SAKREBULO OF KHOBI MUNICIPALITY

Home
news

news

February 27, 2015

ხობელი მედალოსნების დაჯილდოება (EN)

25 თებერვალს საქართველოს განათლებისა და მეცნიერების სამინისტროს „წარჩინებულ მოსწავლეთა მედლების“ პროგრამის ფარგლებში ხობის საგანმანათლებლო რესურსცენტრში ოქროსა და ვერცხლის მედალოსნების დაჯილდოება გაიმართა, 2013-2014 წლისათვის ხობის მუნიციპალიტეტის საჯარო სკოლებში 19 ოქროსა და ვერცხლის მედალი გაიცა. მედლები გადასცეს ხობის მუნიციპალიტეტის მაჟორიტარი დეპუტატის ბიუროს უფროსმა რევაზ წულაიამ, აგვისტოს ომში დაღუპული გმირის მიშიკო იოსავას დედამ მარინა კაკულიამ და საგანმანათლებლო რესურსცენტრის უფროსმა ხათუნა გერგაიამ.

1. ნინო საჯაიას -ქალაქ ხობის N1 საჯარო სკოლა(ოქროს მედალოსანი)
2. თეონა სახოკია-ქალაქ ხობის N1საჯარო სკოლა(ოქროს მედალოსანი)
3. ნინო ბაბილუა-ქალაქ ხობის N2 საჯარო სკოლა(ოქროს მედალოსანი)
4. ირაკლი სერგია-ქალაქ ხობის N2 საჯარო სკოლა(ოქროს მედალოსანი)
5. დავით ქანთარია-ქალაქ ხობის N2 საჯარო სკოლა(ოქროს მედალოსანი)
6. ქრისტინა ბერაია-შუა ხორგის საჯარო სკოლა(ოქროს მედალოსანი)
7. დარიკო შენგელია-შუა ხორგის საჯარო სკოლა (ოქროს მედალოსანი)
8. გვანცა ცირდავა-შუა ხორგის საჯარო სკოლა(ოქროს მედალოსანი)
9. ფიქრია ხუნწარია-ხეთის საჯარო სკოლა(ოქროს მედალოსანი)
10. გიგა გოგენია-ქალაქ ხობის N1 საჯარო სკოლა(ვერცხლის მედალოსანი)
11. რობერტი ქობალია-ქალაქ ხობის N2 საჯარო სკოლა(ვერცხლის მედალოსანი)
12. ირაკლი წოწონავა-ქალაქ ხობის N2 საჯარო სკოლა(ვერცხლის მედალოსანი)
13. მეგი გაბრავა-ხეთის საჯარო სკოლა(ვერცხლის მედალოსანი)
14. მარიამ კობახიძე--ხეთის საჯარო სკოლა(ვერცხლის მედალოსანი)
15. თამარ ხურცილავა-ხეთის საჯარო სკოლა(ვერცხლის მედალოსანი)
16. მარიამ სიჭინავა-ნოჯიხევის N2 საჯარო სკოლა (ვერცხლის მედალოსანი)
17. სოფიო ბერულავა-ქვემო ქვალონის N1 საჯარო სკოლა(ვერცხლის მედალოსანი)
18. ლაურა ყალიჩავა-ქვემო ქვალონის N1 საჯარო სკოლა(ვერცხლის მედალოსანი)
19. მარიამ ლატარია-შუა ხორგის საჯარო სკოლა(ვერცხლის მედალოსანი

ხობის მუნიციპალიტეტის საკრებულო ულოცავს წარჩინებულ მოსწავლეებს და პედაგოგებს და წარმატებებს უსურვებს შემდგომ საქმიანობაში.

February 25, 2015

საკრებულოს სხდომის ანგარიში (EN)

25 თებერვალს ხობის მუნიციპალიტეტის საკრებულოს სხდომათა დარბაზში გაიმართა საკრებულოს მორიგი სხდომა, რომელსაც უძღვებოდა საკრებულოს თავმჯდომარე ედიშერ ჯობავა. სხდომას ესწრებოდნენ გამგებელი გოჩა ქაჯაია, გამგებლის მოადგილეები ვარაზ გაბედავა და მახარე ჩოკორაია, საკრებულოსა და გამგეობის სხვა ხელმძღვანელი პირები.
სხდომაზე განხილულ იქნა დღის წესრიგით გათვალისწინებული საკითხები კერძოდ: „ხობის მუნიციპალიტეტის 2015 წლის ადგილობრივი ბიუჯეტის დამტკიცების შესახებ“ ხობის მუნიციპალიტეტის საკრებულოს 2014 წლის 30 დეკემბრის N46 დადგენილებაში განხორციელდა ცვლილებები ხობის მუნიციპალიტეტის გამგებლის ბრძანებით მხარჯავი დაწესებულებისთვის ადგილობრივი ბიუჯეტით გამოყოფილ ასიგნებებში ეკონომიკური კლასიფიკაციის მუხლებს შორის განხორციელებული გადანაწილებების შესაბამისად. სხდომაზე მიღებულ იქნა დადგენილება „ხობის მუნიციპალიტეტის ტერიტორიებზე სახელმწიფო და ხობის მუნიციპალიტეტის საკუთრებაში არსებული არასასოფლო-სამეურნეო დანიშნულების მიწის ნორმატიული ფასის დადგენის შესახებ“, რომლის თანახმად არასასოფლო-სამეურნეო დანიშნულების მიწის ნორმატიული ფასი ქალაქ ხობის ტერიტორიაზე განისაზღვრა 12.38 ლარის, სოფლებში - 3.71 ლარის, დასახლებათა შორის არეალებში - 3.1 ლარის, ხოლო დასახლებათა შორის არეალებში გამავალი საერთაშორისო და შიდასახელმწიფოებრივი მნიშვნელობის საავტომობილო გზების 50 მეტრის რადიუსში (თითოეულ მხარეს) - 6.19 ლარის ოდენობით, ხოლო დადგენილებით „ხობის მუნიციპალიტეტის ტერიტორიაზე ადგილობრივი ქონების გადასახადის შემოღებისა და განაკვეთების განსაზღვრის თაობაზე“ ხობის მუნიციპალიტეტის საკრებულოს 2012 წლის 27 მარტის N14 დადგენილებაში ცვლილებების შეტანის შესახებ“ არასასოფლო-სამეურნეო დანიშნულების მიწის 1 კვ.მ-ზე ქონების გადასახადის წლიური განაკვეთი მუნიციპალიტეტის მთელ ტერიტორიაზე განისაზღვრა 0,36 ლარის ოდენობით. გამგეობის მიერ წარმოდგენილი წინადადების შესაბამისად მიღებულ იქნა განკარგულება ა(ა)იპ „ხობის მუნიციპალიტეტის სათნოების სახლის“ ლიკვიდაციის პროცესის დაწყებასთან დაკავშირებით გამგებლისთვის თანხმობის მიცემის თაობაზე, რომლის დაწყების ვადად განისაზღვრა 2015 წლის 1 აპრილი. სხდომაზე ასევე განხილულ იქნა „ხობის მუნიციპალიტეტის ტერიტორიაზე მდებარე უმწეოთა სასადილოში ბენეფიციარების შერჩევის წესის დამტკიცების შესახებ“ დადგენილების პროექტი, რომლის თანახმადაც ა(ა)იპ „ხობის მუნიციპალიტეტის სათნოების სახლის“ ლიკვიდაციის შემდგომ დგინდება უმწეოთა სასადილოში ბენეფიციარების შერჩევის წესი, განისაზღვრა სასადილოს ფუნქციონირებაზე პასუხისმგებელი ორგანოები და ასევე კრიტერიუმები, რომელთა მიხედვითაც მოხდება ბენეფიციართა რეგისტრაცია და განაწილება სასადილოში.
საკრებულოს წევრების მხრიდან ერთხმად იქნა დამტკიცებული „ხობის მუნიციპალიტეტის 2014 წლის ადგილობრივი ბიუჯეტის წლიური ანგარიშის დამტკიცების თაობაზე“ განკარგულების პროექტი. სხდომის დასასრულს საკრებულოს თავმჯდომარემ ედიშერ ჯობავამ საკრებულოს წევრებს წარუდგინა ინფორმაცია ხობის მუნიციპალიტეტის ტერიტორიაზე სოფლის მეურნეობის სამინისტროს მიერ მხარდაჭერილი მიზნობრივი პროგრამებით განსახორციელებელი სამუშაოების შესახებ.
დღის წესრიგით გათვალისწინებული საკითხების განხილვის შემდეგ სხდომა დახურულად გამოცხადდა.

February 24, 2015

საკრებულოს ბიუროს სხდომა (EN)

2015 წლის 24 თებერვალს გაიმართა ხობის მუნიციპალიტეტის საკრებულოს ბიუროს სხდომა, სადაც განხილულ იქნა შემდეგი საკითხები:

1. საქართველოს მთავრობის ადმინისტრაციის სამართლებრივი დასკვნების განხილვა.
(მომხსენებელი: ტ. ალექსანდრია - საფინანსო-საბიუჯეტო კომისიის თავმჯდომარე)
2, ხობის მუნიციპალიტეტის გამგებლის გ. ქაჯაიას 2015 წლის 12 თებერვლის 06/214 წერილის განხილვა (ხობის მუნიციპალიტეტის 2014 წლის ადგილობრივი ბიუჯეტის შესრულების ანგარიშის თაობაზე)
(მომხსენებელი: ტ. ალექსანდრია - საფინანსო-საბიუჯეტო კომისიის თავმჯდომარე)
3. ხობის მუნიციპალიტეტის გამგებლის გ. ქაჯაიას 2015 წლის 23 თებერვლის 06/238 წერილის განხილვა („ხობის მუნიციპალიტეტის გამგებლისთვის ხობის მუნიციპალიტეტის საკუთრებაში არსებული ქონების სარგებლობის უფლებით გადაცემაზე თანხმობის მიცემის შესახებ“ განკარგულების პროექტისა და „ხობის მუნიციპალიტეტის ტერიტორიაზე ადგილობრივი (ქონების) გადასახადის შემოღებისა და მისი განაკვეთების განსაზღვრის თაობაზე“ ხობის მუნიციპალიტეტის საკრებულოს 2012 წლის 27 მარტის N14 დადგენილებაში ცვლილებების შეტანის თაობაზე“ დადგენილების პროექტის შესახებ)
(მომხსენებელი: გ. სიჭინავა - ეკონომიკური განვითარების საკითხთა კომისიის თავმჯდომარე)
4. ხობის მუნიციპალიტეტის გამგებლის გ. ქაჯაიას 2015 წლის 23 თებერვლის 06/245 წერილის განხილვა („ხობის მუნიციპალიტეტის ბალანსზე რიცხული ამორტიზირებული ქონების ჩამოწერაზე თანხმობის მიცემის შესახებ“ განკარგულების პროექტის თაობაზე)
(მომხსენებელი: ტ. ალექსანდრია - საფინანსო-საბიუჯეტო კომისიის თავმჯდომარე)
5. ხობის მუნიციპალიტეტის გამგებლის გ. ქაჯაიას 2015 წლის 23 თებერვლის 06/248 წერილის განხილვა („ხობის მუნიციპალიტეტის 2015 წლის ადგილობრივი ბიუჯეტის დამტკიცების შესახებ“ ხობის მუნიციპალიტეტის საკრებულოს 2014 წლის 30 დეკემბრის N46 დადგენილებაში ცვლილების შეტანის თაობაზე“ დადგენილების პროექტისა და „ხობის მუნიციპალიტეტის 2015 წლის ადგილობრივი შესყიდვების გეგმის დამტკიცების შესახებ“ ხობის მუნიციპალიტეტის საკრებულოს 2015 წლის 23 იანვრის N1 განკარგულებაში ცვლილების შეტანის თაობაზე“ განკარგულების პროექტის შესახებ)
(მომხსენებელი: ტ. ალექსანდრია - საფინანსო-საბიუჯეტო კომისიის თავმჯდომარე)
6. ხობის მუნიციპალიტეტის გამგებლის გ. ქაჯაიას 2015 წლის 23 თებერვლის 06/251 წერილის განხილვა („ხობის მუნიციპალიტეტის საკუთრებაში არსებული მოძრავი ქონების საქართველოს შინაგან საქმეთა სამინისტროსთვის სარგებლობის უფლებით გადაცემაზე ხობის მუნიციპალიტეტის გამგებლისთვის თანხმობის მიცემის თაობაზე“ ხობის მუნიციპალიტეტის საკრებულოს 2015 წლის 23 იანვრის N3 განკარგულებაში ცვლილების შეტანის შესახებ“ განკარგულების პროექტის თაობაზე)
(მომხსენებელი: გ. სიჭინავა - ეკონომიკური განვითარების საკითხთა კომისიის თავმჯდომარე)
7. ხობის მუნიციპალიტეტის გამგებლის გ. ქაჯაიას 2015 წლის 23 თებერვლის 06/259 წერილის განხილვა (ა(ა)იპ „ხობის მუნიციპალიტეტის სათნოების სახლის“ ლიკვიდაციასთან დაკავშირებით მომზადებული ხობის მუნიციპალიტეტის საკრებულოს სამართლებრივი აქტების პროექტების თაობაზე)
(მომხსენებელი: დ. გაბუნია - სოციალურ საკითხთა კომისიის თავმჯდომარე)
8. „ხობის მუნიციპალიტეტის ტერიტორიაზე სახელმწიფო და ხობის მუნიციპალიტეტის საკუთრებაში არსებული არასასოფლო-სამეურნეო დანიშნულების მიწის ნორმატიული ფასის დადგენის შესახებ“ დადგენილების პროექტის განხილვა.
(მომხსენებელი: გ. სიჭინავა - ეკონომიკური განვითარების საკითხთა კომისიის თავმჯდომარე)
9. „ხობის მუნიციპალიტეტის საკრებულოს რეგლამენტის დამტკიცების შესახებ“ ხობის მუნიციპალიტეტის საკრებულოს 2014 წლის 14 ივლისის N7 დადგენილებაში ცვლილების შეტანის თაობაზე“ დადგენილების პროექტის განხილვა.
(მომხსენებელი: შ. სირაძე - იურიდიულ საკითხთა და ადამიანის უფლებათა დაცვის კომისიის თავმჯდომარე)
10. ხობის მუნიციპალიტეტის საკრებულოს სამანდატო-საპროცედურო საკითხთა კომისიის 2015 წლის სამუშაო გეგმის განხილვა.
(მომხსენებელი: ნ. შუშანია - სამანდატო-საპროცედურო საკითხთა კომისიის თავმჯდომარე)
11. ხობის მუნიციპალიტეტის საკრებულოს იურიდიულ საკითხთა და ადამიანის უფლებათა დაცვის კომისიის 2015 წლის სამუშაო გეგმის განხილვა.
(მომხსენებელი: შ. სირაძე - იურიდიულ საკითხთა და ადამიანის უფლებათა დაცვის კომისიის თავმჯდომარე)
12. ხობის მუნიციპალიტეტის საკრებულოს საფინანსო-სარევიზიო კომისიის 2015 წლის სამუშაო გეგმის განხილვა.
(მომხსენებელი: ტ. ალექსანდრია - საფინანსო-სარევიზიო კომისიის თავმჯდომარე)
13. ხობის მუნიციპალიტეტის საკრებულოს სოციალურ საკითხთა კომისიის 2015 წლის სამუშაო გეგმის განხილვა.
(მომხსენებელი: დ. გაბუნია - სოციალურ საკითხთა კომისიის თავმჯდომარე)
14. ხობის მუნიციპალიტეტის საკრებულოს ეკონომიკური განვითარების საკითხთა კომისიის 2015 წლის სამუშაო გეგმის განხილვა.
(მომხსენებელი: გ. სიჭინავა - ეკონომიკური განვითარების საკითხთა კომისიის თავმჯდომარე)
15. „ხობის მუნიციპალიტეტის საკრებულოს 2015 წლის სამუშაო გეგმის დამტკიცების შესახებ“ განკარგულების პროექტის განხილვა.
(მომხსენებელი: ნ. შუშანია - სამანდატო-საპროცედურო საკითხთა კომისიის თავმჯდომარე)
ხობის მუნიციპალიტეტის საკრებულოს ბიუროს გადაწყვეტილებით საკრებულოს მორიგი სხდომა გაიმართება 2015 წლის 25 თებერვალს 11:00 საათზე.

February 17, 2015

სასოფლო-სამეურნეო ხვნის ბარათების დარიგება დაიწყო (EN)

17 თებერვალს ხობის მუნიციპალიტეტის საკრებულოს თავმჯდომარე ედიშერ ჯობავა შუა ხორგის ადმინისტრაციულ ერთეულში გამგებლის წარმომადგენელთან ერთად შეხვდა შუა ხორგის მოსახლეობას და მათ სასოფლო-სამეურნეო ხვნის ბარათები გადასცა, ამასთან გააცნო ინფორმაცია პროექტის მოქმედების ინსტრუქციის შესახებ, მისი განმარტებით აღნიშნული პროექტი უკვე მესამე წელია ხორციელდება, რომლის მიზანია სოფლის მეურნეობის აღორძინება და მცირემიწიან ფერმერთა ხელშეწყობა.
სასოფლო-სამეურნეო ხვნის ბარათები ნოჯიხევისა და ხობის ადმინისტრაციულ ერთეულებში გამგებლის წარმომადგენლებთან ერთად მოსახლეობას გადასცეს ეკონომიკური განვითარების საკითხთა კომისიის თავმჯდომარე გოჩა სიჭინავამ და ფრაქცია „ქართული ოცნება-დემოკრატიული საქართველოს“ თავმჯდომარე ლევან ქავთარაძემ.

February 16, 2015

დათა ხურცილავას სახელობის ტურნირი დასრულდა (EN)

16 თებერვალს, დათა ხურცილავას სახელობის სტადიონზე, გაიმართა 2008 წლის აგვისტოს ომში ტრაგიკულად დაღუპული რეზერვისტის დათა ხურცილავას სახელობის ტრადიციული - რიგით მე-7 საფეხბურთო ტურნირის ფინალური შეხვედრა ხეთისა და ახალსოფლის საფეხბურთო გუნდებს შორის, სადაც გაიმარჯვა ხეთის ადმინისტრაციული ერთეულის გუნდმა 4:0.
ფინალურ შეხვედრას ესწრებოდნენ ხობის მუნიციპალიტეტის საკრებულოს თავმჯდომარე ედიშერ ჯობავა, გამგებელი გოჩა ქაჯაია, გამგებლის მოადგილე მახარე ჩოკორაია. გამარჯვებულებს გადაეცათ პრიზები და სიგელები, ხოლო დათა ხურცილავას ოჯახის მიერ დაწესებული ფულადი ჯილდო გამარჯვებულებს გადასცა დაჩი ხურცილავამ.

February 16, 2015

ვ. მაისურაძის ხსოვნისადმი მიძღვნილი ტურნირი დასრულდა (EN)

13-15 თებერვალს ქ. თბილისში ჩატარდა საქართველოს დამსახურებული მწვრთნელის, ვლადიმერ მაისურაძის ხსოვნისადმი მიძღვნილი ტურნირი ბერძნულ-რომაული სტილით ჭიდაობაში ჭაბუკთა შორის, რომელშიც მონაწილეობდა საქართველოს სასპორტო სკოლებისა და აზერბაიჯანისა და სომხეთის ნაკრები გუნდები (სულ 235 მონაწილე).
ტურნირში წარმატებით იასპარეზეს ხობის მუნიციპალიტეტის განათლების ცენტრის სასპორტო სკოლის ბერძნულ-რომაული ჭიდაობის ჯგუფის მოსწავლეებმა. 52 კგ წონით კატეგორიაში I ადგილი დაიკავა ჯონი ხეცურიანმა, 56 კგ წონით კატეგორიაში II ადგილი გიორგი სოსელიამ მოიპოვა, (მწვრთნელ-მასწავლებელი ალმასხან ხუნჯუა, საჯიჯაოს ჯგუფი), ხოლო მეოთხე ადგილზე გავიდა ნიკა ყორშია. სამივე მოჭიდავე, 18-28 თებერვალს, ნაკრებ გუნდთან ერთად სასწავლო-საწვრთნელ შეკრებას გაივლის ბაკურიანში, სადაც ზაფხულის ევროპის ჩემპიონატისთვის შეირჩევიან მონაწილეები.

February 10, 2015

სტარტი აიღო დათა ხურცილავას სახელობის ტურნირმა (EN)

10 თებერვალს სტარტი აიღო 2008 წელს აგვისტოს ომის დროს ტრაგიკულად დაღუპული რეზერვისტის, ხობის „კოლხეთის“ ჭაბუკ ფეხბურთელთა გუნდისა და „თბილისის“ დინამოს ჭაბუკ ფეხბურთელთა გუნდის წევრის დათა ხურცილავას სახელობის ტრადიციულმა რიგით მეშვიდე გათამაშებამ მინი ფეხბურთში. შეჯიბრში რვა გუნდი მიიღებს მონაწილეობას, რომლებიც გაერთიანებული არიან ორ ჯგუფში. ტურნირის გახსნას ესწრებოდნენ ხობის მუნიციპალიტეტის საკრებულოს თავმჯდომარე ედიშერ ჯობავა და ხობის მუნიციპალიტეტის გამგებელი გოჩა ქაჯაია. შეჯიბრის ფინალური მატჩი გაიმართება 16 თებერვალს დათა ხურცილავას დაბადების დღეს.

February 10, 2015

კონფერენცია ხობის მონასტერში (EN)

9 თებერვალს ფოთისა და ხობის მიტროპოლიტის მეუფე გრიგოლის ლოცვა-კურთხევით ხობის მონასტრის საკონფერენციო დარბაზში გაიმართა კონფერენცია ხობის მონასტერში ჩატარებული არქეოლოგიური სამუშაოების შესახებ, რაზეც მოხსენება გააკეთა არქეოლოგმა, ისტორიულ მეცნიერებათა დოქტორმა რევაზ პაპუაშვილმა. კონფერენციას ესწრებოდნენ ფოთისა და ხობის მინტროპოლიტი მეუფე გრიგოლი, ხობის მონასტრის წინამძღოლი დეკანოზი მამა ილია, ხობის მუნიციპალიტეტის საკრებულოს თავმჯდომარე ედიშერ ჯობავა, ხობის მუნიციპალიტეტის გამგებელი გოჩა ქაჯაია და ადგილობრივი ხელისუფლების სხვა წარმომადგენლები. მომხსენებელმა რ. პაპუაშვილმა ფოტოსლაიდების სახით წარმოადგინა ხობის მონასტრის ტერიტორიაზე 2008 წლიდან დღემდე მიმდინარე არქეოლოგიური გათხრებისას აღმოჩენილი მასალები და ისაუბრა, რომ მონასტრის ტერიტორიაზე გათხრებისას აღმოჩენილ იქნა ძვ. წ. აღ-ის VIII–VII საუკუნებით დათარიღებული ძველი კოლხური ნამოსახლარები, ადრექრისტიანული ხანის ნაეკლესიარები, ტაძრის შიგნით გამოვლინდა ძველ დადიანთა (ცოტნე დადიანის (VIIIს.) საოჯახო საძვალე. მისი განმარტებით, თვით ტაძარი მდგარა გაცილებით უფრო დიდ ნატაძრალზე, რომელიც ძვ. წ. აღ-ის X-XI საუკუნით თარიღდება, ტაძრის დასავლეთით არქეოლოგიური სამუშაოების შედეგად გამოვლინდა ძვ. წ. აღ-ის VIII-IX ს. ნაგებობათა ნაშთები, რომლის ქვეშ სხვა ნაგებობის ნაშთებიც აღმოჩნდა. ასევე მოხსენებით გამოვიდა ხობის მუნიციპალიტეტის გამგეობის კულტურის, განათლების, სპორტის, ძეგლთა დაცვისა და ახალგაზრდულ საქმეთა სამსახურის მთავარი სპეციალისტი ძეგლთა დაცვის საკითხებში გოგიტა ჩიტაია, რომელმაც კულტურული სიწმინდის სიძველეების დაცვაზე ისაუბრა. დასასრულს მეუფე გრიგოლმა დალოცა და მადლობა გადაუხადა ადგილობრივ ხელისუფლებას გაწეული თანადგომისათვის, ხოლო არქეოლოგ რ. პაპუაშვილს და გ. ჩიტაიას გაწეული არქეოლოგიური საქმიანობისათვის.

February 3, 2015

საკრებულოს თავმჯდომარის ინიციატივით დასუფთავების აქცია დაიწყო (EN)

3 თებერვალს ხობის მუნიციპალიტეტის საკრებულოს თავმჯდომარის ედიშერ ჯობავას ინიციატივით მუნიციპალიტეტის მაშტაბით დაიწყო დასუფთავების აქცია, რომელსაც შეუერთდნენ საკრებულოს ბიუროს წევრები, საკრებულოს აპარატის მოხელეები და შპს „ხობი დასუფთავება და განათების“ თანამშრომლები. პირველ ეტაპზე დასუფთავდა თბილისი-სენაკი-ლესელიძის გზის მონაკვეთი, კერძოდ ქვემო ქვალონის ადმინისტრაციული ერთეულის ტერიტორია. ეს აქცია მიიღებს მრავალჯერად ხასიათს და მომავალშიც დაგეგმილია მუნიციპალიტეტის სხვა ტერიტორიაზე მყარი ნარჩენების შეგროვება-დასუფთავება.

February 3, 2015

ხობელი მოჭიდავის მორიგი წარმატება (EN)

მიმდინარე წლის 29-30 იანვარს ირანში ქალაქ მაშჰედში ჩატარდა საერთაშორისო ტურნირი ბერძნულ-რომაულ და თავისუფალ ჭიდაობაში ,,იადეგარ იმამის თასზე'' ჭაბუკთა შორის, სადაც მონაწილეობა მიიღო 14 ქვეყნის 200-მდე მოჭიდავემ. მათ შორის მიწვეული იყო ხობის მუნიციპალიტეტის განათლების ცენტრის სასპორტო სკოლის მოჭიდავე, საქართველოს ნაკრების წევრი ნიკა ყორშია. ტურნირი წარმატებული აღმოჩნდა საქართველოს ნაკრები გუნდისთვის, ჩვენმა მოჭიდავეებმა პირად გუნდურ შეჯიბრში II ადგილი დაიკავეს, პირველი ადგილის მფლობელი გახდა ირანის გუნდი, ხოლო მესამე ადგილზე გავიდა სომხეთის ნაკრები. ტურნირის ორგანიზატორებმა გამარჯვებულები სიგელებითა და მედლებით დააჯილდოვეს.
ხობის მუნიციპალიტეტის საკრებულო ულოცავს ხობელ მოჭიდავეებს მორიგ წარმატებას.

February 2, 2015

შუა ხორგაში წყლის სარეაბილიტაციო სამუშაოები მიმდინარეობს (EN)

2 თებერვალს ხობის მუნიციპალიტეტის საკრებულოს თავმჯდომარემ ედიშერ ჯობავამ, საფინანსო- სარევიზიო კომისიის თავმჯდომარემ ტარიელ ალექსანდრიამ, ეკონომიკური განვითარების საკითხთა კომისიის თავმჯდომარემ გოჩა სიჭინავამ და სოციალურ საკითხთა კომისიის თავმჯდომარემ დოდო გაბუნიამ დაათვალიერეს შუა ხორგაში წყალმომარაგების განვითარებისა და საქართველოს მუნიციპალური განვითარების ფონდის დაფინანსებით მიმდინარე წყლის სარეაბილიტაციო სამუშაოები.

February 2, 2015

შეხვედრა საფეხბურთო კლუბ „კოლხეთთან“ (EN)

2 თებერვალს ხობის მუნიციპალიტეტის საკრებულოს თავმჯდომარემ ედიშერ ჯობავამ, საფინანსო- სარევიზიო კომისიის თავმჯდომარემ ტარიელ ალექსანდრიამ, ეკონომიკური განვითარების საკითხთა კომისიის თავმჯდომარემ გოჩა სიჭინავამ, სოციალურ საკითხთა კომისიის თავმჯდომარემ დოდო გაბუნიამ და გამგებლის მოადგილემ მახარე ჩოკორაიამ საინტერესო და საქმიანი შეხვედრა გამართეს ხობის მუნიციპალიტეტის საფეხბურთო კლუბ „კოლხეთის“ მწვრთნელ-ფეხბურთელებთან, შეხვედრა შედგა კლუბის საწვრთნელ ბაზაში. მათ დაათვალიერეს ს.კ „კოლხეთის“ სამწვრთნელო ბაზაში ახლად გახსნილი ფეხბურთელთა და მსაჯთა გასახდელი ოთახები და დასასრულს „კოლხეთის“ ფეხბურთელებს სათამაშო სპორტული ფორმის კომპლექტი გადასცეს.
საკრებულოს თავმჯდომარემ ედიშერ ჯობავამ სიტყვით მიმართა ს.კ „კოლხეთის“ წევრებს და პირობა აღუთქვა, საკრებულო ყველაფერს გააკეთებს იმისათვის, რომ ს.კ „კოლხეთი“ იყოს N1 წარმატებული სპორტული კლუბი მუნიციპალიტეტში. ადგილობრივი ბიუჯეტის დახმარებით ს.კ „კოლხეთი“ 2 კვირიან შეკრებით - წვრთნებზე გაემგზავრება დაბა კურორტ ურეკში, სადაც რამოდენიმე ამხანაგურ თამაშებსაც გამართავს.
მთავარმა მწვრთნელმა გია გურულმა და ფეხბურთელებმა ხობის მუნიციპალიტეტის წარმომადგენლებს მადლობა გადაუხადეს გაწეული მხარდაჭერისთვის და პირობა მისცეს, რომ ყველაფერს გააკეთებენ გუნდის წარმატებითვის.

February 2, 2015

ერთად დავამარცხოთ C ჰეპატიტი (EN)

ხობის მუნიციპალიტეტის საკრებულოს თანამშრომლები უერთდებიან საქართველოს შრომის, ჯანმრთელობის და სოციალური დაცვის მინისტრის დავით სერგეენკოს ინიციატივით მიმდინარე აქციას „ერთად დავამარცხოთ C ჰეპატიტი“.

January 28, 2015

კონკურსის მესამე ეტაპი (EN)

24 იანვრიდან ხობის მუნიციპალიტეტის ადგილობრივი თვითმმართველობის მოხელეთა საკონკურსო-საატესტაციო მუდმივმოქმედმა კომისიამ დაიწყო ხობის მუნიციპალიტეტის გამგეობისა და საკრებულოს აპარატის მოხელეთა ვაკანტური თანამდებობების დასაკავებლად გამოცხადებული საჯარო კონკურსების მესამე ეტაპი - გასაუბრება, რომელიც გაგრძელდება 1 თებერვლამდე.

January 23, 2015

საკრებულოს სხდომის ანგარიში (EN)

23 იანვარს ხობის მუნიციპალიტეტის საკრებულოს სხდომათა დარბაზში გაიმართა საკრებულოს მორიგი სხდომა, რომელსაც უძღვებოდა საკრებულოს თავმჯდომარე ედიშერ ჯობავა. სხდომას ესწრებოდნენ: გამგებელი გოჩა ქაჯაია, საკრებულოს, გამგეობისა და ადგილობრივი თვითმმართველობის ხელმძღვანელები.

დღის წესრიგის დამტკიცების შემდეგ სხდომაზე განხილულ და მიღებულ იქნა „ხობის მუნიციპალიტეტის ავტოსატრანსპორტო საშუალებების მოძრაობის რეგულირების შესახებ“ დადგენილების პროექტი, რომლის მიხედვითაც ხობის მუნიციპალიტეტის ხეთის ადმინისტრაციული ერთეულის ტერიტორიაზე, „პაპანწყვირის“ ტბასთან გზაზე (გზის დასაწყისი-თბილისი -სენაკი-ლესელიძის საავტომობილო გზის გადაკვეთასთან და გზის დასასრულში-„პაპანწყვირის“ ტბასთან შესასვლელი გზის გადაკვეთაზე) განთავსდება 2 ცალი ამკრძალავი საგზაო ნიშანი 3.11. „მასის შეზღუდვა“ (მინიშნებით „8 ტონა“) და დაევალა ხობის მუნიციპალიტეტის გამგეობას ამ დადგენილებით გათვალისწინებული საგზაო ნიშნების განთავსებისათვის აუცილებელი ღონისძიებების გატარება 30 დღის ვადაში.

შემდეგ საკითხად სხდომაზე განხილულ და მიღებულ იქნა განკარგულება „ხობის მუნიციპალიტეტის 2015 წლის ადგილობრივი შესყიდვების გეგმის დამტკიცების შესახებ“ ასევე განხილულ იქნა „ ხობის მუნიციპალიტეტის 2015 წლის ადგილობრივი ბიუჯეტით გათვალისწინებული საბიუჯეტო ასიგნების განწერის დასამტკიცებლად ხობის მუნიციპალიტეტის გამგებლისთვის თანხმობის მიცემის შესახებ“ განკარგულების პროექტი და საკრებულოს განკარგულებით მიეცა თანხმობა ხობის მუნიციპალიტეტის გამგებელს ხობის მუნიციპალიტეტის 2015 წლის ადგილობრივი ბიუჯეტით გათვალისწინებული საბიუჯეტო ასიგნების კვარტალური განწერის თაობაზე.

საკრებულოს განკარგულებით ასევე მიეცა თანხმობა ხობის მუნიციპალიტეტის გამგებელს მუნიციპალიტეტის საკუთრებაში არსებული მოძრავი ქონების საქართველოს შინაგან საქმეთა სამინისტროსთვის სარგებლობის უფლების გადაცემაზე.

სხდომაზე ბოლო საკითხად მოსმენილ იქნა საკრებულოს თვმჯდომარის ედიშერ ჯობავას ინფორმაცია ხობის მუნიციპალიტეტის 2012-2013 წლების ფინანსური და საფინანსო_სამეურონეო საქმიანობის შესაბამისობის აუდიტის ანგარიშის თაობაზე.

საკრებულოს თავმჯდომარე ედიშერ ჯობავამ, საკრებულოს წევრებს, დღის წესრიგით გათვალისწინებულ სხვა და სხვა საკითხების ფორმატში წარუდგინა ინმფორმაცია სოფლის მეურნეობაში განხორციელებული პროექტების შესახებ, რომელბიც სტიმულის მიმცემია გლეხების, ფერმერების და სოფლის მეურნეობის დარგში ჩართული მეწარმეებისათვის.

დღის წესრიგით გათვალისწინებული საკითხების განხილვის შემდეგ სხდომა დახურულად გამოცხადდა.

<<
<
127
128
129
130
131
132
133
134
135
136
137
138
139
140
141
142
143
144
145
146
147
148
149
150
151
152
153
154
155
156
157
...
>
>>