SAKREBULO OF KHOBI MUNICIPALITY

Home
news

news

October 13, 2014

მონიტორინგი ხობის N2 საბავშვო ბაღში (EN)

13 ოქტომბერს ხობის მუნიციპალიტეტის საკრებულოს სოციალურ საკითხთა კომისიის თავჯდომარე დ. გაბუნია, საფინანსო-სარევიზიო კომისიის თავმჯდომარე ტ. ალექსანდრია და ეკონომიკური განვითარების საკითხთა კომისიის თავმჯდომარე გ. სიჩინავა მონიტორინგის მიზნით იმყოფებოდნენ ხობის N2 საბავშვო ბაგა-ბაღში.

დათვალიერებისას გამოვლინდა სხვადასხვა სახის სარეაბილიტაციო სამუშაოების განხორციელების აუცილებლობა. კერძოდ წყლის სისტემის მოწესრიგება და ფანჯრების გამოცვლის აუცილებლობა.

არსებული პრობლემების მოგვარებაში ბაღის ადმინისტრაციას დახმარება ახუთქვეს შესაბამისი კომისიის თავმჯდომარეებმა, რაზედაც იმფორმაცია ოპერატიულად მიეწოდება მუნიციპალიტეტის გამგეობას.

October 13, 2014

კოალიცია „თვითმმართველობისა და დემოკრატიისათვის“ და G3-ის ტრენინგი (EN)

საქართველოს რეგიონული განვითარებისა და ინფრასტრუქტურის სამინისტროს (MRDI), ვანო ხუხუნაიშვილის სახელობის ეფექტიანი მმართველობის სისტემის და ტერიტორიული მოწყობის რეფორმის ცენტრის (CEGSTAR) და G3 წარმომადგენლებთან თანამშრომლობით 9-10 ოქტომბერს სენაკის მუნიციპალიტეტის საკრებულოს სხდომათა დარბაზში ჩატარდა ტრენინგი ადგილობრივი თვითმმართველობების ახლადაარჩეული თანამდებობის პირების - საკრებულოს თავმჯდომარის მოადგილეების, კომისიის თავმჯდომარეებისა და აპარატის უფროსებისთვის, ხობის მუნიციპალიტეტის საკრებულოდან მონაწილეობდნენ სოციალურ საკითხთა კომისიის თავმჯდომარე დ. გაბუნია, იურიდიულ საკითხთა და ადამიანის უფლებათა დაცვის კომისიის თავმჯდომარე შ. სირაძე, საფინანსო-სარევიზიო კომისიის თავმჯდომარე ტ. ალექსანდრია, ეკონომიკური განვითარების საკითხთა კომისიის თავმჯდომარე გ. სიჭინავა, სამანდატო-საპროცედურო საკითხთა კომისიის თავმჯდომარე ნ. შუშანია და საკრებულოს აპარატის უფროსი ლ. შამათავა. ტრენინგ კურსის გავლის შედეგად მონაწილეები გაეცნენ საბაზისო პრაქტიკულ ცოდნას თვითმმართველობის საკითხების შესახებ და იმ თემების შესახებ, რომლებიც აუცილებელია მათი საქმიანობისა და საჯარო მომსახურების ეფექტურად მიწოდებისათვის. ტრენინგის დასასრულს მონაწილეებს გადაეცათ შესაბამისი სერთიფიკატები.

October 7, 2014

ხობის „კოლხეთის“ მორიგი გამარჯვება (EN)

7 ოქტომბერს ხობის ცენტრალურ სტადიონზე გაიმართა საქართველოს XXVI ჩემპიონატის 1 ლიგის გუნდების ხობის „ კოლხეთისა“ და მარნეულის „ალგეთის“ საფეხბურთო მატჩი, რომელიც მასპინძელთა გამარჯვებით ანგარიშით 1:0 დასრულდა, გოლი სტუმართა კარში გაიტანა ირაკლი ქობალიამ.
თამაშს ადგილობრივ და მარნეულიდან ჩამოსულ გულშემატკივრებთან ერთად ესწრებოდნენ ხობის მუნიციპალიტეტის საკრებულოსა და გამგეობის ხელმძღვანელი პირები.

October 6, 2014

5 ოქტომბერი მასწავლებელთა საერთაშორისო დღე (EN)

2014 წლის 5 ოქტომბერს ხობის მუნიციპალიტეტის საკრებულოს თავმჯდომარე ე. ჯობავა, მუნიციპალიტეტის გამგებელი გ. ქაჯაია და ადგილობრივი ხელისუფლების სხვა წარმომადგენლები მასწავლებლის საერთაშორისო დღისთან დაკავშირებით პირადად ესტუმრნენ მუნიციპალიტეტის ღვაწლმოსილ პედაგოგებს და მადლიერების ნიშნად სიგელები და წიგნები გადასცეს.

October 6, 2014

დასრულდა რამაზ კიტიას სახელობის ტურნისრი მინი ფეხბურთში (EN)

4 ოქტომბერს დასრულდა ტურნირი მინი ფეხბურთში, რომელიც რუსეთ-საქართველოს ომის შედეგად სოფელ ხურჩაში ტრაგიკულად დაღუპულ პოლიციელის რამაზ კიტიას ხსნოვას მიეძღვნა. ტურნირის ფინალი გაიმართა სოფელ ხიბულაში, მისივე სახელობის სტადიონზე.

გამარჯვებული გუნდი, რომელიც დაეუფლა რამაზ კიტიას სახელობის თასს, გახდა ხობის მუნიციპალიტეტის სახანძრო დაცვისა და სამაშველო სამსახურის გუნდი, მეორე და მესამე ადგილებზე გავიდნენ კომპანია „ჯი-პი-ერ“-ი და საფეხბურთო სკოლა. გამარჯვებულ გუნდებს გადაეცათ საპატიო სიგელები.

ტურნირის ფინალურ მატჩს რამაზ კიტიას მშობლებთან ერთად ესწრებოდნენ ადგილობრივი ხელისუფლების წარმომადგენლები.

October 5, 2014

დღეს, მასწავლებლის საერთაშორისო დღეა! (EN)

ძვირფასო მასწავლებლებო ხობის მუნიციპალიტეტის საკრებულო გილოცავთ მასწავლებელთა საერთაშორისო დღეს! გისურვებთ ჯანმრთელობას, დიდხანს სიცოცხლეს, შემართებას, პროფესიის ერთგულებასა და ჩვენი მომავლის - თქვენი მოსწავლეების დიდ წარმატებებს!

September 30, 2014

დავასუფთავოთ საქართველო (EN)

30 სექტემბერს ხობის მუნიციპალიტეტის გამგეობის სააქტო დარბაზში ჩატარდა პროექტის „დავასუფთაოთ საქართველო-საზოგადოების ცნობიერების ამაღლების და მისი ჩართვა მყარი საყოფაცხოვრებო ნარჩენების მართვის გაუმჯობესების პროცესში“ პრეზენტაცია. პროექტს ახორციელებს არასამთავრობო ორგანიზაცია კონსორციუმი.

გარემოს დაბინძურებასთან დაკავშირებული ეკოლოგიური პრობლემების და ადამიანის ჯანმრთელობაზე მათ ზემოქმედებაზე; ნარჩენების მართვა საქართველოში და ნარჩენების მართვის საერთაშორისო გამოცდილებაზე მსმენელებს ესაუბრნენ ქიმიის მეცნიერებათა დოქტორი, გარემოს მონიტორინგის ექსპერტი ნუგზარ ბუაჩიძე და გეოგრაფიულ მეცნიერებათა დოქტორი, ნარჩენების მართვის ექსპერტი ხათუნა ჩიკვილაძე.

რეზენტაციას ესწრებოდნენ ხობის მუნიციპალიტეტის საჯარო მოხელეები.

September 29, 2014

საკრებულოს სხდომის ანგარიში (EN)

29 სექტემბერს, ხობის მუნიციპალიტეტის საკრებულოს სხდომათა დარბაზში გაიმართა საკრებულოს მორიგი სხდომა, რომელსაც უძღვებოდა საკრებულოს თავმჯდომარე ედიშერ ჯობავა. სხდომას ესწრებოდნენ საკრებულოს, გამგეობის და ადგილობრივი თვითმართველობის სამსახურის ხელმძღვანელები.
დღის წესრიგის დამტკიცების შემდეგ, სხდომაზე პირველ საკითხად განხილულ იქნა „ხობის მუნიციპალიტეტის 2014 წლის ადგილობრივი ბიუჯეტის დამტკიცების შესახებ“ ხობის მუნიციპალიტეტის საკრებულოს 2013 წლის 30 დეკემბრის N21 დადგენილებაში ცვლილებების შეტანის თაობაზე“ დადგენილების პროექტი, რომელიც წარმოადგინა გამგეობის საფინანსო-საბიუჯეტო სამსახურის უფროსმა დ. ჭოჭუამ. ადგილობრივ ბიუჯეტში განხორციელებული ცვლილებების შესაბამისად ცვლილებები განხორციელდა „ხობის მუნიციპალიტეტის 2014 წლის ადგილობრივი შესყიდვების გეგმის დამტკიცების შესახებ“ ხობის მუნიციპალიტეტის საკრებულოს 2014 წლის 23 იანვრის N1 განკარგულებაში.
სხდომაზე მეორე საკითხად განხილულ იქნა „ხობის მუნიციპალიტეტის საკრებულოს ზოგიერთ დადგენილებაში ცვლილებების შეტანის შესახებ“ პროექტი, რომელიც წარმოადგინა გამგეობის ადმინისტრაციული სამსახურის უფროსმა ზ. ბუკიამ. წარმოდგენილი პროექტით ცვლილებები შევიდა გამგეობის ეკონომიკური განვითარებისა და პროგრამების მართვის სამსახურის, კულტურის, განათლების, სპორტის, ძეგლთა დაცვისა და ახალგაზრდულ საქმეთა სამსახურსა და შრომის, საზოგადოებრივი ჯანმრთელობისა და სოციალური დაცვის, ვეტერანთა, ლტოლვილთა და იძულებით გადაადგილებულ პირთა საქმეების სამსახურის დებულებებში, გამომდინარე იქედან, რომ ადგილობრივი თვითმართველობის კოდექსის თანახმად, მუნიციპალიტეტის იურიდიული პირების დაფუძნება და მართვა-გამგებლობა მუნიციპალიტეტის აღმასრულებელი ორგანოს უფლებამოსილება გახდა, კანონის ზემოთ აღნიშნული ნორმის ასახვა ხდება გამგეობის შესაბამისი სამსახურების დებულებებში, კანონის მოთხოვნის თანახმად იურიდიული პირების საქმიანობის პროცესში ადგილობრივი თვითმართველობის აღმასრულებელი ორგანოს როლის სამართლებრივი განსაზღვრის მიზნით, გამგეობის მიერ წარმოდგენილ იქნა იურიდიული პირების წესდებებში ცვლილებები.
სხდომაზე ფიზიკური და კერძო სამართლის იურიდიული პირების მფლობელობაში (სარგებლობაში) არსებულ მიწის ნაკვეთებზე საკუთრების უფლების აღიარების მიზნით, საკრებულოს უფლებამოსილების ვადით, შეიქმნა კომისია 7 წევრის შემადგენლობით. შოთა სირაძე - საკრებულოს იურიდიულ საკითხთა და ადამიანის უფლებათა დაცვის კომისიის თავმჯდომარე - კომისიის თავმჯდომარე; როსტევან გვარამია - საკრებულოს ფრაქცია „თავისუფალი დემოკრატების“ თავმჯდომარე - კომისიის თავმჯდომარის მოადგილე; გოჩა სიჭინავა - საკრებულოს ეკონომიკური განვითარების საკითხთა კომისიის თავმჯდომარე - კომისიის წევრი; ლამზირა თოდუა - ხობის მუნიციპალიტეტის გამგეობის ეკონომიკური განვითარებისა და პროგრამების მართვის სამსახურის მუნიციპალური ქონების აღრიცხვისა და მართვის, ბუნებრივი რესურსებისა და ადგილობრივი მოსაკრებლების განყოფილების მთავარი სპეციალისტი - კომისიის წევრი; ეკა ტიბუა - ხობის მუნიციპალიტეტის გამგეობის ადმინისტრაციული სამსახურის საორგანიზაციო საკითხთა განყოფილების მთავარი სპეციალისტი; გოჩა შანავა - ხობის მუნიციპალიტეტის გამგეობის სოფლის მეურნეობის სამსახურის წამყვანი სპეციალისტი; სევერიან ბუკია - სსიპ სახელმწიფო ქონების ეროვნული სააგენტოს სამეგრელო-გურია-ზემო სვანეთის მომსახურების ცენტრის მთავარი სპეციალისტი.
სხდომაზე ასევე განხილულ იქნა „ხობის მუნიციპალიტეტის ხამისკურის ადმინისტრაციული ერთეულის ტერიტორიაზე არსებული ქუჩების სახელდების შესახებ“ განკარგულების პროექტი, რომელიც შეთანხმებულ იქნა გეოგრაფიული ობიექტების სახელწოდებათა დადგენის, ნორმალიზების, გამოყენების, აღრიცხვისა და დაცვის სამთავრობო კომისიასთან.
საკრებულოს დაგაწყვეტილებით „ხობის მუნიციპალიტეტის მოხელეთა საკონკურსო-საატესტაციო მუდმივმოქმედი კომისიიის თავმჯდომარედ დაინიშნა ხობის მუნიციპალიტეტის გამგებელი გოჩა ქაჯაია.
დღის წესრიგით გათვალისწინებული სხვა დანარჩენი საკითხების განხილვის შემდეგ სხდომის თავმჯდომარემ სხდომა დახურულად გამოაცხადა.

September 29, 2014

მიმდინარე წლის 29 სექტემბერს 13:00 საათზე გაიმართება ხობის მუნიციპალიტეტის საკრებულოს მორიგი სხდომა. (EN)

დღის წესრიგით გათვალისწინებული საკითხები:

1. „ხობის მუნიციპალიტეტის 2014 წლის ადგილობრივი ბიუჯეტის დამტკიცების შესახებ“ ხობის მუნიციპალიტეტის საკრებულოს 2013 წლის 30 დეკემბრის N21 დადგენილებაში ცვლილების შეტანის თაობაზე“ დადგენილების პროექტის განხილვა.

(მომხსენებელი: გ. ქაჯაია - მუნიციპალიტეტის გამგებელი;

თანამომხსენებელი: დ. ჭოჭუა - გამგეობის საფინანსო-საბიუჯეტო სამსახურის უფროსი)

2. „ხობის მუნიციპალიტეტის საკრებულოს ზოგიერთ დადგენილებაში ცვლილების შეტანის შესახებ“ დადგენილების პროექტის განხილვა.

(მომხსენებელი: გ. ქაჯაია - მუნიციპალიტეტის გამგებელი;

თანამომხსენებელი: ზ. ბუკია - ადმინისტრაციული სამსახურის უფროსი)

3. „ხობის მუნიციპალიტეტის 2014 წლის ადგილობრივი შესყიდვების გეგმის დამტკიცების შესახებ“ ხობის მუნიციპალიტეტის საკრებულოს 2014 წლის 23 იანვრის N1 განკარგულებაში ცვლილების შეტანის თაობაზე“ განკარგულების პროექტის განხილვა.

(მომხსენებელი: გ. ქაჯაია - მუნიციპალიტეტის გამგებელი;

თანამომხსენებელი: დ. ჭოჭუა - საფინანსო-საბიუჯეტო სამსახურის უფროსი)

4. „ხობის მუნიციპალიტეტის საკრებულოს ფიზიკური და კერძო სამართლის იურიდიული პირების მფლობელობაში (სარგებლობაში) არსებულ მიწის ნაკვეთებზე საკუთრების უფლების აღიარების კომისიის შემადგენლობის დამტკიცების შესახებ“ განკარგულების პროექტის განხილვა.

(მომხსენებელი: გ. სიჭინავა - ეკონომიკური განვითარების საკითხთა კომისიის თავმჯდომარე)

5. „ხობის მუნიციპალიტეტის ხამისკურის ადმინისტრაციული ერთეულის ტერიტორიაზე არსებული ქუჩების სახელდების შესახებ“ განკარგულების პროექტის განხილვა.

(მომხსენებელი: გ. სიჭინავა - ეკონომიკური განვითარების საკითხთა კომისიის თავმჯდომარე)

6. „ხობის მუნიციპალიტეტის ადგილობრივი თვითმმართველობის მოხელეთა საკონკურსო-საატესტაციო მუდმივმოქმედი კომისიის თავმჯდომარის დანიშვნის შესახებ“ განკარგულების პროექტის განხილვა.

(მომხსენებელი: შ. სირაძე - იურიდიულ საკითხთა და ადამიანის უფლებათა დაცვის კომისიის თავმჯდომარე)

7. „საწვავისა და ფიჭური სატელეფონო მომსახურების ხარჯების ლიმიტის განსაზღვრის შესახებ“ ხობის მუნიციპალიტეტის საკრებულოს 2014 წლის 28 ივლისის N53 განკარგულებაში ცვლილების შეტანის თაობაზე“ განკარგულების პროექტის განხილვა.

(მომხსენებელი: ტ. ალექსანდრია - საფინანსო-სარევიზიო კომისიის თავმჯდომარე)

8. „ხობის მუნიციპალიტეტის საკრებულოს ბეჭდების, სატიტულო ფურცლების და სამართლებრივი აქტების ბლანკის ნიმუშების დამტკიცების თაობაზე“ ხობის მუნიციპალიტეტის საკრებულოს 2010 წლის 31 დეკემბრის N50 განკარგულებაში ცვლილების შეტანის შესახებ“ განკარგულების პროექტის განხილვა.

(მომხსენებელი: შ. სირაძე - იურიდიულ საკითხთა და ადამიანის უფლებათა დაცვის კომისიის თავმჯდომარე)

9. „შპს „ხობის მოამბეს“-ს დაფუძნებისა და წესდების დამტკიცების შესახებ“ ხობის მუნიციპალიტეტის საკრებულოს 2007 წლის 17 მაისის N39 განკარგულებაში ცვლილების შეტანის თაობაზე“ განკარგულების პროექტის განხილვა.

(მომხსენებელი: გ. ქაჯაია - მუნიციპალიტეტის გამგებელი;

თანამომხსენებელი: ზ. ბუკია - ადმინისტრაციული სამსახურის უფროსი)

10. არასამეწარმეო (არაკომერციული) იურიდიული პირის - „ხობის მუნიციპალიტეტის სკოლამდელი სააღმზრდელო გაერთიანების“ შექმნისა და წესდების დამტკიცების შესახებ“ ხობის მუნიციპალიტეტის საკრებულოს 2007 წლის 10 ივლისის N49 განკარგულებაში ცვლილების შეტანის თაობაზე“ განკარგულების პროექტის განხილვა.

(მომხსენებელი: გ. ქაჯაია - მუნიციპალიტეტის გამგებელი;

თანამომხსენებელი: ზ. ბუკია - ადმინისტრაციული სამსახურის უფროსი)

11. არასამეწარმეო (არაკომერციული) იურიდიული პირის - „ხობის მუნიციპალიტეტის კულტურის ცენტრის“ შექმნისა და წესდების დამტკიცების შესახებ“ ხობის მუნიციპალიტეტის საკრებულოს 2007 წლის 31 ივლისის N50 განკარგულებაში ცვლილების შეტანის თაობაზე“ განკარგულების პროექტის განხილვა.

(მომხსენებელი: გ. ქაჯაია - მუნიციპალიტეტის გამგებელი;

თანამომხსენებელი: ზ. ბუკია - ადმინისტრაციული სამსახურის უფროსი)

12. არასამეწარმეო (არაკომერციული) იურიდიული პირის - „ხობის მუნიციპალიტეტის განათლების ცენტრის“ შექმნისა და წესდების დამტკიცების შესახებ“ ხობის მუნიციპალიტეტის საკრებულოს 2007 წლის 31 ივლისის N52 განკარგულებაში ცვლილების შეტანის თაობაზე“ განკარგულების პროექტის განხილვა.

(მომხსენებელი: გ. ქაჯაია - მუნიციპალიტეტის გამგებელი;

თანამომხსენებელი: ზ. ბუკია - ადმინისტრაციული სამსახურის უფროსი)

13.არასამეწარმეო (არაკომერციული) იურიდიული პირის - „ხობის მუნიციპალიტეტის საზოგადოებრივი ჯანდაცვის ცენტრის“ შექმნისა და წესდების დამტკიცების შესახებ“ ხობის მუნიციპალიტეტის საკრებულოს 2007 წლის 23აგვისტოს N54 განკარგულებაში ცვლილების შეტანის თაობაზე“ განკარგულების პროექტის განხილვა.

(მომხსენებელი: გ. ქაჯაია - მუნიციპალიტეტის გამგებელი;

თანამომხსენებელი: ზ. ბუკია - ადმინისტრაციული სამსახურის უფროსი)

14. „შპს „ხობი დასუფთავება და განათება“-ს დაფუძნებისა და წესდების დამტკიცების შესახებ“ ხობის მუნიციპალიტეტის საკრებულოს 2008 წლის 28 თებერვლის N88 განკარგულებაში ცვლილების შეტანის თაობაზე“ განკარგულების პროექტის განხილვა.

(მომხსენებელი: გ. ქაჯაია - მუნიციპალიტეტის გამგებელი;

თანამომხსენებელი: ზ. ბუკია - ადმინისტრაციული სამსახურის უფროსი)

15. არასამეწარმეო (არაკომერციული) იურიდიული პირის - „ხობის მუნიციპალიტეტის პროფესიული სწავლების ცენტრის“ შექმნისა და წესდების დამტკიცების შესახებ“ ხობის მუნიციპალიტეტის საკრებულოს 2011 წლის 26 იანვრის N52 განკარგულებაში ცვლილების შეტანის თაობაზე“ განკარგულების პროექტის განხილვა.

(მომხსენებელი: გ. ქაჯაია - მუნიციპალიტეტის გამგებელი;

თანამომხსენებელი: ზ. ბუკია - ადმინისტრაციული სამსახურის უფროსი)

16. არასამეწარმეო (არაკომერციული) იურიდიული პირის - „ხობის მუნიციპალიტეტის საფეხბურთო კლუბ კოლხეთის“ შექმნისა და წესდების დამტკიცების შესახებ“ ხობის მუნიციპალიტეტის საკრებულოს 2011 წლის 9 დეკემბრის N102 განკარგულებაში ცვლილების შეტანის თაობაზე“ განკარგულების პროექტის განხილვა.

(მომხსენებელი: გ. ქაჯაია - მუნიციპალიტეტის გამგებელი;

თანამომხსენებელი: ზ. ბუკია - ადმინისტრაციული სამსახურის უფროსი)

17. არასამეწარმეო (არაკომერციული) იურიდიული პირის - „ხობის მუნიციპალიტეტის სათნოების სახლის“ შექმნისა და წესდების დამტკიცების შესახებ“ ხობის მუნიციპალიტეტის საკრებულოს 2011 წლის 9 დეკემბრის N104 განკარგულებაში ცვლილების შეტანის თაობაზე“ განკარგულების პროექტის განხილვა.

(მომხსენებელი: გ. ქაჯაია - მუნიციპალიტეტის გამგებელი;

თანამომხსენებელი: ზ. ბუკია - ადმინისტრაციული სამსახურის უფროსი)

18. არასამეწარმეო (არაკომერციული) იურიდიული პირის - „ხობის მუნიციპალიტეტის საფეხბურთო სკოლის“ შექმნისა და წესდების დამტკიცების შესახებ“ ხობის მუნიციპალიტეტის საკრებულოს 2011 წლის 27 დეკემბრის N107 განკარგულებაში ცვლილების შეტანის თაობაზე“ განკარგულების პროექტის განხილვა.

(მომხსენებელი: გ. ქაჯაია - მუნიციპალიტეტის გამგებელი;

თანამომხსენებელი: ზ. ბუკია - ადმინისტრაციული სამსახურის უფროსი)

19. „ხობის მუნიციპალიტეტის საკრებულოს მიერ დაფუძნებული იურიდიული პირების საშტატო ნუსხისა და სახელფასო სარგოს შეთანხმების თაობაზე“ ხობის მუნიციპალიტეტის საკრებულოს 2012 წლის 27 მარტის N20 განკარგულებაში ცვლილების შეტანის თაობაზე“ განკარგულების პროექტის განხილვა.

(მომხსენებელი: ტ. ალექსანდრია - საფინანსო-სარევიზიო კომისიის თავმჯდომარე)

September 25, 2014

რამაზ კიტიას სახელობის ტურნირი დაიწყო (EN)

25 სექტემბერს ხობის მუნიციპალიტეტის ტერიტორიაზე არსებულ წარმოება-დაწესებულებებს შორის სტარტი აიღო მუნიციპალიტეტის პირველობამ მინი ფეხბურთში, რომელიც რუსეთ-საქართველოს ომის შედეგად სოფელ ხურჩაში ტრაგიკულად დაღუპული ხობელი პოლიციელის რამაზ კიტიას ხსოვნას ეძღვნება.
შეჯიბრებაში მონაწილეობას ღებულობს: ხობის მუნიციპალიტეტის გამგეობის, პოლიციის სამმართველოს, საფეხბურთო კლუბ კოლხეთის, სახანძრო დაცვისა და სამაშველო სამსახურის, საფეხბურთო სკოლის, GPR-ის, ბანკი კონსტანტასა და კრისტალის გუნდები.
ტურნირი ჯგუფური სისტემით ტარდება, თითო ჯგუფიდან ორ-ორი გუნდი ნახევარფინალში გადის, გამარჯვებული გუნდები კი ერთმანეთს ფინალში დაუპირისპირდებიან.
ფინალური შეხვედრა 1 ოქტომბერს ახალი ხიბულის თემში, რამაზ კიტიას სახელობის სტადიონზე გაიმართება, სადაც გამარჯვებული გუნდი მისი სახელობის თასს დაეუფლება.
ჩემპიონატი ხორციელდება ხობის მუნიციპალიტეის გამგეობის კულტურის, განათლების, სპორტის, ძეგლთა, დაცვისა და ახალგაზრდულ საქმეთა სამსახურის ორგანიზებით. გახსნის ცერემონიალს ხობის მუნიციპალიტეტის საკრებულოს თავმჯდომარე ედიშერ ჯობავა, გამგებელი გოჩა ქაჯაია და გამგებლის მოადგილე ვარაზ გაბედავა დაესწრნენ.

September 24, 2014

ხობის „კოლხეთმა“ მორიკი კალენდარული მატჩი გამართა (EN)

23 სექტემბერს ოზურგეთის მუნიციპალურ ცენტრალურ სტადიონზე გაიმართა საქართველოს XXVI ეროვნული საფეხბურთო ჩემპიონატის მატჩი პირველი ლიგის გუნდებს შორის, ოზურგეთის „მერცხალმა“ ხობის ,,კოლხეთს" უმასპინძლა და 2:1 დაამარცხა. მატჩი დაძაბული და საინტერესო გამოდგა, განსაკუთრებით დრამატული იყო შეხვედრის ბოლო წუთები, როდესაც სამი გოლი გავიდა.
თამაშს ხობის მუნიციპალიტეტის ხელმძღვანელობაც ესწრებოდა.
მორიგ შეხვედრას 28 სექტემბერს ხობის „ კოლხეთი“ თბილისის „დინამო 2“ თან გამართავს.

September 24, 2014

სიახლე ფერმერებისათვის (EN)

1 სექტემბრიდან საქართველოში სახელმწიფო აგროდაზღვევის საპილოტე პროგრამა ამოქმედდა, რომელიც 2015 წლის 1 სექტემბრამდე იმუშავებს. აგროდაზღვევა გავრცელდება ყველა პროექტზე და სუბსიდირება 70%-დან 90%-მდე, ზოგ შემთხვევაში კი - 95%-მდეც განხორციელდება, იმის მიხედვით თუ რომელი სახეობის პროდუქტის დაზღვევა ხდება.
სადაზღვევო კომპანიები ვალდებულებას იღებენ, რომ პროექტში მონაწილე ფერმერს აგროდაზღვევის ხელშეკრულება გაუფორმონ. დამზღვევი ვალდებულია სადაზღვევო პოლისით გათვალისწინებული სადაზღვევო პრემიის ნაწილი სადაზღვევო პოლისის გაცემისთანავე გადაიხადოს. სადაზღვევო პრემიის დარჩენილი ნაწილის გადახდას პროექტების მართვის სააგენტო უზრუნველყოფს. ზარალის ასანაზღაურებლად ფიზიკური პირისათვის გამოყოფილი იქნება 30 ათასი ლარი, ხოლო კოოპერატივისათვის 50 ათასი ლარი. პროგრამის ფარგლებში, დასაზღვევად მხოლოდ ისეთი მიწის ნაკვეთები მიიღება, რომლებზეც წარმოდგენილია საკადასტრო კოდი, აზომვითი ნახაზი ან GPS კოორდინატები.
აგროდაზღვევის პროგრამის მიზანი აგროსექტორში სადაზღვევო ბაზრის განვითარება, სასოფლო-სამეურნეო საქმიანობის ხელშეწყობა, სასოფლო-სამეურნეო სფეროში დასაქმებული პირების კონკურენტუნარიანობის ამაღლება, სასოფლო-სამეურნეო საქმიანობით დაკავებული პირებისათვის შემოსავლის შენარჩუნება და რისკების შემცირებაა. პროექტის ბიუჯეტი 5 მილიონი ლარია.

September 19, 2014

გამგებლების/ მერებისა და საკრებულოს თავმჯდომარეების ტრენინგი (EN)

USAID-ის დემოკრატიული მმართველობა საქართველოში (G3) პროგრამა 2014 წლის ივლის-ოქტომბერში ახორციელებს პროექტს, რომელიც მიზნად ისახავს ადგილობრივი თვითმმართველობის არჩევნების შედეგად არჩეული მერების/გამგებლების, საკრებულოს თავმჯდომარეების, საკრებულოს თავმჯდომარის მოადგილეების, კომისიების თავმჯდომარეებისა და საკრებულოს აპარატის უფროსებისათვის იმ უნარ-ჩვევების განვითარებას, რაც მათ შემდომში ეფექტურ მართვაში დაეხმარება. პროექტს კოალიცია „თვითმმართველობისა და დემოკრატიისათვის“ და G3 კონტრაქტორი - სამოქალაქო საზოგადოებისა და დემოკრატიის განვითარების ცენტრი ახორციელებს.

ტრენინგი სამ ეტაპად ტარდება. პირველ ეტაპზე ტრენინგი ჩატარდა თბილისში, მერების და გამგებლების მონაწილეობით.

მეორე ეტაპზე 16-18 სექტემბერს, ტრენინგში, რომელიც ბაკურიანში ჩატარდა მერებთან და გამგებლებთან ერთად მონაწილეობა მიიღეს საკრებულოების თავმჯდომარეებმა. გამგებლების/მერებისა და საკრებულოს თავმჯდომარეების ტრენინგს ბაკურიანში ხობის მუნიციპალიტეტის საკრებულოს თავმჯდომარე ედიშერ ჯობავა და გამგებელი გოჩა ქაჯაიაც ესწრებოდნენ.

მესამე ეტაპზე ტრენინგები ჩაუტარდებათ საკრებულოს თავმჯდომარის მოადგილეებს, კომისიის თავმჯდომარეებს და საკრებულოს აპარატის უფროსებს.

ტრენინგ კურსის გავლის შედეგად მონაწილეებმა შეიძინეს საბაზისო პრაქტიკული ცოდნა თვითმმართველობის საკითხებისა და იმ თემების შესახებ, რომლებიც აუცილებელია მათი საქმიანობისა და საჯარო მომსახურების ეფექტურად მიწოდებისათვის,რაზედაც მათ გადაეცათ შესაბამისი სერთიფიკატები.

პროექტი ხორციელდება საქართველოს რეგიონული განვითარებისა და ინფრასტრუქტურის სამინისტროს (MRDI), ვანო ხუხუნაიშვილის სახელობის ეფექტიანი მმართველობის სისტემის და ტერიტორიული მოწყობის რეფორმის ცენტრის (CEGSTAR) და G3 წარმომადგენლებთან თანამშრომლობით.

September 19, 2014

დასუფთავების მსოფლიო აქციას ხობის მუნიციპალიტეტიც შეუერთდა (EN)

19, 20 და 21 სექტემბერს მთელს მსოფლიოში ტარდება დასუფთავების ყოველწლიური საერთაშორისო კამპანია - "დავასუფთაოთ მსოფლიო" (Clean Up the World), რომელიც 1992 წელს დაფუძნდა გაეროს გარემოსდაცვითი პროგრამის (UNEP) ინიციატივით.
კამპანია ტარდება „დავასუფთაოთ საქართველო საზოგადოების ცნობიერების ამაღლება და მისი ჩართვა მყარი საყოფაცხოვრებო ნარჩენების მართვის გაუმჯობესების პროცესში“ პროექტის ფარგლებში. გარემოს გაუმჯობესების მიზნით, კამპანიაში 19 სექტემბერს ჩაერთვნენ ხობის მუნიციპალიტეტის საკრებულოს თავმჯდომარე ედიშერ ჯობავა, გამგებელი გოჩა ქაჯაია, გამგებლის მოადგილე ვარაზ გაბედავა,საკრებულოს ბიუროს წევრები და აპარატის თანამშრომლები, გამგეობის სამსახურების, ხობის მუნიციპალიტეტის ადმინისტრაციული ერთეულების წარმომადგენლები და შპს „ხობი დასუთავება და განათების“ თანამშრომლები და დაასუფთავეს ქალაქისა და ადმინისტრაციული ერთეულების ცენტრის მიმდებარე ტერიტორია, ქუჩები და სკვერები.
აქციაში მონაწილეობის მიზანია მოსახლეობამ თავად შეიტანოს გარკვეული წვლილი მნიშვნელოვანი ადგილების დასუფთავებასა და ეკოლოგიურად უსაფრთხო და ჯანსაღი გარემოს შენარჩუნებაში. ხობის მუნიციპალიტეტში პროექტის კოორდინატორია მედეა ქობალია, კამპანია ტარდება ყოველი წლის სექტემბრში და მასში 130-მდე ქვეყანა მონაწილეობს, მისი დევიზია: „ჩვენი ქვეყანა... ჩვენი პლანეტა... ჩვენი პასუხისმგებლობა „დავასუფთაოთ მსოფლიო".
პროექტი ხორციელდება საქართველოს გარემოს დაცვის სამინისტროს მხარდაჭერით და შვედეთის საერთაშორისო განვითარების სააგენტოს (Sida) ფინანსური უზრუნველყოფით.
აქცია ხობის მუნიციპალიტეტში არ არის ერთჯერადი ხასიათის, მსგავსი ღონისძიებები მომავალშიც გაგრძელდება.

September 18, 2014

ხობელი თეიმურაზ კვიკვინიას წარმატება ჭადრაკში (EN)

17 სექტემბერს დასრულდა მსოფლიოს ხუთგზის ჩემპიონის - ნონა გაფრინდაშვილის სახელობის თბილისის საერთაშორისო ტურნირი ჭადრაკში. სადაც სხვადასხვა ასაკობრივ კატეგორიაში თავი მოიყარა 260-მდე მოჭადრაკემ მსოფლიოს ათამდე ქვეყნიდან. მონაწილეთა შორის იყვნენ ხობელი მოჭადრაკეებიც.
მიმდინარე წელს კიდევ ერთი წარმატება მიითვალა აქტივში ხობის მუნიციპალიტეტის პირველი მაისის საჯარო სკოლის მე-4 კლასის მოსწავლე თეიმურაზ კვიკვინიამ.
8 წლამდე ჭაბუკთა ასაკობრივ კატეგორიაში საქართველოს ჩემპიონატზე მონაწილე უძლიერესი შემადგენლობა ასპარეზობდა.
რეიტინგიანი ირანელი და სომეხი მოჭადრაკის მონაწილეობა დაძაბულობას მატებდა ტურნირის მიმდინარეობას ამ ასაკობრივ კატეგორიაში.
საბოლოო შედეგები ასე გამოიყურება:
1. დანიშვარ ბარდია(ირანი) 9 ქულა.
2.თეიმურაზ კვიკვინია (საქართველო, ხობი) 6,5 ქულა.
3.ალექსანდრე ყორღანაშვილი (საქართველო, თბილისი) 6 ქულა.
ტურნირის გამარჯვებულებს დიპლომები, მედლები და ფულადი პრიზები გადაეცათ.
თეიმურაზ კვიკვინია 18 ოქტომბრიდან პირველად მიიღებს მონაწილეობას ევროპის ასაკობრივ ჩემპიონატზე, რომელსაც ქალაქი ბათუმი უმასპინძლებს. თეიმურაზთან ერთად მონაწილეობას მიიღებენ ხობელები - დიანა ლომაია და ანა კვიკვინია.

<<
<
144
145
146
147
148
149
150
151
152
153
154
155
156
157
158
159
160
161
162
163
164
165
166
167
168
169
170
171
172
173
174
...
>
>>