SAKREBULO OF KHOBI MUNICIPALITY

Home
news

news

November 27, 2013

„მე ვარსებობ, მე ვაზროვნებ, მე ვქმნი" (EN)

ხობის მუნიციპალიტეტის გამგეობის კულტურის, განათლების, სპორტის, ძეგლთა დაცვისა და ახალგაზრდულ საქმეთა სამსახურის ინიციატივითა და ორგანიზებით 25 ნოემბერის მოსწავლე-ახალგაზრდობის სახლის დარბაზში გაიმართა ლიტერატურული კონკურსი „მე ვარსებობ, მე ვაზროვნებ, მე ვქმნი“, რომელსაც უძღვებოდა სპორტისა და ახალგაზრდულ საქმეთა განყოფილების უფროსი ნანა ბუკია. ღონისძიება ითვალისწინებდა ახალგაზრდებში საუკეთესო ლექსის, მოთხრობის, ესესა და ლიტერატურული ჩანახატის ავტორების გამოვლენას, მათ მხარდაჭერასა და პოპულარიზაციას. მასში მონაწილეობა მიიღეს მუნიციპალიტეტის მაშტაბით საჯარო სკოლების მოსწავლეებმა და უმაღლესი სასწავლებლის სტუდენტებმა. კონკურსს აფასებდა ჟიური, რომელმაც გამოავლინა შემდეგი გამარჯვებულები:
საუკეთესო ლექსისთვის პირველი ადგილით დაჯილდოვდა თსუ-ს სტუდენტი -ლევან სიჭინავა.
მე-2 ადგილი დაიკავა გია გელაშვილმა ლექსით -„ამბიცია“.
საუკეთესო ესეს ავტორი გახდა ელისო ჭუმბურიძე ესეთი- „მწარე რეალობა“.
მე-2 ადგილი გაიყვეს კონკურსანტებმა- მეგი ქარდავამ ესეთი -„იქ სადაც ტოლერანტობა სუფევს“, და მარიამ ქაჯაიამ ესეთი „გატაცება ერქვა, თორემ“...
სხვადასხვა ნომინაციებში გამოვლიდნენ გამარჯვებულები: თემურ ალანია- ტროპული მეტყველებისთვის, ბექა ჭითავა- ორიგინალური აზროვნებისთვის, ნანა მაშავა- სულიერი ღირებულებების წინ წამოწევისათვის, ველოდ შონია -ორიგინალური აზროვნებისთვის, გვანცა ცირდავა - ყველაზე ორიგინალურისთვის, რევაზ ქაშიბაძე -ქრისტიანული ხედვისთვის, გიორგი კემულარია - ლირიკულ-სენტიმენტალური აზროვნებისთვის, მერაბ და გულიკო ქვარცხავები - პატრიოტული სულისკვეთებისათვის, ნაზიკო ღურწკაია -რომანტიკული ხედვისთვის, ქრისტინე ჩაფიძე- ლამაზი ლექსისთვის, ჯენარ ლობჟანია --ყველაზე ნორჩი მონაწილისთვის, ნიკა ვადაქარია-ლირიკული ლექსისთვის, თამარ ლაშხია- იდილიურ-პასტორალური აზროვნებისთვის, დავით ბერაია და ხატია ხვიჩია -პატრიოტული აზროვნებისთვის. კონკურსანტები დაჯილდოვდნენ სიგელებითა და ფასიანი საჩუქრებით.

November 26, 2013

ბილიარდის ტურნირი დასრულდა (EN)

ხობის მუნიციპალიტეტის გამგეობის, კულტურის, განათლების, სპორტის, ძეგლთა დაცვისა და ახალგაზრდულ საქმეთა სამსახურის ორგანიზებით 23 ნოემბერს კლუბ „ბასაში“ დასრულდა 2008 წელს აგვისტოს ომში ტრაგიკულად დაღუპული რეზერვისტის მიხეილ იოსავას სახელობის თასის რიგით მეექვსე გათამაშება ბილიარდში. ერთკვირიან შეჯიბრში მონაწილეობა მიიღო 32 მოთამაშემ. ტურნირის ბოლოს გამოვლინდნენ სხვადასხვა ნომინაციებში გამარჯვებულები: ყველაზე უხუცესი მონაწილის პრიზის მფლობელი ლადო ალანია გახდა; ყველაზე ახალგაზრდა მონაწილედ სანდრო ჩიტაია დასახელდა; პერსპექტიულ მოთამაშედ აღიარეს თემურ სირაძე. ტურნირზე მე-3 ადგილი მოიპოვა თემურ წურწუმიამ, მე-2 ადგილზე გავიდა გოჩა კიზირია, ტურნირის ღირსეული ჩემპიონი და მიხეილ იოსავას სახელობის თასის მფლობელი ლუკა ლოლუა გახდა, რომელსაც საჩუქრად გადაეცა ღვთისმშობლის ხატი და მიშიკო იოსავას ოჯახის მიერ დაწესებული სპეციალური პრიზი.

November 21, 2013

მთავარანგელოზობას გილოცავთ (EN)

21 (8) ნოემბერს მსოფლიო მართლმადიდებლური ეკლესია მთავარანგელოზების - მიქაელისა და გაბრიელის დღესასწაულს აღნიშნავს.

ხობის მუნიციპალიტეტის საკრებულო გილოცავთ და მთავარანგელოზთა დასის მფარველობას გისურვებთ უკუნისამდე!

November 20, 2013

რამაზ კიტიას სახელობის ტურნირის გამარჯვებული საფეხბურთო სკოლა გახდა (EN)

11-18 ნოემბერს ხობის მუნიციპალიტეტის გამგეობის, კულტურის, განათლების, სპორტის, ძეგლთა დაცვისა და ახალგაზრდულ საქმეთა სამსახურის ორგანიზებით ჩატარდა სამსახურეობრივი მოვალეობის შესრულების დროს სოფელ ხურჩაში ტრაგიკულად დაღუპული რამაზ კიტიას ხსოვნისადმი მიძღვნილი მუნიციპალიტეტის ტერიტორიაზე არსებული წარმოება-დაწესებულებების პირველობა მინი-ფეხბურთში. ტურნირში 12-მა გუნდმა მიიღო მონაწილეობა. ფინალში ერთმანეთს დაუპირისპირდნენ ხობის საგანმანათლებლო რესურსცენტრისა და შპს „შარა-გზამშენის“, ხობის მუნიციპალიტეტის გამგეობის სახანძრო-სამაშველო სამსახურისა და ხობის მუნიციპალიტეტის საფეხბურთო სკოლის გუნდები. დაძაბული ბრძოლის შედეგად მე-3 ადგილის მფლობელი გახდა ხობის საგანმანათლებლო რესურსცენტრის ფეხბურთელთა გუნდი, მე-2 ადგილი დაიკავა ხობის მუნიციპალიტეტის გამგეობის სახანძრო-სამაშველო სამსახურის გუნდმა, ხოლო პირველი ადგილის მფლობელი გახდა ხობის მუნიციპალიტეტის საფეხბურთო სკოლის გუნდი. ტურნირის ორგანიზატორებმა და დაღუპული გმირის დამ ეკა კიტიამ გამოავლინეს საუკეთესო მოთამაშეები: მეკარე - გია არჩილია; მცველი - ანატოლი ჩიტაია; ბომბარდირი - ნიკა ვეკუა; უხუცესი ფეხბურთელი - ფრიდონ გოცირიძე; თავდამსხმელი - შოთა მიქავა და ტურნირის საუკეთესო ფეხბურთელად დასახელდა ზურაბ ლატარია, ისინი სამახსოვრო პრიზებითა და მედლებით დაჯილდოვდნენ. ტურნირის დასასრულს მონაწილეებმა მოინახულეს დაღუპული გმირის საფლავი და პატივი მიაგეს მის ხსოვნას.

November 19, 2013

ბილიარდის ტურნირი კლუბ „ბასაში“ (EN)

ხობის მუნიციპალიტეტის ორგანიზებით 18 ნოემბერს ბილიარდის კლუბ „ბასაში“ სტარტი აიღო 2008 წლის აგვისტოში ტრაგიკულად დაღუპული რეზერვისტის მიხეილ იოსავას სახელობის თასის რიგით მე-6 გათამაშებამ ბილიარდში, სადაც მონაწილეობას ღებულობს 32 მოთამაშე, მათ შორის საქართველოს პირველობის მონაწილეები და წინა ტურნირის ფავორიტები.

November 19, 2013

მიმდინარეობს ქალაქის ცენტრის გალამაზება (EN)

ქალაქის ცენტრში შპს „ხობი დასუფთავება და განათების“ ხელმძღვანელობით მიმდინარეობს გაზონების მოწესრიგება და დეკორატიული მცენარეების დარგვა.

November 18, 2013

საქართველოს რიგით მე-4 პრეზიდენტის გიორგი მარგველაშვილის ინაუგურაცია (EN)

17 ნოემბერს თბილისში საქართველოს რიგით მე-4 პრეზიდენტის გიორგი მარგველაშვილის ინაუგურაცია გაიმართა. ხობის მუნიციპალიტეტის საკრებულო ულოცავს და წარმატებებს უსურვებს ბატონ გიორგის ქვეყნის სასიკეთო საქმეში.

November 14, 2013

სპელეოლოგებმა ხობში დაზვერვითი ხასიათის კვლევები ჩაატარეს (EN)

მუნიციპალიტეტის ტერიტორიაზე არსებული მღვიმეების და გამოქვაბულების შესწავლის მიზნით, ადგილობრივი ხელისუფლების გადაწყვეტილებით, ხობს ეწვია სპელეოლოგთა ჯგუფი ელგუჯა ჯამარიშვილის ხელმძღვანელობით. სპეციალისტებმა დაათვალიერეს ურთის მთის მასივი და კარსტული ტბა “პაპანწყვირე“. კვლევები დაზვერვით-სამეცნიერო ხასიათს ატარებდა. ე. ჯამარაშვილის აზრით, მთის მასივის შესწავლა საინტერესოა, როგორც სპელეოლოგიური ასევე არქეოლოგიური თვალსაზრისით, რადგან მოსალოდნელია ახალი უცნობი მიწისქვეშა ობიექტების აღმოჩენა. ასევე ხეთის წმინდა მთავარანგელოზთა სახელობის ეკლესიის უკანა ნაწილში დაფიქსირდა პირველყოფილი ადამიანების ცხოვრების კვალი. სამომავლოდ დაიგეგმა ფართომასშტაბიანი კვლევა, რომელიც უახლოეს მომავალში განხორციელდება.

November 13, 2013

მაია ჩიბურდანიძის თასი -2013 (EN)

2-10 ნოემბერს ქ.ქუთაისში 160 მოზარდ მოჭადრაკეთა შორის ლეგენდარული ქართველი ჩემპიონის, მაია ჩიბურდანიძის თასი გათამაშდა. ფესტივალში მონაწილეობა მიიღო ხობის განათლების სასპორტო სკოლის ჭადრაკის ჯგუფის აღსაზრდელმა დიანა ლომაიამ, რომელმაც 8 წლამდე გოგონათა შორის პირველი ადგილი მოიპოვა.
ხობის მუნიციპალიტეტის სკრებულო ულოცავს ნორჩ მოჭადრაკეს გამარჯვებას და უსურვებს წარმატებებს.

November 12, 2013

რამაზ კიტიას სახელობის ტურნირი მინი-ფეხბურთში დაიწყო (EN)

11 ნოემბერს ხობში სტარტი აიღო მუნიციპალიტეტის ტერიტორიაზე წარმოება-დაწესებულებების პირველობამ მინი-ფეხბურთში, რომელიც მიეძღვნა სამსახურეობრივი მოვალეობის შესრულების დროს სოფელ ხურჩაში ტრაგიკულად დაღუპული პოლიციელის რამაზ კიტიას ხსოვნას. შეჯიბრში მონაწილეობას ღებულობენ ხობის მუნიციპალიტეტის გამგეობა, დაცვის პოლიციის, პოლიციის სამმართველოს, საფეხბურთო კლუბ „კოლხეთის“, შპს „დასუფთავება და განათების“, საგანმანათლებო რესურსცენტრის, რაიონული საავადმყოფოს, შპს „შარაგზამშენის“, სახანძრო დაცვის, ლიბერთი ბანკის, კრისტალის, კონსტანტას, სამაშველო სამსახურისა და საფეხბურთო სკოლის გუნდები. ტურნირი ხობის მუნიციპალიტეტის გამგეობის კულტურის, განათლების, სპორტის, ძეგლთა დაცვისა და ახალგაზრდულ საქმეთა სამსახურის ორგანიზებით ხორციელდება და ჯგუფური სისტემით ტარდება. გამარჯვებული გუნდი სპეციალური პრიზებითა და თასით დაჯილდოვდება.

November 6, 2013

ხობის „კოლხეთი“ სამტრედიის „სამტრედიას“ დაუპირისპირდა (EN)

6 ნოემბერს ხობის ცენტრალურ სტადიონზე საქართველოს XXV ეროვნული საფეხბურთო ჩემპიონატის მატჩი გაიმართა. სადაც ერთმანეთს პირველი ლიგის გუნდები ხობის „კოლხეთი“ და სამტრედიის „სამტრედია“ დაუპირისპირდნენ. მატჩი სტუმართა გამარჯვებით 0:2 დასრულდა.

November 5, 2013

შპს „ხობი დასუფთავება და განათებას“ ახალი ნაგავმზიდი მანქანები გადაეცა (EN)

ხობის მუნიციპალიტეტის გამგეობის მიერ შეძენილ იქნა ორი ერთეული სპეციალიზირებული ნაგვის გასატანი მანქანა, რომელიც საკრებულოს გადაწყვეტილებით, შემდგომი საქმიანობისთვის გადაეცა შპს „ხობი დასუფთავება და განათებას“.

October 31, 2013

პრემიერა კულტურის დიდ დარბაზში (EN)

30 ოქტომბერს კულტურის დიდ დარბაზში ხობის მუნიციპალიტეტის კულტურის ცენტრთან არსებულმა დასმა ჯემალ მონიავას ერთმოქმედებიანი კომედიის „ქორწინება განქორწინებით“ პრემიერა წარმოადგინა. ყოფით პრობლემებზე აგებულმა წარმოდგენამ დამსწრე საზოგადოების მოწონება დაიმსახურა. სპექტაკლის დამდგმელი რეჟისორია რამაზ ლოლუა. მონაწილეობდნენ: სალომე აბაკელია, მანანა შამათავა, მარინე ჯღარკავა, გელა შულაია, ტარიელ ზურაბიშვილი, რეზო თოდუა და რამაზ ლოლუა.

October 29, 2013

ბიუროს სხდომა (EN)

29 ოქტომბერს გაიმართა საკრებულოს ბიუროს სხდომა, სადაც განხილულ იქნა შემდეგი საკითხები:

1. ხობის მუნიციპალიტეტის გამგებლის მოვალეობის შემსრულებლის გ. ქაჯაიას 2013 წლის 28 ოქტომბრის N06/1498 წერილის განხილვა („შპს „ხობი დასუფთავება და განათებას“ დაფუძნებისა და წესდების დამტკიცების შესახებ“ ხობის მუნიციპალიტეტის საკრებულოს 2008 წლის 28 თებერვლის N88 განკარგულებაში ცვლილების შეტანის თაობაზე“ და „ხობის მუნიციპალიტეტის საკუთრებაში არსებული ქონების საპრივატიზებო ობიექტების ნუსხის დამტკიცების შესახებ“ განკარგულების პროექტის განხილვა).

(მომხსენებელი: ბ. ბერაია - ეკონომიკური განვითარების საკითხთა კომისიის თავმჯდომარე)

2. „ხობის მუნიციპალიტეტის ტერიტორიაზე სახელმწიფო და ხობის მუნიციპალიტეტის საკუთრებაში არსებული არასასოფლო-სამეურნეო დანიშნულების მიწის ნორმატიული ფასის დადგენის შესახებ“ დადგენილების პროექტის განხილვა.

(მომხსენებელი: ბ. ბერაია - ეკონომიკური განვითარების საკითხთა კომისიის თავმჯდომარე)

October 29, 2013

საკრებულოს სხდომის ანგარიში (EN)

29 აგვისტოს ხობის მუნიციპალიტეტის საკრებულოს სხდომათა დარბაზში საკრებულოს მორიგი სხდომა გაიმართა, რომელსაც საკრებულოს თავმჯდომარე მამუკა ქარდავა უძღვებოდა.

დღის წესრიგის დამტკიცების შემდეგ, სხდომაზე განხილულ იქნა საკრებულოს ეკონომიკური განვითარების საკითხთა კომისიის მიერ წარმოდგენილი დადგენილების პროექტი „ხობის მუნიციპალიტეტის ტერიტორიაზე სახელმწიფო და ხობის მუნიციპალიტეტის საკუთრებაში არსებული არასასოფლო-სამეურნეო დანიშნულების მიწის ნორმატიული ფასის შესახებ.“

მეორე საკითხად განხილულ იქნა ხობის მუნიციპალიტეტის საკუთრებაში არსებული ქონების საპრივატიზაციო ობიექტების ნუსხა, სადაც საპრივატიზაციოდ გამგეობის მიერ წარმოდგენილ იქნა ორი ავტომანქანა რენო-მეგანი და ვაზ-2107.

ამავე სხდომაზე საკრებულოს გადაწყვეტილებით შპს „ხობი დასუფთავება და განათებას“ გადაეცა ორი ნაგავმზიდი მანქანა. დღის წესრიგით გათვალისწინებული საკითხების განხილვის შემდეგ საკრებულოს თავმჯდომარემ სხდომა დახურულად გამოაცხადა.

<<
<
155
156
157
158
159
160
161
162
163
164
165
166
167
168
169
170
171
172
173
174
175
176
177
178
179
180
181
182
183
184
185
...
>
>>