SAKREBULO OF KHOBI MUNICIPALITY

Home
news

news

September 22, 2015

განცხადება საკრებულოს მორიგი სხდომის შესახებ (EN)

ხობის მუნიციპალიტეტის საკრებულოს მორიგი სხდომა გაიმართება 2015 წლის 23 სექტემბერს 11:00 საათზე საკრებულოს სხდომათა დარბაზში.

სხდომის დღის წესრიგი:

„ხობის მუნიციპალიტეტის 2015 წლის ადგილობრივი ბიუჯეტის დამტკიცების შესახებ“ ხობის მუნიციპალიტეტის საკრებულოს 2014 წლის 30 დეკემბრის №46 დადგენილებაში ცვლილების შეტანის თაობაზე“ დადგენილების პროექტის განხილვა.

(მომხსენებელი: გ. ქაჯაია - მუნიციპალიტეტის გამგებელი;

თანამომხსენებელი: დ. ჭოჭუა - გამგეობის საფინანსო-საბიუჯეტო სამსახურის უფროსი)

„ხობის მუნიციპალიტეტის საკრებულოს რეგლამენტის დამტკიცების შესახებ“ ხობის მუნიციპალიტეტის საკრებულოს 2014 წლის 14 ივლისის N7 დადგენილებაში ცვლილების შეტანის თაობაზე“ დადგენილების პროექტის განხილვა.

(მომხსენებელი: შ. სირაძე - იურიდიულ საკითხთა და ადამიანის უფლებათა დაცვის კომისიის თავმჯდომარე)

„ხობის მუნიციპალიტეტის საკრებულოს ზოგიერთ დადგენილებაში ცვლილების შეტანის შესახებ“ დადგენილების პროექტის განხილვა.

(მომხსენებელი: გ. ქაჯაია - მუნიციპალიტეტის გამგებელი;

თანამომხსენებელი: ზ. ბუკია - გამგეობის ადმინისტრაციული სამსახურის უფროსი)

„არასამეწარმეო (არაკომერციული) იურიდიული პირის - „ხობის მუნიციპალიტეტის პროფესიული სწავლების ცენტრის“ ლიკვიდაციაზე ხობის მუნიციპალიტეტის გამგებლისთვის თანხმობის მიცემის შესახებ“ განკარგულების პროექტის განხილვა.

(მომხსენებელი: გ. ქაჯაია - მუნიციპალიტეტის გამგებელი;

თანამომხსენებელი: ზ. ბუკია - გამგეობის ადმინისტრაციული სამსახურის უფროსი)

„ხობის მუნიციპალიტეტის საკრებულოს თავმჯდომარისთვის ხობის მუნიციპალიტეტის საკუთრებაში არსებული დამატებითი ქონების ა(ა)იპ „ხობის მუნიციპალიტეტის პროფესიული სწავლების ცენტრისთვის“ გადაცემაზე თანხმობის მიცემის შესახებ“ ხობის მუნიციპალიტეტის საკრებულოს 2012 წლის 14 სექტემბრის N52 განკარგულებაში ცვლილების შეტანის თაობაზე“ თაობაზე“ განკარგულების პროექტის განხილვა.

(მომხსენებელი: გ. ქაჯაია - მუნიციპალიტეტის გამგებელი;

თანამომხსენებელი: მ. რუხაძე - გამგეობის ეკონომიკური განვითარებისა და პროგრამების მართვის სამსახურის

„ხობის მუნიციპალიტეტის საკუთრებაში არსებული ქონების სახელმწიფოსთვის უსასყიდლოდ საკუთრებაში გადაცემის შესახებ“ განკარგულების პროექტის თაობაზე“ განკარგულების პროექტის განხილვა.

(მომხსენებელი: გ. ქაჯაია - მუნიციპალიტეტის გამგებელი;

თანამომხსენებელი: მ. რუხაძე - გამგეობის ეკონომიკური განვითარებისა და პროგრამების მართვის სამსახურის უფროსის მ/შ)

September 22, 2015

ბიუროს სხდომა (EN)

2015 წლის 22 სექტემბერს გაიმართა ხობის მუნიციპალიტეტის საკრებულოს ბიუროს სხდომა, სადაც განხილულ იქნა შემდეგი საკითხები:

1. ხობის მუნიციპალიტეტის გამგებლის გ. ქაჯაიას 2015 წლის 14 სექტემბრის N06/1571 წერილის განხილვა (ხობის მუნიციპალიტეტის 2015 წლის ადგილობრივი ბიუჯეტის იანვარ-აგვისტოს შესრულების თაობაზე)
(მომხსენებელი: ტ. ალექსანდრია - საფინანსო-სარევიზიო კომისიის თავმჯდომარე)

2. ხობის მუნიციპალიტეტის გამგებლის გ. ქაჯაიას 2015 წლის 21 სექტემბრის N06/1610 წერილის განხილვა („ხობის მუნიციპალიტეტის 2015 წლის ადგილობრივი ბიუჯეტის დამტკიცების შესახებ“ ხობის მუნიციპალიტეტის საკრებულოს 2014 წლის 30 დეკემბრის №46 დადგენილებაში ცვლილების შეტანის თაობაზე“ დადგენილების პროექტის შესახებ)
(მომხსენებელი: ტ. ალექსანდრია - საფინანსო-სარევიზიო კომისიის თავმჯდომარე)

3. ხობის მუნიციპალიტეტის გამგებლის გ. ქაჯაიას 2015 წლის 21 სექტემბრის N06/1617 წერილის განხილვა („არასამეწარმეო (არაკომერციული) იურიდიული პირის - „ხობის მუნიციპალიტეტის სკოლამდელი სააღმზრდელო გაერთიანების“ შექმნისა და წესდების დამტკიცების შესახებ“ ხობის მუნიციპალიტეტის საკრებულოს 2007 წლის 10 ივლისის N49 განკარგულებაში ცვლილების შეტანის თაობაზე“ განკარგულების პროექტის შესახებ)
(მომხსენებელი: დ. გაბუნია - სოციალურ საკითხთა კომისიის თავმჯდომარე)

4. ხობის მუნიციპალიტეტის გამგებლის გ. ქაჯაიას 2015 წლის 21 სექტემბრის N06/1618 წერილის განხილვა („არასამეწარმეო (არაკომერციული) იურიდიული პირის - „ხობის მუნიციპალიტეტის პროფესიული სწავლების ცენტრის“ ლიკვიდაციაზე ხობის მუნიციპალიტეტის გამგებლისთვის თანხმობის მიცემის შესახებ“ განკარგულების პროექტის თაობაზე)
(მომხსენებელი: შ. სირაძე - იურიდიულ საკითხთა და ადამიანის უფლებათა დაცვის კომისიის თავმჯდომარე)

5. ხობის მუნიციპალიტეტის გამგებლის გ. ქაჯაიას 2015 წლის 21 სექტემბრის N06/1619 წერილის განხილვა („ხობის მუნიციპალიტეტის საკრებულოს ზოგიერთ დადგენილებაში ცვლილების შეტანის შესახებ“ დადგენილების პროექტის, „ხობის მუნიციპალიტეტის 2015 წლის ადგილობრივი შესყიდვების გეგმის დამტკიცების შესახებ“ ხობის მუნიციპალიტეტის საკრებულოს 2015 წლის 23 იანვრის N1 განკარგულების ძალადაკარგულად გამოცხადების თაობაზე და „ხობის მუნიციპალიტეტის გამგეობის სტრუქტურული ერთეულების და ადმინისტრაციულ ერთეულებში წარმომადგენლის ბეჭდისა და სატიტულო ფურცლების და გამგეობის თანამდებობის პირთა სამართლებრივი აქტების ბლანკების ნიმუშების დამტკიცების თაობაზე“ ხობის მუნიციპალიტეტის საკრებულოს 2014 წლის 28 ივლისის N54 განკარგულების ძალადაკარგულად გამოცხადების თაობაზე“ განკარგულების პროექტების შესახებ)
(მომხსენებელი: შ. სირაძე - იურიდიულ საკითხთა და ადამიანის უფლებათა დაცვის კომისიის თავმჯდომარე)

6. ხობის მუნიციპალიტეტის გამგებლის გ. ქაჯაიას 2015 წლის 21 სექტემბრის N06/1620 წერილის განხილვა („საწვავისა და სატელეფონო მომსახურების ხარჯების ლიმიტის განსაზღვრის შესახებ“ ხობის მუნიციპალიტეტის საკრებულოს 2014 წლის 28 ივლისის N53 განკარგულებაში ცვლილების შეტანის თაობაზე“ განკარგულების პროექტის შესახებ)
(მომხსენებელი: ტ. ალექსანდრია - საფინანსო-სარევიზიო კომისიის თავმჯდომარე)

7. ხობის მუნიციპალიტეტის გამგებლის გ. ქაჯაიას 2015 წლის 21 სექტემბრის N06/----წერილის განხილვა („ხობის მუნიციპალიტეტის საკუთრებაში არსებული ქონების სახელმწიფოსთვის უსასყიდლოდ საკუთრებაში გადაცემის შესახებ“ და „ხობის მუნიციპალიტეტის საკრებულოს თავმჯდომარისთვის ხობის მუნიციპალიტეტის საკუთრებაში არსებული დამატებითი ქონების ა(ა)იპ „ხობის მუნიციპალიტეტის პროფესიული სწავლების ცენტრისთვის“ გადაცემაზე თანხმობის მიცემის შესახებ“ ხობის მუნიციპალიტეტის საკრებულოს 2012 წლის 14 სექტემბრის N52 განკარგულებაში ცვლილების შეტანის თაობაზე“ განკარგულების პროექტების შესახებ)
(მომხსენებელი: გ. სიჭინავა - ეკონომიკური განვითარების საკითხთა კომისიის თავმჯდომარე)

8. „ხობის მუნიციპალიტეტის საკრებულოს რეგლამენტის დამტკიცების შესახებ“ ხობის მუნიციპალიტეტის საკრებულოს 2014 წლის 14 ივლისის N7 დადგენილებაში ცვლილების შეტანის თაობაზე“ დადგენილების პროექტის განხილვა.
(მომხსენებელი: შ. სირაძე - იურიდიულ საკითხთა და ადამიანის უფლებათა დაცვის კომისიის თავმჯდომარე)

9. „ხობის მუნიციპალიტეტის საკრებულოს ბეჭდის, სატიტულო ფურცლისა და სამართლებრივი აქტების ბლანკის ნიმუშების დამტკიცების თაობაზე“ ხობის მუნიციპალიტეტის საკრებულოს 2010 წლის 31 დეკემბრის N50 განკარგულების ძალადაკარგულად გამოცხადების შესახებ“ განკარგულების პროექტის განხილვა.
(მომხსენებელი: შ. სირაძე - იურიდიულ საკითხთა და ადამიანის უფლებათა დაცვის კომისიის თავმჯდომარე)

September 22, 2015

კომისიების სხდომები (EN)

22 სექტემბერს გაიმართა ხობის მუნიციპალიტეტის საკრებულოს კომისიების სხდომები

September 21, 2015

ხობის #1 საბავშო ბაგა-ბაღს სასწავლო ინვენტარი გადაეცა (EN)

ხობის მუნიციპალიტეტის საკრებულოსა და საერთაშორისო ასოციაცია ,, კივიტას გეორგიკას" შორის გაფორმებული თანამშრომლობის მემორანდუმის თანახმად, ქალაქ ხობის #1 საბავშვო ბაგა-ბაღში დაგეგმილია სასკოლო მზაობის ცენტრის გახსნა. ( ერთი ჯგუფი- 20 აღსაზრდელზე) . სასკოლო მზაობის ჯგუფი განკუთვნილია 2009 წელს დაბადებული ბავშვებისთვის, რომლებსაც 6 წელი უსრულდებათ 2015 წლის 1 დეკემბრამდე. ამ პროექტის ფარგლებში 21 სექტემბერს ხობის #1 საბავშო ბაგა- ბაღს გადაეცა სასწავლო ინვენტარი.

September 21, 2015

ხობში ღვთისმშობლის შობის დღესასწაული აღინიშნა (EN)

21 სექტემბერს ღვთისმშობლის შობის დღესასწაულთან დაკავშირებით ხობის ღვთისმშობლის მიძინების ტაძარში საზეიმო წირვა-ლოცვა ფოთისა და ხობის მიტროპოლიტმა მეუფე გრიგოლმა ეპარქიის სამღვდელოებასთან და ტაძრის მოძღვართან დეკანოზ მამა ილიასთან (ლომაია) ერთად აღავლინა. წირვა-ლოცვას მეუფე გრიგოლის მიერ მოწვეულ სტუმრებთან საქართველოს განათლებისა და მეცნიერების სამინისტროდან და საქართველოს სასულიერო სემინარიის რექტორ სერგო ვარდოსანიძესთან ერთად. საზეიმო წირვა ლოცვას ასევე ესწრებოდნენ საქართველოს პარლამენტის წევრი გიგა ბუკია, ხობის მუნიციპალიტეტის საკრებულოს თავმჯდომარე ედიშერ ჯობავა, გამგებელი გოჩა ქაჯაია და ადგილობრივი ხელისუფლების სხვა წარმომადგენლები. მეუფე გრიგოლმა საღმრთო ქადაგების დაწყებამდე ტაძარში შეკრებილ მრევლს ღვთისმშობლის შობის დღესასწაული მიულოცა და პატრიარქის კურთხევით მრევლთან ერთად ღვთისმშობლისადმი სავედრებელი ლოცვა წაიკითხა.

September 21, 2015

ხობის N1 საჯარო სკოლაში ახალი სასწავლო წელი დაიწყო (EN)

21 სექტემბერს ხობის მუნიციპალიტეტის N1 საჯარო სკოლაში ახალი სასწავლო წელი დაიწყო.
მოსწავლეებსა და პედაგოგებს ახალი სასწავლო წლის დაწყება მიულოცეს ხობის მუნიციპალიტეტის საკრებულოს თავმჯდომარემ ედიშერ ჯობავამ, გამგებელმა გოჩა ქაჯაიამ და ხობის მუნიციპალიტეტის საკრებულოს მაჟორიტარმა წევრმა ქალაქ ხობის მაჟორიტარული ოლქიდან, ფრაქცია „ქართული ოცნება-დემოკრატიული საქართველოს“ თავმჯდომარე ლევან ქავთარაძემ, ყველა პირველკლასელს სახელმწიფოსგან საჩუქრად ნეტ-ბუკები გადაეცა, გაუმჯობესებული ტექნიკური მახასიათებლებითა და პროგრამებით. სრული რეაბილიტაცია ჩაუტარდა N1 საჯარო სკოლას, სკოლაში განხორციელებული სარემონტო სამუშაოები დღეს ადგილობრივი ხელისუფლების წარმომადგენლება დაათვალიერეს.

September 18, 2015

დასუფთავების მსოფლიო აქციას ხობის მუნიციპალიტეტიც შეუერთდა (EN)

18,19 და 20 სექტემბერს მთელს მსოფლიოში ტარდება დასუფთავების ყოველწლიური საერთაშორისო კამპანია - "დავასუფთაოთ მსოფლიო" (Clean Up the World), რომელიც 1992 წელს დაფუძნდა გაეროს გარემოსდაცვითი პროგრამის (UNEP) ინიციატივით.
კამპანია ტარდება „დავასუფთაოთ საქართველო საზოგადოების ცნობიერების ამაღლება და მისი ჩართვა მყარი საყოფაცხოვრებო ნარჩენების მართვის გაუმჯობესების პროცესში“ პროექტის ფარგლებში. გარემოს გაუმჯობესების მიზნით, კამპანიაში 18 სექტემბერს ჩაერთვნენ ხობის მუნიციპალიტეტის გამგებელი გოჩა ქაჯაია, გამგებლის პირველი მოადგილე ვარაზ გაბედავა,საკრებულოს აპარატის თანამშრომლები, გამგეობის სამსახურების და ხობის მუნიციპალიტეტის ადმინისტრაციული ერთეულების წარმომადგენლები , მათ დაასუფთავეს ქალაქისა და ადმინისტრაციული ერთეულების ცენტრის მიმდებარე ტერიტორია, ქუჩები და სკვერები.
აქციაში მონაწილეობის მიზანია მოსახლეობამ თავად შეიტანოს გარკვეული წვლილი მნიშვნელოვანი ადგილების დასუფთავებასა და ეკოლოგიურად უსაფრთხო და ჯანსაღი გარემოს შენარჩუნებაში. ხობის მუნიციპალიტეტში პროექტის კოორდინატორია მედეა ქობალია, კამპანია ტარდება ყოველი წლის სექტემბრში და მასში 130-მდე ქვეყანა მონაწილეობს, მისი დევიზია: „ჩვენი ქვეყანა... ჩვენი პლანეტა... ჩვენი პასუხისმგებლობა „დავასუფთაოთ მსოფლიო".
პროექტი ხორციელდება საქართველოს გარემოს დაცვის სამინისტროს მხარდაჭერით და შვედეთის საერთაშორისო განვითარების სააგენტოს (Sida) ფინანსური უზრუნველყოფით.
აქცია ხობის მუნიციპალიტეტში არ არის ერთჯერადი ხასიათის, მსგავსი ღონისძიებები მომავალშიც გაგრძელდება.

September 15, 2015

რამაზ კიტიას სახელობის ტურნირი (EN)

15 სექტემბერს, სტარტი აიღო რუსეთ-საქართველოს ომის შედეგად სოფელ ხურჩაში ტრაგიკულად დაღუპული ხობელი პოლიციელის რამაზ კიტიას ხსოვნისადმი მიძღვნილმა მუნიციპალიტეტის პირველობამ მინი ფეხბურთში, რომელიც ხობის მუნიციპალიტეტის ტერიტორიაზე არსებულ წარმოება-დაწესებულებებს შორის იმართება. შეჯიბრებაში 9 გუნდი მონაწილეობს. ტურნირი ჯგუფური სისტემით ტარდება, თითო ჯგუფიდან ორ-ორი გუნდი ნახევარფინალში გადის, გამარჯვებული გუნდები კი ერთმანეთს ფინალში დაუპირისპირდებიან. დღეს, თამაში ხობის მუნიციპალიტეტის გამგეობა-საკრებულოს და შსს ხობის რაიონული სამმართველოს გუნდებმა გახსნეს, სადაც გამარჯვება გამგეობა-საკრებულოს ფეხბურთელთა გუნდმა მოიპოვა. ფინალური შეხვედრა 21 სექტემბერს ახალი ხიბულაში, რამაზ კიტიას სახელობის სტადიონზე გაიმართება, სადაც გამარჯვებული გუნდი მისი სახელობის თასს დაეუფლება. ტურნირი ხობის მუნიციპალიტეის გამგეობის კულტურის, განათლების, სპორტის, ძეგლთა, დაცვისა და ახალგაზრდულ საქმეთა სამსახურის ორგანიზებით ხორციელდება, რომელსაც ხობის მუნიციპალიტეტის გამგებლის მოადგილე მახარე ჩოკორაია დაესწრო.

September 15, 2015

ახალი სასწავლო წელი სკოლა არეაში (EN)

15 სექტემბერს ხობის მუნიციპალიტეტის კერძო სკოლა „არეამ“ ახალი სასწავლო წელი დაიწყო.
მოსწავლეებსა და პედაგოგებს ახალი სასწავლო წლის დაწყება მიულოცეს ხობის მუნიციპალიტეტის საკრებულოს თავმჯდომარემ ედიშერ ჯობავამ და ხობის მუნიციპალიტეტის საკრებულოს მაჟორიტარმა წევრმა ქალაქ ხობის მაჟორიტარული ოლქიდან, ფრაქცია „ქართული ოცნება-დემოკრატიული საქართველოს“ თავმჯდომარე ლევან ქავთარაძემ.

September 14, 2015

ახალი სასწავლო წელი დაიწყო (EN)

14 სექტემბერს ხობის მუნიციპალიტეტის საჯარო სკოლებში ახალი სასწავლო წელი დაიწყო.ახალი სასწავლო წლისთვის გარკვეული ცვლილებები და სიახლეებია, მათ შორის ეროვნულ სასწავლო გეგმასა და ინკლუზიური განათლების კუთხით. თითქმის ყველა სკოლის შენობას რეაბილიტაცია ჩაუტარდა, სრული რეაბილიტაცია დასჭირდა საჯიჯაოს და ხობის N1 საჯარო სკოლას. ხობის N1 საჯარო სკოლაში სწავლა 21 სექტემბერს განახლდება. ფართოვდება ასევე მოსწავლეების ტრასპორტით უზრუნველყოფის პროგრამაც, რომელთაც 25 საჯარო სკოლის მოსწავლეები ისარგებლებენ. იზრდება მასწავლებელთა ხელფასიც.
წელს ხობის მუნიციპალიტეტის საჯარო სკოლების პირველ კლასებში სასწავლო პროცესს 350 მოსწავლე შეუდგა.ყველა პირველკლასელს სახელმწიფოსგან საჩუქრად ნეტ-ბუკები გადაეცა, გაუმჯობესებული ტექნიკური მახასიათებლებითა და პროგრამებით.მოსწავლეებსა და პედაგოგებს ახალი სასწავლო წლის დაწყება საგანმანათლებლო რესურსცენტრის წარმომადგენელთან, დეკანოზ კირიონთან (დარასელია) და საკრებულოს ბიუროს წევრებთან ერთად მიულოცა ხობის მუნიციპალიტეტის საკრებულოს თავმჯდომარემ ედიშერ ჯობავამ.

September 14, 2015

გილოცავთ ახალი სასწავლო წლის დაწყებას (EN)

ხობის მუნიციპალიტეტის საკრებულოს სახელით, უდიდესი სიყვარულითა და პატივისცემით გილოცავთ ჩვენს მოსწავლე-ახალგაზრდობას ახალი სასწავლო წლის დაწყებას, გისურვებთ წარმატებებს ცოდნის დაუფლებისა და მიღწევების საინტერესო ცხოვრების გზაზე, რათა განახორციელოთ ქვეყნის წინაშე თქვენი უპირველესი მოვალეობა - სწავლა-განათლება, განავითაროთ თქვენი ინტელექტუალურ-შემეცნებითი პოტენციალი და უნარ-ჩვევები, რომლითაც უნდა განსაზღვროთ ჩვენი ქვეყნის სახელმწიფოებრივი, კულტურული, ეკონომიკური და პოლიტიკური ინტერესები.
ასევე ვულოცავთ პედაგოგებსა და მშობლებს .ჩვენ ერთად უნდა ვიზრუნოთ და შევძლოთ ჩვენი შვილებისათვის ყველა იმ საუკეთესო პირობების შექმნა, რითაც განპირობებულია ხარისხიანი განათლების მიღება, რაც საშუალებას მისცემს მათ თვითონ შექმნან ღირებულებები და ჩამოყალიბდნენ ჩვენი ქვეყნისა და თავისუფალი, ცივილიზებული მსოფლიოს ღირსეულ მოქალაქეებად.

ღმერთმა გააძლიეროს და მოჰმადლოს ჩვენს ახალგაზრდობას ნიჭიერება და ენერგია.
პატივისცემით,
ხობის მუნიციპალიტეტის საკრებულოს
თავმჯდომარე ედიშერ ჯობავა

September 12, 2015

მალე ხობში სპორტული კომპლექსის რეაბილიტაცია დაიწყება (EN)

12 სექტემბერს სამეგრელო-ზემო სვანეთის მხარეში სახელმწიფო რწმუნებულმა - გუბერნატორმა ლევან შონიამ, გუბერნიის აპარატის უფროსმა ლაშა გვასალიამ, ხობის მაჟორიტარმა დეპუტატმა გოდერძი ბუკიამ, ხობის მუნიციპალიტეტის საკრებულოს თავმჯდომარემ ედიშერ ჯობავამ და გამგებელმა გოჩა ქაჯაიამ დაათვალიერეს ხობის მუნიციპალიტეტისთვის სახელმწიფოს მიერ საკუთრებაში გადმოცემული ყოფილი კინოთეატრის „თუთარჩელას“ შენობა, სადაც სპორტული კომპლექსის მოწყობაა დაგეგმილი.

September 12, 2015

შეხვედრა ხობის საერთაშორისო ფესტივალის ფარგლებში (EN)

12 სექტემბერს ხობის რიგით მეშვიდე საერთაშორისო ფესტივალ „სიმღერა სამეგრელოზე“ ჩატარებასთან დაკავშირებით სამეგრელო-ზემო სვანეთის მხარეში სახელმწიფო რწმუნებულმა - გუბერნატორმა ლევან შონიამ, გუბერნიის აპარატის უფროსმა ლაშა გვასალიამ, ხობის მაჟორიტარმა დეპუტატმა გოდერძი ბუკიამ, ხობის მუნიციპალიტეტის საკრებულოს თავმჯდომარემ ედიშერ ჯობავამ, გამგებელმა გოჩა ქაჯაიამ და ფესტივალის ორგანიზატორებთან ერთად დაათვალიერეს ის ადგილები სადაც ფესტივალის ფარგელბში სხვადასხვა ტიპის ღონისძიებებია დაგეგმილი. შემდგომ ფესტივალის საორგანიზაციო საკითხებთან დაკავშირებით ხობის მუნიციპალიტეტის გამგეობის სააქტო დარბაზში შეხვედრა გამართეს მუნიციპალიტეტის საზოგადოებასთან. შეხვედრაზე ისაუბრეს ფესტივალის საორგანიზაციო საკითხებთან დაკავშირებით. ფესტივალის ორგანიზატორები და მხარდამჭერები არიან განათლების, კულტურისა და სულიერების აღორძინების საერთაშორისო ფონდი „ხობი“, ქართული საერთაშორისო სიმღერის საერთაშორისო ცენტრი, საქართველოს კულტურისა და ძეგლთა დაცვის სამინისტრო, სახელმწიფო რწმუნებულის - გუბერნატორის ადმინისტრაცია, ხობის მუნიციპალიტეტის გამგეობა - საკრებულო. მეშვიდე საერთაშორისო ფესტივალი ეძღვნება მომღერალ თამარ გვერდწითელისა და ანსამბლ „რუსთავის“ შემოქმედებას.

September 11, 2015

ჯანდაცვის მინისტრი და გუბერნატორი მედპერსონალს შეხვდნენ (EN)

ჯანმრთელობისა და სოციალური დაცვის მინისტრი დავით სერგეენკო და სამეგრელო-ზემო სავნეთის მხარეში სახელმწიფო რწმუნებული - გუბერნატორი ლევან შონია რეგიონის მასშტაბით არსებული სამედიცინო დაწესებულებების წარმომადგენლებს ზუგდიდში შეხვდნენ.
დავით სერგეენკო მედპერსონალს ჯანდაცვის სფეროში მიმდინარე სხვადასხვა პროგრამებზე ესაუბრა. მინისტრმა შეკრებილების კითხვებსაც უპასუხა და მათგან სხვადასხვა საკითხებსა და საჭიროებებზე ინფორმაცია მიიღო. შეხვედრას ჯანდაცვის მინისტრის მოადგილე ვალერი კვარაცხელია და ადგილობრივი ხელისუფლების წარმომადგენლები ესწრებოდნენ.

September 10, 2015

ხობის მუნიციპალიტეტის საკრებულოს ჯაბა ჯიშკარიანი სტუმრობდა (EN)

10 სექტემბერს ხობის მუნიციპალიტეტის საკრებულოს სტუმრობდა ქ. თბილისის მთაწმინდის ოლქის მაჟორიტარი დეპუტატი ჯაბა ჯიშკარიანი, რომელმაც საქმიანი შეხვედრა გამართა საკრებულოს თავმჯდომარე ედიშერ ჯობავასთან.
შეხვედრაზე ბატონმა ჯაბამ გამოხატა დაინტერესება ხობის მუნიციპალიტეტში სიახლეებისა და მიმდინარე მოვლენების მიმართ. საუბარი შეეხო უკვე შესრულებულ და მომავალში განსახორციელებელ პროექტებს. საუბრისას ჯაბა ჯიშკარიანმა წარმოადგინა საინტერესო წინადადებები ინვესტიციების მოზიდვის მიზნით და გამოთქვა მუნიციპალიტეტის განვითარებისა და აღმშენებლობის საქმეში აქტიური ჩართულობისა და თანადგომის სურვილი.
საკრებულოს თავმჯდომარემ ედიშერ ჯობავამ ჯაბა ჯიშკარიანთან შეხვედრა მნიშვნელოვნად შეაფასა: ,,საზოგადოებისათვის ჯაბა ჯიშკარიანი დიდი ხანია ცნობილია, როგორც აქტიური საზოგადოებრივ-პოლიტიკური ისტორიის მქონე, ნიჭიერი ახალგაზრდა პოლიტიკოსი, რომელმაც წინა ხელისუფლების რეჟიმის წინააღმდეგ საპროტესტო აქციებისა და ზოგჯერ რადიკალური მიტინგების გზა გამოიარა. მიუხედავად იმისა, რომ ჩვიდმეტჯერ იყო დაპატიმრებული ბრძოლა არ შეუწყვიტავს, უფრო მეტიც პატიმარმა აბიტურიენტმა ეროვნული გამოცდებიც ბადრაგის თანხლებით ჩააბარა. სიამაყით მინდა გავიხსენო 2006 წელი, როდესაც მე და ჩემმა თანამებრძოლებმა ოჯახებთან და ნათესავებთან ერთად, მიუხედავად მოსალოდნელი საფრთხეებისა, გავრისკეთ და ჯაბას თავისუფლების მხარდამჭერი აქცია მოვაწყვეთ ხობში. გულწრფელად მინდა გამოვხატო სიამაყე იმის გამოც, რომ ჯაბა ჯიშკარიანი წარმოშობით ხობელია, ახალი ხიბულიდან და ეს პერსპექტიული, ნიჭიერი, ახალგაზრდა პოლიტიკოსი წარმატებით მოღვაწეობს ქ. თბილისის საკრებულოში, როგორც მთაწმინდის ოლქის ამომრჩეველთა წარმომადგენელი-მაჟორიტარი დეპუტატი.
ჯაბა ჯიშკარიანის დღევანდელი სტუმრობა, ჩვენთვის ხობელებისათვის მნიშვნელოვანი და დასაფასებელია, მივესალმებით მის ჩართულობას და ინიციატივებს ჩვენი მუნიციპალიტეტის განვითარებისა და კეთილდღეობისათვის’’...

<<
<
127
128
129
130
131
132
133
134
135
136
137
138
139
140
141
142
143
144
145
146
147
148
149
150
151
152
153
154
155
156
157
...
>
>>