SAKREBULO OF KHOBI MUNICIPALITY

Home
news

news

July 15, 2015

მამა იაკობმა ხობში ორი დიდი ქარხნის საძირკველი აკურთხა (EN)

15 ივლისს პირველი მაისის ყოვლადწმინდის ქალწულ მარიამის ტაძრად მიყვანების, წმიდისა დიდისა მოწამისა გიორგისა და წმიდისა მღვდელმთავრისა და საკვირველმოქმედისა ნიკოლოზის საეკლესიო კომპლექსის წინამძღვარი დეკანოზი მამა იაკობი დაესწრო ქ.ხობში სიმინდის ზეთისა და სიმინდის გადამამუშავვებელი ქარხნების ფუნდამენტის ჩაყრას და აკურთხა მშენებლობის დაწყება, რომელიც ხორციელდება მაჟორიტარი დეპუტატის გოდერძი ბუკიას ინიციატივით.
ფუნდამენტის ჩაყრას ესწრებოდა მაჟორიტარი დეპუტატის ბიუროს ხელმძღვანელი რევაზ წულაია.

July 15, 2015

ხობის მუნიციპალიტეტის საკრებულო გილოცავთ ვლაქერნობას (EN)

July 13, 2015

ანრი ჯგერენაიას სახელობის ტურნირი ჭადრაკში დასრულდა (EN)

13 ივლისს, ქალაქ ხობში დასრულდა ტრაგიკულად დაღუპული ანრი ჯგერენაიას სახელობის ტურნირი ჭადრაკში. ტურნირი საჭადრაკო კლუბ „ლაზიერის“ ორგანიზებით ჩატარდა და მასში 15 მოჭადრაკე მონაწილეობდა. ასპარეზობაში გამარჯვებული გახდა ბადრი ლომაია, II ადგილზე გავიდა გულად დგებუაძე, III ადგილი - ნოდარ შონიამ დაიკავა .
დაჯილდოებას ხობის მუნიციპალიტეტის გამგებლის პირველი მოადგილე ვარაზ გაბედავა ესწრებოდა. გამარჯვებულები დიპლომებით, თასებითა და ფასიანი საჩუქრებით დაჯილდოვდნენ. I, II და III ადგილის მფლობელებისათვის პრიზები ანრი ჯგერენაიას ბიძიამ რომან ჯგერენაიამ დააწესა. გამარჯვებულს და ყველაზე პატარა მონაწილეს სამახსოვრო საჩუქარი მაჟორიტარი დეპუტატის გოდერძი ბუკიას ბიუროს უფროსმა რევაზ წულაიამ გადასცა.
დაჯილდოების დასასრულს დამსწრე საზოგადოებამ და ტურნირში მონაწილეებმა კიდევ ერთხელ გაიხსენეს ანრი პატივი მიაგეს მის ხსოვნას.

July 10, 2015

ხობში საფუძველი ჩაეყარა ორი დიდი ქარხნის მშენებლობას (EN)

დღეს, ხობში ორი დიდი ქარხნის მშენებლობა მაჟორიტარმა დეპუტატმა გოდერძი ბუკიამ, ხობის მუნიციპალიტეტის გამგებელმა გოჩა ქაჯაიამ და საკრებულოს თავმჯდომარემ ედიშერ ჯობავამ დაათვალიერეს . საფუძველი ჩაეყარა დასავლეთ საქართველოსთვის და კერძოდ, ხობისთვის უმნიშვნელოვანეს პროექტს. სიმინდის ზეთისა და სიმინდის გადამამუშავებელი ქარხნების მშენებლობის ბალავარი უკვე გაიჭრა.
ბალავარის გაჭრას ასევე, დაესწრნენ „საქართველოს მცენარეული ზეთების კომპანია ქარვას“ გენერალური დირექტორი ილია ქანთარია და კომპანია „ კოლხეთის“ დირექტორი მამუკა ბუკია, მაჟორიტარი დეპუტატის ბიუროს ხელმძღვანელი რევაზ წულაია და ბიუროს სხვა წევრები.
„აღნიშნული პროექტი იქნება უდიდესი შვება ფინანსური თვალსაზრისით. წელიწადში 100 მლ-იანი ბრუნვა განხორციელდება. გთხოვთ, ხობელებმა იაქტიუროთ და დასაქმებისთვის კომპანია „კოლხას“ მიაკითხოთ “- აღნიშნა გოდერძი ბუკიამ.
იგივე თხოვნა გამოხატა კომპანიის დირექტორმა გიორგი ბუკიამ: „ჩვენ გამოვაცხადეთ კონკურსი და დავდეთ ვაკანსიები. სამწუხაროდ, უმეტესობა სხვა რაიონის მაცხოვრებლები არიან. ამიტომაც, ვთხოვ ხობელებს, მოგვაკითხონ და გამოხატონ მზაობა. უნდა დავიწყოთ კადრების გადამზადებაც. მშენებლობა ნოემბრის ბოლოსთვის დასრულდება“.

July 9, 2015

9 ივლისი დაცვის პოლიციის დღე (EN)

ხობის მუნიციპალიტეტის საკრებულო ულოცავს დაცვის პოლიციას 11 წლის იუბილეს, თქვენ წლების მანძილზე იცავდით მოქალაქეების უსაფრთხოებას და მათი საქმიანობისთვის ჯანსაღი გარემოს შექმნას. გისურვებთ წარმატებებს პროფესიულ საქმიანობასა და პირად ცხოვრებაში.

July 3, 2015

საზეიმო ღონისძიება შუა ხორგის ბაღში (EN)

3 ივლისს შუა ხორგის ბაღში გაიმართა საზეიმო ღონისძიება ,,ჩვენ გავიზარდეთ, დავფრთიანდით, ჩვენ სკოლაში მივდივართ.“ ღონისძიებაზე მოწვეული იყვნენ ადგილობრივი ხელისუფლების წარმომადგენლები, საკრებულოს კომისიების თავმჯდომარეები; დოდო გაბუნია, გოჩა სიჭინავა, ტარიელ ალექსანდრია, გამგეობის კულტურის, განათლების, სპორტის, ძეგლთა დაცვისა და ახალგაზრდულ საქმეთა სამსახურის უფროსი როზეტა შულაია. ბაღის აღსაზრდელებს სკოლისკენ მიმავალი გზა დაულოცა და წარმატებები უსურვა საკრებულოს თავმჯდომარემ, შუა ხორგის თემის მაჟორიტარმა დეპუტატმა ედიშერ ჯობავამ და საბავშვო ბაღს გადასცა, დანაპირები საჩუქარი, ელექტრონული პიანინო.

July 3, 2015

არხის ამოწმენდითი სამუშაოები ნოჯიხევის ადმინისტრაციულ ერთეულში (EN)

3 ივლისს ნოჯიხევის ადმინისტრაციულ ერთეულში, სოფელ დასახლებაში, სოფლის მხარდაჭერის პროგრამით მიმდინარე არხის ამოწმენდითი სამუშაოები დაათვალიერეს ხობის მუნიციპალიტეტის საკრებულოს ეკონომიკურ საკითხთა განვითარების კომისიის თავმჯდომარემ, ნოჯიხევის ადმინისტრაციული ერთეულის მაჟორიტარმა დეპუტატმა გოჩა სიჭინავამ და ნოჯიხევის ადმინისტრაციულ ერთეულში გამგებლის წარმომადგენელმა ლევან ლიპარტიამ.
არხის ამოწმენდის სამუშაოები მიმდინარეობს პროექტის შესაბამისად და დამთავრდება დაგეგმილს ვადებში.

July 2, 2015

Western Drivers -ის პრომო მარში ხობში (EN)

მიმდინარე წლის 4-5 ივლისს სამეგრელო -ზემო სვანეთის რეგიონში ერთადერთ ავტომოყვარულთა კლუბის Western Drivers -ის ორგანიზებით, ზუგდიდის რაიონ სოფელ ინგირის აეროპორტის ტერიტორიაზე ჩატარდება ავტომოყვარულთა შოუ.
2 ივლისს 13:00 საათზე დაიწყო რეგიონის მასშტაბით პრომო მარში, რომელშიც მონაწილეობას ღებულობს 50 მეტზე მანქანა და 15 ბაიკერი, მარშის მარშუტი დაიწყო ქალაქ ზუგდიდიდან და დროშებითა და სხვა ატრიბუტებით შემოიარეს რეგიონის ყველა ქალაქი. ქალაქ ხობში შოუს მონაწილეები შემოვიდნენ 14:00 საათზე და გააგრძელეს სვლა ქალაქ სენაკისკენ.
4-5 ივლისს 12 საათზე იწყება ავტორბოლა რომელიც ითვალისწინებს როგორც წყვილთა რბოლას ასევე დრიფტ შოუს. ღონისძიების მუსიკალურ გაფორმებაზე იზრუნებენ ელექტრონული მუსიკის ცნობილი არტისტები. ავტომოყვარულთა შოუ არის ყველაზე პოპულარული შოუ რომელსაც ესწრება მაყურებელთა უპრეცედენტო რაოდენობა. ორგანიზატორთა გამოცდილებაზე დაყრდნობით ღონისძიებაზე ორი დღის განმავლობაში ელოდებიან 20 ათასზე მეტ დამსწრეს.
ხობელი ახალგაზრდებისთვის, რომელთაც სურვილი აქვთ დაესწრონ ავტომოყვარულთა შოუს, ტრანსპორტირება ადგილობრივი ხელისუფლების მიერ იქნება უზრუნველყოფილი, რომელიც განხორციელდება მუნიციპალიტეტის ადმინისტრაციული შენობის მიმდებარე ტერიტორიიდან 4-5 ივლისს, დილის საათებიდან, სამარშუტო ტაქსებით.
ღონისძიების განხორციელების პერიოდში, უსაფრთხოებას უზრუნველყოფს სამეგრელო- ზემო სვანეთის სამხარეო და საპატრულო პოლიცია და ზუგდიდის მუნიციპალიტეტის მერია. ღონისძიება ჩატარდება სტანდარტების სრული დაცვით.
ხობის მუნიციპალიტეტის საკრებულო წარმატებებს უსურვებს ავტორბოლისა და ავტომოყვარულთა შოუს მონაწილეებს.

June 30, 2015

ნოჯიხევის N2 ბაღის საზეიმო ღონისძიება (EN)

30 ივნისს ნოჯიხევის N2 ბაღში გაიმართა საზეიმო ღონისძიება „გზა სკოლისაკენ“. გამოსაშვები ჯგუფის აღსაზრდელების მიერ წარმოდგენილმა საკონცერტო ნომრებმა მაყურებელთა დიდი მოწონება დაიმსახურა. ღონისძიებას ესწრებოდნენ ხობის მუნიციპალიტეტის საკრებულოს თავმჯდომარე ედიშერ ჯობავა, გამგებელი გოჩა ქაჯაია და ადგილობრივი ხელისუფლების სხვა წარმომადგენლები. საკრებულოს თავმჯდომარემ და გამგებელმა აღსაზრდელებს, მასწავლებლებსა და მშობლებს მიულოცეს ეს ღირშესანიშნავი დღე და წარმატებები უსურვეს მათ.

June 30, 2015

მზადება ელექტრონულ საქმისწარმოებაზე გადასასვლელად (EN)

მიმდინარე წლის 15 ივნისიდან სამი კვირის განმავლობაში, ხობის მუნიციპალიტეტის ადგილობრივი თვითმმართველობის ადმინისტრაციულ შენობაში მიმდინარეობს ტრენინგები ელექტრონულ საქმისწარმოებაზე გადასვლის მიზნით საკრებულოს და გამგეობის მოსამსახურეთა გადასამზადებლად.
პირველი ორი კვირის განმავლობაში, საქართველოს იუსტიციის სასწავლო ცენტრის IT მიმართულების სამსახურის ასისტენტის თამარ ჩობაჩიძის მიერ, გამგეობის და საკრებულოს 40 მოსამსახურეს ჩაუტარდა ტრენინგი კომპიუტერულ უნარებში, ხოლო 29 ივნისიდან ერთი კვირის განმავლობაში საჯარო რეესტრის ეროვნული სააგენტოს კანცელარიის უფროსი თამარ შაშიაშვილი გამგეობის და საკრებულოს აპარატის 20 მოსამსახურეს უტარებს ტრენინგს დოკუმენტბრუნვის ელექტრონული სისტემის (დეს) შესასწავლად.
პროექტი ხორციელდება სსიპ - სახელმწიფო სერვისების განვითარების სააგენტოს პროექტის „ელექტრონული მმართველობის დანერგვა ადგილობრივ თვითმმართველობებში“ ფარგლებში, რომელშიც ხობის მუნიციპალიტეტი ერთ-ერთ საპილოტე მუნიციპალიტეტად არის შერჩეული.
სახელმწიფო სერვისების განვითარების სააგენტოს მხარდაჭერითა და კოორდინაციით, ელექტრონულ მმართველობასა და ელექტრონულ საქმისწარმოებაზე გადასასვლელად ხობის მუნიციპალიტეტი 2013 წლიდან ემზადება, რომლის ფარგლებშიც ადგილობრივი თვითმმართველობის ადმინისტრაციულ შენობაში განხორციელდა პირველი სართულის სრული რეკონსტრუქცია და მოქალაქეთა მისაღებისა და საკრებულოს და გამგეობის არქივების და დამხმარე ოთახების მოწყობა. შენობაში მოეწყო თანამედროვე ქსელური ინფრასტრუქტურა - ციფრული საკომუნიკაციო და უსაფრთხოების სისტემა, გამგეობის სამსახურები და საკრებულო სრულად აღიჭურვა სათანადო კომპიუტერული ტექნიკით, მათ შორის, სახელმწიფო სერვისების განვითარების სააგენტოს მხრიდან მუნიციპალიტეტს 15 ერთეული კომპიუტერი გადმოეცა. პარალელურად მიმდინარეობს შესაბამისი ნორმატიული მარეგულირებელი ნორმების შემუშავება.
ტრენინგების დასრულების შემდგომ ხობის მუნიციპალიტეტის ადგილობრივი თვითმმართველობის ორგანოები ელექტრონული საქმისწარმოების სატესტო რეჟიმში გადავლენ, ხოლო პროექტის ამოქმედების დღიდან მოქალაქეები ოპერატიულად, მარტივად და ეფექტურად მიიღებენ სათანადო მომსახურებას მოქალაქეთა მისაღებში, კანცელარიის ოპერატორებისგან.

June 29, 2015

საკრებულოს სხდომის ანგარიში (EN)

2015 წლის 29 ივნისს, ხობის მუნიციპალიტეტის საკრებულოს სხდომათა დარბაზში გაიმართა საკრებულოს მორიგი სხდომა, რომელსაც უძღვებოდა საკრებულოს თავმჯდომარე ედიშერ ჯობავა. სხდომას ესწრებოდნენ საკრებულოსა და გამგეობის ხელმძღვანელი პირები. დღის წესრიგით გათვალისწინებულ საკითხთა შორის განხილულ იქნა ,,ქალაქ ხობში ,,სასაფლაოების მოწყობისა და მოვლა-პატრონობის წესის“ დამტკიცების შესახებ“ დადგენილების პროექტი (მომხსენებელი ა. ვარდია გამგეობის ეკონომიკური განვითარებისა და პროგრამების მართვის სამსახურის უფროსი), საკრებულოს გადაწყვეტილებით ქ. ხობში სასაფლაოების მოწყობისა და მოვლა-პატრონობის წესი განსაზღვრავს ქ. ხობის ტერიტორიაზე სასაფლაოების (შემდგომში-სასაფლაო) მოწყობისა და მართვის, მოვლა-პატრონობის, სარიტუალო მომსახურების, სასაფლაოების დახურვასა და ახალი სასაფლაოების გახსნის ზოგად წესებს. მორიგი საკითხი, ,,ხობის მუნიციპალიტეტის ტერიტორიაზე ხეების მოვლისა სხლვა-ფორმირების წესის დამტკიცების შესახებ“ განკარგულების პროექტი( მომხსენებელი ა. ვარდია გამგეობის ეკონომიკური და პროგრამების მართვის სამსახურის უფროსი) აღნიშნული პროექტი საკრებულოს მიერ ერთხმად იქნა დამტკიცებული. ასევე განხილულ იქნა პროექტი ,,ნუგზარ ნადარაიას სახელის მინიჭების მიზანშეწონილობის თაობაზე“. საკრებულოს მიერ მიღებული განკარგულებით მიზანშეწონილად იქნა მიჩნეული ხობის მუნიციპალიტეტის გამგეობის წინადადება ქალაქ ხობში კულტურის სახლის წინამდებარე კულტურისა და დასვენების პარკისთვის, ხობის რაიონის სოციალურ-ეკონომიკური, კულტურული, სპორტულ და საგანმანათლებლო -აღმზრდელობით საქმიანობაში შეტანილი განსაკუთრებული წვლილისათვის ეკონომიკურ მეცნიერებათა კანდიდატის, ფაზისის აკადემიის პრეზიდენტის ნუგზარ ნადარაიას სახელის მინიჭების თაობაზე. დღის წესრიგით გათვალისწინებული საკითხების განხილვის შემდეგ საკრებულოს სხდომა დახურულად გამოცხადდა

June 28, 2015

ოლიმიურ ცეცხლს ხობის მუნიციპალიტეტი სტუმრობს (EN)

28 ივნისს საქართველოს ახალგაზრდული მე-13 ოლიმპიური ფესტივალის ფარგლებში ოლიმპიური ცეცხლის ჩირაღდანი ქალაქ ხობში ჩამოიტანეს. ქალაქის შემოსასვლელთან ოლიმპიურ ჩირაღდანს წარმატებული ხობელი სპორტსმენები, ადგილობრივი ხელისუფლების და საზოგადოების სხვადასხვა სფეროს წარმომადგენლები დახვდნენ. საზეიმო სვლა აღმაშენებლის ქუჩიდან კოსტავასა და დადიანის ქუჩის გავლით კულტურის სახლის მიმდებარე ტერიტორიაზე დასრულდა. სადაც გაიმართა ოლიმპიური ცეცხლის შემოსვლის საზეიმო ცერემონიალი. დამსწრე საზოგადოებას სიტყვით მიმართეს ხობის მუნიციპალიტეტის საკრებულოს თავმჯდომარემ ედიშერ ჯობავამ და გამგებელმა გოჩა ქაჯაიამ. მათ ხობელებს ისტორიული დღე მიულოცეს და წარმატებები უსურვეს ქართველ სპორტსმენებს მომავალ ოლიმპიადაზე.
ხობის შემდეგ ოლიმპიურ ცეცხლს სენაკის მუნიციპალიტეტში ჩაიტანენ, 6 ივლისამდე კი სამეგრელო-ზემო სვანეთის ყველა მუნიციპალიტეტს მოივლის. ოლიმპიური ცეცხლი საქართველოში ათენიდან 28 მაისს ჩამოიტანეს და მას შემდეგ რეგიონებში მოგზაურობს.
ხოლო 2015 წლის ზაფხულის რიგით მე-13 ახალგაზრდული ოლიმპიური ფესტივალი თბილისში 26 ივლისს გაიხსნება.

June 26, 2015

ოლიმპიური ცეცხლის ჩამობრძანება ხობში (EN)

2015 წლის 26 მაისს საქართველოს ახალგაზრდული მე-13 ოლიმპიური ფესტივალის ფარგლებში სტარტი აიღო ოლიმპიური ცეცხლის შემოტარებამ საქართველოს 67 მუნიციპალიტეტში.
28 ივნისს 15:00 საათზე ქალაქ ხობში ოლიმპიურ ჩირაღდანს შემოაცილებენ ხობელი ოლიმპიელი სპორტსმენები, მწვრთნელები და საზოგადოების სხვადასხვა სფეროს წარმომადგენლები.
ცერემონიალის დასასრულს კულტურის სახლის მიმდებარე ტერიტორიაზე გაიმართება საზეიმო ღონისძიება.
გეპატიჟებით, ყველას ოლიმპიური ჩირაღდნის დასახვედრად.

June 26, 2015

განცხადება საკრებულოს მორიგი სხდომის შესახებ (EN)

ხობის მუნიციპალიტეტის საკრებულოს მორიგი სხდომა გაიმართება 2015 წლის 29 ივნისს 11 საათზე საკრებულოს სხდომათა დარბაზში.

სხდომის დღის წესრიგი:

1. „ქალაქ ხობში „სასაფლაოების მოწყობისა და მოვლა-პატრონობის წესის“ დამტკიცების შესახებ“ დადგენილების პროექტის განხილვა.