოციალური დაცვის მინისტრის 2015 წლის 19 ნოემბრის N 01-57/წ ბრძანების („პროფილაქტიკური აცრების ეროვნული კალენდარის და იმუნიზაციის მართვის წესების დამტკიცების შესახებ“) შესრულებაზე. ტრენინგს ა(ა)იპ „ხობის მუნიციპალიტეტის საზოგადოებრივი ჯანდაცვის ცენტრის“ და ჯანდაცვის პირველადი რგოლების სამედიცინო პერსონალი ესწრებოდა.

November 1, 2016

გამგებელი მოსახლეობის წინაშე ანგარიშით წარსდგა (EN)

1 ნოემბერს ქ. ხობის მოსწავლე ახალგაზრდობის სახლში, ხობის მუნიციპალიტეტის გამგებელმა გოჩა ქაჯაიამ მოსახლეობას გაწეული მუშაობის შესახებ ანგარიში წარუდგინა. გამგებლის ანგარიში შეეხებოდა 2016 წელს განხორციელებულ და მიმდინარე პროექტებს, აგრეთვე სოციალურ-ეკონომოკურ, სოფლის მეურნეობის, ინფრასტრუქტურულ, კულტურულ, სკოლამდელი აღზრდის და განათლების სფეროებში არსებული მდგომარეობის გაუმჯობესების მზარდ ტენდენციას, რომელიც აისახა კონკრეტული ციფრებით და გამოვლინდა წარმატებით განხორციელებული პროექტების სახით. გამგებელმა ანგარიშით წარდგენის შემდეგ სამომავლო გეგმებზეც ისაუბრა და განაცხადა, რომ გამგეობა შემდეგ წლებშიც აქტიურად იმუშავებს მუნიციპალიტეტის წინაშე არსებული გამოწვევების დასაძლევად.

October 31, 2016

ც ჰეპატიტის სკრინინგული კვლევები (EN)

31 ოქტომბერს მუნიციპალიტეტის ადმინისტრაციულ ერთეულებში საექიმო ამბულატორიებისათვის ც ჰეპატიტის სკრინინგული კვლევების შესახებ ტრენინგი ჩატარდა. ტრენინგის შემდეგ, გადამზადებულმა სოფლის ექიმებმა ლ. საყვარელიძის სახელობის დაავადებათა კონტროლისა და საზოგადოებრივი ჯანმრთელობის ეროვნული ცენტრის სამეგრელო-ზემო სვანეთის განყოფილების სპეციალისტებთან ერთად მოსახლეობის სკრინინგული კვლევა ც ჰეპატიტზე მარტივი ტესტირების მეთოდით ადგილზე ჩაატარეს. უახლოეს დღეებში ყველა ადმინისტრაციულ ერთეულში და ა(ა)იპ „ხობის მუნიციპალიტეტის საზოგადოებრივ ჯანდაცვის ცენტრში“ დაიწყება მოსახლეობის ც ჰეპატიტზე გამოკვლევები.

<<
<
98
99
100
101
102
103
104
105
106
107
108
109
110
111
112
113
114
115
116
117
118
119
120
121
122
123
124
125
126
127
128
...
>
>>