SAKREBULO OF KHOBI MUNICIPALITY

Home
news

news

August 4, 2015

ლელობურთი შუა ხორგაში (EN)

4 აგვისტოს ხობის მუნიციპალიტეტის პირველობის ფარგლებში შუა ხორგის ადმინისტრაციულ ერთეულში ჩატარდა ლელო ბურთი, რომელშიც მონაწილეობა მიიღეს ამ ზონის ნაკრებმა გუნდებმა.

ტურნირს ესწრებოდნენ საქართველოს ლელოს ფედერაციის ვიცე-პრეზიდენტი დავით კილასონია, საკრებულოს თავმჯდომარე, სამეგრელოს რეგიონის ლელოს ფედერაციის ვიცე-პრეზიდენტი ედიშერ ჯობავა, მუნიციპალიტეტის გამგებელი გოჩა ქაჯაია და ადგილობრივი ხელისუფლების სხვა წარმომადგენლები. ფინალური შეხვედრა 12 აგვისტოს ცოტნეობის დღესასწაულზე, ხობის ცენტრალურ სტადიონზე გაიმართება.

August 4, 2015

გოგა ჭითანავას და ლევან ტურავას სახელობის რიგით მეშვიდე ტურნირი (EN)

4 აგვისტოს სტარტი აიღო 2008 წელს ტრაგიკულად დაღუპული რეზერვისტების, გოგა ჭითანავასა და ლევან ტურავას სახელობის რიგით მეშვიდე გათამაშებამ მინიფეხბურთში. ტურნირი ხობის მუნიციპალიტეტის გამგეობის კულტურის, განათლების, სპორტის, ძეგლთა დაცვისა და ახალგაზრდულ საქმეთა სამსახურის ორგანიზებით ტარდება და მასში მონაწილეობას ღებულობს 6 გუნდი 6 გუნდი. („პირველი მაისი“, „ხამისკური“, „ხეთის ცენტრი“, „ხობი“, „წინაგოლის“ და „ვეტერანთა გუნდი“).
ტურნირის გახსნის ცერემონიალს დაღუპულთა ოჯახის წევრები, მეგობრები და ხეთის ადმინისტრაციულ ერთეულში ხობის მუნიციპალიტეტის გამგებლის წარმომადგენელი შავლეგ ბუკია ესწრებოდნენ.
ფინალური შეხვედრა 8 აგვისტოს ხეთაში გოგა ჭითანავას სახელობის სტადიონზე გაიმართება.

August 2, 2015

კობა შუბითიძის სახელობის ტურნირმა სტარტი აიღო (EN)

2 აგვისტოს ხობის მუნიციპალიტეტის საგვიჩიოს ადმინისტრაციულ ერთეულში სტარტი აიღო 2004 წელს საქართველოს ტერიტორიული მთლიანობისათვის სამაჩაბლოში დაღუპული ჯარისკაცის კობა შუბითიძის სახელობის თასის გათამაშებამ ფეხბურთში. ტურნირში მონაწილეობას იღებს საგვიჩიოს, ახალსოფლის, ჭალადიდის, შავღელეს, თავდაცვის სამინისტროს, სენაკის მეორე ქვეითი ბრიგადის, სენაკის ეროვნული გვარდიის, ხონის მეორე საარტილერიო ბრიგადისა და ქუთაისის მესამე ქვეითი ბრიგადისგან დაკომპლექტებული გუნდები.
ტურნირის გახსნის ცერემონიალს მოწვეულ სტუმრებთან და მოსახლეობასთან ერთად ხობის მუნიციპალიტეტის საკრებულოს თავმჯდომარე ედიშერ ჯობავა, გამგებელი გოჩა ქაჯაია და მაჟორიტარი დეპუტატის ბიუროს ხელმძღვანელი რევაზ წულაია ესწრებოდნენ.

August 1, 2015

დესის პროგრამის ტრენინგი (EN)

1 აგვისტოს ხობის მუნიციპალიტეტის საკრებულოს სხდომათა დარბაზში დოკუმენტბრუნვის ელექტრონული სისტემაზე გადასვლასთან დაკავშირებით იუსტიციის სასწავლო ცენტრის ტრენერმა ნინო ბექაურმა ხობის მუნიციპალიტეტის საკრებულოსა და გამგეობის თანამშრომლებისთვის ჩაატარა ტრენინგი დესის პროგრამის შესწავლის მიზნით.

July 31, 2015

ქვესადგურ ხორგას მშენებლობა იწყება (EN)

31 ივლისს ხობის მუნიციპალიტეტის ახალსოფლის ადმინისტრაციულ ერთეულში ვიცე-პრემიერი, ენერგეტიკის მინისტრი კახი კალაძე, სამეგრელო-ზემო სვანეთის მხარის გუბერნატორი ლევან შონია, საქართველოს სახელმწიფო ელექტროსისტემის რეაბილიტაციის მმართველი სულხან ზუმბურიძე, საქართველოში „აზიის განვითარების ბანკის“ მუდმივი წარმომადგენლობის დირექტორი (ADB) ქეით ჯულიანი და ადგილობრივი ხელისუფლების წარმომადგენლები ქვესადგურ „ხორგას“ მშენებლობის დაწყების საზეიმო ცერემონიალს დაესწრნენ.
„საქართველოს სახელმწიფო ელექტროსისტემა“-მ „რეგიონალური ელექტროგადაცემის გაუმჯობესების პროექტის“ ფარგლებში, ქვეყნის ენერგეტიკისთვის მნიშვნელოვანი, ახალი 220/110 კვ-იანი ქვესადგურის „ხორგა“ მშენებლობის პროექტის განხორციელება დაიწყო. პროექტი „აზიის განვითარების ბანკის“ ფინანსური მხარდაჭერით და საქართველოს მთავრობის თანადაფინანსებით ხორციელდება და მისი ღირებულება დაახლოებით 12 მლნ ევროს შეადგენს. სამშენებლო სამუშაოებს ავსტრიული კომპანია SIMENS-ი აწარმოებს.
ქვესადგურ „ხორგა“-ს მშენებლობა ქვეყნის ენერგეტიკისთვის ძალიან მნიშვნელოვანი პროექტია, რომელიც ხელს შეუწყობს მომხმარებლისთვის ელექრტოენერგიის უწყვეტ და საიმედო მიწოდებას, ფოთის ინდუსტრიული ზონისა და მისი მიმდებარე ტერიტორიებისთვის დამატებითი სიმძლავრის უწყვეტ მიწოდებას, საექსპორტო ბაზრებთან დაკავშირებას და საშუალებას მისცემს ქვეყანას განახორციელოს ელექტროენერგიის ექსპორტი თურქეთში. პროექტის დასრულება 2016 წლის პირველ ნახევარში იგეგმება.

July 30, 2015

მიმდინარეობს ბიისა და საჯიჯაოს საბავშვო ბაღების რეაბილიტაცია (EN)

ხობის მუნიციპალიტეტის ბიისა და საჯიჯაოს ადმინისტრაციულ ერთეულებში სოფლის მხარდაჭერის პროგრამის ფარგლებში საბავშვო ბაღების სარემონტო სამუშაოები მიმდინარეობს. ბიის საბავშვო ბაღში სარემონტო სამუშაოებს, რომლისთვისაც გამოყოფილია 26 151 ლარი, ი/მ ,,დავით ქორთუა'' ასრულებს, ხოლო საჯიჯაოს საბავშვო ბაღის სახურავის სარემონტოსამუშაოებს,, რომლის ღირებულებაც 40 680 ლარია - ი/მ ,,ვახტანგ ლომაია''. მიმდინარე ინფრასტრუქტურული სამუშაოები, რომლებიც აგვისტოს დასაწყისში უნდა დასრულდეს ადგილობრივი ხელისუფლების წარმომადგენლებმა დაათველიერეს.

July 29, 2015

„წარსულის ფურცლები“ პრეზენტაცია ხობში (EN)

29 ივლისს ქ. ხობის თედო სახოკიას სახელობის ბიბლიოთეკის სამკითხველო დარბაზში გოგიტა ჩიტაიას და ანზორ სიჭინავას წიგნის "ხობი, წარსულის ფურცლები" - პრეზენტაცია გაიმართა.
კრებულში თავმოყრილია 1853 წლიდან 1933 წლამდე პერიოდულ გამოცემაში გამოქვეყნებული მასალები თანამედროვე ხობის მუნიციპალიტეტის ტერიტორიაზე არსებულ სოფლებსა და იქ მცხოვრებ ადამიანებზე.
მასში ასახულია მხარის საზოგადოებრივ-პოლიტიკური, სოციალ-ეკონომიური, კულტურული და რელიგიური ცხოვრების საკითხები, მკითხველი საინტერესო ინფორმაციას მიიღებს ხობის მუნიციპალიტეტზე და მის ტერიტორიაზე არსებულ ღირსშესანიშნაობებზე. წიგნში გამოქვეყნებული მასალები წარსულის ბევრ მივიწყებულ ფურცელს გააცოცხლებს და საზოგადოებას შეახსენებს, რომ კვალი ნათელი არ იკარგება. კრებულს ყველა თაობის მკითხველი ინტერესით გაეცნობა.
პრეზენტაციას ყველა თაობის წარმომადგენლებთან ერთად, ადგილობრივი ხელისუფლების წარმომადგენლები ესწრებოდნენ, რომლებმაც ისაუბრეს წიგნის შინაარსსა და მის მნიშვნელობაზე. მოწვეულ სტუმართა შორის იყვნენ არქეოლოგი რეზო პაპუაშვილი, ქ. ხობის სამების ტაძრის წინამძღვარი მამა კირიონი (დარასელია) და ხობის დედათა მონასტრის წინამძღვარი დედა ანა (მუსელიანი).

July 29, 2015

C ჰეპატიტის ვირუსის უფასო ტესტირება (EN)

28 ივლისს მსოფლიო C ჰეპატიტის საერთაშორისო დღეს აღნიშნავს. სს „სამედიცინო კორპორაცია ევექს“-მა 28-29 ივლისს საქართველოს მასშტაბით და მათ შორის ხობის ჰოსპიტალმა მოსახლეობას ჰეპატიტ C-ზე უფასო ტესტირება ჩაუტარა.
ჰეპატიტ C -ზე უფასო ტესტირება ხობის მუნიციპალიტეტში 120 ადამიანს ჩაუტარდა, აქციაში მონაწილეობა მიიღეს ხობის მუნიციპალიტეტის საკრებულოს თანამდებობის პირებმა და აპარატის თანამშრომლებმა.

July 29, 2015

საკრებულოს სხდომის ანგარიში (EN)

2015 წლის 29 ივლისს ხობის მუნიციპალიტეტის საკრებულოს სხდომათა დარბაზში გაიმართა საკრებულოს მორიგი სხდომა, რომელსაც თავმჯდომარეობდა საკრებულოს თავმჯდომარე ედიშერ ჯობავა. სხდომას ესწრებოდნენ საკრებულოსა და გამგეობის ხელმძღვანელი პირები. სხდომაზე განხილულ იქნა დღის წესრიგით გათვალისწინებული სხვადასხვა საკითხები: მათ შორის: დადგენილების პროექტები: „ხობის მუნიციპალიტეტის საკრებულოს რეგლამენტის დამტკიცების შესახებ“ ხობის მუნიციპალიტეტის საკრებულოს 2014 წლის 14 ივლისის N7 დადგენილებაში ცვლილების შეტანის თაობაზე“ და „ხობის მუნიციპალიტეტის საკრებულოს აპარატის დებულების დამტკიცების შესახებ“ ხობის მუნიციპალიტეტის საკრებულოს 2014 წლის 16 ივლისის N13 დადგენილებაში ცვლილების შეტანის თაობაზე“, რომლის თანახმადაც ცვლილებები შევიდა საკრებულოს რეგლამენტში და აპარატის დებულებაში ელექტრონულ საქმისწარმოებაზე გადასვლასთან დაკავშირებით.
ასევე მოსმენილ იქნა ხობის მუნიციპალიტეტის 2015 წლის ადგილობრივი ბიუჯეტის იანვარ-ივნისის შესრულების ანგარიში, რომელიც საკრებულოს წევრების მიერ შეფასდა დამაკმაყოფილებლად. სხდომაზე ასევე განხილულ იქნა განკარგულების პროექტი „ხობის მუნიციპალიტეტის გამგებლისათვის მუნიციპალიტეტის საკუთრებაში არსებული ქონების უსასყიდლოდ გადაცემაზე თანხმობის მიცემის შესახებ“ რომლითაც ხეთის მოსახლეობის მოთხოვნის საფუძველზე საპატრიარქოს გადაეცა ხეთის ცენტრში მდებარე მიწის ნაკვეთი ეკლესიის ასაშენებლად. ამასთან მუნიციპალიტეტის გამგებელს მიეცა თანხმობა ხობის N2 ბაგა-ბაღის და კულტურის ცენტრის რემონტის დროს დარჩენილი სამშენებლო ნარჩენების პრივატიზების შესახებ. საკრებულოს გადაწყვეტილებით ხობის მუნიციპალიტეტის საკუთრებაში არსებული მოძრავი ქონება უსასყიდლოდ საკუთრებაში გადაეცა სახელმწიფოს სახანძრო-სამაშველო სამსახურისთვის მისი შემდგომი გადაცემის მიზნით. საკრებულოს წევრების მხრიდან ერთხმად იქნა მხარდაჭერილი საკითხი ხობის მუნიციპალიტეტის გურიფულის ადმინისტრაციულ ერთეულში წმინდა გიორგის ქუჩისათვის „დები ზარანდიების“ სახელის მინიჭების მიზანშეწონილობის თაობაზე.
სხდომის დასასრულს საკრებულოს თავმჯდომარემ საკრებულოს წევრებს გააცნო საკრებულოს ბიუროს გადაწყვეტილება გოგიტა ჩიტაიასა და რეზო თოდუასთვის ხობის საპატიო მოქალაქეობის მინიჭების თაობაზე.
დღის წესრიგით გათვალისწინებული საკითხების განხილვის შემდეგ საკრებულოს სხდომა დახურულად გამოცხადდა.

July 29, 2015

საქართველოს თავდაცვის მინისტრი ხობში (EN)

29 ივლისს 2008 წლის რუსეთ-საქართველოს ომში დაღუპული ხობელი გმირების მემორიალი გვირგვინით შეამკეს საქართველოს თავდაცვის მინისტრმა თინათინ ხიდაშელმა, საქართველოს შეიარაღებული ძალების გენერალური შტაბის უფროსმა ვახტანგ კაპანაძემ, ხობის მუნიციპალიტეტის საკრებულოს თავმჯდომარემ ედიშერ ჯობავამ და გამგებელმა გოჩა ქაჯაიამ. მინისტრი დაღუპული გმირების ოჯახის წევრებს შეხვდა, მათ კიდევ ერთხელ გაიხსენეს 8 აგვისტოს დაღუპულები და პატივი მიაგეს მათ ხსოვნას.

July 28, 2015

გურიფულში კვირიკობა აღინიშნა (EN)

28 ივლისს ხობის მუნიციპალიტეტის გურიფულის ადმინისტრაციულ ერთეულში „კვირიკობის“ დღესასწაული აღინიშნა. დღესასწაულთან დაკავშირებით წმინდა მოწამეების კვირიკესა და ივლიტას სახელობის მშენებარე ტაძარში წირვა-ლოცვა აღავლინა ხობის სამების ტაძრის წინამძღვარმა მამა კირიონმა. საზეიმო ლიტურგიას ესწრებოდნენ ხობის მუნიციპალიტეტის საკრებულოს თავმჯდომარე ედიშერ ჯობავა, გამგებელი გოჩა ქაჯაია და ადგილობრივი ხელისუფლების წარმომადგენლები.

July 28, 2015

ხობში ქალაქის ქუჩების მოასფალტება მიმდინარეობს (EN)

სოფლის მხარდაჭერის პროგრამის ფარგლებში ქ. ხობში ვაჟა-ფშაველას, აკაკი წერეთელის, დავით აღმაშენებელის, თავისუფლების და სულხან-საბა ორბელიანის ქუჩებზე მიმდინარეობს გზის საფარის მოწყობითი სამუშაოები. ადგილზე ასფალტ-ბეტონის საფარი იგება. პროექტის ღირებულება 300 000 ლარია სამუშაოებს შპს შარაგზამშენ პირველი ახორციელებს.
მიმდინარე სამუშაოები ხობის მუნიციპალიტეტის საკრებულოს თავმჯდომარემ ედიშერ ჯობავამ, გამგებელმა გოჩა ქაჯაიამ და გამგებლის პირველმა მოადგილემ ვარაზ გაბედავამ დაათვალიერეს.

July 28, 2015

საკრებულოს ბიუროს სხდომა (EN)

2015 წლის 28 ივლისს გაიმართა ხობის მუნიციპალიტეტის საკრებულოს ბიუროს სხდომა, სადაც განხილულ იქნა შემდეგი საკითხები:

1. ხობის მუნიციპალიტეტის გამგებლის გ. ქაჯაიას 2015 წლის 13 ივლისის 06/1172 წერილის განხილვა (ხობის მუნიციპალიტეტის 2015 წლის ადგილობრივი ბიუჯეტის იანვარ-ივნისის თვის შესრულების ანგარიშის შესახებ)
(მომხსენებელი: ტ. ალექსანდრია - საფინანსო-სარევიზიო კომისიის თავმჯდომარე)

2. სახელმწიფო ქონების ეროვნული სააგენტოს თავმჯდომარის წერილის განხილვა (საქართველოს შინაგან საქმეთა სამინისტროს სსიპ - საგანგებო სიტუაციების მართვის სააგენტოსთვის დროებით სარგებლობაში გადაცემული ქონების სახელმწიფოსთვის საკუთრებაში გადაცემის თაობაზე)
(მომხსენებელი: გ. სიჭინავა - ეკონომიკური განვითარების საკითხთა კომისიის თავმჯდომარე)

3. კულტურის ცენტრის საინიციატივო ჯგუფის 2015 წლის 24 ივლისის N200 განცხადება (ანსამბლ „კოლხეთის“ წევრის რევაზ თოდუასთვის ხობის საპატიო მოქალაქის წოდების მინიჭების თაობაზე)
(მომხსენებელი: დ. გაბუნია - სოციალურ საკითხთა კომისიის თავმჯდომარე)

4. ხობის მუნიციპალიტეტის გამგებლის გ. ქაჯაიას 2015 წლის 24 ივლისის 06/1279 წერილის განხილვა („ხობის მუნიციპალიტეტის გურიფულის თემის ტერიტორიაზე არსებული ქუჩების სახელდების შესახებ“ ხობის მუნიციპალიტეტის საკრებულოს 2011 წლის 8 ნოემბრის N98 განკარგულებაში ცვლილების შეტანის თაობაზე“)
(მომხსენებელი: გ. სიჭინავა - ეკონომიკური განვითარების საკითხთა კომისიის თავმჯდომარე)

5. საინიციატივო ჯგუფის 2015 წლის 24 ივლისის N205 განცხადება (გოგიტა ჩიტაიასთვის ხობის საპატიო მოქალაქის წოდების მინიჭების თაობაზე)
(მომხსენებელი: დ. გაბუნია - სოციალურ საკითხთა კომისიის თავმჯდომარე)

6. ხობის მუნიციპალიტეტის გამგებლის გ. ქაჯაიას 2015 წლის 27 ივლისის 06/1282 წერილის განხილვა („ხობის მუნიციპალიტეტის გამგებლისათვის მუნიციპალიტეტის საკუთრებაში არსებული ქონების უსასყიდლოდ გადაცემაზე თანხმობის მიცემის შესახებ“ განკარგულების პროექტის თაობაზე)
(მომხსენებელი: გ. სიჭინავა - ეკონომიკური განვითარების საკითხთა კომისიის თავმჯდომარე)

7. „ხობის მუნიციპალიტეტის საკრებულოს რეგლამენტის დამტკიცების შესახებ“ ხობის მუნიციპალიტეტის საკრებულოს 2014 წლის 14 ივლისის N7 დადგენილებაში ცვლილების შეტანის თაობაზე“
(მომხსენებელი: შ. სირაძე - იურიდიულ საკითხთა და ადამიანის უფლებათა დაცვის კომისიის თავმჯდომარე)

8. „ხობის მუნიციპალიტეტის საკრებულოს აპარატის დებულების დამტკიცების შესახებ“ ხობის მუნიციპალიტეტის საკრებულოს 2014 წლის 16 ივლისის N13 დადგენილებაში ცვლილების შეტანის თაობაზე“
(მომხსენებელი: შ. სირაძე - იურიდიულ საკითხთა და ადამიანის უფლებათა დაცვის კომისიის თავმჯდომარე)

9. ხობის მუნიციპალიტეტის გამგებლის გ. ქაჯაიას 2015 წლის 28 ივლისის 06/1291 წერილის განხილვა („ხობის მუნიციპალიტეტის გამგებლისათვის მუნიციპალიტეტის საკუთრებაში არსებული ქონების უსასყიდლოდ გადაცემაზე თანხმობის მიცემის შესახებ“ განკარგულების პროექტის განხილვა)
(მომხსენებელი: გ. სიჭინავა - ეკონომიკური განვითარების საკითხთა კომისიის თავმჯდომარე)

10. ხობის მუნიციპალიტეტის გამგებლის გ. ქაჯაიას 2015 წლის 28 ივლისის 06/1292 წერილის განხილვა („ხობის მუნიციპალიტეტის საკუთრებაში არსებული მოძრავი ქონების სახელმწიფოსთვის საკუთრებაში უსასყიდლოდ გადაცემის შესახებ“ განკარგულების პროექტის თაობაზე)
(მომხსენებელი: გ. სიჭინავა - ეკონომიკური განვითარების საკითხთა კომისიის თავმჯდომარე)

ხობის მუნიციპალიტეტის საკრებულოს ბიუროს გადაწყვეტილებით საკრებულოს მორიგი სხდომა გაიმართება 2015 წლის 29 ივლისს 12:00 საათზე.

July 20, 2015

განხორციელებული პროექტების მონიტორინგი (EN)

20 ივლისს ხობის მუნიციპალიტეტის საკრებულოს თავმჯდომარემ ედიშერ ჯობავამ, გამგებელმა გოჩა ქაჯაიამ და ადგილობრივი თვითმმართველობის სხვა თანამდებობის პირებმა დაათვალიერეს სოფლის მხარდაჭერის პროგრამის ფარგლებში შუა ხორგის ადმინისტრაციულ ერთეულში დასრულებული შიდა სასოფლო გზის და ჭალადიდის საზოგადოებრივ ცენტრის შენობაში განხორციელებული სარემონტო სამუშაოები. პროგრამის ფარგლებში მიმდინარე და განსახორციელებელი სამუშაოების მონიტორინგი ადგილობრივი ხელისუფლების მხრიდან პერიოდულად გაგრძელდება.

July 16, 2015

პრემიერ-მინისტრმა ხობში ახალი საწარმო გახსნა (EN)

ხობის მუნიციპალიტეტს საქართველოს პრემიერ-მინისტრი ირაკლი ღარიბაშვილი სტუმრობდა. მან სახელმწიფო რწმუნებულთან-გუბერნატორთან ლევან შონიასთან, ხობის მუნიციპალიტეტის საკრებულოს თავმჯდომარესთან ედიშერ ჯობავასთან და მუნიციპალიტეტის გამგებელთან გოჩა ქაჯაიასთან ერთად ხობში პლასტმასის და ბეტონის ფილების საწარმო გახსნა. პროექტი პროგრამის ,,აწარმოე საქართველოში“ ფარგლებში განხორციელდა და ის ბიზნესმენის მალხაზ ბასილაიას ინიციატივით დაფუძნდა. მისი მშენებლობა 2 მილიონი ლარი დაჯდა. მშენებლობის ეტაპზე დასაქმებული იყო 50 ადგილობრივი მცხოვრები. საწარმოში ამჟამად 30 ადამიანია დასაქმებული. ქარხანაში იწარმოება პლასტმასის ყუთი, წებო-ცემენტი, სამშენებლო ბლოკი, ბეტონის დეკორატიული ფილა, ბეტონის დეკორატიული ღარები, ბლოკი და ბორდიურები. შპს "ფიგარო" უახლოეს მომავალში კიდევ რამდენიმე საწარმოს გახსნას გეგმავს.

<<
<
124
125
126
127
128
129
130
131
132
133
134
135
136
137
138
139
140
141
142
143
144
145
146
147
148
149
150
151
152
153
154
...
>
>>